صفر صفر صفر .. تعيشي يا صفر!
فتحي أبو حطب – عشرينات – 18/5/2004
حقيقة حسابية تفرض نفسها تقول: "أن كل العمليات الرياضية التي تجمع بين صفرين حاصلها صفر" هكذا تكون المسألة.
ومن هنا تبدأ الحكاية..حكاية من أوهموك أنهم ليسوا صفرا..وأنك أيضا بطبيعة الحال لست صفراً..وأن مجموعكما على الأقل يفوق الأربعة عشر..ولذا فإن كأس العالم 2010 سيكون هنا في مصر..!
وعلى هذا ما عليك إلا أن تنام وتستريح.. فطرف المعادلة الأول سيفعل كل ما يستطيع من أجل استضافة هذا الحدث العالمي.. واعداً الجميع بأسطوريته المنتظرة وأنه سيكون الأعظم في التاريخ.
والتاريخ الرقم الأقوى في المعادلة..لم يدخل طرفا فيها لسبب بسيط..أن أرقامه الكبيرة لا تعترف بالأصفار التي تقف على يساره..فقرر هو الوقوف بعيدا عنها!!
طرف المعادلة الأول
أكبر أصفار المعادلة لم يدخر جهدا في اختيار صفوة الأصفار.. ولأنهم صفوة فبقاؤهم واجب .. والتخلي عنهم كفر بكل القوانين الحسابية والإنسانية فتجمعوا من كل حدب وصوب في مشهد بديع ليقودوا المعادلة ويكونوا على رأسها..
ولأن الأقواس هي أفضل من يحمى المعادلة من كل الأرقام المتطفلة – الأقواس في خدمة الشعب – فهي التي تكفلها وتحميها وتساندها من أجل أداء مهمتها العظيمة، أو تنحيها وتسقطها تماماً!
طرف المعادلة الثاني
كل من يعتبر نفسه رقما فلا وجود له هنا، ولكي تكون مواطناً صالحاً في المعادلة، عليك أن تتحول سريعا إلى صفر مسالم ووطني يحب المعادلة ويغنى ويصفق من أجلها.
ولا تسأل عن أي شيء؛ فالأصفار الكبيرة ستفعل كل ما يجعل مجموع المعادلة
كبير..ولن تتوانى عن توفير الرفاهية والرخاء لكل الأصفار الصغيرة الوادعة
ويكفى كل صفر أن معادلتنا الكبيرة تحظى بدعم دولي كبير وباحترام من كل الأطراف..
وكما ترون بأنفسكم تنهال المساعدات علينا من كل مكان..لذلك ولكل ما سبق عندما يتم التصويت لاختيار الدولة المنظمة لكأس العالم ستكون أرض المعادلة في الصدارة ولا تنسوا أن الأصفار الكبيرة اجتمعت برئيس وبوفود الفيفا وأقنعتهم بأحقيتنا في استضافة المونديال..السبب كان واضحا ومنطقيا وبلغة الرياضة.
بما أن الكرة دائرية، والصفر أيضا دائري؛ فنحن الأجدر باستضافة المونديال مع وعود كبيرة ببناء أكبر قدر من دورات المياه العامة والتي اكتشف وفد الفيفا خلو أرض المعادلة منها.
العملية الحسابية والنتيجة
لاستحالة جمع الكبير على الصغير –فالعين لا تعلو على الحاجب- ولاستحالة قسمة الكبير على الصغير – لان الحداية ما بتحدفش كتاكيت- ولاستحالة طرح الصغير من الكبير – لأسباب لا يعلمها إلا الله - تقرر الضرب؛ فضرب الكبير للصغير أدب..وكانت النتيجة: حاصل ضرب الأصفار يساوى صفراً، ويذهب كأس العالم إلى دولة رقم بين شعبها ومحيطها وعالمها الكبير.
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
تسلم ايدك و ايد كل واحد واقف على اليمين مش على الشمال
ربنا يجعلنا من اهل اليمين و ادي احنا بنحاول
اخوك الكبير / احمد شلبي
مصري صفر ابن صفر
مقال كده (علامة مية مية) أخو شاى كده
انهم ميعرفوش ان احنا عندنا استاد كرة قدم
هم واخدين عننا فكرة وحشة
بس انتوا عارفين احنا نستاهل
عشان احنا مش منظمين
المهم مش عايز اقلب المواجع
اتفرجوا على كاس العالم 2010 في جنوب افريقيا و كده كده احنا مكناش هنروح الاستاد
عشان التذاكر هتبقى غالية
فكده كده مصلحة
الواحد ينزل يشوف الماتش على اي قهوة باتنين جند و خلاص بدل
القلق و الظيطة
HMH
قاعدتة صفر وارتفاعة صفر وحضارتة صفر
علشان كدة خدنا صفر علشان الفرعون اللى بناة اسمة هلال صفر
لكن لأ..
