انتقل إلى المحتوى
عشريناتأرشيف موقع الشباب العربي ٢٠٠٤–٢٠٠٩

..واحد زيك!

قراءة في ٤ دبقلم أنس محمود

أستيقظ يوميا من نومي على نفس الجملة التي تزجرني بها أمي على أمل منها أن "تحوق" جملتها في وأقوم من سباتي..

"أنت لسه نايم ..واحد زيك كان يبقى في شغله من ساعتين"..تلك هي الجملة!

في البداية كانت جملة أمي تؤتي ثمارها وأقوم من نومي مفزوعا (أو مدعيا الفزع) وأهب إلى عملي في نشاط مصطنع على أمل النوم على المكتب لدقائق تعوض ساعات نومي المسروقة بفعل جملة أمي.

تبدأ نظرية المؤامرة في الدق على عقلي عندما يصرخ مديري في وجهي بجملته المعهودة التي أشك أنه أخذها من أمي أو سمعها صدفة من وكالة أنباء "صديقاتها"!

"جري إيه؟..الشغل لسه مخلصش ليه..واحد زيك كان المفروض يسلم شغله قبل ميعاده بساعتين"..

كما هي العادة، فقدت الجملة تأثيرها بعد المرة الخامسة، وبعد أن اكتشفت أن المدير المحترم يوزعها على باقي زملائي بالعدل والحق، وكأن وظيفته التي جاء لأجلها هي أن يقول لكل موظف في أذنه أن لو شخصا آخر مكانه كان أنجز عمله منذ زمن.

الشيء المشابه بين جملة أمي وجملة مديري هو الزمان، فكلاهما يعتقد أني متأخر عن موعدي بساعتين فقط لا غير، بغض النظر عن أنهما يرونها مدة طويلة، فعندما ينتقل الأمر إلى خطيبتي تكتشف أن اختلاف الفترة الزمنية سيصنع فارقا ما (ليس قليلا) بين تأثير الجملة.

خطيبتي، (أو هكذا أدعي) تأخذ من الجملة نفس تركيبها، لكنها بالطبع تضيف إليها حواسها "الأنثوية" وأفكارها التي تتعلق بلا شك بعلاقتنا الغامضة..

فلا هي خطيبتي بشكل رسمي، ولا علاقتنا بسيطة وبريئة بشكل يجعلها مجرد صديقة أو زميلة، اسميها خطيبتي وأجعلك تفهم من خلو أصابع يدي ويدها من أي "دبل خطوبة" أن بيننا علاقة ما غير رسمية لكنها في الوقت نفسه غير عادية!

"بصراحة، أنت لازم تيجي تتقدم لبابا، واحد زيك موش ناقصه حاجة عشان يتجوز"..

..بصراحة أكثر، فإني أعاني (أو أتمتع) بعدم إمكانية تصديق أي جملة تبدأ بكلمة "بصراحة" أشعر أنها تفقد ما يأتي بعدها مصداقيته، وتعطي لمستمعها الحق الكامل في الاستهتار بمحتوى الجملة.

الفارق في الزمان الذي أقصده، هو أن خطيبتي تصرخ في وجهي بالجملة في كل مقابلة، وتهمس بها في أذني في كل مكالمة هاتفية، وتكتبها لي في كل conversation على الماسينجر!

وبالطبع، فإن المدة بين كل مرة والأخرى لا تسمح لها على الإطلاق بأن تقول أني متأخر ساعتين، ففي نظرها فقد تأخرت عن التقدم لأبيها حتى من قبل أن أعرفها هي نفسها!

أما أصدقائي فيثبتون لي في كل مرة أنهم لا يعرفوني مطلقا، يعتقدون أن صديقهم (أنا) لديه القدرة على فعل أشياء خارقة لم يهبها الله إلا لأنبيائه، ولم يهبها التليفزيون إلا لأبطال أفلام الأكشن.

في الأسبوع الماضي، وفي النادي الذي نرتاده، كانت الجملة السابقة..

"أضربه، واحد زيك لازم يعلمه الأدب"..أحد أصدقائي قالها!

