سنة تانية عشرينات..
باستثناء فنانات السينما، لا يستطيع أحد أن يحدد أو يختار يوم عيد ميلاده، فهو بالضرورة اليوم الذي هبط فيه إلى الدنيا..
لكن مع موقع عشرينات كان الموقف مختلفا، فلم نكن نعرف متى نحتفل بعيد ميلادنا، هل نحتفل به في ذكرى ظهور الموقع أون لاين، أم يوم نشر موضوعنا الأول، أو ربما الأنسب أن يكون احتفالنا به يوم بدأ العشريناتية يسطرون أول تعليقاتهم على موضوعاتنا التي ننشرها على استحياء الهواة...
وأخيرا قررنا.. عيد ميلاد عشرينات هو يوم 5 أبريل.. يعني ببساطة في ذكرى اللقاء الأول لفريق الموقع عام 2003، قبل إطلاق عشرينات بعشرة شهور.. نعم فهذا اللقاء هو الخطوة الأولى في مستقبل كل واحد فينا.. ولكل أسبابه...
أول لقاء
7 شباب من حوالي 200 هم من صمدوا بعد الاختبارات والتصفيات والمقابلات التي كان يقوم فيها أحمد زين، بدور رشدي أباظة في فيلم صغيرة على الحب...
هؤلاء الـ7 ومعهم زين هم من التقوا في هذا اليوم، لا يعرفون بعضهم.. مختلفون في كل شيء، فهذا ناصري سابق، وهذا إخواني حالي، وهذه خريجة مدارس الراهبات.. هذا يجيد الرسم، وهذه لا تكره في حياتها أكثر من الرسم.. لكن المهم أن مشروعهم واحد...
أول مقال
هو رئيس الجمهورية بياخد كام؟.. عنوان أول موضوع شاهده جمهور عشرينات.. انتظر قبل أن تضغط عليه لتقراه فالموضوع فيه أخطاء في التكويد والتحميل.. اعذرونا، فلم نكن وقتها نعرف مصعب "عبقري عشرينات" بعد...
كاتب الموضوع هو بالطبع أحمد نصر الدين، الوكيل الوحيد للموضوعات والأفكار "اللي تودي أمن الدولة عدل"... والقراء هم المحررين الخمسة الذين ظلوا بالموقع بعد اللقاء الأول، وبعض أصدقائهم.
أول جاليري
القذافي.. سوبر ستار القمم العربية! طبعا الكاتب أخونا علي عبد المنعم.. ولمن لا يعرف فعلي متخصص في الكتابة عن الأخ العقيد، ولكن الحمد لله لم يكن أحد في ليبيا يعرف هذه المعلومة عندما سافرت أنا وعلي إلى هناك.. وإلا كان "الله يرحمنا" من زمااااان...
أول خناقة
"رايح الجيش تعمل إيه؟".. عنوان الموضوع الذي تسبب في أول خناقة بالموقع. الكاتب هذه المرة أيضا هو أحمد نصر الدين - مش قلت لكم – والموضوع يتحدث عما يحدث داخل الجيش المصري.
ولأن الموضوع شائك، والكلام فيه ممنوع، والسجن بسببه مضمون، تطوعت ياسمين وأزالته بنفسها من على صفحات الموقع، وذلك لأنها ببساطة خائفة على نفسها وعلى زوجها، لأنه هو من حجز "سيرفر" الموقع؛ ولأن الأستاذة ياسمين حصنت نفسها قبل حذف الموضوع، وضمنتني في صفها، فقد تطوعت بدلا منها لتلقي "ما فيه النصيب" من أخونا احمد نصر...
أول تعليق
أول تعليق جاء على موضوع "هو رئيس الجمهورية بياخد كام؟"، الذي نشره أحمد نصر الدين، تحت اسم مستعار، وهو حمزة الخياط، ولكنه أعاد اسمه إلى الموضوع بعدها بأيام، المهم أن أول تعليق كان: "الله ينور عليك يا عم خياط أنا بصراحة مش فاهم إيه الحلاوة دي تحياتي لك وسلم لي على الأخ علي زلط.. إيه أساميكم دي؟ مش ممكن تكونوا صحفيين من عندنا هنا من الأرض.. زلط.. خياط.. عموماً أنتم حلوين بجد.. شد حيلك يا خياط أنت وزلط.."
تحت الأضواااااااء
أول لقاء إذاعي بطله فريق عشرينات.. برنامج سيبث على إذاعة الشباب والرياضة، قاعدين في أمان الله والمذيعة تبدأ في الكلام : "أهلا ومرحبا في برنامجنا.. سهراية"
طبعا بمجرد أن سمعنا كلمة سهراية حتى احمرت وجوه الجميع، منذرة بانفجار ضاحك وشيك.. محمد باشا المعتصم لم يستطع أن يتمالك نفسه.. و.. "ستوووووووووووب".. واتفضحنا طبعا أمام الست المذيعة.
