شيل ايدك يا..
الواقع الإجباري الذي تمر به معظم الفتيات بشكل شبه يومي وليس هذا باختيارهن أو لا قدر الله لسوء أدب منهن ولكن لأنها تمثل كل وسائل المواصلات المتاحة !!
فكثيرة هي المضايقات والمعاكسات التي تمر بها الفتيات في حياتها ولكن داخل وسائل المواصلات الوضع أكثر سوء..واليكم بعض من هذه المواقف...
دبوس الحماية!
فعن أول النصائح التي تلقتها (نهاد شوقي) -22 عاما- تقول: "عندما أصبحت في الثانية عشر سمعت نصيحة من احدي صديقاتي تعجبت منها كثيرا ولكن أدركت أهميتها بعد ذلك، فقد قالت لي اجعلي حجابك سلاحك، بمعني عندما تركبي احدي وسائل المواصلات ويجلس بجانبك أي ولد أو رجل اجعلي يدك علي دبوس حجابك لأن ببساطة سيحاول الكثيرين منهم أن يلمسوا ما يطيلون من جسدك وفي حينها لن ينفعك سوي دبوس حجابك، وما أكثر المرات التي استخدمت فيها تلك الحيلة".
صدمة المكيف
ورغم أن حيلة صديقة نهاد قد استعملتها كثيرا، فقد ظنت (رانيا عادل) -20 عاما- أن حجابها أيضا سيكون واقي لها من التعرض إلي تلك الانتهاكات، ولكن يبدو أن حجابها كان سلمي فتقول: "رغم حجابي الذي أظن انه محتشم جدا إلا أن هذا لم يكن كافي حتى أحمي نفسي من متصيدي الفتيات في المواصلات، ولكن هذا الوهم لم يكن حقيقي لأني رغم كل احتياطاتي الوقائية من التعرض لمضايقات هؤلاء المرضي باءت بالفشل".
وعن صدمتها المكيفة تكمل قائلة: "فرغم جلوسي في الأتوبيس المكيف يعني المفروض رايق بدون زحام فجلست في الكرسي عادي يعني، وكان في كرسي بجانبي يسع لفرد أيا كان رجل أو امرأة بدون أن يلمسني نهائيا، ورغم ذلك فأول ما جلس بجانبي شاب أخرجت كتيب الأذكار من حقيبتي حتى يتأكد أني مش مستعدة أتقبل أي شيء ممكن فقط أن يلمح له، لكن للأسف لم يلمح فقط بل بداء بمحاولة أن يلمسني بصورة فجة جدا لدرجة أني قمت فجأة وصرخت به ولم اشعر بما قلت له إلا بعد أن مر وقت طويل حتى هدأت".
مترو الضياع
رغم فرحة (رشا مجدي) -19 عاما- بتركها لأتوبيس المدرسة إلا أن هذه الفرحة لم تكتمل، فعن ندمها علي تركها لأتوبيس المدرسة تقول: "أول مرة جامعة يعني أول مرة مترو لوحدي كل يوم لغاية الجامعة بعد أتوبيس المدرسة اليومي بتاع العيال، ففي البداية تعجبت لماذا كل البنات والسيدات الكثيرات بيتزاحموا علي العربيتين اليتيمتين الخاصين بالنساء، لكن بعد ركوبي محطة واحدة في العربية المختلطة لم يكن لدي أي ذهول لما رأيت من تحرش جريء جدا وسافل أمام كل الناس وكأنه شيء طبيعي ومن ساعتها ممكن استحمل رائحة العرق والبهدلة مع السيدات ولا أضيع نفسي في العربية المختلطة".
فوبيا المواصلات
وعن الأمراض النفسية التي أصيبت بها (ميادة الحسيني) -18 عاما- تقول بكل سخط: "إنني أواجه أزمة..، فقد أصبت (بفوبيا) المواصلات، والأفضل بالنسبة لي أنا أسير علي قدامي مشوار يستغرق ساعة ولا أركب أي وسيلة من وسائل المواصلات بمفردي".
