اكتب نعي رئيس بلدك!
لأننا مؤمنين، فنحن على يقين بأن كل البشر سيموتون يوما ما، الأزمة أن الواقع يجعل هذا الإيمان يتزعزع قليلا..
رؤساؤنا الذين يجلسون في المكان ذاته منذ عقود، بعضهم قضى من عمره ثلاثون عاما في نفس المكان، وبعضهم أزاد على الثلاثون أعواما أخرى..
لن أحكي عنهم كثيرا فنحن جميعا نعرفهم أكثر مما نعرف أنفسنا، ونرفض حتى أن نصدق أنهم سيموتون يوما ما.
نفكر في الأمر أحيانا، نسخر منه، لكننا لا نصدقه في النهاية..
في التعليقات فرصة جيدة لنصدق أنهم سيموتون يوما ما، فلأنهم سيموتون، فسينشر بالتأكيد نعيهم في الصفحات الأولى من جرائدهم القومية..
أتذكر الآن نكتة مصرية شهيرة، عن مصري يذهب يوميا لبائع الجرائد وينظر نظرة سريعة إلى الصحف وينصرف، يمسكه البائع يوما ليسأله لماذا لا يشتري، ولماذا ينظر كل يوم وينصرف وكأنه لم يجد ما كان يريد.
يخبره الرجل بأنه ينتظر خبر وفاة أحدهم، فيرد البائع في ثقة: أنت كاذب لأن أخبار الوفاة تكون في الداخل بصفحة الوفيات..
فيرد الرجل في أسف: أعرف، ولكن الذي أنتظر وفاته هو الوحيد الذي يتصدر اسمه الخبر الرئيسي في الجريدة!
تصور لو مات رئيس بلدك اليوم، كيف سيكون نعيه، وماذا سيكتب فيه..
أكتب الآن نعي رئيس بلدك بمنتهى الصراحة، تخلص من الخوف والقلق والرهبة والاحترام، وأكتب عن رئيس بلدك.. فقط كما يستحق أن يكتب عنه في نعيه الأخير.. ننتظر مشاركاتكم.. في التعليقات!
اقرأ أيضا في هذا الملف :
مقدمة الملف
في رحاب الله
تحب تموت ازاي؟!
اكتب نعي رئيس بلدك
موت و خراب ديار!
في العزاء .. أنا جاي أهرج
تحب تنتحر
اللي تعرف ديته اقتله
أبوك مات يا محمد .. ما أنا عارف
لصوص الموت .. ظرفاء كالعادة!
ماذا لومات الرئيس
دموع الفضائات العربية
سيدنا الولي
قرأت (نعيك)؟!
الحزن .. حاجة شعبي خالص
صفحة الوفيات .. ليست دائما الأخيرة
"كلب" .. و راح!
الحانوتي .. أنا من تراب
ميت على رأي المثل
الفيلم لن يموت!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
ايها المواطنون .. جائنا البيان التالى ... لقد جاء اليوم الذى سنرتاح فيه بعد تعب .. بعد كل هذاالفسادطوال 27 عاماً. مات الرجل الذى جعلنا أرخص من التراب .. الرجل الذى جعلنا فى أرجل الأمم .. الرجل الذى جعلنا دلاديلاً لأمريكا طوال فترة حكمة .. توفى إلى رحمة الله وبعد طول إنتظار . الغير مأسوف عليه الرئيس محمد حسنى مبارك بطل الفقر والجهل والمرض والبطالة.. بطل التعذيب فى السجون بطل الحزن الوطنى الدموىقراطى اللى طول عمرة واطى ... وإلحقوا بسرعة روح أمه جمال إبنه قبل ما يستولى على الحكم ....
طبعاً لو الحجر غتحرك الشعب المصرى عمره ما هيتحرك ... أسيبكم بسرعة أحسن بتوع أمن الدولة صوتهم على السلالم ..ز سلالالالالالالالالالالالالالالالالالالام...
