إحباط محاولة انقلاب آثمة!
بحمد الله وبفضله، أحبطت السلطات الأمنية في (عشرينات) محاولة فاشلة للانقلاب على النظام الحاكم بالموقع، قامت بها مجموعة أطلقت على نفسها اسم "عمال المواسير"، يقودهم أحد المختلين عقليا، وكان الهدف الاستيلاء على المكاتب الكبيرة، التي يصل مقاسها إلى 120 سم.
وقد قامت السلطات بالتعامل مع الموقع موضوع الجريمة، وإزالته من على وجه الانترنت، وجاري إجراءات ترحيل القائمين بالانقلاب إلى جزيرة القطن في بيوتهم!
وجدير بالذكر أن محاولة الانقلاب الفاشلة لم تدم أكثر من 24 ساعة، قام فيها المتمردون بمحاصرة صفحات الموقع، من خلال تغيير كلمة السر للدخول على السيرفر؛ حتى لا تتمكن قوات الإنقاذ من صد العدوان، إلا أن حنكة الجهاز الاستخباراتي التقنية يسرت من فك شفرة الجريمة بسهولة(أو هم طلعوا طيبين و قالوا لنا عليها)، بعد أن ترك المتمردون آثاراً في موقع الجريمة؛ لأنه لا توجد جريمة كاملة!
وقد قامت قوات الوعظ والإرشاد بنصح المتمردين بعدم تكرار تلك الفعلة، الأمر الذي جعلهم يعودون إلى رشدهم بعد أن عرفوا "أن الله حق"، وأن "الجريمة لا تفيد".
ويذكر أن قوات أمن الموقع طوقت مكان الحادث، وألقت القبض على جموع المتمردين الذين اعترفوا بجريمتهم "بعد أول كليك"، وهو ما سهل مجرى التحقيقات، التي توصلت إلى إدانتهم بتهمة محاولة "قلب نظام الحكم"
وعليه قررت قوات حفظ السلام داخل موقع عشرينات في اليوم الخميس 23 فبراير 2006، قراراً ستحدد على أساسه المصائر، وستنقشع على إثره سحابات التمرد والاحتجاج، وستختفي من بعده جميع حركات التمرد من على وجه الإنترنت، ويتمثل هذا القرار في الحكم على أعضاء الثورة بعدم فتح الماسينجر، لمدة 3 ليالي و4 أيام، وهو البرنامج الذي قام من خلاله المتمردون بتنظيم تحركاتهم.
هذا وقد أعلنت وزارة داخلية عشرينات، تنظيم "عمال المواسير" تنظيماً محظوراً ومنحلاً، لا تضفى عليه أية شرعية قانونية أو شعبية، مع حث الزوار ومراسلي الموقع على تجنب الانضمام إلى هذا التنظيم حتى لا يصبحوا أعضاء في الـSpam Mail.
ومن المعروف أن ثورة "عمال المواسير" ليست هي الأولى من نوعها في (عشرينات)، فقد قامت شرذمة من محرري الموقع بمحاولة سابقة للانقلاب على نظام الحكم أثناء وجود مدير الموقع خارج البلاد، وحينها أعلن قائد تلك الجماعة، المنحلة هي كمان، أنه الزعيم البديل، وقد تم استئصال تلك الشرذمة هي الأخرى، إلا أن زعيم الثورة الفاشية الفاشلة يحتل الآن مركزاً مرموقاً في الموقع، حتى أنه لا أخفيكم سراً، كاتب هذه السطور!
..يعني إحنا من الآخر موقع ليه "سوابق"!
وبهذه الخاتمة السعيدة للأحداث، سوف يعود (عشرينات) إلى سابق عهده، ونتمنى لكم سهرة سعيدة مع موضوعاتنا.. باي باي.. تعالوا زورونا..