وعن سبب تحمل ميادة السير لمسافات طويلة رغم كونها غير رياضية تكمل قائلة: "في فقد تعرضت لمواقف كثيرة في الميكروباصات ولا يمكنني أن أتحملها، فعلي سبيل المثال كنت جالسة ذات مرة في المقعد الأخير في الميكروباص وجاء رجل يكبرني في السن بحوالي ثلاثين سنة وتبدو عليه ملامح الاحترام والمقعد يتسع لثلاثة أفراد! وبعد حوالي دقيقة من ركوبه اقترب مني فسكت واخذ يقترب أكثر رغم أننا اثنان في المقعد وبعدها أحسست بيده تقترب مني ووقتها ارتفع صوتي وفقدت السيطرة علي أعصابي ووقف السائق وضرب الرجل ونزلت من الميكروباص ورجعت إلي المنزل سيرا علي قدامي لمدة ساعة".
ليتني لم أكن سلبية
ورغم ضيق (مها احمد) -20 عاما- من سلبية المجتمع تجاه هؤلاء المرضي إلا أنها تعترف أن سلبيتها كانت من ضمن أسباب انتشار ظاهرة التحرش في المواصلات فتحكي لنا عن احدي مواقف سلبياتها قائلة: "عند ركوبي الأتوبيس المكيف كنت جالسة وكان يجلس خلفي شاب وأنا جالسة أحسست بيد تلمس ظهري من الجهة الخلفية فنظرت إلي الخلف، فسكت قليلا ثم قام بعمل نفس الحركة مرة أخري فقمت بتغيير مكاني، فقام هو الأخر بتغيير مكانه ليجلس خلفي مرة أخري، وحينها وقفت ولم استطيع أن أتصرف التصرف السليم الذي كان يجب فعلة. فقد تصرفت بسلبية ونزلت من الأتوبيس".
تاكسي قلة الراحة
وعن وقت الراحة التي تنتظره (إيمان رضا) -20 عاما- بعد صداع المحاضرات علي حد قولها تقول: "بعد يوم طويل من الإرهاق اليومي الجامعي جاء وقت الراحة يعني النوم بالتاكسي حتى بوابة العمارة، لكن حسبنا الله ونعم الوكيل فبعد ركوبي بخمس دقائق بدء سائق التاكسي بفعل حركات غير لائقة لا تصح أن تراها أي فتاة محترمة، فصرخت بدون أن أشعر "وقف التاكسي"!!. فرد علي بمنتهى البرود: لماذا؟ ليس هذا المكان الذي تريدينه. وأصريت علي أن يوقف التاكسي فقام بذلك، فقمت بإلقاء النقود في وجهه لاستكمل الطريق إلي المنزل سيرا على إقدامي".
انتهت حكايات هؤلاء الفتيات ولكن لم تنتهي مأساتهن شبة اليومية ولكن هل نكتفي بأن نرصد تجاربهن..، فقد حاولنا أيضا أن نرصد نصائحهن من خلال ما تعرضن له، في النقاط التالية..
\1. يجب عليك أن تكوني واثقة من نفسك بالقدر الكافي، ولا تتعاملي مع هذه المواقف بسلبية .
\2. يجب عليك قبل أن تركبي أي وسيلة مواصلات يكون في حسبانك أنه من الممكن أن يحدث لكي هذا الموقف. وبالتالي يجب عليك أن تستعدي لكيفية التعامل مع الموقف.
\3. عند صعودك إلي أي وسليه مواصلات من الأفضل أن تجلسي بجوار فتاة، وإذا لم يكن ذلك متاحا وجلست بجوار شاب فضعي حقيبتك بجوارك حتى تكون حائل بينك وبينه.