حرف الهاء الملحق بكلمة "أضرب" عائد (كما توقعت أنت بالتأكيد) على بني آدم يعاني من اتهامات عديدة بأنه لا ينتمي بالمرة لجنس البشر، ورغم أن الجملة الأخيرة المستفزة خرجت من فم صديقي بدون أي إشارة مني لاستعدادي لفعل ما قاله، إلا أن الشخص المقابل استلمني ليجعل مني ومن قائم مرمى ملعب النادي جزءا لا يتجزأ عن بعضه!

الآن، وأنا في طريقي للعمل مررت بسيدة عجوز تجلس تحتضن طفل صغير تسميه ابنها (وهي التي بلغت سن اليأس من قبل أن أولد) وتمد يدها لـ"ولاد الناس" كما تسميهم على أمل أن يعطيها أحدهم ما يسد جوعها وما يجعلها قادرة على سداد أقساط "الطفل"!

"نص جنيه؟!..يا بيه ده أنت مقام واحد زيك ورقة بخمسة"..

مددت يدي مرة أخرى لأسحب منها الخمسين قرشا، ولأصعد من فوري إلى العمل وأطلب فنجان قهوة (التي لا أشربها) لعلها تهدئ من روعي وتفض الاشتباك بيني وبين الشخص الآخر الذي يحل محلي في ذهابي وآيابي، أخيرا كانت النهاية من نصيب الباشمهندس إبراهيم من البوفية.

"قهوة؟!، يا ابني أنت لسه صغير، واحد زيك لسه بدري قوي على القهوة"..

أصررت على موقفي في طلب القهوة، وقررت أن ابدأ في كتابة هذه السطور، على نية أن أقف على سور المبنى الذي يقبع فيه عملي لأخلص الناس مني وأخلص نفسي منهم، ولأترك لأمي ومديري وخطيبتي وأصدقائي الشخص الآخر الذي لو كان مكاني لفعل الأشياء الكثيرة التي لا أستطيع أن أفعلها..على الأقل وأنا على قيد الحياة!

لماذا أكتب كل هذا الآن، واحد مثلي تسمح له ظروفه بالاستيقاظ مبكرا وبانجاز العمل قبل موعده بساعتين وبالزواج وقتما شاء وبإعطاء السيدة العجوز ورقة بخمسة جنيهات، كلها أشياء تجعلني غير مستاء ولا غاضب، ولا مضطر لكتابة مثل هذه السطور.

"بلاش قهوة يا عم إبراهيم، خليها كاكاو"..أنا!

