قاموس الملتزمين..
بجانب القاموس الإنجليزي – عربي، والعربي إنجليزي، وباقي القواميس التي تترجم من لغة إلى أخرى، هناك قواميس عديدة داخل المجتمع الذي يتكلم لغة واحدة أيضا، والتي ترتبط بالمرحلة العمرية مثل قاموس الأطفال وقاموس الشباب وقاموس الكبار، ويتنوع كذلك حسب الفئة التي يحتك بها الفرد، فمثلما يوجد قاموس للشباب الـ(Funky)، هناك أيضاً قاموس لشباب المساجد.
"الأخوة والحب في الله"، هي المدخل الذي يتبعه معظم الملتزمين في التعامل والدعوة إلى الله، لذلك تجد هذا الجزء من القاموس عند المتدينين غني للغاية، فهو فياض بالمشاعر والكلمات.
ويمكن ملاحظة ذلك في الألفاظ التي يتم ترديدها في تعامل الشاب الملتزم مع الآخرين، مثل قوله: (أخي أو أختي في الله وأخواني وأحبائي)، وبجانب هذا، تنتشر أيضاً بين الملتزمين أدعية بعينها مثل: "ربنا يكرمك"، "ربنا يعزك"، "بارك الله فيك"، حتى أنها تصبح لازمة في الكلام، بل وتستخدم كفاصل أحيانا بين الكلمات أو المواقف.
ويكثر هذا الدعاء في حالة ما قدمت لأحد منهم خدمة ما ظنا أنه نوع من الوفاء بالأجر، فبعد "جزاكم الله خيرا" قد يقوم بالإلحاح في الدعاء لك كنوع من الحب والتقرب أيضا، وإذا رأى شيئا أعجبه فتجد كلمتي "سبحان الله" أو "ما شاء الله" انطلقت منه تلقائيا.
ذقون تيوانى
وكما ينظر جيل الآباء للشباب على أنه متهور، وينظر الشباب للآباء على أنهم معقدين، وكذلك ينظر الشباب (الروش) للملتزمين على أنهم إرهابيين، فهناك أيضا قاموس يتعامل به الملتزم مع غيره، مثل وصف من ترتدي الحجاب على بنطلون (محجبات عمرو خالد)، أو وصف الحجاب اللاتي يرتدينه بـ (طرحة تنتوشة).
أما الأشخاص الذين يطلقون اللحى ولا يلتزمون بتعاليم الإسلام فيوصفون غالبا بـ(ذقون تيوانى)، وذلك لأن تايوان تقوم بتقليد معظم صناعات الدول الأجنبية.
وانتقالا للتعاملات، فعندما يتحدث غير الملتزم عن شخص قام بخطأ ما، فغالبا ما يقول فلان "ربنا يهديه لا يواظب على الصلاة مثلا" أو "ربنا يهديه ويهدينا"، وإذا ما تحدث الملتزم عن المشكلات التي يقع فيها آخر، غالبا ما يكون الرد "هدانا وإياك إلى ما يحب ويرضي".
جماعات جماعات جماعات
وتختلف الألفاظ بين الجماعات بعضها البعض، ورغم من أنها نفس الألفاظ، لكنها تختلف فيما هو مقصود منها فمثلا جماعة التيار (السلفي) لا تطلق لفظ (أخ) إلا على الملتحي، كما لا تجوز الصلاة عندهم وراء الحليق (غير الملتح)، و(الأخت المحجبة) عندهم تعنى التي ترتدي النقاب، هذا بجانب أنهم يطلقون على كل ما هو غير الكتاب والسنة (بدعة) وهى من الكلمات التي يستخدمونها كثيرا.
أما جماعة (الإخوان المسلمين) فقاموسهم ملئ بالألفاظ؛ نظرا لانتشارهم واهتمامهم بجميع الجوانب الاجتماعية والسياسية والدعوية، مثل (الأسرة) وهى عبارة عن مجموعة من الأخوات أو الإخوة يتقابلون دوريا ويتلقون دروساً سويا، وتسمى (أسرة) لأن كثرة الاختلاط والتقابل تجعل علاقتهم مثل علاقة الأسرة.
