الـKiss الإخوانية!
تقبل كلمة القبلة لأن تنطق بشكلين، يعطي كل شكل منها معنى مختلفا عن الآخر..
الأول "قبلة".. وهو المقصد أو المراد أو الاتجاه، والآية الكريمة تقول: "فلنولينك قبلة ترضاها"..
والثاني، قبلة، وبالإنجليزية Kiss، وهي سلوك بشري لم يفسره العلم رغم وجوده منذ وجود البشرية..
والكلمتان تثيرا المشاعر، والكلمتان ارتبطتا خلال الأسبوع الماضي بالإخوان المسلمين في مصر..
يبقى مرشد الإخوان هو القبلة التي يحج لها كل أفراد التنظيم، فهو الآمر الناهي، وهو أيضا المتحكم في كل أمور الجماعة الداخلية منها والخارجية..
وخلال الفترة الماضية كانت الأزمة هي أن حجاج بيت المرشد لم يكونوا من الإخوان وحدهم، بل أمتد الأمر ليشمل أبناء تيارات أخرى معادية وغير متوافقة مع أفكار المرشد أو جماعته، وهو ما أثار أسئلة حول قوة الجماعة ومدى تأثيرها في الشارع السياسي المصري.
المعنى الثاني للكلمة (Kiss) أرتبط هو الآخر بالإخوان طوال فترات طويلة، فهم ونوابهم في البرلمان أصحاب الاعتراضات الدائمة على الأفلام المليئة بالقبلات الساخنة والمشاهد الجنسية الفاضحة، وهو ما جعلهم يتلقون اتهامات بأن قبلات الأفلام هي شغلهم الشاغل بدون أن يهتموا بمصالح الوطن الأخرى (الخالية من القبلات).
الجديد هو أن يتم استخدام المعنى الثاني للكلمة، وأيضا مع المرشد نفسه، والسبب قبلة طبعها أحد نواب الإخوان الـ88 على يد مرشده في حفل الاستقبال الذي أقيم لهم (على حساب الجماعة) في فندق فخم شهير، هو نفسه الذي استضاف إفطارهم الحاشد في رمضان الماضي.
ورغم أن القبلة الإخوانية للمرشد تثير الأقاويل ويستغلها البعض لانتقاد الإخوان، إلا أن النقد كان ينحصر في الإطار الشرعي لها وكونها بدعة ابتدعها الإخوان لتمجيد مرشدهم، وهو ما ظهر بعد ذلك في أجيال داخل الإخوان ترفض تقبيل الأيادي وتكتفي بابتسامة خفيفة وقبلة على الكتف (إخوانية أيضا).
قبلة هذه المرة أثارت جدلا سياسيا للمرة الأولى، خاصة بعد أن وضعتها روز اليوسف صورة غلاف وجعلت من الموضوع قضية العدد التي تناولها رئيس التحرير عبد الله كمال بالتحليل والتفنيط موضحا وجهة نظره (التي قد يكون فيها على حق) بأن الانحناء من نائب الشعب للمرشد تصرف لا يليق بنائب للوطن له مركزه ووضعه كما حدث مع الأخ صاحب القبلة.
مقال عبد الله كمال رد عليه عبد الجليل الشرنوبي رئيس تحرير موقع إخوان أون لاين، والشرنوبي (وهو أصلا صحفي فني بجريدة آفاق عربية) الذي تولى منصبه مؤخرا ليحدث طفرة في مستوى الموقع على الجانب الإخباري خاصة وأن فترة رئاسته للموقع شهدت الانتخابات البرلمانية المنتهية وهي التي قفزت بترتيب الموقع إلى مراتب عالية.
الطريف أن التوقيت الذي جاء فيه الشرنوبي لإخوان أون لاين هو نفس توقيت وصول عبد الله كمال لرئاسة تحرير روز اليوسف، والأخير قفز بجريدته كما قفز الشرنوبي بموقعه وأصبح لروز اليوسف على يديه جريدة يومية تحمل نفس الاسم وتوزع أعدادا لا يعلمها إلا الله وحده.
بعيد عن عبد الله كمال والشرنوبي، تظل القبلة الإخوانية باقية، بالمعاني كلها...