البقاء لله اصيبت مصر والدول الاسلاميه والعربيه بل اصيب العالم اجمع ببلاء عظيم حيث فقدنا جميعا الرجل الذي طالما اجتهد وعمل من اجل مصلحة شعبه الرجل الذي لم يسعي ابدا خلف امريكا واسرائيل ورفض اي تنازلات من كبرياء وطنه العظيم الرجل الذي رفض اتفاقيه الكويز ورجع قبلها تاني بسروط اصعب الرجل الذي رفض ان يكون حكم مصر بالوراثه ورفض ان ابنه علاء يمسك الحكم بالوراثه واداه لابنه التاني جمال الرجل اللي رفض ان المواطنين المصري يتهانوا ورفض ان الوزراء والفاسدين من رجالته يستمروا في عملهم اكتر من 25 سنه الرجل الذي طالما احب مصر واحب شعبها الرجل الذي رفض ان تكون ثروته في بونك اوروبا اكثر من 200 مليار دولار امريكي واللي زاد عن كده حولوه لليورو الرجل الذي رفض ان تنداس كرامة بلده بدون ان ياخذ هو المقابل الرجل الذي صمت عن اساءة الرسول الكريم رغم انه لايكت ابدا اذا كانت الاساءه لشخصه الحقير واخيرا ادعوا الله ان يتغمد الفقير برحمته وان يلهمنا نحن الشعب المصري الصبر والسلوان علي هذه الفاجعه وان نتحمل الفاجعه الاكبر وهي وصول جيمي للحكم هذا وقد ارسل الرئيس الاميركي 3 برقيات للمدعو جمال الاولي بالطبع عزاء للرئيس علي وفات والده والثانيه تهنئه بوصوله للحكم والثالثه سؤال مهم جدا هلي سيبقي رقم حسابه القديم بسريسرا زي ماهو ولا حيغيروه
والسلام عليكم ورحمة الله وبركاته
يا جماعه انتوا بتحلموا
قال الريس هيموت قال ابقوا قابلوني
أعتقد لو ميمي مات هيعملوا لواحد عملية تجميل و يخلوا واحد شبهوا عشان الدولة متضعيش ( قال يعني البلد مش ضايعه )
دلملك رحمة اقله هؤ صربح
We have not matured beyond the stage of worship a person yet. We should not be aspiring to the day when mubarak dies, because our next dictator will be a corrupt dictator like him but with a better cosmetics. Instead we should aspire for the day when we have a system that guarantees us our basic needs regardless of the person in charge. A system with which we can correct or reject the government actions like in so called civilized countries. But before we get to this stage we must become active citizens who reject corruption and oppression and claim their rights whenever the situation calls for active action.
ايها المواطنون الشرفاء , مواطنوا مصر العظماء , يا اصحاب الحضارة و التاريخ , ان اليوم هو اعظم ايام الامة , فقد فقدت الامة طاغية , فاسد , حقير , لص , مستبد كان رمزا رمزا عظيما فى اللوصوصية فقد استطاع ان ينهب ثروات هذا الشعب المسكين على مدار 25 سنة و اعاش هذا الشعب فى حالة من الضنك و الفقر و الازمات الاقتصادية التلاحقة مما يجعلنا لانستغرب على موقفه تجاه ما حدث لنبى الامه و شفيعها , فان شخصا بهذه الاخلاق السمحه تتعجبون لو اخبرتكم انه تقاضى من الدنمارك 65 مليون يورو حتى يسكت و لا يتخذ اى موقف تجاه الدنمارك , فماذا تظنون من شخصا هذه اخلاقه ؟؟انه لمن الصعب علينا ان نودع جسمانه النجس قبل ان نأخذبثأر الناس منه و لكن المنتقم الجبار حى لا يموت و ندعو الله له ان يغمسه فى قاع جهنم و ان يرى جنة ابدا
