إزاي تخلي الشباب يتابعك؟!
- بليز يا بنات ويا أولاد بتوع الموقع دا صوتوو لهااااااانى ..اوكى..هاني وبس
- لا أوعوا تصوتو لهاني ده ولا شيما..فادي أحلى لأن لادا صوت والثانية أوكي صوتها حلو بس بليز يا شباب موقع عشرينات الجميل..صوتوا لفادى..!!
- السلام عليكم ورحمه الله وبركاته، الإسلام بيتهان والنبي يستهزأ بيه.. القرآن يدنس والمسجد الاقصي يستغيث وإحنا نايمين نحلم بفادي واستار أكاديمي !!
والإسلام يتهان ما يتهانشي وإحنا مالنا فوقو بقي بلاش الغفلة دي انتو إيه.
- سيبوكو بقي من الأغاني وبصو لدينكو شوفوه عاوز منكو إيه هتلاقو إنكم مقصرين أوي في حقه
مالك يا عم محمد اهدي شوية كدا، البنات بتحب عمنا فادى دا خليهم يفضفضوا ما تعملش فيها شيخ ودا حرام ولا حلال فيها إيه البنات كلها بتموت في سى فادى بيه يارب يطلع ويريحكم ويريحنا ، دانا احلي منو يا أخوانا!!!!!
هو فيه إيه؟
كان من الممكن أن يكون هذا الحوار عادي جدا لو كان مثلا على منتدى موقع ستار أكاديمي 3، أو على شاشات ميلودي ومزيكا وزووم، لكن ما جعله حوار غير عادي بالمرة انه دار كجزء من التعليقات على موضوع يتناول مأساة الشاعر العراقي الراحل عقيل علي في ذكرى و فاته !
هذا البرنامج الذي يتابعه بحماس شديد آلاف الشباب حول العالم العربي، لن نكون معه أو ضده.. ولكننا بالتأكيد نحترم المعادلة التي توصل إليها لكونه أول برنامج عربي شبابي ترفيهي.. يشاهده الشباب و يتابعونه بلا ملل.. ضاربين عرض الحائط باتهامات المعارضين لهم بالتفاهة والانحلال الأخلاقي !!
سألنا الشباب المهووس بفادي وهاني وشيماء ومايا وجوزيف...لماذا تحبون ستار أكاديمي؟؟ وكانت هذه ردودهم !
بتابع ستار أكاديمي
بدأنا بسؤال مروة علي 22 فقالت بثقة: " نعم أتابعه..ومنذ الموسم الثاني، وسر تعلقي بالبرنامج هو شعوري بأنني أعيش مع شباب الأكاديمية العربي بمختلف جنسياته، فكيف كان لي مثلا أن أتعرف على خليفة الإماراتي.. ومايا اللبنانية.. وأنا مصرية و لم أسافر من قبل، ولكن بفضل البرنامج تعرفت عليهم و بشكل قريب جدا.
أما شيرين عبد الحميد 24 سنة ففالت :" ببساطة الناس بتتابع المسلسلات العربي الممله والتي يكون أبطالها وهميين بكل ما في الكلمة من معنى، فكيف لا أتابع ستار أكاديمي وأبطاله شباب مثلي يعيشون بنفس الطريقة ودماغهم مطرقعة وعندهم مواهب، ولن أقول انه واقعي 100%.. ولكن أقرب ما يكون إلي الواقعية.."
هذا بالإضافة إلى أن شيرين تستفيد من متابعة البرنامج بشكل عملي، فهي تتمتع بصوت جميل، ومن خلال متابعتها لتدريبات الصوت والنفس وغيرها تشعر بتحسن في ادئها وبنمو موهبتها.
أنا منبهر !
" بحب ستار أكاديمي لأنه يبهرني" – هكذا قال وليد سالم 20 سنة، و أكمل وليد كلامه قائلا.." كل ما فيه يبهرني، العلاقات بين الشباب، فكرة النجومية التي يحلم بها كل شاب، المنافسة المستمرة وحالة الترقب والشغف التي يضعني بها أسبوعيا، بالإضافة إلى حفله "البرايم" والتي تبدو أفضل مئة مرة من حفلات لمطربين محترفين"..!
أما ريم السيد 16 سنه فقالت:"أتابع ستار أكاديمي لأنه يقدم لي كل ما أحتاجه من معلومات وبطريقة لذيذة وغير مباشرة، فأعرف كيف أحافظ على وزني.. وأتابع خطوط الموضة العالمية من خلال ما تلبسه البنات، كما أتعلم منه كيف يفكر الأولاد في البنات والعكس، وأكون في منتهى السعادة عندما أخمن أن احد الأولاد معجب بإحدى البنات ويكون تخميني صحيحا !!
بحلم وحلمي بسيط..!
