مدرج (الإسلام هو الحل) الجامعي!
قد تكون هذه الظاهرة قد ألغيت من المدارس في بعض الدول الإسلامية أو تم تخفيفها في البعض الآخر، لكن هناك من جعلها محاضرة إلزامية في الجامعات المصرية رغم تصدي حرس الجامعة لها.
فمشهد دخول بعض شباب التيار الإسلامي في المدرج بين المحاضرات لينبعث صوت أحد هؤلاء الشباب ليذكر الطلبة بربهم، عن طريق قراءة القرآن، أو بذكر حديث، أو قصة شيقة، أو بترديد أذكار الصباح.
مشهد مألوف لكل طالب جامعي، لذلك ذهبنا لشباب الجامعة، وسألناهم لنعرف رأيهم في إيجابيات وسلبيات هذه الظاهرة.
"كلامهم جميل وهادف ويمسون مواضيع هامة"، كان هذا رأي (عماد) الطالب بكلية (دار العلوم) بجامعة القاهرة، ولكن رأيه هذا لم يجعله يرحب بهم، فيكمل قائلا: "لكن ننعزل عنهم بسبب نيتهم التي نشكك في صدقها، وعندما يتكلمون في مكبر الصوت يزعجون المدرج الذي بجواره"!
ويشترك مع عماد في معارضته (محمد إبراهيم) الطالب بكلية (الآداب إنجليزي) بجامعة عين شمس، الذي يرى (عيباً) في زيادة عدد المحجبات (!!)، فيقول: "رأيي أن طلبة التيار الإسلامي ليسوا أهل علم، ورغم ذلك تجري البنات نحوهم ليسألوهم في الدين، وبالذات البنت البعيدة عن التدين؛ لأنهم متعطشون لأي معلومة، وبسبب ذلك زادت نسبة المحجبات وظهرت منتقبات، بعد أن كان التبرج هو الحل"!
امنعوا الضحك
وأما (محمد عياد) من كلية (تجارة) بجامعة القاهرة فيعمل على انتقاء من يستمع إليه، فيقول: "أنا معهم قلباً وقالباً، رغم أنني أسمع لبعضهم فقط، لكن للأسف هناك كثيرين يبتعدون يضحكون عندما يدخل طلبة التيار الإسلامي المدرج، وكأنهم يقولون نكتة، أما ".
ويتشابه فكر (سارة سعيد) الطالبة بكلية (التربية) جامعة القاهرة، مع تفكير محمد عياد، فهي تنتقي من تستمع له، وتقول لنا: "حسب الذي يتكلم، إذا كان فاهماً، أسمعه.. أما إذا شعرت أنه حافظاً فقط لا أستمع له، لكن أنا أشكرهم جدا؛ لأنهم يجعلونني أردد أذكار الصباح كل يوم".
ومن كلية (التربية) بجامعة حلوان يقول (محمد صلاح): "طلاب التيار الإسلامي، كلامهم جميل والطلاب يتأثرون بحديثهم، وبالذات البنات، لكن الكلية لا تسمح لهم حتى أن هناك بنات تأثرن بهم وارتدين الحجاب، وبل أصبحن بجانب الطلاب الذين يقفون في المدرج ليتكلموا في الدين وينصحونا؛ لأن الأمن لا يعتقل البنات".
وتعلن (أسماء أحمد) طالبة بكلية (دار العلوم) بجامعة القاهرة عن احترامها لهم قائلة: "أنا عن نفسي أحترمهم جدا؛ لأن كلامهم مقنع وأنجذب لهم، حتى لو كنت أتكلم مع إحدى صديقاتي ففورا أتركها وأستمع لهم".
وتخبرنا (علا محمد) طالبة بكلية (آداب) بجامعة القاهرة، عمن يستمع لحديث طلاب التيار الإسلامي، فتقول: "الكثير منا يحترمهم، والغالبية يسمع لهم حتى النصارى، وأحيانا البنات تريد أن تسألهم في أشياء، لكن الوقت لا يسمح".
لا إسلام ولا مسيحية
وبعد أن عرفنا أن النصارى أكثرهم يستمعون إلي هذا الكلام، أردنا ننقل لكم رأيهم فيه..
فمن كلية (التجارة) بجامعة القاهرة قال (توني عادل): "أنا لا أرى أن المسيحية هي الحل، ولكن في نفس الوقت لا أرغب في سماع من يقول لي أن الإسلام هو الحل، وأنا أريدهم فقط أن يراعوا شعورنا نحن المسيحيون".
أما (عماد عريان) يعلن عن إعجابه أحيانا بما يستمع منهم من قصص جميلة ومفيدة، لكنه يرفض هذا الشكل؛ لأنه يعتبره تعدياً عليه.