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
إيه هو ده بالظبط ؟؟؟؟؟؟؟؟؟؟؟
انا اللي فهمته ان فيه حاجه كانت هتتقلب واتمنعت يارب المانع خير .
اصل احنا هنا في مصر معلوماتنا عن الانقلاب دا انه بيبقى حاجه مش حلوه بتودي على مكان من اتنين لاننا في بلد ديمقراطي بيسمح لاي حد يقول رايه من الزير (انا قصداها الزييييييير)الى الغفير يبقى عندك واحد من اتنين
1-اللومان (واختار اي لومان يعجبك بقى ياحلو )
2-العباسيه ودي ارحم بكتير طبعا من اللومان (لان ماحدش هناك هيحاسبك ع اللي بتقوله بس ع الاقل هيكون عندك امل انك تخرج في يوم من الايام ومعاك شهاده معامله تخليك تقول اللي انت عاوزه من غير ماحد يقوللك انت بتقول ايه .
*(( وبصراحه انا بفكر اعمل الشهاده دي من دلوقتي عشان اشتري دماغي ))
بس خلاص .
ايه الموضوع العبيط ده
انا مش فاهم حاجة
لكن اظن انكم بتتكلموا عن زعبوط العفريت المتوحش لما كان بيقفل الباب فخبط المروحة والسؤال هو (وركز قوي باه) ما هو دور امينة رزق في فيلم ماتركس:
1- ام نيو
2- ولاعة نيو
3- مصر
لو عرفت البطيخة ابقي تعال
ومالس (يعني سلام)
boodoD
كان هذا هو الموجز واليكم الانباء
يا ريت اللي فاهم يقول مايتكسفش يعني
لاني هاتنقط لو الموضوع ده اتشال من غير ما افهم.....
وايه حكاية المواسير اللي فرحانين بيها دي هم بيشتغلوا صراصير مثلا
اقولكم ااااتشي يرحمكم الله
انا جاي
خلاص رااااحت
Dabdoob
مع تحياتي للانقلابيين.
انا دخلت علي الكواليس قبل ما تتقفل مفيهاش حاجه بيهنوا دعاء علي عيد الميلاد وواحد كدا كان نايم ومسمينه قطب وشويه هبل كدا وواحد باين كان قاعد علي بار . معرفش حاسه اني كنت بشوف الكف . انقلاب ايه انا مش فاهمه . بس بجد شكل المواسراتيه دخل في زورهم صرصور نصيحتي اسمعوا كلام الكبار وبلاش هرش مخ .
عملتها يا نفين كتبتها والله . هبعتلك الموقع اللي منه تشوفي مذكراتي ومستنيه تعليقاتك . حقولك عليه بكره لحسن الصفحه دي شكلها مسكون .
ده انا كنت فرحت في الكبار الخمسة و قلت اني هنضم لعمال المواسير...تطلع انت كمان مختل عقليا!!روح يا شيخ الله يسامحك
معلش يا كاوركات .. خيرها في غيرها
المتابع الجيد للأحداث التي حدثت أمس حول حدوث إنقلاب
والأحاث التي قبلها من التبرير السخيف الذي حدث من قبل في تناول موضوعات بعينها
مثل -- للرسول رب يحميه-- وكذلك -- لن نحتفل بالهجرة --
نجد أن ثمت أمور غير منطقية في الموقع
من خلال تجاهل رغبات القراء والحدث الأهم هو الإستخفاف مؤخرا بنا عب ما سموه إنقلاب.
أنا شخصيا لا أجد مبرر لما حدث سوي اللعب بعقولنا ....