(يوم إسلامي) والمقصود به الحفلات التي يتم ترتيبها في المساجد أو في المناسبات مثل رمضان وعيد الأم ورجب.
(يوم الساحة أو قوافل الدعوة)، وهو ما يطلق على ما يقوم به الإخوة والأخوات من النزول إلى الشارع سواء بالجامعة أو الأحياء، وحديثهم للناس عن موضوع أو قضية معينة وأحيانا كثيرة يحدث قبل المظاهرات.
ولدى (الإخوان المسلمين) أيضاً عدة تقسيمات، يقسمون فيها الناس إلى مستويات؛ فالأطفال البنات يطلق عليهم (زهراوات)، أما الأطفال البنين فيطلق عليهم (أشبال)، والمنتمين للجماعة يطلق عليهم (الصف)، وأما القريبين من الفكر الاسلامى فهم (المحبين).
كما يوصف الشخص الذين لا ينتمي لأي فصيل، بينما تظهر عليه مظاهر الالتزام، بأنه (أخ منا)، وهي كلمة تقال للتفرقة بين المسلم العادي وجمهور الملتزمين.
بالعربي متدين
ويمكننا أيضاً أن نرصد بعض الألفاظ، التي يستخدمها الملتزمون بكثرة، رغم أن هناك كثيرين يتجاهلونها، فمثلا يكثر ترديد كلمتي (أبى وأمي) عند الحديث عن الوالدين تبريرا لأن كلمة (بابا وماما) من الألفاظ الأجنبية، وتباعا لذلك تحولت (الجزمة) إلى حذاء و(العربية) إلى سيارة، و(كتب الكتاب) إلى (عقد القران)، و(الكم) إلى (معصم)، والزواج إلى (بناء)، والسبوع إلى (عقيقة)، وهكذا.
ويطلق كثيرون على مكان تحفيظ القران بالـ(مقرأة) أو (دار تحفيظ)، أما الدرس الديني الذي يقال في المسجد فيسموه (كلمة أو حلقة)، وكذلك كلمة (مدارسة كتاب...) بدلا من (الاتفاق على قراءة كتاب...).
لا تخالف العقيدة
وحينما وجد الشباب المتدينين أنفسهم في منأى عن باقي الشباب في المجتمع في أسلوب الحديث مما يؤثر على دعوتهم، بدأوا في التخلي عن الألفاظ الجامدة في الكلام ليتعاملوا بلغة أكثر عامية ولكن بشروط وحدود.
وأوضح مثال على ذلك مواقع شباب التيار الإسلامي، حيث تجد عناوين المقالات مأخوذة عن كلامات أغاني مثل (قطعني يا معلم، ادبحنى يا معلم)، و(حشش بحشش فهو حشاش)، و(يخرب بيت اللي عايز يخربها)، و(صباح الدح والأمواس المقطعة الكتب) أو تجد عناوين بعض الأبواب فيها كلمات عامية مثل (الجامعة وسنينها) و(خمسة زغزغة).
وقد انتشر التمدن أو (الروشنة) في وسط المتدينين في الألفاظ التي يستخدموها مثل (واقعة) أو(مش مظبطة) عندما يكون مقصر في عباداته.
سلم تعرف
هذا بجانب السلام الذي يسهل من خلاله التعرف علي الشخص الذي أمامك وانتماءاته الدينية وأحيانا السياسية، فعلى الرغم من أننا جميعا نقول "السلام عليكم"، إلا أنك تجد الملتزمين يدققون على (الألف واللام) في النطق بدلا من "سلامو عليكم" التي غالبا ما تقال سريعاً بين عامة الناس.
واستبدلا لكلمة (يلا باى) وهى الكلمة الشائع استخدامها عندما يكون الإنسان سيترك أصدقائه، تستخدم (يلا سلامو عليكم).
