بسلامته بيخطب (2)
* مشهد رقم واحد:
مبارك في صالة بيته، يجلس على سجادة صلاة بشكل علم مصر، ويمسك في يده مصحف، وعلى الأرض نسخة من قانون الضرايب الجديد، تركز الكاميرا على الساعة التي تشير عقاربها إلى الرابعة AM، ويعلو صوت مبارك بالتسبيح..
مبارك: يا رب، يا رب الواد جمال ربنا يهديه كدة ويكمل نص دينه، ويارب أشوف ابنه ييجي يصلي معايا العصر ونبقى أنا وهو أكيد في مصر.. يا رب أشوف ابنه بيشجع معايا مصر في بطولة كأس أفريقيا 2030.. يا رب..
صوت الباب يفتح، ويدخل جمال وهو يمشي مترنح..
مبارك: إنت جيت يا حبيبي
جمال: إحم.. بابا.. إنت إيه اللي مصحيك لحد دلوقتي.. إنت موش وراك حكم الصبح، كدة تروح الرئاسة متأخر..
مبارك: يا ابني.. أنا من ساعة ما حكمت البلد دي وأنا موش شايف شكل النوم، الأمانة اللي في رقبتنا تقيلة قوي، يلا بقى عشان تيجي تشيل معايا الحمل
جمال (وهو يقبل قانون الضرايب): ربنا يخليك لينا يا بابا
مبارك: يا أبني بقى موش ناوي تعقل وتكمل نص دينك
جمال: وهو أنا عرفت أجيب النص الأولاني
مبارك: بتتريق حضرتك، طيب اتفضل أدخل أوضتك، محروم من لجنة السياسات لمدة أسبوع، ومفيش مؤتمرات ولا مناكفة مع عمك صفوت غير لما تتجوز، يلا أمشي من وشي، جتكوا نيلة.. مليتوا الحزب
جمال: والله ده ظلم
مبارك: بتبرطم بإيه يا ابن الـ......
* مشهد رقم اتنين:
أمام الجامعة الأمريكية، الطريق واقف، عربات مصفحة على اليمين والشمال، يقف جمال في وسط الشارع أمام باب الجامعة، يرتدي بنطلون جينز وتيشيرت أخضر مكتوب عليه "فكر جديد"، ونضارة شمس مرسوم عليها صورة مبارك، وفي فمه لبان سحري اللي لونه بيتغير..، تخرج من البوابة بنت برنزية اللون، واسمها خديجة، واحتمال تبقى خطيبته في المشهد الجاي...
جمال: أنا..
خديجة : اشمعنا..
جمال : طالب القرب
خديجة : يا سم
جمال : والنبي أنا موش نقصاني حاجة، مال وجمال ولجنة سياسات، وقريب هجيب موبايل 6600، ويمكن أغير عربيتي على آخر الصيف..
خديجة : باباك يعرف إنك هنا
جمال : لو سمحتي.. أنا ليا شخصيتي المستقلة، وعندي عقدة أوديب..
خديجة : تقدر تروح تكلم باباي
* مشهد رقم تلاتة:
منزل العروسة، صوت سارينة في الشارع، تخرج خديجة من غرفتها إلى الصالة، وهي تصرخ..
خديجة: وصل يا بابا وصل
باباها: بس يا بنت إختشي، واضح إن عريسك متريش
خديجة : سامع يا بابا سامع، يا حلاوة سارينته
باباها : خلي سعدية تفتح الباب
جمال : الحقيقة يا عمي.. أنا جاي أطلب القرب من بنتك
باباها : معندناش بنات للجواز
جمال : ليه يا عمي
باباها : مينفعش تيجي لوحدك، لازم أبوك يكون معاك
جمال : هجيبه حالا..
* مشهد رقم أربعة:
نفس سجادة الصلاة، ومبارك يجلس نفس الجلسة، يدخل جمال وهو ينهج
جمال: بابا، حبيبي.. شوف بقى... أنا جايبلك خبر حلو
مبارك : إيه يا ابني.. الـ88 بتوع الإخوان غرقوا في العبارة
جمال : لا .. حاجة أحلى
مبارك : العبارة لسه مغرقتش
جمال : لأ أحلى
مبارك : إيه، حركة (كفاية) بقت جماعة محظورة
جمال : لأ يا بابا.. أنا نويت أصلح غلطتك
مبارك : (ينزل بيده على وجه جمال).. جتك نيلة، وهو حد يعرف يصلحها.. يا أبني أنا غلطت مع الشعب كله
جمال : لا يا بابا، أنا هاأتجوز
مبارك : يا ما انت كريم يا رب..
* مشهد رقم خمسة:
بيت العروسة، الأب وبنته ومراته وجمال وأبوه وأمه وأخوه وعيال أخوه ومراته، و..كمال الشاذلي..
جمال : الحقيقة يا عمي..
باباها : عارف يا أبني، السيد محسن ممتاز من المخابرات كان هنا من شوية، وفهمني كل حاجة
مبارك : طيب، حيث كدة أحب أقول إننا هنجيب السجاد وطقم المعالق و..
باباها : يا باشا إنت تأمر.. أنا بس كنت عايز أسأل العريس بيشتغل إيه..
مبارك : بيشتغلنا يا حبيبي..
* مشهد رقم 76:
قناة دريم، فيلم الدعاية لحملة جمال الانتخابية لفترة رئاسة عاشرة، يجلس جمال وبجواره خديجة
جمال : عجبني فيها إنها بدأت معايا من البداية وأنا لسه موظف صغير في لجنة السياسات، ودلوقتي برضه مستحملاني وأنا مشغول بهموم الوطن.
خديجة : كان روش قوي، يا ما اتمشينا مع بعض على كورنيش نهر الراين، وكان بيقبض أول ما أتجوزنا مليونين بس، لكن أنا كنت شاطرة وكنت بعرف أوفر، وبعدين زمان كان المليونين دول يقدروا يفتحوا بيت كويس، لكن الحمد لله ربنا فتحها عليه من وسع..
*ندخل بقى بصوت المرحومة نانسي عجرم، في اغنيتها الخالدة، أطبطب .. أدلع..
(قطع)
* شوية ملحوظات للجمهور:
العبد الفقير لله كان أول من توقع أن تتم خطوبة جمال قريبا، وذلك في موضوع منشور باسم "بسلامته بيخطب"على عشرينات، وهذا بالطبع لا يعني أن جمال مبارك خطب تنفيذا لرغبتي، يا جماعة جمال شاب برضه ومن حقه إنه يعف نفسه..
بالنسبة للصورة الموجودة بأعلى فلها قصة، ذلك أن سياسة عشرينات التحريرية تضع قواعد معينة لنشر صور البنات، وبما أن الصورة الموجودة لخطيبة جمال غير مكتملة الأوصاف (هي طبعا مكتملة الأوصاف الجمالية) لكن نقصد الأوصاف المطابقة للسياسة التحريرية لعشرينات فقد وضعنا لوجو عشرينات على الأجزاء الـ(....) من صورة خطيبة جمال المصونة ووالدتها، وكل خطوبة وإنتم.. مصريين!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
إجرام
لا تعليق
بسم الله ما شاء الله
الموضوع جامد التنين
بس عندي شوية تساؤلات :
- هو بسلامته بجد لسة ما عندوش 6600؟
- هي مين فيهم الست هانم؟!
- ما هي مقاييس الجمال المستخدمة أثناء كتابة المقال و التي على أساسها وصفتها بكاملة المقاييس؟!
- و في الآخر أحب أضيف نيك نيم جبار بتاع أحد أصدقائي : "هو بيتجوز ليه؟! ما البلد كلها ملك يمينه!"!!
انتظروا المزيد في تعليقات أخرى
هو البراء كان بيكتب باسم أنس محمود؟!!
آه.. البراء بيكتب باسم أنس محمود
مقال جميل يا براء والله اسلوبك جميل وفكرك عالي وذهنك حاضر
يا ريت تقول عندك كام سنه عشان انا مراهن انك في عمري وانا عمري 22 سنه
اوعى تنفض (ولا بلاش تنفض لحسن يكون كل القائمين على الموقع بيكرهوا الكلمه دي) بلاش تعمل فيها مش واخد بالك ومتردش عليا
انا عايز اعرف انت كام سنه؟
طبعا يا |أستاذ عبد الله أنا فخور جدا إن موضوعي الفقير عجبك.. وزعلان في نفس الوقت إني موش في سنك لإني بصراحة أصغر منك بسنتين، او لو عايز دقة أكتر أقولك إني أصغر بسنة ونص بس..
عندي عشرين سنة وست شهور، وفي شهر 8 القادم أتم 21 سنة وأبقى راشد، شوفت بقى إني منفضتش..
تحياتي
البراء أشرف
- يا تري يا براء يا ابني حضرت شنطتك و وصيتك و الذي منه؟!
- تفتكر هيشنقوك بس و للا هيضربوك كمان؟!
- يا ترى يا هل ترى محضر مخزون مقالات كويس علشان نقراها بعد ما الله يرحمك؟! أصل مقالاتك بتعجبني أوي
يللا باي يا (براء) أو (أنس) زي ما أنت عاوز..
