مشاهد.. مصرية جداً!
مشهد رقم واحد:..(فووووووق)
طائر رقم 1: عطسي
طائر رقم 2: يرحمكم الله
طائر رقم 1: احنا طايرين فوق ايه دلوقتي يا هايش يا أخويا
طائر رقم 2: القاهرة يا أبو الديول
طائر رقم 1: حاسس اني هموت هنا والله أعلم، الأنفلوانزا شادة حيلها عليا قوي!
طائر رقم 2: أصبر يا ابو الديول، انت طائر مؤمن، ولاتدري نفس بأي "أرض" تموت!!
طائر رقم 1: هي بس الفكرة يا هايش، إن الواحد يضمن يموت في الأرض!
مشهد رقم اتنين: (تحتتتتتتت.. في الأعماق)
ميت رقم 1: الناس اللي فوق دي عاملة دوشة ليه؟
ميت رقم 2: يفترض يا عطوة انهم بيدعبسوا علينا
ميت رقم 1: وهما لقونا ولا لسه
ميت رقم 2: تقريبا لأ، بس سيبهم يشتغلوا، لان الواضح انهم اصطادوا سمك كتير كان بياكل في جثثنا
ميت رقم 1: تفتكر هيقبضوا على صاحب العبارة اللي كنا راكبينها
ميت رقم 2: والله هي آخر الأخبار بتقول إنه طلع "مختل عقليا"!
ميت رقم 1: معنى كده إنهم هيعبثوا بـ"أعضائنا التناسلية"!
مشهد رقم 3.. بين فوق وتحت (مبنى ماسبيرو)
استديو 1.. نشرة رياضية: هذا وقد تم الإعلان عن منح مكافأة نقدية تصرف فورا لكل لاعب قدرها مليون جنيه.
استديو 2.. نشرة اخبارية: وقد أصدر مجلس الوزراء قرار بسرعة صرف المكافآت لأهالي الغرقى، وقد تم الاعلان عن أن اجمالي مبالغ التعويض تساوي مليون جنيه كاملة، تصرف لأهالي الغرقي، وقد أصدر الرئيس تعليماته بالتسهيل على اهالي الغرقي، فسيتم التغاضي عن احضار شهادة الوفاة، لكن الشرط البسيط هو احضار جواز سفر المرحوم الذي ركب عن طريقه العبارة..
استديو 3.. قناة النيل للأسرة والطفل: والجمل يا أطفالي هو سفينة الصحراء، كانوا بيستخدوموه زمان في رحلات الحج، لإنه بيمشي فترة طويلة في الصحرا من غير ما يعطش أو يجوع.. والأهم أنه مبيغرقش!
مشهد رقم 4: فوق قوي قوي
مسطول 1: واضح اننا طلعنا فوق قوي، الحمد لله أن الحكومة مشتغلتش في الحشيش، كان هو كمان يبقى مضروب
مسطول 2: وليه بس تجيب سيرة الحكومة، هي ناقصة فوقان، أنا نخاشيشي لسه وجعاني من كتر زعلي على اخويا اللي غرق
مسطول1: تفتكر الحكومة هتعمل نصب تذكاري للغريق المجهول
مسطول2: أساسي، وهي الناس دي موش غرقت عشان مصر
مسطول1: والنصب ده يتعمل فين؟
مسطول 2: في أي حتة بتشتغل فيها الحكومة
مسطول 1: يبقى الحمد لله، الحشيش هيفضل في حاله، بس ربنا يستر وميرفعوش عنه الدعم!
مشهد 5: استاد القاهرة
أحمد حسن: آسف يا ريس، ضيعت ضربة الجزاء
الريس زكريا: ولا يهمك يا حمادة، أنا بقالي خمسة وعشرين سنة مضيع مصر كلها!
مشهد 6.. (مشهد حقيقي جدا حدث بالفعل اليوم في خطبة الجمعة بمسجد الاستقامة بميدان الجيزة)
الخطيب: اقتلووووووووووووووووهم، عليكم بهم، لقد سبوا رسولكم، قالوا عليه كلام قبيح، اقتلوووووووووووهم.. لقد أمر الله بقتل الذي يسب النبي حتى ولو تاب، لا تقبلوا الاعتذارات، زبدة لورباك لن تنفعكم بشيء، اقتلوووهم..