وبلغة التمرد تقول (دنا سمير) طالبة بكلية (حقوق) بجامعة القاهرة: "أغلبنا لا يهتم بمثل هذا الكلام، ولكن أحيانا يعجبني كلامهم، ولكن لا أسمع لهم حينما يتحدثون عن الصداقة بين الجنسين؛ لأن هذه كلية، ونحن هنا في تعليم مفتوح ومتاح للجنسين، يعني لابد أن يكون هناك صداقة بريئة بين الجنسين".
وأضاف (ماهر عريان) طالب بكلية (التجارة) بجامعة القاهرة: "أنا أحترم من يقول نصيحة عامه لكل الناس، لكن لا يخص المسلمين بالكلام ونحن جالسين، فهم كأشخاص جيدين جدا وأنا أصاحب شباب من الإخوان، لكن عليهم أن يختاروا من يقول هذا الكلام؛ لأن بعضهم أسلوبه سيء".
دكتور المحاضرة
بعدها قررنا الالتقاء مع بعض طلبة التيار الإسلامي من جماعة الإخوان، وبالأخص من يقوم بعمل هذه الدعوة في الكلية، أو حتى المشاركة فيها، فرد علينا (محمد علي) الطالب بكلية (الطب) بجامعة القاهرة قائلاً: "ذكر الله بين المحاضرات أمر لابد منه، ولا توجد فرصة إلا في هذا الوقت، أما فكرتنا وهدفنا هو توصيل أن الإسلام دين شامل ومتكامل يشمل كل جوانب الحياة، ولذا يمكننا أن نتحدث في السياسة؛ لأن السياسة جزء من ديننا، وأيضا نريد تطوير الحجاب السطحي إلى حجاب حقيقي".
ويكمل محمد كلامه حول أسلوبهم في الدعوة قائلا: "هناك عدد من التيارات الإسلامية، فهناك من يدعو إلى الله بطريقة حسنة، وهناك من يأتي بين المحاضرات, ويقول في مكبر الصوت آيات الرد على النصارى، فيردد قوله تعالى: (لقد كفر الذين قالوا إن الله هو المسيح بن مريم..)، لكن نحن لا نريد هذا الأسلوب في الدعوة".
ويكمل محمد كلامه قائلاً: "قال الله تعالي أيضا (ادع إلى سبيل ربك بالحكمة والموعظة الحسنة وجادلهم بالتي هي أحسن)، ومن السنة نتذكر موقف الرسول من اليهودي الذي كان يؤذي الرسول ثم عاوده الرسول وهو مريض، فهذا هو أسلوبنا في الدعوة، وأرجو من الله أن يوفقنا فيها حتى لا نؤذي مشاعر أحد"..
* وأنت ماذا عنك؟!.. هل صادفت "درساً" دينياً من طلبة التيار الإسلامي في جامعتك؟!.. أم أنك "تحمد الله" على عدم حدوث ذلك.. أم أنك تتمنى أن تكون واحداً من المخلصين منهم؛ لتبلغ الناس ولو آية.. لعلها تكون في ميزان حسناتك يوم القيامة؟!..
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
السؤال يقول هل يصاحب احدكم بالحساسيه عندما يسمع كلمة صداقة بريئة بين الجنسين؟
بعيد بقا عن السؤال انا كنت بحب اسمعهم وكانوا شخصيات لطيفه جدا طارق وطلعت وعمرو هما فين دلوقتي مش عارف والله
حد يدلني عليهم
الاخت اللى بتقول صداقة ايه وجه نظرها فى الصداقة علشان نبقى اصدقاء لازم كل واحد يفكر انه ميخدش اى مصلحة من صاحبه لكن الصداقة بيم الولد والبنت كلها مصالح خى عندك الولد اللى مقطع السمكة وديلها بيحب تكون البنات حوليه علشان يكون برم والبنات تحب تكون الملكة والرجاله بتجرى وراها
وعحبى
أريد أن أبدي عدة ملاحظات على هذا الموضوع:
1- فعلا انتقاء الشخص المتحدث مهم جداً يا شباب الإخوان، لإن مش كل الناس عندها الحد الأدنى من اللباقة والقدرة على الحديث ومخاطبة الجمهور
يعني كان عندنا أخ في الكلية ما شاء الله، أول ما يخش يتكلم في المدرج المكدس بألف طالب أو أكثر، كل الطلبة تسكت وكأن على رؤوسها الطير، ويتفاعلون معه ويستمعون ، ولا أجدع دكتور يعرف يسكت الطلبة كدا
لكن فيه إخوة آخرين مش بيعرفوا يتكلموا كويس، وطبعا بالتالي الطلبة مش بتسمع وليس من حق الإخوان طبعا إنهم يجبروا الطلبة تسمع ، فبالتالي الفيصل الوحيد هو نوعية الكلام اللي يجذب الطلبة للاستماع وطريقة إلقائه
2- ممكن بعض الطلبة يحس إن كلام المدرجات دا مش من حق الإخوان ، لكن للأسف كل المنافذ الشرعية مغلقة ، الكليات لا تسمح بمنابر حرة ولا تشجع ناهيك عن التمويل ، فكيف سيتحدث الناس ويوصلوا أفكارهم !؟
3- أدعوا طلاب الإخوان إلى إتاحة الفرصة للطالبات أيضاً للحديث في السكاشن والمدرجات