متشكر يا براء مع اني خسرت الرهان
لعلنا نكون مختلفين في السن متفقين في اشياء اخرى
الى الامام دائما
خالص امنياتي القلبيه بالتوفيق
اناكانت درجة ثقتي بموقعكم كبيرة وكنت فرحان بالمجهود الجديد والكبير اللي بتقوموا به وجعلتها لصفحة الرئيسية لي ونصحت بها اصدقائي لأنكم تقدمون جو جميل يتنفس فيه الشباب بلا معاصي، ولكن لايعني التحرر والتبس في توصيل الفكرة والمعلومة الوقوع في الزلل، فأرجو منكم ألا تعرضوا صورة كهذه أيا كان السبب فإن فيها الشعر الظاهر حتى وإن لم يصحب بالجمال العام، فإننا نعلم أنه مايجوز أن يظهر من المرأة فقط الوجه والكفين.وشكرا
فى ايه يا جماعة متحاملين على الراجل كده ليه ما الراجل يعرف ربنا ابوه بيصلى وهو قرر انه يكمل نص دينه مع واحدة اسمها خديجة على اسم زوجة الرسول (ص) يعنى باذن الله تكون متدينة وتعرف ربنا ، وبعدين الاسماء دى منتشرة فى وسط معين وغالبا ما يكون وسط الاخوان وهو بالمرة من جاور السعيد يسعد وهنيالكم يا 88 نايب بالنسب العالى.
بعد ما خلص صلاه فتح التلفيزيون شاف شويه مسخره قعد يرقص علي اطبطب.... وادلع , مستحملش مات . موته كدا شيك وتليق بواحد زيه .
وابنه يفكر مراته بالاغينيه الشهيره اللي ان شاء الله يغنيها .... جمال حسني مبارك واللحن اكيد جاهز من زماااااااااااان اقطع ... وبهدل .
انتي يا هبهوب بتجيبي الكلام ده منين ؟؟؟
على فكرة انا قريت مذكراتك جميله ولوانها مش منظمه تبع الزمن ووحاسس انها مش مذكرات. مواقف اكتر من انها مذكرات
بس بشكل عام جميله اوي وعجبتني
تاني سلامته ....
إحنا مش حنخلص من كتر السلامات دي .... بسلامتهم ... الواد وأمه وأبوه( قصدي مامته وباباه ) مش فاضيين دلوئتي بيجهزوا العريس الجديد ....
ياريت محدش من الشعب الـ....... ده يشغلهم ولا يوجع دماغهم اليومين دول ...
خلي فرحتهم تكمل .. ويفرحوا بآخر العنقود ..
لا للتمديد ... لا للتوريث ... نعم لتعديل الدسنور المصري
بأفكر أغيره ... حد يقترح توقيع جديد؟
mohamedmat@hotmail.com
إنتو بتتكلموا علي المكرات دي كتيييييييييييير .....
هي فيييييييييييين ؟ نفسي أقراها ...
أقله يكون في حاجة كويس بتتكتب اليومين دول ....
ولا مش ممكن أقرا...؟
لا للتمديد ... لا للتوريث ... نعم لتعديل الدسنور المصري
بأفكر أغيره ... حد يقترح توقيع جديد؟
mohamedmat@hotmail.com
habhob
هتلاقوا الربع جنيه بتاع اكرم هاتوه , مع اني والله كنت عملها عشان نفين اول واحده تقرها بس خير كلو اخواتي.
هي مممكن تكون مواقف بالنسبه ليك يا كابتن عبد الله بس بالنسبه لي عملتها علي هيئه مدكرات " بالنسبه لي ". حاجه كمان لو نفين كانت هنا بجد بلغوها سلامي هبهوبي عشان هكون مشغوله الكام يوم اللي جاين . وشكرا ً علي الاهتمام .
الموضوع اللي انت كاتبه يابراء كويس، وفيه اشياء حلوة.
بس في تعليق بالاول باسم عاطف، انا ليس علاقة به. محدش ينتحل شخصيتي ياشباب.
انتوا حسالة المجتمع وطفلة الحشرة ... احماااار
انت ازاي ياد انت وهو تحطوا صورة خطيبتشي وحماتشي من غير إذن ؟
انا هاوريكو يا ولاد الـ...
بجد بسلامته(البراء)جامد موووووووووووت انا مش عارفه هو بيجيب الافكار دي منين وايه حكاية المشاهد اللي بيتب بيهادي بس فعلا شكله متميز وعنده دماغ صاحية ربنا يكرمك بس خلي بالك من نفسك وسلم على اهلك واصحابك
هيء هيء هيء كان بدري عليك ياصغير
ولازنى زعلان من جمال علشان متصلش بيه وعزمنى ..إلا ان الاخوة والصحوبية اكبر من كده ...مبروك يا جيمى والله فرحتلك ... يمكن تتكن وتتشغل شوية بمراتك وجوازك وتروق دماغك من مشاكل الناس و قرفهم ..!!
وليك عليه يوم فرح هتكفل بيه من طقطق لسلامو عليكو
اجدعها بيره و أنضفها بانجو ...
وهجبلك الواد العربى الصغير يحيى الفرح و كوثر الرقاصة وصبحى جوزها الطبال ..!
بس قولى يا جيمى
هتعمل الفرح فين ...فوق السطوح برضك زى فرح علاء أخوك ...وبل على نصة الحارة ؟!
انا رأيى إنك تعمله على ناصية الحارة اوسع علشان الناس إلى هتيجى ...
دى هتبقى ليلة العمر ...عقبال البكارى !
والله ما كنتش اعرف ان ننوس عين امه هيتجوز .
والله كنت فاكراه متجوز اتريه طلع عانس لحد دلوقتي بس كويس ان ربنا مد في عمر مبارك عشان يشوفه في بيت العدل .
وعموما برضه اهو مننا وعلينا وياما كل على قفانا عيش وملح هووالدلعدي ابوه (لو كان اللي بيطفحوه اسمه عيش وملح ) (نخليها بيتيفور وسيمون فيميه عشان مايزعلش ) .
وطبعا الفرح هيتعمل في ارقي فنادق فينيسيا .
اااااااه ما هو مش معقول يتعمل في مصرعشان ماحدش ينشه رصاصتين يجيب اجله هو و(اسنغفر الله العظيم بعيد بعيد)عشان بييجي ع السيره .
اقوللك يا جيمي اعمل الفرح في مبنى الامن المركزي والمعزيم لازم تتفتش تفتيش ذاتي قبل ما تدخل (استحياط يعني )
اما انا عن نفسي بقى يعني لو كان الفرح هيتعمل في مصر (في المشمش وابقو تعالو قابلوني بس ابقوا فكروني اقوللكم هنتقابل فين ).
بمنماسبة العروسه (((ايه العفانه دي ))).
لا يا جيمي زوقك معفن قوي ( بلدي بلدي )
ولو اخدتو بالكم معايا شويه وركزتو كويس في الصوره هتلاقوا العروسه مبينالكم العين الحمرا من دلوقتي.
الكلام دلوقتي للحاجه ام العروسه (أأأال حاجه ااال).مبروك يا ختي((( ع الجوازه الشيك بين وزه واحلى ديك ))).
زعشانك انتي بس وحياة معزتك عندي هزغرط ..........وسسعوا ..
لولولولولولولولولولولولولولولولولولولولولولولولولولولولولولييييييييي.
(قطعتي نفسي ربنا يهدك ).
يا للا سلام .
ماشي يا بني ادمين .
ايه ياعني لما جيمي يتجوز ؟؟؟
على الاقل يبقا مش فاضي لخراب البلد طوال ايام الاسبوع ( الاحد و الخميس ماتينيه 8.30 )
اما عن السبق الصحفي يا عم براء فقد سبك بها عادل حمدوه ( ناس واصله يا ابويا ) فقد نشر في جريدة الفجر ( بفتح الفاء او ضمها لا يهم ) مش فاكر بالظبط في اي عدد بس هي في الاعداد الاولى لاني مشتريتش غيرهم و حدد بالظبط ان خطيبة جيمي هتكون سيدة مصر التانية ( و التلاتين ) الانسه ( حاليا ) خديجة الجمال ( الجمال ده مقاول مش بتاع لحمه جملي )
تقلت عليكو مش كده ؟؟
نسيت اقولكوا العنوان ده معناه ايه ؟؟
42 سنه عمر جيمي
24 سنة عمر خديجة الجمال ( بنت المقاول )
إيه ده كله ؟؟؟
أنام واصحي ألاقي كل التعليقات دي ؟؟؟
لما إحنا كلنا بنحبه كده والتهاني نازلة عليه من كل حتة .... أمال مين اللي مالي البلد شتيمة وكلام فاضي ... أناحأوريهم الناس دي ....
متحطش في دماغك يا جمال يا أخويا..
يارب يا جمال أشوفك كده متهني ومتستت في بيت عدلك ....
لا للتمديد ... لا للتوريث ... نعم لتعديل الدستور المصري
بافكر أغيره حد عنده توقيع جديد؟؟
mohamedmat@hotmail.com
عارفين ليه هو أتأخر فى الجوازه ديه ؟؟!!!
معلش أصله كان بيكون نفسه !!!!
أصله كان أخد شقتين واحده فى أسوان والتانيه فى الاسكندريه ...
وكان بيفتحهم على بعض ....
وعارفين أبو خديجه يبقى مين ...
أنا أقولكم ...
هو صاحب القهوه اللى كان معدى عليها واحد فى الصحرى .. ولقى صاحب القهوه " أبو خديجه " حاطط 3 صور واحده لعبد الناصر وواحده للسادات وواحده لمباررررك
فسئله مين دول ؟؟؟
قله الاول صاحب الثوره ...