وكما يقال أن اللسان يعبر عما في القلب، فهل تعتقد أن الألفاظ التي يرددها الملتزمون تعبر عما بداخلهم، وإذا كنت لاحظت ألفاظ أخرى تقال، أرسلها لنا لكي نستكمل القاموس..
يلا.. سلامو عليكم
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
" الدين يسر طحن "
" سلام يا منطقه "
"الشيخ دا روش طحن "
كرمله طبعا
" دبدوب اسلامي "
دبدوب طبعا
" خش علي الدش واياك تكش " انا لما اكون خايفه من حاجه ومش عايزه اعملها .
معرفش هو فيه يعني تفرقه عنصريه حتي في الالفاظ
اللاخوان ليهم اسلوب في الروشنه والسلفيه ليها اسلوب في الكلام
ايه في ايه ما اللي عنده كلام بيقوله وخلاص هو يعني لما السلفي يجيب كلمه من الاخواني يبقي كدا سرقوه مش فاهمه يعني ؟؟
وبعدين ايه غيرت الجزمه وخلتها حداء يعني انا لو قلت جزمه ابقي مش ملتزمه
مش فاهمه برده ولو قلت يا دادي يبقي مش ملتزمه ؟؟
اخيرا احنا بقي بنات روشه طحن برده وبتكلم زي البشر اللي حوليهاعشان ميفتكروهاش ارهابيه ؟ حد فاهم حاجه ايها " المطحونين "
اه نسيت الصوره مش ماشيه شكلهم كانوا بيخدوا فسحه في تركيا تقول ايه العرق بيحن غريبه شايفهالابسين جزم برده ؟؟؟
السلام عليكم ورحمة الله و بركاته
أنا أجد أن الحكايه بأختصار أن القلب ينضح بما داخله
فالحكمه العربيه تقول كل إناء ينضح بما داخله
سلام عليكم ورحمة الله وبركاته
انتوا مش لقين حاجه تتكلموا فيها ملها
تحية الاسلام, السلام عليكم دى تحية اهل
الجنة والمسلمين, كمان كلمة سياره وحذاء لا يستخدمها المصريين لانهم يتحدثون العاميه وهى بالغة الفصحى ولكن تستخدمها الكثير من الدول العربيه متدينين او غير المتدينين
مش هيعرف التفاصيل دى غير واحده من الاخوان
احييكى يا مروة ( انا بحب الاسم ده جدا)
وجزاكى الله خيرا
بس انتى نسيتى حاجه مهمه جدا ميفهمهاش غير الاخوان وبتوع خوف الدوله ( الاسم المستعار امن الدوله)
ال DF
شدى حيلك عاوزين مزيد من التقدم ومواضيع اكثر هدفا
الكلام الجاى لهبهوبه
لا يا هبهوبه مش معنى انك بتقولى كده انك مش ملتزمه
بس فى الفاظ معينه منتشره بين الملتزمين وبيحاولوا انهم ينشروها للحفاظ على اللغه العربيه ولانها كانت مستخدمه فى عهد الرسول صلى الله عليه وسلم لان الكلمات البديله ليها كلمات دخيله على اللغه العربيه
والكلام ده ينطبق اكثر على المصريين( الكلام المرة دى لسارة) لانهم مش بيتكلموا بالفصحى زى باقى الدول العربيه
يعني الملتزمين جايين من كوكب تاني و ليهم الفاظهم...
ولا الكلام ده منصوص عليه من اربعتاشر قرن بس اغلب الناس نسيوه
اسمحيلي..بس الموضوع فعلا عبيط..
