شاهد فيلم: دليل خيانة!
(دليل خيانة)..
هذا هو اسم الفيلم الذي يعرضه له موقع عشرينات (حصرياً) في عيد الفطر المبارك.. وهو الفيلم الذي أخرجه وكتبه (ناجي علي)، وكنيته (ناجي العلي)، مع كل ما يحمله الاسم من دلالات..
الفيلم تبلغ مدة عرضه 20 دقيقة، وهو فيلم نفسي (سيكوباتي)، وتدور قصته حول علاقة نفسية غير سوية تربط بين زوجين.. الضابط (أكرم) الذي ظل لمدة 7 أعوام يعيش في أوهام نفسية تخيل له أن زوجته تخونه مع شخص آخر..
وهنا السؤال: هل كانت خائنة فعلاً؟!
ولا يخطئ كل من رأى العمل، فهم الطريقة التي أخرج بها (ناجي العلي) فيلمه، فبطلة الفيلم (الزوجة) كانت محجبة طوال مدة الفيلم، حتى وهي تجلس في بيتها؛ فالفيلم أراده صاحبه أن يخرج "ملتزماً"، كما أخبر موقع عشرينات..
* شاهد معنا فيلم (دليل خيانة)
وننتظر رأيك في التعليقات..
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
bsara7a ana kont bagarry tool elfilm mn kotr elmallal, wefe3lan lafat nazry en awel mashhad kan maloosh lazma fel tatweeeel, elfilm kan momken yeb2a a7san mn keda bkteer, tab3an ana mesh hatkallem 3an wa7da 2a3da 2oddam gozha bel7egab, bas madam howa moltazem fa3ady ya3ny howa 7orr, eltamseel ma32ool, bas heya kanet 3ayza 7arara aktar mn keda, anyway nice try yareet nshof 7aga a7san elmarra elgayya......
بيجيب رموز غريبة ومش بيفتح
هي فكرة الفيلم كويسه و فيها معني جميل
"يمكن المؤامره
, نوعية الناس ألي في المكان ده {أكرم}-البوليس-
بس مش واضح بالأدوات المتوسطه المستخدمه
في الفيلم( كاميرات , التأثيرات , حركة الكاميرا "دوختني")
,, لكن المعني وصل و في دمااغ ورا الفيلم داه و يستحق رفع القبعات له
لكن عموما اللقطه الاولى فعلا طويله بدون لزمه زى مقال اول معلق
لكن يبدوا انهم بيمثلوا حلو
لو حد يعرف خل لمشكلت الفيلم عندى يقولى
السلام عليكم
فى البداية اشكر ادارة الموقع على استضافتها لاولى افلامى المستقلة انتاجياً ..
واشكر كل من شارك برأية سواء كان بالسلب او الايجاب كتعليق على الفيلم ..
لم ولن ادافع عن دليل خيانة ..
سأدافع عن أسباب التجربة وليس نتائجها
لماذا دائماً نحكم على نجاح التجربة بنتائجها .. ولا نحكم بأسبابها ؟؟ !!
التجربة تبقى وتعيش هنا ليست بنتائج ماحققته هذه التجربة.. ولكن تبقى بأسبابها التى خلقت من اجلها هذه التجربة ..
نجاح توماس اديسون ليس فى اختراع الكهرباء .. والاناره ..
لقد كان نجاحه انه حاول مايقرب من 999 محاولة للوصول الى مصدر يشع نوراً .. !!!
اى اصرار وعزيمة تلك التى قادت أديسون الى الصبر حتى حاول 999 محاولة فاشلة ؟؟!!!!
انها أسباب التجربة المستترة التى لايدركها الا من يحمل بين طيات ذاته جملة :
" انا ماقبلش اكون انسان على الهامش ..
انا ماقبلش اكون عايش ومش عايش .. "
أيها السادة ..
انظروا دائماً فى اسباب التجربة وليس نتائجها ..