والتانى بطل الحرب والسلام ...
والتالت أبو شريكى فى القهوه ...
وعلى فكره يا براء جيمى هيزعل منك جدا وهيقولك " يا وحش يا كخه كدا تكتب على الكلام دا والله لخلى بابا يبعتلك 1000 أمن مركزى و100 عربيه مصفحه و50 قنبله مسيله للدموع " علشان متعملش كدا تلنى ....
موضوع جامد غباوة وما يطلعش غير من واحد منتمي لجمعية الحشاشين القدماء
انت باينك عميل يا محمد .
وابقوا الحقوا جنازتي بقى في عمر مكرم .
هوه الكلام ده بجد!!!؟
انا كنت فكراه خاطب ومتجوز كمان
بس طالما مكنش خاطب امال اللي شوفتها معاه دي تبقي مين؟؟؟؟؟؟
ماتبقاش نيتك وحشة
اكيد اللي كانت معاه تبقي
امه
باي باي
Dabdoob
ايه ده ايه ده بسم الله الرحمن الرحيم هي مالها عامله كده ليه هو باباها المقاول ده ما كانش عارف يوضبلها الواجهة شوية >>بس و الله يا جماعة واضح انها مدبرة قوي هي و امها(قصدي مامتها) واضح انهم متقاسمين في ازازة اوكسوجين ضربوا بيها شعرهم سوا
حرام عليك انك تغلط فى حد بالشكل دة حتى لوكنت مختلف معه فى الراى انتقضه ولا توجه لهو الاهانة لانه انسان مثلنا من حقه يحب ويكره ويكمل نصف دينه ثمهو مش ذنبو انو ابن الرئيس انت لومكانة مش كنت هتعمل كدة متخجلش لانى الانسان بطبعوهوكدة
وزغرطي ياللي مانتيش غرمانه.....لولولي...بس خلاص
ايه الحنان ده يا حنان
الراجل ده وابوه طلعوا عنينا
واخرها موضوع العبارة وقبلها كتيييييييير
وانت زعلانه عشان كلامنا هيزعله
اقول ايه
قلب الام بقه
وسلام
Dabdoob
السلام عليكم
انا شايفة يا جماعة إن مبارك و جمال و العروسة أخدوا حسنات من كل اللي علقوا في الصفحة دي , اللي عنده كلمة حلوة يقولها و اللي معندوش يحفظ حسناته و بلاش غيبة و نميمة و هزار فاضي
سلام
لما قرات هدا النص اعجبني فى شيى و لكن اشياء اخرى لا
اللفتابففالعتاللتاللل
مثل ما عودنا البراء مواضيعه وكتاباته تثير كل قراء عشرينات ما بين مؤيد ومعترض
بارك الله في يمناك
لكن الصراحة الصوره غلط خالص والاغلط انو اتحط عليها شعار عشرينات
تحياتي للموقع
زهور محمد
عشان الزهورات كتروا بعشرينات
هههههههههههههههههههههههه
حلو جداااااااااا ودمه شربات
تسلم يابراء وربنا يزيدك يارب
بجد رااااااااااااااااااااااااااااااائع
انا شايفة يا جماعة إن مبارك و جمال و العروسة أخدوا حسنات من كل اللي علقوا في الصفحة دي , اللي عنده كلمة حلوة يقولها و اللي معندوش يحفظ حسناته و بلاش غيبة و نميمة و هزار فاضي دة كلام فاضى وإن كان بيعمل كدة الباشا الصحفى دة فبيعمل كدة للشهرة والإسم .
كتكم نيلة مليتوا البلد .
أجمل حاجه أن الاخ أو الاخت اللى فوق فى أخر التعلبق بتشتم كل اللى علق و بعدين تقول ان حسنى و ابنه أخد حسنات لأننا بنشتمه .... حلو التناقض ده و كوميدى طحن ... بس نفسى كنت أسمع الاخت او الاخ اللى علق بتقول كام حسنة أخدها كل فرد من أفراد الــ 75 مليون اللى فى رقابته و اللى هوه راعيهم لما يكون مثلا عيان و مرمى قدام المستشفى و مش لاقى حق القطن و الشاش لأن اللى مسئول عنه و الراعى بتاعه بيتفرج على الماتش و ملهى بالتشجيع و تلميع صورته قدام الشعب لأنه لا ليه فى الكوره و لا فى البللى حتى و لا يتستر على الفساد اللى قتل الشعب المصرى فشر الابادة الجماعية فى البوسنة و الهرسك و ده لأن شلة المنتفعين بتعذيب و إبادة الشعب المصرى هما شلته و حبايبه و لما تقوم مظاهرات بتعبر عن رأيها و تقول كفاية يقوم يطلق عليهم كلاب سعرانه تنهش فى عرض إخواتنا و بناتنا و لما خريج الجامعه اللى أتصرف عليه الاف الجنيهات طول ربع قرن لغاية لما إتخرج لاعب طاولة فى دورى قهوة سهراية اللى على الشارع العمومى و لما تتحرق الغلابة و لا يغرق الشقيانين بسبب الاهمال و الفساد و تنهار أسر عايشه من وراهم و لما و لما و لما ... و لما تحصرى عدد الحسنات اللى أتخدت منه إن شاء الله تعالى لأنه هو سبحانه اللى قادر على إحصاءها يبقى يا ريت يا اللى فوق تقولى لينا حق ننفث عن اللى مكبوت جوانا و لا لأ و أهه كله من رصيد حسانتنتا اللى عنده و عند عيلته ربنا يا رب يا مجيب دعاء كل مظلوم تزول من على وجه الارض و يا رب يحكمنا يا رب من يخافك فينا و يرحمنا يا رب إنك أنت سميع الدعاء
المقال تحفة جداً بصراحة
بس عندي سؤال، هي سياسة عشرينات ليه غطت كتف خديجة وأمها، ما تخلوا الناس تتفرج وتتبسط، إنتوا معقدينها ليه يا جماعة
هتقولولي حلال وحرام، طب يعني إيه الفرق بين الشعر والكتف ما الإتنين عورة
شكراً يا جماعة
اولا :شكرا ليك يا عابر القارات
انت عرفت تقو ل اللي ما كناش قادرين نقوله وكنا كلنا بنداريه بالهزار وبالتهريج واحنا في الحقيقه بنغلي .
وليه كمان تعليق ع الاخت اللي شتمت وقالت علينا واطيين .
اولا: الله يسامحك
ثانيا :هقول ايه ...بجد مش لاقيه كلام هو قال كل حاجه خلاص .
بس احب انك تعرفي ان الموقع دا من المواقع القليله جدا اللي بتتيح لنا اننا نعبر عن راينا بحريه ضد انسان ظالم ضيع بلدنا وضيعنا معاها .
وخدي بالك كمان انتي واللي بيعترض على اسلوب الهزار والتريقه في التعليقاتبس احنا لازم نعمل كده بدال ماننفجر.
يعني شوفي مثلا فرح واحد زي دا لما ييجي يتجوز هيتكلف كام من دم الغلابه.
شوفي الفلوس اللي ممكن تتدفع في فرح زي دا تحل كام مشكله اسكان للناس اللي بتبت في الشارع او تعمل كام مشروع وتشغل الشباب اللي خلصوا شهاداتهم وبيندبوا حظهم.
واضح انك انسانه مرفهه ومش حاسه بمشاكل الناس .
عموما اللي اتكتب مش هيتمسح وطالما ماحدش قال كلمه مخله بالشرف او الدين (تبقى حرية الراي مكفوله للجميع ).
وبعدين هي دي طبيعة الشعب المصري بيجيب الضحك وخفة الدم من المصايب اللي بيتعرض لها .
ويمكن عشان كده احنا لسه عايشين وعندنا امل .
انت موهوب يا براء...الموضوع دمه خفيف أوي...بس برضه ...حاسة انه - مهما كان - مش من حقنا نتدخل في حياة الماس الشخصية بالشكل دا...مش معنى كدة اني معاه أو بدافع عنه...انا بتكلم عن الفكرة بشكل عام وفي الآخر هو انسان برضه ومن حقه يتجوز
مي حمدي
جمال موش هيعرف يعيش حياته طول ما هو حاشر نفسه في كل صغيرة وكبيرة في حياة المصريين .. أول ما هيسيبنا في حالنا، براء وأمثاله هيسيبوه في حاله
لا للتمديد ....لا للتوريث
كفاية
ياجماعة دى حتكون سيدة مصر الاولى حسبنا الله ونعم الوكيل
كلكم تافهين وموضوع اتفه
وبعدين بكره راح يحكمكم
اقتباس : زهورررررر
"كلكم تافهين وموضوع اتفه
وبعدين بكره راح يحكمكم"
بس ... قفشتها
زهور بتقول ( بكرة ) راح يحكمكم
يبقى هي قصدها ان حزب الغد ( بكرة ) هو اللي هيمسك البلد
يسمع من بقك ربناP:
كلمة اخيرة
فاكرين عادل ادهم في ( حافية على جسر الذهب ) " في ناس ولاد ناس ... و في ناس ولاد ستين كلب ... يا قطة "
يعني سياسة الموقع تمنع ظهور اجزاء من الكتف والصدر وتسمح بظهور وجه فتاة ملطخه وشها بكل اصناف البويا.