إحنا صفر واحد فعشان كده حتى ما نستحقش ناخد التنظيم
الأجيال الجديدة المزعجة
إلا مش انتوا برده يا جدعان اللي رحتوا حفلة منير؟
ومش انتوا برده يا اسطوات اللي لما بيجيبوكم في التليفزيون بتقولوا نشكر مدير الأمن؟
ومش انتوا اللي في الهيصة والزايطة؟ ....
ولا انتوا الناس التانيين ؟ ...
أنا مش عايز يبقى دمي تقيل عليكم ... لكن يا شباب بجد بجد بصوا في نفسكم ... كل واحد بيتفرج على نانسي بيشجعها وبيكون صفر.. كل واحد بيتصل باتصل الآن بيشجعهم وبيكون صفر كل واحد مقضيها وولا على باله بيكون صفر الصفر..
بقولكم ايه انا دمي بقى تقيل لكن يللا حكم السن بقى
في الآخر عايز أقول لكم كلمة واحدة
إخص إخص إخص
وربنا يستر
بس هعمل ايه الواد فتحي أبو حطب (هو ده اسمه بجد ولا حركة) أبو لسان زالف بدل ما يموتني م الضحك
موتني م الغيظ
لكن هقول ايه غير كلمتي المشهورة
أأأأأأأأأيوة
هي دي
يللا معايا
إخص إخص إخص
هو ايه عشان كتب له مقال هتقعدوا بقى تطلعوه السما وكدة...
المقال حلو مقلناش حاجة ... لكن برده الرحمة حلوة
عيب يا إخوانا ده احنا برده كنا جنبه وقاعدين بالصلاة ع النبي منورين في نفس البرنامج.. حتى كنا مطقمين بدلة زيتي إنما إيه...
وبعدين من مقالة يعمل كدة..
واحنا يا ولداه نازلين فحت وردم مقالات ولا حد عبرنا ولا قال مشيطنين ولا دياولو
على رأي الأخ الفاضل سيادة المحافظ
إخص إخص
إخص
ياحبيبتي ياصفر ياصفر
بلهارسيا بلهارسيا
يعني إيه يعني إيه يعني إيه
دودة قوية دودة قوية
عمار يا صفر
كيف سخر البسطاء من " خيبة " تنظيم المونديال؟
محمود التميمي / انفض المولد .. وخرجت مصر منه بلا حمص .. او أي نوع اخر من انواع البقوليات .. فقط لا غير خرجت مصر ببعض من علقم الهزائم الذي بات ضيفا يوميا على موائد المصريين والذين رفعوا اعلام المونديال المأمول .. و رقصوا حول هرم من ورق اقامته وزارة " المونديال" كتتويج لجهود دعم " الملف" ..و لكن الملف .. " لف .. لف" ورجع لنا تاني .. و لم يقبل به احد و جائت نتيجتنا لتعبر عن خيبتنا.
. الصفر المتين انهى احلام المصريين .. ليستيقظوا على مشهد " بلاتر" وهو" يخرج" لنا .. البطاقه التي حملت اسم جنوب افريقيا من المظروف الانيق بعد ان " فض " الشمع " الاحمر " الذي يضمن عدم التلاعب بمحتوبات المظروف
ثم ليعلن بعد ذلك ان احدا لم يصوت لمصر .. حتى التونسي و القطري لم يصوتا لأم الدنيا .. صاحبة السبعة الاف سنه حضاره .. و لكن السبعة الاف سنه لم تفلح في الصمود سبعة دقائق امام جنوب افريقيا.. و اختلطت دموع الفرح الجنوب افريقيه بدموع الحسره المصريه .. و ضحك البعض الما و بكى البعض الاخر فرحا ..و باتت السخرية المره عنوان المشهد .. فقال احدهم : " انتم عارفين الوزير أخد معاه العيل الصغير ليه؟ .. عشان يعيط و يشد بلاتر من رجل البنطلون .. و يقول له والنبي يا عم خلونا ننظم كاس العالم.. الهي امك تحج يا رب " و كان سيقولها بالخمس لغات التي يجيدها طبعا ..
