انتقل إلى المحتوى
عشريناتأرشيف موقع الشباب العربي ٢٠٠٤–٢٠٠٩

من فضلك..لا تفهمني خطأ!

قراءة في ٣ دبقلم ياسمين شكري

كثيرا ما تصرخ البنت بداخلها:

"لماذا يفهمونني خطأ"؟!..

"ما الذي أقوله ليشجعهم على النظر أو التصرف معي بشكل غير لائق "؟!..

ما لا تضعه الفتاة في الحسبان أنه من خلال إيماءتها و تعابير وجهها قد تفتح المجال أو الطريق للرجل بأن يقترب منها ويتودد إليها..

أو على العكس أن تغلق الطريق تماما في وجهه بحيث تنم حركاتها وإيماءات وجهها بعدم اهتمامها بيه وتجاهلها إياه!

ولكي نتعرف أكثر على لغة الجسد, وجد الباحثون أن هناك 52 إشارة غير شفوية تعتمد فقط على الإيماءات والحركات الجسدية تقوم المرأة باستخدامها إذا أرادت أن تتقرب للرجل أو للتعبير بدون كلمات عن إعجابها به من أهمها:

• إرسال ابتسامة عريضة تظهر معها الأسنان الأمامية و السفلية.

• التحديق بالعين باهتمام شديد.

• العض على الشفاة أو ملامسة اللسان للأسنان الأمامية.

• خفض أو رفع مستوى الصوت في الحديث لتصل لنفس مستوى الرجل.

• حك الذقن، أو ملامسة الخد.

• الغمز أثناء الحديث، أو الغمز من بعد.

• بسط راحة اليد في مواجهة الطرف الآخر.

• العبث بالشعر، كأن تقوم الفتاة بلفه حول الأصابع في أثناء تبادل النظرات.

• احمرار لون بشرة الوجه خجلاً.

• الضحك بانسجام مع ضحكات الطرف الأخر.

• محاكاة لغة جسد و أوضاع من تتحدث معه.

• توجيه الحديث لشخص بعينه بالرغم من تواجد الكثيرين، و تركيز الاهتمام الكامل لهذا الشخص.

وهذه الحركات والإيماءات وجد العالمان Moore and Butler * أنها لافتة للانتباه عند الرجال بشكل قوي جداً بحيث يستطيع المتمرسون التنبؤ بشكل دقيق بناتج هذا التفاعل ما بين الرجل والمرآة.

وبالمقابل تستخدم المرأة عادة 17 حركة وإيماءة وجه وجسد لإفشال أية محاولة للتقرب منها أو التغزل فيها من الأشخاص غير المرغوب فيهم بالنسبة لها:

• لا تنظر إليه ولا حتى نظرات خاطفة وسريعة.

• إذا حدث اتصال عيني يكون سريعاً.

• تنظر بعيداً كثيراً.

• لا تقوم بتغيير وضع جسدها (أثناء الجلوس).

• لا تهتم بأناقتها ولا بملابسها.

• تبتعد بجسدها أثناء الحديث.

• تبقي رأسها عمودية بغير ميل.

• فمها دائماً مغلق.

• عابسة الوجه.

• إدخال اليدين في الجيب، أو شبك الساعدين مع بعضهما البعض على الصدر كوضعية الشخص المكتف.

• تتحاشى التقاء عينيها بعيني الرجل بشكل مباشر.

• إنهاء تلاقي عينيها بعيني الرجل بصرف نظرها عنه أو النظر إلى شيء آخر أثناء حديثه معها.

• العكس وذلك بأن تديم النظر في عيني الرجل لأكثر من عشرة ثواني مع التقطيب إلى أن يرفع الرجل عينيه عنها.

وهذه الحركات المغلقة هي على العكس من الحركات المفتوحة التي تقوم بها المرأة لاإراديا في حالة رغبتها في التودد أو التقرب من الشخص المرغوب كما أوضحنا سابقا.

إذا وجدتي نفسك تقومين بمثل هذه الإيماءات و الحركات بدون أن تشعري فعليك أن تحاولي مراقبة نفسك، فكما تفكرين عدة مرات في الكلام الذي يصدره لسانك عليك أن تفكري بشكل أكثر جدية في الرسائل التي تحملها لغة جسدك بقصد أو بدون..!

أنت أيضا أكيد تعرضت من قبل لموقف خانتك فيه لغة جسدك..حيث كشفت ما أردت إخفاؤه من مشاعر..أو أظهرت ما لم يخطر لك على بال..احك لنا..!

Moore and Butler : باحثين أكاديميين حول لغة الجسد.