أما تجربتنا على التليفزيون فليست أفضل كثيرا.. فالحلقة اليتيمة التي سجلها علي وبراء لبرنامج شبابيك على قناة دريم حصلت وبجدارة على لقب أسوأ حلقة في البرنامج.. وباكتساح أصوات المشاهدين.
لم ينصفنا تليفزيونيا إلا أحمد نصر في لقاءاته على الجزيرة لعرض تجربة حملة "سكوت هنصوت" أثناء فترة الانتخابات الرئاسية المصرية..
شغل عالي
لماذا حفظنا كلمات أم كلثوم ورقصات روبي؟!
صفر صفر صفر .. تعيشي يا صفر!
محجبات عمرو خالد .. ظلموه!!
للرسول رب يحميه!
إبداع الزعماء .."فعلوها" في وضح النهار !
الشذوذ في السينما.. كيف تستغفل المشاهد؟!
الأسطى مجاهد
عوانس خمس نجوم!!
حب زميلتك.. من غير ما تترفد!
أبعد.. آه ونص.. ولا تكن الخسران!!
أهلك يا تهلك.. انت بالناس تكون!!
رسائل انتحار المشاهير..!
كيف تكتب أسوا CV!!
حول العالم في 80 تاكسي..!
علي علبة ...صديقي القهوجي
الـ"BBC"..صناعة اليأس..بغباء!
نيويورك..تاريخ من العبيد!
هيا بنا ننتحر
سافر خفيف.. تسافر سعيد
آيس كريم.. يا ساقع!
حكايات 60 سنة نووي!
أينشتاين.. 126 سنة عبقرية!
أسرار البنات كالعادة
ما يطلبه الملتزمون
دلع.. للمحجبات فقط!!
بسلامته بيخطب (2)
دين أهلك!
ذكرياتك مع شارون.. إيه أخبارها؟!
البنت.. مؤدبة؟!
يا بلطجي مين يشتريك
علي جمعة.. فتش عن المنصب!
منشور ضد السلطة!
تحبي تكوني موديل.. بالحجاب؟!
قاموس الملتزمين..
في ذمة الله يا صيام
* بفضل الله وبحمده، عشرينات أتم عامه الثاني، ماذا ستقولون لـ(عشرينات) في هذا اليوم السعيد، بالنسبة لنا على الأقل، ننتظر آراءكم!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
كل سنة وانتم جميعا بخير و ان شاء الله يبقى ليكم طفل أو طفلة تانية غير عشرينات, عشرينات كبر خلاص و اتفطم سيبوه بقى يعتمد على نفسه و يحارب من أجل البقاء
عشرينا ت "منبر من لا منبر له "... يلا
الموسراتيه والمحاربين القدامي والحداثي
والاعتتقال ..."كلوه بثوابه "
انتوا عالم سكره .. كفايه عليكوا كدا لحسن تصدقول بجد .. " منتظرين اعتقال حد قريب " ونشوفكم في " خلف الاسوار"
الموقع دا متبنيني من وانا في العشرات
ولسه ... " متنحش ".
يلا بالتوفيق السنه الجايه واللي بعدها كمان
ومن باباوماما اهدي اغنيه " كل عام وانتو حبيبي ".و"مابقاش انا ".
هنيئا لكم، وكل عام وأنتم بخير، بكل صدق أقول لكم لقد حققتم المعادلة الصعبة : المتعة+المنفعة في كل مادة تقدمونها، لكم من الشكر أجزله و أتمنى لكم اطراد النجاح و التوفيق..064101174_المغرب_elhitmi1@hotmail.com
اولا انا عملت في الموقع دا اصحاب كتتتتتير زي العسل .
نفونتي اتقبلنافي ملف الموت "هبهوب انتي ليكي مدكرات لما كنتي في امركا انا كمان بكتب "
ومن هنا ابتديت . وبعديها ال"النكته " اللي لسه بتدور عليها " لقيتها يا بت ولاه لسه .
" كرمله, كرمينلو " بردوه في ملف " الموت " ايه الغم دا " انا مستني المدكرات بفراغ الصبر والسلون كمان ...اميلي اهوه اهوه اهوه ...."
معلش يا "ضانيا" الماسمجر تعبني حبتين .بس انت ونج يمين يا باشا دا عشره مدكرات بردو.
" دبدوب" اللهي وانت جاهي يا دبدوب تهاجر وتروح فين بقي فين يا بت
البلد اللي انت بتعشقها " السعوديه " يلا هيص يا عم . " اوعي الفتنه اديني قولتلك اهوه "." يلا تشيل شويه من الاحباط اللي عندك تحت او فوق الباط متفرقش مع الجدعان "
" عبد الله مفتاح" .. " هيا بنا نلعب في اعماقنا ." اشمعني دي اللي مش هيتلعب فيها يا عوبد . يلا يا بني ليك مستقبل بالحق ينفع الصلاه وراه حليق ولاه لاه ؟؟
" سويت " مش عايزه اقولكوا كم الرسايل اوف لاين قد ايه مش عارفه لو كنت فتحت اون لاين كان ايه اللي ممكن يحصل . يلا
عايزه احضر فرحك يا بت .