عفوا : ان لا يرى جنة ابدا
حكمت فظلمت فمت يا مبارك ، اذهب غير ماسوف عليك
موت الظالم عباده
يا سبعى يا جملى يا بتلو يا مبوظ الكون روح الله يخرب بيتك يا مضيع البلد انت وحاشيتك يمبارك يا لهوى .. يا لهوى .. يا لهوى
فقدت مصر اليوم ابن بار من ابنائها الكرام قائد الطله الجويه لنصر اكتوبر المجيد , جراء نزله برد في فوم المعده
يقام اعزاء يوم الخميس موافق 31-12-2999
بالمحكمه الدستوريه العليا الحضور بالزي الرسمي (شورت وفانله)
الحضور في تمام الساعه ال 9 صباحا
سعر تذكره الدخول 15 قرش وكل 3 عليهم تذكره هديه
يلا اشوفكم هناك
فقدت مصر رجلا من أعفن الرجال ... من أصيع الرجال ... من أغبى الرجال ... من أجشع الرجال .... (الله يرحمك يا سادات)... رجلا عاش و مات على كرسى الحكم فقط لأن الكرسى قد ألتصق بمقعدته و أقسم ألا يفارقها لا حتى يفارق باقى الجسد الحياة ... و هاهو الجسد قد فارقت الحياة لكن أعماله ستبقى و كذلك حساباته فى بنوك سويسرا و السويد و أمريكا .... سوف تبقى حساباته و حسابات عائلته عامرة بكل ما هو نفيس و غالى تم جمعه من دم الغلابة و من أرواحهم ... و كذلك سوف تكون السجون عامرة بالصراخ و رائحة التعذيب و الجثث تزكم الانوف ... أذهب فلتكن جهنم الخلد مثواه و من الشوك و الحميم فراشه و طعامه أمين أمين أمين بعدد من تولى رعايتهم كراعى و لم يحفظ حقهم بعدد دموع الايتام و الثكالى أدعوا من الله سبحانه ان يريه ملايين لحظات الهلع كما رأتها أم فقد أبنها الرضيع فى البحر و هو يغرق بين يديها ... حسبنا الله و نعم الوكيل
ان شاء الله سوف تجتمع الأمة الإسلامية يوم الخميس القادم
2006-02-09
علي الصيام وتوحيد الدعاء .....
اللهم هذا نبينا يهان فأرنا عجائب قدرتك في تدميرهم
ارجوا نشر هذه الرسالة لكل من تعرف
اللهم بلغت اللهم فاشهد
aroundu_4@yahoo.com
الغريبه انه لو مات هيرتاح هههههههههههههههههه
يعنى مرتاح دنيا واخرة
بس بيتهيألى انه لو واحد من دلوقتى ياخد المقبرة اللى اكيد سعرها هيزيد بعد مايموت
مستنيين موتك يا رمة
بسم الله الرحمن الرحيم
الراجل داه عنده حق يا جماعه وداه اللى خلانى اهرب من البلد واتغرب عشان خلاص مابقيتشى طايقها وعشان انا حسيت انى بقت خطر على نفسى وعلى اللى حولى وانى ممكن اعمل حاجه فى ولاد الكلب دول ,وأىذى اخوانى والناس اللى حولى ,واولهم شيخ المنصر والحرامى الكبير المبجل محمد حسنى مبارك وعائلته
فعلا حسيت انى ممكن اتهور واعمل حاجه ترمينى ورا الشمس عشان كده اثرت السلامه وخلجت بره البلد
فى غربه ما يعلم بيها الا ربناعشان ايه
شوية قروش
ابعد عن امى المريضه واخواتى البنات اللى مالهم غيرى بسبب جيوب اصحاب القلوب المتحجرة اللى الواحدمنهم لو شافك قرش صاغ هيحطك فى جيبة ويقول لاهلك ماشوفتهوش
غربة بكل ما فيها من ذل وحرمان وقهر وليه
عشان شقه ولا عشان جوازه ولا عشان ايه
اقول ايه الله يلعنهم ويلعن جشعهم وسعارهم اللى بقى اكبر من سعار الكلاب
تخيلوا انى بطلت احلم