بالروح بالدم نفديك يا زعيم طبعا هذا ما يحدث بعد كل انقلاب
ويا ريت لو يعطنى الزعيم يدة كى اقبلها طبعا الزعيم الجديد واذا كان الانقلاب فاشل يعنى الزعيم القديم لسه فى مكانه يعطنى يدة ايضا كى اقبلها
ياعينى عليكوا يا عمال المواسير رحتوا بلاش وانتوا فى عز شبابكم كان نفسى الانقلاب ينجح والله حاولوا وبدل الذل ده اعمللكوا موقع مخصوص وخلاص
عشرينيات طلع هو كمان فيه وزاره ذاخليه وفيه جماعات محظوره
بس باين ان الداخليه مش مصيطره على الموقع كله
الجماعه المحظوره برده لسه ليها نشاط
عرفين ايه هوا
الشعار لسه مقلوب
yehia2784@hotmail.com
1- انا قلت من الاول ان فكرة الانقلاب قبل استنفاذ كافة الطرق السلمية
2- لماذا هذا التوقيت بالذات لعمل الانقلاب مع ان الموقع يشهد تطورا ملحوظا
3- يا ريت متعمدوش البراء ( للمرة التانية بقولها ) لانه سبب نهضة الموقع و قومته من موته
4- لو الموقع تدهور تاني هعمل زي ما عمل جدي
4-
السالفة ان الموقع تعرض للاختراق وتم عمل اللازم اتجااه الهكرز والمخترقين .. والحمد لله على كل حال
د/ طلال ، آسف .. و لكنه لم يكن اختراقا ..
و لا أساس من الصحة لما تقول!
نصيحة
انا للاسف سمعت كلام مصعب و فتحت وصلة الموقع
عشان مش بحرم
نصيحة
بلاش غرور
و حاولوا تتغيروا
انتم خسرتوا ناس كتير من الي كانت زمان تهتم بالموقع
و تحب تتابعة
تفتكروا زوار الموقع دلوقتي زي زواره زمان
عموما
غلطتي ان سمعت كلام مصعب و فتحت الوصلة
طبعا هلاقي الي داخل يشتمني
خصوصا واحدة بعينها
يالا خير
عموما غلطتي مش هتتكرر
- ألو ...أيوة يا ريس
- كلهم مرميين دلوئتي في السجن ياريس .... وورقة الاعترافات جاهزة ...
-كبيرهم اتمسك كمان , ودلوئني قاعد يعد في شعر خروف اشتريناه له مخصوص ....
-أيوة الجرايد بكرة نازلة وفيها صورهم بالبدلة الحمرا ...
- تحت أمرك يا أفندم ....
الجرايد تاني يوم ...
يسقط أعداء الشعب .. ولا حرية لأعداء الشعب
والكاميرا من بعيد ...
واحد قاعد في قصر الرئاسة وحيموت من الضحك .....هههههههههههه .....
لا للتمديد ... لا للتوريث ... نعم لتعديل الدستور المصري
بأفكر أغير التوقيع لكن الحكاية باين محتاجة إنقلاااااااب ...
mohamedmat@hotmail.com
يا موقع ما يهزك انقلابيين
يارقم لا تقبل القسمه
يا موقع قلبى معاك
اهم حاجا تكون الخسائر بسيطه
وكل انقلاب وانتو بخير ومنجلكمش فى ثورات
عقبال الانقلاب قلى فى بالى
yehia2784@ hotmail.com
سؤال الانقلابين المخربين العملاء حنعمل فيهم ايه؟؟؟؟؟؟؟؟؟؟؟؟؟
الحمد لله ان الأجهزة الامنيه يقظة وعينيها سهرانه من أجل الحفاظ على الأمن العام ...