اه من حلف الكواليس بقي
" الكابتن مصعب " اشكرك يا باشا " بضرواه " علي استضفتك في " البلوج" بتاعك .
وسلام يا بشششششششششر .
http://www.20at.com/article.php?sid=261
شوفوا المكتوب فى التعليقات
حرام والله حرام
انصح بعمل رابط للا بلاغ عن مثل هذه التجاوزات
أول موضوع كان مرتب رئيس الجمهورية؟؟مممم
مش عارف ... لكن أظن إني قريت المقال ده بعد الموقع ما اشتغل ... أو يمكن أنا بدأت أقرا في الموقع من أول ما بدأ ...يمكن ....
ياااااااااه ... الأيام عدت بسرعة ...مش فاكر أنا وصلت للموقع إزاي ؟؟؟ لكن فاكر إن واحد قال لي عليه بعدها وقال لي انه تبع إسلام أون لاين ومن ساعتها وانا متابعه ...
أنا فاكر في الأول .. كان مقال البراء بتاع عمارة الفوال في قنا...أظن ده من البدايات ...من بعدها تابعت الموفع ...
فاكرين ... البدايات ... وائل عباس ونونا المجنونة و .... مريم وشيرين وعلي وقطب ومحمد المعتصم ... كمان محمد الدسوقي اللي راح الدستور ...
كمان مني بعدما سافرت الكويت ... وعم خيري ... كان مقلب حكايه ..ههه
الحقيقة الواحد معاه ذكريات كتيرة أو معاكم ....
لا للتمديد ... لا للتوريث ... نعم لتعديل الدستور المصري
مش قلت لكم عايز أغيره ؟؟؟
mohamdmat@hotmail.com
كل سنة وانتم كتبجية بتاع كتابة يعني وكل كتوبة تلاقي لها مكتوبة وكتب ومكتوب ع الجبين لازم تشوفه العين وتكتبه الايدين وتقراه العنين
ولكم تحياتي الفقير إلي الله وائل الغزاوي
صحيح ... نسيت نشرة " تسعي " ... والتجارب الفيليمة اللي كنتم بتجربوها فينا ...
فاكرين الأسطي مجاهد ؟؟؟ فاكرين محمد صيام .... الله يرحمه ... ممكن أكتب قبل اسمه كلمة أستاذ ؟؟ أستاذ محمد صيام
الحقيقة من الناس اللي أثروا فيا ...
وأنا جاي من القاهرة مرة قابلت واحد صدفة في القطر كان من دمنهور والكلام أخدنا ... وسألني تعرف موقع عشرينات ...قلت له أيوة .. قال لي
:سمعت عن الأستاذ محمد صيام ؟ قلت له :أيوة الله يرحمه ... حكي لي عنه وإزاي إنه كان إنسان أكثر من رائع وإزاي إنه دخل في المجال ده بنفسه
وبحبه ليه ... وإزاي إنه كان كتلة نشاط وحماس ... وكان محبوب من أي حد يقابله ... أكيد دلوئتي هو فرحان باللي إنتو وصلتوا له ...
الله يرحمه
إيه ده ؟؟؟ كفاية حزن كده ... ده احنا حتي في مناسبة سعيدة ..
فاكرين نشرة المراقبة الصحفية ؟؟؟ هي فين صحيح ؟؟ عجبتني أوي وقتها وكمان لقيت تفاعل كويس جدا مننا ... من الجمهور يعني ...
ولا أنس باشا محمود .... وقعت في القلب ده مرة " أظن موضوع واحد زيك "... لكن البراء "ربنا يكرمه يارب " قال لي إني هو نفسه أنس باشا محمود ...
إشمعني انس يعني ؟؟ ... مش عارف
صحيح !! قبل ما أنسي !! .... وسام كمال ...كتبت أكثر من موضوع في عشرينات ودلوئتي في إسلام أون لاين ..لكن بجد الشخصية
دي أنا اتعلمت منها بجد ... ربنا يوفقها يارب ..
والدكتور عمرو مجدي ...تعليقاته كلها عاقلة جدا وآراءوه دائما بألاقي فيها رزانة واتزان ... يمكن يكون أفضل شخصية يستاهل فعلا إنه يكتب لكم في يوم ميلادكم ... وواضح جدا الكلام ده في " عشرينات في زمن التحولا ت "..
لا للتمديد ... لا للتوريث ... نعم لتعديل الدستور المصري
ياجماعة غيرووووووه ...
mohamedmat@hotmail.com
يجي بقي للحاجات الغلسة ... طلباتنا ... يمكن إحنا الجمهور القديم ... وبرضه الجديد
الحقيقة فكرة نشرة المراقب كانت خطيرة بجد ... فكرة جديدة ..بتسمح بالتفاعل بين الموقع ومحررينه وكمان بتعمل جو من المنافسة الجميل ...