تخيلوا ان امه ولا شعب مابيحلمشى
عشان الاحلام بقت محرمه
بتتكسر
تخيلوا ان واحد يبقى كل حلمة انه يبقى عنده شقه وعربيه وهيا من المسلمات فى اى مكان خارج مصر
كارثه ان احلامنا ماتت للدرجة اللى مانقدرشى نحلم تانى
لازم نعمل حاجه مش هنفضل طول عمرنا كده فى الهوان
لازم نقول لا
كفاية سلبيه ولا مبالاه وقعده على القهاوى ومصمصة الشفايف وشرب دخان
والملاحظ ان الحكومه الجديده بتحاول تتجمل عشان تكسب الناس فى صف الحزب الوطنى الحرامى واول حاجه هوه قيام اتنين من الوزراء المنصور والمغربى بالاستيلاء على البنك المصرى الامريكى بنص تمنه
بـــنـــص تــمــــنـــه ولسه ماعدوش الاربعين
مش يخلو عندهم دم ويستنوا بعد الاربعين بتاع الوزاره
لا دول اول حاجه عملوها وضع يد على البنك
وبقى بتاعهم
عشان كده انا عايز من هنا تبدأ حملة مقاطعة للبنك داه
مقاطعة البـــنــــك المــــصــــرى الامـــريـــكـــى
بتاع الوزراء الحرامية
مرة فى حياتنا ننتقم وناخد حقناونربيهم
نعرفهم انه كفايه خلاص مابقاش فاضل فى البلد الا شوية بشر
يا ترى هييجى اليوم اللى يتاجرو فيه بينا احنا كمان
ويبيعونا عبيد
او اجسامنا تبقى قطع غيار لحضاراتهم
ومش كفايه لا دول بيحضرو العمده الجديده بتاع البلد
اللى معاه مفتاح الخزنه
المبجل البرئ اوى وهوه بيقول مش هنورث الحكم النجم الكبير اللى متنعم فى خير ابوة
صاحب العزبة الجديد جمال مبارك
طب قسما بالله والله العظيم انا من كتر ما الراجل داه بتيجى اسمه فى النشرات احيانا ببقى سرحان ولما اسمع اسمه اقول عليه الصلاة والسلام
ايه المرحلة المزريه اللى وصلنالها دى
اسمع اسمه لدرجة انى اسمعه اكتر من الرسول عليه الصلاة والسلام فى خطبةالجمعه
الظاهر انى خلاص
حرام حرام حرام حرام كفايه انا طهقت
حسبنا الله ونعم الوكيل
اللى عنده اقتراح لحاجه يقولهاالجروب دى كبيره ولازم نستغل جرأة اعضاءها
يا جماعه لازم نعمل حاجه يا اما هنفضل فى مستنقع الوساخه داه لحد مانموت
بيتهيألى ان اولادنا اللى لسه ماجوش لهم حق اننا نبقى رجاله فى عينيهم ونحاول نغير
مجرد محاوله
وحلم قرب يضيع
حلم يحتضر زى باقى الاحلام اللى راحت
on addore notre paye et bien sur notre roi qui est tolerent,aide les gens en detresse et encourage les projets de son paje
زغرتى يا للى منتش ويانا لولولى تولى اليوم بحمد الله تعالى الرئيس المحبوب سيادة الرئيس هيثم جمال مبارك حكم مصر بعد والده السيد جمال مبارك الذى تولى بعد حكم السيد الحكيم والده صاحب الضربة الجويه الاولى ذلك الرجل العظيم الذى حكم هو ووالده ووالد والده هذه العزبه لمده 80 سنة امد الله فى عمر هيثم وتغمد الفقيد والده بالف رحمه ونور بعد ان اعمروا بيوت الشعب المصرى وعقبال حفيد الحفيد يارب
اليوم، وبعد ثلاثين عاما من خلافة حكم مصر عن جده الرابع عشر، انتقل الى ستين ألف داهية الرئيس المصري وائل حسام صبري أحمد حسين جمال محمد حسني مبارك مسلما ًالراية من بعده لنجله كريم وائل....محمد حسني مبارك والذي كان قد أكد مرارا وتكرارا نفيه أن يكون هو الرئيس الخليفة لوالده.