المعلومة اللي بتقول ان السلفيين لا يصلون وراء شخص (حليق) معلومه خاطئة جدا
لان اغلب السلفيين يصلون خلف (الحليق) وجزء بسيط جدا منهم اللي بيرفض ومش بيرفض رفض مطلق ممكن يصلي خلف ( الحليق)
بس الموضوع مبذول في جهد وجميل
DF دعوه فرديه هاهاهاهاهاهاهاهاهع
انا شايف الموضوع مهم وحاسسه اوي
وفعلا لاحظت ان للملتزمين لغة خاصة شوية
وللمتزمتين منهم لغة رهيبة يعني مثلا انا شفت بعيني اولاد من قرايبي بينادوا ابائهم بابي وامي (مش عارف الاولاد بيتفاعلوا ازاي مع المجتمع باللغة دي) واهلهم كالعادة بيتكلموا طول الوقت عن الفتنة وهي كلمة غير محددة المعالم ممكن تطلق علي اي شيئ من الافكار الي الصور الي الشوارع التي توجد فيها malls الي الملابس في الفاترينات ...الخ وبرضه بيتكلموا ويتجادلوا كتير في تفاصيل خلافية صغيرة اوي
بالنسبة للاخوة الي شايفين الموضوع عبيط يا ريت يوضحوا ليه ؟؟؟؟؟؟؟؟
اما بالنسبة للاخ عبد الله مفتاح فجمهور السلفيين لا يصلون خلف الحليق باعتباره ليس عدلا وقد رايت بعيني هذا الموقف كثيرا ومش جزء بسيط منهم ولا حاجة اللي بيعمل كده (وماتقولش بستقصدك عشان ماضربكش)
وسلام
Dabdoob
ومن هنا ياريت نفرق بين مصطلحات بيتخدمهاالإسلاميين ( خاصة بيهم ) ( زي أسرة وكتيبة ، ومحب ، وعضو عامل ... إلخ ) وبين المصطلحات اللي وضعها الإسلام ، وهما من باب أولى بيستخدموها ....
وشكرًا
( بس هيا مش لدرجة قاموس يعني ) !
جميل اوي الموضوع يا مروة وفيه فكر جديد اصل احنا زهقنا من قاموس الروشنة وقاموس الهلس والشياب ..
وياريت نشوف حاجة عن قواميس تانية زي قاموس العيال والاطفال
السلام عليكم
بصراحه اعجبنى المقال جدا وانا نظرت اليه على انه دراسه اجتماعيه لواقع نعيشه واتحدث عن بلدى مصر
وكل نشاء فى بيئه استنبط منها الفاظا خاصه به
لا ارى فيها ما يعارض الاخر
وشكرا مره اخرى على المقال
أحيانا بشوف ان محتمع الملتزمين محتاج يتباسط( جاية م البساطة)مع الناس مش لازم يبقى ليهم سمت (على رأي واحده أخت
) زي مثلا رنات الموبايل، لو سمعت رنة موبايل نشيد(سنخوض معاركنا معهم مثلا) فتعرف على طول ان ده (أخ) اما لو لاقيته حاطط رنة تانية ومدلع الموبايل ومع ذلك ملتزم فإن من حوله لازم يستغربوا وحاجب ينزل وحاجب يطلع أو يعملوا كده
الأخ أو الأخت إللي كتب تنبية هام بيفرق فيه بين مفوم العقيقة والسبوع كان في هملاحة هامة جداً أحب أنبة ليها وهي إن البدعة في العبادت وليست في العادات.
العقيقة سنة (عبادة يعني) كل إللى بيعملها بيكن بيبتغي الثواب من الله وعارف إنها طاعة عبادة بيتقرب بها إلي الله سبحانه وتعالي، أما السبوع فهو عادة يعني مالهاش دخل بالدين يعني لا يقال عنها بدعة هي مباحة ما دامت لا تحوي محرم، فإذا وت شئ محرم صارت محرمة تبعاًً.
أما لو واحد عمل سبوع معتقد إن هذا عبادة أو سنة هنا تقدر تقول إنها بدعة إنما غير كده منقولش عليها.
فبلاش نضخم الأمور، لأن كلمة بدعة دي بيترتب عليها حاجات كتير معني كده إنها إللي عملها مبتدع ، والمبتدع عنده خطأ عقائدي، يني ممكن يصل للكفر وبالتالي التفرقة بينة وبين زوجتة، ولو أنجب يكون أولادهم أولاد زنا والعياذ بالله.
