أيها الأخوة ..و"الأخوات"!!
"مصلي النساء"، ربما تعد هذه العبارة بما تدل عليه من مكان مخصص لصلاة السيدات، عبارة تقليدية جدا..، ولكنها في العصور الأولي للإسلام لم يكن لها وجود، لأنه ببساطة لم تكن صلاة السيدات في مكان مختلف عن مكان صلاة الرجال، فقد كانت صلاة النساء وراء الرجال في نفس المكان وبدون أي حاجز..
وربما أيضا ستعد هذه العبارة متخلفة في الوقت القريب..، لأنه في أمريكا والدول المتقدمة بدء المسلمون العودة إلي العصور الأولي للإسلام في الاختلاط في المساجد والصلاة بدون حاجز يفصل بين المصليين والمصليات..
ليبدءا الخطيب خطبته ب: "أيها الإخوة والأخوات.." بدلا من: "أيها الأخوة..".
في أمريكا والدول المتقدمة
فقد طالعنا منذ عدة أيام علي موقع (إسلام أون لاين) خبر عنوانه "إلغاء فصل النساء عن الرجال بمسجد أمريكي" عن أحد أكبر المساجد في سان فرانسيسكو بولاية كاليفورنيا بالولايات المتحدة، والذي قام بإزالة الجدار الذي يفصل بين مصلي السيدات وبين مصلي الرجال، ووضع علامات صغيرة مطبوعة مكتوب عليها: "المساحة المخصصة للنساء للصلاة" خلف مكان الجدار الذي تمت إزالته.
وأضاف غالي، وهو أحد المؤيدين لإزالة الجدار: "أنا متأكد من أنه سيكون هناك هوية إسلامية أمريكية منفصلة عن تلك الموجودة بالشرق الأوسط وباقي العالم الإسلامي، حان الوقت للتخلص من تلك العادات السيئة".
وبعد أن رصد الخبر ردود أفعال المصليين المختلفة بين مؤيد ومعارض، قال (محمد سعدي) الباحث الشرعي في "إسلام أون لاين.نت": "إن النساء كن يصلين خلف الرجال في مسجد رسول الله صلى الله عليه وسلم على عهده وبعده دون أن يكون بين الصفوف حاجز، شريطة أن تكون الفتنة مأمونة والنساء يخرجن محتشمات".
ولكن ماذا لو طبق قرار الفصل بين المصليين والمصليات في مساجد الدول العربية..، هل سيتقبلون ذلك بعد أن أصبح الاختلاط مباح في كل مكان..
اختلفت الآراء بين الصدمة والدهشة وحتى الجدال واليكم ما تعرضت له من ردود أفعال بعض الشباب..
لا نعارض
فقد قال في البداية (الشيخ خالد) إمام أحد المساجد انه لا يعارض الأمر من الناحية الشرعية، لأن هذا ما كان يتم أيام الرسول عليه الصلاة والسلام ولكن تحفظه جاء في قوله: "أننا لسنا مثل صحابة الرسول عليه الصلاة والسلام في الالتزام الديني وقوة الإيمان فما بالك بعصرنا هذا".
في حين أعرب (إسلام عبد المحسن) -27 عاما- في سرعة: "طبيعي فهو أمر لا يتعارض مع الشريعة". فقلت له: "ألا تظن أن هناك من سيفعل مثل المنافقين علي عصر الرسول صلي الله عليه وسلم وينظر للنساء أثناء الصلاة". فرد قائلا: "أن مسألة النظر إلي النساء إنما هي مسألة شخصية وأمر نابع من نفس الإنسان ودرجة الإيمان".
أما (هبه عادل) -22 عاما- فقد أعربت عن فرحها الشديد في حال تطبيق هذه الفكرة، وذلك لأنها كثيرا ما تتعرض للسخط علي نظام الفصل الذي يطبق، لدرجة أنها تمنع تماما في أوقات حرجة من أداء الصلاة قبل آذان الصلاة التي تليها..
