منفوحة.. مستعمرة مصرية في السعودية !!
"إيه اللي جاب المصريين دول هنا .. فول وطعمية وفسيخ وكشري كمان.. حد يفهمني يا بني أدمين هما المصريين احتلوا البلد ولا إيه؟!"..
هذا المشهد خطر على بالي عندما ذهبت إلى حي منفوحة جنوب العاصمة السعودية الرياض لأول مرة، وذلك على طريقة الفنان محمد سعد في فيلم (عوكل) عندما فوجئ أنه بتركيا وشاهد القلعة بجانب البحر.
بسم الله ما شاء الله، الحي كله مصريين.. صعايده بالعمة الصعيدية التقليدية.. وفلاحين بالتلفيحه والجلباب المصري المميز.. ومصريين علي الطراز العصري بالقميص والبنطال. لا تشعر إنك بالسعودية إنك داخل مصر.. كله بيتكلم مصري.. "مصر كلها في منفوحة يا رجالة"..
البلطي والبوري المصري !!
أجواء الحي القريبة من أجواء مصر، كانت السر الرئيسي وراء إقبال المصريين العاملين بالرياض على الإقامة فيه، حيث يخفف ذلك من مشاعر الغربة التي يعانون منها، كما أن مستوى المعيشة في الحي مناسب جدا للشباب الذي يذهب للملكة للعمل وتكوين نفسه..
يقول "أحمد السيد" وهو مهندس من محافظة المنوفية يقيم في منفوحة : "عندما تسير هنا في الشوارع تشعر بأنك تسير في أحد أحياء مصر الشعبية، فأغلب الوجوه التي تقابلها هي وجوه مصرية ". وأضاف: "جميع الأطعمة المصرية الشعبية التي لا يمكن أن تخطر لك علي بال توجد هنا".
فعندما تتجول في شوارع منفوحة ستقرأ علي البقالات والمحلات عبارات من قبيل "هنا تباع جميع الأطعمة المصرية"، "هنا تجد جميع الأجبان والمخللات المصرية"، "هنا يباع البلطي والبوري المصري" "فول وفلافل" و"جميع أنواع الفطير المشلتت والخبز المصري"، "حلاق مصري"، وهناك محلات أخري لبيع الفسيخ والكشري و السمين.
يقول"أسامة عبد لله" وهو مصحح لغوي يعمل بأحد دور النشر بالرياض إنه يقيم بمنفوحة منذ 10 سنوات ويشعر كأنه يعيش في بلده تقريبا، فهناك المأكولات المصرية والأجواء الاجتماعية المصرية حيث يتزاور مع زملائه وأبناء بلده من المصريين.
يا بلاش !
رخص الأسعار وخاصة أسعار السكن في هذا الحي مقارنة بأحياء الرياض الأخرى وخاصة الراقية منها كانت سببا آخر وراء إقبال الكثير من المصريين على الإقامة في هذا الحي حيث إنهم بطبيعة الحال يسعون لادخار أكبر مبلغ ممكن من الراتب الذي يتقاضوه.
يقول "محمد العسيلي - وهو صحفي من الشرقية - إنه عندما قدم للعمل بالسعودية فوجئ بأن مقر عمله في حي العليا بوسط الرياض - أحد الأحياء الراقية- وعندما سعي للبحث عن سكن وجد أن الأسعار في هذا الحي مرتفعة للغاية حيث لا يقل سعر شقة مكونة من غرفتين وصالة عن 14 ألف ريال في العام (الدولار يساوي 3.75 ريال). وأضاف أن زملائه في العمل أشاروا عليه بالبحث عن سكن في منفوحة، فعمل بالنصيحة ووجد سكنا بـ 5 آلاف ريال فقط في العام.
"محمد سعيد" - محاسب من كفر الشيخ و يقيم بمنفوحة- يقول إنه يعمل بحي السفارات في قلب الرياض، وهو من الأحياء الراقية التي ترتفع فيها الأسعار بصورة جنونية. وأشار علي سبيل المثال إلي أنه دفع 200 ريال ثمنا لوجبة سمك لفردين بأحد مطاعم حي السفارات، وأن هذا المبلغ يكفي لتلبية حاجاته الغذائية في منفوحة لمدة شهر كامل حيث تتوفر الأطعمة في الأسواق الشعبية بأسعار معقولة.