خارج المسجد:
المشتري: يا اخي بقولك هاخد منك السي دي المضروب بخمسة جند بس
البائع الملتحي: مبحبش الفصال، يلعن (...) أهلك يا شيخ، هتخلوا الواحد يكفر
ملحوظة: الخطيب ما زال يخطب بالداخل!
مشهد رقم 7: الواقع الافتراضي
أحد أصدقاء الماسينجر: اللي هموت وأفهمه فعلا، ليه الشعب المصري يقبل اعتذار احمد حسام على اساءته للمدرب بتاعه، وميقبلش اعتذار الدنمارك على رسوم كاريكاتير عبيطة..
أنا: يمكن لإن أحمد حسام بيلعب في المنتخب، انما الشعب الدنماركي بيلعب معانا الدنيئة!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
مقال رائع خصوصا مشهد رقم خمسة
مقال جميل الله ينور عليكم
وخصوصا مشهد العبارة...
ربنا يرحم الجميع..الى مات..والى لسا هيموت..
عزيزي البراء
أعنقد أنك أذكي من أن تقع في فخ القوالب الحكومية للمتدينيين.
مشهد المسجد لم يكن له داع و لو كان حقيقا
يابراء ، آخر حتة في المقال أعتقد ملهاش أي لازمة .. وكان ممكن علاجها بطريقة أفضل من كدا
الدينمارك لم تعتذر يا سيد براء ، والمجلس الأوربي بأكمله "يتضامن مع الدينمارك" ضد الأمة الإسلامية وضد الاعتذار
إديني اعتذار مكتوب رسمي .. لا يوجد
اعتذار الصحيفة كان حاجة كدا زي ذر الرماد في العيون
وربنا يهدينا وإياكم
لن نقبل إعتذار الدنمارك حتى تصدر قانون يجرم المساس بجميع المقدسات .
حتى انت يا براء تسخر من الملتحيين وشيوخ المساجد يا ويلي ؟
هل اضحت هذه الفئه هي (المسخه) التي كلما اراد احدا ان يسخر اتخذها هزوا
ما كنت انتظر منك ذلك يا براء
لعلها غلطه ولعلها زلة ولكن بالتاكيد ما كنت تقصدها
ربنا يهديك يا براء مشهد خمسة ده مالوش اى لزمة وبعدين احمد حسام ده قلنا عيل وغلط انما لما الدنمارك تغلط هى مش عيلة وفى مين كمان وهو فين الاعتذار اللى هى قدمته
رائع وحقيقى كل المشاهد واقعية ومن مصر المحروسة
بس ماكنش لية لازمة تعطي للناس انطباع بتلك لصورة السبية للملتحي ..
وناقصك كتير بس محاولة جيدة
واللى شايف ان مشهد مالوش لازمة ف الغالب ما يقدرش ينكر انه موجود مثلاالاخت اللى شابفة ان مشهد خمسة مالوش لازمة واضح انها ما فهمتهوش ودا عادى ناس كتير موش بتفهم مقالات براءوبقية الاخوة متعصبين لاتجاه معين
اما بالنسبة لموضوع الاعتذار فلو حد قرا جريدة الدستور عدد الاسبوع اللى قبل اللى فاتمنشور فيه الاعتذار الرسمى
واما قالبالحكومةللمتدينين فالقالب براء موش واخدوا منالحكومة لان كتيرمن المثقفين بيضعوهم ف القالب دا لكن دا موش معناه ان الناس دى بتتبلى عليهم لان الملتحين مع الاسف معظهم-ان لم يكن جميعهم-على هذه الصورة وليس كل شىء متعلق بالدين او اى حد يتفلسف ويعمل نفسه متدين خلاص بقى شيخ طريقة وحتى لو كان كده مهواش ربنا على
يكون نقده ممنوع
بس النقد لازم يكون بهدف المعالجة
انا موش محامى لبراء لكن حاسس ان دى نقط اتمنى ان اكون فهمتها صح وحبيت اوضحها للاخوة العرب
فعلا الملتحين بتوع المساجد بيعملو اكتر من كدا كمان فى الخطب بتاعة الجمعة
وشعب مصر مقبلش الاعتذار لانة للاسف يشعر بالنقص الشديد
ما اكثر المشاهد المصربه جدا والغريبه جدا جداالتى نشاهدها كل بوم,اصبح من الطبيعى ان تسمع فى يوم من الايام ان قبطان العباره كان اهبل ومعتوه وكئان كل مسئول فى مصر المحروسه يتبع سياسه (فاستخف قومه فاطاعوه)...عجبى
السلام عليكم..
