ماذا لو.. مات الرئيس!
في الفترة الأخيرة رحل عن حياتنا الكثير من الزعماء والرؤساء، الرئيس الفلسطيني والسعودي وأخيرا الكويتي، ويبقى عدد آخر من الرؤساء في انتظار الضيف نفسه..(الموت)، وهو بالطبع ما يثير بداخلنا جميعا تساؤل ماذا لو مات الرئيس؟
يثير لقب الرئيس بداخلنا الحب والود والشكر وقد يثير بداخلنا الرعب والفزع ولكن ماذا لو رحل فجأة عن الدنيا، كيف سنتصرف وكيف سيبدو ذلك اليوم، صعب، كئيب، حزين، أم ستختلط المشاعر وتتباين وفقا لارتباطنا به وتأثيره على حياتنا؟.
حداد نيولوك
مشاعر الحزن قد لا نختلف عليها جميعا البكاء والحزن واللون الأسود الذي يكسو ملابسنا وترك التلفزيون والقنوات الفضائية وإطلاق آيات القران الكريم في بيوتنا ممنوع الضحك ممنوع الهزار حتى ممنوع الكلام العادي.
أما الجديد والمثير هو ظهور مشاعر مختلفة تماما في نفس المناسبة.. عمل حفلة، عمل عيد ميلاد وتورته وحركات، توزيع أرز بلبن، وأشياء كثيرة جدا قد لا نتوقعها أو نحلم أن تقال في وفاة شخص إلا أنها موجودة بالفعل، وموجودة فقط لأنه الرئيس؟
استمع إلى أراء الشباب
اقرأ أيضا في هذا الملف :
مقدمة الملف
في رحاب الله
تحب تموت ازاي؟!
اكتب نعي رئيس بلدك
موت و خراب ديار!
في العزاء .. أنا جاي أهرج
تحب تنتحر
اللي تعرف ديته اقتله
أبوك مات يا محمد .. ما أنا عارف
لصوص الموت .. ظرفاء كالعادة!
ماذا لومات الرئيس
دموع الفضائات العربية
سيدنا الولي
قرأت (نعيك)؟!
الحزن .. حاجة شعبي خالص
صفحة الوفيات .. ليست دائما الأخيرة
"كلب" .. و راح!
الحانوتي .. أنا من تراب
ميت على رأي المثل
الفيلم لن يموت!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
عادي جدا موضوع الرز بلبن ده
لما شجرة الدر اتقتلت رميا بالقباقيب عملت ام علي زوجة عز الدين ايبك اكلة جميلة ووزعتها على المصريين بمناسبة وفاة المغفور لها شجرة الدر
و انا ادعوا كل المصريين الى اكل ام علي يوم وفاة السيد الرئيس اطال الله في عمره و جعلها مناسبة قومية و ان يعرض التلفزيون في هذا اليوم من كل عام فيلم ابو علي و شورت و فانلة و كاب و شراب و شبشب
اذا مات مبارك فكلنا جمال مبارك ؛ سر على درب ابيك ؛ لقد رشحناك واخترناك والشعب وراك والله يرعاك ؛ امك فى عنينا من جوه واخوك وابنه هنشيلهم على راسنا ده احنا ياما ابوك ورانا ايام كانت كلها قرع بس مكنش عسلى ؛ يا جمال يا جمال انت خيرة الرجال .
طبعا دى هتافات من شوية عيال بلطجية ( بيمثلوا ارادة شعبية ) كل واحد فيهم واخدله سنكوتش جبنة فلامنك وسنكوتش فرايديز ومخه اتلحس لما حبس ببيبسى كانز اللى كانت منتهى علاقته بيها انه بيحط فيها كلة عشان الليل واخره .
الحقيقة واهم من يظن ان تغيير الانظمة متوقف على موت مبارك او ان العقبة فى مبارك كشخص رغم ان ده نسبيا صحيح لكن من سيأتى الا يعلم انه سيحكم شعب سلبى تحمل غلظة ووطأة حكم مبارك ولم يتفوه ب لا ولم ينتفض رافضا حتى ما يمس لقمة عيشه !!!
موت مبارك سيسعدنا جميعا بدرجات متفاوته وستختلف طرق التعبير عن هذه السعادة التى سيخالطها خوف وترقب ربما سيؤديان الى افساد هذا الشعور .