هي دي بلدنا "المملكة العربية الحسنية" واللي مش عاجبه يعمل له بلد تانية باسمه ويعيش فيها.. يا شعب يا حوش يا رعاع جاتكو نيلة عرتونا قدام العالم
و الله كلامك قلب علينا المواجع أنا بقالى خمس سنين فى الغربة و كل يوم بسأل نفسى سؤال واحد أمتى هرجع بيتى و أعيش بين أهلى تانى و فعلا أكتشفت ان الواحد بيلهث طوووول عمره علشان يوفر ما يتخيل انها كماليات و هي فى الحقيقة أشياء مفروغ من وجودها فى بلاد تانية و لا حول و لا قوة الا بالله .... اللهم أنتقم من سارقينا .... بس و الله أرجع و أقول المقولة الشهيرة "من أعمالكم سلط عليطم" لأنى بجد ما لاقيتش شعب و أنا طبعا من ضمن هذا الشعب بالسلبية و الخنوع و الخضوع ده فمن الطبيعى أذا دخل على سارق البيت أن أهاجمه لأنه يحاول يسرقنى لكن للاسف مع الشعب ده السارق بيسرح و يمرح بداخل البيت و ينهب و يشفط ما يشاء أما صاحب الحق و صاحب البيت فدائما يؤثر السلامة و يهرب عن طريق عقد عمل فى الخارج .... لا حول و لا قوة الا بالله و لكن هذه المرأه بسشبب جبن هذا لشعب الخانع الذى يستحق ما يلاقيه على يد الحرامية و لتهنئ العصابة بالبلد بطولها و عرضها
هو إحنا المصريين بس اللي عايزين ريسنا يتكل... هو إخوانا الليبيين والسعوديين والتوانسة والأردنيين والسوريين مبسطوين برؤساهم ولا تحبوا إحنا المصريين نقوم لهم بالمهمة العظيمة دي
رحل في ستين ألف داهية الرجل الذي عاش من أجل السلام ومات من أجل السلام وذُبح على الشريعىة الإسلامية
اللهم اجعل مثواه . . نار يا حبيبي ناااار
وبالمناسبة انا لي همسة عتاب على الباشمهندس الراحل السادات . .
عيب عليك . . حقيقي عيب عليك وحرام عليك . . يا ريس يا راحل اللي انت عملته ده اسمه هزار بوابين
حد يهزر مع شعبه يقوم يلبسه خازوق لمدة 25 سنة؟؟
طبعاًانت كنت مهيس وضارب سنة افيون من اللي متوصي عليها في تذكرة داوود بتاعة زمان يوم ما عينت المحروق اللي اسمه حسني نائب للرئيس
ومش بعيد تكون قلت في سرك اهو كلها كام شهر والشعب يكتشف اني سبت له خازوق مش رئيس ويقوم يخلعه . .
عاجبك يا رخم؟ اهو الخازوق تغلغل وانتشر وبقى معشش في كل حتة في مصر ومش راضي يطلع . . دي عملة دي؟
جتك القرف فيك وفي النايب بتاعك
ياريت يا اخويا يارب يا سلاام لو اخينا دة مات هيكون يوم المنى بس الفرحة مش هتكون لان هيطلع لينا مبارك صغنن يكمل مسيرة ابوة طبعا من شابة اباة فما ظلم
يا الف نهار نهار ابيض يا الف نهار مبروك
والله بس يعملها المعفن دا
والله لاخرج في الشارع بربابه واقول مبروك عليكم وعلينا
في سينين داهيه يا سبعي تروح ماترجعشي ياجملي
لولولولولولي
زغروته يا حبايب
فقدت الامه الامريكيه امس واحدا من اخلص رجالاتها هو السيناتور م.ح.مبارك الذي تولي حكم ولايه مصر الامريكيه منذ العام 1981خلفاً لسلفه السادات ، وقد شهدت فترة حكم مبارك الكثير مما يجعل كل امريكي مخلص يحزن بشده علي فقد هذا الرجل العظيم فهو الذي قام بضم مصر رسمياً لتصبح ولايه امريكيه جديده وسعي بحنكه واقتدار الي اخضاع كافه الولايات المتمرده في المنطقه، وقد تصدي الرجل بقوة واخلاص علي مدار ربع قرن لكل محاولات التمرد التي قام بها الهنود الحمر في بلاده علي الولايات المتحده وخاض في ذلك معارك ضاريه استخدم فيها القطارات المحروقه والعبارات الغارقه والمسارح المشتعله ولم يألوا جهدا في سبيل اخضاع الشعوب البربريه .هذا وفي موكب مهيب قام خلفه السيناتور ج.م.ح.مبارك علي رأس مشيعي الفقيد بمواراه جثمانه الثري في مقابر الاسرة في فيلادلفليا، وقد اعلن الحداد علي روحه لمده 30 ثانيه.