فكلمة بدعة دي كبيرة ربنا يخليكم ماتقولوش على حاجة بدعة إلا إذا كنتم متأكدين وفيه إجماع علماء على كده، مش كتاب ملون ولا شريط من شيوخ النكت يقول عليها بدعة تبقي بدعة.
ده كان توضيح بسيط
هاني ضوَّه
هيهيهيهيييييي
الظاهر في عركة بين السلفية والإخوان على موضوع السبوع هتقوم هنا..
المهم..أنا شايف الحتة بتاعت قاموس الإخوان "مش متظبط" شوية، يعني ممكن نقول "واقع"، وبعدين انتوا برضو مش واخدين بالكم من حاجه مهمة قوي..
انه في إخوان سلفيين، وفي سلفيين إخوان، وفي طرفين فوسطين، وفي إخوان مش سلفيين (يعني مش على مذهب ابن تيمية)..المهم يعني، ده كله بيطلع قواميس جديدة داخل الإخوان..
يعني ممكن واحد إخوانجي يبقى عنده صب قاموس غير الصب قاموس بتاع التاني..في قاموس أساسي مشترك بينهم وفي صب قاموس، قاموس فرعي يعني..
الموضوع كبيييير يا جماعة!!
وبعدين تعالوا هنا..انتوا لم تشيروا إلى تطور لغات الملتزمين مع الزمن ومعدلات التطور مقارنة بالمجتمع العادي كما ونوعا!!
أنا رأيي انه كما يعتبر متساوي لأنهم في النهاية نفس المجتمع..
انما نوعا..لأ..فرق!
بصي يا"ختي" من غير الف لو بتتكلمي عن الاخوان
احب اقولك من صغري وانا معاهم في مدرسهم اللي هي
"الجيل المسلم" كنا بنقول علي المدرسه "استادة"
والفصول باسماء صحابيات وصحابه" زيد,علي,...."
"اسماء,حفصه,......"
واالعالم السلفيه بغض النظر عن حليق او مش
عمو كان يفقعني بيتين شعر وبعدها بثانيه يضربني
علي قفايا .
اللي عايزه اقوله من الاخر , اتكلمي بللغه اللي حوليكي
سيان اخوان , سلفيه, علمانيه . عشان متحسيش انك
غريبه بنهم او العكس فهمتي يا "بت"
حكاية... الحقيقة ..الفكرة والمقارنة والإسلوب جميل جدا ...
أما بالنسبة للموضوع ...أنا شايف إنه طبيعي جدا إن التعبيرات دي تكون موجودة ... كل واحد بيتكلم بالخلفية اللي عنده .. بثقافته ..بطريقة حياته ..بالمصطلحات اللي اتعود عليها ...
لكن الجانب اللي ساعات مش بيعجبني ... أن ساعات المتدينين " غالبا بيكونوا من الجيل القديم أو الملتزمين جداد أو من المقفولين شوية " بيصعبوا الحكاية ... ساعات تلاقي الكلام مجعلص وكبير و تحس إنه بيتكلم لغة غير اللي الناس بتتكلم بيها ...
طيب ليه يا ابن الحلال ؟؟؟ ده سيدنا النبي لما أرسل لقومه كلمهم وخاطبهم بلغتهم ... بطريقتهم هم ... مش بطريقته هو ....
يعني مش لازم كل الكلام يكون بصيغة ... "الأخ فلان , وإمام الشيوخ " والألفاب الكبيرة دي " اللي ساعات إخواننا في الحركة السلفية بيقولوها " .. كمان ألفاظ من نوعية " الغافلين ,.الفتنة .... "
رفقا بالناس ....
في النهاية بأحييكي تاني يا مروة وبجد فكرتك عجبتني ...
لا للتمديد ... لا للتوريث ... نعم لتعديل الدستور المصري
mohamedmat@hotmail.com
صراحة انا شايف ان فى فرق كبير جدا بين المصطلحات اللى بيتكلم بيها الدعاة مع بعضهم و المصطلحات اللى بيخاطبوا بيها العامة
يعنى مثلا اسرة او كتيبة او دعوة فردية او ربط عام وخلافه كلها مصطلحات دعوية بحته يتاقلها الاخوان فيما بينهم وليس امام الناس
بسم الله الرحمن الرحيم
بداية أنا لست سلفياً -بالمفهوم المعروف الآن بتاع ابن تيمية الحراني- ولست أخوانجياً، فكان التنبية لوجود بعض اللبس فس المفاهيم بالنسبة لموضوع السبوع ده إللى هو من العادات.