ياريت ترجعوها ..وجربوا مش حتخسروا حاجة ...
ثانيا ... ده بعد إذنكم يعني ؟؟؟ رتم موقع ولاد البلد ..المواضيع بتتغير بسرعة رهيبة لدرجة إن الغالبية مش عارفة تتابع المواضيع كلها ....
بالراحة علينا شوية ... لاحظوا إننا عندنا كليات ودراسة ومواقع تانية وحاااااجات كتير ...ما إحنا مهمين برضه
في اقتراح أتمني تعملوه ... لو ممكن تعملوا جروب لينا علي الياهو ... تسمح للمجموعة " إحنا وإنتم - ولو إن ساعات مبعرفش أفرق بينكم
وبينا " بالتعارف والتداخل أكثر .
مش ممكن ييجي يوم .... تكونوا أول موقع علي النت يحول العلاقة دي " علاقة النت " لعلاقة حقيقية ... مش بعيد تتطور الفكرة ونتجمع ولو
مرة في الشهر .... في أي نادي أو أي مكان ... يكون لكل العشريناتية ... يعني الموقع يحول علاقة الكيبورد والماوس ...لعلاقة حقيقية
تجمع بينا كلنا ....
فكروا بجد في حاجة زي دي ...سواء الجروب او إننا نتقابل ...
الحقيقة إحنا هنا بنعمل حاجة ربما تكون جديدة في عالم مواقع الانترنت وخصوصا المواقع الشبابية ... إحنا بنجمع بين علاقات محترمة ومواضيع بجد
هادفة في إطار من الحب والود اللي ميسمحش بأي خطأ من حد في حق أي حد تاني ...أو بدون تجاوز للشرع والحدود ..
إيه ده ؟؟؟ أنا من غير ما أقصد والله لقتني بأتكلم بصيغة المتكلم ...رغم إني المفروش أتكلم عنكم إنتم .... صحاب الموقع وكتابه ..
اقول لكم ...تيجي نرزل علي البراء ونعزم نفسنا عنده بمناسبة خطوبة سلامته ؟؟
ولاالبنات يحلوا ضيوف علي دعاء ...إنتو متعرفوش ؟؟ مش هي كمان اتخطبت .... شفتوا الصدف ...
الحقيقة أنا مكنتش عايز أكتب كلام كتير كده ... أو كلام كبير .... لكن أهه اللي حصل ... شكل التعليق طويل وحيتقص لكن أهه ...أنا حبيت احكي لكم عن عشرينات وعم ذكرياتي معاه في الشهور اللي فاتت ... وعقبال مائة عام ...
لا للتمديد ... لا للتوريث ... نعم لتعديل الدستور المصري
ياجماعة غيرووووووه ...
mohamedmat@hotmail.com
اسف حصل خطأ في الاسماء ..انا أقصد عمرو مجدي اللي كان من أنشط معلقي عشرينات ... ولكن حصل خلط عندي في الاسماء مع د.مجدي سعيد كاتب " عشرينات في زمن التحولات" ..لو ممكن يا عشرينات تعدلوا التعليق ..ممكن ؟
لا للتمديد ... لا للتوريث ... نعم لتعديل الدستور المصري
ياجماعة غيرووووووه ...
mohamedmat@hotmail.com
مثلما كان لي شرف تسطير كلماتي النابضة بوقع حياة الاردن والاردنيين الشباب منهم وغير الشباب على صفحات عشرينات كنت قارئا شغوفا ومستمتعا بهذا الموقع الرائد على الدوام..
عيد مبارك يا عشرينات والى الامام وتحية لكل افراد الفريق الرائع .. من شباب الاردن
أتمني المزيد من التفوق والريادة في عقود التحولات والمعلوماتية الحديثة في ظل ثورة الحداثة المتأخرة......... آسف افتكرت نفسي
وأنا بتكلم وزير الإعلاموالثقافة ومنظر القرن القادم وكلام كتيير أوي وكبير
المعلوماتية .... والثورة ... والحداثة ..
تفتكروا ان الريادة في الصحافة والإعلام محتاجة كلام جريئ ولا حرية ولا ....إيه بالظبط
أتمني لكم مرة أخري التوفيق ولو سمحتم إسمعوا رأي القراء ورغباتهم...
aroundu_4
أتمني المشاركة علي :
http://groups.yahoo.com/group/aroundu_4/
أرجو نشر هذا الموضوع
أرجو الإتاحة للقراء نشر بعض الموضوعات والمقالات .....
طلبت ذلك مراراً وتكراراً...ولم يستجب أحد
وأرسلت هذا المقال لإدارة الموفع والمحررين ولم يرد عليَ أحد....
موضع الفكرة الواحدة.....