ان كان مقياس المنع في الاولى ديني ......فاعلم _يا هداك الله_ أنه يحرم أن تظهر وجوه نساء كاسيات عاريات سافرات سافلات.....وأنت موزور لنشرها وحامل لوزر كل ناظر وكل متأمل في وجه البت دي ....الا ساء ما يزرون
يا ريت على الوجه بس يا عم، ده الوجه الملطخ بوية وكمان الشعر
أنا بس عايز أفهم، والله بجد أنا ممكن أقتنع لو عندكوا أسباب تظهروا بيها الصورة دي
المشكلة إن الموقع ده مش موقع عادي، إللى أنا فاهمه إن الموقع له مرجعية إسلامية
يا ريت حد يفهمني إيه إللى بيحصل
يا ترى مصلحة الدعوة بتقول كده ولا إيه؟
بصوا نا عرفت من مصدر موثوق به ( اللي هو انا ) مين هو محمود الجمال ؟؟
مش هعيش في دور ابراهيم عيسى و لا عادل حموده في كشف قضايا الفساد بس انا بحكم معرفتي بشركة صن ست للمقاولات و بحكم عملي كمهندس مدني فان ليا علاقات بهذه الشركة و شركاء محمود الجمال فيها اشرف فرج و الشربتلي ( رجل اعمال سعودي )
الشركة دي استولت على ارض فضاء في الهرم مملوكه لبعض المستشارين و الاطباء و اساتذه الجامعات و بنت عليها القصور و الفيلات بعد ان قاموا في جنح الصباح بمساعده رجل الاعمال احمد فؤاد اباظة ( عضو مجلس الشعب الحالي عن دايرة ابو حماد شرقيه ) الذي قام بتوفير البلطجية الذين قتلوا اكثر من عشرين غفير و تم البناء و بقا امر واقع و اضرب المربوط يخاف السايل
و لكي نعرف ان المصالح و المصاهرات متشابكة في مصر سنعرف ان احد شركاء محمود الجمال متزوج من شقيقة الرئيس و ان اشرف فرج مرتبط بعلاقة نسب بحبيب بيك العادلي
و اه لو كنت صحفي و لا فاضي كنت جبتلكوا الاسماء و العناوين و الوثائق و شهود العيان
انك و الله -يا براء-سقطت من نظرى ومن نظر الكثيرين من معجبى موقع عشرينات. من اعطاك الحق ان تتكلم عن الرجل بتلك الطريقة السافرة؟ اين انت من الاسلام وانت تتكلم عن السيدة التى سيتزوجها بذلك الاسلوب المشين؟اين انت من القدوة وموقعكم ياخذ صبغة اسلامية؟ماذا تقصد ايها المؤدب بقولك(اصلح غلطتى)؟... راجع نغسك يا بنى واتق الله, وتخيل لو قرا النبى (ص) هذا الذى كتبته..اسيسعد به ويبتسم فى وجهك؟ام سيعرض لانك لم تتبع تعاليمه النبيلة؟ ديننا يا اخى دين اخلاق وا الله.
تفاهة وقلة ادب...تفاهة وقلة ادب... تفاهة وقلة ادب...تفاهة وقلة ادب... تفاهة وقلة ادب...تفاهة وقلة ادب... تفاهة وقلة ادب...تفاهة وقلة ادب...
بعد اشتداد الحصار السياسي علينا من عائلية الحكم التابعة لنهج فكر وسياسة الأعداء... واستطالة أمد حكم الغباء... وتأثير سياسة إعلام البغاء... أصاب الوهن بعض الجنود الزملاء... وازداد الأمر سوء بوفاة الرفقاء... هكذا نالوا منا بقدرا اثر سلبيا في عملية المقاومة والبناء... لكن... كان في عزم استمساك صبرنا الوقاية والاكتفاء... الصلابة أمام ريح الانكسار والانكفاء... حتى أتانا مدد الله برجالا جدد أشداء... وعادت الأعمال وكلمة الحق منا ترتفع وتطمس باطل الافتراء... وتعالج بحكمة انتشار الوباء... وباء سياسة عائلية الحكم الصهيوني الشركاء... الشركاء علي حد قول المرأة الخرقاء... إنني أسجل ذلك ذكرى وتعليما للخلفاء... للشباب من أهلية الطهر والنماء... أسجله علامات استرشاد لهم ولمن يشاء... إذا ما هيمنت الظلمة وتوارى العلماء...!!!
والان... لك أيها المستقرئ أننا ندعو لجهادا باجتهادا علميا حق وضاء... جهاد مؤمنين مسلمين لله أمنيتهم أن يكونوا العدل وآمان وسلام الحق فداء...شهداء... ننادي نوعية قبل الكمية فلا نفع في كمية الغثاء... نوعية ترتضي حق الكيفية... ننادي خامة آدمية وليست إنسانية... ننادي قوامة الصلاحية... بمقياس مرجعية هويتنا الإسلامية العربية وغير العربية... الهوية الإسلامية لله بنفسية سوية... وهذا ما سبق وفصلناه فيما طرحنا من نظرية... نظرية تحالف الحضارات الكونية... نظرية توحد المؤمنين في وجه عداء إبليس وسياسة حزبه الصهيونية... سياسة تدمير الآدمية وتكامليتها الزوجية وسبي البشرية...!!!
إننا ندعوا حفاظا وصيانة لاصل بالأرض مكين... اصل شجرة جذعها متين... شجرة الإسلام لله والإيمان به وبما أنزله من نور وهدى للعالمين... سلام ورحمة للناس أجمعين... وما فصله من حكمة سياسة الدين... ورتله علي يد رسل صادقين... بداية من آدم وحتى محمد الآمين... خاتم النبيين... الذي اكمل واتم الله علي يده المعنى الحق لاسلام أهل الدين... بكتاب مهيمن علي كل كتاب ومكتوب ذات لسان عربي مبين... فما يكذبك بعد بالدين أليس الله باحكم الحاكمين...؟
شجرتنا هي شجرة الآدمية الفطرية الكونية... ظلها بارد كريم وثمارها غذاء لكل معية... وبذور ثمارها زكية... نقية... من هندسة السياسة الوراثية... وسموم هرموناتها الإنسانية... إنها بذورا آدمية... تستلهم بتقوى وبحق العلم تعقل وهكذا تكون نيتها سوية... ليست باغية ولا عدائية... بل بخشية الله رهبانية... تدرك حق معنى الحياة وحدود الحرية... تصل الأرحام وتجل التعارف والحياة الاجتماعية... تعمل علي عمارة الأرض ونفع الناس وحق العبودية... ترى الرجال رسلا ذات قوامة خلقية... والنساء أمهات حاضنات تربوية... تلك البذور هي مشروع القوة الحتمية... قوة تدافع الحق في وجه باطل السياسة الصهيونية... قوة قيمية علمية... قوة تكاملية زوجية... قوة كما ذكرنا من قبل نوعية... كيفيتها قياسية حاكمة للكمية... إنها حتمية حياتية...!!!
اعلم أن الحياة الدنيا ليست وردية... وأن ما أدعو إليه لا يتحقق بمجرد نداء ومقالات فكرية علمية... وأن المدينة الفاضلة ليس لها عنوانا بالكرة الأرضية... وإنها صورة فنية ترسم أمنية... بل واعلم أن الحياة الدنيا مسرح وزمن تدافع وصراع في إطار شبكة من المقدرات الابتلائية... ولكل منا في ذلك سبيلا وتقنية... وانه ليس الجميع مثلي في الارتكان إلى شفافية العلانية... فهم لا يأمنون بالمصداقية... وأنا أراها ايسر السبل لتحقيق الأهداف الحياتية... وما ذاك من أمري إنما هو أمر حكمة الآيات القرءانية... وبتلك الحكمة سيكون سبيلي لتحقيق حتمية القوة الحياتية...!!؟
لكل مشروع غاية... واهداف... وإمكانيات لتحقيق المستهدف بلوغا للغاية... ويجب أن تكون هذه الأمور محسوبة الخطوات استراتيجية زمنية علمية... لا تنفك عن الأخذ بتطور الاغيار الحياتية... زمانا ومكانا وما بينهما من حداثة آلية... تقام وتستقيم علي أساس الهوية... بسمات وبصمات جلية الماهية... حتى يكون التعارف بها هداية وهدية... وكذا السياسة والتدافع بها وحتى القتال مشروع السببية... معالم أعرافه حق وقانونية... نعم... فالسببية لا ترتضي استقرارا إلا علي شاطئ الرهبانية... ولا تأمن سكنا دون سكن العبودية... العبودية لله التي هي سبب الخلق وهي " الغاية الإسلامية "... غاية تأتيها النفس بتجارة مع الله زكية... تجارة لعمارة الأرض والنفس وجعل نفع الناس سنة مقضية... تجارة هي صدق المخرج وحسن القبول والفوز بالمقامات العلية... ذاك تفصيل غاية الاستراتيجية وبذرة شجرتها النقية الزكية التي لله إسلامية...!!!
أما حينما نقف متفكرين في إمكانيات بذور... وثمار... ورجال شجرة الإيمان الإسلامي لله الطيبة... فللآسف الشديد أرى – والرؤية وحكمها الحق لله – وكأني بما لك قصر يبيت لياليه في العراء... أرى ثري وقد أرتكن رقودا بالطريق العام يقتات بيد سفلة من المارة... أرى كريم اصل معاني وقد راح الرعاع يطاردونه بالسخرية والاستهزاء... لماذا... لا ادري إلا أن يكون قد مسه شيطان في عقله... أو بدنه... أو ربما قلبه... فبات سكيرا وما هو بسكير... مفلتا نعم الله من بين يديه وما هو بسفيه ولا حقير... فعجبا... ثم عجبا لخليفة حين يتخير سبيل التكفير...!!!