الدعوة ليست مهمة الرجال فقط ، وبطلوا بقى ثقافة ذكورية
بصراحه كده...انا في كليه عمليه ....يعني نظام خمس محاضرات متواصله ....مبنصدق فراغ بين محاضرتين نطلع نشم هوا برة المدرج ......لكن اول مبنلاقي حد منهم داخل يقول كلمه ...بنجري كلنا عشان نلحق نسمع كل حاجه ومتفوتناش اي كلمه من كلامه ...بصراحه كده بحس انهم من القليلين في الجامعه اللي عرفوا يلاقوا فايده تانيه للحياة الجامعيه وهيه انهم يلموا في حسنات وثواب من كل كلمه او ايه او حديث يولوه للناس
نسيت احكيلكم حاجه حصلتلي اول سنه جامعه واحنا لسه داخلين طازة وعيال طريه بقي مش فاهمين حاجه
الدكتور دخل من الباب اللي ورا في اخر المدرج وكان في اخ من التيار الاسلامي بيقرا قران
الطبيعي ان الولد كان هيخلص ويمشي .لكن علي مين الدكتور المحترم نزل السلم وهو بيزعق .اطلع برة يا حيوان اطلع برة يا ,,احنا فين هنا ازاي تسمح لنفسك ازاي تقف تتكلم هنا ...بره يا...
انا بس كان نفسي اسال الدكتور ساعتها هو كان حاسس بنفسه وهو بيتكلم وللا كان لسه نايم وللا كان شارب ميه ساقعه مبلوله عالصبح ...الطلبه كلهم بما فيهم اللي مش بيحب التيار الاسلامي تعاطف مع الولد وكره الدكتور
نفسي افهم ايه اللي استفاده الباشا الدكتور بزعيقه وشتيمته .حد يفهمني؟؟؟؟؟؟؟؟؟
معلش يا جماعه على المسافه الكبيره اللى اخدتهاو اللى سببها الكمبيوتر الغبى بتاعى
بالنسبه لسؤاللك يا عبد الله طبيعلى اننا نصاب بالحساسيه لاننا ف الاول و ف الاخر مجتمع شرقى
اى علاقه بين اتنين يا زماله يا حب
انا مش متخلفه بدليل انى اؤمن بحاجه تالته اسمها اخوه بس دى بيبقى ليها شروط و مش كل الناس تقدر تعملها
اما بالنسبه للموضوع فدا حصل كتير و فعلا الشباب دول بيبقى ليهم فكر يحترم و بيبقو فعلا اصحاب قضيهبيدافعوعنها بحماس
و كنت بسمعهم لان على راى عمنا صلاح جاهين اى كلام يتقال بحماس يستحق انه يتسمع بحماس حتىلو كان ريانى يا فجل
الحاجه التالته دي بقا يا نيفين اللي هي اخوة فدي بقا اللي مش تجيب حساسيه بس دي تجيب جدري
ليه بقا اقلك ليه لان من خلال معاشرتي لشباب من مختلف الجنسيات والاعمار واللهجات قدرت اناقش اي حد في وجهة نظره بخصوص الاخوة وكلهم بيتنرفزوا عليا مع اني مش بتطاول على حد فيهم وبكون ةهادي جدا
المهم ان النتيجه اللي توصلت ليها بعد خبراتي ان اللي بيقول اخوة والكلام ده بيخدع نفسه بيخدع نفسه فعلا وبيكون حاسس بالغلط
على فكرة يا نيفين الموضوع ده اقدر اكلم في اي ولد واقنعه لو هو عايز يقتنع
لكن مقدرش اقنع بنت ابدا لاني مش عارف هي بتفكر ازاي
بس مفيش ولد عدى من تحت ايدي كان بيقول الكلام الفارغ ده وافحمته ليه؟
لاني فاهم هو ازاي ممكن يفكر وعارف كل حاجه ممكن تيجي في باله لاني ببساطه شاب زيه
ببساطه اقدر اقول اني ولله الحمد تشربت طباع الشباب من كتر التعامل معاهم
واقدر اجزم بما لا يدع مجال للشك ان فعلا مفيش حاجه اسمها اخوة
وان القران لما قال (ولا متخذات اخدان) كان فعلا فعلا فعلا جمله رااااااااااائعه وفيها كل الحكم وفيها المختصر المفيد
وربنا يبعد عننا الحساسيه والجدري
الا وافحمته
انت يا كابتن مش لسه قفله معاك الماسنجر من يومين وكل اما اكلمك اقولك اختك الكبيره ياض ؟؟؟؟"عقده نقص بردو" وقلت لحمدي لايجوز الاضافه خوفا من الفتنه لما خليتني اقول يا موقع داريني بدل يا حيطه داريني " بصوا ياجماعه الموضوع دا حسب (البيئه) بمعني اخر انا اعرف شباب بعدد شعر راسي "باعتبار اني مش قرعه " بس هل لما اكلم كل واحد يبقي خلاص حبته ودبت فيه لاه طبعا هما بيعلموني وبتعلم منهم فيهم الطيب الخبيث اللي اللي اللي
وفي الاخر شوف كل البشر واعرف وفرق بقي انت مش صغنن الكخه من اللي مش كخه , بس خد بالك من حته "البيئه دي "الاخوان بقي وانا صغننه بردو بلاش الكليه دي ,كانو بيوزعو ادعيه وفسحه صلاه في المدارس بتعتهم والباص بنقول الازكار واتعلمتها منهم فعلا .
