تتجوزي إيزي موزو؟!
"أعترف أنه موجود يا غادة".. كانت هذه هي الجملة الوحيدة التي خرجت مني دون وعي وأنا أنتهي من قراءة موضوع غادة غنيم
"إيزي موزو مش حب وجواز..!!"
هو فعلا موجود وبكثرة.. أعترف أيضاً أني ربما عشت لفترة وأنا أعتبر أن الإيزي موزو هذا هو الحل وهو النموذج المطلوب لكل شاب "عربي" يرغب أن "يعيش" ...
إيزي موزو الذي تتحدثين عنه نراه يومياً علي الفضائيات ...يطالعنا بوجهه علي بوسترات ألبومات الأغاني ...يخيفنا في الشوارع وهو يطل من علي أفيشات الأفلام ..يحرق دمنا بضمير في ستار أكاديمي ..
نعم هو موجود ...لكن مقالك جعلني أفكر في الموضوع من زاوية أخرى ...هل هذا النموذج مقبول ..لقد اتفقنا علي أنه موجود وبكثرة ...لكن هناك فارق كبير بين ماهو موجود وما هو مقبول (!!)
لن أطيل عليك ...فكل ما حدث أني نزلت إلى الشارع ومعي نسخة من مقالك وعرضتها على فتياتنا ليجبن علي السؤال ..
هل تقبلين إيزي موزو زوجاً لك..؟!
هبة (20سنة تجارة إنجليزي) كانت أول من وافقت علي الإجابة ...قالت ...بصراحة آه ..ممكن أتجوزه ويمكن يكون زوج رائع فعلا ..فكل ما يحدث منه الآن ليس إلا ظروف سن وشقاوة شباب..!!
لمياء (22سنة آداب مكتبات) هي الأخري لا تجد مبرراً للرفض فقد قالت ...لا زالت جملة أم سعاد حسني ترن في أذني منذ رأيت فيلم إشاعة حب للمرة الأولى.." لما يلعب بديله وهو صغير ويتأدب بعد الجواز أحسن ما يبقى قفل ويلعب بديله بعد الجواز"..(!!)
روبي الرجال !!
ياسمين(19 سنة آداب تاريخ) كانت أول المهاجمات فما أن سمعت السؤال حتي ثارت وهاجت "وزي ما يكون عقرب قرصها" ..أنت بتقول إيه أتجوزه لا ياعم شكراً ...أنا عايزة أتجوز "راجل"
رانيا (22 سنة طب) تعاملت مع السؤال بشكل مختلف ..قالت في هدوء ..السؤال سهل جداً وموش محتاج لإجابة..
تتجوز روبي؟!
..لو وافقت أنا أوعدك أن جوازي من إيزي موزو بتاعك ده موش هيبقي قرار أصعب من قرارك كتير..!!
الرجال: "هما لاقييييين"؟!
آه ..صعب جدا أن تصنع تحقيقاً كاملا ويكون جمهورك الوحيد من البنات..!! ربما لأسباب أفضل الاحتفاظ بها لنفسي ...المهم عدنا إلى الشباب وأخبرناهم بما قالته لنا ياسمين ورانيا وانتظرنا الردود التي جائت تحمل قدرا كبيرا من الغرابة..
محمد (21 سنة - تجارة القاهرة) صاح في انفعال ..يا أستاذ البنت هي اللي عايزة كده.. أنت موش واخد بالك إن الولد الخام في مجتمعنا ده أصبح نموذج مكرووووووه قوي..؟!
أما عبد الرحمن (19 سنة- تجارة إنجليزي).. فيقول: موش عايزين يتجوزوا إيزي موزو.. ضحك وأكمل: طيب يا عم بلاش.. أنا كـ "إيزي موزاوي" قديم ..يا ريت أشوف هيتجوزوا مين..؟!
تهكم عبد الرحمن الشديد جعلني أعود إلي البنات من جديد لأكرر السؤال ..؟؟
رجل بلا ماضي !!
شيماء (18 سنة إعلام )تقول: أريد رجلا بلا ماضي أكون أنا الحب الأول في حياته.. مش راجل يقضي يومه معي يحكي لي عن غرامياته السابقة.. الحكايات دي بتتعبني..!!
أما منى (20سنة معهد فني) فتقول ..الرجل الذي سمح لنفسه بأن يضيع وقته في الإيزي موزو وما شابه هو في النهاية بني آدم ضعيف أمام نزواته ورغباته.. وأنا لا يشرفني الزواج من شخص ضعيف.. أريد زوجا يحميني..!!
أما سهام (24سنة )فتقول: "ربما أتفق معك أنه نموذج "مقرف" لكن أعتقد أن هناك أمل في إصلاحه.. وهذا هو دور الزوجة الصالحة من وجهة نظري"..
عدنا إلى عبد الرحمن ونقلنا له حكاية "إصلاحه" التي عرضتها سهام..سكت قليلا وانفجر ضاحكا وهو يقول ...طيب هنبقى نشوف ..!!