والسؤال... ما هي إمكانيات ذاك الثري كريم الأصل العفي...؟ ثلاث مصادر إمكانيات اصلها واحد... الواحد... واليقين الإيماني به... والأخذ بأسباب حق علمه... لا طاقة لما هو دون تلك الثلاثية بقادرة علي مواجهة المؤمن المسلم كفرد وجماعة وأمة أن اعتصم باليقين في الواحد الأحد وعلمه... لا طاقة...!!!
فاليقين الإيماني الإسلامي لله ثبات أقدام القوة... والأخذ بعلم الحق تقدم القوة... ونصر الله الأحد بعد ذلك هو القوة وهيمنتها... القوة التي لا تحمل فيروس البغي والخسارة... القوة العادلة المعتدلة باتزان أوزان الحق... قوة رحمة وصلة أرحام... قوة جلود لانت وقلوب رقت وعيون تدمع لذكر الله... قوة تصون الحرمات وتحفظ العهود وتفي الأمانات... قوة تمهدت لها بكل زمان ومكان السبل والتطورات... سلسبيلا متاح لخير أمة أخرجت للناس سياسة وسياسات... فهل لذاك من قلوب سليمة واستواء اعقالات...؟؟
وإلي لقاء إن الله شاء...
ملاحظات هامة
1- حقا وعلما قلنا وفصلنا... والحمد لله أدركت امتنا حق ما قلنا وان التفجير في أسواق العراق وقتل الأبرياء أمريكي إسرائيلي صهيوني الفكر والبصمة... ونقول مؤكدين أن الاعتداء علي مراقد شيعة المسلمين ومساجد الله هو بيد عملاء أهل البصمة العدائية للإسلام... لإشعال الفتنة وتلويث ثورة المسلمين علي سفه حرية تعبير الغرب... فعجبا أن نقع في ذاك الفخ وتلك المكرة بعد كل ذلك... عجبا أن لا نتوحد... وتتحد قوتنا في مواجهة أعداء الله واعدائنا في العراق وفلسطين ولبنان وأفغانستان... وذيولهم الملوثة في مصر وتونس وسوريا وكل الأقطار المسلمة... أفيقوا يا مسلمين يرحمك الله...!!!
2- سفه عقلي وسياسي أن ندعم الوجه الأسود بفساده وصهيونيته في مواجهة الوجه المنير الإيراني... السوري اللبناني... الفلسطيني الحماسي... العراقي المقاوم... المصري الإسلامي العربي...!!!
3 - لم تخسر مصر في زمن أكتوبر 1973 ما خسرته في زمن ازعان سلام مبارك... لا في أرواح انفجار الطائرات المدنية والعبارات البحرية والقطارات المحترقة والأتوبيسات ( الحافلات ) المنقلبة... الخ ولا في ميدان كرامة الممارسة السياسية داخليا وخارجيا... فإلي متى تستمر تلك الخسارة... أظن... "لا يغير الله ما بقوم حتى يغيروا ما بأنفسهم"...!!! انه عقاب وبلاء عدل...!!!
4- شاءت دبة الحكم المصري مقاومة أنفلونزا الطيور... فخربت بيوت المصريين... وبات الأمر بيدها الجاهلة كارثة قومية... كارثة تضاف إلى خسارة استمرار عائلية حكم مبارك...!!!
5- من شعارات الدعاية الانتخابية التي أعادت مبارك فوق رؤوسنا هي إصدار قانون منع الحبس في قضايا النشر وحرية التعبير... وهاهو المجلس التشريعي بحضانة مجلس الشعب ينام تحت القبة... ولا حس ولا خبر عن الوعد والقانون... فهل ذاك من شرع أن المنافق إذا وعد اخلف...؟؟ أم سمة من سمات صهيونية حكم العائلة...؟؟
6- يا بذور شجرة الإسلام هلموا... تجمعوا... توحدوا... فانتم الأمل الوحيد الحي للإنقاذ... أنادى فيكم وعليكم فهلموا ولبوا نداء الإنقاذ...!!!
الحقيقة نفسى يجى اليوم اللى نقدر نفكر بالشكل الحر ده اكيد هانتغير كتيير للاسف بقالنا اكتر من قرن مابنقدرش نفكر بهذا الاسلوب الساخر ودة لااننا كنا دايما بنحس انى فى عشر عساكر بيراقيونا وبيكتبوا كل حاجه بنفكر فيها عشان يحكمونا فى افكارنا ويسجنونا لمجرد اننا فكرنا فى ال البيت "اهل الحكام اللى بيحكموا البلد" لذلك ادعوا للمذيد من هذه الافكار الساخرة واللى بتعبر عن احوال حقيقية ولكن بشكل مبالغ فية وهو شئ يبعث على الضحك والتفكير فى نفس الوقت وده اللى خلانى بجد انصح كاتب هذة السطور ايا كان اسمه الى احتراف الكتابه الساخرة سواء عن طريق الكتابة الصحفية لللمقال الصحفى او الكتابة للمسرح او السينما احنا بجد محتاجين لمثل هذة الافكار الجريئة لتقديمها للجماهية سواء للمشاهدة او قرائتها فى المجلات والجرائد وادعوك للاتصال بى عن طريق الاميل للتعاون معى لكتابة فيلم سينمائى ساخر حيث انى اعمل فى هذا المجال وقد قمت بتاْليف فيلم سينمائى بعنوان"روحية رئيسة جمهورية"وهو فى طريقة للتنفيذ ان شاء الله .
يبدو أن التسريبات التي تمت خلال الأيام الماضية حول خطوبة جمال مبارك على الآنسة خديجة محمود الجمال ، كريمة رجل الأعمال محمود الجمال ، والمعروفة وسط العائلة باسم " موني " ، قد أدت إلى بعض التغيير في الأفكار حول حفل الخطوبة ، كما أن القطاع الأوسع من القراء الذين تابعوا الخبر الذي تسرب كان قد نسي السياسة وانشغل بما يمكن تسميته البعد الإنساني في الحدث ، وهو بعد لم يخل من إحساس مشارك بالبهجة ، وقد علمت المصريون أن أسرة العروس وخاصة والدها أصر على أن يكون هناك حفل لائق بابنته التي تحتل مكانة خاصة في قلبه وفي أوساط الأسرة كلها ، رغم الرغبة من طرف العريس في أن يكون الحفل محدودا ، وفي نطاق عائلي بحت ، وتتجه الفكرة الآن إلى أن يكون الحفل على الطريقة الأمريكية ، بمعنى أن يعقد الحفل من الواحدة ظهرا تقريبا ويستمر حتى مغيب الشمس ، ومن المرجح حتى الآن أن يكون الحفل في أحد الفنادق المرموقة في منتجع شرم الشيخ لضمان الخصوصية ، ولكنه سيقتصر على الأسرتين والدائرة الضيقة جدا من أصدقاء العروسين ، جدير بالذكر أن خديجة خريجة الجامعة الأمريكية ، وهي مشهورة باهتماماتها الرياضية ، ولعل هذا أحد الأسباب الإضافية للجاذبية بينها وبين جمال مبارك ، حيث من المعروف عن جمال حبه للرياضة وممارسته لها ، ومشاركاته العديدة في بطولات كرة القدم الخماسية ، كما أن خديجة من الأعضاء البارزين في الفريق المصري لكرة القدم النسائية .
الميل هو:
baraa_ashraf1@yahoo.com
والماسنيجر:
birooo_18@hotmail.com
يجماعة بتتكلموا فى أيه ... دول أصحاب البلد
يعنى على كدة بقى كام سنة كمان و نلاقى خديجة مرات جيمس بيتقلاها ماما خديجة مبارك !!!
ولسا احنا شفنا حاجة
التفيب ورا ربنا يستر
الأخ مصري اللى كاتب تعليق أكبر من الموضوع يا جماعه ده اسمة تعليق تعليييييييييييق
اللى عاوز يكتب موضوع كبير بقى يكتبة فى جرنان ولا فى منتدى
اولا بالنسبة الى الاخت بنت الاسلام احترم رأيك و اقدره ثم ارفضه لا ادرى ما دلالة اشارتك بانك تعيشين فى الولايات المتحدة بس الشيء الوحيد اللى عايز اقوله انك لو من هذا الشعب لما قلت هذه الكلمات دا اولا بالنسبة لكاتب الموضوع اعتقد انه وقع فى خطأ فادح لا يجب ان يمر الا و هو وصفه لجمال انه عايز يصلح غلطته و ديه اعتبر قذف للمحصنات
حيرد و يقول انا مقلتش صراحه
حرد انا و قوله بس انت لمحت
و كل لبيب بالاشارة .......
بالنبة للاخ حسام الابرق اللى بيسأل عن الشعر و الكتاف و العورة
اقول له ان الفرق كبير بين الشعر و الكتاف لييييييييييييييييييييييييييه
اقولك ليه
الشعر دا عبارة عن باروكة يعنى عيرة انت مش شايف ان الاتنين نفس الباروكة و لا ايه
و بالتالى فأن الشعر الحقيقى انت مش شايفه فمتقدرش تتكلم
اما الكتاف فالظاهر ان كاتب المقال رأى انها الكتاف الحقيقية فدا طبعا حرام
و السلام عليكم ورحمة الله و بركاته
سبحان الله..
