انتقل إلى المحتوى
عشريناتأرشيف موقع الشباب العربي ٢٠٠٤–٢٠٠٩

تتجوز روبي؟!

قراءة في ٣ دبقلم علي زلط

روبي.. تعرفها؟!.. روبي الفنانة، الراقصة، الـ... الـ...، مش مهم وصفها إيه.. المهم إنك تعرفها.. تحب تتجوزها؟!.. ده جواز "لُقطة".. ها.. موافق أكلمها لك؟!

سألنا كريم محمود طالب كلية الإعلام جامعة القاهرة، "تتجوز روبي؟!" رد قائلاً: "رغم ما يقال عن الوسط الفني، إلا أنني لا أرفض الارتباط بفنانة من الوسط، لكن بشرط أن تكون محترمة في أدائها الفني"..!

أتجوزها لو أتحجبت!!

ويكمل كريم: "أما في حالة روبي؛ أرفض تمامًا، أنا لا أقبل أن تكون زوجتي مشاع للجميع، فلا بد لزوجتي أن تكون خاصة لي، ولا تكون فرجة".. ثم فكر كريم قليلاً وأضاف: "يمكن أقبل أتجوزها لو قررت تلبس الحجاب زي أي مسلمة عادية"!!

ويؤكد الطالب أحمد أبو العلا الطالب بكلية التجارة، أن روبي لا تصلح شريكة حياة، ولما سألناه عن مواصفات شريكة حياته، قال: "معيار الدين قبل كل شيء، وروبي ما عندهاش دين"!

ف الحرام..آه .. ف الحلال.. لأ!!

وكما علمونا في الحضانة أن من جد وجد ومن زرع حصد، جاء رأي محمود إبراهيم صريحاً وصادماً لنا جداً جداً، ننشره لروبي قبل أن ننشره للقراء، فمحمود يقول: "بصراحة محدش يرضى يتزوجها"، وأضاف: "يمكنني أن أعيش معها في الحرام، لكن أن أرتبط بها في مشروع زواج وأرضاها أماً لأولادي فلا.. وألف لا"!

زواج فاشل أكيد!

سألنا الطالب محمود حسن من كلية الآثار عن التناقض في تصرفات الشباب، بين مشاهدة كليبات روبي وأخواتها وبين رفض فكرة الارتباط بهن على الرغم مما سيحققه هذا الارتباط من شهرة، وأموال.. فرد محمود: "المسألة لا تعدو أكثر من إعجاب بالصورة فقط.. لكن لا تصلح للزواج إطلاقًا؛ فهي رغم المال والشهرة والمظهر، ستقضي على أهم ركن في الحياة الزوجية وهو السعادة"!

ويضيف محمود متسائلاً: "كيف سيتحقق الاتفاق وهي كفنانة – متحررة – تريد أن تأخذ راحتها فتخرج في الوقت الذي تريد، وتذهب حيث تشاء وتتأخر عن البيت لارتباطاتها التي لا تخلو من علاقات مثيرة للشك لا أقبلها كزوج غيور على دينه وعرضه. ومن هنا فأنا أعتبر أن هذا الزواج محكوم عليه بالفشل".

ويستدل زميله محمد عفيفي على فشل هذه العلاقة بالنهاية المأساوية التي انتهت بها قصة الفنانة ذكرى – على الرغم من الفرق الهائل بين النموذجين من وجهة نظره – والسبب كان شك زوجها رجل الأعمال الشهير في سلوكها، فحدث ما حدث، هذه كانت ذكرى .. مابالكم بزوج روبي؟!.. لذا ففكرة هذا النوع من الزواج مرفوضة.

تقاليد مختلفة

قلنا قد يكون المسلمون "محبكينها شوية" في هذه القضية، ذهبنا إلي الطالب المسيحي مايكل عادل، وجدناه لا يختلف عن سابقيه، فمايكل يرفض الزواج من روبي أو من أية فنانة من الوسط الفني، ويقول: "تقاليدنا غير تقاليدهم، فما نراه في التليفزيون منفصل تمامًا عن واقعنا الحياتي، وهذا لا يعني أنني متزمت أو منغلق، ولكن هناك فرق بين الحرية، وعدم الحياء"!

