انتقل إلى المحتوى
عشريناتأرشيف موقع الشباب العربي ٢٠٠٤–٢٠٠٩

كايده العزّال آه يا جَزيرة

قراءة في ٤ دبقلم مدونة لِنَتَعدَّ الطبيعيّ

قرأت هذا التقرير في موقع الجزيرة..

وقد بدأ (أو بدا؟) خياليّاً:

"قدمت قناة الجزيرة مذكرة لرئيس الوزراء البريطاني توني بلير تطالبه فيها باستجلاء حقيقة ما أوردته صحيفة ديلي ميرور بأن الرئيس الأميركي جورج بوش أطلع بلير على خطة له لقصف قناة الجزيرة".

ثم تعدّى الطبيعيّ كوميدو-سيرياليّاً:

"وطالبت الجزيرة بلير بوضع حد للتكهنات بشأن الوثيقة،

وأعربت عن بالغ قلقها إزاء محتوياتها.

وطالب مدير قناة الجزيرة وضاح خنفر، في المذكرة، بمقابلة رئيس الوزراء البريطاني على نحو عاجل لمناقشة ما ورد في هذه الوثيقة".

(عاجل – خنفر – تكهُّنات)

- طق طق طق

- ميييين؟

- طق طق .. إنتوا نمرة عشرة داوننج ستريت؟

- إيه؟ مين؟ فين؟ فيه إيه؟، معاكم تصريح من النيابة؟

- معالي الوزير بلير؟

- فيه إيه يا زفت. أنا قُلت أنا في البانيو.

- معلش، فيه حد عايزك.

- إنت اتجنّنت؟ إيه ده!! مين ده.. إزاي دخلت هنا؟

إيه اللي جاااابك هنا؟؟ عدوّوو ولا حبيب؟

- بلير باشا!

- إنت مين؟

- وضّاح خنفر.

- خنفر مين؟

- أنا مدييييييير الجزييييييييرة

- السلطانيّة!!

يا خبر.. يرتجف بلير وتقف كلّ شعرات جسمه وشعيراته..

يستر عورته بفوطة، ولا يفارق خياله مظهرا صدّام على الأغلفة المشئومة في الحفرة ثم بالملابس الداخليّة.. داخلية/حفرة..

حفرة/داخليّة..

- أستاذ خنفر!! أرجوك أرجوك.. ما تصوّرش. سايق عليك النبي ما تفضحنيش.

ثم.. بصوت رشدي أباظة في فيلم ما اعرفش إيه:

"ممكن... ألبس هدومي"؟؟

- البس.. بس خذ بالك: الموضوع عاجل عاجل عاجل!

- أنا تحت أمرك.. بس ما تسرسعش...

- أستاذ بلير! إيه الكلام الفارغ اللي سمعناه عنك ده؟

إحنا لازم "نوضع حد للتكهّنات"

- أعمل إيه؟ أصلّح غلطتي؟

يطرق خجلاً...

بس أنا متجوّز..

- إحنا مش عايزين نتّبع معاك وسائل أخرى.

أنا باحذّرك.

إحنا معانا المرجع الشيعي محمد حسين فضل الله اللي اقترح نجري محاكمة قضائية عالمية للرئيس الأميركي، واللي يتشدد له...

- ولو... اتعاونت معاكُم؟

- تبقى شاهد مالك

- أرجوك أرجوك.. أنا صاحب عيال...

تفتكر بوش مش هيلعب من تحت الترابيزة؟

- ما تقلقش! إحنا معانا من مصر نقابة الصحفيين وحزب الجيل الديمقراطي وجمعية دعم التطور الديمقراطي وجمعية حقوق الإنسان لمساعدة السجناء واتحاد الأطباء العرب والمنظمة العربية للإصلاح الجنائي ونقابة المحامين وجماعة الإخوان المسلمين، ومن تونس حزب المؤتمر من أجل الجمهورية التونسية، ومن إيران وجمعية الصداقة الإيرانية العربية، ومن فلسطين حركة المقاومة الإسلامية (حماس)، ومن السودان المجموعة السودانية لحقوق الإنسان واتحاد المحامين واتحاد الصحفيين في السودان، وناس من اليمن.. وكلّ دول بيترجّونا أن نثبت على منهجنا الإعلامي، وخذ بالك أنّ منهجنا "أكسبنا ثقة الجمهور وأدى لتحول جذري في مفهوم حرية الإعلام"!

يرتجف بلير ويكاد يغشى عليه ذعراً...

- يعني ما فيش فايدة من المقاومة؟

خنفر، رافعاً حاجبه...

- أنا باقول تستجيب لمطالبنا أحسن

يكثف الدخان..

ويتبدد بلزوجة تجريديّة تدريجيّة...