بعض المصريين دفعتهم طبيعة عملهم للإقامة هناك، ومن هؤلاء "جلال أحمد" من المنصورة الذي يعمل بأحد محلات العصير في منفوحة، "فكل البائعين – كما يقول - في محلات القصب من المصريين حيث يحرص الكفيل علي أن يكونوا من كذلك لأنهم يحسنون معاملة المصري الذي يتردد علي محلات القصب. ومنفوحة بها ما لا يقل عن 30 محل لعصير القصب، لأن الكفيل السعودي يستجيب لطلبات السكان هناك، وهم أغلبية من المصريين تشتاق لشرب عصير القصب".
حتى الزواج أسهل !
"أحمد سمير" مهندس من إمبابة بالقاهرة، دفعه البحث عن زوجه إلي السكن في منفوحة، ويروي قصه زواجه قائلا أنه عندما أراد الزواج من مصرية ذهب إلي أحد أقاربه الذي اختار له عروسا مصرية بنت أحد زملائه بمنفوحة، وأضاف أن عروسه اشترطت عليه الإقامة في هذا الحي بجوار أهلها.
ويشير محمد أحمد، عامل مصري، إلى أن تكليف الزواج في منفوحة منخفضة للغاية حيث يمكن للشخص أن يتزوج ب نحو9 آلاف ريال فقط، 5 آلاف لإيجار الشقة، و4 ألاف لتجهيز الشقة بالكامل. وأشار إلي أن حراج أبو القاسم (الحراج هو السوق الشعبي) القريب من منفوحة تتوفر به متطلبات تجهيز عش الزوجية من الأدوات الكهربائية والموبيليات والمفروشات، وبربع أسعارها تقريبا، رغم أن حالتها جيدة جدا ولا تقل بأي حال عن الجديدة.
وتتوافر في منفوحة أيضا محلات يطلق عليها (أبو ريالين) تشبه في مصر محلات (كل حاجة بجنيهان) وفيها تجد كل شيء من الأدوات المنزلية بأسعار رخيصة جدا. وتعد الجالية المصرية ثاني أكبر جالية في السعودية بعد الجالية الهندية حيث يقدر عدد المصريين العاملين في هذا البلد بنحو مليون شخص...
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
اتخطفت بدري بدري يا غاليه . معلش يا بطه نعمل ايه بقي
هي كدا بلاد الافرنجه ولا مش افرنجه حتي .
يلا الكلام دا حقيفه وكل حته تلاقي فيها مصرين تلاقي شيشه وفلافل.
والغربه جاتله يا بوي والسلام لابن عم اكرم اللي مسافر يا حبت قلبي من يومين نصيحه سمعه اسماعيل البلبيسي وهش الدبان من علي " وشه "
السلام عليكم كم هذا الموضيع جميل وشيق لان المصريين فى الغربة الحاجات دى ولو انها بسيطه بتفرق معاهم قوى وتحسسهم انهم فى بلدهم وياريت يكون فيه منفوحه فى جده وغيرها من الاماكن فى المملكه لكل المصريين وعلى فكرة انا اخى يعمل فى جده ويسكن فى شقه ايجارها غالى يصل الى 18000 ريال فى السنه فى منطقه اسمها الفيصلية هل هذه المنطقة غالية الايجار فعلا وهل توج مناطق اسعار الايجار فيها اقل افيدونى لو سمحتم وشكرا
انا بفكر فى الجواز من شهرين تقريبا ومش لاقى حل دلوقتى لاقيت الحل الهو انى اتجوز فى منفوحه ودا هو حل مشكلة الجواز والبطالة كمان