بالنسبة لموضوع القاموس فأنا أتفق مع مع الأخوة إللي قالوا إننا نتكلم بالمصطلحات المتداولة والمعروفة في المجتمع، لية نعمل نفسنا كل شوية في حزب ولهم مصطلحاتهمالخاصة ولبسهم الخاص.
هاني ضوَّه
عندى تعليق بسيط يامروه...انتى كتبتى مقال طويل انا كنت مستنيه فى اخره اعرف انتى عايزه توصلى ايه..انا شايفه انك اتكلمتى علي الملتزمين وانتقدتيهم وبعدين ماقلتيش حاجه يعنى ماقلتيش وجهه نظرك هو اللى بيحصل منهم ده صح ولا غلط وليه ..بمعنى تانى ..انتى معاهم ولا عليهم؟؟؟وبرده ليه؟؟
قصدك تقولي "قاموس الإخوان"
لأن كل الكلمات اللي ذكرت في الموضوع كلمات اخوانجية صميمة
يلا باي
موضوع جميل فعلا يا مروة
انا شفته يوم ما نشر بس معلهش لم اعلق الا اليوم عشان اكون في الاخر
معلش انا باين جيت متاخره اوى
بس انتى نسيتى حاجات مهمه جدا يعنى الحاجات الشخصيه بتاعه الشباب المتدين
زى "السواك" السنه النبويه اللى فى كتير منا نسيها
وكمان "المسك" و"العود" لانهم لا يستخدمون العطور المحتويه على كحول
كمان "الاسبال" الشباب المتدين يسبل ازاره "هما بيقصرو الجلباب"
لعلمكم حتى الطلبه فى الكليات اللى بيلبسوا بنطلونات برضوا بيقصروها
والله حياتهم جميله وحبهم لبعض فى الله واجتماعهم على الصلاه والحلق
اللهم اهدى شباب المسلمين اللهم اهدى فتيات المسلمين واهدنا معهم يا رب العالمين
بسم الله والحمد لله والصلاة والسلام على خير الدعاء إلى الله محمد بن عبد الله صلى الله عليه وسلم
اما بعد
فأن السلفية أولاً ليس بتيار دينى وانما هو منهج حياة وهو منهج الرسول صلى الله عليه وسلم واصحابه والتابعين باحسان إلى يوم الدين.
ويعتبر اى مسلم على وجه الأرض سلفى الى أن يعترف هو شخصياً بعكس ذلك ولا تعتبر الجماعات مثل الأخوان والتبليغ والدعوة من دون السلفين ولكنهم سلفين المنهج واذا وجد عندهم بعض الأخطاء فهذا ليس بعيب لان كلاً من لديه اخطاء ولا احد معصوم غير المعصوم صلى الله عليه وسلم.
ولكن يجب على كل مسلم اذا وجد عنده خطأ ان يصححه.
اما بالنسبة لبعض الألفاظ التى ذكرت فى المقالة فلى بعض التعليقات عليها:
أولاً: ان السلفين لا يطلقون لفظ اخ الا على المتحى فهذا خطأ لانهم يقولون لأى مسلم يا أخى.
ثانياً: أنهم لا يصلون إلا وراء المتلحى فهذا خطأ أيضاً لانهم يصلون وراء جميع المسلمين بدون استثناء.
ثالثاً: بالنسبة إلى موضوع النقاب فانهم يتمنون لكل اخت اعلى درجات العفاف وكل ملبس تنطبق عليه شروط الزى الأسلامى فهو الحجاب الشرعى.
