أنا ورئيسي.. والرسوم المسيئة!
عقاباً لي على عدم حضوري اجتماع صباحي روتيني داخل موقع عشرينات بالقاهرة، طلب مني رئيسي أن أنشر موضوعاً ساخناً اليوم لكي يوقظ الناس من منامهم وثباتهم وسُباتهم، أو كما قال..
فكرت طويلاً: هل أكتب عن اختفاء عمرو خالد؟!.. أم عن "نطحة" زيدان في نهائي كأس العالم؟!.. أم عن "شذوذ عمارة يعقوبيان".. أم عن منع الرقابة لأغنية "واوا أح"، يبدو لأن (واوا) كلمة خارجة!
وفجأة وبضغطة بسيطة على زر الماوس، وجدت نفسي على موقع أو مستنقع الموضوعات الساخنة، ألا وهو بالطبع موقع العربية.نت؛ فهناك يمكنك أن تجد ضآلتك بكل سهولة، وهو ما حدث لي.. وضآلتي كانت خبراً صغيراً نُشر اليوم الثلاثاء 11/7/2006 عن الرسوم المسيئة..
الرسوم المسيئة.. أتتذكرها؟!
فقد أعلنت الشبكة الدولية لحقوق رسامي الكاريكاتير، التي تتخذ من دينفر في الولايات المتحدة مقرا لها، عن تكريم 11 رسام كاريكاتير دانمركياً، رسموا مجموعة الرسوم الكاريكاتورية المسيئة للنبي محمد صلى الله عليه وسلم في صحيفة "يولانز بوستن" في سبتمبر الماضي، والتي أثارت موجات احتجاج واسعة في بلدان العالم الإسلامي.
وجاء إعلان الشبكة الدولية لحقوق رسامي الكاريكاتير CRNI عن الجائزة الشهر الماضي في احتفال رسمي وسط دينفر بالولايات المتحدة الأمريكية، كما ذكر بيان صادر عن المنظمة الدولية لحرية التعبير.
وقالت الشبكة الدولية: "إن هذه الجائزة مخصصة لرسامي الكاركاتير الذين يؤدون عملهم بشجاعة، ونحن بكل فخر نعلن وقوفنا إلى جانب هؤلاء الرسامين في الدنمارك حتى يتمكنوا من التعبير عن آرائهم سواء لاقت شعبية وترحيبا أم لا".
وأشارت الشبكة الدولية لحقوق رسامي الكاريكاتير إلى أن الرسامين الذين حصلوا على الجائزة تم تفويضهم من قبل صحيفة "يولانز بوستن" لنشر الرسوم التي أدت إلى نشوب أزمة بين الدانمرك والعالم الإسلامي الذي اعتبرها مسيئة للرسول.
انتهى الخبر الذي كتبته ليلاً وتركته لرئيسي – منشوراً على الموقع- لكي يراه عندما يستيقظ هو من منامه، ولكن أخشى أن يأتي صباحاً ويحذف المقال؛ لأن الناس نسيت القضية؛ فسيادته يريد خبراً ساخناً عن قضية يتذكرها الناس، وهذه القصة، كما نقول في الصحافة، لم تعد "تبيع"!
ساعات قلائل وتشرق الشمس ويدخل رئيسي المكتب ويفتح جهازه لكي يرى ما اقترفته أنا في المساء، فأرجوا أن تثبتوا له أن القضية تستحق النشر.. ومازالت تبيع..
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
خليها علي الله يا حاج علي
مش مهم سخن ولا بارد المهم انك عملت الشغل وبعدين يا سيدي متتأخرش عن الاجتماع الصباحي تاني
وبيييييييييييييييييييييييع
تصدق و تآمن بالله، أنا شفت الخبر ده النهاردة على الـRSS Menu بتاعتي على netvibes.com
و كنت عاوز أبعتهولك..
من غير ما أعرف موضوع الجزا ده
و كل اجتماع صباحي و أنت طيب
إيه الجمال ده . أدي كل الموقع قراه أهه ... وناقص سيادة الريس ... يقراه بس ...
بس حيطلع عينك لما يلاقي ان الناس اللي دخلت وعلقت عليه .... الهواري ومصعب بس ...