\4. لابد أن تبدو عليك ملامح الجدية حتى تعكسي هذا للآخرين.
\5. يجب أن تحتفظي في حقيبتك بأي نوع من أنواع العطور وإذا أحسيستي بغدر فورا افتحي حقيبتك وقومي برش العطر في وجه.
ونترك لكم الآن.. أن ترصدوا لنا باقي الاقتراحات.
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
مره كان واحد سواق بيتظارف فقلت له ممكن حضرتك تبص ادامك فقاللى شايفانى ببص ورايا
دا نوع و علاجه التهديد بالنزول ة ساعتها بيحترم نفسهو ممكن يعتذر زى ما حصل معايا
نوع تانى كفايه ياخد نظره احتقار
نوع تالت اركب الافى المرايه اتظبطت على وشى و الكاسيت على على طول ادى الوش الخشب بيحترم نفسه
نوع رابع ةغاى و دا الواحد يسيبه يتكلم فهيسكت من نفسه
و كانت هذه مشاهد من فيلم انا و التاكسيات كل يوم
فيه حدبيعلق باسم نيفين
و منعا للخبطه من هنا و رايح هعلق باسم نيفين نيفى نوفا
انا حبيبي بقولي ما تركبي مع ناس قليلين احترام لانه بحبني حب الجنون رجال يقبرني شو رجال
هذة صورة للاسف من صور المجتمع الفاسد الذى نعيش فيه وهو ايضا ناتج عن الاختلاط الذى يجب منعه بكل الصور والوسائل, فيجب ان يكون هناك قسم مخصص للسيدات فقط فى كل وسائل المواصلات
علي فكرة في حاجات اكتر من كدة بكتير بتحصل في المواصلات المواقف دية بسيطة جدا بالنسبة لها
يا محمد يا فايد لو خصصنا أمكنة خاصة للنساء أكيد سينعثونا بالتخلف وبالرجعية وهلم جرا وسيتم خلق جمعيات للصراخ والهتافات الفارغة بحجة الدفاع عن المرأة نحن في غنى عنها.
بيني وبينك عندي حل أفضل ما رأيك لو أن كل رجل يمسك نسوانه بالبيت
أنا فعلا جادة فيما أقول و لا أمزح.
يا جماعه مش للدرجه دي انا حسيت ان الشباب متوحشين وكلهم ملهمش صله بالادميه
اللي انا اعرفه ان اتنين متفقين على كده
بس ان واحد يكون مش بني ادم كده اسمع عنها بس مش مقتنع اوي
وعلى العموم دول شباب معندهمش ضمير ولا اخلاق كانوا ضحيه لمسخرة البنات اللي بيقولوا اللبس مش مهم المهم الجوهر
وخلينا بقا نكون منصفين شويه ونقول ان مجموعة الشباب اللي معندهمش ضمير ايه اللي خلاهم يعملوا كده
اكيد حالة الاثارة اللي هما فيها والناتجه عن المهازل اللي البنات بيرتكبوها وفاكرين انهم بنات موضه وستايل
المشكله ان اللي بيدفع الثمن البنت والمحترمه وغير المحترمه
وان كنت اجد صعوبه في اني اصدق ان واحد يعمل كده مع بنت محتشمة الملابس
محتشمه الملابس بجد بالمقياس الشرعي مش بمقياس المجتمع
وربنا يهدي الجميع
يا اخ عبد البنات مهما لبست من ملابس واسعةوفضفضة الاولاد مش بيهموهم دة زي مشكلة الاخت اللي كانت بتقرا من كتاب الاذكار وبتتكلم فهي اكيد محتشمة وانها رغم احتشامها تعرضت لهذة المشكلة. وربنا يهدي الجميع