- إلى أي قبلة "سياسية" سيتجه الإخوان في المرحلة القادمة؟
- وهل كانت قبلة النائب للمرشد تفسير لأن مرشد الإخوان هو سلطتهم الدينية والسياسية في نفس الوقت، وهل سيشهد المجلس الحالي تدخل منه واستغلال للعدد الضخم الذي حصل عليه ليمرر أفكاره (التي لا يعلم أحد عنها شيء)؟
- وهل سيبقى التمثيل البرلماني للإخوان في المجلس منحصرا على قبلات الأفلام، أم أن قضايا أهم ستحظى باهتمامهم خاصة وأن عددهم يسمح لهم بذلك؟
- وهل ستبقى الانتقادات الموجهة للإخوان محصورة في مساحات تقبيل اليدين والكتفين، بدون أن نواجههم بعيوبهم التي هي بالتأكيد فيهم باعتبارهم بشرا لهم أخطاءهم وحسناتهم، وهل سنناقش الإخوان في برامجهم وأفكارهم بعيدا عن قبلاتهم؟
..الأسئلة الماضية، وأسئلة أخرى ربما تدور في ذهنك – عزيزي القارئ- تحتاج إلى إجابة، من الأخوان، ومنك أنت أيضا... فشارك برأيك..
*مقال عبد الله كمال
*مقال عبد الجليل الشرنوبي
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
بصراحه يا ابني يا براء
انتي فعلا فاضي
ومش لاقي موضوع تكتبه زي ما رزو اليوسف برضه مش لقت حاجه الا موضوع البوسه
والموقع بصراحه ززي ما بيقول الغالبيه في النازل كل يوم
وزي ما الكل عارف ان اي صحفي الايام دي عاوز يظهر
يكتب عن الاخوان والبوسه والفندق والاكل وانهم معاهم فللوس وبيجيبوا ا الفلوس منين وان الناس بتايدهم وبتحبهم وتقدرهم وتحترمهم
يا ابني روح شوف مذاكرتك احسنلك ولا كليتك اللي مش بتروحها من اساسه
وعلي فكره انتا من الاخوان علي حد علمي
او زي ما قالي واحد صاحبي ا اغلب الصحفيين في عشرينات اخوانجيه او اسلاميين من الكرامه او الاحزاب الصغيره اللي طالعه من الاخوان قريب
فعيب برضه يعني
وبلاش شغل انك عاوز حد يعرفك علي الفاضي
وسيب الناس في حالها وبص لنفسك
مواطن مصري حر
ولا انتا عاوز حد يعلق كتيير علي مقالاتك فبتدور علي الحاجت اللي تثير الشباب
واغلب الشباب اللي بيفتحوا الموقع اخوان
ولا هدفك ايه باظبط
المهم ربنا يعينك ونشوفك حاجه في اسلام اون لاين كده ولا حاجه
وتقعد تحلل غلط وعلي الفاضي زي جمال عرفه اللي في اسلام اون لاين
واجع راسه علي الفاضي في تحليل الاخوان والحكومه والاحزاب وحاجات هبه كلها
ربنا يعين الصحفيين من الاشكال دي
ومين الي قال ان عشرينات مش تبع اسلام اون لاني
تبعها ونص كمان
وكله عارف كده
ولا نجيب الدليل
ولا بلاش
ربنا يعينكم
ويعينك يا ابني يا براء
بجد صعبان عليا اوي اوي
بس تعمل ايبه
عشان بس الشغل والمرتبات الايام دي قليله
فالكل عاوز يرفع مرتبه عشان برضه يعرف
يعيش
سلام
تصبح علي خير
وانت من أهله!!
بسم الله الرحمن الرحيم
ههههههههههههههههههههههههههههه
أنا مكنتش ناوي اكتب رد على الموضوع لأني بصراحة لسة مقريتش المقالتين ومعنديش كل المعلومات الكافية عشان أعلق..
بس بجد يا براء ردك الأخير عجبني وخلاني أكتر التعليق ده..
"وأنت من أهله"
loooooooooooooooooooooooooooooooooooooool
بس بصراحة بعيدا عن النعام الذي يدفن رأسه في الرمال.. وفاقدي النظر الذي لا يرون حولهم سوى عالمهم الخاص.. وغير ذلك من أصناف البشر.. فموضوعك لا يسيء إلا قلمك الذي اتحفنا بالكثير من قبل..
ويطرح قضية قابلة للنقاش الموضوعي المتحضر بين المفكرين..
أأود أن أذكر هنا مقولة قرأتها ذات مرة على الموقع العملاق إسلام أونلاين وفي صفحة معا نتطور: "يعد التفكير من أكثر المهام صعوبة لذلك لا يقوم به الكثير من الأشخاص"
أحييك وأحيي كل شخص يحترم عقله..ويفكر...