شكرا ع الموضوع
سمعتوا آخر نكته؟
السيده أم كلثوم كانت بتغني علي المسرح بتغني بتقول"أروح لمين ؟ أقول يا مين؟"
واحد بلادياتنا قالها "لمي خلجاتك و تعالي نروح منفوحة
(أحييك فعلا علي الموضوع يا علاء)
عمار يا سعوديه بالمصريين
الغربه شعور دائم و لا الواحد مسيره هيتعود و الغربة ان الواحد يعيش بعيد عن اهله و لا الواحد يعيش في بلد مش بلده و هل ممكن الواحد يحس بغربه و هو عايش في وسط اهله و في وسط البلد ( او في المؤسسه مش مهم )
اما عن هبهوب فاقولك شدي حيلك الطعمية غاليه عندكوا قوي
كان عندي واحد صحبي بيدرس في فرنسا و كان بيشتغل في مطعم كان بيبيع قرص الطعمية ب 50 فرنك و النكته كان بيجيلوا ناس يقولوا no oil
الاخ حمزة انا برضه عايز اتجوز لما تسافر هناك ابقى قوللى عشان نروح مع بعضينا
الموضوع كويس جدا
بس انا عايز اعرف هما ليه لسه ما علموش الجسر الموصل للسعوديه لحد دلوقتى يمكن عشان ما نحتلهاش ولا خايفين من الصعايدة والعمم وكدة..............
وأحسن ناس وأحنا مبسوطين بجيرتهم ناس
اهل ابتسامه ونخوه وأهل كرم , أهني أنفسنابهم احنا السعوديين
حفقعواغريبٌ أنا ! أم زماني غريبُ؟!
وحيّرَ فكري السؤالُ العجيبُ!
غريبٌ ! وكيفَ وكلُّ شعـاعٍ
سرى في السماء لعيني قريبُ؟!
غريبٌ! وكيف وكلّ جمـالٍ
بهذا الوجـودِ لقلبي حبيبُ؟!
وكيف أكون غريباً وحولي
حبورٌ ونورٌ ولحنٌ وطيـبُ؟!
وعندي رجاءٌ ..وفوقي سماءٌ
تظلُّ، وشعرٌ ،وفكرٌ خصيب؟!
وكيف أكون غريباً وشمسي
أقامت بطول المدى لا تغيبُ؟!
وكلُّ البرايا معي ساجـداتٌ
لِـربّي نُلبـّي ...له نستجيبُ
فذرّاتُ هـذا الوجـودِ تلبّي
وأسمعُـها لو تَشِـفُّ الغيوبُ!
تسبّحُ سـرّاً بغير ذنـوبٍ!
أسبِّح جهراً وكُلّي ذنـوبُ!!
غريبٌ أنا! أم زماني غريبُ؟!
يحيّرني ذا السـؤالُ العجيـبُ!
غريبٌ! وكيف وهذي سبيلي
وغيري هوى،ضيَّعَتْهُ الدروبُ؟!
وكيف ودربي ابتداهُ الرسولُ
يقود القلوبَ،فتحيا القلوبُ؟!
أنا إنْ سجدتُ أناجـي إلهي
فؤادي يطيبُ ، وروحي تذوبُ
أعيش بظلِّ النجـاوى سعيداً
فأدعو ،وأدعو ،وربّي يُجيـبُ
وربي قريبٌ، قريبٌ، قريبُ
فكيف يُقـال: بأني غريـبُ؟!
واحده
لاوالقرف كمان الحراج ده ..ده عفش مستعمل ..ده ايه الفضايح دي
وقاعدين تتكلموا عن الغربة والحنين و الهبل ده
ايه يا كابتن شمحطجي تعمل ايه بقي فيا انا بت " فقر " اصلي زهقت من الكرواسون والدونت "
مش عايزه اقولك اني كنت بدور علي المش " بدوده" ويا سلام لو حته بطيخه .
يا ككابتن " شمجطجي " في بلاد ما وراء المحيطات اللحم الابيض ارخص حاجه يا باشا وسلام .