لمزيد من التواصل والتفاصيل عن الفيلم
اتشرف بزيارتكم لموقعى
www.nagi.2freedom.com
بص بقى يا عم ناجى الفيلم عبقرى وموسيقى والتصوير والاداء اذا كان محمد او هبة هما الاتنين كويسين اوى وحركة الكاميرا مش بتدوخ ولا حاجة بس طالما انت ليك فكر واضح وكويس كدة ليك عندى نقطتين واطلب منك الرد عليهم اولا كان المفروض توضح اساس العلة بمعنى انة كان لازم يكون هناك سبب واضح فى اعماق اكرم عقدة قديمة مثلا ثانى كان المشهد بتاع السفرة والموت جميل مناسب اوى لعيش كئيبة زى دية والله بتكلم جد مش تريقة بس مثلا كان لازم نراعى الواقعية فمثلا احنا فى بيوتنا مبنشربش الشاى فى فناجين دول ناس متجوزين وقرفنين من بعض يبقى حيبقى فى فناجين ولا براد صينى ممكن عشان الشياكة يبقى فى براد بالكهربا (كاتل يعنى ) ثانية كان لازم يكون فى سبب واضح ان مراتة تستحمل كل الاهنات دى منة
ارجو الرد ياعم ناجى ومبروك على الفيلم والله هايل واحلى حاجة فية انة مؤدب جدا ومحترم ودة فكر لازم كلنا نقدرة واتمنالك انت وزوجتك كل التقدم باذن الله
السلام عليكم
مبروك يا استاذ ناجي فيلمك الروائي الاول
ولي بعض ملاحيظ ومش مستني رد منها
يعني ايه واحده تقعد ف بيتها وعلى سريرها من غير الحجاب ؟ ، واسملحي اقولك ان الصورة حلوة قوي بس على قد ما كانت الصورة حلوة على قد ما كان أداء الممثلة مش تمام ، خصوصاً ان كل فعل من الممثل كان متوقع من الممثلة ( زي لقطة وهو بيضربها بالقلم مثلا وغيرها وغيرها ) ايضا دلوقتي انا اعرف منين ان ده ظابط شرطه ؟ من مسدس اطفال ؟ ولا من تليفون جاله وقعد يتكلم فيه ؟ ، وكمان ممكن اعرف هو ليه كده ؟ بيغير على مراته ليه يعني ؟ وايه ف تصرفات مراته خلته يغير عليها ؟ يعني ما شوفناش شوية دلع ودلال من مراته عشان تخليه يشك فيها مثلاً بقول مثلا يعني ,,, عموماً الف مبروك عالفيلم والمرة الجاية بليييييييز عاوزين فيلم احسن من كده .. وما تناش ( مش منتظر تعليق او رد ) والى ان نلتقي قريبا .. تحياتي .. ابن الفراعنة .. سمير عِِشرة . ابقو نزلو فيلمي يجدعاااان عشان اشوف النقد .. ايميلي اهو sas2ss@yahoo.com
سلام
التعليق الاول : سبب علة أكرم
التعقيب : الفيلم القصير يختلف فى اسلوب السرد عن الفيلم الروائى الطويل .. كالفرق بين الرواية والقصة القصيرة .. فلا يتم التعرض لاسباب حالة مجسدة بقدر التعرض وابراز الحالة نفسها كحدث وكنتيجة بدون التعرض للمسببات
التعليق الثانى : مراعاة الواقعية
التعقيب .. اعتقد ان موضوع الفناجين دا .. امر ممكن يبقى صح وممكن يبقى فيه مجال للنقاش لو كان تناول المشروبات فى اكواب مدهبة .. او اكواب بها مايدل على الثراء الفاحش .. واعتقد انه اتضح انه ميسور الحال من العربية واللاب توب .. وديكولا الشقة
بالمناسبة دى شقتى
على العموم .. تبقى ملاحظة تحت النظر
هناك امر تالت تم التعقيب عليه وهو اسباب احتمال نادية كل تلك الفترة وهى 7 سنين
التعقيب : ترك مساحة من الفكر لدى المتلقى لتخيل ما الدوافع التى تقود امراءة لتحملها تلك العلاقة ..
فى النهاية .. اشكرك على حسن التعليق
ناجى العلى
مخرج مستقل
ولي بعض ملاحيظ ومش مستني رد منها
؟؟؟؟؟؟؟؟؟؟
طب حضرتك باعت عاوز ايه ؟؟
ناجى العلى
مخرج مستقل
ألف مبروك يا أستاذ ناجي على الفيلم و على البداية الموفقة . الفيلم بجد رائع و فكرته جميلة بالنسبة لانك لسة في البداية و الامكانيات اللى معاك قليلة لكن الصورة ظهرت واضحة و المؤثرات جميلة و متقنة.
لى بس تعليق على حاجتين:
الأولى : مافهمتش الغرض من لقطة الاستحمام بتاعت اكرم .. يمكن ده يكون قصور في فهمى أنا للرمز لكن حبيت انك توضحهولى.