بدية أشكر كل الإخوة المعلقين على اهتمامهم، وبالنسبة للمشهد الذي سبب إزعاج للبعض، فإن لي توضيح بسيط أرغب في قوله..
المشهد المذكور هو المشهد الوحيد الذي لم يتدخل فيه خيالي، فقد حدث بالفعل أمام عيني أمس الجمعة بمسجد الاستقامة بالجيزة، سواء ما قيل في الخطبة أو ماقاله البائع الملتحي.
وبالتالي فانا لم أقع في فخ الحكومة وتكريسها لصورة المتدينين ، ولم أختلق موقفا.
الأمر الثاني هو أني حتى ولو كنت تخيلت المشهد، فإن هذا حق لي، خاصة وأن صورة المتدينيين بعيدا عن الحكومة ليست على الوجه الذي يشرفهم.
النقطة الثالثة متعلقة بالتعليقات الـ"هائجة" بخصوص أزمة الدنمارك، وبصراحة لا أملك تعليق واحد سوى.. ربنا يهدينا جميعا.
سلام
الدنمارك غلطت اة
واعتذرت اة
خلااص خلصناخلااااااااااااااااااااااااااص
انتو بتفهمو ازاى يابشر بتفهمو ازاى
قلنا خلاص ولا ههههههه عاوزينهم ينطقوا الشهادتين علشان ترتاحو
دا كلام ؟؟؟؟؟؟؟
انتو سدقتو ما لقيتو قلنا عملو كدا واكتر فى باقى الانبياء خلااص
واللهى بقى معنى الاسلام عندهم هو اللى بيعملو الزرقاوى واخواتة
يدبحو ووراهم لا اللة الا اللة
طيب عاوزين اية تانى
لازم صورة الاسلام تتصحح من البداية
اخيرا احب اقول خلاص الدنمارك غلطت واعتذرت والاعتذار فى الاهرام
يبقى نقبل الاعتذاااااااار
والله و الله و الله ...انا بشتغل في مؤسسة صحفية كبيرة ..ومش بلاقي الأسلوب الجميل ده ,ولا الأفكار الرائعة دي ,ولا الحماس الملتهب ده عند الشباب اللي في سن شباب عشرينات و اللي اكبر من سنهم عشر سنين
ربنا يوفقكم و يبارك لكم وتبقى عشرينات مؤسسة صحفية كبيرة ..اكبر من الاهرام..شفت وقعت بلساني ازاي !!
احد المصريين الصعايدة يبكي بحرقة كبيرة امام مركز الانقاذ في سفاجا
الصحقي : هل مات ابوك في العبارة ؟؟
الصعيدي : لا ابويا مات في حادثة قطر الصعيد من سنتين
الصحفي : يبقا اكيد امك
الصعيدي : لا امي ماتت في اتوبيس الموت في طريق بني سويف اسيوط
الصحفي : امال مين اللي مات ؟؟؟
و في سره ( حنقتني )
الصعيدي : اخواتي كلهم ماتوا في العبارة
الصحفي ( و هو يتنفس الصعداء ) : عشان كده بتعيط ؟؟
الصعيدي : لا انا بعيط من الفرحة لفوز مصر بكاس افريقا
يا براء يا حبيبي حد قال ان مفيش ملتحين اخلاقهم سيئه.؟ كلنا عارفين انهم موجودين
بس ليه نسلط الضوء عليهم طيب مهو في ملتحين زي النسمه دول اولى ان احنا نتكلم عنهم
وبعدين كل السينما والمسرح والصحافه بتسئ للمتحين بمناسبه وغير مناسبه نروح احنا كمان نسيء ليهم طيب ليه يعني
الناس خلاص بقت بتاخد الملتحي انه سيء الخلق حتى يثبت العكس مع ان الاصل في الملتحي حسن الخلق
والنتيجه انت شايفها الاخ اللي قال اغلبهم ان مكنش جميعهم مش كويسن
ولا انت يا يا براء يا صحبي هتعمل زي المخرجات اللي يجبولك اسوا ما في المجتمع ويقولو مهو موجود؟
مهو موجود بس احنا عايزين الضوء يسلط على النماذج الحسنه مش السيئه عشان الناس تعرف الصالح من الطالح
وربنا معاك
عزيزي البراء
لقد عبر الأخ عبدالله مفتاح عما بجول بخاطري.
