مش قادر أعيش من غيرك!
(بموت فيك)، (مش قادر أعيش من بعدك)، (هانعيش سوا ونموت سوا)، (من غيرك الحياة بلا قيمة).. كلها جمل يقولها كل حبيب لحبيبه عندما يفكرا معاً كيف سيكون الفراق صعباً؟، أو كيف ستكون الحياة محتملة بدون الطرف الآخر؟، أو ماذا يحدث لو غاب أحدهم وترك حبيبه وحيداً؟!!
هذا أيضاً كل ما قدمته لنا قصص كليبات الأغاني الكئيبة التي تتحدث عن الفراق وصعوبته، بل وهناك مطربين تخصصوا في هذا اللون بالذات، أمثال هاني شاكر، ومصطفى كامل، وغيرهم، وكأن الحياة سوف تتوقف حقاً بعد فراق الحبيب، بل وربما يكون الإنتحار هو الحل الأمثل في عرف تلك الأغاني!
يا سارقني
(يا سارقني.. اسرقني كمان من الدنيا، وديني دنيا غير الدنيا، عيشني عمري كله معاك) هي كلمات إحدى أغاني مجد القاسم، والذي اختار فيها رفقة حبيبته سواء كان حياً أو... ميتاً!
يبدأ الكليب بمشهد رومانسي للمطرب، وهو يحمل باقة من الزهور وعند عبوره الطريق تقبل حبيبته عليه، فتظهر سيارة، من تحت الأرض، لتصدم تلك الفتاة وينتهي المشهد الذي كان رومانسياً بحادثة مأساوية.
ويكره الحبيب حياته بعد رحيل حبيبته، فيخاطب روحها التي يراها حوله في كل وقت ومكان، وبعد إلحاح شديد منه على عدم فراقها له، تتحقق أمنيته؛ فنرى (فلاش باك) لنفس المشهد الأول الذي تظهر فيه السيارة، ولكن بدلاً من أن تصدمها وحدها، تصدمهما سوياً وتقع باقة الزهور على الأرض!!.. وهكذا ينتهي الكليب بمأساتين وليست واحدة، ويتحقق حلم الحبيب بوجوده مع حبيبته دنيا وآخرة!
خدي عينيا.. فقط!
أما سامو زين الذي اشتهر بتضحايته البطولية في كليباته، فقد بدأ أولى قصصه في كليب (أنا ليك) بالموت هو وحبيبته التي ساعدته على سرقة أموال إحدى العصابات والهرب بها معه، ولكنها تكتشف أنه ضابط فتهرب منه، وتعرف العصابة بذلك الأمر وتقوم بخطف الفتاة وتعذيبها، ولكن عندما قرر سامو زين أن يلعب دور البطل وذهب لينقذها، قامت العصابة بقتلهم سويا!!!
ولكن في كليبه الثاني (قربي ليا) اكتفى بالعمى فقط من أجل إنقاذ حبيبته (التي لا تحبه أصلاً) والتي كانت ستصدمها سيارة مسرعة، ولكنه تلقى الصدمة بدلاً منها وتناثر الزجاج في كل مكان من وجهه، وفي النهاية أصيب بالعمي وقابلها في الشارع بعصاه ونظارته السوداء ولكنها تجاهلته، ومع ذلك ظل يردد "قربي ليا.. خدي عينيا... ده أنتي اللي ليا في الدنيا ديا... آه).
الأراجوز ولاعبة الترابيز
أما قصة الحب والفراق التالية حدثت في مكان جديد من نوعه.. السيرك، وذلك من خلال أغنية أحمد فوزي (اطمني)، حيث يعمل هو بهلوان (بلياتشو) ويحب فتاة (الترابيز)، وهي تلك اللعبة التي بها أرجوحة معلقة على ارتفاع شاهق في الهواء، والتي تمارس ألعاب خطرة أثناء كل عرض.
وبينما هي تلعب في يوم ما تسقط وتموت فوراً، فتتركه وحيداً، ولكنه يطمئنها بعد أن رحلت ويغني "اطمني.. حييجي يوم ونعيش سوا.. أيام سنين حتفوت هوا"، ثم يأتي نفس سيناريو روح حبيبته التي يراها في كل مكان، فيخاطبها: "صعب الطريق من أوله، لكن أكيد هانكمله.. طول ما أنا شايف روحك جنبي، عمر الخوف ما حيعرف قلبي"..