يقول قاضي قضاة الشام سليمان بن حمزة المقدسى وهو من ذرية إبن قدامة صاحب كتاب المغني ( لم أصل الفريضة قط منفردا إلا مرتين, وكأني لم أصلهما قط ).
هل تعلم كم كان عمر سليمان المقدسي حين قال هذا الكلام ؟؟
كان عمره تسعين عاما تقريبا ........
أكاد أنظر إلى وجوهنا ألآن وقد قلنا لأنفسنا بصوت منخفض من الخجل ' تسعون عاما ولم يترك الجماعة إلا مرتين , وأنا لازلت شابا صغيرا ولا يكاد يمر إسبوع واحد إلا وضاعت مني الجماعة على الأقل مرتين '.
وهنا يطرح التساؤل الآتي نفسه, وهو لماذا كان حرص السلف وصحابة النبى صلى الله عليه وسلم الشديد على صلاة الجماعة حتى يقول أحدهم حين يتركها مرتين [ وكأني لم أصلهما قط ] ؟
أتريد أن تستـقيم إلى الله .
فعليك أن تدلف من باب الاستـقامة إذن وبابها المحراب .
وهكذا ، فإن على الفرد المسلم في كل وقت أن يبدأ عمله من المسجد ، فيصلح العقيدة ، ويتعلم أدب التعامل الإسلامي ، وبذلك تسقط تـلقائياً كل المقاييس الأخرى في التـفاضل ، من جودة الكتابة ، و بلاغة اللسان ، و بهرج الشهادات الجامعية .وإنما جماع الخير في ارتياد المسجد ، وذخيرة المسجد نعم زاد الانطلاق . ولقد أحصاها الحسن بن علي بن أبي طالب رضي الله عنهما فقال :
" من أدام الاختلاف إلى المسجد أصاب ثماني خصال :
آية محكمة
و أخاً مستفاداً
و علماً مستطرفاً
و رحمة منتظرة
وكلمة تدله على هدى ، أو تردعه عن ردى . وترك الذنوب حياء ، أو خشية "
موضع الفكرة الواحدة.....
" فالمسجد هو في حقيقته موضع الفكرة الواحدة الطاهرة المصححة لكل ما يزيغ به الاجتماع . هو فكر واحد لكل الرؤوس ، ومن ثم فهو حل واحد لكل المشاكل . وكما يشق النهر فتـقف الأرض عند شاطئيه لا تتقدم , يقام المسجد فتـقف الأرض بمعانيها الترابية خلف جدرانه لا تدخله ".
" فما المسجد بناء ولا مكاناً كغيره من البناء والمكان ، بل هو تصحيح للعالم الذي يموج من حوله و يضطرب ، فإن الحياة أسباب الزيغ والباطل والمنافسة والعداوة والكيد ونحوها ، وهذه كلها يمحوها المسجد ، إذ يجمع الناس مراراً في كل يوم على سلامة الصدر ، وبراءة القلب و روحانية النفس ، ولا تدخله إنسانية الإنسان إلا طاهرة منزهة مسبغة على حدود جسمها من أعلاه و أسفله شعار الطهر الذي يسمى الوضوء ، كأنما يغسل الإنسان آثار الدنيا عن أعضائه قبل دخول المسجد ).
ولقد تـفاعل الموفقون مع هذه الأعطيات التي تمنحهم إياها مساجدهم ، فولعوا بها ، و شدوا إليها شداً أنطق الشاعر بالصدق فوصفهم بأنهم :
يمشون نحو بيوت الله إذ سمعوا **** ( الله أكبر ) في شوق وفي جذل
أرواحهم خشعت لله في أدب **** قلوبهم من جلال الله في وجل
ثم ما برح أئمة الموفقين يلحون في التوصية بذلك ، ابتداء بالصدر الأول ، كمثل عبد الله بن المبارك حين يقول :
اغتنم ركعتين زلفى إلى الله **** إذا كنت فارغاً مستريحاً
و إذا هممت بالنطق بالباطل **** فاجعل مكانه تسبيحاً
وآخر يقول ( حسن البنا ):
أمامك كل يوم لحظة بالغداة ، ولحظة بالعشيّ ، ولحظة في السحر ، تستطيع أن تسمو فيها كلها بروحك الطهور إلى الملأ ، فتظفر بخير الدنيا والآخرة . وأمامك يوم الجمعة وليلتها تستطيع أن تملأ فيها يديك و قلبك وروحك بالفيض الهاطل من رحمة الله على عباده ، وأمامك مواسم الطاعات وأيام العبادات وليالي القربات التي وجهك إليها كتابك الكريم ورسولك العظيم ، فاحرص على أن تكون فيها من الذاكرين لا من الغافلين ، ومن العاملين لا من الخاملين ، واغتـنم الوقت ، فالوقت كالسيف ، ودع التسويف فلا أضر منه "
وكمثل الإمام بديع الزمان سعيد النورسي حين يخاطبك و يقول : " رُكِّبتَ من القصور والفقر والعجز و الاحتياج ، لتـنظر بمرصاد قصورك إلى سرادقات كماله سبحانه ، وبمقياس فقرك إلى درجات غناه و رحمته ، و بميزان عجزك إلى قدرته و كبريائه ، ومن تـنوع احتياجك إلى أنواع نعمه و إحسانه .