شكرا لجهاز المخابراتي القائم على موقع عشرينات
ساعه تروح و ساعه تييجى
انا برده دخلت على الكواليس و مفخمتش حاجه بس كنت مبسوطه مووت من الانقلاب
و بعدين اتصدمت دلوقتى
و لا دى كانت افتكاسه و لا بعته و لا ايه
يا عشرينات يا ريت تفهمونا
هبهوب انا هموت م الفرحه بحكايه المزكرات دى و يا ريت تبعتيها و تقوليلى ع الموقع بسرعه
بخصوص البسبوسه منتحرمش يا باشا
بخصةص النكته انا مش لاقياها انتى كاتباها فين
يا خساره هذا هو حال كل العمليات الأنقلابيه فى بلادنا العربيه و احنا قلنا الرجاله هيعملوا حاجه جديده و هيعملوا انقلاب بص عامة الأمل موجود و بالروح بالدم نفديكى يا بلبله ولو الحرس القديم لعشرينات منع الماسينجر فعادى فى جوجل تاك و فى سكاى بى و ممكن نعمل انقلابات و اوعوا تستسلموا لان مدير الشركه عمل حركات من ديه عندنا فى القسم الفنى بس لاننا رجاله وقفنا وقفت رجاله و مسكتنالوش و عملنا مظاهرات و لانى مناضل قديم اتنين من زمايلى شالونى فوق كتفهم ومشينا فى مظاهره صاخبه من مكتبنا إلى مكتب المدير الذى يفصله عنا جدار و طالبنا بعودة حقوقنا و الحمد لله الحياه بقت زى الفل و انا اترقيت و بقيت مدير القسم و انا مع الرجاله مصعب و اصحابه عمال المواسير وممكن يعملوا مظاهره و يستولوا على الباسورد الخاصه بالسيرفر و يدوهانى و مالهومس دعوه و انا اوعدهم أن احنانغير العشرينات و نعمله تطوير ونغير اسمه للأنقلابيون المتحده وهى ديه فرحة الدنيا ............... من فوق جزيرة القطن ... مناضل قديم
يخرب بيت كده انا برضه مش فاهم
يعني دي اشتغالة مثلا
ولا مين طفا النور
ازيك يا حمدي
وانت من اهله
ابقي عدي علي الكيبورد هاتلنا 3 زبادو بالجبنة
وسلام
Dabdoob don't understand
وبعدين لما تم احباط محاولة الانقلاب ليه لوجو عشرينات لسه مقلوب
يا خسارة اللوجو اتعدل تانى وهذا يدل على فشل الانقلاب
لا بنشحت ولا بنقول لله
اللي بيحب النبي يحدط ايده على راسه....
ينزلها ويحطها في جيبه ويطلعلها وفيها ربع جنيه .
حد يسلفني عشان فربت اشحن وجيوبي انضف من الصيني
وبعدين نبقى نتفاهم في حكاية الانقلاب دا بعدين .
انامش فهمه ان كان هزار ولا جد
هذه المقال الساخر لحال قادة العرب للاسف المتصارعين على الكراسى لصالحهم الشخصى لا لصالح شعوبهم المسكينة المطحونه .
لهذا ادعوا لمن يريد نغير عملاء الوطن من فخامة الرئساء والزعماء والملوك والسلاطين المسلطنة على من يريد تغيرهم ان يستمر فى حشد جموع الشعوب فليس بالانقلاب تتغير النظم فحدث فى كل الدول العربية انقلابات فكان الحال اسوء مما كان عليه.
فالتغير بيداء من هنا العقل.
ثم القلب.
ثم السلوك والحركة.
بالفهم والإخلاص والعمل ثم الجهاد والتجرد والأخوة ثم الثبات والتضحية .....
الله يكون فى عون المحيطين بيك انت خيالى مووووت او بتتفرج على قناه الجزيره كتير ونسالكم الصر والسلوان والسلام عليكم ورحمه الله وبراكاته ....واللى لقاء اخر فى الحلقه القادمه ####
يا ولاد المتناكة ايه دا اتفو على امك انت وهوا يا ابن العرص يا معرصين
واحد عوز يجوز بيحب خطبتو فى مشاكل دايما بي حماتو وحماة بيتكلم على القيمة وعلى الفلوس حماتو وحماة بيحبو اة لا لا ممكن تبعتو الرد العنوان القاهرة المعصرة شارع سالم سليمان البيت 17 ممكن الرد