والسلام عليكم
خد ال... واسكت خد ال.... ونام
اكلم ما بين النقاط..
وعلى فكرة الانسان المثير للجدل هو الانسان الناجح بس
وبرضة تصبح على خير وماتنساش تاخد ال...
أنا في جزء مع براء والجزء الثاني مع المواطن المصري الحر ...
أولا مع المصري في إيه؟
الموضوع أصغر وأهون بكثير من إننا نتكلم عنه بالشكل ده ... لدرجة إنه يكون عنه ثلاثة مقالات بكاملهم غير التعليقات والردود ... عن مجرد إيه؟؟... قبلة !!!
ده غير إن الإسلوب ده إسلوب الناس اللي معندهاش حجة أو مش لاقية حاجة تهاجم بيها .... مش عارف أسميها إيه؟؟
لكن تعرفوا المثل ؟؟ بتاع ملقوش في الورد عيب قالوا له يا احمر الخدين ....
طبعا مع الفارق ....
أناعلي فكرة مبحبش حكاية نقبيل اليد دي...
أما مع البراء في إيه.......؟
وجهة نظره ..... رغم إنه عارف إن وجهة النظر دي مش حتعجب ناس كتير .. إلا إنه عرضها ....
علي فكرة ... ده دليل علي الحرية اللي عند الإخوان .... بدليل إن " البراء " بيكتب الكلام ده ... ولا خايف ولا مرعوب ...و لا مستني امر من قيادتهم بتعنيفه مثلا ...
ده زي ما روز اليوسف وأمثالها بيقولوا ليل نهار .....
وبعدين علي رأي واحد ....
يا بتوع روزا والأهرام والاخبار والجمهورية .... والذي منه
كل يوم بتقبلوا ايادي وأرجل الرئيس مبارك وابنه وزوجته و ....
وكلنا عارفين ان ده نفاق ....
جايين تتكلموا علي نائب واحد ... من 88 نائب ... ومعملهاش لا نفاق ولا رياء زيكم ...
برضه حاقول لكم ..
لا للتمديد ... لا للتوريث ... نعم لتعديل الدستور المصري
mohamedmat@hotmail.com
وأقول لكم مع البراء في إيه.......؟
وجهة نظره ..... رغم إنه عارف إن وجهة النظر دي مش حتعجب ناس كتير .. إلا إنه عرضها ....
علي فكرة ... ده دليل علي الحرية اللي عند الإخوان .... بدليل إن " البراء " بيكتب الكلام ده ... ولا خايف ولا مرعوب ...و لا مستني امر من قيادتهم بتعنيفه مثلا ...
ده زي ما روز اليوسف وأمثالها بيقولوا ليل نهار .....
وبعدين علي رأي واحد ....
يا بتوع روزا والأهرام والاخبار والجمهورية .... والذي منه
كل يوم بتقبلوا ايادي وأرجل الرئيس مبارك وابنه وزوجته و ....
وكلنا عارفين ان ده نفاق ....
جايين تتكلموا علي نائب واحد ... من 88 نائب ... ومعملهاش لا نفاق ولا رياء زيكم ...
برضه حاقول لكم ..
لا للتمديد ... لا للتوريث ... نعم لتعديل الدستور المصري
mohamedmat@hotmail.com
بصراحة و من غير كلام كتير
من الاول خالص قريت مقال عبدالله كمال و معروف لامؤخزة مين هو عبدالله كمال و عن تجربة شخصية و ومن قريب معاه ...عبدالله كمال من الاساس مخبر امن دولة ومن غير كلام كتير ...فيعنى محدش بياخد على كلام لامؤخزة واحد مخبر لامؤخزة بيبوس ايد و رجل و ال ass اى حد ممكن يوصله لكرسى الحكمدارية فى روز اليوسف ..بس للانصاف عبدالله كمال بالرغم من ان كل العبر النجسة فيه الا انه صحفى متمكن من ادواته و اديه تتلف فى حرير ...بس هنعمل ايه ...مخبر !!!
اما عبدالجليل الشرنوبى فهو ابن التكية بتاعة الاخوان الى اسمها "آفاق عربية" الى الاخوان لمو فيها عواطلية الجماعة و اصحاب الوسايط و فلاحيى الدلتا من الاخوان و لموهم جوه الجريدة و عملوهم صحفين و دخلوهم النقابة بالاونطة من غير حتى ما يشتغلو و معروف للجميع ان الجريدة دى احدى مؤسسات الاخوان الملتهبة الى كلها مشاكل و خناقات و خوازيق بين الاخوان و بعضيهم البعض و كلام كتير مالوش لازمة و انقلابات و دسائس و نمائم بنهم ولا شجرة الدر !!