للأخ صاحب التعليق السابق.. نفسي أفهم كيف نقرأ الكوميديا والكتابة والإبداع بشكل خاص..
أولا بالنسبة لقذف محصنات فأنا لا أظن أن وصف المحصنات في الفقة ينطبق على الآنسة خطيبة جمال.
أما بالنسبة لجملة أصلح غلطتي، فهي إفيه.. وهو ما أشك أنك تعرف إفيه..
الإفيه هو جملة غير واقعية، متهكمة، تعتمد بالكامل على "الكذبة" أو الخروج عن الواقع، وبالتالي فكل المشاهد إفيه غير حقيقية، وللكاتب أن يبدع كيفما شاء طالما أنه لم يقل أنها مشاهد حقيقية.
وبالتالي فهذا ليس قذفا للمحصنات يا أستاذ..
النقطة الأخيرة التي استوقفتني في بعض التعليقات هو اعتراض البعض على السخرية من جمال في أمر يخصه هو وحده..
الأسئلة التالية قد تفهمكم شيئا..
من أين سيدفع جمال مهر عروسه وشبكتها..؟
من أين سيأتي جمال بثمن القصر الذي سيعيش فيه ..؟؟؟
من سيدفع ثمن حفل الزفاف؟؟؟
من صاحب المصلة في تلميع جمال في الفترة الأخيرة؟؟؟
لماذا نقلق من جمال؟؟
لماذا نخاف منه؟؟
لماذا نتوقع جميعا أنه سيكون الرئيس القادم؟؟؟
ولماذا يحتل خبر خطوبة جمال كل هذه الأهمية؟؟؟
الحقيقة يا سادة أن جمال أصبح هو نفسه يتدخل في كل صغيرة وكبيرة في حياتنا.. وطالما هو يفعل ذلك فحياته مشاعا لجمهوره..
وهي قاعدة يعرفها الجميع، خصوصيات الحاكم مشاع للمحكومين.. ولا خصوصية لحاكم.. فطالما جمال مبارك هو الحاكم.. فسيظل دون خصوصية إلى أن يبتعد عن الحكم بيده.. أو بدمائنا نحن جميعا..
نا سي أقول حاجة مهمة قوي ..
أنا بكره جمال مبار قوي
ولازم كلنا"نتعلم" إزاي نكرهه..
معا نكره جمال وخطيبته.. لن تكونا حكمانا!
الاخ العزيز الذى لم يرشر الى اسمه او كنيته
اولا اثنى على انك بدأت تعليقك بسبحان الله
و ااحترم رأيك و اقدره ثم ارفضه ايضا
خد بالك تعبير محصنه لازم ترجع ليه فى المعجم لأنى لن اخوض فى معناه على الساحة
ثانيا لما بدأت قولك بكيفية قرآتى للأبدع و التى كنت تستغرب عليها
احب ان اوضح انى خريج احد كليات الفنون و ليس الابداع ان ترسم لوحة ما مثل الخروج من الجنة لمايكل انجلوا و تقول انى لا اقدر ابداع مايكل انجلوا و تمثال النبي دانيال وتقول ان دا ابداع الابداع ليه حدود
اما الافيه اللى افهمة فانت اعلم منى به لذلك لن اخوض فى معناه
اخيرا لعلك لاحظت انى لم اعلق على مشهد مثل قانون الضرائب و غيره و انما استوقفنى المشهد السالف الذكر. لما لمسه فى نفسى من معنى
اشكر لك حسن قراءتك و لو اختلفنا فى الرأي راجيا منك ان يكون اسلوبك فى النقد افضل من ذلك
عجبتني الجرائه المكتوب بيها الموضوع والاسلوب رااااااااائع
ويارب نفضل كده نتكلم ونقول كل حاجه ويكون عنا حريه راي
استقبل المصريون والعرب خطوبة جمال مبارك بسيل من التعليقات المتنوعة تؤكد أريحيتهم المعهودة وسخريتهم المعروفة تربط بين السياسة والسلوك الشخصي، وبينما يقول البعض ان الحياة الشخصية لابن الرئيس مثله مثل أي شخصية عامة لا يجوز الاقتراب منها، وهو ادعاء صحيح في ظاهره، ولكنه قد لا ينطبق علي جمال مبارك في هذه الحالة، فجمال كان يستطيع أن يتكتم أخبار خطوبته إلي الآنسة خديجة كريمة المهندس محمود الجمال أحد أبرز رجال الأعمال في مجال المقاولات، لا أن يسربها إلي الصحف، كما يتكتم أخبارا أخري شديدة الأهمية مثل لقاءاته مع شخصيات إسرائيلية لأنها قد تسيء إلي صورته، وربما يري البعض أن خطوبة جمال تذكرنا بسيناريو زواج الملك محمد السادس قبل اعتلائه العرش مكان أبيه الراحل الملك الحسن الثاني يتكرر في مصر، فالزواج تأكيد للأهلية الاجتماعية في مصر، وشرط لاعتلاء العرش في المغرب، وشهد مــوقع العـــربية نت عشرات التعليقات أسفل خبر الخطوبة اخترنا منها هذه المجموعة.
بدأ أبو جاسم قائلا: ألف ألف مبروك وعقبال الفرحة الكبري باستلام الحكم يا زعيم أما مصراوي فلم تسعه الفرحة وأخذ يغني: خطابك كتير وقالولي تستاهلي الدهب واللولي.. مبروك يا جيمي.. بس ياريت تقول لسيدة مصر الأولي تبطل شوية المصاريف اللي بتصرفها علي المؤتمرات والكلام الفاضي علشان الشعب خلاص اتخنق أوي منكم واقتربت ساعة الحسم. أما خالد فتحدث بلغة أهل البلد شد حيلك يا بطل وخلف لنا حسني الصغير اللي هايمسك البلد من بعدك . لكن المصري المفقوع كما يسمي نفسه يسأل سؤالا استعصي علي عقلي الضعيف الوصول إلي إجابة له وهو: ليه الأخ جمال خطب بس ما اتجوزش علي طول.
الإجابة جاتلي من واحد مطلع علي بواطن الأمور، وقالي ان جمال محتاج يكوّن نفسه شوية، يعني فيه مصاريف فرح وشبكة والذي منه، يعني هو الراجل هايجيبهم منين، وكمان لازم يجيب شقة وعفش وغرفة نوم وطبعا الراجل مموت نفسه في الحزب الوطني ولجنة السياسات متطوع ما بيقبضش قرش واحد. تاني قالي لاحظت أن عمر خطيبة الأخ جمال اتولدت عام 82 يعني من ساعة ما وعيت علي الدنيا وهي شايفة حماها رئيس جمهورية. أخيرا تحيا جمهورية رجال الأعمال.. الست مبروكة لاحظت ملاحظة ذكية وهي: إن العروسة أبوها جمال وجوزها اسمه جمال عشان تطقوا زيادة . وكمل عليها أبو زياد: ربنا يهني سعيد بسعيدة ولا عزاء للشعب المصري المطحون والذي سوف يخرج غصبن عن عين اللي خلفوه في الشوارع احتفالا بزواج زعيمه الجديد واللي هو مش لاقي ياكل
علشان الاخوة اللى بيزعلوا من التيقة و بيقولوا انهم بيخدوا حسانات على قفانا انا قررت ادعى و بس مع ان نفسى افضى اللى فى نفسي
يارب اجعلنا شعبا ايجابيا لا سلبيا
مشاركا غير مهمش
اللهم انك لا تغير ما بقوم حتى يغيروا ما بانفسهم اللهم فشلنا فتغيير ما بانفسنا فاعنا على تغييرها حتى تغير ما بنا
انا خلاص خلصت بس مش قادر قفل التعليق من غير حاجة ناقحة عليا معلهش يا شباب مقدرتش
الله يخرب بيتها و بيته
الف الف مبروك وعقبال البكارى
بس عاوزه اسأل اتفقتوا على المواسم والقايمه ولا لاء احنا عندنا بنات زيها ولازم نطمن على مستقبل البنت
تم تسجيل جميع المشاركات
انتظرونا في الساعات الاولى من فجر هذا اليوم
على فكرة لا داعي للتخلص من ادلة الادانة علشان احنا جايبينها معانا جاهزة
مع خالص تحياتنا بنوم هاديء
مبروك يا عريسنا
يا أبو شنه ورنه
يا واخدنا وراثه
أطلب واتمنى
وأخرج من جنه
أدخل على جنه
مش فارقة معانا
ولا هارية بدنا
ولا تاعبه قلوبنا
ولا فاقعة (.....)
يا عريس الدولة
أفرح وأتهنى
ما أحناش كارهينك
لكن هارشينك
ح تكمل دينك
وتطلع دينا
* القصيدة ألقاها شاعر الشعب بميدان طلعت حرب مساء اليوم الخميس، في أمسيةنظمتها حركة أدباء وفنانون ردا على منع النظام حفل غنائي الجمعة الماضية بحديقة الخالدين مخصص لأغاني الثنائي (إمام ونجم).
شارك في إحياء الامسية الشاعران الكبيران أحمد فؤاد نجم وسيد حجاب، والفنانون على إسماعيل وزينب احمد فؤاد نجم ورشا سالم.
رسائل محمول: مبروك يا عريسنا.. يا بوشنة ورنا.. افرح واتهنا:اليوم خطبة جمال مبارك.