فيها ايه يعنى ان يقيم المصريين حى ليهم يبرد نار الغربة شوية بالعكس دى حاجة كويسة
وده مش فضيحة ان الانسان يتمسك بعاداته وتقاليده طالما انها حلال انما الفضيحة ان يتخلى الانسان عن أصله ويتطبع بطباع البلد الغريبة عنه
خليتينى اعيط يا هبهوب
بس مين اللى كاتبها و بلاش اسماعيل البلبيسى تانى
و لاكرم مش قلنا كلنا مبعدون
انظر عشرينات موضوع لم الشمل
وحشانى يا هبهوب
انا بقا اللي مشغوله الكام يوم اللي جاين لاسف الشديد
الي ما شفت سويت ولا الايميل وحتي لو شفته الجهاز خربان مبشفش العربي يا جدعااااان الله يسمحه بقي , دا حتي " عبد العززززززيز" مسمعتش تعليقه علي المذكرات اللي عفنت .
ونفين " اللي لسه ما عملتش الايميل بس احب اقولك حاجه هو وصلني بس كان " طلاسم "
القصيده مش عارفه مصدرها بالزبط بس انا كنت حافظها عندي من مده .
وانت اكتررررررررر يا جميل "وحشني"
انتي نايمة و لا ايه يا هوبي ؟؟؟ انا مش شكرت في المذكرات دي قبل كده و قلتلك اجمل ما فيها عفويتها و صدقهاو لغتها المحلية الجامدة موت
انت نسيتي
قلبي كده في الارشيف هتلاقي عبد العزيز هناك اكيد
انا من الناس اللي عاشوا في المنفوحه 17 سنه وفعلا انا بعتبرها من افضل الاحياء في المملكة مش عشان كل الكلام اللي فات ده لا بالعكس عشان قدرت انها تكون وسط الرياض فرضت على الجميع بما فيهم السعوديين انفسهم انهم يرحوا لهناك وانهم يكلوا اكلنا وانهم يتعلموا لغتنا فرضنا عليهم ثقافتنا ولبسنا بس الصراحه انا خلال ال 17 سنه اللي قاضيتهم هناك مشوفتش لا قهاوي ولا شيش خالص جايز خلال ال5 سنين اللي رجعت فيها لمصر اتغيرت بس مش عارف انا مصدقش ان هيئة الامر بالمعروف حتسيب قهوه هناك مفتوحه كده وفيها شيشه ......؟
انا مصرى و فخور جدا اني مصري موضوعك جميل بس عيب اوي لمل تحسسنا ان المصريين زي الجراد بيسطوطنوا في اي حته كمان لمل تسافر هتعرف معني الغربه وساعتها هتتمني واحد مش من بلادك بس حتي بيتهته عربي عشان تكلمه وعايز اقول ان الفرق بين مصر واي دوله عربيه اننا بنستضيف العرب و مابنسالش او مش بنضايق منهم
للاسف المصريين في الغربه اغلبهم بياكلوا في بعض وبيعملو حاجات تخلي السعوديين ياخدو افكار سيئه .مش هقول كلهم لان فيهم المحترمي
3a rasi kol ahel maser wa 3a rasi a7la nafs argeleh wa a7la z3'looooooooooooooooool
لماذا كل هذا العجب ولاستغراب فمنفوحه ليست مستعمره مصريه بل السعوديه هي البلد الثاني لاخواننا العرب من اي مكان هي وطن الجميع بكرم اهلها وسماحتهم حسن تعاملهم مع كل اخوانهم العرب والمسلمين فوالله اني لاتمنى اليوم اللي تكون فيه العرب دوله واحده مترابطه بلا حدود ولا جمارك دوله واحده لها هيبتها وقوتهاومكانتهايسودها الامن والتكاتف والتعاون باسم الدين الاسلامي والعروبه الصادقه ملينا من التفرقه والشتات والله يحقق لنا الوحده والنصر على الاعداء:امين
انا كمان عشت فترة في الرياض في حي الورود لو تعرفوه/ سمعت عن المنفوحة بس مزرتهاش.. رحت مكان اسمه "البطحا" بردو فيه مصريين