فلقد درج الإهلام الحكومي على تنميط صورة قبيحة لكل الملتحيين و لكل من يعتاد المساجد حتى أصبحت تلك الصورة حقيقة في اللاوعي.
قد يكون المشخد حقيقة و قد بل يكون، و لكن أذكرك و نفسي بقول الرسول الكريم:"ألا سترته"!
في الجوقة الكثير بالبفعل، كان بمكن المعالجة بطريقة أخرى
حرام اما عادل امام السافل يشوههم شوية ونور الشريف شوية ويوسف شاهين شوية.....وانت تأتي لتكمل.....طب مين يظهر المحاسن.
وأقسم بالله العظيم غير حانث في يميني ان شاء الله ان هذا الموقف بهذا الشكل لم يحدث .
وأقسم بالله لاجاجنك عن هذه الكلمات التي كتبت يوم القيامة ومش هسيبك عنده غير اما يفصل لاحدنا.....الا ان تتحلل مما كتبت .
عيب عليك .....اتق الله.....هنلاقيها منين ولا منين....!!!!!
بجد هايل هايل مش هقول غير هايل
انتوا مستغربين ليه من المشهد الخاص بالشيخ؟
الكثير من المتدينين يؤيدون قول ابن كثير في ان من يسب الرسول جزاؤه القتل ودون استتابة اذا ثبت عليه السب وبالتالي فانهم يرون انه لابد من قتل رسامي الكاريكاتيرات المسيئة بل ورئيس تحرير المجلة ايضا ويقولون ان من يقتلهم يثاب من الله علي فعلته المجيدة!!!!!
وتعليقي هنا اننا اذا فعلنا هذا فاننا نقول لهم ببساطة انكم رائعون نجحتم في رسمنا في كاريكاتيراتكم كما نحن بالفعل ارهابيون ومفرقعي قنابل.
وسلام
Dabdoob
هو صحيح مقال تحفة ماحدش يقول غير كده..بس سخيف أوي إنك تساوي بين ضربة جزاء هايفة بيلعبها واحد هايف في ماتش هايف كلهم هيافة في هيافة ..وبين واحد سب رسولنا و حبيبنا صلى الله عليه وسلم.. واللي بيقول اعتذار في جريدة الدستور يقراه عدل وهو يكتشف اد ايه هو ضحك على الدقون وماهواش اعتذار أصلا ده بالعكس اعتذار مهين لينا جدا....طبعا نقبل اعتذار أحمد حسن ولا نقبل اعتذار ادانمارك لأنه مش اعتذار أصلا ولو بلناه نبقى هبل و نستاهل
الاخ basmatokom
طب هترفض الاعتذار
احب اعرف انت عايز ايه ؟؟؟
رقبة الرسامين عشان تطبق عليهم حد ساب الرسول؟
يا جماعة الناس دي اخر حاجة عندها الدين ده غير ان رسمنا بالصورة دي بيعبر عن صورتنا عندهم ببساطة
بمعني اخر اليهودي لو احنا رسمناه هنرسمه بانف طويلة معقوفة وفي موقف بيعبر عن عشقه للمال بنفس المنطق هم شايفينا ناس عنيفة عابشة في عصر ما قبل التاريخ وبيضطهدوا المراة والاقليات
وده اسمه SELF-REFERENCE CRITERION اي معيار الرجوع للذات يعني انك بتشوف الحاجات من خلال نظرتك الشخصية وثقافتك المحيطة
وسلام
Dabdoob
تحية خالصة مني لك يا براء
المشاهد مصرية جداً فعلاً