إلى هنا انتهت التعليقات وردود الأفعال والآراء، وانتهت منذ ساعات هذه الدورة من البرنامج، وفاز جوزيف اللبناني، وبعيدا عن جنسية الفائز ومدى وسامته، فلا يمكننا أن ننكر أو نتجاهل رغبات الكثير من الشباب في برنامج تليفزيوني يجمعهم ويلبي رغباتهم، وينمي مواهبهم، ويداعب أحلامهم، وينمى روح المنافسة لديهم، ويعلمهم ويثقفهم بشكل غير مباشر..وبالطبع يتمتع القائمين عليه بشكل مقبول...وستايل لذيذ..وخفه دم!
وأخيرا كل ما نتمناه ألا يأتي موسم ستار أكاديمي الرابع ويكون هو البرنامج الشبابي الوحيد الناجح على ساحة فضائيتنا العربية!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
اعتقد ان الحق مش على الشباب لوحده انا اعرف "ستات" كبار كتييير بيموتو فى البرنامج ده
تخيل لما ام او اب يعمل كده امام اولاده طبيعى الشباب يتعلقوا اكتر بالبرامج دى
الحقيقه كتير من شبابنا افتقد القدوه فى المنزل اوحتى العيله
مره سالت واحده اتعرفت عليها انتى ليه بتكلمى شباب من ورا مامتك واحنا فى كليه البنات؟؟؟؟
جاوبتنى وقالتلى ايه يعنى مهى ماما عندها اصحاب وبتروح معاهم رحلات "اصحاب ستات ورجاله"
اين الام الواعيه والاب المرشد الحازم؟؟؟
اين الاسره والمجتمع المسلم؟؟؟؟
كله راح -ده كان زمان متعقديش الدنيا- خليكى فرى - ده اللى بيتقال دلوقتى
اللهم اهدى شباب المسلمين اللهم اهدى فتيات المسلمين
اللهم اهدى ولاة امور المسلمين
اللهم ردنا الى دينك مردا جميلا
السلام عليكم
احب ان اقول لإخوانى ان نكثف الدعاء لجميع المسلمين لأن يهديهم الله سبحانه وتعالى
ويبعدهم عن مثل هذه البرامج المدمرة
وأن يردهم إلى دينه ردا حميدا
وجزاكم الله خيرا جميعا
انا بحب اوى اوى استار اكاديمى
بجد برنامج روعة روعة روعة من كل ناحية وانا بمووت فية وصحباتى كمان
هو برنامج لذيذ ووللهى العظيم مافية اى تجاوزات وفعلا احنا عايشين كدا حاليا
هو فية كل حاجة حلوة وبيعيشو سوا وكل تدريباتهم جميلة اوى
اعشق استار اكاديمى اوى
وزعلانة جدا انة خلص
كان نفسى يبقى علىطول او يقعد فترة اكبر من كدا
مبروك ليك ياجوزيف مع انى مصرية بس انت تستاهل لانك احسن من هانى يووووة بكتير
مساءالخير
مفيش احلى من برنامج استار اكاديمى فى كل الوطن العربى فعلا
لانة برنامج شبابى رائع لا اكتر من رائع كمان
عارفين بامانة حفلة واحدة من البرايم احسن 100 مرة من حفلات كبار المغنيين فى كل مكان
فعلا برنامج اكتر من رائع
انا كنت معجبة جدا بفادى انا وبنات كتير لانة امور اوى وجذاب مووت
لكن بعد ماخرج بقى املى فى جوزيف ( مع انى اصلا مصرية ) لكن انا معنديش حتة التعصب دى عشان كدا مش كنت بشجع هانى
بشجع زوووووووزووووووو
اى جوزيف لانة رااااائع
صوت الجبل فعلا هو اللى مخلى طعم للاكاديمية
واللهى لو كان هانى فاز ليبقى ظلم لان صوتة وحش فعلا
اما زوزو فصوتة اكتر من رائع
اخيرا مبروووووووك جوزيف لانك بتستحق
دي نتيجة لثقافة قطيع الاغنام اللي منتشرة في مجتمعنا اللي كنت كلمتكم عليها زمان وهي السير خلف كل ما هو اوروبي اما اعتقادا بانه مجتمع كله خير واما للجهل او التظاهر بالجهل بان بعض الامور لا تناسب مجتمعنا
ولكن في حاجه عايز اقولها كون ان ستار اكاديمي برنامج ناجح ده مش بسبب انه برنامج بناء او بيقدم فكرة كويسه
البرنامج هدام وبيقدم فكرة سيئه لا جدال في هذا
نجاح البرنامج في مجتمعنا دليل كبير جدا على سيطرة الهيافه على مجتمعنا لان لو المجتمع مش هايف كان سينظر الى البرنامج نظرة احتقار ولن يجد من يتابعه
وكل سنه واوروبا طيبه وهنيئا للقناة اللبنانيه الملايين المدفوعه من جيوب الهايفيين
المكان : الوطن العربي
الزمان : القرن العشرين
الحدث : استار اكاديمي
ضيوف الحدث : الرسول صلى الله عليه وسلم
وكبار الصحابة
النتيجة : فوز (اي حد) بمسابقة اهيف
شاب ويسلم الرسول صلى الله
عليه وسلم الجائزة للفائز
ويحث الخاسرين على الاجتهاد
العام القادم للفوز ويدعو
كل الشباب للتميز مثل هذا
الشاب .