الكتّاب

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. ايه الجسد حُفظ في
    ايه الجسد وايه اللغة؟
    بطلوا قلة حيا
  2. !!! حُفظ في
    يعني ايه ايه الجسد وايه اللغة؟؟
    الجسد هو مجموعة الأجزاء اللي بتتحرك فيك واللي على بعض عملاك بني آدم.. واللغة هي حركاته.. اللي لازم ناخد بالنا منها علشان نكون ناس محترمة ومانتفهمش غلط..
  3. خلاص فضينا حُفظ في
    بعد كل الظروف المحيطة فوق وتحت ويمين وشمال وعلى كل ناحية ماعدش فاضل ورانا حاجة الا لغة الجسد وال...
  4. مننا حُفظ في
    ماهي كل الظروف اللي حوالينا دي جت بأفعالنا اللي بأه ولا بيحكمها دين ولا أدب.. يبقى الواحد يعرف حدوده أحسن.. يمكن لما نتعدل يتعدل حالنا
  5. قال يعني! حُفظ في
    عايز تفهمني مثلا ان خلاص.. مش هتتجوز علشان خاطر فلسطين والعراق؟ هي الحياة كده .. أحداث عامة وأحداث خاصة.. خد بالك من الاتنين علشان مش هيتضبطوا غير سوا يا فالح
  6. عاوز أفهم حُفظ في
    اولا جهد كويس يا ياسمين
    بس انا شعرت انه مقال تعليمي اكثر من مقال توضيحي
    يعني انا راجل هاخد بالي من الحركات دي مع اي واحدة تكلمني فلو وجدت منها حركة كده ولا كده اعرف انها مهتمة بيا والعكس .....
    كمان هذا المقال بيعلم البنات كيف يعبروا عن مشاعرهم واظن ان طريقة العرض قد خانت ياسمين
    فين كل الحركات دي من الحياء ...
    فين كل الحركات دي من شعور الرجل ان المرأة تحافظ على احلى ما فيها من خجلها وحيائها
    انا شايف ان المقال خاص بولد وبنت عايزين يمشوا مع بعض بس الولد مش عارف اذا كانت هي موافقة ولا ايه
    فلما يقرأ المقال ويشوف الحركات ويطبقها على ارض الواقع هاتكون فرصة كويسة وهي كمان تتعلم تبرز الحاجات دي بشكل واضح ...
    بصراحة مقال سيء إلا غذا وجه الى الزوجة والزوج
  7. ليه كدا يا ياسمين حُفظ في
    هو الموضوع لذيذ يعني وانابقراه كنت مبسوط بس اكتشفت بعد ماخلصته انه مضر جدا لانه ببساطة وصفة عبقرية لاي بنت عشان تجذب انتباه من تحب وتبدا معاه علاقة.
  8. Monia حُفظ في
    اقروا بس المقدمة والخاتمة بتاعت الموضوع..انتوا بس تلاقيوا ركزتوا في القراءة على معاني الإشارات و الإيماءات..يا ترى ليه..!! ;)
  9. غاندي البلد حُفظ في
    بلد بتاعة شهادات صحيح
  10. ola@hotmail.com حُفظ في
    كل حاجه على الست .. ما فيش على الراجل
    طب هو الملاك وحنا الشياطين .. بس فالحين
    يتجوزا ويخلفوا .... وبينافق انا بحبك ..
    وبابتسامه عريضه .. ان جبتلك ضره (( ضره
    لما تضرك .. انشاء الله ))
  11. خطأ في المعالجة حُفظ في
    الموضوع فعلا جميل ياياسمين..وهو موضوع شائك وشيق في نفس الوقت لكني أعتقد ان طريقة المعالجة ظلمت الموضوع وكاتبته فكان ممكن مثلا نعرض الموضوع بالشكل ده وفي نفس الوقت نلفت نظر القراء على ان دينا دين جميل وحفظ البنت قبل الولد من أي شك او شبهه تحوم عليها فمثلا في قضية غض البصر سدت علينا الذرائع وقفلت علينا باب دة بص لي ودي ركزت في عنيا.... كان محتاج لمحه او مزج بشكل مناظرة مابين اللي بتقوله النظريات دي ومابين تعاليم دينا السمحة.
    انما في الآخر برجع وأقول جهد طيب يا ياسمين وحاولي تعرضي من نفس الزاوية ردود أفعال الرجل لكن من المنظور اللي قلنا عليه سابقا.
  12. موضوع شيق حُفظ في
    الاخت ياسمين
    موضوعك ممتاز جدا واشكرك كثيرا على هذه المعلومات
    وبالنسبه للاخوة والاخوات اللي تعليقهم كان سخيف اسمحولي اقول لكم
    انتو جهله يعني لا تفهمون شيئا والاحسن ما تشاركورش
    وخليكم من السخافات اللي تقولوها ومالهاش معنى
    مرة اخرى مشكورة اخت ياسمين
  13. marmoor حُفظ في