لو سمحتوا يا جماعة ممكن حد يكتبلي عنوان موقع (حياتنا) دة
السلام عليكم و رحمة الله تعالى وبراكاته
هذا الموضوع يدل على مجتمعنا الفاسد فيجب أنا يكون قسم مخصص للنساء وقسم اخر للرجال وأتمنى هذا من كل قلبي والسلام
أمامة من المغرب
fozo_15@hotmail.com
ماذا لو خصصت الحكومة عدد اكبر من الاتوبيسات بحيث يخصص النصف الأول من الأتوبيس للسيدات و النصف الآخر للرجال و كذلك مترو الانفاق و المواصلات كما هو مطبق بالفعل في الدول المتقدمة و اخص بالذكر نظام المواصلات المطبق بدولة الامارات العربية المتحده
مش معقول يا جماعة الأمر بهذا السؤ أنا برة مصر بقالي سنتيت ومش متخيل ان خلال الفترة دي الدنيا تبقى بالشكل دا أكيد الموضوع فيه مبالغة
أكيدمجتمعناإختلف و الأخلاق اللي كنا بنتكلم عنها إتنخور فيها و الأخبار اللي بيسمعها الشباب يخليه يقول ممكن البنت حتى لو شكلها محتشم يكون ستار أو يكون ليها سكة
ده مش دفاع عن نوعية منحطة..ده عرض للحقائق من شاب واقعي
علشان كده أنا مع منع الإختلاط بكل الوسائل وزي ما بقول لكل بنات العائلة عندي...حتى التاكسي ماتركبهوش لوحدك
ده الواحد مننا بتبقى مراته ماشيةمعاه و محجبها و محترمة جنبه وممكن يضربله واحد شاف فيديو كليب و شعشعت معاه و إتحول لعينتين بتبص لخلق الله كلهم و بتفصصهم ..محتشمين ولا لأ.....مش فارقة معاه
يستاهل الضرب ده ولا لأ
أصبحت المدام حتى بتريح دماغها و مابترضاش تخرج تتمشى لحد مالواحد طلعله كرش من قعدة العربيات
نحنا بالجزائر الحمدلله و الله ما في هيك قصص ومو المفروض التفرقة بينهم المفروض على كل شاب معاملة بنات الناس زي ما بيحب الناس تعامل أخنو و أمو ومراتو أنا أكيد ما بحكي على كل الشباب لأ السيئين منهم فقط وماننسى أنو زي ما في شباب مش صالحين في شباب متخلقين وزي ما في بنات متخلقات في بنات الله لا يشوفكم وأنا بنت و بعرف جدا البنات
مهما كانت الحكاوي فهي نوادر بالمقارنة لتعداد شعب مصر على عكس ما يحدث في دولة عربية مثل السعودية فنقرا كل يوم عن اغتصاااااااااااااااااب الفتيات في الشوارع وصارت من الطرائف على اجهزة المحمول فمهما كان مصر ام الدنيا00
المشكله ان البنات مش كلهم مبسوطين وانا مره ركبت على بنت فى ميكروباص بمزاجها
رغم انى عندي عربية الا اني اوقات كثيرة بابا بيخودها. فاتبداء الازمة في ركوب المواصلات
. بحس اني في كابوس ضخم تعاني منة كل البنات مش بس البنات دا كمان السيدات. مرة شوفت ست عندها بتاع 40 سنة بتضرب واحد بالشبشب. و بتشتم في بطريقة بشعةز بس لما عرفت انة رجل غىر محترم ايدة عيزة قطعها. عظرت السيدة في خروجها عن شعورهاز في النهاية بشكركم علي موضوع الجميل و اقول لكل بنت انها متشلش الشبشب من رجلها او شنطه للظروف .