لاتتعجبوا ان مات مبارك ورأيتم بعضا من الشعب يبكى او يتعاطف او ينهر شخصا سعيدا بموته فاتذكر ايام ما تعرض مبارك لحادثة اديس بابا وكنت ايامها عيل بلعب فى الرمل وبحطه فى افه اصحابى رأيت بعض الناس قد هالهم الامر واحزنهم ورأيتهم يهرولون بعضهم يهنىء زوجته وبعضهم يضع يده على قلبه يريد الا يسمع تكذيبا او تصريحا مطمئنا يخيب اماله فى التخلص من هذا الطاغية يومها اختلطت على المشاعر وزاد اختلاط هذه المشاعر وقتما رأيت شيخنا الشعراوى وشيخنا الغزالى مع مبارك بعد نجاته يومها تعجبت فاستوضحت والدى كيف يفعلان ذلك ويقفون بجانب رجل رأيت كثيرين يدعون عليه ويتمنون موته ويبشرون الاصدقاء والاهل بوفاته فلم يجبنى أبى فباغته بسؤال صدمه قلت له هو مبارك مسلم ولا كافر ؟ فرد والدى اكرمه الله وقال : مسلم عاصى مثله مثل مسيلمة الكذاب لكن الرد لم يكفينى ولم يشبع فضولى وظللت كثيرا اوجه سؤالى لاساتذتى ورغم تباين الاجابات فضلا عن تهرب البعض من الاجابة قال لى مدرس الفقه اكرمه الله واعزه : مبارك مسلم لكن ضرره اشد من الكافر وظل يشرح لى ما يقصد فكانت اجابته شافية كافية .
الشاهد من كلامى انه عندما لا نكون نحن كشعوب مصدر القوة والمحاكمة والمحاسبة فستتبدل الكراسى يذهب مبارك الى الجحيم ويأتى ابنه ليعيشنا فى جحيم ؛ وعلى رأى المثل الخلف تلف وجمال خسارة .
أجمل شئ فى الموضوع عنوانه لأنه بيعطى إيحاء بإستبعاد موته أصلا (أستغفر الله العظيم و حاشالله)
ايه يجماعة الموضوع الزفت ده انتوا كده بتهرجوا .
انا اتولدت سنة 80 يعنى اتربيت على اخترناك اخترناك والضربة الجوية الاولى .
ولما كبرت شوية عرفت يعنى ايه قمع ويعنى ايه فساد واستغلال نفوذ وغياب القانون .
مش آدر اتخيل يجماعة ان الرئيس ممكن يموت
وبعدين واحد صاحبى قالى مرة افرض جالنا اللى أسوأ منه قلتله ده شىء مستحيل الحدوث قالى افرض ربك قادر على كل شىء وزى مخلق ده قادر يخلق اللى اسوأ منه قلتله ونعم بالله واعدت افكر مش محتاج احلفلكم انى حشت دموعى بالعافية من مجرد الفكرة يخوانا الواحد لو مكنش مؤمن ميه الميه كان قال هو الموديل الجامد ده من الرويسا مبيمتوش.
يخوانا سكوا على السيرة ومتقلبوش على الواحد المواجع
ماذا لو مات الرئبس ااااااااااااااااااا ساقوم على الفور وعلى نفقتى الخاصة بارسال خطاب عاجل لعائلة شوجارت لكى تعنى الرئيس (وهاعملوا جنازة ماتعملتش لاى كلب فى العالم) وسأطالب بتشغيل اغنبة كلب وراح باولا كمارش للجنازة
وبكرة يجي الدوا
هجيب موسيقى اغنيه اخترناك و هغنى عليه
ودعناك ودعناك
الفكرة دي فظيعة هي جات في بالكم ازاي؟ قصدي والله فيه شباب شغال اهوه وعنده امل ان الرئيس هايموت ما دايم الا وجه الله حتى خلونا نشك في القضاء والقدر ربنا ياخده عن قريب البعيد ويحرمنا من كل الزبانية والنهابين والمنحلين والاغبياء اللي حواليه ، ربنا يهده البعيد وتجيله ضربة زي الضربة الجوية اللي فلقنا بيها من اول ما اتولدنا واحنا بنسمع عنها ولا شفنا حاجة بعدها عموما بجد انتو رائعين والفكرة هايلة واهو الواحد يفضفض
ان شاء الله سوف تجتمع الأمة الإسلامية يوم الخميس القادم
2006-02-09
علي الصيام وتوحيد الدعاء .....
اللهم هذا نبينا يهان فأرنا عجائب قدرتك في تدميرهم
ارجوا نشر هذه الرسالة لكل من تعرف
اللهم بلغت اللهم فاشهد
aroundu_4@yahoo.com
ياااااا يا ولاد لو ده أن شاء الله يحصل يكون الواحد انكتب له عمر جديد بعد 25 سنة ضاعوا من عمره وهومش شايف غير بابا مبارك ماما سوزان احنا ولادكوا اللى انتو مطلعين روحهم.