و اخر راح يرسم ملامح المشهد الهزلي في زيورخ متعجبا من عدم اعتراض أي من اعضاء الوفد المصري على النتيجه المزريه ..فلقد كان من الواجب على احد النابهين – والوفد كان كله نابهين والحمد لله - ان يفعل مثل محمد رضا في مسرحية " السكرتير الفني " حينما اعترض على نتيجة ابنه الذي حصل على" صفرواحد بس " طيب مش كانت الفيفا تراعي ربنا وتخليهم صفرين .. هو ايه مبقاش في خشا ولا حيا
و اخر من جماهير الشعب المطحون " بس مثقف شويتين " راح يؤكد ان في الامر ملعوب وان الملف المصري لا يدانيه ملف كما اكدت الحكومه .. و ان جنوب افريقيا فيها ايدز و عصابات وان المغرب فيها ارهاب .. و الحمد لله مصر لافيها ايدز ولا عصابات ولا ارهاب .. اذن لماذا لم يصوت لنا أي ابن حلال في اللجنه ؟! انها مؤامره على مصر قلب " الشرق الاوسط النابض" و صاحبة" العلاقات المميزه" مع الولايات المتحده الامريكيه .. وراعية" الاعتدال" في المنطقه .. و " الوسيط النزيه بين "الفلسطيننين " و " الاسرائيليين " الذي لا يملك مصلحه مع أي من الاطراف المتحاربه ..او المتنازعه.. مصر الانجازات وتوشكى و " ترعة السلام " والنايل سات .. و الاهرام الورق والعشرين مليون رساله تأييد للـ" الملف".. و بعد كل ذلك لا نجد واحد يوحد ربه يحترم قدراتنا الخارقه و يصوت لمصر.. انها المؤامرات قاتلها الله تحاك ضد " الملف " حماه الله و لكن الحرب سجال .. وان كنا خسرنا معركه فالحرب مخلصتش .. و كلها تلاتين سنه ونعمل ملف اجدع من الملف الاولاني .. و سيبك يا مصر من مونديال 2010 .. و انشاء الله وزارة " المونديال " هتخليكي تنظمي سيد سيده .. بس انتي اتجدعني كده وخليكي على طريق الاعتدال والسير بجانب الحائط وعدم الطموح الى قيادة الاقليم او القاره او حتى التدخل لمنع ما يحاك لكي من مؤامرات ..
و لكن في الامر فوائد و ميزات .. فلقد اخذ المصريون عبره و عرفوا ان ليس كل ما يلمع ذهبا .. بدليل ما حدث .. وان التصريحات اياها تثبت كل يوم انها كعهدنا بها .. و كم كانت النكته لازعه حينما صرخ احدهم في ابنه طالب الثانويه العامه بعد اعلان نتيجه المونديال محذرا اياه من السهر حتى الصباح للمذاكره قائلا:" كل يوم تسهر للصبح وتقولي بذاكر يا بابا .. حجيب مجموع يا بابا .. و انت تلاقيك زي ملف مصر لا ذاكرت ولا نيلت وفي الاخر هتجيب الصفر "
انه احد اوجه الحصاد وليس في الامر لا مؤامره ولا من يحزنون .. حصاد مر .. لواقع منحط ..ان مصر التي تستطيع تنظيم المونديال يا ساده .. هي مصر التي تستطيع اطعام شعبها وحماية مستقبل ابنائها .. و الضرب على ايدي سراقها .. و التأثير في محيطها .. و تعليم الحضاره لجيرانها.. و مصر بهذه المواصفات ليست متوفره الان..لانها قد تكون مغلقه او خارج نطاق الخدمه .
وحاسب يا صفر انت وهو ربنا يخللنا الصفر الكبير
ابراهيم
ليك كل تحية وكل تقدير فقد حببتنا في الرياضيات وخاصة رقم الصفر الغائب الحاضر ربنا يبارك لك في أصفارك وفي بياضك يا أهل البيض والأصفار
ودمتم لنا يا عشرينات وعلى الله الصفر ميخلكمش صفر
واعتقد انك ساعدت فى اضافه علم جديد يسمى السياسه المحاسبيه او السياسه الرياضيه واتمنى من الساده القائمين على التعليم فى مصر ان يقوموا بتدريسه للطلبه التى اكتظت عقولهم بالمعلومات التافهه التى تحاول الوزاره تثبيتها فى عقولهم والحمد لله نجحوا او بدلا من تعليم الطلبه كيفيه عمل الماكولات الشهيه وبدلا من تعليم البنات ماهو الجنس لكن بالطريقه الحديثه وليست العلميه انشاهد وزير التعليم الكبير
ووزير التعليم الصغير بالانتباه الى ذلك وفى النهايه وحشانى يامصر يااعظم صفر فى الوجود
nepras@hotmail.com