دبلة الخطوبة!
العادة جرت ان لما الواحد بيتخطب، بيلبس دبلة، واللى ما بينفذش العادة دى يبقى فيه حاجة غلط .. دة اللى حصل معايا.
قامت الدنيا علية إنى إزاى و إزاى مخطوبة و مش لابسة دبلة، و لما أبرر و أوضح إنها مش حاجة مهمة بالنسبة لينا، و انها مش فارقة معايا ألبسها بعد الجواز حتى، بقيت مجنونة و انسانة عجيبة، و بنات كتير تقولى: الدبلة هية اهم حاجة فى الخطوبة!
انا ليه لازم اعمل حاجة علشان المجتمع قاللى لازم أعمل كدة!
دى حاجة مش مقنعة، على عينى و راسى انها بتبقى علامة على إنى محجوزة (معلش فى الكلمة، بس هية اتقالتلى كدة، كأنى مثلاً الترابيزة اللى الزبون حجزها!)، بس ما تقنعنيش ان الدبلة هية اللى هتزود أواصر الود و المحبة مثلاً.
مش قادرة أفهم فكرة إن حتة حديد (فضة دهب ألماظ، هية آخرها حتة حديد)، هية اللى هتزود العلاقة أو الرباط ما بين اتنين، يعنى احنا كدة بنوصل علاقاتنا الجميلة فى الآخر لحاجات مادية.
يا بنات، إيه أهمية الدبلة بالنسبة لكم؟ و هل لازم تلبسوها حتى لو انتم مش مقتنعين بها؟
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
بصي ياحاجه تقولي بتعملك تسلخات في ايدك هتلبيسيها
يعني هتلبسيها وعلي راي الحاجه دودو الاختراع الرهيب
اللي اسمه دبله, لو ملبستهاش كانك من الفضا , وبعدين
ايه حكايه الجواز0 اللي في البلد دي ما علينا
لوووووولووووووي
الاكسجين يابت......
قصة انو الدبلة بتقوي اواصر المحبة بين العروسين هادا الشي موجود في الديانة المسيحية بقولوا المسيحيين انو الخاتم هادا لما ينحط على الاصبع برتبط مع شريان في الجسم اسمه شريان الحب واحنا طبعا( المسلمين) اخدنا هادا الشي على محمل الجد وصار اشي استحالة الاستغناء عنه
بس انا برايي انو اذا في بنت مش مقتنعة بالدبلة ما في مشكلة ما تلبسها وبالاخر هي حرة وارضاء الناس غاية لا تدرك مش كده برده ولا ايه؟
أختلف جدا مع الأخت العزيزة بنت العشرين فى التقليل من أهمية لبس الدبلة بين المخطوبين فالدبلة تظل من الأشياء التقليدية الجميلة فى عادتنا وتقاليدنا العربيه والمصريه على وجه الخصوص فهى رمز من رموز الحب وإحترام هذا الحب أو هذاالإرتباط بي المحبين أو الطرفين المخطوبين لذلك لابد من تأصيل هذة العادة والعمل على إعطائهامزيدا من الوقار والأحترام حتى لا تفقد وقارها وهيبتها حتى ولو كانت قطعة من الحديد على حد تعبيرك بنت العشرين مع كل الأحترام والتقدير لرأيك فعندما تكبرين شويه وترتبطى بالشخص الذى تحبينه عند وصولك لهذة المرحلة سوف تعرفين تماما قدر وقيمة هذة القطعة من الحديد إذا ما فكر زوجك أن يتركها حتى على سبيل السهو والنسيانوشكرا
انا مش فاهم ايه مشكلتك في لبس الدبله بلاش عقد بقي وايه المشكله لما الناس في الشارع يشوفوا الدبله في ايدك يعرفوا انك مخطوبه أو محجوزه زي ما قلتي هو مش خطيبك بردو نفس الوضع وبعدين دي حاجه مش هتسيئ ليكي يبقي ليه اصلي مش مقتنعه ومقتنعه خلي حياتك ابسط من كده وربنا يكون في عون خطيبك بجد
مش فاهمة الناس لما متلبسش دبلة..اومال لما يتخانقوا..يرموا ايه في وش بعض...!!
اجمل حاجه للبنت هي يوم خطوبته اليوم التحلم فيه براجل اكون حبيبه وحياته والدنيا بتاعته.
لما يكي اليوم ده وتلبس فيه الدبله حيكون اليوم ده يوم السعد ليه
وعاوزاه متلبس الدبله ليه حرام عليكي
دي الدبله حاجه مقدسه عشان الكل يعرف ان انا لابساه بعد الحب الجميل العشتوا مع حبيبي
انا مع الدبله
مشاعر الانسان مابتتعرفش الا لما تظهر فى صوره افعال اوتترجم لكلمات ،ولذلك الدبله تعتبر رمز لمشاعر جميله بين اتنين هيعيشوا حياه واحد، وافتكر لما تقلعيهاالناس هيعتبروهفال شؤم ،نظره مجتمع مش اكتر ،
وعشان كده ما تقلعهاش غلا لما تتنقل لإيدك التانيه ،إنشاء الله
يعنى انتى سيبتى كل مشاكل الخطوبه والجواز اللى بتحصل وجايه على الدبله!!!!! يا شيخه حرام عليكى وانا شايفه انها مهمه لو انتى مثلا فى شغلك وواحد اعجب بيكى لما يشوف الدبله فى الاول لو كان محترم هيحاول يبعد بس من غيرها ممكن يقرب اكتر وفى الاخر تقوليلو مخطوبه او العكس للراجل وكمان الواحد بيحب يكون معاه حاجه من حبيبه يعنى حاجات كده شكلك ملكيش فيها
الناس كلها فى مصر هنا بتعرف ان البنت المرتبطة لازم يكون فى واحدة من ايديها دبلة، سيبك من انها بتقوى العلاقة و تزود مشاعر الحب، لأن المشاعر أصلها القلب مش حتة الحديدة، بس الدبلة بتمثل رمز من رموز الارتباط الجدي و لبسها دليل على مدى جدية الطرفين فى العلاقة.
