انتقل إلى المحتوى
عشريناتأرشيف موقع الشباب العربي ٢٠٠٤–٢٠٠٩

آلوو ... ممكن استشارة عاطفية

قراءة في ٤ دبقلم هبة ياسين، ريهام حسنين

"حبيت واحد 4 سنين واتحديت أهلي عشانه واتجوزته من غير رضاهم، وبعد كل ده خاني وغدر بيا من غير سبب..تفتكر أنا عملت إيه غلط يا أسامة"؟! نموذج من قصص وحكايات كثيرة يحكيها شباب وفتيات لأسامة منير مقدم البرنامج الأشهر " أنا والنجوم وهواك" على إذاعة نجوم FM .

يا ترى سمعت البرنامج...عجبك؟؟ ولا إتخنقت من التفاهة؟؟ عينك دمعت مع أصوات البنات المخنوقة؟؟ولا ضحكت على سذاجة القصص...؟؟

صراحة

محمد مدي 26 سنة بيقول : يعجبني في هذا البرانامج صراحته حيث إن كل من المتصل ومقدم البرنامج يتحدث بصراحة لعدم التقائهم وجها لوجه.

وأنا مستمع جيد لبرنامج أسامة منير وهو برنامج جيد وأكثر ما يعجبني فيه المشكلات التي يعرضها المتصلون حيث أنها قد تكون مفيدة للشباب، لكن في بعض الأحيان يبالغ مقدم البرنامج في أسلوب كلامه ورده على المتصلين.

أما نيرمين عبد المنعم 23 سنة فتقول هذه البرامج تكون أحيانا مفيدة للشباب لعرضها مشاكل واقعية يمكن أن تنبه إلى أخطاء كثيرة من العلاقة بين الشاب والفتاة،وأحيانا أخرى تكون موضوعات هذه البرامج تافهة ولا تستحق المناقشة.

وأنا لا يمكن أن أعرض مشكلتي على برنامج معين لسبب بسيط هو عدم وجود ما يميز مقدم البرنامج لكي يكون حلال لمشاكل الشباب العاطفية..فلا أعتقد أن له خلفية استشارية!

يشجع على الحرام..

على النقيض كان رأي عبد العزيز 26 سنة حيث قال استمعت إلى برنامج أنا والنجوم وهواك مرة واحدة بعدها سمعت عنه الكثير لكنه لم يعجبني بالتأكيد لأنه برنامج غير هادف مجرد شاب ظريف- أو بيستظرف- بيرد على أسئلة شباب وبنات هايفين، بصراحة هذه النوعية من البرامج تصريح مباشر لكل ولد وبنت الدخول في علاقات عاطفية...يعنى بيسهل الكدب و الحرام تحت شعار " ما كل الناس بتعمل كدة "!!

وتشاركه الرأي وفاء جمال 21 سنة، وتقول استمعت إلى البرنامج بعد ما وجدت كل أصدقائي تقريبا يتحدثون عنه لكن في رأيي هو برنامج تافه لا يمت للواقع بصلة.

وحتى صوت المذيع أعتقد أنه مفتعل، وأنا مندهشة بشدة من إقبال الشباب لهذه الدرجة على هذا البرنامج لحل مشكلاتهم العاطفية وأريد أن أسأل سؤال واحد ما هي خبرات أو مؤهلات مذيع البرنامج حتى ينصح الشباب في مشكلاتهم العاطفية؟

صوته وبس..!

بإعجاب شديد قالت مروة عبد الجليل 23 سنة أنا لا أعرف من هذه البرامج سوى أنا والنجوم وهواك، وأنا مبدئيا "باموت" في أسامة منير لأن صوته "يجنن" وأسلوبه جذاب جدا وأنا بسمع البرنامج عشانه، لكن في الوقت نفسه يعرض البرنامج مشكلات مهمة جدا وواقعية يمكن أن تحدث لأي منا، وتعجبني جدا ردود أسامة عليها. وأنا أتمنى منذ فترة طويلة أن أتصل به ليس لأني عندي مشكلة ولكن لإبداء إعجابي بأسامة والبرنامج ولأني أتمنى أن أكون من أصدقائه.