ثانيا : أداء هبه كان يحتاج لبعض التمرين . انا مابقولش ان تمثيلها وحش لا بالعكس لكن في بعض المشاهد ماكانتش على نفس مستوي أداء محمداللى كان رائع فعلا .
على العموم ربنا معاك و اتمنى أشوفلك فيلم طويل قريب....
آسف عالغلطة دي مني .. وشكراً للتوضيح وانك لم تعلق
تحياتي
موضوع الاستحمام له هدفين فنيين
الاول : كسر ايقاع الفيلم المتسارع كنقاط فاصلة بين القمة والقاع فى سرد الفيلم
الثانى : لم اكن معد له ولكن قاله احد النقاد كاحساسة بفكرة فلسفية من حيث فكرة التطهر من الخطايا
ناجى العلى
مخرج مستقل
لقد شاهدت فيلم دليل خيانة ولم اجد اي مبرر للزوج في الشك في اخلاص زوجته, علما بان الزوجة كانت مثال الزوجة متحجبة وامراة محترمة, فلو كانت الزوجة متبرجة وكثيرة الدخول والخروج لارتاب الزوج في وفائها واخلاصها لكن العكس ما حصل فالشيطان تمكن من الزوج بشكل رهيب وجعل حياته رهيبة وافسد حياته وحياة زوجته, حتى الله سبحانه وتعالى قال في كتابه العزيز : واذا جاءكم فاسق بنبأ فتبينوا من تصبوا قوما بجهالة فتصبحوا على ما فعلتم نادمين
وقال رب العزة كذلك : فامسكوهن بمعروف او سرحوهن بمعروف , ومارايناه في الفيلم ان الزوج رغم شكه بزوجته الا انه رفض تطليقها, فهنا بعد عن الدين وتمكن الشيطان منه, وتهديده المستمر للزوجة بالقتل مما جعلها هي تقوم بقتله , فاي زوجة عاشت ظروفها كانت حتتصرف نفس ظروفها خصوصا انها طالبت الزوج بالطلاق ولكنه ابى لظنه انها ستتزوج بالشخص الذي في مخيلته بانها تخونه معه, هنا سؤال مهم يطرح نفسه , اين كرامة الرجل فرضا ان الزوجة تخونه لم لا يطلقها ويحفظ كرامته لم يفرض نفسه عليها ويابى ان يمنحها حريتها فهي لو خائنة لا تستحق ان تكون على ذمته وتحمل اسمه وتصون شرفهة اما اذا كانت بريئة فبدل من يعيش نفسه في جحيم وتكون نتيجة لا يحمد عقباها لم لا يطلقها تبقى دائما كرامة الرجل تلعب دورامهماان كانت الزوجة من تطلب الطلاق لكن كان لابد من التيقن حتى لو كان هناك شك يجب التاكد حتى لاتكون حياة الزوجين جحيما بدل حياة سعيدة. اما من ناحية الفيلم فاهم شيء اتسم به الاحترام ليس كما اعتدنا ان نرى في الافلام المصرية .
مع كامل احترامى لتحليلك .. الا ان التحليل ابتعد تماما عن سكة الفيلم .. وعن قصة الفيلم تماماً بشكل لم الحظو من قبل على نقد الفيلم ..
نادية لم تقتل اكرم ..
برجاء قراءة تقرير الطب الشرعى الموجود فى نهاية الفيلم .. قراءة بدقة شديدة .. وربطه وربط احداث الفيلم خلال ال 19 دقيقة كلها ..
وفهم ما يراه اكرم
الفيلم محتاج شوية تركيز يا جماعة عشان نفهم كل تصرف قام به اكرم ..
ومش اقصد ان الفيلم دماغة عاليه قوى .. لكن فيه تفكير شوية فى علاقة اللقطات ببعض
اسف للاطالة
ناجى العلى
مخرج مستقل
روعة ما شاء الله عليك بجد يا اخ ناجي إالى الأمام
على فكرة البنت أدائها كان جميل جدا بس كانت محتاجة شوية إنفعال اكتر بمعنى ان اي واحدة مكانها بتبقى عصبية هي كانت شوية هادية حتى و هو بيضربها
كمان مفيش واحدة ست بتهدد جوزها بالقتل بسبب الغيرة
ممكن اما انها تطلب الطلاق أو لو حتهدده و عايزة تغيظه ممكن تقول انت مجنون و حوديك بإيدي مستشفى المجانين او اي حاجة زي كده او تقول اه اعرف واحد أو غيرها من ردود الفعل اما كونها تقول حقتلك يعني جملة مبالغة
بس الأداء رائع جدا
الفكرة رائعة و هو هادف
و الله لم أقصد بالنقد المهاجمة بل قصدت النصيحة عشان العمل القادم يطلع احسن
و ان شاء الله نشوف اعمال ليك تاني اروع واروع الى الأمام
هناك ثلاثة أمور لفتت نظري في الفيلم:
أولا: الأداء الرائع والمتميز للممثل والممثلة والمخرج العبقري حيث أدى الثلاثة ادواراهم أمام الكاميرا أو خلفها باقتدار وحرفية.