النقطة الاخيرة فيها إيه لما الموقع النكتة ده الى اسمة عشرينيات يكون تابع لإسلام اونلاين ...مش عيب يعنى و لا هى الغيرة و الحقد على المرتبات الى بتدفع بالدولار الاخضر الجميل مع قلة الشغل و المعاملة الى زى الورد ...يعنى لامؤخزة الشغل فى اسلام اون لاين او اى حاجة تبعه حلم لأى صحفى صوغنون هياخد مرتب حلو و مكاتب شيك و و المحررات هناك لزاز خاليص " بيسلو زى msm"محدش بيتابع لأن أنهار الدولارات الخضرة الجميلة متدفقة بغير حساب من الخليج الهادر ومن مسلمين غلابة بيدفعو تبراعت لناس " لامؤخزة يا عم براء" لا عندها ضمير و لا احساس بيبعترو فيها يمين على مرتبات و بدلات و سفريات و مقرات جديدة و كباب و كفتة و عصير و سمك و جمبرى .... و إلى إداك يدينا يا سيدى !!!
و الاهم من ده كله معروف ان اى حد بيشتغل فى اسلام اون لاين من الاخوان بيسيب الاخوان و بيبقى اسلام اون لاين لأن بيبقى عليهم ضغوط فى النقطة دى تحديداً ...بمعنى ان طريق الاخوان انهم يسيبو الاخوان هو انهم يشتغلو فى اسلام اون لاين و امثلة كتير على كده ....كله بيأثر السلامة و ادينا شغالين فى الاسلام اون لاين أأمن من الاسلاميك بروزر
و الدولار غالى و اغلى من الدولار دولار الدولار
المهم ..هو وضع البلد كله زى الزفت مجتش على اسلام اون لاين و لا الاخوان و لا عشرينيات و لاحتى روزاليوف و لا حتى المخبر عبدالله كمال
الصراحة اخونا الشمحطجى أجاد فى اختيار اسمه فهو لائق جدا على تصرفاته وعلى اتهاماته التى يلقيها جزافا على من عرف ومن لم يعرف وليس عنده أى دليل سوى تصوراته الشخصية المريضة ... اخيرا اقول اقول "الكمال لله وحده" ولابد عندما تنقد يكون معك دليل وتصور عن كيفية التصحيح
مع أني مش بحب موضوع تقبيل الأيدي ده من ناحية شرعية إلا للوالدين والمعلم
لكن أشوف أن عضو برلماني واحد من الأخوان يقبل أيد المرشد مش مشكلة
لكن المشكلة الحقيقية لو كان كل الأعضاء ال88 قبلو ايده
معرفش اللي حصل الأول ولا التاني لكن ياريت اللي يعرف يقولي
وربنا يصلح الأحوال في كل مكان
"انما الامم الاخلاق ما بقيت
فان هم ذهبت اخلاقهم ذهبوا
إلى الذين يرون قي الموضوع قلة عقل هل تستطيغوا أن توجهوا كلامكم هذا للاستاذ الشرنوبي
أنا شايف الموضوع حيتحول لحزب براء وحزب الأعداء .... في إيه؟
يا جماعة براء قال رأيه في حاجة شايفها ... اتفقنا معاه أو اختلفنا ... كويس !!
وبعدين الموقع مفتوح للجميع يرد زي ما هو عايز ... وكمان يقدم مقالاته وآراؤه وأعتقد إن عشرينات بيرحب بالمشاركات ,,,,
لكن إننا نتحول لفرق وأحزاب ده اللي غلط ...
كنت أتمني ردود أحسن وأعلي من كده
لا للتمديد ... لا للتورث ... نعم لتعديل الدستور المصري
mohamedmat@hotmail.com
والله انا شايف ان دى حريه شخصيه المرشد بضربش حدعلى ايده عشان يقبل ايده . ولا الى قبل ايده حيخش مكتب الارشاد مثلا .
المشكله ان المجله المحترمه ثابت كل حاجه فى الحفله ومعلقتش غير على دى .طب تتقلم لما ماما سوزان( مامه الشعب ) لما بتروح مكان بيحصل ايه اقله الاخوان مكلفوش حد حاجه اما ماما( سوزان ) الزياره الواحده بتعتهابتكلف .