وكذلك جهاد على 21 سنة حيث قالت أحب هذا البرنامج جدا وأنا بتابعه تقريبا باستمرار لأني معجبة جدا بصوت أسامة منير وأسلوب كلامه وده السبب الرئيسي في حبي للبرنامج وغير صوته أحب أيضا الأغاني التي يختارها في حلقاته، لكن المشكلات أغلبها معروفة وأيضا رد أسامة عليها معروف لأننا في معظم الأوقات نكون مدركين لما يجب أن نفعله لكننا غير قادرين عليه فعلياً، وأنا شخصيا أشعر أوقات بالرغبة في التحدث إلى الغير، لكنني خجولة ولا أستطيع التحدث إلى مثل هذه البرامج.

فضفضة

أما مصطفى 24 سنة فيقول أعتقد أن هذه النوعية من البرامج سر نجاحها هو أنها تتيح للشباب فرصة للفضفضة والبوح بمشاعرهم ومشاكلهم وأنا متابع برنامج أسامة منير وهو برنامج جيد وأسلوب مقدمه مميز وصوته جذاب جدا، وهو يتعامل مع مستمعيه بأسلوب رومانسي وهادئ وهذا سر نجاحه وأنا حاليا لا أمر بمشكلات لكن إذا تعرضت في يوم لمشكلة عاطفية قد أفكر في الفضفضة معه.

وتقول سمر أحمد 20 سنة استمعت لبرنامج أسامة منير مرة أو مرتين بالصدفة وهو برنامج جيد، وإلا لماذا كان هذا الإقبال عليه من الشباب وخاصة الفتيات.

وأعتقد أنه يتعرض لمشاكل يمكن أن تكون مفيدة للشباب لكن الحلول التي يقدمها تكون في الغالب ساذجة جدا وكل ما يحدث أن المذيع يتحدث مع أصحاب المشكلات بصوت رخيم وأسلوب جذاب فقط لا غير.

طبعا اللي مسمعش البرنامج منكم هيسمعه مخصوص علشان يشوف الناس دي بتقول أية..و إن كنت لا تستطيع انتظار ميعاد البرنامج..فهذا رابط لموقع عليه تسجيل لبعض الحلقات مثل حلقة " التشاؤم من الحبيب" و التي أرشح سماعها..و يا ريت تقلنا رأيك!

أنا والنجوم وهواك

عايزين برنامج شبابي!..