هل تعتقدون ان لو كان الرسول بيننا هل سيحدث هذا ؟؟؟؟ اعتقد ....لا لا لا لا ... انا على يقين انه سيدعو لهم بالهدايه ان لم يدعو عليهم
السلام يا جماعة...
للاسف الشديد هناك مجموعةكبيرة كتير من الشباب المسلم من شباب امة الاسلام من اتباع الرسوووول عليه الصلاة والسلام .... يتابعون هذه البرامج بشغف ولا يهمهم باللي بصير بالاسلام...
ولكن انا اجد انه يوجد امل لان هناك الكثيير من شباب وبنات الاسلام مهتمون بالاسلام و بللي بصير بالمسلمين...
فسيبقى الخير في امة محمد(ص) الى يوم القيامة...
يا شباب اللي داير على التفاهات والمسخرة ,... فيقوا ...د الرسول بكى لانه مشتاق لنا...لنا نحن الذين اامنا به ولم نره....حرااام عليكوا..هل اذا علم الرسول(ص) بللي بصير بالمسلمين...هل تعتقدون انه سيبكي شوق لنا!!!!!!
مذا ستقولون للرسول يوم القيامة..مذا ستقولون لله !!
مالكم فية اية ؟؟؟
ايوة برنامج جاى من اوروبا لكنة برنامج جميل وشبابى والدليل اغلب الشباب بتحبة وبتعشقة كمان
وهو مش بيتجاوز الحدود وبيناقش حاجات جميلة اوى فيها اية لما نحبة ؟؟؟
والنبى شوية المعقدين اللى فوق واللى عايشين من ايام القرن ال18 بلاش تعليقاتهم احسن
لانها زى قلتها فعلا
لكن هذا البرنامج لذيذ وفعلا خسارة انة خلص بس انشاءاللة يبتدى الجذء ال4 بسرعة
لاننا على نار
ومبروك ليك ياجوزيف يابطل الاكاديمية
تكرم عيونك ياجوزيف
واللة هيدا من حقك كتيييير
لانك بتستاهل افضل من المصرى والمغربية
ونحمد اللة ان الكل كان عم يصوتلك لاننا عم نحبك كتير فانت افضل من صار بالاكاديمية
ايه الديمقراطيه اللي حطت علي الموقع دا
بقي نطلب منكو شعر وقصص قصيره ترحوا تكتبوا علي شادي وفادي ؟؟؟؟؟ وكلنا عارفين اللي حتطلع تحب في شادي وفادي بتاعها دا ايه ياموقع ؟؟؟ لاه وجيبين التعليقات بالنص في اول سطرين انا اتنرفزت بصراحه .وعايزين برنامج ايه بقي ان شاء الله تاني اللي يجدب الجمهور ؟؟؟ الجمهور مش حينجدب غير للنوعيه دي من البرامج . بس عشان انا دلوقتي بقيت سوسه المفروسه بجد.
السلام عليكم ورحمة الله وبركاته
اعتقد ان سبب نجاح البرنامج يكون نتيجة احباط كلى للشباب من المستقبل يعنى البنات الى بتتفرج على البرنامج اكيد شيفة ان واحد من شباب البرنامج ينفع يكون جوزها او ان الصوت الى بيدربوا عليه ينفعها او الرجيم كمان
بس ياترى ليه همه فى الاساس حطوا البرنامج فى دمغهم وتبعوه اعتقد ان السبب فى الفراغ التام و الاحباط اعتقد لو ان كل واحد من الى بيتفرجوا على البرنامج وبيتبعوه اعد مع نفسه فى اخر كل يوم يشوف هوه افاد نفسه بئيه او حتا عمل حسنة فى الدنيا تنفعه فى الاخرة اعتقد انه مش هيلقى .