و تحية خاصة مني لصاحب المشهد الثامن
جامد جداُ
شكرا على اللي نصفني وسط هدير المدافع المطالبة بازالة ما يسمى بالتهكم على الصعايدة بس بجد انا مقصدش اتهمك على حد
اولا : اغلب اللي ماتوا في العبارة و يموتوا في مصر صعايده
ثانبا : التعليق منقول من كاريكاتير في جريدة الدستور المصرية بتصرف مني ( انا اه )
وبعدين براء مساواش بين موضوع الاساءة وضربة اجزاء هو عرض بعض الصور والناس هى اللى خلط ف التعليقات بينهم
لكن انا لسه حاسس ان ف ناس مافهمتش مشهد5
انا قرأته فى الدستور هما كانوا بيقولوا احنا بنعتذر عناى اساءة لاى حد يعنى بالعربى كده مسلم مسيحى يهودى مافيش مشكلة المهم اهو اعتذار وخلاص وبعدين احنا المفروض نستفيد من ردة الفعل دى نخلى الناس ترجع لربنا تانى علشان ربنا ينصرنا وعلى العموم الموضوع انتهى هم بيغلطوا فى اىحد حتى مش بيحترموا نبيهم نفسه حيحترموا نبينا احنا دا فى فبلم المتخصص بتاع سلفستر ستالونى الراجل القنبلة تنفجر فى وشة اهى خلاص رفع راسه للسما وقالfuk you ازاى نطلب منهم يحترمونا وهم مش بيحترموا انبيائهم
انتو قلتو كل الكلام مابقاش عندي شئ اقوله ((((واكرم المشهد بتاعك رائع لانك ضحكتني على خيبتنا)))) والا ء(((دا اصلا مخطط السينما الامريكيه عشان لما حد يشوف ممثل امريكي او عالمي بيعمل اي شئ يتخذه قدوه ويعمل زيه سواء بقى صح اوغلط المهم التقليد الاعمى وبس
ونصيحه والله ياجماعه بلاش النكت او التريقه على الصعايده خلوها احسن ع اليهود وبدال ماتقولو واحد صعيدي خلوها يهودي (((مع العلم انا مش صعيديه )))
الي نفين اهدي هده النكته ونبقي كدا خلصين بعد ادنك يا اكرم فاكرة اهي زي بتاعت الملكه تيز
اكرم هو انت معرفتش
مش الام مماتتش ف الاتوبيس لا ربنا نجاها و راحت بنى سويف و ماتت هناك ف قصر الثقافه
ربنا يرحم الجميع
طبعا مقدرش اقول الا هو دا البراء
رائع كالعاده وخصوصا المشهد 5 ملوش حل يا براء و الله
هبهوب يعنى اشد شعرى
فين النكته
بصي يا نيفين دايما هبهوب بتنفضلك و مالكيش قلب حنين غيري عشان كده هقولك نكته بالنيابة عن هبهوب و كلنا اخوات و لا فرق بين عربي و اعجمي المهم
مرة واحد مش صعيدي اتجوز واحدة امريكية عندها ايدز جابلها بلهارسيا
او "العكس" .
منظرنا لوحده فعلا نكته يا نفين . حاجه كمان انا خلاص هعتزل الكمبيوتر . اللي ما قولتيلي حتي الايميل ايه . واقصد هنا الييييياهو ثانيا : الدراسه بدات وحاجات تانيه كتتتتتتتير فا لو دخلت يبقي بالصدفه وحتوحشوني كلكم . واهي اهي .وعدرا صاحب المقال .