مشاركة على الميل أرسلها أنس، للمشاركة أرسل لنا على:contact20at@yahoo.com

الكتّاب

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. لحقيقة يا عشرينات من فنرة معجبنيش مقال زي ده ..... حُفظ في
    واحد زيي ؟؟؟؟ كان زمانه رئيس جمهورية كمان....
    أو بمعني اخر مفيش موضوع استفزني للتعليق من فترة ...
    لكن أنس ... الحقيقة مش عارف أقول إيه ؟؟؟ تعبيراته جميلة جدا و كمان واقعية ويومية فعلا ... يعني كتب اللي حاسس بيه حقيقي ...
    واحد زيي ؟؟؟؟ همم؟؟؟ كتير بتتقال لي الجملة دي ... بس الأكتر لما أقولها لنفسي ...
    واحد زيي كان زمانه سياسي كبير ... واحد زيي ان زمانه مفكر ولا كاتب ....واحد زيي كان زمانه إعلامي محترم ... واحد زيي؟؟؟؟؟ إيه ده كله ؟؟؟
    كل ده كلام عني ؟؟؟ إيه الغرور ده ؟؟؟
    لا للتمديد ... لاللتوريث ... نعم لتعديل الدستور المصري
    mohamedmat@hotmail.com
  2. نت زعلان من كل الي عايزين ينفعوك ليه؟ واحد زيك المفروض يفرح انه بيلاقي الى يوقفه عند حده لما يغلط . بلاش استهتار و شوف الي زيك و في سنك حققوا ايه؟ حُفظ في
    واحد مستهتر......زيك
    إمضاء: واحد زيك بيوبخ نفسه فيك
  3. ما شاء الله يا أنس .. أسلوبك رائع وشيق جدا .. حُفظ في
    أحمد عبيد
    لا أدرى هل تكتب أي شكل من أشكال الأدب أم لا؟ ولكنني أرى أنك مؤهل بقوة لأن تكتب القصة القصيرة. بس اهتم شوية باللغة.
    ربنا يوفقك .. وياريت نقرأ لك دايما على عشرينات.
    تحياتي
  4. صراحة الموصوع هايل جدا ومن زمان ماقبلتش موضوع جميل وشيق كده حُفظ في
    Dabdoob
    تحياتي لك يا انس
    Dabdoob
  5. لسلام عليكم حُفظ في
    اللهم بلغنا رمضان
    انا مش عارفه الكلام ده واقع بالنسبه للكاتب ام انها قصه؟
    انما على كل حال كلام جدير بالفكيرفيه
    "صراحه" الواحد ما بقاش عارف نفسه مهندسه جيولوجيه
  6. ستااااااااااااذ حُفظ في
    عبد
    بس ما تتغرش.
    حقيقي كل واحد فينافعلا مش راضي عن نفسه وبيوبخ نفسه كل ما يفتكر(كل0000001. من الثانية) لكن الناس مش مصدقين و خاصة اللي بيحبونا وكمان اللي محتجينلناو على العموم: اللهم أصلح لنا أنفسناو اهدنا
  7. هنئ الكاتب على هذا المقال ....بجدممتاز حُفظ في
    مقال فعلا تحفة
    بس أنا لي سؤال: انت لسه بتكتب في عشرينات ..واحد زيك المفروض يكتب في الأهرام
  8. لى فكرة الاسلوب جميل لكن اذا بليتم فاستتروا حُفظ في
    الاسلوب جميل ولكن
    انت ليك جيرل فرند بلاش تعرف الناس انك سيء الخلق
    خلي سوء الخلق ده جواك وبلاش اي حد ينحرف يقول انه
    منحرف.(علاقتكوا مش بريئه وبتقول) ده انت مش محترم
    فعلا
    وابقى سلملي على الموقع الاسلامي
  9. ا إبنى واحد زيك كان المفروض يكتب فى عشرينات من زماااااان حُفظ في
    أخو الريس
    أو بصراحة: واحد زيى كان المفروض يقرالك المقالاتين السابقتين من زمان
    شد حيلك... أسلوبك حلو... والطريقة كويسة....ورح أخطب البت بتاعتك لو بتحبها....
  10. موضوع رائع يا أنس...تسلم ايدك ودماغك الحلوة....ان تشرح ملمحاً ذاتياً نفسياً بهذا الشكل يعنى مقدرة كبيرة على الاختلاف..فالمقال مختلف فكراً وأسلوبا.. حُفظ في
    ولاء الشملول- صحفية
    كل امنياتى بالتوفيق
  11. لا خ اللي قال انه ميصحش ان الكاتب يقول ان ليه (girl friend)معاه كل الحق بس لو مكنش قال انت مش محترم يا ريت يا اخ تنتقد بس من غير الفاظ حُفظ في
    تعليق بسيط
    يعني اللي الكاتب قاله غلط واظن الجميع متفق على كده بس بلاش نجرح في بعض
    بخلاف كده الاسلوب رائع والكتابه منسابه بطريقه كلاسيكيه رائعه
    عبدالله مفتاح
  12. الكل اجزم بانه خلاص القصة حقيقية والكاتب له جيرل فريند حُفظ في
    استمتع بروعة المقال
    علشان كده كانوا بيقولوا على بطلات احسان عبد القدوس عشيقاتوا
    يااخوانا خليكم احسن ف الفكرة والاسلوب بعيد عن الحاجات الشخصية اللى ماحدش يعرفها عن الكاتب اصلا
    حاولوا تستمتعوا بالاعمال الحلوة موش ف الكتابة بس ف كل شىء موش لازم ندخل العادات السيئة اللى اتعودنا عليهاف كل حاجة خلونا نحاول نتخلص منها
    وبيتهيالى انه دى اجابة السؤال اللى بتساله هدى عمار ف اغنية مسلسل هوانم جاردن سيتى(ليه كل مرة ننطلق نتكفى؟)
العودة إلى الأعلى