إلى هنا كنت قد تعبت بما فيه الكفاية من ممارسة دور الوسيط بين الشباب والفتيات .. لذا فالدعوة مفتوحة أمام من يملك رأياً آخر ليدلي بدلوه ...في التعليقات لو سمحت موش هنا.. وسلم لي على الإيزي موزووو..
جريئة آه.. منحرفة لا!
يا بابا..عريسي مفلس!
* بيرو أحد أنشط المعلقين على موقع عشرينات، وقد أرسل إلينا هذا الموضوع الذي نفتح به الباب لجميع زوار الموقع لكي يرسلوا إلينا موضوعات مماثلة على: contact20at@yahoo.com
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
ممكن واحد يكون كان كدهو تلب و ربنا يهدي
بس مش ده الاساس في الاختيار
ممكن واحدة في عينك قردة و طبعها زفت في عين غيرك قمر و ملاك من السماالي يناسبك ممكن مايناسبشي غيرك
بس برافو بيرو
متعرفش حاجة عن سيادة المحافظ و غاندي البلد؟؟؟ وحشوني قوي
دكتور جيكل
يا أخي ده ال dsl بيعطل
الكمبيوتر بيهنج
البني ادم بيتعب ....أو بينام
أما انت ....ابدا لازق في عشرينات وكأنه بيتك ...
طيب يا عم ...سكتنالك
أنما تيجي تكتب كمان وتحاربنا في لقمة عيشنا ....
لا يا عم مرسيي ...ومتشكرين جدا !!
خلي الناس اللي فاكريني واحد
يعرفوا اننا اتنين !!
شوف ياسيدى انا لسه مقتنع ان مخك نضيف وافكارك مبدعه وبتعرف تلقطها وهى طايره
انا لسه عند معادى مستنيك الساعه......... عند..... اوع تتاخر يابير....برا... والله مانا عارف اى حاجه بقى وخلاص
خلينا نتقابل علي
birooo_18@hotmail.com
ده انت مغرق الناس تعليقات وتريقة
بس بصراحة الموضوع لايعلي عليه
بجد برافو ويا ريت تتحفنا بحاجة تانية وبلاش موضوع التعليقات ده
سلام يا بيرو
اصل لما بيرو يكتب وانا قاعدة الموضوع كدة محتاج اني افوقله ..
دي حبيبي يا جماعة
بس يا رب يفهم :)
انت يا ابني الجزء المسئول عن الفهم عندك في مخك ضرب ومحتاج يتفك ويتركب من جديد ...
يا رب صبرني
واتقلي يا بنتي لاحسن كدة يستكبر عليك
وهيستكبر علي ايه يا حسرة ...امال لو ما كنتش عارفاة وقاعد علي المكتب اللي قدامي طول اليوم
شكله اعوذ بالله
صوته يا ستار يا رب
نضارته ...قعر كوباية موش نضيفة
جزمته ....مستودع غاوات سامة
وكله كوم وطبق البوم فريت اللي موش بيتشال من علي مكتبه ...
ولا جيبه اللي اللب والسوداني موش بيفارقوه
يا بنت والله انا ما عارفة عاجبك فيه ايه ...
والله الصنف كله ميستاهلش
فكري ورضي عليا
انا عايز افهم انتوا بتتكلموا عن مين ..
هو فيه واحد ايزي موزو هنا وانا معرفش ولا حاجة ..؟؟
بنات بتتكلم سوا ...انت ايه اللي يدخلك
يالا روح نام ...موش اختك قالتلك كدة
يالا علشان السهر غلط علي الللي زيك
اولا انت مالك يسهر ولا يقعد ولا يموت حتي
امه اتصلت من بولاق وقالتلي موش مشكلة نص ساعةنت كمان قبل النوم
ثانيا سنية طيبة وعلي نياتهافبلاش التسخين ده وشغل تهدية النفوس
بيرو وراه رجالة
احب اسأل الاستاذ بيرو و كل الايزي موزوهات اللي موجودين
والسوأل كالتالي: تحب تتجوز روبى؟ليه؟؟؟؟؟؟؟؟
ياريت حد يجاوبنى اجابه مقنعه....
اولا شكرا يا ست هانم يا اللي وحشناكي
ثانيا إزاي تساوي بيني وبين الولد الألضوش غاندي المحطة ده .. حاجة عجب والله
ثالثا عيب قوي تقولي وحشتوني زي الست وردة الجزائرية الله يرحمها ويحسن إليها
لأان أنا بتكسف لأني متربي تربية محافظة جدا
جدا
جدا
ع العموم أنا جيت أهه ... بس من غير الله يكرمك وحشتوني والذي منه لأني أنا إحساسي مرهف
جدا
جدا
جدا
وأخيرا اعذريني إذا كنت غلست عليكي
هي دي عمايل دي
إخص
إخص
إخص
اصل الكلام مش عليه فلوس :] عشان كده احب اجامل الناس
عارف لو بفلوس؟؟؟
مش هنطق
المهم ان اطمنا علي صحة حضرتك و كمان الاخ غاندي ده راجل ثوري و مجاهد فيها ايه يعني اساوي بينكوا؟؟؟؟
ده انت برضه لسه جديدة في مود التعليقات ده
يالا يا جماعة هنرش مية
كل واحد يعلق قدام بيته ..!!