و بعدين طوول ما الواحدة مش لابسة الدبلة و هي مخطوبة ممكن تتعرض للمعاكسات او حتى تفاجأ ان فى واحد تانى يروحلوهم البيت عشان يخطبها، يقوم اهلها رادين عليه "معلش يابنى، بنتنا مخطوبة!!!"
انا متهيألي - كشاب طبعا - إن أي بنت بتكون لابسة دبلة الخطوبة بتبقى فرحانة و سعيدة و بتتفاخر بيها كمان احياناانها مرتبطة و جه عليها الدور، و ان القطر ما فاتهاش زي بنات كتير.
البسيها..البسيها..
أي حاجة ممكن يبقى ليها مزايا و عيوب، و احنا على هـ
مع كل الاحترام لكل الآراء خاصة الأخت الفلسطينية ان الدبلة دي حاجة خارج الدين الإسلامي فالكلام ده غير صحيح لأن العادات التي لا تتعارض مع الإسلام أقرها الإسلام والدليل أن الرسول صلى الله عليه وسلم جائته امرأة فقالت اني وهبت نفسي لك يارسول الله فلم يرد الرسول الزواج فقال أحد الجالسين زوجنيها يا رسول الله فقال ما معك فقال ليس عندي إلا ازاري قال وما تصنع بإزارك فقال له الرسول التمس ولو خاتما من حديد فقال لا أجد فقال فما معك من القرآن قال معي سورة كذا وكذا فقال الرسول زوجتكها بما معك من القرآن. اذا الرسول لو كان يعلم أن الخاتم أو الدبلة أو ما شابه فيه منافاة للدين لما طلب من الرجل أن يعد للزوجة مهرا خاتم من حديد مع الوضع في الاعتبار عدم المغالاة لأن الرسول جاءه رجل يريد أن يتزوج فطلب المعونة فقال له الرسول على كم تزوجت فقال على اربعمائة درهم من الفضة فقال له الرسول كأنما تنحتون الفضة من عرض هذا الجبل ثم قال له الرسول اذهب ليس عندنا ما نعطك.
ok we don't have to follow tradition if we didn't bleve in them
ok
انتي مش عايزه تلبسي دبله ؟؟ أول مره أسمع فيها بنت بتقول كده .. صدقيني .. دبلتي هي أجمل حاجه في حياتي .. و و الله مهما أكون مبهدله و مش لابسه اللي علي الحبل و انا خارجه .. مجرد أني لابسه الدبلة و التونز بتاعها ف صباعي بحس أني أجمل بنت ماشية ف الشارع و راكبة المواصلات و قاعده ف المدرج لمجرد أني لابسة دبلة حبيبي اللي عليها أسمه و تاريخ ارتباطنا.. و لما دبلة خطيبي ضاقت علي صوباعه .. نفسيتي تعبت جدا بالرغم من انه اشتري واحده تانية و لبسها .. بس حسيت اني ما بقيتش موجوده معاه لما غير الدبله اللي لبستهاله بنفسي !!
حاجه تانيه .. شوفي نظرة الويترز في كافيه أو سنيما أو مواصلات و انتي قاعدة مع خطيبك أو جوزك حتي و مش ف ايدك دبله هتحسيهم بيرموكي بنظرات من شرر .. أما لو الدبله ف صباعك هتلاقي مية من نفسه يقولك ربنا يهنيكي ..
ربنا يهنيكي يا بنوته
eldebla di ya gama3a 7aga mohema gdn we ana motafeka gdn m3 klam romantic_rose fe3lan enti bt7esi en di goz2 mnek we beterbotik be 7abebiik 2odam el kooon kolo fi wegodoh we 3'yabo di ramz le el 7ob we ma3nah kbeeeeeeeeeeeeeeeeeeeeer 2wi
دة ال url تدوينة الأصلية:
http://bannotat.blogspot.com/2006/04/bl
og-post.html
لماذا من نقل التدوينة، لم يذكر صاحبه؟
بصى بقى انا بردو فى بعض العادات والتفاليد بضايقنى بس بحترمها جدآ لانى لما بركز شويا بلاقى الناس دى بجد عندهم فكر وان العادات دى تنفع لكل زمن او وقت يابتنى صدقنى انامبقدرش اخلع الدبله من ايدى لما بتوضى برفعها لفوق شويا علشان المايه توصل تحتها وبعدين ارجعها وبعد الخطوبه تحت الدبله الجلد التهب جدآ وكل اخواتى قالوللى انقليها فى الايد التانيه حتى خطيبى قالى انقليها والله ماقدرت وبعدين دى كفايه انها حاجه منه موجوده معايا فى كل وقت وكمان حمايه ليا من اى عين او اى شخص يحاول التقرب منى من الاخر بتحط سد منيعاى واحده بتنخطب وتحب خطيبها بتبقى مش عايزه اى عين تشوفها غير خطبها ربنا يهديكى وتلبسيها دى حتى بتدفى فى الشتا
يا بخت خطيبك شكلة مريح اخر راحة