وجزاكم الله خيراً
والسلام عليكم ورحمة الله وبركاته
بارك الله فيك ياعمرو
السلام عليكم و رحمه الله و بركاته
من الكلمات اللى تقدر تعرف بيهااذا كان الانسان اللي قدامك ملتزم انك تلاقيه بيقول"جزاكم الله خيرا" مش كده؟؟؟؟؟؟؟؟؟؟؟؟
وهو مش النبي عليه الصلاه و السلام قال"من صنع اليه معروف فقال لفاعله جزاك الله خيرا، فقد ابلغ في الثناء"
يعني من الاخر افيد من كلمه شكرا و من كلمه ميرسي و ثانكس
بالمناسبه بالنسبه للناس اللى بيقولوا ميرسي و غيره من اللغات التانيه
انا في حياتي ما شفتش حد من الغرب بيقلدنا في اي حاجه و لا حتى في الكلمات
اشمعنى احنا اللي هانتمسح فيهم و ناخد منهم كتيييييير قوي من المظاهر؟؟؟؟؟؟؟؟
و هم مع ذلك بيحتقرونا عارفين ليه؟؟؟؟؟؟
علشان بنقلدهم وفي الحقيقه احنا احسن منهم باسلامنا و بانتمائنا لامه الحبيب محمد خير البشر عليه الصلاه و السلام و بالتالي لازم كلنالما نحب نقلد يبقى نقلد احب الناس الى الله سبحانه و تعالى نقلده في كل حاجه بالكلام و باللبس و بالتصرفات
ولا ايه؟
حد عنده اعتراض؟
"نحن قوم اعزنا الله بالاسلام فان ابتغينا العزه في غيره.................."
حد يكمل
اولا
من رائى نستخدم قاموس اسلامى احسن ما يكون عبرى
و الموضوع شيق و كويس و جرئ و بيناقش كلام بين السطور فعلا
بالنسبة لسؤالك يا مروة ان الكلام دا نابع منين فانا بقول ان دلوقتى ناس كتير " ربنا يهدينا و يهديهم " بقوا بيستخدموا الالفاظ دى عشان يعملوا ستار على نفسهم و عشان تظنيهم ناس متدينين (( دى بتقول جزاكى الله خيرا تبقي متدينة))
تانى حاجة انا من مستخدمة جميع هذه الالفاظ فعلا و ذلك لانى اخوان اخوان اخوان
و نسيتى بردو تقول ((رع))محدش بردو ميعرفهاش حد غيرنا
بس الموضو ع حلو بجد
ور بنا يهدينا كلنا بجد وانا اولكوا
السلام عليكم
بعض من المكتوب فى المقال خاطئ ويفتقر للدقة
وعلى ذلك أدعو الناس كلهم إذا كان يهمهم الأمر إلى معرفة معنى كلمة سلفى
أما عن ابن تيمية
فهو شيخ الاسلام أحمد بن عبد الحليم بن تيمية لا يحتاج الى تعريف
أما كلمة أبى وأمى فلا أعرف ما الضرر من استخدامها أليست صحيحة
أما جزاكم الله خيرا فهذا خلق رسول الله صلى الله عليه وسلم
أما موضوع اللحية فوالله الأمر غريب جدا
اللحية كانت فى وجه النبى صلى الله عليه وسلم
وكان عندهم حديدة (موس يعنى ) لماذا لم يحلقها
أقول لكم لأن الله أمره بها
فخرج الرجلان يُغِذَّان السير الى غايتهما شطر المدينة ، حتى إذا بلغاها علما مما رأيا من تعظيم أهل المدينة للنبى صلى الله عليه وسلم وحبهم له مدى خطورة المهمة التى أقبلا من أجلها حيث إنهما لا يستطيعان أن يأتيا بمحمد إلا إذا أتيا بأهل المدينة أجمعين ، نظرًا للمحبة والفداء التى يصنعها أهل المدينة لمحمد صلى الله عليه وسلم .