ويحكي مايكل: "ده حتى أغنية روبي في الدش لما تيجي أدير القناة؛ لأنه من المستحيل أن أشاهد الأغنية بحضور أخواته والدتي وإخوتي الصغار"..

يقولوا إيه.. أمهم راقصة؟!!

ويضيف مايكل: "لو فُرِض جدلاً أنني سأتزوج روبي؛ فسوف أفرض عليها شروطاً تتعلق باللبس والخروج من البيت.. وطريقة الحركات والكلام.. وحتى مع افتراض حدوث ذلك، أخشى على أولادي مستقبلاً من أن يعايرهم زملاؤهم في المدرسة؛ لأن أمهم راقصة..!!

- لماذا حفظنا كلمات أم كلثوم ورقصات روبي؟!

- القرش الحلال ضد روبي ومروة..!!

الكتّاب

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. لول اللول حُفظ في
    لول اللو اللول اللول
    زغاريت فرح الرجالة قوي الجدعان قوي
    وبعدين مين هيتجوز روبي لا مؤاخذة
    ويا ترى هيكون وضع شريف صبري ايه في العملية؟
    مأذون مثلا؟
    ولا ايه؟
    وبعدين يا جماعة الجواز سكة وروبي سكة تانية خالص
    أنا هقول
    أصل الحكاية إن إن .... ولا بلاش
    مش قادر أكمل معلهش
  2. بيرو حُفظ في
    روبي.....
    ودي حد يتجوزها دي ....؟؟
    مفيد فوزي قالها ...
    لا روبي ولا نانسي ولا هيفاء ولا اي واحدة منهم تصلح للزواج...
    الزوج هيشوف أيه أكتر من اللي الدنيا كلها شافته ...
    قال يتجوز روبي قال !!!!!!!
    عليا النعمة دي تهيسة محصلتش..!!!
  3. sssss حُفظ في
    ياعم متتجوزها انت وتخلصنا بقى ولا انت يعنى عينك فى البيعة وتقول يفتح الله
  4. أشوفك آه أتجوزك لأ حُفظ في
    يامولانا روبي دي للعرض - بالضاد لغة العرب - فقط وياريت كمان يكون ممنوع اللمس.....
    ياحفيظ
  5. ثائر 1 حُفظ في
    هل تنفع روبي ان تكون سيدة منزل ... وأم أطفال .... وزوجة
    صالحة طاهرة عفيفة شريفة.... لا أعتقد سيدي .... وطبعا لن
    أتكلم عن الدين وانا تعمدت ذلك لأنها بعيدة عنه بعد الشمس أو
    اكثر فلا نجهد أنفسنا في ذلك
    و إذا فكرت في الزواج منها (والعياذ بالله)... فما هي الإفادة
    التي سأحصل عليها؟ .. ما الذي سيميزني عن أي شخص أخر
    يراها .... فالرجال بصفة عامة لا يحبون الشئ المستهلك (تفهم
    قصدي)
    والأخ الذي يقول إنه قد يتزوجها لو لبست الحجاب .. أول له ...
    أنتظرها لسنوات حتى تهرم ويلقي بها المنتجين جانبا فتتحول إلى
    الشيخة روبي وأحسب إنك لو رزقت منها بفتاة فسوف تصبح أبا
    لنجمة ( صاروخ كما يسمونهاوبنت الوزة وزة)في إعلان عصير أو في
    أغنية وطنية (ولا هو جاني كدى ) طبعا بعد تركها للبيت *** فليس لبس الحجاب هو التطهر من المعاصي ( قال الرسول-ص- تخيروا
    إن العرق دساس)
    بلغوا روبي تحيات........... مش تحياتي طبعا
    *** تم حذف العبارة غير اللائقة
    * والتعليق منقول من ساحة حوار إسلام أون لاين التي نشرت مداخلة عن نفس الموضوع
  6. هو ده يا جماعة كلام يتعمل عليه موضوع كامل!!!!! حُفظ في
    مين روبي علشان يتعمل عليهاكل الهلمة دي؟؟؟
    على كدة بقى حيكون الموضوع الجاي عن نانسي عجرم و اللي بعده هيفاء وهبي ... إيه الهجص ده؟!