ايوة قلتيلي اختك الكبيرة وايه المشكله انا وانتي لم نتناقش اصلا في الموضوع ده
وانا قلت اني اقدر اكلم الولاد في الموضوع ده اكتر من البنات لاني مع الولد بكون واخد حريتي بس مع البنت بكون متربط
بس انا مقلتش لحمدي لا يجوز الاضافه خوفا من الفتنه انا كنت بدافع عن الولاد والبنات اللي مش بيضيفوا ايميلات جنس اخر على المسنجر
انا يوميها قلت يمكن بيخافوا يضيفوا مش لانه حرام لكن خوفا من الفتنه
وبعدين الحيطه مالها دلوقتي؟
سؤال برئ جدا جدا
انتوا بتتكلموا علي العلاقه بين الشباب والبنات في الجامعه وللا علي النت .....اصل الاتنين مختلفين تماما
بالنسبه لعلاقه الجامعه انا اللي اعرفه ان في حاجه اسمها زماله والزماله دي زماله عمل (يبقي بس اللي بيجمعهم عمل ) او زماله دراسه ( يبقي برضه اللي بيجمعهم الدراسه وبس ) يعني متهيالي دي الزماله ومتخرجش عن كده
نيجي بقي للصداقه ودي اعتقد ان عبدالله رد وقال الايه ..(ولا متخذات اخدان) مفيش اي كلام تاني ممكن يتقال عن ده
نيجي بقي للاخوة .........سؤالي بقي الاخوة دي بالظبط موقعها ايه من الاعراب
يعني اللي بيجمعني باي ولد يا اما يبقي دراسه ويكون زميل .........او مواضيع تانيه كتير ومختلفه ويبقي صديق ......لكن ايه اللي يخليه يبقي اخويا ؟؟؟؟؟؟؟؟ايه اللي يكون مشترك ويخلي العلاقه اخوة
انا اعرف ناس كتير بدات بكلمه زي اخويا وانتهت بحاجه تانيه خالص
لا للتمديد ...لا للتوريث..... .نعم لتعديل الدستور
الفرد في بلادنا... مواطن او سلطان... ليس لدينا انسان ......احمد مطر
حيث ان معظم الشباب همه الشاغل ازاى يرتبط با لبنت دى او يخليها تعجب بيه
دى مشكله فعلا حقيقيه لان معظم شباب كليتى للاسف اصبحوا فارغى البال الا من التفاهات ولا يوجد اى وعى دينى او سياسى
شكرا للموضوع المميز
كنت فى سنة اولى جامعة وكان تانى يوم حيحصل فيه كسوف للشمس فدخلنا واجد وشة منور كدة بس بصراحة مش عارف يتكلم واللى غاظنى اكتر ان كل شويه موبايله يرن ويكنسل ويرن ويكنسل حوال 4 مرات وعمال يقول بقى ان احنا نفتكر قدرة ربنا وان لازم نصلى فى اليوم دة وكلام من دة وفى الاخر ماقلش ازاى اصلا صلاة الكسوف دى بتتصلى!!