ولصعوبة الموقف عليه، يصعد الأرجوحة، نفس المكان الذي سقطت منه، ويلقي بنفسه، لكن ينقذه زملاؤه بالسيرك، وينتهي الكليب بمحاولة فاشلة للانتحار (!!)، وبدمعة تنزل منه ومعها حبيبته التي وقعت من قبل.
الواقع.. حاجة تانية!!
هذا ما يقولونه ويمثلونه في كل كليب.. الموت عندهم هو الحل الوحيد بعد فراق الحبيب، ولكن هل يوجد في الواقع نفس ما نشاهده في الكليبات؟!
الحقيقة أن الواقع يختلف كثيراً، وهذا ما عرفناه من مصطفى عبد الله، ذلك الشاب ذي الثلاثة عشر ربيعاً، والذي سألناه: "ماذا تفعل لو عشت قصة حب، ولكنها لم تكتمل لرحيل حبيبتك عن الدنيا؟، هل تتمنى الموت أم إكمال الطريق بدونها؟"، فجاء رده فوراً: "يا لهوي!!، ده سؤال بالذمة؟!"
ثم بدأ باستيعاب الموقف، فقال: "قد يحدث لي شيء ما بالتأكيد، ولكن الحياة لابد وأن تستمر؛
فمثلاً كل منا يحب أمه وأباه، ولكن عندما يرحلوا سوف يكمل حياته، ومن المؤكد أن النسيان سوف يأتي في يوم من الأيام، أما بالنسبة للذي فقد حبيبته فقطعاً سوف يعوضه الله بواحدة أخرى تنسيه آلامه".
ثم استدرك قائلاً : "لا أعتقد أن هناك أعز من الأم والأب والأخوات".
حب.. كلاكيت ثاني مرة
أما أسماء، فردت على سؤالنا بدون تردد: "لن أتمنى الموت أبداً، وسوف (أعيش) حياتي وأبحث عن غيره، والله أعلم لو كنت تزوجته كان (طلع عيني)، فربما نجاني الله منه"!!
بينما قال جورج: "سوف أتمنى الموت بعد موتها، وبالطبع لن أمت، فبالتالي سوف أحب للمرة الثانية"!!.. وأوضح جورج أن فراقها هو الذي يجعله يحزن عليها لفترة من الزمن، ويرى الدنيا سوداء، ثم سينسى مرارة التجربة ويجد واحدة أخرى يحبها ويتزوجها.
وفي آخر كلامه أوصاني، عندما يخطب، بألا أقول لخطيبته وجهة نظره تلك!!
وهاعيش على ذكراك...
دعاء من جانبها ترد علينا قائلة: "عندما أتخيل للحظة أن حبيبي مات، أشعر أن الحياة كلها يمكن أن تتوقف، ولن يكون لحياتي أي معنى أو فائدة، لكني لن أتمنى الموت. سوف أعيش على ذكراه دون حب ثاني".
أما بدرية فتفضل أن تبدأ من جديد، إذ تقول: "أفضل أن أعيش حياتي من جديد، وأبدأها مع إنسان آخر عسى أن يعوضني الله خيراً".
وتبرر ذلك مستكملة كلامها: "الحياة لا تقف عند شخص معين؛ فالإنسان الذي يموت، يعيش حياة البرزخ الخاصة به. أما أنا فمازلت بالحياة الدنيا التي يجب أن أستمتع بها".
ومن جهته، بدأ إسلام حديثه بما يحتمه العقل والشرع بأن الحياة لا تتوقف عند إنسان، فيقول: "الدين الإسلامي يأمر المسلم بأن يتخذ من الموت عبرة له في حياته ليدفعه للقيام بالأعمال الصالحة، وهو ما لا يمكن فعله إلا إذا كان الإنسان مكتمل صحياً ونفسياً وإجتماعياً عن طريق الزواج.
ويكمل: "بالتالي فإن هدف إنشاء أسرة مسلمة هو طاعة الله ورسوله وخدمة الإسلام والمسلمين، ولو كان كل من مات له حبيب توقفت حياته من أجل موته، لانتهى الكون".
سأتزوج.. بدون حب!