    و الحقيقة أراء الشباب غريبة و خصوصاًالأخ محمود إبراهيم الي بيقول إنه ممكن يعيش معاها في الحرام لكن مستحيل تكون زوجته و أم أولاده و الحقيقة ده أسوأ مثال شفته في حياتي و اللي بيقيد طريقة الرجل الشرقي ( إمشي مع البنات اللي تعجبك لكن اللي حتتجوزها دي حاجة تانية ) إتقوا الله بقى, الحقيقة و مع الأسف نموذج محزن و مقزز للغاية, يا جماعة أرجوكم كفاية كلام عن روبي بقى سيبوا الناس في حالها دي أعراض بنات برضوا و ربنا يتوب عليها و علينا و يستر على ولايانا, يا رجالة كفاية بقى حرااااام!
    من أختكم في الله.
  7. مساء الخير حُفظ في
    اما لم ارى هذه الوجه من قيل ولا اعرف هذه السحنه ! ولا ارى انه من الضروري اعطاء شخص ليس بهذه الاهميه كل هذا الاهتمام والتجوال بين الناس وسؤالهم ( تجوز روبي ؟ ) هو السباب لاقي ياكل علشان يتجوز اي حد ، وبعدين لما نقولهم تتجوزوا نكلمهم عن روبي ده ايه النكد ده ياربي الشباب هيلاقيها منين ولا منين .
    وبعدين حد يقولي مين روبي دي يا اخوانا انا معرفهاش !!!
  8. إلى محمود إبراهيم القاطن في دير النحاس حُفظ في
    انا كل ما أقوله آه يقول لي هو لأ طب لأ لأ لأ
  9. s s p حُفظ في
    تاني يا استاذ علي .. تاني تاني .. روبي وهيفاء وهبي والفاتنات الناعسات ....
    ثم انت فاكر ايه روبي هتلاقي حد يتجوزها ويفرح بيها ...
    سعادة زوجية بقى .. مش سعادة احنا مالنا ....
    انت شاغل نفسك بالموضوع ده ليه ... عاوز تتجوز روبي اجوزها لك وخلاص
  10. الرماية _القاهرة حُفظ في
    روبي مش ممكن حد يتجوزها ويكون مسلم
  11. الموضوع ده مش جديد حُفظ في
    بقول متهيئلي شوفت الموضوع ده قبل كده بس يا ترى فيييييين ... فيييييين
    مش فاكر هافتكر وأقولكم
    بااااااااااااااااااااااااااااااااااااااي
  12. بدر حُفظ في
    موضوع قديم
    ولا اقولك اتجوزها انت وخلصنا
  13. مكنتش عايزة أخش حُفظ في
    ياجماعة نفسى أخش مرة و ملاقيش حد بيتكلم عن روبى و مثيلاتها, صدقونى هوا دة اللى عايزينوا من الشباب,هما صدرولنا روبى وغيرها عشان يشغلونا عن كل حاجة, المشكلة مش فيها, و مش الحل ان احنا ننقدها,احنالو بطلنا ننقدها دة هيكون اكبر دليل على عدم تأثرنا بيها,وشوية شوية هى و اخواتها كلهم هىغوروا فى داهية, داتهم القرف ملوا البلد,دة اصلا لو انتوا عايزنهم يغوروا,ولا هوا نقد و خلاص, دة موضوع تانى بقى......... عموما اللى مش متاثر بيها و الراجل الجدع فيكم يلم عزالوا و يمشى من هنا و ميجيش تانى..و لية عندى عروسة احسن و احلة منها مليون مرة.........وروبى نفسها ميهمهاش نقد بس هتتحرق اوى لو ملقتش حد بيتكلم عنها و بينهش عرضها, هتتحرق نفسيا و فنيا ولون خسارة فيها الكلمة,واظن الشباب فهمين و عارفين كل دة,,,,,,,,,,,,,,,,,,,,,,,,,,,,,,,,,,ووووووووووفكر شوية يا بو دم حامى....................... بكرة خلاص فى تفتيش,عايزاكوا تخلوا المنطقة,,,,,,,, الهم بلغت الهم فاشهد
  14. إلي بيشتم روبي حُفظ في
    إيه موقف شريف صبري من الناس دول
  15. تتتتتتت حُفظ في
    انامش عارف وبس
العودة إلى الأعلى