عن نفسى لمل اشوف المرشد حقبل اديه الاثنين.
وعلى راى المثل انا راضى والمرشد راضى مالك ومالنايا فاضــــــــى
اما عن ثانيا: فأحببت أن أسرد في هذا المكان بضع كلمات للـ ا/فهمي هويدى في توصيفه للفارق بين المتطرفين الاسلاميين او"المغالون" وأمثالهم من العلمانيين -والتي ازعم انا سلوك أغلبهم لمسلك التطرف العلماني هذا- فالأولين هم من شباب مندفعين سلكوا مسلك خطأ.
وأن الآخرين فهم من شيوخ مجربون ومحترفون إتخذوا موضعهم عمداً مع سبق الاصرار والترصد.
فشكرا لك مرة ثانية يا من فضحت لنا ذاك الشيخ الذي جعل همه وشغله الشاغل الاطاحة بالنبلاء في هذا الوطن
اللهم احشر المنافقين العلمانيين مع كبيرهم ابن أبي سلول
بقوة المنطق الإسلامي و الروح القرآنية ستعودون إلى جحوركم الجاهلية... و إن استعنتم علينا ببلطجية واشنطن و تل أبيب فساعتها سنريح العالم من غبائكم
بعيدا عن قبلة النائب على يد المرشد الت أتحفظ عليها الا انه يجب التنويه على شيئ هام هو أن الاخوان يقولون أن عملهم فى البرلمان السابق مثل 31% بالرغم من أن نسبتهم كانت 3% وهو مالا يعقل معه أن شغلهم الشاغل كان هذه القبلات فقط وإلا فليقول هؤلاء الذين يدعون أن الإخوان إلا يهتمون بالقبلات فقط كم استجوابا قدمه الاخوان؟ وكم استجوابا منهم كان عن تلك القبلات؟ وإلا فليسكت هؤلاء عن توجيه اتهاماتهم المرسلة التى لا تستند الى دليل رقمى يؤكد صحتها ولينتظروا أداء الإخوان فى البرلمان المقبل الذى سيؤكد تلك الإتهامات أو سينفيها
اكيد فهمتوا البراء ده عامل ايه خلى واحد ولا اتنين من اصحابه يقولوا كويس عشان كسفته تتدارى اهم حجه انه طلغ واد كاتب كبير وعمل جدل قدام بتوع الموقع والاداره بتاعة اسلام اون لاين بصوا هوه ده اللتلاقيه تحت مقالاته تعليقات كتير يعنى ليه قارئ الاستاذ البراء عشرينات سقط وسلملى على البنات اللبتكتب حاجات هايفه وسلم الدولارات وماتنساش تكتب تاني وتعلق على نفسك تانى ويجعله عامر
ننسا البراء وعشرينات احنا بس نهد النفوس
وحدو الله يا جماعه محدش يعمل فى نفسه كده الموضوع مش مستاهل وذى مادخلنا بالمعروف نخرج برده بالمعروف( محدش يكسرالكمبيوتر)
افصل النت بالراحه
منك لله يا براء ميجيش منك الا مشاكل
حاول تهدى النفوس والشقه من حق الزوجه لو كان لها اولاد
عللى فكره لو شفت المرشد حبوس ايده الاثنين مرتين وخلى عبدالله كمال يفرقع
هاهاهاهاها
yehia2784@hotmail.com
يا اخ براء قبل متكتب اقرا عن مجهود الاخوان فى ملس الشعب الى فات هتعرف انك جاهل فى الموضوع ده ومش من حقك تكتب فيه وده مش كبت لحريتك بس هشان محدش يتهمك بالكدب او الجهل
وخاصهانك بتتكلم عن اقوى معارضه فى مصر متستخفش بالنواب الى اختارهم الشعب
انت مقرتشى طبعا برنامج الاخوان لدخول مجلس الشعب ومقرتشى بيانات نشاط نواب الاخوان فى مجلس الشعب الى فات ومقرتشى عن اهداف الاخوان ومقرتشى عن تخصصات النواب داخل لجان البرلمان وللاسف انت جاهل فى الموضوع الى بتتكلم عنه
اتكلم فى حاجه تفهم فيها
احسن مضيع وقت الناس
ايه يا عم عمال تهبد الناس أحكام يمين وشمال خير يا عم؟
بالهداوة شوية