والله المستعان
mesh hasada2 nafsy haza3'rad ma3ak ya habhob w nefdal neza3'rad le7ad m yo2bodo 3alena;))) mesh keda d hayemsekona w yoshno2ona bas law abado 3alena w sa2lona ento betza3'rado leh ? ne2olohom 3ashan GaMaL BEEHHHH... lol
لما بابا حسني يتكل(وبقول لما مش لو)لازم كلنا نتقبل الموضوع بايمان عميق فيجب الا نفزع و لانجزع فمن اهم صفات الاب ان يترك من وراءه من يعتني بابناؤه ...وهكذا هنتدحرج من يد بابا سونا لحجر ابيه جيمي ...ارى الكثير من علامات الاعتراض و القرف على وجوهكم و لكني اقولها لكم بكل صراحة :انتوا مش عارفيين مصلحتكوا فهناك الكثير من المكاسب التي تصب في المجارى(قصدي في مصلحة البلد) من جراء هذا الاجراء المبارك(واخد بالك من المبارك دي) و من هذه الفوائد:
1- توفير ميزانية وزارة الاعلام حيث لن تكون هناك حاجة لتاليف و تلحين اغاني و اوبريتات جديدة عشان ده مبارك ودوكها الدلعدي مبارك برضه
2-يمكن اختصار ميزانية ملابس و البدل الخاصة برئيس الدولة حيث ان ميراث جيمي من البدل(بعد القسمة بينه و بين اخوه)يمكن تاييفه على مقاسه و بهذا التوفير يمكن اقامة 3 مدارس و مستوصفين و 14 نايت كلوب من اجل مصلحة البلد العليا
3-جيمي ايده في اللعبه من زمان يعني يقدر يعرف كويس اسلوب سرقة(قصدي ادارة ادارة) القطاعات المختلفة دون ان يخل بالتوازن الدائم و الخالد في ميزانية مصر المحروسة المحروسة منذ عهد جدكم تحتمس السابع و حتى اخوكم بطرس الرابع
4-الزواج الميمون القادم في الافق يضمن للبلاد الازدهار الدائم و بتساهيل ربنا سياتي المولود الجديد ليضمن للبلد تولى الجيل الثالث من ابناء مبارك و الجيل الرابع من ابناء المنوفية ..والكل يعرف ان مصر تابى الا ان يحكمها المنوفيون
على الرئيس القادم أن يرجع الحقوق الى أصحابها وأن يرد المظالم ويحكم بالعدل هذا ان اراد أن يمشى صح ويارب ما يكونش عبيط ويمشى الحال زي ما هو من فساد وظلم للناس
ده يوم ما يحصل كده ممكن ازعل بس عشان حاجة واحدة انه فادنا فى حرب اكتوبر بس الزعل لمدة خمس دقاءق بعد كده هرقص عشرة بلدى قدام الزفة قصدىالجنازة و هوزع شربات على روحه و لازم كل سنة يوم موته هوزع جاتوه على الناس الراجل ده افترى اوى بزيادة خلاص بقى فارقنا يا اخى احنا زهقنا موت و كمان ابنك ليه ؟؟؟؟؟ هى سايبه و الله لن يسمح هذا الشعب الكريم بهذه المهزلة ابدا اننا شعب حر ايها الرجل و لو مات الكثيرون لن نسمح بهذه المهزلة ابدا
OKSIM BLLAH WANA MN ABL MA 22RA AL MAWDO3 DA WANA 7ALYF MN ZAMAN AN AL ZFT DA LAMA YMOT HANZL F 3ABAS AL 3A2AD 2ODAM BYTI 2AWAZA3 7AGA SA3A 3ALA KOL AL M3ADI DA 7ATA MOBARAK MSH SHAWEA 3ALINA ; )
أبشركم جميعاً جميعاً ان مبارك ح يعيش لما يدفننا كلنا على الأقل يعنى ح يدفن كل اللى بيقرا التوبيك ده
يا عالم ده بوذ نحس حتى مع الموت
يا نهار ابيض
يعنى انا ممكن أعيش لما أشوف اليوم اللى مبارك يموت فيه
مش ممكن أنا مش مصدق
بالخبرة كده وبحسابات التشاؤم التى لم يترك لنا مبارك وعصابته غيرها
مبارك ح يدفننا كلنا يا جماعة سلموا بكده
ما عندي تعليق خشية العاقبة////دكتور عادل عبد الناصر حسين
الازوزة في الكازوزة//والعبارة في الدوبارة//ونظيف في الوزارة//وبابا في الرياسة؟؟وابن بابا في الوراثة//والمدام اخر شياكة//والفلوس في البنوك//والبزنس للتيوس//والبوليس عندة اوامر //اضرب الشعب المعارض اللي بيقول كفاية////احنا وصلنا للنهاية//مش باقول الازوزة في الكازوزة والعبارة في الدوبارة
مفيش رائيس بيموت ياباشا
مفيش بعد الرايس واللى يقول غير كده غلطان
اشكركم علي الموقع
هلا بيكم اسلم علي اخي شوقي الحمار
احب الزعيم الاماراتي(العين)