الجانب الاخر من المشكلة هم البنات الا من رحم الله فهناك مشكلة تواجه كثير من الشباب خاصة المتدين ففى بعض الاحيان تكون عربة الميكروباص ممتلئة على الاخر و يكون الشاب عايز ينزل وتكون فى بنت في الممر يقولها عن اذنك تتنح لو سمحت ما فيش فايدة فيضطر يعدى من جنبها فى الممر الضيق ده فاكيد اكيد هيخبط فيها و هيلمسها و هى ولا هنا وهو مضطر والا المحطة هتفوته مبقاش فى حياء الا من رحم الله بقت حاجة تقرف فما تظلموش الشباب كلهم ارجوكم
توضيح صغير: حياتنا ليس موقع ولكنه اسم القسم الاجتماعى عندنا، بس .....
المواصلات في مصر فعلا ازمة كفاية رائحة العرق بتاعت الناس يعني الوحد يعمل اية عندكو حق يا هبة ويسر فى النصائح اللي بتعتكم لازم البنت تبق ب100رجل علشان هو دة اللي بينفع دلوقتى
يا جماعة اعتبروني جاهل او مش عايش في الدنيا...
بس انا بركب مترو الانفاق يوميا و الحاجات دي بشوفها نادر جدا جدا جدا
عمالين تتخانقو العيب عند البنات ولا الشباب يخرابي ايه يا جماعه مش عارفين العيب بجد تخيلوا معايا طيب انا واحد كل يوم افتح التليفزيون بتفرج على كذا وكذا كليب الفنانه قشره اللي بتنسى دايما هدومها في البيت والفنانه روبي بيكيا اللي بتاجر عجل دايماوبتعلم الشعب ركوب العجل وغيره وبتلاقي الفيلم الفلاني اللي بيتكلم عيني عينك عن العلاقه الجنسيه في حياتنا مع الشرح طبعاوبتلاقي كل بطل طالع في دور حبيب ومعاه البت بتاعته زي مابيقولو وهمالين يحبوا في بعض في الفيلم فالشاب طبعا بيتفرج وبينزل يركب الميكروباص فاكر انه في حب من اول نظره ومن اول لمسه زي ما اتفرج عالفيلم والكليب وكمان طبعا علشان منظلمش الشباب بس لان الفئه الغالبه لبنات اليومين دول بتوع الحجاب حجاب القلب فانتشرت فكره عند معظم الشباب ان الحجاب ده ملهوش احترام لان برضه دايما في الاعلام مش بنشوف المحجبه دي غير خدامه او عاهره او بنت ارهابيه وفي الشارع بنشوف المحجبه مش عارف عامله ايه وماشيه مع مين فالشاب بيععم ان كل المحجبات كده لا ده كمان بيقولو ان المنقبات دول نصهم بلاوي وطبعاا ده من ثقافة التليفيزيون
الحل بقى يا جماعه بسيط جدا :
الحيااااااااااااااااااء
طبعا الحياء يشمل كل حاجه حياءك مع الناس وحياءك مع نفسك في لبسك ومنظرك وكمان المحجبه وكفايه بقى حجاب الشعر
وبعدين خدوا البرشامه :
الاذكااااااااااار طبعا بتحفظ من شياطين الجن ما بالك بقى من شياطين الانس
القرااااااان
صلاة الفجر
الدعاااااااااااء
كل دي امور غصب عن الجميع هيحترمك لان الحافظ فيها هو الله
وربنااااااااا يسترها معانا يارب
عرفتو الحين فائدة الحجاب يام الخير لما بتطلعي تحجبي حجاب كامل يعني سعودي والله ماراح احد يتعرض لك
أنا حابه أؤيد وأضيف ان الأصل في الموضوع كله الحياء واقتناع الإنسان من جواه انه شيء محرم سواء من البنت الي بتقصد تلبس مش كويس أو الولد وأنا مع الأخت ريم الي بتقول ان الحجاب حاجه ضروريه تمنع ظاهره زي كده ...بس ليا سؤال ليها ليه في السعودية بالرغم انه الغالبيه بيلبس الحجاب ( السعودي) بتحصل حالات تحرش واغتصاب مش بس للبنات ...للشباب كمان ؟
اولا طلعي لي با الا رقام الحالات المسجلة والواقعة وتكون صحيحة وانا وقتها اقابلك ثانيا الخراب في كل مكان لكن بالسعودية مقارنة مع غيرها من الدول اقل بكثير لالتزام الفتاة بالحجاب الكامل وجاوبي وثاني مرة لا تتحديني بالاسئلة مفهوم خالص شكري ريم بنت السعودية
البنات فى الشارع اصبحوا فتنة كبيرة و لا ادرى كيف يسمح الاب او الام بان تخرج البنت ببنطلون استريتش و بدى ماسك على صدرها و لا يصل الى السرة (يعنى سرتها غير مغطاه) ارحموا الشباب يا بنات, على فكرة البنت هى اللى ممكن تسمح للولد انه يتجرء عليهاو لا انكر ان هناك فئة كبيرة فاسدة من الشباب و كذلك الفتيات, الا من رحم ربى.
