موضات الجامعة.. لبس وملازم !!
الجامعة " صدق من أطلق عليها هذا الاسم فهي تجمع كل الألوان والأطياف، دون أن يؤثر هذا التنوع على المضمون فهي الجامعة والشاملة.. والدنيا في ذات الوقت.. كل ما تتخيل أن تراه ستجده وأكثر منه داخل هذه الأسوار...
وإذا كان الجري وراء الموضة في اللبس والتصرفات شيئا يمكن ملاحظته بسهولة في أي مجتمع، فإنه في مجتمع الجامعة لا ينتظرك حتى تلاحظه من نفسك ولكنه يصرخ في وجهك ويفرض نفسه على عيونك وحواسك...
شيماء حسين، كلية التجارة، تقول لنا "لو كانت هناك كاميرا تصور من مكان عالي منطقة الجامعة العام الماضي كنت ستجد منطقة لونها أحمر فاتح، لأنها كانت الموضة وقتها. كما كانت البنطلونات الجينز موضة لفترة طويلة، والحجاب القصير الملفوف.. كل هذا يظهر موضة لفترة أحياناً ممكن تكون تيرم كامل، وممكن تصل لسنة .. المهم إنها تكون موضة في الجامعة كلها ولو ظهرت في يوم، تغزو الجامعة بأكملها في خلال 3 أو 4 أيام على الأكثر"
كنا نسمع عن تسابق شباب وبنات الجامعة في الظهور بأحدث صيحات الموضة ولكننا لم نكن نتخيل أبداً أن يصل الأمر إلى حد ما سمعناه من مي محمود الفرقة الثانية كلية إعلام، وتقول : "ذات مرة نصحتني احدى صديقاتي قبل أن أذهب لشراء ملابس جديدة وقالت لي "اذهبي ناحية كلية تجارة انجليزي ستجدين فتاة بنت لابسة (طقم تحفة)، تقف دائماً على باب الكلية، اشتري واحد مثله، لأن هذه هي موضة هذا العام" !!!
موبيلات وأعياد ميلاد !!
ولاء أيوب، كلية الآداب جامعة عين شمس، أكدت لنا أن تصرفات طلاب الجامعة كلها جري وراء الموضة.. "آه .. كلها موضة طبعاً وأكبر موضة كمان.. هو أصلاً كل اللي بيدخل الجامعة يبص ع التاني ويشوف بيعمل إيه ويعمل زيه وتبقى موضة، ومش فترة صغيرة ولو حتى كانت فترة صغيرة قبل ما تختفي بيكون في موضة غيرها بين الشباب والبنات"
وعن أحد أشكال الموضة يقول وائل محمد، كلية الحقوق : "الموضة في الجامعة لا تقتصر على الملابس، فهناك مثلا رسائل الموبيلات والنغمات، فلو واحد دخل طالب للجامعة بنغمة جديدة في يوم يخرج منها على الأقل 50 طالب وعلى محاميلهم نفس النغمة، واليوم التالي ستجد كل الجامعة (ترن) بها"...
أما حسام حنفي، كلية العلوم، فيحكي لنا عن موضة مختلفة عاصرها لفترة طويلة، ويقول : "هناك فترة مرت علينا في الجامعة فيها موضة في الاحتفال بأعياد الميلاد، وكنا نجد كل حدائق الجامعة عبارة عن حلقات فيها شباب وبنات في وسطهم "تورتة" ويحتفلون بعيد ميلاد أحدهم، ولعبة المنديل كانت أيضا موضة بين الأولاد والبنات".
ملازم آخر صيحة
وعن دراسة الجامعة وموضة الدروس والمحاضرات يقول محمود علي الفرقة الرابعة كلية التجارة : "معظمنا يسير في الجامعة بطريقة شراء محاضرات خلال التيرم، وهنا تظهر موضة فريدة من نوعها، فتجد كل الطلبة يقولون "مكتبة كذا السنة دي كويسة وبتعمل محاضرات حلوة وشكلها نظيف"، أو " المراجعة النهائية بتاعة مكتبة كذا خطيرة وما حصلتش"...
ويكمل محمود : "وهنا تجد الكلية كلها أمام باب المكتبة المذكورة. المثير في الأمر أن كل الملازم وكل المحاضرات لا تختلف عن بعضها.. ويمكن أن يأتي علينا يوم وتصبح موضة الجامعة هي الرسوب في الامتحانات"...
وأنت ما هي الموضة داخل جامعتك هذا العام ؟...
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
الموضوع هايف قوي .. فكرة لا تستحق التحول لموضوع اصلا ..