أنا قلت عشان المنظر العام ... أعلق أنا كمان ... يمكن أشفعك لك ....
وبعد كده - أي نعم الاجتماعات الدورية دي ملهاش لازمة وكله بيبقي قاعد مخنوق - بس معلش ..... متبقااااااااااااش زيي .. وعدل مواعيدك ....
وبرضه مش حاسكت ....
لا للتمديد ... لا للتوريث ... نعم لتعديل الدستور المصري
mohamedmat@hotmail.com
عجبا لكم تعليقات ولا احد منكم دافع عن الرسول محمد صلى الله عليه وسلم حتى وان كان الموضوع قديم اكون دائما معك ياحبيبنا رسول الله اللهم صلي عليه \\\\\\\\\\\\ العجب العجاب واحد يقول عدلو الدستور ولا هان عليه يكتب عن الرسول صلى الله عليه وسلم ولو كلمة والاخر يقول رئيسك والاجتماع انتم لها الدرجة صدقتو ان رئسه غضبان عليه هو يبغى ردود ودفاع فقط [[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[ قاطعوا الدنمارك بل اوروبا للابد الا رسولنا محمد صلى الله عليه وسلم باابي هو وامي عرضي دون عرضك يامن بلغت الرسالة و وصلت لنا من دون تعطيل ولا تحريف يامن اخرجتنا من ظلمات الجهل الى نور الا سلام
ولا يهمك ياسبادة النقيب
انا عن نفسى عندى احساس ـ مع ان المدير قال نبطل الكلمات المايعة دى ـ ان فى 3 رؤؤس هيطيروا رايى النهاردة وهم الرئيس والنائب والمدير .. تضامن معاياوكله فدا (اشتباك)
ازاى تتعاملوا مع موضوع باهمية الاسائة للرسول بالطريقة دى انت بتكتب الموضوع عشان مديرك قالك لازم تكتب موضوع ؟؟؟
وزمايلك فى الشغل قاعدين يردوا عليك
انتو فاكرينوا ماسنجر وانتو قاعدين مع بعض ترغوا
موضوع بالاهمية دى لا يعمل بالسطحية وعدم الحرفية الشديده اللى انت عملتها دى
تانى حاجه بقول لمديرك انه لازم يكون ليه تصرف فى الموضوع ده
الموضوع مكتوب بعدم حرفيه خالص ( انا مش متخصص لكنى متابع جيد )
يعنى كلام ملوش لزمه خالص فى الاول وبعدين كتبت الخبر ( نقلا عن العربيه )
وبعدين كلام ملوش لازمه فى الاخر
والاغرب ان ده الخبر الرئيسى للموقع
انا مش عارف انتو بتعكوا كده ليه يا عشيرنات
ارجو منكم انكم تركزوا شويه ولا تستخفوا بعقول من يتابعكم
تحياتى
كل شى انكشف وبان
بدل ما نتعامل مع الموضوع بالسطحية دى
لما بدأت الحملة ضد الرسوم المسيئة ..انفعلت و اتشالت و اتحطيت وتكلمت عن المسلمين و العروبة
فقالت لي اهدي شوية ..الناس دي بتخطط صح ..و عارفين اننا سذج و اغبيا ..عارفين اننا بثوووووووووووووور جاااامد أوي و بنهبط بسرعة جدا
و بننسى ..وننام في العسل
وقالت لي برضه الابداع-اذا كانوا هما بيعتبروا ده ابداع- يترد عليه بابداع تاني..والرأي يترد عليه برأي و الكتاب بكتب و المسرحية بمسرحيات ,,لكن المظاهرات و الحاجات اللي بتقطع القلب دي مسيرهاالى زوواااااااااال
هي قلتها قبلي لاسف
"سفره ديمه "
حيجيلك اشتباك
الاخوة و الاخوات
السلام عليكم و رحمة الله و بركاتة
يا جماعة في حكمة انا اتعلمتها معرفش منين بس اتعلمتها هو ان ضعفناهو ذنبنا و قوة الاخرين ليست ذنبهم طبعا مش مفهوم من كلامي دي اني عشان انا قوية اسعي لفساد الارض و اهانة الاخرين و لكن متنسوش ان اغلب الدول الغربية و دول شرق اسيا ميعرفوش كتير عن الاسلام و لا عن الرسول لاننا مسعيناش اننا نعرفهم مسعيناش لقنوات اسلامية او جرائد باللغات المختلفة لتعريف الناس بالاسلام مش بس كدة احنا سيبنا الغرب و خاصة امريكا تروج الفكر الي هي عاوزاه عن الاسلام انه دين الارهاب تقدروا تقولولي حكامنا عملوا ايه عشان يثنوا امريكا عن الفكرة دي و يثبتو للعالم العكس . تعرفوا بدل ميحاولو يثبتو العكس حاولو يثنونا احنا عن تطبيق الاسلام و نشروا الفساد من حوالينا بمختلف الطرق و ترجعوا بعد كل دة تعتبوا علي الدنمارك طيب اهي الدنمارك يا حلوين عينت مذيعة محجبة لا تضع ماكياج و لا تصافح الرجال في قناه رسمية تلفزيوناتكم انتو يا عرب عملتوا ايه؟؟
هل تجرؤ مذيعة مصرية علي الظهور محجبة بلا ماكياج في القنوات الرسمية المصرية..حتي الان مستحيل
ارجوكم بطلوا بقي تعلقوا تقصيركم علي شماعات غيركم . التقصير من عندكم انتم.