    لا يا جماعه الموضوع مش بطال بس كله الا موضوع ان اللي مش طايقه الراجل تحدق في عنيه و نظره طويله لغايه هو ما يشيل عينه اهو ده اللي مش ممكن ابدا ابدا
    كده عيب اوى يا جماعه البنت المحترمه مش هيقلل من شخصيتها انها تكسر عينها ادام الراجل مع انى مبحبش التعبير ده بس هو مش كسرة عين هو ادب و احترام
  14. رنين الحب حُفظ في
    بسم الله الرحمن الرحيم
    ياسمين الموضوع فعلا حلو بس فعلا طريقه المعالجه خانتك بس معلش اكيد فى مواضيع احسن . ياسمين ماتياسيش كل انسان له رايه وانتى كمان حاولى تحافظى على وجهه نظرك بسسسسسس خدى باللك
    اختك
    رنين الحب
  15. موقع عشرينات حُفظ في
    ** تم حذف المداخلة لخروجها عن الآداب العامة..
  16. عيب حُفظ في
    ا في غير هل الموضوع نناقش فيه الكل يسعى لافساد الجيل وهذا مخطط صهيونيي لافساد المجتمع العربي زكم من البنات والشباب سيراقب تصرفات الاخر يا ناس عيب خافو الله
    فهد
  17. انا مش كده حُفظ في
    سلام عليكم
    موضوعك جميل لكن يعتمد علي المتلقيين في ناس حيطبقواوفي ناس حتاخدوا كمعلومة وخلاص ,تاني حاجة المعلومات دي بتعتمد علي طبيعة كل انسان انا مثلا في بداية معرفتي بخطيبي كنت اقوم بحركات الابعاد احتمال علي ما اظن اني بخجل ابص في عينو لحسن يعرف اني بحبو قبل ما اتاكد انو بيبادلني شعوري(يعني مش قانون ده عشان تطبقوه يمكن يجيب النتيجة عكسية ولا ايه).
  18. اسال مجرب ولا تسال دكتور حُفظ في
    كل بحث لابد له من تجربه فهل قمت بتجربه عما تقوله
    احب اقول لك اني انا جربت لو محتاج اي حاجه عن تجربتي ممكن توصل ليا عن طريق الايميل
    plaza_star2005@yahoo.com
  19. FORAT_2002@HOTMAIL.COM حُفظ في
    انا بدي لغة جسد صغيرة مشان اي حدا يشوفني يحبني كثييير على فكرة انا حلوة كثير جد مش مزح بس اي حدا يشوفني يعتبرني طفلة حتى حبيبي لان حجمي فرفور
  20. بجد لازم تقروه عارفين ليه؟ حُفظ في
    انا اريت التعلقات ومش عجبتنى الطريقه دى
    يا جماعه كل واحد يقول رأيه بس بشكل كويس انا عن نفسى عجبنى المقال جدا جدا جدا
    بس ده مش معناه انى هعمل زى اللى فى المقال
    ويا جماعه بجد فى بنات تحب انها تعمل كده بس برضه فى بنات مش تحب ده
    كل واحد وشخصيته وانا مش شايفه اى حاجه خادشه لحياء اى حد
    على العموم انا قلتلكم رأى ولو حد عنده اعتراض على رأى ده ممنك يقول انا ميلىwhiteangle_n@hotmail.com
  21. مش موضوعية !!!!!!!!!!!!!! حُفظ في
    خليكي موضوعية شوية يا بنتي وانت بتعرضي المادة علشان الامانة الصحفية بلاش تصبغي الفكرة بوجهة نظرك وتوجهي الموضوع للنهاية اللي انت عاوزاها!!!!!!!! بس الفكرة برده جديدة جدا برافو !!!
  22. (الموضوع مش و حش) حُفظ في
    الموضوع مش وحش ي يا جماعه لأنه بيعلم البنت ازاي تقدر توصل رسالة معينه عاوزه توصلها لشخص من وجهة نظرها انها صح وانها موافقه تعضلو شفايفها... بس من ناحية أخرى تاشاب نفسه مش حيحترمهامع انه حيتكيف من تصرفاتها. في حين ان البنت لو عاوزه تأفل مع حد مش كده تحتقره للدرجه دي خلي في شوية ليونة في التعامل مع الموقف اميلي:mzuona@hotmail.com لاي تعليق
  23. (الموضوع مش و حش) حُفظ في
    الموضوع مش وحش ي يا جماعه لأنه بيعلم البنت ازاي تقدر توصل رسالة معينه عاوزه توصلها لشخص من وجهة نظرها انها صح وانها موافقه تعضلو شفايفها... بس من ناحية أخرى ان شاب نفسه مش حيحترمهامع انه حيتكيف من تصرفاتها.من ناحيه أخرى ان البنت لو عاوزه تأفل مع حد مش كده تحتقره للدرجه دي خلي في شوية ليونة في التعامل مش كده مع الموقف اميلي:mzuona@hotmail.com لاي تعليق
العودة إلى الأعلى