ايزي موزو.. مش حب وجواز!!
اسمه محمد.. صحيح عمره 19 سنة، لكن عنده كمية مهولة من الحكايات والنظريات تجعلني أشعر أنني أخته الصغرى لا الكبرى. فمنذ فترة طويلة أصبح كل ما يحكيه لي أخي، طالب السياحة والفنادق، عن حياته قصص لعلاقات مع البنات التي تجري وراءه.. ويجري ورائهن...
ممكن ترفض النموذج أو تتقبله، لكن لا يمكنك أن تنكر وجوده.. فها هو أمامك الآن لحم ودم.. وأسلوب حياة...
البنت المؤمنة
ولأنه نادراً ما يفصح عن أسماء صاحباته، فهو يعطي لكل منهن وصفاً كودياً يميزها. يقول:"البنت المؤمنة أطلقت عليها هذا الاسم لأنها دائما ما تحاول إقناعي بذلك. فهي تقول أنها تحفظ القرآن، وتصلي الفرض في وقته، يعني حتى لو كنا نتكلم في التليفون تتركني لتلحق بالصلاة في وقتها!! الظريف بقى أنها تحدثني على الموبيل لمدة ساعة أو أكثر من تليفون جمعية المحافظة على القرآن الكريم!!!
في يوم دعتني المؤمنة، التي كنت (علقتها) من على باب مدرستها، على الإفطار في بيتها في رمضان، وقالت لي يا ريت تصطحب أختك معك. وعلى الرغم من أنها كانت دائماً ما تحدثني "كصديق" عن جارها الذي تحبه، إلا إني أول ما سمعت كلمة عزومة.. وفي البيت، عرفت ان الحكاية فيها مصيدة، فقلت يا فكييييييييك"!!!!
والمؤدبة أيضاً...
أما المؤدبة فهي فتاة تعرف عليها على شاطئ البحر في رأس البر، واستمرت التليفونات والمقابلات بعد العودة للقاهرة. لا أعرف بصراحة لماذا يصر على وصفها بالمؤدبة.. المهم اسمعوا معي هذا الموقف الذي يحكيه عنها...
"كنا سوياً ذات يوم في كافيتريا فقالت لي:
- تخيل لو ماما دخلت علينا دلوقتي
- طيب ليه بس يا بنتي (بتقدمي) النية السيئة؟
- شوف بقى يا محمد، آدي أنت فهمتني غلط. أنا برضه جبت سيرة انك (تتقدملي)؟...
طبعا حرقت دمي بسمعها التقيل، (أو فهمها التقيل، الله اعلم). كيف تتخيل أنني يمكن أن أفكر في الزواج منها لمجرد أنها زنقتني في الكلام. نحن عندما تعارفنا كانت علاقتنا واضحة من البداية: صحوبية وخروج، يعني إيزي موزو، مش حب وجواز"!!!
خناقة تحت البلكونة
"أول مرة أحس ان علاقتي بالبنات تهمة كانت بسبب والدي. بصراحة الرجل مودرن جدا ولا يجبرني على أي تصرف. لكن هذه المرة كنا في مصيف، وهو مشرف الرحلة مع أحد زملائه. هذا الزميل كانت له بنت ليست فقط جميلة، ولكن كمان معجبة!! فقلت لنفسي ولم لا..."
ويكمل محمد قائلاً:"حذرني والدي بشدة من الحديث معها، على الأقل (عشان منظره قدام صاحبه). ولكن ظلت البنت طوال الأسبوع تأتي إلى شقتنا كل ساعة بحجة السؤال على أختي. (طيب وأنا مالي).
وحدثت الطامة الكبرى عندما دبت بينها وبين فتاة أخرى خناقة في الشارع، وتحت شرفتنا، كادت تصل لشد الشعر، وعلى ما يبدو أنها كانت بسبب شخصي الكريم!! الحقيقة أنا لم أحضر الخناقة من أولها، ولكنني اعتقد أني سمعت كلام مثل (مية نار) (انتي عاوزة تخلصي مني)!!!