سكت كريم فترة قبل أن يجيب عن سؤالنا، ثم أكد أن هذا السؤال لم يخطر على باله من قبل، لكنه قال بعد تفكير: "سوف أكمل حياتي، ولكن مع وجود نقص كبير فيها، فلا أعتقد أن أحب بعدها أو يعوضني حب آخر"، ثم أضاف بقوله: "من الممكن أن أتزوج على المدى البعيد، لكن دون حب، فحبي سوف يكون لها وحدها".
وفي النهاية، ماذا عنك؟.. إذا فقدت الشخص الذي تحبه، هل ستتمنى الموت لتلحق به، أم ستكمل حياتك وتعيش على ذكراه، أم ستكمل حياتك وتعثر على شخص آخر؟..
ننتظر رأيك...
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
سلام عليكم ورحمة الله وبركاته،
فلو بدأت عن الحب الحديث فلن استطيع ان اوفي ما تعنيه هذه الكلمة من مشاعر هي أقوى من دونها في أن تبقى ما بقى طرفيها فالحب هو قمة العلاقة بين الجنسين وأسماها وأعظمها -وهذا عن الحب الحقيقي- وأنه لما كان لكل منا قلب كان لزاما على الحب أن يعرف إلى قلبه الطريق.
فالمرء الذي يحب من قلبه حبا صادقا لا يرى إلا صورة من يحب وكان الدنيا أظلمت ولم تضيئ إلا على وجه حبيبه فإليها يطيل النظر وفيها يرى كمال الصور فلو رآها حلق قلبه في الآفاق.. ولو نظرت إليه بطرف هوى قلبه الخفاق.. ولو رحلت تناثر دمعه الرقراق.. وتنازعه إليها الأشواق.. فيبكي ندما على الفراق، وهذا حالة حين اللقاء ..وحين الفراق فبؤس وشقاء.. وتجهم وإعياء .. وسهد وتلذذ بالداء ،،،
أاااااه لو تعلمون الحب .. فيالها من حياة ، فالمحب لا يحب لكون المحبوبة هي اقدر من غيرها على اشباع رغباته الحيوانية وانما يحبها لأن قلبه اختار له ذلك،، فهو يحب الحب في سماها ، يحب النظرة من عيناها.. يحب البسمة من شفتها.. يحب الشروق على رؤياها .. يحب الغروب على ذكرها ..يحب تتبع خطاها .. بل يحب التراب تحب قداماها ..
وكثير من ذلك لمن يعرف الحب حقا
ولكن وعلى كل ذلك فلا يمكن ان يتصور الانسان ان يتخلص من حياته لفقد طرف من طرفي هذا الحب لانها الدنيا لا تعطي كل شئ يحبه الناس ولما ما كنا نعيش دوما في شقاء منها ولذا علينا ان نكون متعقلين ولأنفسنا متفهمين فلو حدث مثل هذا فتكمل الحياة فلعلك تقابلها في جنات النعيم،، فادعوا لها -او له- وهذا ما ينفعه لا ما ينفعه هو الموت من اجله..
واختلاف الليل والنهار ينسي..
والكلام كثير ولكن اخشى التطويل،، واسف ان اقترفته..
أخوكم إسلام
To be honest i never been into love relation yeah lol... and i don't think so... As any one..i love ma family , and ma homies .. Love issue's is kinda of hard to find nowdays .. so ma way to marry will be easy and smoth imean through pop or mom .....
peace outta..
