مترو "الإفتاء"!
..هل لديكِ أمر يشغل بالكِ وتريدين أن تعرفي هل هو حلال ولا حرام؟!..
..هل ترغبين في الاستماع إلى دروس دينية على الهواء مباشرة؟!..
..هل لديكِ مشكلة خاصة، ولا تجدين من يسمع لكِ؟!
لا تتعبي نفسك وتذهبي إلى المسجد أو تتصلي بدار الإفتاء، ولا بإحدى البرامج والاجتماعية لمعرفة رأيهم فيما تعاني.. فقط بإمكانك الآن أن تركبي عربة السيدات بمترو الأنفاق، وبعد انتظار محطة أو محطتين ستجدين من يجيبك..
وهناك أيضاً ستجدين من يذكرك بدعاء الركوب، ومن يعرفكِ بالقضية الفلسطينية، وستسمعين إلى أحاديث عن الموت ونعيم الجنة وعذاب النار، فواعظات المترو الجدد سيقمن بكل ذلك.
ما يطلبه الراكبون
سألنا شيماء حسين، إحدى راكبات المترو، عن ذلك النوع من الدعوة، فردت بقولها: "في هذا الزمان كل شيء أصبح ممكناً، لقد قابلت كثيراً بعض السيدات اللاتي يحاضرن في المترو، واندهشت في بداية الأمر بالطبع وتعجبت لأمرهم، ولكن بعد فترة تعودت على وجودهن معنا هناك".
وتكمل شيماء: "بصراحة أنا لا أستمع إليهن كثيراً؛ لأن صوت المترو يكون أعلى من صوتهن، وعندما تتحدث إحداهن، لا تنتبه لهذا الأمر، وتظن بأن صوتها يصل إلى كل الراكبات من حولها، وهذا مستحيل أثناء سير المترو".
أما ريم صالح تقول: "بالرغم من حبي للدين، وحرصي على متابعة البرامج الدينية ومحاضرات عمرو خالد والحبيب الجفرى، إلا أن مسألة دروس المترو دى غريبة جدا ولا أستطيع تقبلها".
وتعلل ريم هذا الموقف بقولها: "أولاً؛ لأننا لا نعرف السيدات اللاتي يقولن هذه الدروس وبالتالي لا نستطيع أن نعرف هل معلوماتهن هذه صحيحة أم لا، وكذلك لأنني لا أستطيع أن أميز ما يقولون؛ لأن صوت المترو عالي جدا".
ثواب بالركوب!
وبعد تردديها لدعاء الركوب في المترو، قالت نورا عبد الرحمن: "أنا أحب جدا هذا الدعاء، وقررت أن أقوله للراكبات في كل مرة أركب فيها القطار، فمنذ شهر رأيت واحدة في سني تقوله ورددت الدعاء وراءها".
وتكمل نورا: "من ساعتها قلت لنفسي: يجب أن أكون مثلها، لآخذ ثواباً، فعاهدت الله أن أواظب على تذكير الناس به، ولا ألتفت إلى النقد ونظرات الاستنكار التي أقابلها من بعض السيدات، ولكنني صراحة لم أفكر أن ألقي عليهن درساً دينياً في يوم ما؛ لأنني لست بهذه الشجاعة واللباقة التي تتطلبها الدعوة".
الطريق إلى الله بالمترو!
وتحكي سمية محمود تجربتها مع المترو، وتقول: "في البداية لم أحب أن أستمع إلى الدروس الدينية في عربة السيدات، ولكن تكلمت معنا إحدى الداعيات عن حكاية التزامها، وكيف واجهت أهلها وصممت على ارتداء الحجاب رغم اعتراضهم عليه، وتحملت نقد أصحابها لها في الجامعة على شكلها الجديد".