انا عاوزة اقول ان الموضوع دة جميل اوى وحاسة انى عاوزة اقول كلام كتيييير لحد بكرة عاوزة اقول اللى حصيلى فى الموصلات من بلاوى وغيرها وعاوزة ارد على كل واحد بعت تعليقة بس اللى هقدر علية هقولو انا بس عاوزة اولا اعلق على بعض ولاد ودى الموصيبة انهم ولاد على ان الموضوع دة مش من منتشر وان دى مبالغة وان الحكاية مش للدرجادى لا للدرجاتى واكتر كمام دة الحكايات اللى مكتوبة دى ولا حاجة وللهى دى بتوصل للتهديد بالقتل ودة حصل مع صديقة لى واعدت شهور مش عاوز تقابل حد وولا تمشى فى الشارع مش معنى كدة ان المجتمع كلة فاسد وان مفيش حد عدل لا فى بس مش وضحين زى الباقى ولا اية
اهم حاجة دلوقتى نعرف اية السبب وبعد كدة نقول حل الموضوع دة اية اول حاجة ان كل واحد بيرمى الغلط على التانى البنات تقول ان الولاد منحرفين وقلالات الادب والولاد تقول ان البنات هما السبب لانهم عريانين وانهم مبقاش عندهم حياء طول محنا كدة للبنات هتتعدل ولا الولاد يا جماعة كل واحد يخلية فى نفسة يغير الاول من نفسة وبعد كدة يشوف بلاوى غيرة دة السبب الرئيسى من وجهة نظرى الحل اية بقى الحل الديييييييين اذا رجعنا للدين والسنة واقتدينابالرسول واللة لا المشكلة دى ولا غيرها هيكون موجودة اصلا ان اللة لا يغير قوما حتى يغيروا ما بانفسهم
الأحسن خدوا مشاوركم مشى وبلاش ظلم أكتر من كده
انا ايضا مثلكم وقعت بمتاهات طويلة ودمرت لي مستقبلي واهلي انصحكم لابتعاد عن المتاهات
بجد كان نفسي جدا إن الموضوع يتطرق إلى بعض الإيجابيات على الأقل تشجيعا لمحو هذ السلبيات،فكان ممكن ذكر بعض الأخوات إلى تصرف بعض الشباب المحترمين بإيجابية وبكل رجولةمعهن.
أنا موافق جدا و مؤيد لهذا الموضوع وفعلا بشوف جزء من هذه المواقف وخاصة أنني اسافر حيث كليتي في المنوفية فاضطرارا بركب جميع أنواع المواصلات من ميكروباصات و مترو و أتوبيسات و.... ولكن مرة رأيت موقف غير محترم في المترو فتدخلت ولكن لم اسمع الا وأنت ايه دخلك ونفس الموقف مع بعض التغيرات في الأتوبيس وقمت بتهزيء البني ادم اللي معندوش دم علي الرغم من عدم تكلمها ببنت شفة ومن ساعتها بطلت أتدخل لأن كثير مبسوطين كده ولكني لا أعمم...........