يالا سلامو عليكو
أما بعد المحاضرة فتغلق فورا منعا لدخول طلاب التيار الاسلامي
و الله يا هبهوب مع ان انا ة عبد الله الحمد لله بنتلاقى فكريا كتير برده ساعات مبيفهمنيش
عبد الله فيه ناس لسه بيقدروا يبقو اخوات فعلا
و ده عن تجربه ادامى و فعلا حاصله
ة علشان مدوش الناس معانا انا هبفى ابعت للك ايميل اوضحللك فيه شويه حاجات و اكمل كلامنا اللى مكملش (كالعاده)و بالمره اساللك عن حاجات قى المدونه بتاعتك
على فكره المدونه حلوه و عجبنى فيها حاجات
بعد السلام علي نوفا , انت يا بني مش ضايف عندك سوسه المفروسه ونونا المجنونه ونفين وانا طب بتكلمنا علي اساس ايه مش اخوات بردو ولاه ايه هه هه .. مش عايزه افتح الموضوع دا عشان انا بشد في شعري دلوقت لما اتقرعت . ومعلش صاحب المقال لو خرجنا عن الموضوع.
الاخوان جزاهم الله عنا خيرا فهم لديهم اخلاص كبير ولكن ينقصهم الفهم الذين يدعون انهم هم الفاهمون على الساحه واتمنى ان يعملوا بنصف ما يقولو
مش عارف يا هبة تعليقي اختفى كنت رديت عليكي لقيته مختفي فهكتبهولك تاني
كنت بقلك في التعليق اللي اختفى اخوات ازاي
انا لا اقدر اكلمك في المواضيع اللي بكلم فيها اختي
ولا اقدر افتح معاكي مواضيع زي اللي بفتحها مع اختي
وفي خطوط حمراء كتيرة لو تجاوزتها ابقى بستعبط حتى لو كنت بعتبرك اختي لان اعتبرك حاجه وانتي اختي بجد حاجه تانيه
ومن الاول انا قلتلك ان النقاش في الموضوع ده صعب مع بنت شوفيلك بنت تكلمك في الموضوع ده وابعتيلي اتخن ولد اكلمهولك وارجعهولك بيقول ان الله حق
ملاحظات:
1- انا مش ضايف سوسه المفروسه لاني مش عارف ايميلها
2- هقول لنهى (نونه) انك بتقولي عليها مجنونه
اديني كتبت التعليق تاني يا ريت ميطرش زي اللي قبليه
عن عائشة رضي الله عنها , قالت : { قال رسول الله صلى الله عليه وسلم : تقطع اليد في ربع دينار فصاعدا } وفي رواية [ ص: 131 ] لمسلم " { لا تقطع يد السارق إلا في ربع دينار فصاعدا } .من المؤكد اذا ماطبقنا هذه الشريعة اليوم لهذا المثال فان معظم شبابنا اليوم سيكونون معاقين وعالة وهذا احد الامثلة التي يراد اليوم تطبيقها تحت شعار الاسلام هو الخل ناهيك عن مئات الالوف من الفتاوي التي ستعصف باجيالنا تحت هذا المسمى لذا اقول لكم كفانا استهزاءا بعقولنا
اما بقى عم عبد الله ده اللى يقول مفيش حاجه اسمها اخوه وبعدين ماخد ايميلات البنات وعمال يكلمهم
مالك يا عم يعنى غلط ولا صح
ولا غلط وانت عارف وبتعمله وعامل علينا ...
يالا خلتونى كرهت الموقع
كنتي قلتي واخد ايميلات البنات تكلمهم وعامل فيها شيخ
عادي قولي رايك بكل وضوح مش عيب
بصي انا لما بقول مفيش حاجه اسمها اخوة ايوة مفيش حاجه اسمها اخوة
بس هو انا لما اكلم بنت على النت تبقى اختي؟
هو فيه اخوة من النت بردو؟
انا عايزك تنتقدي براحتك خالص
بس البنات اللي انا بكلمهم عندك اهم اساليهم انا عمري تجاوزت حدودي بدعوى الاخوة؟
وبعدين انا لما نيفين اتكلمت عن الاخوة كانت تقصد الواقع مش النت
الواقع اللي يكون فيه صعب عض البصر وبيكون فيه اي تجاوزسهل
مكنتش تقصد النت
واولا واخيرا انا مش شيخ ولا عملت فيها حاجه
تطبيق الشريعة يكون بالتدريج مش مرة واحده كده والدليل تحريم الخمر بالتدريج
يعنى الشباب مش كلهم حيكون معاق زى الرد الغريب اللى مكتوب
وكمان عمر بن الخطاب رضى الله عنه لما لم يقطع يد السارق فى وقت المجاعة
مهم جداً جداً جداً الشخص اللي بيتكلم
لأن الطريق للاقناع هو أن يكون المتكلم قدوة
غير كدة يبقا بيؤذن في مالطة
و الله المستعان
السلام عليكم الى الاخت التي تكلمت عن الصداقة التي يسميها البعض بانها بريئة
صدقيني يأختي لا الأن لابعدين راح تكون في صداقة بريئة بين شاب وفتاة وانا أدعوك الى الابتعاد طبيعة التسامح المسيحية
والتدقيق في الواقع كنت اسأل اصحابي عن سبب مصاحبتهم لفتياة صفنا فكان الجواب ه التسلية وأنه لا يحترم فيها شيء سوى غبائها ومن ثم يقسم أنه لو كانت أخته لقتلها ...