انا مش جى انكد على حد ولكن جى اقول مهوا لما نيجى نقول الغرب متقدم علينا نقول مهوا طبعا لزم يتقدم مهوا لما احنا بنتفرج على برنامج ذى ده لا بيفيد حد بمعلومة وله بقيمة اخلاقية وله بمعلومة دينيه يبقى لزم الغرب يتقدم علينا
ولما نيجى ندور على شغل اكيد مش هنلاقى لئن معلومتنا لا تتعدى برامج التلفزيون
وله تخيلوا بقى ان الشباب الى بيتفرجوا على البرنامج ده حبوا يعملوا مشروع اكيد اخر حاجة يفكروا فيها نعمل شريط كست
او فيديوا كليب
ولو جينا من النحيه الدينيه هنلاقى ان ينهار ايه الى احنا بنشوفه ده الولد بيحضن البنت ولا كئنها مراته لا وكلهم مع بعض فى نفس البيت وبيكلوا وبيشربوا ويناموا مع بعض ولا كئن سيدنا محمد جه ولا كئن كان فيه اسلام ولا كان فيه انبياء تحرم الخلوة و الاختلاط .ومش عاوز اقول اكتر من كده عشان الرقابة
ياجماعة ياريت نصحا انفسنا ونشوف بطريقتنا ديه ان احنا نتبع كل موضه جديده واى حاجة مش هقول تفه ولكن اى حاجة متعدش علينا بنفع ياترى ممكن السكة ديه تودينا لفين هل لتقدم العرب و تماسك الوحدة العربية وان يكون لينا فعلا وجود فى العالم وله هتودينا الى سكت الهبوط فعلا بئقصى درجة الى درجات التخلف والبعد كل البعد عن العالم المتقدم واسلامنا ودينا
واسف على الاطالة
ana shayfa 2n el barnamg dah tafh mot men 2ly by7sal feh we ezay ay 2om te7'aly bentha tesafer le wa7dha we tetsarf el tasrofat 2ly kona benshofha fe el t.v de 3la el 3omom rabena yehdeho
مبحبش القواعد المعممة يعني منطلقش قاعدة عامة ونتكلم على اساسها .. الشباب مش بينجذب غير للنوع ده م البرامج "ده كلام غلط" مهو الشباب انجذب لبرامج عمرو خالد وهو مش بيدعو للانحلال اكيد .. الفكرة ان اللى مش عاجبه البرنامج يفكر ازاي يستميل الشباب او الجمهور لبرنامج انجح واكثر جاذبية انا مش مع ستار اكاديمي فى حاجات بس نتكلم على صراحة؟؟ هو فعلا من انجح البرامج واللى عملوه تعبوا فيه .. لو تعبنا فى برنامج كويس اكيد هنلاقي مش نبقى بيج بق وخلاص .. ونجعجع ع الفاضي ..
وبالمناسبة بقى .. فكرة الموضوع حلوة يا عشرينات بس المعالجة مش حلوة .. زهقنا من المواضيع اللى فلان بيقول وعلان قال وانتهى الموضوع على كدة عايزين تجديد في طريقة التقديم
عايزين تجديد في طريقة التقديم
عايزين تجديد في طريقة التقديم
عايزين تجديد في طريقة التقديم
السلام عليكم
جزاك الله خيرا يا اخت ايمان على هذا الكلام الرائع
انا والله بشفق على الناس دول و بعتقد ان الشباب تايهين عن القدوة الحسنة مع انهاادامهم الى يقتدوا بيها فللاسف القدوة المنتشرة دى الوقتى هيفا و نانسى و روبي استغفر الله
و بتمنى ينعمل برامج توعية اكثر للشباب و تفاؤلي كبير....انشاء الله
fa3lan ehna mahtageny baramag gededah lelshabab wfe nafs elwa2t tokon orayebah ledama3'nah 3alshan nahabaha
ولية نخبى ؟ ولية ندارى ؟ ولية نكدب ؟
لا طبعا وبقولها بكل صراحة برنامج استار اكاديمى من انجح وافضل البرامج فى الشرق الاوسط كلة فعلا
بس صحيح فية شباب كتير مذودينها يعنى اعرف ناس بتحضرو كل يوم وكمان الحفلة وكمان اعادتها على الفضاءية واعادتها على قناة تانية
ياجماعة واللهى البرنامج لذيذ وانا بحبة بس مش لدرجة الادمان
موضوع في وقته المطلوب ولا ارى سببا في هذا الهجوم الغريب على فكرة الموضوع فهو في النهاية واقع ولمن رات انها مخنوقة وزعلانة من الموقع بالله عليك اقراي التعليقات على الموضوعات الاخرى لتعرفي انها جميعا مرتبطة بالبرنامج، بالعكس انني ارى انه توقيت متميز بعد الانتهاء من الدورة وكل ما فيها
اما عن نوعية البرنامج الجيد المطلوب فلا مانع ان يهدف البرنامج الى اثراء الشباب بالفضائل والتسابق في الجوانب الايجابية بعيدا عن الاباحية المغرضة في البرنامج الحالي ولماذا لانجمل حياتنا ونجذب الشباب بطريقتهم المفضلة الى فضائل الاسلام وقيمه
الدنيا فيها الحلو و الوحش , وبنى أدم ليه عقل بيفكر ويميز ويقرر ويعرف الصح من الغلط .
طبعا برنامج شيطان اكاديمى دة مش صح خالـــــص ,
علشان كلنا عارفين انه مش ناقص غير حاجة واحدة بس يصوروها بين الولاد والبنات.
سبحـــــان الله ... ومعظم المسلمين متبعين البرنامج كويس ومبهورين بيه (طبعا لما له من اهمية بالغة فى حياة الفرد والمجتمع) .