أنا بصراحة عندى فكرة ممكن تكون غريبة شوية و لو أنها واقعية و منطقية لو فكرنا فيها بالعقل و أكيد هلاقى تعليقات كتيره ضد الفكرة دى .. الفكرة إن الحب هو وهم كبيييير جدا بيبعوه علينا الشعراء و الممثلين و المطربين كل يوم من بدء الخليقة علشان يكسبوا مكاسب لا حصر لها فتخيلوا مثلا فى السنة الواحدة حجم تجارة الاغنيات بجميع اشكالها الكاسيت و السى دى و الفيديو كليب و اللى كلها بتتكلم عن العشق و الغرام و الهجر و القسوة و الدموع و الشموع و البتوع أكيد فى العالم هتلاقى قيمة التجارة دى بالتريليونات و يمكن أكبر تجارة بعد المخدرات ... أنا طبعا مش بنكر الحب أبدا لكن الحب الحقيقى هو لا يتعدى إنجذاب جنسى بين الطرفين
بلحقيفة ان الحب الحقيقي لا ينتهي مع الزمن
انابصراحةبقول ان الفراق ده اصعب حاجة فى الدنيا وان الحب الحقيقى مرة واحدة فى الحياة ولو حصل فراق باى نوع من انواعه لابد ان اعيش على ذكرى ولا كدة يبقى ميكونش حب حقيقى الانسان له قلب واحد والقلب الواحد يحب واحدة هذا طبعا بخلاف حب الاهل
very nays
الحب دا اجمل حاجة فى الدنيا كلها
كفاية انك تكون عايش بتحب حد وحاسس ان حياتك ليها قيمة عند حد
كفاية ان كل لحظة تعدى عليك تحس انك شاغل عقل وروح وقلب واحد تانى
اهم حاجة ياشباب هو الحب بصدق
وبعيد عن اى ماديات او اى حاجة
وطبعا اللى بيحب بصدق لايمكن ينسى حبيبة مهما حصل لة
انا لا اتخيل انى ممكن اعيش لو حصل لاقدر اللة لحبيبى حاجة
لان الدنيا من غيرة لا ليها طعم ولا لون
يبقى اعيش لية بقى ؟؟؟؟
متزعليش منى مادونا
انتى رومانسية اوى اوى ودا غلط عليكى وعلى حبيبك كمان
ياريت تتغيرى
اولا مش عارفه ازاى تسالو واحد عنده 13 سنه عن الحب وطبيعى قال حب بابا وماما نونو خالص
كمان انا الحقيقه مجربتش قبل كده الحب لانى مؤمنه جدا ان الحب بهدله
واكتر انى اتبهدل بعدين من الحب وانا متزوجه مش قبل كده؟؟؟
ثانيا يا عم عابر القارات اعتقد الحب مش "وهم" بس يمكن هو "هم" وايه حكايه جنسى دى؟؟؟
اللهم ارزقنا حبك وحب من ينفعنا حبه مع حبك
أيوه يا مسلمة أنا بأؤكد إن الحب وهم و لا يتعدى إنجذاب جنسى و ليا أسبابى اللى بتؤيد النظرية دى و أهم أسبابى إن مثلا إيه رمز الحب عند أغلب العشاق؟؟ أكيد هو القبله و طبعا القبلة رمز حسى بحت ثانيا الحبيب لما بيحب يوصف حبيبته على مر التاريخ هل بيوصفها إنها مثلا طيبة و بنت حلال و ست بيت و متدينه .. أكيد على الاقل أنا مسمعتش قصيدة فيها الكلام ده لكن أكيد بيوصف عيونها و خدودها و بياضها و سمارها و قدها و شعرها و طبعا مفيش داعى إنى أوضح إن كل المعانى دى معانى حسية بحتة و ليها أكيد مدلول جنسى بحت ... دى حتى عبله لما كانت بتوصف عنتر كانت بتوصفه إنه غضنفر و وحش كاسر و السبع رجال فى بعض لكن ممكن أقولك أن فى المودة و الرحمة و اللى بيغرزها ربنا سبحانه و تعالى فى قلوب الزوجين من أجل ان تستمر الحياة بينهم و يساهموا فى إستمرار دورة الحياة و تربية أولادهم و طبعا الموده و الرحمة ده شئ ما أنكروش أبدا لأنه من عند ربنا سبحانه و تعالى و على فكرة مقولة "الحب بيجيى بعد الجواز" مع أن البعض ممكن يقول إنها دقة قديمة و رجعية لكن أنا بأؤكد أنها 100 × 100 صح من واقع تجارب حيه عشتها و شفتها و السبب بيؤكد نظريتى لأن الزوجين بيكون تخلصوا من هدفهم الحسى لهدف معنوى جميل و هو إستمرار الحياة بينهم و تربية أولادهم و على فكرة فى سبب بيؤكد نظريتى نسيت أقوله و هو أن إحصائيا و واقعيا الزيجات اللى بتم بين إتنين كانوا بيموتوا فى دباديب بعض قبل الجواز نسبة فشلها أعلى بكتير من الفشل اللى بيحصل للزيجات المترتبة (الصالونات يعنى) ... و بعدين إذغ كنتى بتقولى أنك ما حبتيش قبل كده عرفتى منين إن الحب (هم) و ليس (وهم) !! ;-)
حيبقى الحب وذكرياته مهما طال الزمن....