أللي خلف ما ماتش و ربنا يظولنا في عمر السيد الرئيس جمال محمد حسني مبارك
ياجماعه دي رئيس جمهوريه عيب عليكو الكلام دي
اذهب غير مأسوف عليك
اضعت شعباًً......... ودمرت احلام شباب.......... وجرت على من مالت عليهم الدنيا
لوكنت حكمت بحكم الله لبكينا عليك كثيراً ولامنت فى قصرك وبلدك
ولكن هيهات ان يجتمع الظلم والامن فى وقت واحد
لو حكمت بحكم الله لقلنا فيك حكمت فعدلت فأمنت فمت يا...............
ولكنك حكمت فظلمت فخشيت فمت يا جائر
ماذا ستقول لربك يوم الحساب على الحساب الذى ملاء بنوك سويسرا
ماذا تقول لربك يوم العذاب على العذاب الذى اذقته لشعبك
فلترحل غير ماسوف عليك........ ولن يدوم الكرسى ... ولو دام لغيرك ما وصل اليك
اين الفراعنة الشداد؟ اين ثامود وين عاد؟ تلك بيوتهم خاويه سكنتها الذئب العاويه
انها فلسفة السماء مع اهل الطغيان (( وما كان ربك نسى))
اسال التاريخ عن قياصرة العذاب ! اساله عاد وثمود وهامان والنمرود
فلن تجد من يدلك لان بطانتك فاسد ومن فسد ت بطانته ضل وانحرف عن الحق
اقمت على الاغنام ذؤبانا وحكمت فينا حكم الغاب
فاذهب غير مأسوف عليك
وحسبنا الله ونعم الوكيل
إلى جميع المواطنين العرب وصلنا البيان التالي ويسعدني نقله تم اليوم وبحمد الله موت جميع الحكام العرب بجلطة دماغية حادة وبناء عليه تقرر النظر في الدول العربية بعين التطور والرقي والديمقراطية التي لم تشاهد أو تحدث من قبل بأن يعيين بدل منهم قي هذه الماصب من خيرت واشرف الشبان ومن الجيل الحديث نظرا لرأية الصادقة والواعية لما يجب تحقيقه في هذه البلدنا وأؤكد أن على ايديهم لن يستطيع ان تستولي امريكا واسرائيل على هذه الدول مع تمنياتي لهم بتوفيق والله لايرحم إلي ماتوا
أنا حسني مبارك وحافظ الأسد في نار جهنم نتعذب سويةو أرسل بتحياتي إلى الشعب العربي وأهديه بوس الواوا لهيفا وهبي
يا شباب اليوم رح ننام في الأمن السياسي
هه هه هههه
بسم الله الرحمن الرحيم
الصلاة والسلام على اشرف المرسلين سيدنا محمد بن عبدالله سيد الخلق اجمعيا
انا لا اوجه الولم الى الدنمارك الكافره ((لانها دوله كافره )) ولكن الولم كل الولم الى زعماء العرب والمسلمين اصحاب الكروش المعفنه واصحاب الكراسي المتسلطه على شعوبهم وعند اساءة الحبيب لا نجد احد يفعل ما يجب ان يفعل
والى المسمى الزعيم الاسلامي احمد النجاد اين انت من الاساءه وماذا فعلت من اجل نصرة بينا واين حسن نصرالله ليقوم بما يجب عليه من اجل دينه والله كلهم يعملون من اجل مصلحتهم الشخصيه البحثه
ايها الشباب المسلم علينا ان نعي جيدا ان الامه بحاجه الى زعماء مسلمين بحق وليس كما نراهم اليوم وكلهم يركدون خلف الغرب من اجل البقاء على كراسيهم
ولكن نقول لهم انت اليوم في الدنيا تفترون على شعوبكم ولكن نسئل الله العزيز الحكيم الجبار المعز المذل ان يرينا يوما بالكفره ومن يواليهم من هذه الامه
اين نصره رسوله الله يا زعمااااااااااااااااء هذه الامه
والله لو وقفتم كلكم من اجل الرسول لكان كل الشعوب خلفكم واخدتم ثقتهم ولا احد من الغرب استطاع ذلكم
ونذكركم ان لا جدوى من الركود خلف الدول الكافره وامريكا واعوانها عليكم العوده الى شعوبكم هم وحدهم قادرين على نصرة رسول الله
الله اكبر ..... الله اكبر .... الله اكبر...