واحد صاحبى كان بيقولى ان والدتة متابعة البرنامج ومعجبة بيه , طبعا اكيد هيستناه ويتفرج عليه مع ماما وبابا , كدة بقى القدوة فين ؟؟؟؟؟ بصراحة لية حق الانتشار.
مش بعيد يكون كاتب الموضوع نفسة متابع البرنامج بل ومن اشد المعجبين بيه واتحدى!!!!!!!!!!!!!
ياريت نحاول نفكر ما هى اهمية هذا البرنامج بالنسبة لك ولاهل بيتك (يا مسلم) ؟؟؟؟؟؟؟؟؟؟؟؟؟؟؟؟؟؟؟؟؟؟؟
وربنا يهدينا جميعا
وايه المشكلة
انا كمان كنت بتفرج عليه بحب فيه حاجات وحاجات لايعنى بحب الاغاني اللي كانو بيغنوها في البرايم لان معظمها خاصة لفيروز وأكيد انتو عارفين الحاجات التانية ........وحيولى دعاء الشامي كتييير ارجوكم لان مواضيعها جميلة جدا
وهذا البرنامج -استار اكاديمي - انما ينتج باموال ال سعود -المسروقة من قوت شعب الحرمين المسكين- وفي قناة ال سعود -ال بي سي - والهدف منه الهاء الشباب فيما لايجدي ولا ينفع ، وصرفهم عن معالي الامور ؛ حتى يكون أمل الشاب أو الشابة أن يكون مغنيا أو مغنية ،يسلي أو تسلى المجرمين أمثال ال سعود.
خلونا الأول نعترف ان البرنامج ناجح بكل المقاييس و لو ماكنش ناجح ماكانتش الأستاذه يسر كتبت عنه موضوع و الناس دي كلها كتبت تعليقات عليه... صح ولآ انا غلطان؟ فكرة البرنامج جديده و ده لازم نحترمه و كمان مدى الحريات اللى فى البرنامج و بالأخص بين الولاد و البنات برضه جديده علينا كعرب سواء مسلمين أو مسيحيين..ده مش معناه اننى حابب البرنامج!! لأ خالص بس أنا مع virus لما قال ان البرنامج في ناس تعبت عشان تعمله وتجدد في الأفكار. فكرة البرنامج حلوه بس لو اى حد فكر دقيقه واحده بس هو استفاد ايه لنفسه أو للأسلام او المسلمين من البرنامج... بخخخخخخ هوااااا مفيش اي استفاده خاااالص. ياريت نفكر في افكار برضه تكون جديده ونلاقى ناس تتعب فى أفكار و ناس تانيه تتعب فى تنفيذها و نبطل نقول ده حلو لأ لأ لأ ده وحش خالص من غير ماللى يقول حلو يقولنا قال حلو ليه و هو استفاد ايه أو اللى قال وحش يقولنا نعمل ازاى حاجه حلوه نفيد الناس بيها. بس فى ملحوظه مهمه جدا لازم ناخد بالنا منها وهى ان الفراغ و الفضا لو استمرو هايعملو فينا بلاوى اكتر من كدة بكتير, و على رأى المثل "ادينى فالهايف و انا احبك يا فننسسس"
المهم ان احنا نعمل حاجه منتكلمش بس ولازم كلنا نحب مصر عشان مصر تحبنا ولازم نحب بعض ولو حبينا بعض هنحب موقع العشرينات ويلا يلا يلا يلا يلا
هاني و هاني للابد جوزيف مين دة والنبي فيه راجل اسمه زوزو المحبب ده اللي شبه الجحش و راقية اللي عاملة فيها مصرية دي فضحتنا هاني كان الصورة الوحيدة المشرفة اللي راحت البرنامج ده خسرتوه و خسرتوا كل المصرين محدش هيشترك في البرنامج تاني و المصريين مش هيصوتوا لاي حد ال55%كانوا بتوع هاني ز الملاين من الاموال المصريه ضاعت رولا اللي شبه الجاموسه و كفايه على اللبنانيين انهم يعرفوا ان جوزيفت كسب بالكوسة و كل شئ انكشف و بانو عرفنا اللعبه هاني انت حبيب ملايين الناس حول العالم و هتنجح و تبقى mega star byeeeeeee
وأنا مال أهلي بستار زفت والمصريين حايستفادوا ايه لما هاني يكسب ولا لبنان لما جوسيف يكسب؟؟؟؟؟؟؟حيوزعوا لحمة ببلاش للأمة العربية؟؟؟ولا حيحرروا القدس؟؟؟ولا حيشوفوا واسطة لفض النزاع الأمريكي العراقي؟؟؟؟الأمة العربية رافعة شعار (يحيا التفاهة)
هنا الحرب
اليوم لا مجال لفرقة أو انقسام ولا تحزب وإدعاء بطولة ..
اليوم هو يوم قضاة كل مصر على أختلاف أطيافهم وانواعهم .
اعتصام من اجل القضاه , وأعتصام من أجل نصرة الوطن .