فتحكي قائلة: "أحيانا عندما أسير في الشارع وأحتاج إلي مكان أؤدي فيه الصلاة، ففي بعض الأحيان أجد مسجد مخصص للرجال فقط ولا يوجد به مكان مخصص لصلاة النساء، ورغم عدم وجود رجال في المسجد إلا أن خادم المسجد يمنعني من أداء الصلاة في المسجد بحجة عدم وجود مكان لصلاة النساء، ويضيع علي أداء الصلاة في وقتها".
اللهم ما أجعله ساتر
وجاء رد (سلوى محمد) -26 عاما- علي النقيض تماما حيث أعربت عن استهجانها التام من الأمر ورفضها التام له.
وحتى عندما أخبرتها بأن هذا ما كان يحدث أيام الرسول عليه الصلاة والسلام استنكرت للأمر. وقالت: "أن ذلك كان يحدث فقط عندما تكون الصلاة في الخلاء". وأكدت أنه حتى لو صح هذا الأمر فأنها تشعر بالراحة التامة في الصلاة إذا كان هناك ساتر بينها و بين الرجال.
وكان رد (كريم إبراهيم) -17 عاما- مثل ردها ولكنه لم يصدقني أبدا في مسألة أن هذا ما كان يحدث علي أيام الرسول عليه الصلاة والسلام، وظل يصرخ في وجهي قائلا: "حرام عليكم لا تفتوا بأي كلام سوف تحاسبون علي هذا الكلام يوم القيامة" .
وأيده (عبد الرحمن صبري) -18 عاما- بنفس الكلام ولكن بطريقة ألطف قائلا: "أن شباب هذه الأيام وعقليته لا تسمح حتى لو صح ما قيل أن تترك لأي فرد أن يفكر بتطبيق أمر كهذا".
كان حلال وأصبح حرام
وقال (حسام يسري) -16عاما- عندما سألته عن رأيه فرد قائلا: "أن هذا استظراف وقلة أدب". وعندما سألته مرة أخري عن رأيه بعد أن أخبرته بما كان يحدث في الماضي، فأخبرني أنه إذا كان هذا ما يحدث علي أيام الرسول عليه الصلاة والسلام فأنه حرام في وقتنا هذا.
في حين واجهتني (عاليه محمد)-18عاما- بصيحة استنكار رهيبة وهي تقول ما هذا الذي تقوله..، لا طبعا حرام". وعندما أخبرتها بما كان يحدث في الماضي قالت: "لا يوجد مشكلة مدام هذا الذي كان يحدث أيام رسول الله" .
الحرم وزمان
في حين أيد (أحمد الزمر)-24 عاما- هذا الأمر وقال: "أن الصلاة في الحرم تتم علي هذا النحو، وأنها كانت علي أيام الرسول عليه الصلاة والسلام تتم كذلك أيضا". وطالما لا توجد مشكلة شرعية فلا توجد عنده أي مشاكل لأن الأصل أن الواحد يرجع للشريعة لكي يعرف إذا كان الموضوع حلال أم حرام.
كانت هذه هي ردود أفعال شباب مختلف، وكان شبه إجماع الأغلب علي أن المشكلة في طريقة تفكيرنا أكثر من ما هو تفرضه الشريعة، وهو ما أصبح عائقا صلبا أمام حتى الرجوع إلي السنة والشريعة وتطبيقها.
وفي النهاية أريد أن أسألك ما رأيك في أن تؤدي الصلاة في مسجد مختلط..؟
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
اممم شوف ياكابتن , لما تبص علي امريكا والدول المتقدمه
علي انهم قله بمعني " المسجد" مش مسجد بالمعني المتداول
يعني " مركز اسلامي" فيه لعب لاطفال
علي ستات علي رجاله " في ستاره فاصل طبعا"
, بس في ظروف بتعيق الستات
مش في كل المرااكز , في وفيه, مركز ستات علي رجاله وستار فاصل
او الرجاله تحت والستات فوق , ليه7 الاختلاط لسببين ي
اقليه زي ما قلت الستات بعيالها ومتقدرش تسبهم
بضطر تاخدهم معاها " والرجاله ينداهو من ورا الستاره
هدووووووء"
والستات تخنقو نعمل ايه في عيالنا...
خلااااااص الدو ر الاول االاطفال ...
والتاني للنساء "مع الرجال", ماشي الكلام ماشي ...