اما الهيافة فللموضوع واما الغلاسة فلتعليقات الآنسة (هبهوب) و اما التفاهة و الدم التقيل فلما أل اليه موقع عشرينات.....
اقول تعليقي الاول وبعدين نبقى نتكلم .
اولا بالنسبه للمهرجانات اللي بنشوفها كل يوم فدا شيئ انا اعتادته ..... لكن اللي بيقرفني قوييي ... كم الالوان اللي بلاقي شخص واحد لابسه (احمر على بني على برتقاني )والحكايه بقت( زحاليق خالص).. المشكله دلوقتي بقت في انعدام الزوق ... المفروض اشيك انسان في الدنيا الوان هدومه مش لازم تزيد عن 3 لكني بلاقي 30 لون وما فيش اي تناسق فيهم ..
دا غير لبس الصبيان اللي بقى بناتي ولبس البنات اللي بقى رجالي اففف دي بقت حاجه تقرف والزوق اتعدم من عند الناس حتى في لبسهم... ودا موضوع محتاج نظره .
اما الكابتن احمد : هبهوب ما غلطتش كلامها صحيح .
والموقع ما نشرش الموضوع ليك لوحدك ولو ما عجبكش ممكن جدا انه يعجب غيرك.
و لما تضايق قوي كده ما تعلقش وبلاش ترمي كلام تقيل ع الناس ومالوش لازمه والا دا يبقى (استعراض ومنظره ع الفاضي )..وارجو انك تتقبل كلامي بصدر رحب وما تتضايقش .
اولا يا احمد خليك بعيد علشان هبهوب دى تبعى
هاى يا هبهوب و لا يهمك وراكى ناس ياكلو الظلط
وحشانى يا هوبه
يا رب تكونى قريتى ايميلى
اعزرينى لو مبكتبش اليومين دول
مشغوله موووووت
هنتكلم بعدين
الموضوع مش هايف ،فعلا الجامعة مليانة موضات وتقاليع منها المعقول ومنها اللى يقرف ،يعنى لما تلاقى واحدة لابسة 14 لون مرة واحدة مالهمش علاقة ببعض مع بدى وحزام وجينز ضيق ....وفى الاخر بقي لزوم التدين يعنى طرحة!موضة انتشرت بسرعة الصاروخ السنة دى وبقت البنات كلها نسخ من بعض ، بالنسبة للبس ....نصيحة الكلاسيك أشيك وبينفع لمدة طويلة!
الحياة حلوة من دون موضة
موضوع الموضة مش بس لبس غريب احنا بنلبسة في الجامعة ده كمان في تسريحات الشعر والسلاسل واللذي منه يعني تلاقي مثلا واحد منكوش خالص وشعره كبير تلاقي غيره شايل ع الزيرو وواحد الجيل اشتكي من شعره وشعره اشتكي من جيله وغير كدة كتير لازم كلنا نجاري اللي بيحصل في الجامعة وانا شايف ان ده الصح ومش غلط لكن نظرة المجتمع خارج الجامعة هي اللي بتكون نظرة راجعية لان مش معقول الناس اللي خارج الجامعة دي هتفهم عن طلاب الجامعة اصحاب المؤهلات العليا
يا جماعة كلامكم هايل لكن مش دا المفيد الناس بتطلع القمر وبيصوروا الذرة واحنا لسة بنقول دا لابس كاجول ولا كلاسيك دا مطول شعرة ودا عاملها زيروو بجد اللى تاعب العرب هوا التفكير فى قشرة الموضوع وشكرا
عندك حق يا أحمد في التعليق اللي انت قلته لكن عنوان التعليق هو اللي غلط،مظنش يعني انه ينفع نشوف ظاهرة منتشرة ومنحاولش نتكلم عنها وكل واحد يقول رأيه ولا مشكله ومنحاولش نحلها،يعني مينفعش يكون كل واحد في حاله.
ماعندكم شغل ناقص خلصت افكاركم تقسيم ماعندكم ماعند جدي الله يرحمه جذر فراغ والنتيجة يساوي = لاشيئ جديد طلعتو به ياعشرينات انتم ومواضيعكم التافهه وخلصت حصة الرياضيات
انا واحد من الناس اللي بعمل الموضة اللي انتو بتستهزاوا بيها وبعدين انتو مالكو لما تشوفوا واحد ولا واحدة عامل اي حاجة دي حرية شخصية قلبتوها خلاص لموضوع ؟ والله واللي بيتكلم ده تلاقيه نفسه يقلد اللي عامل الموضة بس ميقدرش لان معندوش الجراة او معندوش الحرية ولا يملك غير تحويل الموضة لموضوع ده يبقي عقلة تعبان