براء (اسم جميل جدا)
فى حد يسمى نفسه براء ... D :P:
لا والله الاسم ده عاجبنى (عبادة) من قريش
COMMERCE_egypt@HOTMAIL.com
انا من مصر ارحب بكل المنتدى خاصة الشباب واعو الشباب المشاركة فى الحزب الوطنى الديمقراطى خاصة بعد التصريحات التى اجراها السيد جمال مبارك امين السياسات بالحزب الوطنى على تفعيل الشباب واهمية المشاركة لهم هم المستقبل
بصراحه المقال اقل ما يقال عنه انه رائع لاكن هناك شائبه واحده تشوبه وهي بخصوص التعليق الاخير وهو ان الشعب قبل اعتذار احمد حسام لانه لم يكن خارجا عن الحد ولاكنه مجرد اعتراض ولكنه لم يسب الكابتن حسن شحاته او يلعنه او يضعه في رسومات كاريكتريه وحتي ان فعل ذلك فانه حسن شحاته وليس الرسول الكريم عليه الصلاه والسلام
بس كنت عايزة اعلق على حاجة ان خناقة احمد حسام والمدرب مهما كانت فهى لا تقارن باساءة الرسول من الدنمكارك لا الرسول صلى الله عليه وسلم حاجة تانية خالص حتى ولو كان هزار
mona_mohamad10@yahoo.com
لما يكون بلد بيحكمها شخص غير موهل لمكانة الى هوه فيها
كل همى ان يظل على الكرسى ولا يسمح بظهور اى شخص تانى ممكن مستقبلا انه ينافسه على مكانهوفى نفس الوقت يحيط بيه مجموعة من المنتفعين همهم الحفاظ على كراسيهم والى نهبوه فاكيد شى شى متوقع ان يحدث
اولا اسلوب المشاهد أكثر من رااااائع ولكن المادة نفسها وكلها غير واقعية بالمرة واختيار المواضيع غير موفق اطلاقا هي ليست مشاهد مصرية فهى ممكن ان تحدث فى اى مكان فمثلا مشهد الطيور مأخوذ عن حادث قدرى صادف ان يكون فى مصر فى هذا التوقيت وهو منذ اكثر من عام كان موجود فى هونج كونج ( اشمعنى مصر يعنى ) وكان أولى أن تسخر من موضوع واقعى مثل ارتفاع اسعار قطع غيار السيارات بالرغم من تخفيض الجمارك ومشهد المساطيل أيضاً غير واقعى لأن ادمان الحشيش ما بقاش موجود فى مصر دلوقتى زى زمان واحنا شبعنا سخرية منه زمان وأيضاً موضوع العبارة اللى غرقت موضوع قدرى وان كان الإهمال هو احد اسبابه ولكنه لايحدث كل يوم عبارة مصرية تغرق وكان الأولى انك تختار موضوع بيحصل كل يوم زى موضوع أزمة المواصلات والمرور احنا كلنا بنعانى منه كل يوم وكل ساعة وكل دقيقة وهو موضوع مصرى مصرى يعنى 100% مصرى ولسة ماشبعناش سخرية من هذا املوضوع وممكن تطلع منه بمادة فكاهية حلوة وانا عارف انك تقدر و منتظر منك حجات كتير حلوة فى هذا الموضوع أما عن موضوع نشرة الأخبار فهو اختيار جيد لأ ممتاز أما موضع الهدف الضائع من احمد حسن فهو أيضا موضوع قدرى الراجل ماكانش يقصد يضيع الهدف لكن معاك حق الريس زكريا كان يقصد يضيعنا وانا عارف ان هوة دة المقصود من المشهد وهو النكتة وعارف انك ماتقصدش تعاتب احمد حسن أما بقى بخصوص موضوع الشيخ اللى فى مسجد الإستقامة فأنا رأيى انك تغير المسجد يعنى تصلى فى مسجد آخر مايكونشى نفس الشيخ اللى مش عاجبك بيخطب فيه وأنا أضمن لك انك مش حتسمع الكلام اللى سمعته ده تانى ولا حتى كلام شبهه أو من عينته لأنك أعطيت انطباع سيئ لمليار وميتين ألف مسلم بالتشدد والتعصب