تعقد اليوم في حفل عائلي خاص خطبة جمال مبارك علي الانسة خديجة الجمال وسط اهتمام صحافي وشعبي واسع نظرا للتكهنات بأنها قد تكون السيدة الاولي المقبلة في مصر.
وبالرغم من حرص العائلتين علي ابقاء حفل الخطبة في اطار عائلي خاص الا ان اخباره هيمنت علي العديد من الصحف ومواقع الانترنت المصرية.
وجاء فيها ان والد العروس وهو المقاول المعروف محمود يحيي الجمال قد اصر علي ان يقام حفل كبير لابنته الوحيدة خديجة والتي يناديها اصدقاؤها بـ موني ما جعل العريس يوافق ان يضم الحفل عددا من الاصدقاء المقربين.
واشارت المصادر الي ان الحفل سيقام في منتجع سياحي فخم في شرم الشيخ التي يفضلها الرئيس مبارك ويقضي فيها نحو ثمانية شهور من العام.
وسيبدأ الحفل في الظهيرة باجتماع عائلي ينضم اليه تباعا الاقارب والاصدقاء، ما جعل البعض يشبهه بالطريقة الامريكية في الاحتفالات.
ومن المنتظر ان يقام حفل موسيقي في المساء، الا انه من غير المعروف ان كان سيشارك فيه مطربون.
ولكن من هي العروس التي اقنعت اهم عريس في مصر بدخول القفص الذهبي، بعد ان بدا وكأنه مضرب عن الزواج خاصة انه يبلغ من العمر اثنين واربعين عاما ولم يسبق له الارتباط.
ـ انها خديجة محمود الجمال (24 عاما) .
ـ تخرجت من قسم ادارة الاعمال في القاهرة وتهوي عزف الموسيقي، كما تهوي الرياضة (مثل عريسها) ويقال انها عضو ناشط في فريق كرة القدم النسائية.
ـ تعرفت علي جمال اثناء مؤتمر سياسي عقدته الجامعة الامريكية العام الماضي، وتكررت لقاءاتهما في اطار العائلة والاصدقاء، حيث ان اثنين من اقاربها يرتبطان بصداقة قديمة مع جمال.
ـ برغم فارق السن بينهما الا ان مقربين من العائلة اكدوا ان بين جمال وخديجة تقاربا كبيرا في الافكار السياسية وغير السياسية.
ـ فستان الخطبة تم تصميمه خصيصا للعروس واحضر من باريس ويقال ان تكلفته زادت عن مئة وخمسين الف جنيه مصري (نحو 27 الف دولار امريكي). اما خاتم الخطبة فاختاره جمال من احد اشهر محلات المجوهرات في مصر، ويقال ان ثمنه بلغ 30 الف جنيه (تسعـــة الاف دولار).
وكان يفترض ان يلتقي فريقا الاهلي والزمالك ولكن تقرر تأجيل المباراة حتي ينشغل الناس في مصر بالمباراة ويتركوا جمال وخطيبته لشأنهما.
وانتشرت في القاهرة امس رسالة علي الهواتف النقالة عبارة عن ابيات منسوبة لشاعر العامية المعروف احمد فؤاد نجم تقول مبروك يا عريسنا يا بو شنة ورنة.. يا واخدنا وراثة افرح واتهنا . في اشارة الي التكهنات بأن الرئيس المصري يحضر ابنه لتولي سدة الحكم (بعد عمر طويل).
وتتحدث اوساط صحافية عن خديجة باعتبارها سيدة مصر الاولي الجديدة، وذهب بعضها الي ان الاهتمام الذي يحيط بحفل الخطوبة يتناسب مع حكم ملكي وليس جمهوريا.
والمعروف ان والد العروس هو احد اكبر المقاولين في مصر، وقد بني عددا من القري السياحية الي جانب بنايات وعمارات مهمة في القاهرة.
ورأت صحف معارضة ان مصاهرة الرئيس مبارك لاحد اكبر رجال الاعمال تكرس زواج السلطة والبيزنس الذي اصبح يميز ملامح السياسة والتركيبة الحكومية في مصر.
وبالرغم من نفي جمال مؤخرا انه يسعي او يرغب في الترشح للرئاسة الا ان القوي السياسية الاساسية في البلاد تتوقع ان يكون المرشح المقبل خاصة بعد ان تم تصعيده مؤخرا الي منصب الامين العام المساعد للحزب الحاكم، اثر ازاحة كمال الشاذلي وهو احد اهم رموز ما يعرف بـ الحرس القديم في مصر.
اول مره متعجبنيش يا براء
وحش اوى
انت لما كتبت مواقف مصريه ساخنه ضحكتنا و علقناللك من قلوبنا بجد ان دا كحويس
لكن ليه حياه الناس الشخصيه
ليه التجريح
انا بتكلم عن تجربه اتحطيت فيها ف وقت مت الاوقات لقيت حياتى الشخصيه انتشرت بشكل ما بين الناس بسبب مشكله ما و مش هوصف دا بيضايق اد ايه
الا التجريح
لازم نحنرم ال privacy بتاعه غيرنا اكتر من كدا
اتكلم عن سياسته بس حياته الشخصيه لا
مينفعش
يا اخى ليه كده ده لو حتى فيه كل الصفات القبيحه اللى فى الدنيا كلها ما ينفعش تتطرأ لحياته الخاصه بالمنظر ده ولا تتكلم عن حياته الشخصيه بالسخريه دى
يا جماعة.. ما الناس قالت قبل كدة.. لا خصوصية لحاكم.. فلقتونا
يا جماعة عشان تبقوا ايجابيين و ما يركبكوش حد و يدلدل رجلية >دلوقتي تقدروا تروحوا اي قسم و تطلعوا بطاقة انتخابية لان اخر ميعاد هو 11/3 فلو سمحتوا تلحقوا بسرعة و متكسلوش عشان لو بعد الشر بعد الشر بعد الشر بابا سونا جراله حاجة يبقى من حقكم تدوا صوتكم لاي حد غير الطفل المعجزة
و والنبي الله يخليكم محدش يقولي هما هيطبخوها و ما فيش فايده و الكلام البيئة اللى هايجيبنا ورا ده انتوا شفتوا الناس عملت ايه في انتخابات مجلس الشعب اللى فاتت قبل التزوير و الضم .....و الموضوع مش صعب ولا حاجه انا رحت و الموضوع كله خلص في اقل من 5 دقايق
و الله نقدر نعمل كل حاجه بس احنا بنستهبل و نقضيها ضحك و تريقه و في الاخر نقول ماحدش بيسمعنا
على فكرة ياأنس انت مؤلف درامى جيد وكاتب سيناريو رائع وارجوك لو لاقيت منتج شاطر ممكن اخرج المسلسل دة ولانى بحب الاخراج جدا والضحك حيبقى للركب وانا جادة جدا والسلام عليكو ( بس خلاص)
الازوزة في الكازوزة ونظيف في الوزارة وبابا في الرياسة وابن بابا في الوراثة والمدام اخر شياكة والفلوس في البنوك والبزنس للتيوس والبوليس عندة اوامر اضرب الشعب المعارض اللي بيقول كفاية احنا وصلنا للنهاية
يخواننا الراجل من حقه يعيش حياته
بس على فكره من حقنا احنا كمان اننا نعيش حياتنا
حياه طبيعيه من غير لادكتاتوريه ولا مهلبيه
على العموم سيبوه ياخد فرصته ف الخطوبه بس مش اى حاجه تانيه
لانه لو خد فرصته ف حاجه تانيه يبقى ولا حتى عيال عيالنا هيعرفو يخطبو زيه
وفى الاول وفى الاخر ...:
من حق الكبير يدلع
حضر نفسك يا باشا
كله ضرب ضرب مفيش شتيمة
و تعيش و تاخد غيرها
ده لو عشت ما انت عارف الحرية عندنا
ابقي طمنا عليك
سلام
الحقيقه انا شاب مصرى زيكم احس بكل هموم المصرين واولها الهم الكبير ( حسنى وابنه ومراته) ولكن الا يجدر بنا ان نركز على ما هو اهمم وهو اتقان العمل والاخلاص.
ولا يغير الله ما بقوم حتى يغيروا ما بانفسهم
اذا كنا نريد الخلاص فعلينا بالعمل والاخلاص
خى العميل الاجنبى أنا معجب جدا بتفاؤلك و لكن هل سمعت عن شئ إسمه الاحباط (و ليس من تحت الباط) و لكن ما جدوى الاخلاص إذا كان ما سوف تعمله قد ضاع هباء من قبل حتى ان تفكر فيه و أخذه منك من لا يستحق .... يا أخى العميل أنا أعتقد لو هناك إحصائية عادلة فأنا متخيل أنا أمام كل جنيه أكسبه من عرق جبينى هناك عشرة جنيهات تذهب إتاوة الى جيوب الحيتان و الكبار و المحاسيب فأنت تعمل لكى يعيشوا و تكد و تتعب لكى تنتفش كروشهم و أخر المتمه يغرقوك فى عبارة لتأكلك الاسماك أو يصبوا عليك الجاز و انت فى قطار أو مسرح لكى تحترق أو يدوسوا لك السم فى الخضار و الفاكهه لكى تموت مسموما .... و فى الاخر تقولى اعمل بإخلاص .... أنا و الله من أشد المنادين بالاخلاص و التفانى فى العمل لكن ماذا أعمل و قد كسروا أرجلى و ذراعى و من قبلهم كسروا نفسى .... فلينتقم من الله كإنتقام عاد و ثمود
مش حاسيب.....ازاي اسيب دة قدر ونصيب اسيب العز والجاة واكل السمك البكلاة دة غير فلوسي اللي تغطي مصر من المعصرة للانفوشي والخدم والصبيان من الوزير الاول الي قائد عسكر طربوشي اسيب قصر العروبة في بلد كان زعيم العروبة
معنديش حاجة اقولها اكتر من اللي اتقال
بس يا ريت منجرحش في اي شخص حتى لو يهودي.