على كل من تخاذل على نصره رسول الله
بابي انت وامي يا رسول الله
رحم الله ابي وامي وادخلهم جنته
كيفما تكونوا يول عليكم
صدق الرسول عليه الصلاة و السلام. طب و الله العظيم تلاته انتوا شعب معفن و ماتستاهلوا غير ده.
و والله العظيم تلاته كمان مرة مافي شيء منكم من الي فاتح جاعورته قد كده و مستخبي ورا الانترنت و عمال يجعجع الا اما هيعمل اوسخ منه اول ما يمسك الحكم.
جتكم البلا فقعتونا، كل واحد فيكم عمال يكدب على نفسه و مش لاقي سبب لخيبته غير الريس، طب كنتوا عملتوا ايه يا كلاب ، مانتوا السبب
شوهدت طائرة ركاب من طراز ايرباص تسقط في اجواء القاهرة بعد ان انحرفت عن مسارها الجوي وذكر شهود العيان ان الطائرة قد سقطت بالفعل في مصر الجديدة بالقرب من مقر الرئيس حسني مبارك........عفوا ايها السادة لقد سقطت الطائرة علي امقر اجتماعات الرئيس ولا يعلم حتي الان مصير الرئيس او اي احد من معاونية ..يذكر ان اليوم هو موعد الانعقاد الدوري لمجلس الوزراء وامانة السياسات بسيادته. وسنوالي تقديم الاخبار....................................................................
لقد فقدت مصر رجلا كان حاما لمصر (( بمبدا حاميها حراميها ))
طيب مات الرئيس وشبع موت واخد على دماغه لمل قال يابس كده المشكله اتحلت يعنى اخدنا حريتناواقتصادنا اتصلح والسرقة انتهت وخير البلد رجع ليها وكل واحد اخد حقة سواء كان الحق اشتراكى ولا راسمالى ولا دينى يعنى هو ده حل المشكله تفتكروا ان الرئيس بقى بالسوء ده وبالغتاته دى من نفسه ولا من شلة المقاطيع اللى حواليه واللى هموا على فكره عامليبنة وقاصديين يجيبوه_لاحظوا ان وقتها كان فى ناس تانيه قريبه من الحكم وبيقولوا انهم كان ممكن يكونوا رؤساء بس مكانوش على هوى البعض_ المشكله مش فى الرئيس. يموت الرئيس حيطلع غيره كتير المهم فى الحمام القديم ااقصد النظام القديم الى عايز يتنسف من اساسه. الترقيع مش حيفيد الله يرحمة عبد الناصر لو كمل جميله وعمل بلد صح ليها قوانينها ومؤسساتها ماكنش ده حصل الله يسامحة بقى وعلى فكره يوم يموت الرئيس اكيد الناس حتبقى فرحانه مش لا سامح الله علشان مات لا علشان حتاخد 3 ايام اجازة قولوا ااامييييييين يااااااارب
هاهاااااااااااااااااااااااااااااي احس اني داخلة موقع نكت بجد بجد اخذتو اجري صرت اضحك من قلبي يا الله عليكم لها الدرجة انتم تكرهون رايسكم
هو فى رئيس جمهوريه بيموت ايه يا عم