في نص الصلاه يااخت ابنك بيعيط تحت....
تنزل من فوق حااااااضر... حاااااضر...
" ياماما ... يعععععععع"
"لماجالي كلوه..."
يشيلو الستاره يحطوها اصلي وامشي يلا باي..
السلام عليكم
انا أ رفد الأمر تماما
يارب أسترنا بدأ اسلام غريبا وسيعود غريبا
مع احترامي لكل راي
السلام عليكم
طبعا احنا منختلفش في ان ده كان بيحصل ايام الرسول عليه الصلاة و السلام بس مش عارف في الوقت الي الناس بتصلي في المسجد بالعافية هل احنا مستعدين دلوقتي لده و لا لأ
بص يا سيدي ياللي عامل التحقيق
لما تقول ان المسجد ايام النبي صلى الله عليه وسلم كان مختلط كده يبقى انت غلطان غلط كبير (بحسن نية)
اولا لان المساجد زمان مش زي المساجد بتاعتنا20 متر
ثانيا كان الفراغ بين الرجال والنساء كبير وتقدر تتاكد من الكلام ده اظن من (سيرة ابن هشام)
ثالثا النبي صى الله عليه وسلم كان امر بعمل مدخل للنساء عشان حاله التدافع اللي حصلت
رابعا: مش معقوله نسيب كوووووووووووول الايجابيات اللي في عصر النبي صلى الله عليه وسلم
ونيجي عند الحاجه اللي كلنا عارفين انها هتعمل فتنه ونعلق عليها ونمسك فيها
المسجد ايام النبي صلى الله عليه وسلم مينفعش يتقال عليه مختلط
لان كلمة اختلاط اصلا كلمه مستحدثه واطلقت على المكان اللي بيجتمع فيه الرجال والنساء واظن ان معناها اللي كل الناس عارفينه ان المكان المختلط اللي الرجال والنساء بيتعاملوا فيه
الله يكرمك بلاش تعمل لبس عند الناس على موضوع ميستاهلش
الموضوع محسوم مينفعش يتعمل النظام ده دلوقتي لان شكل المسجد اتغير
الا لو في مصلى (زي مصلى العيد)يبقى معلش والمسافه بينهم تكون كبيرة ويخصص باب للنساء
يعني من الاخر الكلام في الموضوع ده مش هيؤدي الا الى فتنه ولبس
واصلا ان يكون في حاجز بينهم ده اريح للنساء وللرجال
ولا الراجل هيكون مرتاح ولا المراه هتكون مرتاحه
الحاجز اريح للجميع
وربنا يهدي الجميع
والله اللي بيحصل فينا ده حلال.. لما حكوماتنا تدينا بالجزمة وتقول مفيش ديمقراطية لأننا لسة في فترة المراهقة السياسية.. لأننا مش بس مراهقين سياسيا.. لأ وفكريا كمان
مش فاهمة ايه حالة الهلع من التعامل مع الجنس الآخر سواء من البنات أو الشباب.. كما لو كانت صلاة النساء خلف الرجال بدون ساتر هي اللي هتفسد أخلاقنا.. هو انت يا أخي هتشوف بقفاك.. ولا الستارة دي هي اللي هتمنعك من النظر.. طب ما هي الستات هتخرج معاك في نفس الوقت بعد الصلاة !!
أنا عن نفسي شايفاها فكرة محترمة جدا، وده بجد لأني بعاني في أي جماعة لو دخلت في وسط الصلاة.. ولا ببقى شايفة الإمام ولا عارفة ده بيسجد ولا بيقرأ.. ويا سلام بقى لو جت سجدة تلاوة، تبقى الصلاة ضاعت في التفكير والتخمين
يا ريت بجد النظام ده يطبق في الجوامع، وحتى الزوايا.. حتى لو كان في جدار بين مكان النساء والرجال، بس يكون قصير بحيث يسمح للنساء برؤية الإمام.