هو اعتصام من اجل المصريين فى حقهم فى حياة كريمة ومواطنة بلا تمييز وتفرقة.
بدلاً من ان يحاكم النظام المفسدين والمزورين, أحال القضاه الشرفاء الى لجنة الصلاحية, تمهيداً لاقصائهم عن مواقعهم الشريفه.
استقلال القضاة هو ضمان العدالة الوحيد فى المجتمع , وحفظ حقوق البسطاء المهمشين فى هذا الوطن .
معركة القضاه هى معركة مصر ضد الظلم والطغيان والفساد.
لا يوجد تكافؤ فرص من غير قضاءٍ مستقل.
وتسود شريعة الغاب اذا فقد القضاة هيبتهم, ويصير القانون الحاكم هو قانون البقاء للأقوى .
أمتهان كرامة القضاه هو انتهاك لعرض مصر , ولن يتخلف عن الدفاع عن العرض الا ديوث , والديوث هو من لا يغار على عرضه , ولا يوجد حر لا يغار على عرضه, حتى وان تعرض للأفساد.
القضاه دخلوا فى اعتصام مفتوح منذ مساء أمس الثلاثاء 18 ابريل بناديهم , ولا يجب ان نتخلف عنهم وعلينا الانضمام اليهم بإعتصام شعبى
مفتوح موازى لآعتصامهم .
تحية لاعظم واجمل واحلى برنامج فى الوطن العربى كلو
وكل واحد بيحضرو يبقى مثقف وابن ناس فعلا
قلت لهم أنا رئيس محكمة.. فزادت شراستهم وسبوني بألفاظ نابية:
المستشار محمود حمزة: ليتني مت قبل أن أري هذا اليوم.
روي المستشار محمود حمزة تفاصيل الاعتداء عليه »للوفد« أكد حمزة انه وصل صباح أمس الاثنين لمقر نادي القضاة.. وركن سيارته بعيداً عن مقر النادي وأضاف: وترجلت وأثناء سيري في الشارع الذي يوجد به مقر النادي استوقفني وجود أعداد من جماعة »كفاية« يقفون في مواجهة النادي مرددين هتافات تضامن مع القضاة.. وقبل عبوري لباب النادي فوجئت بأن المكان تحول الي ساحة قتال ورأيت مجموعة أشخاص يرتدون ملابس مدنية حاملين في أيديهم الشوم متجهين مباشرة الي المتظاهرين
من أعضاء حركة كفاية وانهالوا عليهم بالضرب.. كان المنظر لا يوصف.. والضرب ضرب موت.. استفزني الموقف خاصة وأن أعضاء كفاية استغاثوا بالقضاة وكل ما فعلته انني رحت أرصد أحداث الاعتداء بكاميرا التليفون المحمول الخاص بي وبالفعل صورت كل الاحداث ووقائع الضرب وأثناء ذلك فوجئت بأحد الضباط يأتي من خلفي ويضربني بشدة علي يدي التي تحمل »الموبايل« فسقط التليفون علي الارض وفي ذات الوقت فوجئت بضابط شرطة اخر يكتفني محاولاً شل حركتي واشترك الضابطان في القائي علي الارض وسط الشارع، وما ان سقطت علي الارض حتي تجمع حولي عدد من ضباط الشرطة وراحوا جميعاً يضربونني في كل أنحاء جسدي.. ضربوني بأحذيتهم في وجههي وأصابوني بعدة كدمات.. كما ضربوني علي ظهري وبطني وفي كليتي.
صرخت وقلت حاسبوا.. أنا رئيس محكمة وكأن هذه العبارة استفزتهم فما ان سمعوها حتي زادوا من ضربهم وأمطروني بسباب لم أتخيل ان أسمعه.. سبوني بأبي وأمي وبألفاظ نابية.. حاولت أن أثبت لهم انني فعلاً رئيس محكمة مددت يدي في جيبي وسحبت محفظتي لكي أعطي لهم الكارنيه الخاص بي ولكنهم لم يمهلوني.. أخذوا محفظتي ومسدسا مرخصا كان معي وواصلوا سبابهم ثم سحلوني علي ظهري بطول شارع شامبليون وفي النهاية قذفوني في بوكس شرطة.. ولما تحرك البوكس حاولت القفز منه فأعادوا ضربي ونزف الدم من أنفي ووجهي ولما رآني شقيقي المحاسب »أحمد« صرخ فيهم حرام عليكو سيبوه ده رئيس محكمة فضربوه هو الاخر.. ثم حملوني ورموني في سيارة ترحيلات وأغلقوا الباب.
ويضيف المستشار محمود حمزة داخل سيارة الترحيلات: زاد نزيف الدم من أنفي ووجهي صرخت بكل ما أملك من قوة قلت أنا باموت.. ولكن أحداً لم يهتم بي ولما تواصلت صرخاتي قال أحد الضباط أخرس يا ابن... قلت أنا رئيس محكمة ومريض وعامل عملية قلب مفتوح عايز أخذ الدوا.. عايز أشرب مية.. وكان الرد الوحيد الذي أتلقاه اخرس!!.