وتكمل: "حينها تأثرت كثيرا مما قالت، وعدت إلى البيت وتحدثت مع أمي عن هذه القصة، وبعد الانتهاء من الحديث نصحتني أمي بفكرة الحجاب والالتزام، فوجدت أن الله يسر لي الأمر عكس ما حدث مع البنت التي حكت القصة في المترو، إذ أن أمي كانت ترجوني أن أرتدي الحجاب وأنا لا أوافقها؛ فاقتنعت بكلامها وكان لصاحبة التجربة الفضل بعد الله في هدايتى".
الطريف في الأمر أن الدعوة بين النساء فقط دون الرجال، ولو حاول واحد منهم أن يركب عربة السيدات، سيكون نصيبه الغرامة المالية الفورية!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
طريقه جميله لتزكير الناس بدينها وبصراحه عجبتني رغم انها مش فعاله اوي الناس بقو عايزين طريقه محببه اكتر من كده لاننا بقينابوقت مشاكل الناس بي كترت ومشاغلها كترت فلازم تبقىالطريقه محببه اكتر عشان يسمعو ويطبقو كمان مش يملو
ربنا يتقبل منهن ويجعلها في ميزان حسناتهن ونظنهن على خير ان شاء الله
أما موضوع الافتاء فهذا غير مقبول بالمرة ، أنا مرة سمعت واحدة بتنصح واحة بالصلاة فقالت لها أصلى مابلاقيش مكان أصلى فيه و أنا في الشغل قالتلها خلاص ابقى اجمعي الصلوات بالليل و التانية صدقتها و أخذت بفتواها للأسف . تخيلوا المهازل اللى بتحصل بقى ...
ربنا يعافينا جميعا.
مش اي حد يبان عليه التقوى والصلاح كدا نجري عليه ونساله لانك ممكن تسال واحد عن معلومه ويكون عارفها وقدر يجاوبك يبقى خلاص بقى مفتى (معنى كده بقى اني اول ما اركب المترو الصبح اجري على اي واحده بتقراء في القرءان او بتذكر ربنا شويه واقولها افتيني )لا طبعا دا غلط كده بقى هيختلط الحابل بالنابل وما حدش هيبقى عارف يروح لمين وياخد منه الاجابه الصحيحه على سؤاله امال الازهر الشريف بيعمل ايه ودار الافتاء كمان وهي دي مشكلة المشاكل بالنسبه لينا نسيب اهل العلم ونجري ورا اي حد ودا طبعا مش تشكيك في كل الناس (في مثلا عمرو خالد) من القلائل اللي برتاح لهم وبثق في كلامهم وفي الخر الحكايه مش سلطه اي حد يقول اي حاجه ومافيش اي مشاكل ولا حد بقولله على اساس ايه انت عامل فيها مفتي
طبعا الكلام دا كله للي بيفتي اما اللي بيطلب من الناس ذكر الله او بيفكرهم بشئ في الدين فدا شئ مش غلط ونشكرهم عليه
اه فعلا لاحظت دا بيحصل كتير
بس يل ريت يا جماعه اللى يفتى يفتى على علم و اللى يدعى الناس يبقى على علم برده
و ربنا يجعل هذا الجهد فى ميزان حسناتهم
نسيت اقوللك يا ساره الموضوع تحفه
حلو بجد
الصوره اللى فوق بجد سدت نفسى لدرجه انى مش لاقيه كلام يوصف القرف اللى بقى ف البلد
حصلتلي الحكاية دي مرة في الميكروباص و كنت ساعتها متدين اكتر من دلوقتي بس الموضوع ما كانش مستساغ نظرا لاني كنت لسه راجع من الجامعه و مش ناقص حد يديني محاضرة تانية
اما اذا كان في حل و كنت عايز اوعظ سكان المكروباص كنت بجيب شريط ديني او قرآن و اديه للسواق بس كنت بحطه في علبة شريط اليسا ( عشان ميقوليش ان الكاسيت بايظ )
اما بقا المترو فالمشكلة ان الكاسيت بتاعه بايظ على طول
belmonasbah ana mohandes, bas 3andy sama3ah we 2ay 7ad 3awez yekshef, ana momken 2a3algoooh
2eeh, mohandes, 2aah mohandes, we malo, tab maho nas mane3rafhash beteftey fel deen elly howa belnesbaly men el teb, so why not me?!!!!