عشان احنا أسمى من كده.
وربنا يتمم بخير.
سمعونا زغروتة بقى.
لولولولولولولوي
بأسم الشعب
امرنا نحن محمد حسنى مبارك
باجرائ محاكمه ديمقراطيه عادله على ان ان يكون الحكم كالتالى
سلخ المدعو براء سلخه بائنه و يتم توزيع الجته فى خمس محافظات نائيه ليكون عبره و عظه لكل من تتسول له نفسه ان يمس ابنى و حبيبى و عم الكل و رئيس الجمهوريه القادم غصب عن امكو الباشا عمكو و عم عيالكو يا كلاب
جمال ابنى البار بوالده
البند 2
رفع مصروف جمال الى نصف موازنه الدوله حتى يلتزم الشعب و يحترم نفسه
بند 3
تخصيص 70 مليون مواطن لتوضيب الشقه و عمل حمام سوبر لوكس للعروسين
بند 4
اغلاق الموقع و تشفيره بالشفره الحمراء
بند 5
عمل عمليه جراحيه لجميع من رد فى الموضوع يكون ناتجها عدم مقدرته على الزواج و على اطباء القصر الجمهورى مراعاه ذلك
جمال - الشعب- الوطن
كنت هتجوز كل يوم
10000000000 مبروك ده بجد خبر فرحنا .. أحنا كلنا نتمنالك السعادة و السلام و ربنا يكملك علي خير و ده بجد من كل قلبي
1000000000000000000000000000000 مبروك
ربنا يتممله بخير ( ايه هو انت غيران منه علشان هو هايخطب وانت لا ) يا براء ادعى له ربنا يسهلوه ويوفقه علشان تحصله توقيع 00زى اخوك الصغير
قبل أي حاجه"اللهم اجعل كلامنا خفيف عليهم"
"موقف براء بعد المقال"
المشهد الأول:
براء وهو في البيت وفجأه(دب.. دب.. دب طاخ ..طاخ.. طاخ)
براء:ايه ده مين البيخبط كده؟!
اللدخل(سوري اللبيخبط):كل(طاخ)حاجه(دب)تعرفها(تران)في(دب)الوقت(طاخ)المناسب(دب)
(موسيقي تصويريه "يا عيني يا عيني ياعيني علي الولا")
المشهد الثاني:
(براء في علبه سوده"ملحوظه:وفقا لرأي بعض المؤرخين أن العلبهالسوده تبئا عربيه" وبتمشي وفيها قبيلة قايمه بالواجب وصوت براء في أغنية الاثتاذ عبد الحليم "ثواح"مع القليل من الالم"آآآآآآآآآآآآآه")
براء:هوه في ايه؟
ايد ربنا يباركلها:طااااااااااااخ
براء:طب رايحين فين؟
رجل ربنا يخليها:ددددددددددددب
براء:يعني...طب...هوه احنا فين؟
دماغ زي العسل:ترانننننننننننن
(براء في غيبويه تامه)
المشهدالثالث:
(براء قاعد علي كرسي وباين ان هوه في أوضه وعينيه متغميه وايده ورجله مربوبوطين)
صوت غريب هافت:اسمك ايه
براءفي صوت هافت:براااااااااااء
نفس الصوت بصراخ:انت هتهزر يا بن ال....
براء في عجله:البراء أشرف(..ناسف علي قطع باقي الاسم لاسباب أمنيه ااااااقصدي فنيه..فتيه)
نفس الصوت:ايه الانت كاتيه علي النت ده؟
براء:ايه؟!!!!!أنهي موقع ..يعني ايه نت أصلا؟!!!!!!
الصوت :موقع(20at)
براء
hat is the meinning of 20at?
("دب.. طاخ.. طيخ.. اي "عشان مطولش عليكوالحوار أخد أشكال كتيرة في النقاش طبعنننن براء أقنعه بوجهة نظره في الآخر)
المشهد79211356
عام 3020)
واحد ماشي في الشارع دقنه طويييييييييييييييله وشعره ملعبك وهدومه مقطعه راجع بيتهم(يااااااااااه ده طلع براء)
امضاء من زي اللزي أخوك
بجد موضوع جامد جداااااااا بس انا شايفة انو من حقة يتجوز ننوس عين امة على الاقل يشوف ابنة قبل ما يموت او يتنش رصاصة ولا اونى اشك فى كده هما هيموتونا واحد واحد اصلا
المهم بقة اننا المفروض نفرح لية والمفروض كمان نقوم بالواجب انا بقترح اننا نلم بعض وناجر عربية ونروح نبارك وميمنعش يعنى نيجيب معانا قفصين فراخ على حمام وبيض وشوية زبده وفطير ماهو عريس بردو . بس يارب بس نلاقى بيض اصل انا بسمع ان غلى اوى ومفيش فى السوق . بجد ربنا يرحمنا ويقف معانا . وارجع واقول على راى صبحى شعبى الحبيب المهاود المطرمخ
شكر خاص للاستاذ عمر اااااااااااااااا000سورى س من الناس
ملحوظة: على المشهد79211356
ان الاستاذ براء مستحيل يكون عايش لحد المشهد رقم 3 ازاى هيكون عايش لحد المشهد
انا ما قلتلوش يبطل يحلم بس بالعقل ازاى براء هيعيش شهر واحد ما كتب المقال
هئ هئ هئ هئ هئ دا انا كل امنيته فى الحياة ان براء يقرأ التعليق ويطمنى عليه
زياده لمعلومات الجميع وانت طبعا يا براء يا براء ان المشهدتلاته لما أبوها قالو ما عندناش بنات للجواز انا ساعتها كنت قاعد خديجه قالت لابوها "عريس يابوي ماطخوش يا بوي "
والله حرام عليكوا اللي بتعملوه في الراجل , مش كفاية عليه احمد حسام ومشاكلوا , والعبارة والناس اللي راحت في شربة بحر . واخيرا خدييييييييييييييجة اللي حتعرف ازاي تهد حيلوا زي مهد حيلنا
السلام عليكم : الفكرة جميله جدا ولكن الطريقه محتاجه اسلوب ازاي؟؟؟ ان انتقد شخص في تصرفاته هذا هو النقد الصح
واقول الغلط في تصرفاته واقول كيف يكون الصح هذا هو النقد وهذه اخلاقياته انما اتتدخل في خصوصيات اي شخص هذا هو الفلس في النقد عزيزي البراااااااء ياريت يكون لك رد في امان الله
فينك من زمان يارجل وبعدين اذا كان مكنش بسلامته يعمل كده يبقي مين اللي هيعمل كده انا مثلا او انت او اي حد زينا.
احنا ناس ربنا يتولاهم برحمته الواسعه وانشاء الله ربنا يريحنا منهم الي الابد والظهار ان اننا محتاجين شركة نظافة جديده
ابقي اتعرف عليك في المعتقل اذا ماكنش يضايق.
ربنا معاكم يارجاله النصر او الشهادة
بجد الموضوع حلو اوى يا براء انت بتدرس ايه
انا سألتك يا براء بتدرس ايه وانت مردتش
يا جماعة أحب اطمنكو ان براء الحمد لله كويس و بخير ..... ده طبعا بصرف الن؟ر عن الموضوع ... لاب انا لسة ما قراتوش ....
مش كفايه اني اخوة و ممكن اروح ف الرجليييييييييين..
(هوه انا قلت اخوه )
لا لا انا بهزر ... بهزر .... اااااااااااااااااااه
منك لله يا بلللرا
أخ هوه كان اسمه ايه ؟
هو انت كنت قاعد معاهم ياباشا والكلام دا كله بيحصل انا شاكك انك كنت معاهم هناك
على العموم موضوع جميل ياباشا والله جميل جدا
اللي لحظتوا ان التعليقات من المصريين ولكن انا كعربية بدي اعلق ان كلامك حلو يا براء وبطاب منك من باب الديمقراطية وحرية الرأي المعروفة جدا في باقي الدول العربية تنقل نشاطرك بقصص مشابهة تضم باقي الدول العربية -رجاء خاص وانا منتظرة الرد
احول دخل الجيش دخلوه سلاح القذف العشوائي
اخص عليك ياجمال يرضيكو كده ياجماعة هوا كان يلاق4ى زى ابدا على العموم انا احلى من خطبتة دى وهوا الخصران
الرايس النجس هوه وعياله الى عاوزين يستولو على البلد وانا من الناس الى كانو هيمسكونى وانا كنت هربت وان الحراميه الكلاب الريس وعياله ومراته عاوزين يمسكو البلد وضعف الشعب همه الى خلوهم يعملوا كده وشكرااااا
ممتاز
فيه حد امه بتخطب له دلوقت يا جمال بيه
متقولش نقاوة عينك ولا قلبك
فين عقلك وشخصيتك يا جمال بيه
ده الجواب باين من عنوانه
وعيد التفكير
انا فى سن ابوك وبانصحك