وعموما هناك في حدائق عامة تعال يوم خميس وجمعة كدة وانت تلاقي جمهورية مصر العربية كلها مشرفة
بالاختصار صح ان في تجمع مصريين في منفوحة بس مش كل المصريين يقدرو يعيشو هناك
لكن على كل حال المصريين الي في الرياض أحسن حالا من المصريين الي في أي مدينة تانية في المملكة
هناك يمكن عشان العاصمة فامهتمين بيهم كتير جدا حتى السفارة بتعمللهم انشطة وحجات يتحسدوا عليها بصراحة
ربنا يرجع كل مصري "عايز يرجع" لبلده
وأنا أولهم يااااااااارب أرجع يارب
انا محمد من مصر ممكن يا عم الحاح تعمل فيا صواب وترسل ليا عقد عمل فى امريكا لالا فى السعوديه انا غلطت ممكن انتا ما انتا عارف ان السعوديه ديت فى الاصل كانت ملك المصرين ولا اقولك ذاكر تاريخ كويس وانتا تعرف يلا ومتنساش ترسل ليا العقد وياريت يكون فى نيويورك لا لا قصدى فى الرياض وكفايه عليك لحد كدا الراسل محمد من مصر
ليس عيباان تأكل من خيرات الله ماتريد بعرقك وتعبك لكن العيب ان تسرق اوتنهب اوتخطف جوال.... ثم ان في المنفوحه اللي مش عجباكم مهندسين ومحاسبين وفنيين على مستوى عالي ثم تعالى لنرى المنفوحه رغم كثافة المصريين السكان بهاإلا أن اقل مشاكل من مناطق كثيرة ولاحظ ان معظم المشاكل بالمنفوحه ليست بسبب المصريين وأخير العيب ليس في الفول والطعمية لكن العيب في قلة التربية.؟
منفوووووحة من افضل الاماااكن في مدينة الرياااض لتووووفر المراااافق العااامة والامااكن التجااارية وتجد سهولة في كل امااكنها من طريق وغيرة وعااااشت منفوحة وليخسى الخااسئوون
السلام عليكم
تعليقي علي كلام الاخوة المتعصبين يعني ايه مصري ويعني ايه السعودية كانت تحت حكم مصر ويعني ايه امريكا اقصد السعوديه يااخواننا عيب احب اذكركم ان الكلام ده يدل علي جهل قائله وانا لا اجرح في شخص بعينه ولكن انا اصف الواقع فعلا موضوعك يستحق الاهتمام المصري في السعوديه هو المصري في السعوديه الكفيل مش هو خادم الحرمين ولا العامل المصري هو حسني مبارك وكامن الاخ اللي بيقول فضجتونا يااخي شوف اكل الناس في تايلاند بياكلو خنافس وصراصير وفي كوريا بياكلو الكلاب وفرنسا الضفادع ليه عقده الدونيه دي انت لازم تكون فخور بالملوخيه بالارانب والفلافل والمسقعه احنا كمان بناكل الاكل السعودي او الخليجي بصفه عامه ايه المشكله يااخي كلنا مسلمون وغير المسلم عربي ايضا مثلنا وشكرا.
طاش ما طاش هههههههههههههههههههههههههههه
على فكرة كل المصريين بيتبضنوا اوى اوى من طاش ماطاش دى
يابن بص يابنى على اللى مخلى السعودية دى وشوف مين اساسا اللى عمل السعودية بتاعتكم دى
كفايا ان معندكمش مدرسين وبتيجوا تاخدوا من عندنا
وكفايا ان معندكمش مهندسين وبرضوا بتيجوا تاخدوا من عندنا
اية دا بيتأمروا على اية يا خويا دول
اللى شايفنى نفسهم
في ليبيا اللجان في كل مكان في باكستان البتان في كل مكان في مصر المصريين تايهين ههههههههههههههههههههههههه
عيب ياأخ تعيب فى مصر والمصريين وكذلك لاداع للنكات على على المصريين و المنطقة المنفوحه لأن ظروف هؤلاء لايعلمها الا الله