بس الحياة لازم تستمر
لا يا عابر القارات مش كده
التعبير عن الحب مش بالقبله ابدا ده خلط بين حب الافلام والحب الطاهر
لا جدال ان في حب لكن ايه صورته وايه شكله هو ده الموضوع
اولا:انا متفق معاك ان الشعراء وبتوع الافلام استغلوا الحب واعطوا فكرة خاطئه وتصور خاطئ عنه
والدليل ان في حب حديث النبي ( لا اجد للمتحابين غير الزواج ) بس مش عارف سنده
وحديث آخر ضعيف والالباني قال موضوع بس هقوله بردو
(من عشق فعف فكتم فهو شهيد)
باختصار التعبير عن الحب مش بالقبله ممكن بالتضحيه انا لو حبيت وحده وعارف اني مش هسعدها هعبرلها عن حبي باني ابعد عنها ومعترفش بحبي ليها
بس دهالليانا عايز اقوله
و الله يا أخويا يا عبده نفسى أصدقك بس للاسف أنا ليا أسبابى و فى الأخر كل الاحلام الجميلة الرومانسية ما هى الأ مخدر بيعيشك فى دنيا بعيد عن الواقغ بتحس أنك طاير فى السما و خفيف زى الريشة و إنك إتخلصت من مشاكل الدنيا و متاعبها و أحمالها و ده شعور بالظبط زى المخدرات (عدم المؤاخذه) فبتحب إنك تمارسه و تعيش فيه لكن فى الأخر بتصحى من النوم و تفوق و بعدين خد يا أخى عبرة من أشهر قصص الحب (قيس و ليلى) مثلا فى الأخر إيه قيس كان رومانسى قوى و كان زيك كده و بيضحى للحبيبة و بتاع و فى الأخر إتجنن و أصبح مختل عقليا (طبعا غير بتوع المنيا و إسكندرية ما تودوش الرجل فى داهية) لكن حبيبته كانت أعقل منه و حكمت عقلها و قبلت الواقع و إتجوزت إبن عمها مع إن المفروض إنها على الأقل تنتحر و ترمى نفسها من شباك الخيمة بعد ما رفضوا يجوزوها لحبيبها لكن البنت كانت عاقلة و سابت أخونا المختل ده لابس بيجاما و بيمسح إزاز الجمال فى الإشارات و إتجوزت ... المقصود إنى بأوصف الحب إنه مخدرات بس حلال و لكن للاسف ليها نفس النهاية على الجسم و العقل
اولا الموت حقيقة
ثانيا الحب خيال ولكنه موجود و أجمل من الحقيقة
ثالثا اذا فقدت حبيبتي سأموت لوحدي بدون ان اتمني ذلك
اعتقد انه انا لوحبيت واحد بجد ومات هتمنى اموت انا كمان بس اكيد مش هنتحر بس مستحيل اادر احب حد بعده وهكون فقدت اى حب للحياه او رغبة فى انى اعيش بعده وهعيش علا زكراه وبس
مش كدا خالص على راى عبد الله و لو انى كنت كتوقعه منك يا عبد الله كلام تانى بس كبستنى تانى برده و قلت كلام جميل
اول مره محبش تعليقك با عابر القارات..ليه كدا
هى كلمه دايما بقولها
الصداقه رغم تدرتها هى الاحلى و الحب رغم قسوته هو الاغلى
انا عندى مشكلة مع حبيبى وهى انى خبيت عنة بيانات على النت يعنى غيرت اسمى وكدا
واستمرت علاقتنا فترة
واتكلمنا بالموبايل وهو حبنى اوى
وانا عشقتة اوى
المهم قلت لا يبقى لازم اصارحة
طبعا راح اتجنن وخرجنى من حياتة وكرهنى اوى
بس واللهى العظيم انا اخفيت بيانات عنة دا علشان احمى نفسى
لكن احساسى وحبى لية حقيقة واللهى العظيم
نفسى يرجعلى ويسامحنى
لكنة مش راضى
ارجوكم نفسى حد يرد عليا
ارجوكم تانى مرة
شكراااا
معلش ربنا معاكى
ولو ربنا عاوز انكم ترجعو لبعض هيرجعكم
لكن لو ربنا شايف ان علاقتكم غلط يبقى اكيد لازم تشكرى ربنا