sa7, anyway ana 2olt ra2y, we 2ay 7ad 3andooh moshkelah se7eyah, deneyah, or 3atefeyah elga2o 2elayah fa ana khebraaaaah
:P
الناس عاوزة تحب الدين منجيش فى وقت هى لاهى قادرة تسمع ولا قادة تفهم ونيجى نكلم فى وعظ الى راجع من شغلة تعبان والى جاية من كليتة كل مكان ولية استخدامة والمساجد موجودة فيها العلماء عشان موش كل واحد يفتى
يا جماعة ده وعظ بالاجبار
ايام الجامعة كان الاخوان بيدخلوا قبل الدكتور واثناء break ليخطبوا ويقدموا المواعظ وكنت دائما باعترض علي كده لاني ماببقاش ناقص اسمع محاضرات تانية في الوقت ده بس الاخوان لما كنت باقولهم كده كانوا بيقولوا لي اخرج بره لو تعبان ويتهموني بضعف الدين والعقيدة !!!
يا سلام !!!!
انا اللي اخرج وده الclass بتاعي انا
انا ضعيف العقيدة وفي قلبي مرض
بجد حاجة تقرف ليه يجبروني اني اسمع وانا مش مستعد اني اسمع حاجة في الوقت ده لا دين ولا غيره
وسلام
Dabdoob
يا جماعه التعليق اللى بعنوان الى ساره جمال دا انا كنت المفروض احطه ف موضوع تعويضات منكوبى العباره مش الموضوع دا
انا معاكى يا هبهوب
كلمه الير كتكوت
اكيد فاهمه يا هبه لان من لم يكن لنفسه واعظ فلن تنفعه المواعظ
تعرفى يا هبه انا زيك و برده بمشى على مبدأ استفتى قلبك و لو افتوك الناس
بس سيبك انتى وحشانى
فين تعليقاتك
طريق الثواب فى اى مواصله هو الطريق الصحيح فكيف ناخذه .اذا كنا فى مواصلة فهل تريد ان تكسب ثواب ؟اكيد طبعا حاول و انت تركب اى مواصلة منجذب انتباه الناس حولك ببشاشه وجهك وصدقتك بالابتسامة للجميع بل تكلم مع احد من الراكبين ثم قل له دعاء الركوب وذكره به ثم قم بكل ثقة وقل يا جماعة اللى ما قالش دعاء الركوب ياريت يقوله وتقلهم عليه ويرددوه وراءك واذا كان عندك الثقة بنفسك لتقول درس بسيط وممتاكد منه قل ولا تترددفهناك الكثيرين المحتاجين لهذه المعلومات . اما بالنسبه للذين لا يثقون بهذا الكلام استمع اليه ثم اسال احد تعرفه وتثق فى به فى امور الدين .
وصلتك المدكرات عملتها بمعجزه بمعني الكلممه . لسه فاضل التاني والتالت الي الخامس .
أمتي هانقهم أن مش أي حد حفظ كلمتين بقي واعظ؟!
أمتي هانفهم أن لأنت حر تعمل أللي عايزة بدون ما تعتدي علي حريتي؟!
أمتى هانفهم أن لكل مقام مقال؟!
أمتى هنفهم أن أنت مش لوحدك في بلدك لكن حواليك ناس مختلفين عنك و مش لازم تعملهم زيك؟!
أمتى هنفهم أن الدين لله و الوطن للجميع؟!
حاجات كتير صعب علينا نستوعبها لأننا عايشين بمنطق الأنانية حتى في الدين هل يقبل أحدهن أن يقوم في الوسط شخص مسيحي و يفعل هذا؟؟؟!!!
يقولون عامل الناس بما تحب أن يعاملوك به