تعليق اخر
دة حتي حسونة الاقرع رئيسنا المحبوب قصدي حسني الغير مبارك مكلفش خاطرة يعلق علي الموضوع و لا يتكلم فيه خالص و كأن السيد الرسول مش رسولة هو انما رسول الشعب بس .
جاتة ستين داهية 25 سنة حكم دة لو حكم مؤبد كان زمان المسجون طلع.
قال الله تعالى (فأصدع بما تؤمر وأعرض عن المشركين انا كفيناك المستهزءين)وقال الله تعالى (يأيها النبى حسبك الله)حسبك الله فهو ناصركعلى كل عدو ومظهرك على كل خصم ومؤيدك فى كل امر فأنت المظفر لان الله حسبك0وانت المنصور لأن الله حسبك وأنت الموفق لأن الله حسبك0فلا تخف من عين حاسد0ولامن كيد كائد0ولا من مكر ماكر0ولا من خبث كافر0ولا من حيلة فاجر لأن الله حسبك ياحبيبى يارسول الله اذا داهمتك المصائب ونازلتك الخطوب وحفت بك النكبات 0واحاطت بك الكوارث لا تلتفت الى المغضوب عليهم ولا الضالين فلا تحزن لأن حسبك الله أنت محفوظ لأنك بأعيننا وانت محروس لانك خليلناوانت فى رععيتنا لانك رسولنا وانت فى حماية الله لانك عبده المجتبى ونبينا المصطفى اننى اتكلم عن أغلى الرجال وأفضل البشر وأزكى العالمين محمد عبد الله ورسوله رسول رب العالمين المبعوث رحمة للناس أجمعين والحمد لله والصلاة والسلام على عبد الله ورسوله محمد0والهوصحبه
اولا معظم التعليقات هزلية وملهاش لازمة ويا ريت اللى يعلق يا اما يفيدنا يا اما يوفر كلامو وهزارو لحاجات تافهة، موضوع زى ده محتاج واقفة وواقفة مستمرة ودايما وانا بحترم اللى كتب الموضوع ده وبقولوا هوه مش قديم ولا حاجة ده مستمر وهيفضل مستمر وانت بكتابتك ليه بتفكر اى حد نسى بالاساءة لحبيب الله وحبيبنا محمد صلى الله عليه وسلم فعلا الشباب الغافل اللى بيهرج محتاج حد يفكرو كل شوية بموضوع زى ده يمكن يفوق ويفهم ويحس وبقول كلمة للاخ اللى مش عاجبوا اسلوب الكلام وبيطلب التركيز انه الموضوع مكانش يتكتب افضل من كده وده لانه مكتوب ببساطة ووضوح ممكن اى حد يفهموا واديك شايف العينة من الناس اللى بيقرو بيهرجو ولسة مش فاهمين ان الموضوع كبير قوى يا رب ساعدنا وقوى من ارادتنا وقف معنا ضد اعدداء حبيبك محمد وقوى عزيمتنا واخسف بهم ارضك يا الله يا قادر على كل شئ