يعنى اللى فية الخير ربنا هيعملو
اولا انا عرفت كده من احساسى ومن الناس اللى حواليا
وانا لما قلت ان الحب ييجى بعد الزواج كان قصدى انه علشان الادب
وكمان علشان ميحصلش فراق وكل واحد نفسيته تتاثر ويقول"مش قادر اعيش من غيرك"
والحقيقه يمكن الحب يبقى زى كده ما تقول
بكل الجوارح علشان كده العنين تحب والايدين كل حاجه
مش عارفه بس انا متصوره كده والله اعلم يمكن النظره التشاؤميه هى الاقرب للواقع
ربنا يهدينا جميعا الى ما يحبه ويرضاه
الحب دة اوهام اللى يقولك بحبها ومش قادر اعيش
الحب دة حاجة موتعبة لانى جربت الحب انامش عارف اقول اية معنى اية لما الوحد او الوحدة يقولوا انا مش قادر اعيش من غيرها وىفضل يفكر فيها ويتعب نفسة على الفاضى ياجماعة دة نصيب وبعدين شوفوا مزكرتكم وشوفوا دينكم
أنااحمد مصطفى رسام من مصر طول عمرى ارسم وشوش الناس اللى أعرفهم وفيوم رسمت واحدة فى خيالى بس ماعرفتش أرسمها وقابلتها أخيرا فى الجامعه وهى الوحيده اللى حاولت تعرف ايه سبب انطوائى وان ماليش اصحاب والسبب انى متسلط لأبعد الحدودومريض بالاضطراب النفسى وهى حاولت تصلح من عاداتى علشان كده بقول ان الحب له فوايد كتير ...بيريح البنى أدم ويخليه يبوح بكل حاجه لمحبوبه جواه(الحاجات اللى بيخاف يقولهالأقاربه .وشكرا
بصراحة كلمة كتير بسمعها وين ما اروح بالتلفزيون بالراديو بالاغاني ، بالحكي مع صاحباتي ، بالجامعة ،،،
واغرب شي يا جماعة اني مش عارفة شو معنى هالكلمة ، بصراحة كتار اللي بيجوا يحكولي انهم بحبوني ، بس انا ما بكون بحمل نفس المشاعر عادي ....
وبحس انو كل حب هالايام ضحك وغش وخيانة وهبل ...
يعني انا ما بقبل انو ينضحك علي باسم الحب ،،
وانا لحد الان مقررة اني ما احب الا الشخص اللي راح اتزوجه لان الحب لازم يكون بعقل
بس كل صاحباتي بحكولي الا ما يجي واحد ويكسرلك راسك وتحبي وتتبهدلي ..
بس اللي مش مصدقته انو ممكن حدا ينتحر عشان اللي بحبوا > بصراحة غريبة <
وبس ....
سلام ،،،
لكل انسان وجهة نظرة فى الحب او في اي حاجة تاني اهم حاجة يتقي الله فى كل اعمالة وربنا هيرزقة بالحب والحياة السعيدة ونتمنا ليكو كلكو ان ربنا يوفقكو دنيا واخرة
اللهم ارزقنا حبك وحب من احبك وحب عملاً يقربنا الى حبك ياذا الجلال والاكرام
بصراحة الحب في هاي الايام هو خيانة و جرح المشاعر و انا مع الي يقول ان الحب بس قبلة فعلا هذا الي بصير في هالزمن لكن اعترض مع الي يقول ان الحب وهم لا الحب مشاعر واحساس رائع جدا بس بدو الي يفهم هذه المشاعر و يحترمها
there is a tru luv but unfortunatly it is hard to find it these dayz and it is more harder to find the right person who deserve ur love
احب اقول بس انا اول مره افهم الفيديو كليب بتاع ساموزين يعني هو كان اعمي طب كويس انكو وضحتو الواحد بيتهبل ساعات بردو" انا كنت فاكره بيمسح القزاز" , اه اقول راي بقي
اويد وبشده راي "نوفا "و"عبدالله " واعترض وبقسوه علي "عابر القارت " اقتلوه او اعموه ...