ثانيا:بساطة الأمكانات لاتمنع من تقديم عمل فني راق حين يكون هناك رسالة وذوق فني!
ثالثا: العمق والثراء في مدلولات الفيلم سواء من الناحية النفسية والاجتماعية أو من الناحية السياسية حيث أن الزوج ضابط شرطة وحالته تجسيد رائع للسلطةالتي تعاني من العجز والشكوك وتمارس الاستبداد والتسلط وتسير نحو الهاوية.....
تحية للمخرج الذي سبب اسمه التباسا طيلة الدقائق الأولى من المشاهدة
وتحية للمثلين القديرين السباعي والحسيني
وبانتظار المزيد من الابداع والتألق
وكل عام وأنتم بخير
الفيلم ليس جميل وأتمنى أن يعرض
النص جميل واتمنى من المجهول أن يعرف بنفسة وبسرعة اذا كان رجلا
أردني من بني حمد
السلام عليكم ورحمه الله وبركاته
معلش يا اخ ناجي طالما دخلت قصه الاخراج واجب عليك انك تستفيدمن نقد الفيلم وتعرف ان اراء الناس مهمه ليك ولازم تاخدها مقياس ليك علشان تنفعك في الاعمال القادمه وياريت متزعلش من النقد ده مش انت اللي صح والناس كلها غلط لازم تصحح العيوب اللي الناس انتقدتك عليها ربنا يوفقك .....السلام عليكم
شكراً على تعقيبك .. ولكن من اخبرك اننى انزعجت من النقد ؟؟
سيدى .. لم يبدر منى اى فعل يدل على استيائى من النقد ..
كل ما هنالك اننى اوضح وجهة نظرى فحسب كما يطلب الزملاء ..
وحكاية مش انت اللى صح والناس كلها اللى غلط .. فدى مش محك لقياس مدى النجاح ..
المهم كيفية النقد وليس كميه النقد
افتكر معايا مصير فيلم صلاح الدين وباب الحديد لشاهين فى اول تاريخهم ..
او فيلم بين السماوالارض لابو سيف ..
اعتقد ان الموضوع نسبى مش مطلق .
تحياتى
ناجى العلى
مخرج مستقل
الفيلم تمام يا ناجي وعلى فكره هو فيه بعض الرتوش البسيطه اللي ناقصاه يعني حركة الكاميرا كانت حلوه جدا جدا لكن عند القطع فيه زوايا سامحني في قولي لك انك مش ظابتهاوعلى فكره انا عايز اقولك مبروك لانجازك ده لان كفايه جدا انك ماوقفتش قبل كده في لوكيشن تصوير ومطلع فيلم بالبراعه ديه حقيقي يا ناجي انت بارع
يا راجل من حلاوة فيلمك انا نسيت اعرفك بنفسي
انا خالد محمد اخرجت عمل قبل كده لقناة المحور لكن للاسف لم يعرض لمشاكل في الانتاج وبأذن الله هايتعرض في قناه تانيه
وانا كمان باجهز لفيلم قصير قريبا تصويره بأذن الله
وانا حقيقي سعيد بعملك الرائع ده
يعتمد المباشرة و تسلسل غير واضح للأحداث
القصة غير منطيقة وهو متوهم لمدة سبعة سنين، الصوت يوجد مشاكل، تقنية، الصوت البشري غير واضج، اما المؤثرات لاتتناسب مع موضوع الخيانة.
التجربة ممتازة جدا لاني أعلم كيف تخرج و تنتج فيلم بموارد تكاد تكون بسيطة لأني لمست هذا الامر و أنا أخرج أول فيلم تسجيلي من أنتاجي فتحية عميقة و كبيرة للمخرج ناجي و للممثلين هبة و محمد السباعي و أخص الممثلة هبة لان دورهاأتقن.
الى التقدم الدائم