الف تحية اوجهها لشباب الاخوان اللى بيحاولوا توصيل النصيحة بكافة الطرق ،كلنا لما كنا فى الجامعة كنا بنسمعهم ونعجب بكلامهم ،جزى الله خيرا كل من يحاول اضافة شئ جيد الى هذا البلد المظلوم او يفيد احدا بكلمة طيبة يمكن تنفعه يوم القيامة ،وبعدين انا شايف اللى ميتكلمش فى الوقت اللى احنا فيه يبقى اكيد فيه حاجة غلط ،اتكلم ،قول اى حاجة، سمعنا صوتك ،بس المهم انتقى الكلام اللى هتقوله.
وبعدين انا مستغرب من التعليقات اللى بتقول انهم متضايقين من كلام الاخوان فى المدرجات ،طبعا كل واحد له الحق انه يكره او يعجب باى حاجة ولكنى اسال كم واحد سمع كلام الشباب الحلو ده واستفاد بيه ،يا جماعة انتم عارفين ان فيه ناس نفسها تبقى كويسة بس ناقصها كلمة صغيرة او موعظة تصحى القلب ،فلما واحد ييجى يقول الكلمة دى او ينغز قلوبنا النغزة دى يبقى الواجب نشكره .
كويس ان التعليق اتفتح
بص يا عم مفتاح معلش تحمل كلامي اولا انا ليا ملاحظة وهي انك لما تتكلم مع واحدة اسمها نونا ولا سوسة ولا مش عارف ايه ده فرايي نوع من الاختلاط لكن ممنوعيته او مدى خطأه يعتمد على الحوار اللي بيدور ...اما بقى معلش يعني انك تقلي غض البصر فمعلش بردو لما تكلم واحدة اسمها سوسة ولا اي حاجة تانية طيب ما ده ممكن يسمح بحاجات تانية ..اللي اقصده ان في الاصل ايه هي مادة الحوار..و معلش النقطة دي تحديدا بتثير اهتمامي لان في كتير من المنتديات و تحديدا اللي تبع الاخوان نلاقي الناس في الكلية محترمين و مايعرفوش بعض لما بقى ندخل على المنتدى نلاقي تهريج بالعبيط.و ده بصراحة تاثيره سيء جدا لان دي اسمها ازدواجية و اي حد مش مسلم يشوف الكلام ده ها يقول دول عندهم ازدواجية...النقطة التانية هي حضرتك رافض رفض بات الاختلاط في الكلية مفيش مشكلة متفقين بس لاحظ يا استاذ ان منع الاختلاط ما بيجيش بالفرض لازم ثقافة الناس نفسها تتغير و تفهم بهدؤ ليه نمنع الاختلاط ..هنا عاوز افتكر اللي حصل في طب لما جابو شريط لاصق و فصلوا الاماكن بالعافية طبعا معلش ده تهريج اولا لان مش من حقك ثانيا لان بعد ما المحاضرة ما هاتخلص فلان يلم فلانة و يروحوا يقعدوا في اي حتة تانية.. الخلاصة انا شايف ان مفيش مشكلة ان يكون في حوار بين بنت وولد لكن في ضوابط كلنا عارفنها و مش تحت اسم صحوبية لاني متفق معاك في ده ان مفيش صحوبية بين الولد و البنت.