•◘•◘•◘عندما تولد يا ابن ادم يؤذن في اذنك من غير صلاة وعندما تموت يصلى عليك من غير اذان وكأن حياتك في الدنيا ليست سوى الوقت الذي تقضيه بين الاذان والصلاة فلا تقضيها بما لا ينفع•◘•◘•◘
المصادر :
علو الهمة محمد أحمد المقدم
الرقائق محمد أحمد الراشد
راسلنا علي :
http://groups.yahoo.com/group/aroundu_4/
انا عرفت عشرينات من مجله كلمتنا ة من يومها هى بيتى لو طلبو من حد يتكلم عن بيته هيقول ايه
و انتو يا عشرينات بيتى اللى على النت
بقول لكل العشريناتيه ميرسى على كل بسمه ضيفتوهالنا و ميرسى اكتر على كل دمعه طلعتوها مننا و حسستنا و هو نازله اننا لسه بشر
بس مش مسامحاكو يا عشرينات على انقلاب عمال المواسير اللى فشل
اما الاصدقاء اللىقابلتهم هنا اقول ايه علشان اديهم حقهم
هبهوب البت المصريه الجدعه اللى ف امريكا و مونسانا بتعليقاتها الحلوه و اللى نفسى افضى و اتكلم معاها اونلاين بقى
اكرم الشاب المعتدل اللى عرفنى ازاى الحوار باعتدال و ازاى الوسطيهو اللى ياما ظبطنا بامل دنقلو اللى بقالهع فتره غايب انت فين يا اكرم
عبد الله مفتاح المتدين الجميل اللى كتير لما بنسرح بخيالنا بيرجعنا للواقع باسلوب جميل
يااااااااااه يا عشرينات
و الله انتو موقع عسل
اعسل موقع ع النت
السلام عليكم
نريد أن نتعرف عليكم عن قرب
لماذا لا تكون هناك صفحة تعرفكم
من انتم
و أهنئكم و أشجعكم
هذا الموقع فعلا أستطاع أن يلفت الأنظار
كل سنه والادارة والكتاب والمعلقين بخير
يا هبهوب ويا نيفين بشكركم جدا انكم افتكرتوني في تعلقاتكم واظن انكم واخدين عني فكرة مش حقيقيه
واظن كمان ان اكرم ودبدوب ممكن يوضحوا الفكرة الحقيقيه عني
هبهوب شكلي كده هعمل عمليه ارهابيه جامده اوي وانتي هتكوني في الاتوبيس
مالي انا ومال الصلاه خلف حليق؟
اذا كنت انا (للاسف) اكبر حليق يبقى مش هصلي ورا حليق
نيفين ربنا يكرمك رفعتي معنوياتي بعد موضوع الكحل (وزينة النساء) ولا موضوع زينة النساء ده حاجه تانيه . يبقى ساعة موضوع الكحل بس
يا جماعه محدش ينسى سوسة المفروسه
سوسة المفروسه ايدتني ودعتلي وقلتلي
(لا فض الله فوك)
خالص الامنيات لسوسه المفروسه
والبت بتاعت فادي بطلت تدخل لان فادي طلع
خيبتها تقيله البت دي
كل سنه وانت طيبين ومزيد من التقدم والتميز ان شاء الله لهذا الموقع الرائع
اولا الاحتفال باعياد الميلاد "بدعه"
بس احنا هنخليه احتفال بحريه ارائنا وكلمتنا
انا سعيده جدا بيكم
بس الحقيقه زعلانه علشان مفيش ولا شاب من المحررين "ملتحى"
ربنا يوفقكم ويهدينا واياكم الى ما يحبه ويرضاه
كل عام وأنتم بخير ... أدعو لكم بالتوفيق
غقبال 10000000000 سنة وعقبال لما بقى الموقع رقم واحد
بس كنت عايز اطلب
1) انتوا نفسكو عشرينات بعد 5 سنسن مثلا يبقى ايه ( ما هي رؤيتكم vission)
2) تعملو دورة تعليميةتدربوا فيهامجموعة من قراء الموقع على كيفية عمل مشروع زي ده تنقلوا فيها خبراتكم للقراء (e-learning)
3) تعملوا حفلة في اي مكان ( مطعم او نادي ) وتكون الدعوة علمة لجميع قراء عشرينات حتى لو كانت الحفلة باشتراك رمزي نفسي اتعرف عليكو فعلا
كل سنة و اهدافكم متحققة
ربنا ينصر بيكم الاسلام و المسلمين و يعزنا نحن العمسلمين و العرب
طلب بالمرة باة
ياريت يكون فيه رقابة و فلتر على الردود من قبل المشاركين
لان بصراحة الواحد بيشوف كلام
انتو عارفين اكيد
ربنا يبارك لكم كلكم
ويحفظكم
السلام عليكم و رحمة الله و بركاته
نبتدى منين الحكايه
تعرفوا ياجماعه أنا مع تعليق الأخت
مسلمه أن الأحتفال بعيد الميلاد بدعه و لكن من الله على بفكره أنفذها من سنتين أو ثلاث على نفسى و الفكره ببساطه
أنى فى ليلة عيد ميلادى أجلس مع نفسى جلسة محاسبه أتذكر فيها أهم الأحداث فى حياتى و التى حدثت فى السنه المنصرمه و أسأل نفسى بعض الأسئله