وبعد حوالي 15 دقيقة تحركت سيارة الترحيلات وكان معي فيها عدد من المعتقلين من أعضاء كفاية سمعت بعضهم يقول احنا رايحين أمن الدولة في عابدين.. وهناك بالتأكيد هيموتونا من الضرب.. ولما وصلنا الي عابدين قلت للضابط أما اسمي كذا وبنزف وها اموت.. وأنا رئيس محكمة بمحكمة شمال القاهرة.. فقال الضابط طيب استني هانشوف.. انتظرت ساعة وبعدها جاءني نفس الضابط وقال انت اسمك ايه؟.. فأعدت عليه كل بياناتي فرد استناني.. وبعد فترة من الزمن خرج أحد الضباط واستوقف تاكسي كان يمر بالصدفة في الشارع ثم ألقوني داخل التاكسي وقال الضابط للسائق وصله لبيته.. لبيته وبس ومش أي مكان اخر.. انطلق السائق في الشارع وحاولت إقناعه بأن يوصلني الي أقرب مستشفي فرفض وبعد محايلات واستعطاف مني رق قلبه وأوصلني لاحد مستشفيات مصر الجديدة.
ولم يتمالك المستشار محمود حمزة أثناء حواره مع »الوفد« نفسه وبكي وقال: »ياريتني مت ومشفتش اللي حصلي ده«.
ولما سألته عن اصاباته قال: »أعاني كدمات في وجهي من ضرب أحذية ضباط الشرطة وأعاني كدمات أخري في كل أنحاء جسدي.. وفي ذراعي.. ثم توقف عن الكلام وبكي للمرة الثانية«. وقال: »أنا أشعر بإهانة بالغة.. فين هيبة القضاء.. فين المقام الرفيع.. فين.. فين كل ده«.
سألته عما ينوي أن يفعله فقال: »أنا كنت متضامنا مع مطالب القضاة المعتصمين في نادي القضاة بنسبة 70% الان أنا متضامن معهم بنسبة 100% أما من اعتدوا علي فلن أترك حقي.. أنا حددت اللي اعتدوا علي في محضر رسمي والتحقيق جاري الان وسآخذ حقي وأي مبلغ تعويض أحصل عليه سأتبرع به لنادي القضاة وللجمعيات الخيرية ولكل مواطن يهان في مصر.
بصراحة خسارة كتير لما نشوف كل هالاعجاب بهيك برنامج هابط مع كل الاحترام للجميع ... والسبب ببساطة هو حب فضول من كلا الجنسين ليشوف طبيعة حياة الجنس الاخر اليومية واتحدى لو في هذا البرنامج اي نوع من الثقافة والفن .. بل برأيي هو هدم لمعنى الفن والاخلاق والواقعية ... وسامحوني هذا كله مخطط اله ومش معمول عبث .. واتمنى تكونوا بتحبوا تلفزيون الواقع الفلسطيني والعراقي وتلفزيون الاسلام في كل مكان متل ما تحرصوا على ستار اكاديمي ... وربنا يهدي الجميع ويجنبنا الفواحش ما ظهر منها وما بطن
هو فعلا برنامج جزب عدد كبير من الشباب وانا بصراحة منهم ومن اكبر المتابعين ليه كمان بس دة مش معناه ان هو برنامج هادف وهو اللى هيصلح حالناومش المفروض ابدا تاعدوا تدافعوا عنه كدة ولا زى مبياول عم غيور انه اللى يتفرج عليه يباى ابن ناس انا مش فهمة بصراحة هيباى ابن ناس ازاى لما يتفرج علا البرنامج دة
بقه ده هو اهتمام شبابنا
واحده بتحب فلان عشان أمور ولا صوته حلو ...
وناس بيتابعوا برنامج هايف ساقط بحجة انه شبابي ...
ومش فاهم اللي منزل الموضوع على الموقع منزله عشان ايه؟؟؟؟
متوقع انه يدخل مجانين الهيافة ويقولو كلام هايف وسخيف...
أرجوكم شباب أمتنا محتاجين موضوعات أهم كتير ...
وربنا يبارك في الشباب الغيور على دينه مسلمة وايمان وعبدالله ومفروس و.....
العيب علي اللي كاتب المقال اللي حاطط صورة فيها بنات عاريات في أول الموضوع
والله قذارة
عاريات إيه يا عم؟؟؟
بذمتك ودينك إنت شايف حاجة؟؟؟!
إلا إذا كان نظر حضرتك وهمي زي سوبرمان كده وبتدقق في الحاجات دي.
وبالنسبة للصور في الموقع عامة فلو تلاحظ إن الصور بصراحة أكتر حاجة بياخدوا بالهم منها... يعني ميكونش في أي صورة فيها بنات لابسة نص كم حتى... وبصراحة إختيار الصور ده أحلى حاجة في الموقع...