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. بيرو حُفظ في
    حراااااااااااااااااااااااااااام
    كله كوم والبرنامج ده كوم تاني ..
    البرنامج ده هو أكتر حة بتخليني احس ان البلد كلها فاضية ..
    بدأت علاقتي بالبرنامج عن طريق اخويا ..لقيته في يوم الساعة 2.00 بالليل بيطنطط فوق السرير وانا نايم وبيقولي ....:أنا موش مصدق نفسي أنا كلمت أسامة ...
    ومن يومها سمعت البرنامج ده حلقتين تلاتة ..بس بصراحة ..مقدرتش استحمل بعدها ..
  2. زمزم حُفظ في
    انا سمعت البرنامج ده بعد ما لقيت فعلا كل الناس بتتكلم عنه بس بصراحه مالقيتش فيه غير (سهوكه)من اسامه اللى مسمينه صوت الحب
    ورايى ان الناس اللى بتكلمه عشان مشاكلهم دى ناس تافهه هو مين يعنى عشان يقولك اعملى ايه وماتعمليش ايه
    اهو دلع والسلام
  3. marmar حُفظ في
    el parnameg dah 7aga keda tashel , el mafrod osama dah ya3esh sano, el 7aiaih ana 3omry ma afkar eny aklemo a7kelo 3ala ay moshkela 3andy aw 7ata adya3 waty w a3od asm3o
  4. تحدي مصاعب الحب حُفظ في
    من الممكن تحدي الانسان المصاعب من اجل الحب الموجود في الدنيا فيكون الانسان متحدي الصعاب مثلا تحديه لا هله من اجل انسان اخر الحب وتكون النتيجه خيانه في خيانه وهذا حل في وقتنا الحاي من المغامره الصعبه.......
  5. قطوب حُفظ في
    نفسي حد يسأل أثامة باشا ده عن حياته العاتشفيه، وهل هو متجوز وللا ايه ظروفه ؟ وايه مدى خبرته ودرايته وهل عنده خلفيه قوية تأهله انه يسهوك قصدي يوجه الناس وينصحهم كأنه حكيم العشاق زي ما احنا بنسمع كدة..
    أنا في اعتقادي ان أثامة ده ممكن يكون شخصية خيالية من استخراع الحكومة، زي أبو مصعب الزرقاوي كدة، بس أثامة شغلته يقتل الفراغ عند الناس الفاضية، لكن أبو مصعب شغلته يقتل الناس الفاضية، ويسيب الفراغ..!
  6. احمد خان حُفظ في
    السلام عليكم ورحمه الله
    انا مش معترض على البرنامج ده يا جماعه ...بس معترض على الي بيقدم البرنامج جدو اسامه منير
    انا اول ما سمعت البرنامج حسيت ان الراجل ده في التلاتينات وصوته من الاصوات الي البنات بتحبها
    المهم...انا كنت مع الراجل ده في حفله قبل كده ..انا اول ما شفته وعرفت ان اسامه منير اتفزعت
    الراجل ده والله معدي 55 سنه واكتر كمان..وفاكر نفسه شاب ..لا ومش اي شاب كمان ..ده شاب روش اوي
    وعلى فكره لو تلاحظوا ان برنامجه اغلبيه الي بيخليهم يتكلموا في التليفون كلهم بنات..وحسيت انهم بنات مش ولا بد اغلبيتهم دبلومات..وحجات غريبه
    انا نفسي واحد يقدر يتصل بيه في برنامجه ويسئله عندك كام سنه؟؟؟؟
  7. أنا والنجوم وجفاك..!! حُفظ في
    عايزين برنامج يكلمنا عن علاقتنا مع ربنا ..يفهمنا نعمل ايه علشان نتوب ...يعلمنا ازاي نكون له أقرب
    عايزين برنامج يعلمنا ازاي نعيش وازاي نموت ..عايزين برنامج يفهمنا هنرجع فلسطين ازاي وبغداد هتعود امتي ...
    عايزين اسامة ....بن زيد..!!
    بيرو
  8. سونيا الشريرة حُفظ في
    ألو ممكن كلام جد شوية ....
    وعلى فكرة البرامج دي دلالة على التفكك الأسري وضياع الشباب وغرقهم في دوامة البحث عن الحب
  9. حسبي الله ونعم الوكيل حُفظ في
    يا جماعه اسامه منير دة راجل بيحض البنات والشباب علي العلاقات المحرمه والبرنامج بتاعه ملوش هدف تاني وعنال يستعبط ويتسهوك والبنات عاجبها موت
    يا جماعه حرام حرام حرام
  10. حكايتي مع البرنامج حُفظ في
    تعرفت على البرنامج ده من اختى، حيث كانت من عاداتها أنها بتذاكر بالليل على صوت الراديو، و في مرة حكيت لى عن البرنامج، بس بصراحة كان شكلها قرب يجيلها "نقطة" من المذيع و من البنات اللى بتتصل ومن الحكايات السخيفة، و حاولت انها تحضنى على الاستماع الى هيافته مرة، لكن للأسف كنت بنام بدرى، و تصادف انه فى يوم خطوبتي و اثناء رجوعنا مع اخى و اختى و خطيبي استمعنا الى جزء منه فى راديو العربية، بصراحة اول ما سمعت الصوت وطريقة الكلام، قرفت و معدتى قلبت و أخى اتريق على المذيع ورجيته ان يقلب المحطة، بصراحة لم اتحمل ان استمع لهذه الهيافات خاصة وان خطيبي كان يجلس بجانبي، يعنى بالعربي انكسفت منه، حسيت انه برنامج مايختشيش
  11. ايه ده حُفظ في
    لما كل الاراء فى البرنامج ده سلبيه والكل مش عاجبه اسلوب الاخ اسامه سهوكه امال مين اللى بيسمعه ويكلمه؟
  12. حاتم توفيق حُفظ في
    الموضوع كلة هجص وتهييس بصراحة
  13. المشير سوار الذ هب حُفظ في
    بصراحة الموضوع ممتاز وبيناقش قضية مهمة أنا مع ان يكون فيه برامج زى الزفت أسامة ده بس المشكلة مين الى يقدمها المفروض من وجهة نظرى انه يكون شاب ملتزم داعية عنده علم شرعى و علم وخبرة دنيوية وحياتية الاثنين مع بعض لأن حاليا الحب فعلا موجود وبدل ما يجى واحد زى ده يشوهه ويدفع الاثنين اامعصية يكون فيه واحد يرشدهم لكيفية الارتقاء بمشاعرهم دى عشان تكون فى طاعة ربنا
العودة إلى الأعلى