هل رضى الله عنك هل نصرت الأسلام هل بغلت عن الحبيب صلى الله عليه و على اله و صحبه و سلم بأيه كما أمرنا بذلك هل حافظت على سنته هل تحب لقاء الله هل عملت ليوم الحساب هل استعددت ليوم الرحيل هل أديت الأمانات كم من الناس أغتبت كم من الناس ظلمت و بهت كم من الحرمات انتهكت كم من الذنوب فعلت كم من الصلوات ضيعت كم من الأوقات أهدرت كم من الحسنات أستصغرت كم من الذنوب أستحقرت و ماذا ستقول لمنكر ونكير فى القبر و ماذا ستفعل فى ظلمة القبر ......... أجدنى محاصربكل هذه الأسئله و غيرها الكثير و أريدكم أن تسألوها لأنفسكم قبل أن يأتى الموت و قتها لن يفيد السؤال و لن يفيد الكلام إلا من أتى الله بقلب سليم
قد يقول البعض ايه يا عم النكد ده و لكن هذه حقائق سوف نسأل عنها و أريد كل شباب الموقع محررين و زوار أن يسألوها لأنفسهم ثم تسأل أدارة الموقع نفسها كأداره هذه الأسئله و تضيف عليها سؤال أخر هل ما ننشره لنا أم علينا أمام الله عز وجل
انا لن أخفى عليكم سر فلقد أستطاع الموقع أن يستحوذ على جزء من تفكيرى و وقتى بروح شباب الموقع زوار و محررين و شبابية الأفكار و غزارة معلوماتها وروح السخريه اللاذعه الجميله التى تسيطر على بعض المقالات ولكن.......
و هنا نريد ان نتوقف وقفه طويله قليلا وسوف أوجه بعض الأنتقادات إلى أسلوب إدارة الموقع و انا لا أقصد النقد الهدام أو النقد لمجردالنقد و لكن أقصد نقداً بناءً يساهم فى تطوير شكل أداء الموقع فلاحظت فى بعص الفترات تدنى مستوى بعض الموضوعات و تنافيها مع أطار الشرع و السلوكيات العامه
فمثلا موضوع مثل خمسين صلاة في اليوم! http://www.20at.com/article2.php?sid=635
يحتوى على اخطاء شرعيه كثيره و أنا لست أهل علم و لكن الفطره تنفر بطبعها من كل شاذ و بعض المواضيع الأخرى أنا لا أذكرها ولا أرغب فى تذكرها لأنى اشعر بارتباط غريب بينى و بين الموقع فالمثل الشعبى يقول حبيبك يبلعلك الزلط و عدوك يتمنالك الغلط
كذلك احبائى زوار الموقع أحيانا يخرجون على النص ويكتبون تعليقات لا تليق وبالطبع كل منا حر فى رأيه و لكن لا تؤذوا الأخرين بكلمات خارجه و سباب لن يفيد فى شىء لذلك أرجو من إدارة الموقع ان تقوم بعمل فلتره على المواضيع التى تحوى كلمات خارجه و حتى لا يفسر كلامى خطأ انا لا أقصد أن يتم حجب تعليقات دون أخرى و إلا يكون المو قع قد فقد رونقه رورحه و لكن التعليقات التى تحوى كلمات خارجه فقط
أعجبتنى بشده فكرة الأخ محمد السيد و هى لماذا لا نجعل يوم يلتقى فيه المحررين بالزوار و لنجعلها جلسه كجلسات الصالونات الثقافيه نتناقش فى المواضيع المختلفه و نضع أراء ومقترحات نحاول أن ننفذها على أرض الواقع
فالنقد و الكلمه وحدها لا تنفع بدون عمل وتخطيط و تنفيذ و أضيف أقتراح اخر لماذا لا ننشىء ركن و لنسميه مثلا ركن الهواه أو ركن القراء يلقى فيه كل عضو بأبداعاته فى الكتابه أو القصه القصيره أو الشعر و نختار أفضل المواضيع و نعرضها فى الموقع وهذا سوف يحدث تفاعل رهيب بين الجميع
فى كل الأحوال الموقع أكثر من رائع و أسلوب محرريه أكثر من رشيق و تعليقات معظم زوراه فى الجون و أتمنى للجميع بلا أستثناء التوفيق
و اشكر الله الذى من على بصداقة المبرمج العبقرى كما أطلقت عليه دعاء احمد مصعب و أتمنى أن تدوم هذه الصداقه
محبكم فى الله
مناضل أنترنتى قديم
hassan_gaer@hotmail.com
الف مليون مبروك
فعلا عشرينات قدر يثبت نفسه رغم صغر سنة علي الشبكة العنكوبيتية بالمقارنة بالمواقع الشبابية التانية
ربنا يوفقكم والي الامام دائما
بس ياريت ماننساش واحنا بنحتفل بالسنة التانية لعشرينات بالكاتب / عبد المنعم محمود وهو خلف القضبان بدون تهمة ربنا يفك اسره
انا عارف انه مش كاتب اساسي بس برده كان ليه مواضيع كويسة
عموما الي الامام دائما
سنه حلوه يا جميل
سنه حلوه ياجميل
سنه حلوه سنه حلوه ياجميل
الف الف مبروك
وعقبال 100 سنه
YEHIA2784@HOTMAIL.COM
ياريت لو حد يعرف يقول مين قلى فى الصور يقول
البراء هو الاول من ناحيه اليسار
يحيي ... الشهير بياء ...