ولما دخلا على رسول الله صلى الله عليه وسلم ، وقد حلقا لحاهما وأعفيا شواربهما، فكره النظر إليهما، وأظهر ذلك لهما وقد أشاح بوجهه الى الجانب الآخر حتى لا ينظر إليهما وقال: ( ويلكما من أمركما بهذا؟ قالا أمرنا ربنا يعنيان كسرى فقال رسول الله صلى الله عليه وسلم ولكن ربي أمرني بإعفاء لحيتي وقص شاربي )
بعد ذلك أيها المسلم سواء كنت عادى أو اخوانى ومعظم الاخوان للأسف الشديد من أهل الحلاقة أترضون أن يعرض عنكم رسول الله صلى الله عليه وسلم
أما موضوع النقاب ففيه خلاف بين أهل العلم
الألبانى مثلا أجاز كشف الوجه
هذا مثال
وأنا مع تغطية الوجه
أما الألفاظ الجديدة للمتدينين الروشيين فغالبها لا قيمة لها
وللحديث بقية ان شاء الله
( أقرأها كلها للفائدة )
يا سَائِلي عَنْ مَذْهَبِي وعَقيدَتِي
رُزِقَ الهُدى مَنْ لِلْهِدايةِ يَسْأَل
اسمَعْ كَلامَ مُحَقِّقٍ في قَـولـِه
لا يَنْـثَني عَنـهُ ولا يَتَبَـدَّل
حُبُّ الصَّحابَةِ كُلُّهُمْ لي مَذْهَبٌ
وَمَوَدَّةُ القُرْبى بِها أَتَوَسّــل
وَلِكُلِّهِمْ قَـدْرٌ وَفَضْلٌ سـاطِعٌ
لكِنَّما الصِّديقُ مِنْهُمْ أَفْضَـل
وأُقِـرُّ بِالقُرآنِ ما جاءَتْ بِـهً
آياتُـهُ فَهُوَ القَديـمُ المُنْـزَلُ
وجميعُ آياتِ الصِّفاتِ أُمِرُّهـا
حَقـاً كما نَقَـلَ الطِّرازُ الأَوَّلُ
وأَرُدُّ عُقْبَتَـهـا إلى نُقَّالِهـا
وأصونُها عـن كُلِّ ما يُتَخَيَّلُ
قُبْحاً لِمَنْ نَبَذَ الكِّتابَ وراءَهُ
وإذا اسْتَدَلَّ يقولُ قالَ الأخطَلُ
والمؤمنون يَـرَوْنَ حقـاً ربَّهُمْ
وإلى السَّمـاءِ بِغَيْرِ كَيْفٍ يَنْزِلُ
وأُقِرُ بالميـزانِ والحَوضِ الذي
أَرجـو بأنِّي مِنْـهُ رَيّاً أَنْهَـلُ
وكذا الصِّراطُ يُمَدُّ فوقَ جَهَنَّمٍ
فَمُوَحِّدٌ نَـاجٍ وآخَـرَ مُهْمِـلُ
والنَّارُ يَصْلاها الشَّقيُّ بِحِكْمَةٍ
وكذا التَّقِيُّ إلى الجِنَانِ سَيَدْخُلُ
ولِكُلِّ حَيٍّ عاقـلٍ في قَبـرِهِ
عَمَلٌ يُقارِنُـهُ هنـاك وَيُسْـأَلُ
هذا اعتقـادُ الشافِعيِّ ومالكٍ
وأبي حنيفـةَ ثم أحـمدَ يَنْقِـلُ
فإِنِ اتَّبَعْتَ سبيلَهُمْ فَمُوَحِّـدٌ
وإنِ ابْتَدَعْتَ فَما عَلَيْكَ مُعَـوَّلًًًً
هذا هو ابن تيمية وهذا أبوحنيفة وأحمد ومالك والشافعى
فإِنِ اتَّبَعْتَ سبيلَهُمْ فَمُوَحِّـدٌ
وإنِ ابْتَدَعْتَ فَما عَلَيْكَ مُعَـوَّلًًًً
هذه هى السلفية ببساطة!!!
والله ده حاجه تجنن الله يكون في عون الشباب الصغير لأنه محتار مابين السلف و الأخوان ومش عارف مين الصح ومين الغلط