www.afkarmisry.blogspot.com
سيدي محمود
تقبل احترامي
عزيزي مفتاح جزاك الله خيرا على صبرك و سعة صدرك و على فكرو مدونتك كويسة
www.afkarmisry.blogspot.com
اولا انا اشكر طلاب و طالبات الاخوان , صحيح انهم من المفروض ينتقوا احسنهم للقول , لكن ان حدث غير هذا , فكفى ان هذا الطالب حاول ان ينشر دين الله و احتمل فى سبيل ذلك استهزاء و تريقة الطلبه عليه ,لانه لو طول حياته قال انا مبعرفش اتكلم مع الناس سيظل كما هو , ولكن هذا الطالب الغير قادر على الكلام يكفيه شرف المحاوله لا نه اكيد لما هيحاول بعد ذلك هيعرف ان يتكلم بطلاقه و المفروض علينا اننا نشجعه مش نستهزء من هذا النوع , ثانيا اننى تعجبت جدا عند قرأة التعليقات فاننى ارى ناس تنتقد الاخوان و الان عندما قرأت هذا الحوار رأيت قمة الاسفاف فى هذا الحوار مع اننا من المفروض فى العشرينات على رأى الموقع يعنى عننا عقليه تميزنا عن الاخرين و المفروض اننا نتكلم باسلوب احسن من كده , يعنى لقيت مثلا ناس بتقول " ياض" مع احترامى لكم ده حتى لو اخويا انا هكلمه باحترام اكتر من كده , ثانيا مع انه حوار دينى و الناس بتتكلم و ترد على بعض الا اننى وجد فى مشاركه " الاسلام هو الخل " محدش فكر يرد عليها , بصراحه الى كتب كده ممكن يكون من وجهة نظره انه عمل حاجه صح لانه للاسف دخل على صفحه وجد ناس بتتخانق مع بعضها فى صوره مؤسفه جدا و الاسم فقط اننا ننتمى الى الاسلام , يؤسفنى ايها الاعضاء الكرام ما حدث فعلا على هذه الصفحه , اما الذى قال ان الاسلام هو الخل , اولا ربنا يسامحه و يهديه , ثانيا الاسلام هو الحل و طول عمره هو الحل و زى ما بيقولوا لو مش فاكر الاسلام عمل ايه فى هذه الامه و اعز الناس ازاى فاحنا ممكن نفكره
. www.afkarmisry.blogspot.com
ترجعغ اهمية قراءة القران فى المدرج والتعليق والنصيحة فىبعض الاحيان على الكثير من الموضوعات المهمة جدا فى تذكير كل منا داخل المدرج بان مازل هناك شباب فى مثل سنى مشغولين بقضايا المسلمين متمسكين بدينهم كلماسك على الجمر ويعشون حياتهم ولاكن فى طاعة اللة فلماذا لا اكون بعيدا كل ماهو تافهة واحقق حلم الحصول على الاخرة والدنيا ؟ وباختصار يجعل طلاب الاخوان اى شخص فى ان يفكر فى حياتة مرة كل قبل محاضرة .
اولا ربنا يكرمكم انتو الاتنين حليتو المشكله اخونا عبد الفتاح انت حطيت نفسك في موقف وحش خالص انت مخلصتش كل المناقشات مع الولاد اللي عالهوت والياهوو علشان تناقش بنات اكيد في بنت احسن مني ومنك تقدر تناقشهم وعلى ما اعتقد انت لو دخلت على اختك ولقيتها بتناقش عمرو خالد شخصيا مش عارف بقى هتعمل ايه اما هوووووووبه فاحب اقولك الصداقه والاخوه بين الولد والبنت اخرتها ايه متقوليش عليا رجعي ومتخلف بصي في حياة الصحابه مفيش صحابي شاب قال لواحده احنا اخوات وهنقعد شويه على كافيترية يثرب (الجامعه دلوقتي ) او نروح مع بعض نحضر درس دين دي حاجات جديده علينات اخوه ثم ترابط اخوي ثم حب اخوي ثم اعجاب ثم اخواتي البات كتروا اوىىىى ثم ...اكيد عارفه النهايه ومتنسيش اننا بطبيعتنا وسننا فينا الميل للجنس الاخر وعمرنا ما هنبقى عكس البسدشر ونقول لا دي اخوه بريئه اسف جداااااااا على اسلوبي بس فعلا محتاجين نفهم صح
ان الاديان لله ثمرتها الايمان والابمان بالله الايمان ثمرته التقوى عندما ندعو للاءيمان هل الله موجود سبحانه خالق الوجود وهو على ماكان عليه قبل الوجود الاخوه فى الله تكون ثمرة تقوى الله ولم تنعدم الاخوه فى الله لائنه ابدى ازلى الايمان نور من كمالات الخالق يهدى به من اهتدى فتشع الروح وتعف الجوارح وبه يسلم الفرد والمجتمع
ياشباب الاخوان طوروات نفسكم باستمرار واستعينوا بالله وكونوا مع الناس وقربوا منهم اوي اغلطوا مش مشكلة المهم اتعلموا وحسنوا ادائكم علشان دعوتكم توصل لكل الناس
الصـــــداقة البريئــــة
هى اكذوبة ذلك الثعلب المنافق الذى جلس اسفل الشجرة يتغزل فى صوت ذلك الغراب الممسك بقطعة الجبن فى فمه لكى ما ينـغر ذلك المسكين ويبدأ فى النعـيق ولا يفيق الا وقد سقطت الفريســـــــــــة
هذه هى القصة وباختصار شديد فما الغراب المغرورالاضحية ذلك الثعلب وما الثعلب الا متصيد لفريسته وما المصيدة الا تلك الأكذوبة ( الصــداقة البريئـــة)
حتى الصداقة البريئة بين اثنين من جنس واحد هى عملة نادرة جدا جدالأنها تحتاج الى...الصدق..الأخلاص..نكران الذات..قوة التحمل..الأمانة..وذلك حتى لا يفشى الصديق اسرار صديقه فى لحظه غضب او وقت خصام...