وقبل أن يزول أرى مهدي عاكف مرشد الإخوان المسلمين يطمئن رُكَب الدول الغربيّة المرتجفة، ويصرح للأسوشييتد پرس: "... أن الإخوان لن يسعوا لتغيير السياسة الخارجية لمصر ومن ضمنها معاهدة السلام مع إسرائيل. وأوضح أن الإخوان لا يعترفون بإسرائيل لكنهم لن يحاربوها بل سيحترمون جميع المعاهدات التي وقعتها مصر معها." اطمّنوا ياجماعة.. إحنا مش ناويين نضرب إسرائيل خالص.. ما تخافوش...

يتداخل معه صوت عدلي أبادير يتحدّى حكومة مصر وسفراءها وينعتهم باللصوص، وصوت الراجل القُزعة الذي قال لآدم عبد ربّه آدم في "الهمجي": ما تقدرش!!

ويختلط هذا مع كلمات الزميل عبد الكريم نبيل عامر:

"لقد نجحت ، ويكفينى فخرا أننى نجحت ، نجحت فى إثارة المياه الراكدة منذ أربعة عشر قرنا من الزمان ، نجحت فى إجتياز الأسلاك الشائكة التى وضعت على العقل العربى منذ القرن السادس الميلادى " ثم..

"أنا لم أسجن ، فعقلى كان ولا يزال حرا من كافة القيود المادية والنفسية التى لم تستطع أن تمسه بسوء"

وأخيراً-وسط تصفيق الجمهور وتهليلهم-يقفز مِل جيبسون في وجهي صارخاً باللهجة الاسكتلنديّة:

They may take our life..

but not our freeeeeeeeeeeeeeeddooooom

ينقشع الدخان..

وأفيق

على صوت مطرب شعبي مغمور قرداتي ينقنق في الحارة ومعه قرد بـ"صديري" يتراقص:

"طايح في سوريا وفي الأفغان (إيوه آه)

وقادر على كلّ البلدان (إيوه آه)

ومع الجزيرة وقع الجبان..

وأنا من يومي

كايده العزّال آه يا جَزيرة

ما حاكموهوش عالفلوجة (إيوه آه)

ولا عالسياسات المعووجة (إيوه آه)

وغلطة وحدة في الهوجة

قسمت ظهره

كايده العزّال آه يا جَزيرة

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. هبهوب كُتب في
    هبهوب
    هو الفكره حلوو اوي بس معرفش حسيت كدا وانا بقره اني تهت في النص
  2. زعبوب كُتب في
    شلهوب
    ايه يا عم حد اسمه هبهوب ويعلق
    انتي مستحملة نفسك ازاي؟
  3. منزمان وانا أسأل نفسي ازاي عشرينات لا يتفاعلون مع المدونات كُتب في
    مدونات أكتر
    المدونات مهمة جدا
    ولازم تلعبوا معاها قبل ما تاكلكم
  4. Dabdoob كُتب في
    يعني ايه
    يعني ايه مدونات
    Dabdoob
  5. احمد عمر كُتب في
    جامد جداً.....!
    بصراحه الموضوع جامد بس آآآآآآآلش شويتين
  6. فلتحيا قناة الجزيره العربيه رائدة الحريه والديمقراطيه والامه العربيه كُتب في
    عاشق الجزيره
    ولتسقط قناة النيل الماسبيرويه الرجعيه السطحيه ويسقط مذيعنها التحف الصفوتيه ولتسقط قطاعات الاعلام السلطويه
    ايه اللي انا بقوله ده!!!!!!!!!
  7. الراجل الكبير: انت يابني ياشرشر مسئول العوالم والصهلله كُتب في
    عاشق الجزيره
    شرشر: ايوه يا باشا اامرني
    الراجل الكبير: عايزين يابني نرد علي الافتراءات والاكاذيب اللي قناة الجزيره بتقولها علينا
    شرشر: يا با شا القناة العالميه بتعتنا قناة الفيل للاخبار بتفندكل اكاذيبهم
    الراجل الكبير:ياشرشر انت عارف وانا عارف ان محدش بيفرج علي قناة الفيل للاخبار الا انا وانت والحاجه سنيه جنح
    شرشر: لا يا باشا ازاي انا منبه علي الموظفين بعد مايروحوا يتفرجوا علي نفسهم وعلي خيبتهم البني
    الراجل الكبير: طمنتني ياشرشر
    مكنش بقي فيه لزمه اخبط الجزيره المهموز ده عند توني بلير
    شرشر: هو انت يا باشا اللي ...
    الراجل الكبير : ايوه ياهبل ياابن الاهبل امال انت فاكر ايه هو انا بلعب
    ده انا بكم 24 ساعه في اليوم
    شرشر: ربنا يخليك لينا يابا شا ويخلينا افكارك اللي تجنن
    الراجل الكبير تعيش يا شرشر
  8. عبدالقادر المقدمي كُتب في
    حزب الله في القلب
    انا اريد ان اكون فردا من حزب الله ولم تتاح لي الفرصة لكي انضم اليهم
العودة إلى الأعلى