وعلي راي البت نوفا " خلي ايامك حب في حب ".
انا اتكيت علي الصور اللي اكتر حاجه بتنرفزني معرفش ليه .. خصب عني ضغطت عليها
بكرها بكرها وقادره اعيش من غيرها.
الحياة اكيد هتكون صعبة جدا
وماظنش انى هنساه ابدا
وانا حاسة انى من الناس اللى ممكن تموت ورا زوجها علطول من كتر الجزنبجد لانى بحبو جداوبيشاركنى فى كل حاجة فى حياتى
فطبعا مش متصورة انى ممكن افقده فى يوم من الايام
ربنا يحفظوا ويخليه ويبارك فيه
من الرائع ان نبقى علىوفئنا و محبتنا وان ندرك في اعمقنا قسوة الفراق فنحاول التمسك باحبائنا الى الابد. ولكن دوام الحال من المحال وان حصل فراق فهو من سنن الحياة فصول السنه تذهب و تعود والايام ترحل ويبى حالنا انا مسافرون فيقطار كل منا ينل في محطه مختلفه و يستمر سفر القطار وكل واحديتابع حياته بامل وبعض من الحنين لغيره من المسافرين
و زوجاتهم كانوابيحبهم و هما عارفين انهم كانوا بيحبوا زوجاتهم الاولانيين
و فيه مثل قديم زمان بيقول
الروح من حديد متطلعش ورا حبيب
اعتقد ان ليس من السهل ان افرق حبيبي ولكن يجب علي الانسان التاقلم مع حياته مهما كانت فالبنسبة لي ممكن اني اتغلب عي بعده بس مش هقدر انساه ومش هقدر ارتبط بحد واحس اني مشاعري معاه وهكون ظلمته معايا وخلاص عالعموم هو موضوع معقد في الاخر الواحد لازم يدعي انه ميحبش غير اما يضمن انه يرتبط بالانسان اللي يحبه والا هيبقي مجر عذاب وخلاص.
سلام عليكم انا نفسى افسر بس مشعرف انا محتاج مساعدة انا واحد حسيس بضعف فى كل شى فى حياتة ولا يوجد سقة عندى بسى ضعف عندى وصل بية الى كفرى وايس بقيت افكر اعمل حاجت غلط معرفشى زى بسىبسبب انا دعيف انا مشى مشكلة حب لقة مشكلتى انا معرفشى اتعمال مع ناس بحس همة اكبر منى فى فهم بخاف اكلم مع حد يحس انا صغير فى سن بحول اتجنب ناس وابعد عنهم لحد موصلت ادرجة انا مليشى اصحاب ولة عمرى حبيت ولة اتعملت مع حد بسبب هذة مشكلة فقت سقة فى نفسى احيانا ممكن مكنشى دارى بنفسى بسى بلاحظ ناس كتير تقوال ان حب اساس اى انسان فى حياة انا عمرىمعرفت اى بنت هلى دة مشكلة على راى ناس مشكلتى حقيقة انا بتاعمل بطبعتى ونفسى اختار اصدقاء كويسين وناس يحبونى وحب وسعدونى على عبادة ربنة انا صقتى بية هزت انا مشى عوز حد يزعل منى بسى صدقونى انا حسيس بدعف نفسى كبير جدا عدم سقة يرت حد يسعدنى انا نفسى احب وتحب وحكى مع حد واصحاب بسى مشعرف
ربنا يخليكو لبعض ويعمل اراجوز على طول
كنت معجب جدا ببنت زميلتي في الكليه، أصغر مني بسنة، و هي كمان، و هي اللي خلتني أتكلم، و فساعتها خدت تليفون
والدتها و اتصلت بيها و بعد كده قابلتها(بعد ما قلت لأهلي طبعا)..مرتحتش خالص بصراحة لما قابلت مامتها. كنت حاسس انها بتبصلي بقرف!!
و بعدها جالي الرد ان انا مستعجل و أحسن اني استني لما أتخرج (كنت في اخر ترم في الكلية)...علي فكرة, أنا كنت الأول علي دفعتي، و الحمد لله اتخرجت..و اتعينت في الكليه معيد..و اذا كان علي الشقة واللهي عندي. و اتصلت تاني بوالدتها، و بعد كام مشوار و تعالي و روح...قالولي انت لسه صغير و الفرق بينكم مش كبير و لسه عندك جيش (علي فكره، بعدها بشهريين خدت تأجيل الحمد لله)...بس خلاص .اتحلقلي يعني...حد ممكن يقوللي ليه؟!!