والتسرع والهمجية فى حين ان الحقيقة غير كدة وما تنساش ان 99% من شيوخ المساجد كانت تتطالب بالمقاطعة والحوار وهذا حق مشروع لا يستحق الجدل ولا السخرية أما الناس اللى بتبيع سيديهات مضروبة قدام مسجد الأستقامة أناعارفهم كويس وياما اتلدعت منهم كتير واحب اقولك يا براء ان دول مش شيوخ ولا حاجة زى ما انت فاهم دول عاملينها سبوبة ومايصحش اننا ناخد العاطل بالباطل وكان ممكن تستبدل مشهد الشيخ فى المسجد بموضوع واقعى بنعيشه وبنعانى منه وهو مشاهد الفيديو كليب الخليعة فى التلفزيونات العربية والتى أصبحت لا تروج إلا لفكرة واحدة وهو ان الإبداع لا يوجد إلا فى حجرات النوم فقط وهى السمة الغالبة فى اغانى الفيديو اليوم وأخيرا انت فنان موهوب جدا جدا وممكن تعمل حاجة لبلادنا مفيدة ولكن راعى الدقة فى المواضيع التى تكتب فيها
نصيحـــــــــة
حاول ان تكتب فيما يمس الناس قوى ولا تكتب فيما هو شائع بين الكتاب الكبار وذلك لكى تكون لك ( كاريزما ) شخصية مستقلة
نسيت اقولك رأيى فى المشهد السابع على فكرة صحيح احمد حسام قدم اعتذاره للشعب المصرى وحسن شحاتة لكن اللى ليه الحق انه يقبل الأعتذار أو مايقبلش هو الكابتن حسن شحانة وحده لأنه هو المغلوط فى حقه أما بالنسبة لرسامى الكاريكاتير الدانيماركيين بصرف النظر عن اعتذارهم على صفحات الجرائد أم لا فالشعب المصرى مالوش دعوة يقبل أو ما يقبلش اعتذارهم لأن المساء اليه هنا مش مصرى ثم ان مين اللى قاللك ان الشعب المصرى رافض الأعتذار أو قابل هل انت شخصيا قابل الأعتذار ؟ يعنى ممكن اشتمك مع وعد منى انى اعتذرلك بعد ساعتين أنا أراهن انك سوف تقاطعنى خلال الساعتين وممكن بعدهابساعتين كمان وممكن تقاطعنى على طول ويبقى من حقك فما بالك برمز المسلمين يهان وأفضل البشر على الأطلاق
كان من الممكن ان يستبدل هذا الموضوع ب أو أو أو أو أو أو أو من الأشياء الموجودة فى مصر فقط ولا توجد فى أى بلد أخر وشكرا لسعة صدرك يا صديقى براء
الموضوع جميل جداااااا والمشاهد واقعية جداا جداا
نيابة عن المهندس الواجهة / ممدوح إسماعيل وإل وراه وإل مش واجهة
i'M SORRY لكل الغرقى السابقين وإل لسه حفرقهم إن شاء الله ..
المفروض بعد كده محدش يتكلم فى الموضوع ده طالما قلت لهم i'M SORRY
عذرا انا لن اعلق انا مثل مايقولو فاصل ونواصل انا دخلت اتفرج اشوف وين وصلت مصر ام الدنيا زي مايقولو لكن احب انبه ان مسبة الملتحي واهل الدين حرام والدليل قوله تعالى [[[[[[[قل اباالله واياته ورسله كنتم تستهزؤن لا تعتذرو قد كفرتم بعد ايمانكم]]]]]]]]] وهذا فقط للتنبيه وشكرا للموقع وطاقمه الا كثر من رااااااااااااااااااااااااااااااااااااااااائع '''''''''''''''''''''''''' ريم
كلام حلو قوى وافكار خرافة بس عيبك السخرية من الملتحين ومتحولش تكررها تانى
كلام جميل وبيعلق عن السياسة بشكل كوميدى لذيذ ولكن موضوع الدانمارك ساذج اللى بتتكلم عنة لانهم سخروا من رسولك اى من دينك اى من تاريخك وحياتك وعقيدتك ازاى بتقارن دى بحكاية ميدو.
أن المسلسل المصري جدا بايخه