والله ما ضايقني ليس أنني خسرت البنتين، ولكن غضب والدي،واتهامه لي بالتسبب في تشويه صورته أمام زميله، وأمام بقية المصطافين"!!
أنت أمور وروش
"انت أمور وروش، وكل بنت تتمنى إنها تحبك"
"عيبك انك رومانسي وتتحب بسرعة"
على الرغم من أنني لا أصدق أن هناك فتاة يمكن ان تعبر لشاب عن إعجابها بهذه الطريقة، إلا انه أكد لي، وحلف بأغلظ الأيمان أنه سمع هذه العبارات.. ليس مرة.. ولكن مراااااااات...
تجربة محمد تشبه تجربة الكثيرين من الشباب.. وهذا ليس غريباً. ولكن ما أستغربه، ويكاد عقلي يطير منه هو مطالب هذا الفتى صاحب المليون علاقة، في زوجة مستقبله.
"لا أريد فتاة مثلك، تخرج وتكلم الرجال حتى لو كانوا زملائها في العمل. الدنيا لم يعد فيها أمان فلابد لزوجتي أن تكون (خام) لا تعرف شيئاً في الدنيا، تكون كلمة رجل بالنسبة لها تعني محمد فقط... أريد أن أطمئن عليها، وعلى إخلاصها لي. أريدها محجبة.. متدينة، ولكن ليس على طريقة فتاتي المؤمنة"!!!
لا تعليق..
عندي على الأقل...
** اقرأ أيضاً في عشرينات:
- شاب في مدرسة البنات
- أنا وزميلتي.. خلينا إخوات أحسن
- أهلي بيشكوا فيا
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
تحياتي
بيخلي الانسان اللي فاكر انه مقطع السمكة وديلها يبقى موسوس وعنده بارانويا ... جزاء وفاق
وان شاء الله يقع في شر اعماله
واحدة تمثل عليه وتعرف تكلفته وتزبطه وتطلع عليه القديم والجديد ...
اللى بتصبح على رنة التليفون من الساعة عشرة و نص الصبح لحد قرب الفجر من تانى يوم ، لدرجة ان زميلاتى و زميلات أختى بيشتكوا أنهم بيحاولوا"بالايام" الاتصال بنا فى البيت و التليفون على طول مشغووووووووووول
هاقول لكم على موقف حصل من كام يوم، كان خارج البيت و اتصل بنا ، تصوروا ليه، بيسأل الأفندى إن كان حد اتصل به ولا لأ، ولما اخبرته اختى ان فيه "بنات" اتصلت به، قالها "كام واحدة" بزمتكم مش حاجة تفرس
و مرة كان بيشتكى لابنة خالتى فقال لها، انه من كثرة البنات اصبح "يتلغبط فيه أصواتهن
بصراحة باحس ان فيه حاجة غلط، لكن مش عارفة هل الخطأ فيه هو ام نحن الذين اصبحنا "دقة قديمة"
الغريبة انه يوم ما حب بجد حبيبته قالتله موش عايزة اتجوز قبل 3 أو 4 سنين
الغريبة انه مستحمل ومستني مع ان الموبايل موش بيسكت من اللمكالمات الحريمي بتاعة بالليل
استني يا غادة علي اخوكي لحد ما يحب بجد !!!!
زعلتيني والله يا غادة
إهئ إهئ إهئ
بس على العموم ماتقلقيش
كل أصحابك في الحلف الالكتروني
هيتوسطوا ليكي عند الأمم المتحدة
و قوات حفظ السلام
لأن الموضوع ده
عامل " قلق في المنطقة العربية"
على رأي واحد عندكم
طبعا عرفيه...!!!
المهم
بشرى
جاءنا البيان التالي
" أعلن مصدر مسئول بقسم
الأطافيل و المراهيق العرب
بلحنة التربية و التخطيط العمراني
في جمهورية الواق الواق
أن هذه الحالة من متطلبات المرحلة السنية
و أن الوقت كفيل بعلاجها"
ترقبوا البيان التأسيسي للحلف الالكتروني الفظيع!!!