الزواج المبكر هو الحل
شجعوا الشباب على الزواج
بلاش تعقيد
دهب بالشىء الفلانى
مهر كام الف
احسن حل . حرام عليكم ارحمونا
احبائي بنين وبنات ..اخوان واخوتي في الله
لا اعرف متي سنتفق ونستفيق مما نحن فيه علا الرغم ان الاختلاف عندي لا يفسد للود قضية ولاكن اي اختلاف ... لا اتفق مع اطلاق العموم علا الاشياء لذلك فالخطا يعم الطرفين بنين وبنات وان كنت اهمس في اذن اخوتي البنات لانهم سيكونوا نواة المستقبل ومسؤلون في المستقبل عن تربية النشئ والمستقبل واقول مظهرك مراََتك ويعبر عن شخصيتك ولا اتفقك مع فكر ان الجوهر هو الاساس لان الاصل اتفاق المظهر والجوهر فهما كالجسد والروح لا يفترقان ان افترق احدهما مات الاخر لذلك لابد وللفتاه ان تحصن نفسها وان تقي نفسها من الشبهات وان لا تضع هي نفسها بنفسها في موقف قد يعرضها لما يحمد عقباه فلا يعقل ان تلبس فتاه ملابس قصيره مثلا وتلوم الاخر انه ينظر اليها فالنفس البشريه ضعيفة واتمني ان تقوي نفوسنا جميعا والفطره في الانسان اكتشاف الشيئ الخفي لا المعلن ولن اوضح اكثر فكلنا شباب وتفهمونني اكيد لا اريد ان اطيل وكلمة للشباب بنين وبنات اقتلوا الفراغ بعمل تحبونه ... فالجنس وااسف للكلمة ولاكنها الحقيقة نهايه الطريق ووقوع في نفق مظلم صعب الصعود منه
لكم كل حبي وتقديري شباب العرب من شاب متزوج يحبكم في الله ويريد لكم الخير
ليس التحرش بالنساء هو الكارثه الوحيده ولكن الاشد هو ان يدافع الجميع عن الجانى ويهاجمون المجنى عليها00 مثلما حدث مع صديقتى حينما ضايقها احد الرجال الكبار السن (الصغار العقل) بصوره مستفزه حتى صرخت فى وجهه فأذا بالركاب يهاجمونها هى بحجه انه رجل كبير فى السن ويقولون بمنتهى الصفاقه (ايه اللى بينزلكوا من بيوتكوااصلا ) والذى يتهمها بالجنون حتى اجهشت بالبكاء00 ولا نقول الا حسبنا الله ونعم الوكيل
أولاًَ: لو كل واحد يعامل اللى قاعدة جنبه على أساس انهاأخته والله الأمر هيكون أسهل بكتير
ثانيا: الأخ عندما يدخل السيارة أو الاتوبيس أو غيره يدعوا بترك المقاعد الأخيرة للنساء وبالتالى نمنع الإختلاط
ثالثاً: على المرأة بالحجاب فالحجاب عفة للمرأة
استغفر الله هده تصرفات الحيوانات في حد يسمح يمد شئ واحد اخر يد الى اخته ....لا اضن دلك على الاطلاق المرجومن اي واحد توجد فيه مثل هده التصرفات مراجعة نفسه والسلام عليكم
السلام عليكم
انا من سكان القاهرة وبركب المترو تقريبا يوميا وللاسف بشوف حاجات من دى كتير واللى بيحرق دمى ان البنات بتتعامل بطريقة سلبية وبتكتفى بالنظر خلفها او بتستسلم للتحرش حتى المحطة اللى هاتنزل فيها وبصراحة الواحد بيبقى مش عارف يتكلم ويهزأ الشخص ولا البنت عاجبها كده وعلشان كده ساكته لان ده اللى بيعتقده الكثير من الشخاص دى
وبس