المرة اللي فاتت طلعتيني عقليه متخلفة والمرة دي طلعتيني فكري مراهق بشوف بقفايا باين
كلام جميل جدا بس هي المشكله من الاول ان في المرتين محاولتيش تناقشي بالقران والسنه
اذا كنت انا عقلي متخلف وفكري مراهق بلاش تقولي كلام مرسل وقولي كلام علمي ارد عليه
انا مش لاقي في كلامك حاجه ارد عليها باستثناء سجدة التلاوة
والسؤال معقوله متعرفيش مواضع سجود التلاوة ومعقوله مفيش ولا واحده من اللي بيصلوا يعرفوا مواضع سجود التلاوة؟
طبعا انا مش لاقي كلام ارد عليه لانه كلام ملوش اي اصل في اي حته
بس لو عايزة تطبقي الموضوع ده طبقيه وشوفي الشباب هيصلي كل فرض اربع مرات
والمسجد مش هيبقى مكان للتعبد هيقلب مكان للتظبيط ولو قلتي لا يبقى بتضحكي على نفسك وبتخدعيها
بس لازم اقلك حديثين يمكن تبطلي حالة الاندفاع اللي انتي فيها
الحديث الاول :لم :" لا تمنعوا إماء الله مساجد الله ، وبيوتهن خير لهن"
الحديث الثاني:لأن تصلي المرأة في بيتها خير من أن تصلي في الدار؛ ولأن تصلي في الدار خير لها من أن تصلي في المسجد.
يا ريت بعد كده تحاولي تكوني هاديه شويه عشان الكلام ميطلعش بالشكل ده
فوزي واخوانه
عامل مشاكل في كل حته ليه يا عبده بتضايق الناس ليه ياعبده معلش يا جماعه عبده ميقصودش احنا دلوقتي خلاص حلينا كل المشاكل والناس بدات تروح تصلي ما شاء الله مالين الجوامع وزياده والستات كمان وكله لبس الحجاب وكله متقن عمله وكله كويس والحمد لله يبقى لازم بقى نفكر في المشكله اللي فاضله في الدين كله وهي صلاة النساء خلف الرجال(الاختلاط في المسجد -الكلمه دي متنفعش يا نجم -) وهنحلها المشكله دي بكل بساطه اولا اول صف للرجال هيبدا من الخلف و طبعا هيكون كله شباب وكمان اول صف للستات هيكون كده وهيبقى تنافس فظيع على الصلاه في المسجد والخشوع بقى والبكاء طبعا ما هو ده اللي ناقصلنا في الدين كله بس في حاجه بسيطه اوي متستغربولهاش ان النبي صلى الله عليه وسلم كان بيسلم اول تسليمه النساء تسلم من الصلاه وتمشي الحاجه التانيه ان المسجد مكنش فيه نور علشان يشوفو بعض وكمان المسجد كان بدائي مش زي دلوقتي وكان في مكان لدخول وخروج النساء منفصل تماما عن الرجال والحديث بيقول ان (خير صفوف الرجال اولها وشرها اخرها وخير صفوف النساء اخرها وشرها اولها ) وكمان ان صاة المراه في بيتها خير من صلاتها في المسج وصلاتها في خدرها خير من بيتها الله يكرمك كفايه تاليف لو مش عارف قول مش عارف ونرجع لعلماءنا ويارب نفهم وربنا يسترها معاناااااااا
يا أخ عبد الله ربنا يهديك.. هو حد كلمك أصلا ؟!! مين اللي قال انك المقصود بالتعليق !!
على العموم ده رأيك، ولازم نحترمه.. زي ما انت لازم تحترم رأي غيرك، ولا تصفه بالاندفاع.. ده اولاً...
ثانيا أنا مش مضطرة أناقشك بالقرآن والسنة في حاجة الرأي الشرعي فيها واضح، وموجود كمان في الموضوع، ان الفكرة المطروحة جائزة شرعا بضوابط معينة، أنا بتكلم في موقف الرافضين لمجرد الخوف من الفتنة.. كما لو كان الجنسين معزولين ومش هيتقابلوا غير في صلاة الجماعة... يعني بتكلم في أسلوب تفكير مش في موقف شرعي...