لان البنت المؤدبة المتدينة اللى بيحلم بيه الاخ محمد(الاسم على غير مسمى -و كان اولى بيه انه يغير اسم الرسول باسم اخر روش زيه)
المهم البنت دى مابتختارش الا من نفس نوعيتها
و اذا قبلت واحدة بالمواصفات دى بيك وانت على حالك ده يبقى تأكد انها بتمثل عليك
الأكثر إثارة للإشمئزاز ..الفتايات اللواتى يخن الله تعالى بعلاقات تفتقد إالى العفة والحياء مع أمثال هؤلاء الشباب
وأنا أرى بعضهم فى الجامعة يجلس مع أكثر من (مخدوعة) فى أوقات متفرقة وربما تظن كل واحدة منهن أنها الوحيدة التى عرفها منذ ولد
ولا حول ولا قوة إلا بالله
يعنى اللى ايده فى المية مش زى اللى ايده فى النار
وكل واحد ينام ع الجنب اللى يريحه ويخليه فى بلوته
يعنى بتوع السعودية يفتو لبتوع السعودية ويخليهم فى بلاويهم
لما يبقو فى نفس الموقف اللى فيه الفلسطينين يبقو يفتوا براحتهم
دى حاجة تحرق الدم وتسيح شعر الكتكوت
ويلا تصبحو على خير
that's all and bye
وكل واحدة بتحاول تحصل عليه لنفسها مع ادراكها انه يعرف اكتر من ميت بنت وبنت وكل واحدة بتحاول تحصل عليه بطريقتها ، بالتدين ، بالملاحقة ، بالهدايا والعزومات وباي طريقة تري انها تستطيع الحصول بها علي ذلك الصيد الوسيم وربما بطرق اخري عافنا الله منها وكله باسم الحب.
ولان محمد اكيد دمه خفيف كده ويتحب علي طول فهتلاقي البنات تتحدف في سكته ليل ونهار وهو بيسلي وقته.
ولكن المشكلة يا محمد انك ساعة الجواز الشك هيركبك في كل واحدة وستصل للحكمة بتاعة اخونا نابليون في الاخر ومش هيبقي سهل عليك الاختيار ، دا غير ان سيادتك كدة بتبوظ علينا البنات وبتعصيهم علينا يا سيدي لاننا مش في خفة دمك ووسامتك خصوصا في اواخر العشرينيات بعد ما شبنا وتعبنا في تجهيز نفسنا لانهم هيقرنونا بيك وغالبا هيرفضوا لاننا دمنا تقيل وبايخين كدة وياسم وحاجات تانية كتير.
وهنضطر ندور علي عرايس تعدو السن القانوني وخلاص عقلوا بقي وفهموا ان الي انتوا بتعملوا ده لعب عيال وتسالي مراهقة.
وانت يا محمد مثال حقيقي للكثير من الشباب وانا عارف بتاع يجي خمسة منهم مقضينها تليفونات وحب وساعة الجواز بيخافوا زي العيل الصغير وعندهم شك في صوابع ايدهم وحاسين ان الي عملوه في الناس هيطلع عليهم وبيفكروا يتجوزو بنات وحشين طبقا للحكمة القائلة ( الست الوحشة في البيت نعمة) علشان يناموا وهمت مطمئنين ومستريحي البال وافهم انت بقي يا سيدي .
خف يا محمد انت والشباب الي زيك رأفة بك وبأمثالك وليس رافه بالبنات فانت الرجل العاقل وهما مساكين معدومي العقل خلقة ربنه.
ابو دم تقيل
عاشقة الشهادة
1 _ الموضوع عجبني كتير لانو في كتير شباب بتمنو بنات مؤدبات ولازم محمد يختار احلى وائدب بنت بلكون كله
انا بتمنالو كل خير وانشاء الله بتلاقيها
باي غادة