في الصورة تقدر تلاقي نااااااااااس كتيرة .....
البراء ... عشان اللي ميعرفهوش موجود ......
ومصعب ... برضه ..
والباقيين معروفين .... مش محتاجة .... أنا قلت أكتب أعرفكم باللي مش مشهورين يعني ...
وبعدين يا يحيي ... في حد في الدنيا يخترع اسم ... ويعجبه ... وكمان يقول انه حيسمي بنته بيه ...
ياء ...
الاسم ده من اختراعه وعجبه ....
وعجبي
لا للتمديد ... لا للتوريث ... نعم لتعديل الدستور المصري
ارحموني ..... غيروه
mohamedmat@hotmail.com
السلام عليكم ورحمة الله
اتوجه اليكم با اخوة الاسلام بان ترشدوني لمن بساعدني اسرة كاملة مهددة بالانهيار وان ترمى بالشوارع
اجوروني عملت كل ما بوسعي
قالوا لي انكم باستطاعتكم ايصلي لامير يدعي الامير طلال بن الوليد
ahmed_mmm_33@hotmail.com
ahmed333_1@yahoo.com
كل سنة و انت طيبة يا عشرينات ...الموقع ده شكل اضافة مهمة لحياتي اليومية..على الاقل خلاني افضفض شوية عن بعض الحاجات اللي انا (مفروســــــة) منها من زمان...بس انا مش قادرة افهم ازاي اصدقائنا البعدا ما لموناش كلنا في بيت العيلة من زمان؟؟؟ يمكن بقه فيه ديمقراطية بجد ؟؟...انا لسه ما صحيتش من النوم والا ايه...خير اللهم اجعله خير...يجعل كلامنا خفيف عليهم
في الموقع ده انا اتعرفت على ناس محترمه كتير (عبدالله مفتاح-هبهوب-نفين-اكرم-سويت برنسيس-عابر القارات- اسلام عبد السلام- دبدوب..و غيرهم) صحيح لسه مابقيناش اصحاب بس انا بقرالكم كلكم و باحترم اراءكم جدا و نقاشاتكم بتبقى في منتهى الجمال و بحب دايما اشارك..انا لسه اعتبر جديده في الموقع الى حد ما بس باتمنى اننا نبقى اصحاب
بالنسبة ليك ياعبدالله انا دايما باقرا ردودك و باحس انك في اوقات كتير بتقول اللي انا عايزة اقوله بالظبط و كفاية انك بتفتكرني شكرا ليك ربنا يوفقك و تاني (لا فض الله فوك)
أرجو إيجاد وسيلة لذف التعليقات السخيفة والقذرة
أعتقد أنني قلت ذلك منذ شهور وعلي نفس الموضوع أسرار البنات....
التعليقات تكتب وترسل دون أي فلتر...
أعتقد أن الفلترة سهلة جدا.......
حرام عليكم...
راسلونا علي :
http://groups.yahoo.com/group/aroundu_4/subs_invite
فرحانين قوى بنفسكم عليا النعمه و رحمة بابا الحجاج إبن يوسف الثقفى لأقطع روسكم و أعلقها على باب اللوق و أخزقلكم عينيكم و خصوصا أنكم أصلا لابسين نظارات ... أنا وراكم و الزمن طويل إن ما خلتكم ما تنفعوش حتى تسعينات مش عشرينات ما بقاش أنا
كل سنة وانتو طيبيين انا الموقع شفته بالصدفة وعجبنى ممكن انضم اليكم وازاى
مرة تانيه كل سنة وانتو طيبين
هاااااااى انا تيتو من القاهره باحب الخير لناس بس انا عوز اتعرف على بنت محترم