قلت عبد الله كمال مخبر ونسبت الموضوع ان انت بينك وبينه مسائل في المسائل الواحد قال معقولة برده الإشاعة مالية البلد، قلت آفاق مليانة خوازيق وغلط في دلتا مصر كلها من شرق الدلتا لغربها بدأ الواحد يقلق، لكن فكرة الدولارات الخضرا كلنا نتمناها ونفسنا فيها هي والجمبري والكفتة وزي ما انت قلت كلنا بنشمشم على ريحتهم
لكن البنات اللي بيلوا دي حاجة في الوف سايد منك انا أعرف انك راجل محترم وابن بلد وأصيل ميصحش منك تلميحات خارجة وعلى رأيك يا أستاذ شمحطجي الصياعة أدب
مش كدة ولا ايه؟
معلهش ياجماعة انا مع الشمحطجى فى نقطة واحدة بس وهى ان اللى بيشتغل فى اسلام اون لاين من الاخوان لازما ولابد ان يترك الجماعة والامش هايتعين وده كلام من ناس شغالين هناك وده لأن الموقع عايز علاقته تفضل حلوة دايما بالحكومة ، وللعلم ياجماعة الموقع ترتيبه فى النازل، بس على العموم الأمور أبسط من كده واستهدوا بالله ياجماعة ده احنا داخلين على شهر كريم (ذى الحجة)
وأحب أقول لبراء دع الكلاب تتنبح والقافلة تسير
أقول قولى هذا واستغفر الله لى ولكم
عبد الله كمال وحمدى رزق صاحب نظرية حجر المعسل المشبر اللى وجعلنا بيه دماغنا فى عموده اليومى بجريدة المصرى اليوم ما بيصدقوا يلاقوا حاجة للاخوان يعملوا عليها حفلة يتبادلون فيها الغناء والطنطنة ؛ تارة يكتبون عن وثيقة لفتح مصر (مش عارف هيفتحوها ازاى يعنى اكتر ماهى مفتوحة بصراحة)روزا اليوسف اليومية بصراحة بتقوم بالدور على اكمل وجه سواء من فتح ابوابها وشبابيكها لاى حد يهاجمن الاخوان فقط من اجل الهجوم او من محاولة ايجاد صيغة جديده للموالسين يحاولوا فيه ان يركبوا صاروخ الوصولوية ويعبروا به عبر قناة اللى تكسب به العب به وصولا الى قناة طشة الملوخية للمتميز ممتاز القط.!
اى حاجة فى اى حاجة هو شعار المرحلة لمهاجمة الاخوان خاصة من يعتمد على مصدر دخله من الهجوم على الاخوان وتلفيق الوثائق والبرديات والبلى الازرق على جتتهم .
لكن تبقى البوسه عندى افضل من تقبيل احذية الامريكان والصهاينة .تبقى البوسه مع ما تحمله من اى معنى هى افضل من الحياة تحت احذية مبارك وصفوت الشريف ولجنة السياسات ؛ تبقى البوسه مهما اختلفنا معها هى اشرف من النوم على اعتاب الظلم والفساد وتبرير الاخطاء للظلمة ممن انتهكوا ابسط حقوق الحياة .
دع من يكتب يكتب ومن يقول يقول واعلم ان اهل الحق سيقتصون ممن ظلمهم وتهكم عليهم يوم ان يقفوا بين يدى الحق تبارك وتعالى ؛اما فى الدنيا فخيبتهم القوية وتسليط ضمائرهم ونفوسهم الخربه عليهم هو اشد عقاب .
يجوز تقبيل من نحسبهم على خير من المسلمين ومفيهاش حاجه
هوه بس عبدالله كمال لازم ينافق يعمل ايه لازم يجيب الصورة مع انها من الناحيه الشرعيه مفيهاش حاجه خالص
كل هذا الهجوم علي براء علشان نقل موضوع مش علي مزاج البعض ...
وبعدين هو الاخوان المسلمين ملائكه وفوق النقد...مادموا ارتضوا العمل السياسي لابد ان يتعلموا ان يتقبلوا النقد كما يوجهون النقد للاخرين
وبعدين حنا نشوف ايه المضمون بغض النظر عن مين اللي كتبه
لو انتم عايزين ننتقل من ديكتاتوريه علمانيه الي ديكتاتوريه اسلاميه
المسألة أبسط من ذلك بكثير
يا جماعة القبلة تعبير عن التقدير لفضيلة المرشد وليست لتقديس الأشخاص
ومحدش تايه عن روزاليوسف وعدائها التاريخي للإخوان وتصيد الأخطاء لهم.