اجمل شىء فى الدنيا الحب ولكن بدون خيانة واتمنى ان الناس كلها تحب من غير خيانة
لو حصل كده اكييييد مليون فى المائه الواحد هيزعل و هيمر بحاله اكتئاب حتى لو تمنى الموت هتكون فى لحظه مش مدركين فيها احنا بنقول ايه و بعدها هتكون زكريات حلوه و مش هننساها بس هنكمل حياتنا عادى اصل الحياه مش بتقف على حد و لو كانت كده مش كان فى عاش
الخلاصه يا جماعه اللى انا مش مقتنع بيهابس اظاهر انها حقيقه
ان الحب تعبير مهذب عن رغبه غير مهذبه
انا بحب وحدة وعاوز ااولها ومش عارفاكلم معها واحنا جران ممكن اعرف انا اعمل اية وممكن لو هى سمعنا يا سمسم تقول لها انى بحبها
الحب الذى ينتهىفى يوم من الا يام
لا يسمى حب مع تحيات صاحب قصه حب مؤلمه
امر الان بما يشبه ذلك ولكن ليس الموت ولكن الفراق فأنا احبها وجاء على بالى كثيرا اننى لا استطيع ان اعيش من غيرها وفعلا ما جاء على بالى اننى لن احب غيرها ولن اتزوج فيرها وهذا احساس صادق لا كذب فيه ولمن كلام بعض الاصدقاء ربما يكون صحيحا وانه يجب ان تكتمل الحياه وتسير الى الامام والى الافضل دون توقف ومن الاخلاص ان يكون لها ذكرى جميله لا تنسى
من المؤسف حقا أن نبحث عن الصدق في عصر الخيانة و أن نبحث عن الحب في قلوب جبانة و الحب بدون تضحيات عن الحبيب مش حب و انا حبيت و ضحيت بكل شيئ و لكن هي تزوجت واحد غيري بدون أدنى تضحية و السلام
لازم نكون واقعين و كفايا نكدب على نفسنا اكتر من كيدا بختصار في زمن دا مافيش حب و مافيش المعاني الطيبة يعني زمن المصالح و خد و هات و عندك فلوس تنفع معندكش متلزمنيش يعني الحب كلمة بس بنشوفها و بنعشها في الافلام بس الواقع غير كيدا خالص لان الحياة اصعب من انك تلاقي حد يحبك في الزمن ده لنفسك مع الاسف وبلاش نكدب على نفسنا اكتر من كيدا ياناس.
الحب من اروع ما في الدنيا هذا رأي برغم من اني ماجربته ومش مفكرة اتعب حالي فيه لانه فعل هم وحزن من تجارب كتير امامي فشايفة انه في مشاكل كتير ازعل واضايق عشانها مش حقول فلسطين ولبنان واللي صاير لانه الدنيا بتكمل ومش حتوقف هون فما بالكم رح توقف عشان حبيب ترك حبيبتوه او مات , هذه القصص كلها منشوفهاومنصدقهابالافلام الهندية بس
كلمة تتكرر مراراً وتكراً
مش قادر اعيش من غيرك
كيف اتخيل الدنيا بدونك
انت كل حياتي
و العديد و العديد من المصطلحات و المترادفات التي لا تحتمل غير معنى واحد ولكن من وجة نظري يختلف المعنى بنوع العلاقة بين الشاب و الفتاه
فهناك شباب مرتبط لا يعنى فكرة الإرتباط ماهى ما أحكامها مااخر العلاقة
وهناك من يتسم بالعقلانية يدرس العلاقة عقليا و عاطفيا
وهناك آخر واحب نفسي منهم
تتغلب عليه الحياه و تتكاتل علية الضغوط ومتطلبات الحياه ليفقد معشوقتة
وهذا حال العشاق
او حكاية كل عاشق
واصبح العنوان
عارف اعيش من غيرك مش عارف افكر غير فيكي!!!!!!!!!!!
بدون تعليق
مجنون مي
محمد حسن غنيم