أما عن البرنامج فأنا بصراحة مبحبش أتابعه طبعاً، لكن أنا عارفة إن في ناس كتير بيحبوه ودي بيخليني أفكر ليه منعرفش نجذبهم لبرامج هادفة وكويسة بنفس طريقة ستار أكاديمي...
أكيد لازم على الأقل نتعلم من الفكرة مش نبص في المضمون.
وشكراً ليسر على الموضوع... اللي كان مجرد عرض لصورة واقعية مؤسفة للإحنا وصلناله من هيافة وهبل.
عشان كده احنا شعب مركوب حكامه راكبينه واعدائه راكبينه ومعلش عشان شبابنا بيحب يتركب ... بص شوف تفاعل شبابنا مع برنامج ستار اكادمي وتفاعلهم مع قضايا بلدانهم اللى متمس حياتهم كلها من اولها لاخرها الطوارئ في مصر الفتنة في لبنان الدكتاتورية في سوريا و كل البلاد العربية الحصار في فلسطين
اتفرج على شباب العرب تعرف على طول احنا مركوبين ليه لان ده شباب عاوز يتركب
نحن شعوب يأنف منها العار ويخجل منها العيب ...
لا ذنب لنا ..
لا ذنب لنا ..
نحن الذنب ..
Dear Brothers and sisters,
commenting on that star academy issue, I won't deny that I used to watch the first episode of it, but just because of the free time which most of the youth all around the arab world are suffering from now, anyway; after being here in the U.S. I figured that life is measured by the breathes you take in your life time, we need to get the best use of our breath in order to catch up with other nations, imagine if we took all the millions and millions of money thet we waste on such a trash program like star academy and started using it to do good for our nation, I just can't believe a sane person to say such a thing like what I read in the previous comments, I was so shocked, please people look around you, open you holy book (Qur'an or even the bible) and see for yourselves what you should do.
May allah guide us all and protect,
I ask you guys to pray for me,
thanks
المطلوب بديل يجذب الشباب بدل النوح واللعنات ونظرية المؤامرة حول الأسلام
الحقيقية هي ان ما نراه في الشارع وفي المجتمع وفي مدراسنا واعمالنا وبيوتنا من ضغوط وروتين او تجاوزات قد قدم هذا البرنامج مخرج وهو وضهم في حلم "جميل من ومهة نظرهم" فيه كل الحواجز والقيود مرفوعه فلبرنامج يحاكي مجتمع غربي بألسن عربية او متعربة لكثرة تداخل الألسن في بين الضيوف والممثلين بالبرنامج. البرنامج بأختصار هروب من الواقع لواقع مفترض ولو آمنا بأنه غير صحيح او تمثيل فهو على الأقل حلم لذيذ.
بسم الله و الصلاة والسلام على افضل خلق الله
السلام عليكم و رحمة الله
اول سؤال بادرت بطرحه عند اكتشافي لهدا البرنامج هو كيف ترك كل هؤلاء ما وراءهم من واجبات و امورهم الخاصة حتى ...و يمكثون لمدة شهر على اقل تقدير داخل....
يكفينا النظر الى ما يحدث من باب الوقت لنقول لهؤلاء وهؤلاءُ؛ قال ابو هريرةرضي الله عنهًَ{الوقت انفس ما عنيت بحفضه و اراه اسهل ما عليك يضيعِِِّ) فاتقو الله في وقتكم فانتم مسؤولون عنه (...عن وقته ماداعمل فيه...) فحياة المسلم كل متكامل من عمل- عبادة- طلب علم - رياضة وترفيه لائق غيرمخل بالاخلاق و لا قاتل للهمم...
الله اسال لي ولكل المسلمين الهدى والتقى
اناشابة وليس مع طرف ضدد طرف ولكن مين رأى ان نستفيد من كل حماس الشباب دة نشوف أى المواضيع التى تهم شبابناانا لست واصية أو معلمة أنا واحدة منكم أناوظيفتى معدة برامج تعلوا نتشارك ونصنع برنامج ثقافى يفيد الشباب بدل من أى برنامج تافهو فى نفس الوقت يكون برنامج متنوع يقدر يوصل لكل الشباب مهما كان تفكرهم أنا عرفة أنه صعب بس نحاول و من يستطيع المساعدة يرسل لى على ال mail marmar-83@hotmail.com اتمنى ان اكون ضيفة خفيفة
ساعدو الشباب العربي على نمو ملكته في التعليم وجميع متطلبات المجتمع اليوم وكيفية الاستفاده من الانترنت بدل من الكلام الفاضي اجعلوه يستفيد لا يستفاد منه
ياضيعت الاعمار تمضي سبهلل ودرتها تعلو على الف دره
للاسف لبنان اتدمرت واكيد الاكاديمية مش هترجع تانى وبعد ماكنت باعد التمن شهور بين كل موسم هستنى للابد
والبناناه