مين الشاطر فيكم اللى بتتوفر فيه كل هذه الصفات مجتمعه؟!!!!اننى فى اشد الحاجه الى مثل هذا الصديق .........
مين قـــــــال انـــــا
مارك سمارت
الحرم الجامعى له قدسيته ويجتمع فيه جميع الأديان..جميع البلدان..جميع الألوان..جميع الجنسيات والعقليات والمبادئ والأفكار..فعندما نقول الأسلام هو الحل فى الحرم الجامعى فما معنى هذا القول..؟واى نوع من الأسلام..؟وحل لأيه بالضبط ..؟ وانا قلنا المسيحية او اليهوديه او البوذيه او اللا دينيه..هى الحل؟؟ فأى نوع من هذه أيضا..؟ وحل لأى مشكلة ..؟اذا كان المقصود هو حل لمشكلة تعدد الأديان فكل واحد ايمانه وعقيدته غاليه عليه وكل واحدشايف ان ايمانه هو الحل..يبقى اللى بيحصل دا مش حل؟؟؟؟ دا اثاره وبلبله داخل الحرم الجامعى...لا هو حل لمشكلة تعدد الجنسيات ولا لتعدد الألوان... لأن ربنا خلق الناس كده ..امم..واجناس..والاوان..وعقائد مختلفه عشان الكل يتنافس على تقديم افضل ما عنده من خلق واعمال حسنه فيأنس اليه الجميع..ما فائدة ان اكون مسيحى ضال ومضل ...؟؟ او مسلم يسب الناس ويسب معتقداتهم..ويعصب عينيه عن فضائل الآخرين؟؟بذلك يكون ذلك البوذى الحسن الأخلاق هو افضل الجميع وعندها يقول لنا ان البوذية هى الحل..؟؟ ولا يستطيع احد وقتها ان يكابر او يتضجر لأن صدق البوذى وامانته واخلاصه لمبادئه تخجل اصحاب الديانات السماوية الذين لا هم لهم الا التناطح والتفاضل والتكابر كل منهم على الأخر...بل وصل بهم الحد الى التناحر داخل العقيدة الواحدة...الحل هو الصدق ..الصدق فى الأيمان...الصدق فى العمل..الصدق فى الحديث...وعندها سنجد الحل..................
مارك سمارت
بالنسبة للأخ مارك اللى اتكلم قبلى بصراحة أنا مقدر ربما بعض الحساسية التى قد تشعر بها عند دخول الإخوان لإلقاء كلمة دينية فى المدرج ولكن للأسف هذه هى الوسيلة الوحيدة المتاحة بعد سد كل الوسائل الأخرى .. إنتم كمسيحين بإمكانكم التلقى والاستماع بحرية لاى جهة دينية فى كنائسكم الحرة المفتوحة 24 ساعة بينما مساجدنا محكومة بالحديد والنار من الأمن وصعب جدا وصول الإخوان إليها دعك من أن أغلبيتها الساحقة يفتح قبل الصلاة بخمس دقائق ويغلق بمجرد انتهائها لتفويت الفرصة على أى صاحب فكر وطبعا خطبة الجمعة المنع والاقصاء هو مصير أى شيخ يخرج عن النص الحكومى .. يبقى الإخوان الخيارات المتاحة ليهم لتوصيل فكرهم محدودةجداً ..
بالنسبة للاسلام هو الحل فهذا الشعار المسلمون يأخذوه كشريعة وأنتم تأخذوه كحضارة وللجميع مسلمين ومسيحيين حق الموافقة عليه بحرية .. مثلاً يقول الحل الإسلامى أن على البنوك أن تعطى فوائد ثابتة على الأرباح لا على رأس المال .. مثلاً البنك يعطى 70% من الأرباح التى تتغير باستمرار لا أن بعطى 12 % من رأس المال .. كمسلم أقبل هذا لأنه أمر دينى أما كمسيحى فأنت حر تماما فى أن ترى أن هذا الأمر أفضل لك إقتصاديا - هناك دراسات أوروبية تؤيد ذلك - أو أن ترى أنك تفضل النظام الآخر ..
بالنسبة للموضوع فرسالتى الأهم لإخوانى أرجوكم اختاروا الشخص الصحيح .. عدم إلقاء كلمة أصلا أفضل كثيرا من أن يلقيها شخص غير فاهم جيدا للفكر الإخوانى أو شخص غير مناسب بيئيا أو ثقافيا أو غير مقبول من الطلاب .. هذا مهم جدا جداجدا .. كان فيه واحد من إخواننا مكلف بإلقاء الكلمة - وهو شخص أكثر من رائع - لكن فى أحدالمرات لم يحضر وحضر أخ آخر مكانه وكان أسلوبه سىء جدا.. بصراحة شعرت أن إلغاء الكلمة كان سيكون أفضل كثيرا ..