على العموم شكرا.. وربنا يهدينا جميعاً
على ما اتعقد ان هذا من قشور الدين الاسلامي .ويجب علينا ان لا ننسى اساسيات الاسلام ولا نفعل مثل ما حدث في الماضي ادى بهم الحال الى انهيار الدوله الاسلاميهافقيقوا يا شباب الاسلام اليهود عاجز على تحطيمكم
ملوخية ايه وباميه ايه وبطيخة ايه وواد كمان؟
مصيبه لو كنت مش عارف ان سيرة ابن هشام بتحكي السيرة النبويه
وانا قلت اظن لاني مش فاكر انا قرات حادثة التدافع على باب المسجد فين
بس واضح انك معندكش فكرة عن اي حاجه والا كنت تفضلت عليا وقلتلي انت غلطت في كذا والصح كذا
لكن ايه سوق الخضار اللي انت عملته ده
خليك انت على جنب
لور دكاش يعني الكلام المرة دي مش ليا؟
ماشي بس انا بحترم كل الاراء ولو قلت لحد انه غلطان بقله بشياكه
متنسيش انك في احد المواضيع السابقه اعتبرتيني من العقليات المتخلفه
وعلى العموم حصل خير
ياريت بقا اللي يلاقيني غلطت في حاجه يصححهالي بادب وانا مش هزعل اما االاخ فوزي واخوانه ده معندوش فكرة عن حاجه وربنا يهديه
تحياتي للجميع
بسم الله الرحمن الرحيم
بما إن احنا حلينا مشكلات المسلمين خلاص وحررنا القدس وطلعنا الأمريكان من العراق وبلدنا أصبحت ديمقراطية ومفيهاش فساد وكل الناس بتصلى فى المسجد يبقى مفيش مانع من إننا نناقش موضوع صلاة النساء فى المسجد خلف الرجال لأنه أصبح من أولويات الأمة.
الله أكبر ولله الحمد
الإسلام هو الحل
بص يا بتاع فوزي انت .. كفاية انك جبان و مش بس جبان لا مخك علي قدك يعني عايز تشتم عبد الله داري نفسك لكن كل كلمة بتقولهل بتعرفنا انت مين... والله تعبان في عقلك .. للاسف انخدعت فيك سنيين و انت انسان لا تستحق اي احترام نهائي .. عشرينات انا منافقتهمش زيك في وشهم شتمتهم انما انت عشان مصلحتك ملزق نفسك لهم و صراحة هما كمان مع ان زمان كان يقولوا لا منتعاملش معاه عشان لسانه و بعدها بأسبوع الاقيك عندهم
عموما الطيور علي اشكالها تقع بس علي الاقل حاول تحترم غيرك عشان الناس تحترمك و بطل تكون جبان يا **** و تشتم بأسم غير اسمك المرة دي هعديها المرة الجاية هقول انت مين في كل حته تيجي تسخر فيها من حد من اصدقائي او مني
بعد إذنكم عايزة اقول رأيي
1)مش كل حاجة كانت بتحصل زمان أيام الرسول (صلى الله عليه وسلم) لازم تحصل دلوقتي بنفس الشكل والأسلوب لان فيه حاجات كتير جدت مكنتش موجودة زمان -(بس المهم اننا منبعدش عن المضمون والهدف من الحاجة دي ).
2 ) يعني زمان الخرسانة مكنتش لسه اخترعت علشان يعملوا بيها جدار ومكنتش المساجد بالمساحات الكبيرة ومكنش فيه تكنولوجيا علشان تنقل الصوت زي دلوقت.
3) ورأيي الشخصي المتواضع - ان اهم حاجة يكون فيه مكان مخصص للسيدات - سواء كان يوجد فاصل أو لأ - وأنا شخصيا حستريح لو كان فيه فاصل بين مصلى الرجال والسيدات.
4) فيه حاجات اهم من هذة القشور لتناقش .
ستوب من فضلكم رد على بعض بالاسلوب ده وشتايم وجبان وعقليه متخلفه ورجعيه مينفش كده خالص مضحكوش علينا الناس يا جماعه احنا مسلمين ومنظمين والرد يكون هدفه اني اصلح مش مبسوط برايي وفرحان بيه اسمع كده الامام الشافعي بيقول ايه
رايي حطا يحتمل الصواب ورايي غيري صواب يحتمل الخطا) كلنا عايزيين نعرف الصح وربنا يكرم ويستر طريقكم قادر يا كريم