Back to School
المدرسة مرة أخرى.. لقد عدنا من جديد.. أو بالمصطلح الإنجليزي الذي يتصدر كل مكان.. Back to School
رائحة الجلاد البلاستيك الذي نغلف به الكشاكيل..الكراسات السلك الملونة الكبيرة.. الملصقات الملونة التي تزين الأغلفة.
رائحة الكتب الجديدة الذي لم يمر على طباعتها أكثر من شهر، والتي ما إن تتصفح ورقها الحاد حتى تقوم بجرح أصابعك!
شنطة المدرسة التي تفوح منها رائحة الجلد أو المطاط، الملابس المكواة والمعلقة داخل دولابك في انتظار اليوم الأول (وقد تكون جديدة في حالة إن أرادت المدرسة إمتصاص دم أسرتك وفرض زي مختلف كل عام بجانب الزي الرياضي!!)
رائحة الجوافة واللبن اللذان يملئان الثلاجة استعداداً لمشروب الصباح، أكياس الخبز وعلب الجبن والمربى، وربما ببعض الفاكهة إذا كنت ممن أنعم الله عليهم بهذا الامتياز.. الشرابات البيضاء والأحذية التي غالباً ما تكون سوداء أو بنية اللون.
الأقلام مبراة، وكل أدواتك وضعتها داخل تلك المقلمة التي قد تكون أحياناً الشيء الوحيد الجديد الذي اشتريته حتى ترفع معنوياتك قليلاً.
أما إذا كنت ممن يرتادون الجامعة، فالأمر يختلف كثيراً...
إذا كان عامك الأول، فدولابك بالتأكيد به بعض الملابس الجديدة التي تكفيك لمدة أسبوع على الأكثر، ثم تعود إلى تكرارها مرة أخرى إلى أن تكتشف أنك مللتها وتريد المزيد لتواكب كرنفال الملابس وعروض الأزياء اليومية داخل أسوار الجامعة!
كما أنك لا تحتاج للجوافة باللبن أو سندوتشات الجبن والمربى، لأنك ستستبدلها بسنوتشات الهامبرجر والسجق الرخيصة (والتي قد تكون مجهولة المصدر أيضاً)، وبالرغم من أنك ستصاب بتلبك معوي وأعراض قيء وأمغاص يومياً، إلا أن معدتك ستصبح معدنية، وستعتاد تلك المأكولات الجهنمية، وكل ذلك حتى لا تظهر في صورة غير لائقة أمام زملائك وأنت تخرج سندوتش الجبن النظيف من الكيس البلاستيكي، والذي يعتبر معقماً بالنسبة لما تأكله حالياً!
ثم يأتي بعد ذلك دور التعارف والأصدقاء...
فإذا كنت ذاهب إلى نفس مدرستك، فلا مشاكل في التعارف.. لأن أصدقاء هذا العام هم غالباً نفس أصدقاء العام الماضي والعام القادم.. يبقى فقط المدرسون والمدرسات الذين يتغيرون بحسب نوعية التلاميذ.. وحسب قدرة كل مدرس على الصمود والتحمل!
أما بالنسبة للجامعة ... فتتعرف يومياً على العشرات من الزملاء والزميلات الذين يتحولون بقدرة قادر في ساعات إلى أعز الأصدقاء، وفي اليوم الثاني تسمع أقاويل وشائعات تقال عنك في كل مكان وتكتشف بعد لحظات أنك ساذج، وأن صديق الأمس قد أصبح عدو اليوم.. وقام بنشر أخبار كاذبة عنك للمزيد من الإثارة داخل أسوار الجامعة.
وليجد هؤلاء، الذين قرروا أن تكون الجامعة مكاناً للترفيه فقط، قصصاً مسلية ومثيرة يتناقلونها طوال العام الدراسي، والتي تتنوع ما بين انفصال وانضمام شخص إلى شلةٍ ما.. شاب وفتاة ارتبطا أو انفصلا.. وجه جديد لا يظهر إلا أيام الامتحانات.. هذا بجانب أخبار الدكاترة والمعيدين والمدرسين التي لا تنتهي.
نأتي للجزء الهام والأساسي والذي نخرج به من رحلة التعليم الطويلة.. الهدف الأساسي الذي نركز عليه كل عام.. النجاح.. ولا شيء إلا النجاح.. البعض يبغون التفوق، أو التميز، البعض يرضى بأقل القليل، ولكن في النهاية الكل يريد النجاح!..
وهكذا بعد أن بدأت الدراسة بالفعل في مدارس وجامعات الكثير من البلدان العربية، حان الوقت لتستعدوا وتنظموا حياتكم من جديد..
فبجانب المذاكرة والتركيز على النجاح... اخرجوا واستمتعوا بأوقاتكم.. فبيديكم فقط سوف تجعلون رحلة التعليم (التي لا تحتاج أن تكون في نفس سوء المدارس، والمدرسين، والمناهج) ممتعة وشيقة ومليئة بالذكريات الحلوة...!
المهم .. للأسف اغلبنا خلص دراسة .. لذا سنأخذ دور الجدة .. وننتظر رجوعكم بعد اول يوم واحتفال الغذاء المعهود فى اول يوم ايضاً .. ثم احكوا لنا عن تفاصيل اول يوم ولقطاته
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
اول رد بقولكو فيه.. back to school.. رجعنا للملل من تانى.. و المدرسين القرفانين و مش طايقين يبصو فى خلقنا من تانى.. رجعنا للكتب و حشو المعلومات الجبار اللى بيحشو بيه عقولنا .. رجعنا للعذاب اللى مكتوب علينا كلنا 19 سنه تعليم فيكى يا مصر.. رجعنا للمدراس.. الله يكون فى عونا.. ادعو لكل طلاب الثانوية العامة..
دى حتى منظرهات انضف من مكتب عميد الكلية بتاعتى
انا خلاص خلصت ثانويه عامه بس بصراحه اللى خلصها ييبقى خلص بامانه التعليم سئ للغايه والظلم اكتر سوا بصراحه الحياه الجامعيه انا رحتها السبت اول يوم حياة مختلفه مليون درجه بس اسوا من الحياة المدرسيه
انا دخلت الجامعه كتير بس بصراحه دخولها من حيث الدراسه العدد اللى موجود رهيب بطريقه بشيعه بالاخص ف تجارة
بصراحه انا متوقعه اعداد كبيرة بس مش بالحجم دة بس انا مخنوقه وتعبانه من الاستهتار اللى جوه الكليه عندنا بس
وانصح اللى ماجبش مجموع ف تانيه ثانوى قدامه امل مش كبير ف تالته فالاحسن المجموع يكون ف تانيه .سلام
ليه يا رورا بتقولى الجامعة اوحش من المدرسة.. يا شيخة ده الواحد مستنى اليوم اللى يخلص فيه من القرف اللى عايشين فيه ده.. هعمل زفة و زيطة بعيدا عن المجموع ده احتفال بنهاية عذاب..
مفيش أى داعي أننا نستخدم كلمة انجليزي في موضوع مكتوب بالعربي لو كانت اوروبا بتستخدم مفردات بالعربي فيحق لنا أن نفعل مثلها طالما عايزين نتغرب ونعمل فيها مثقفين
ايها الساده الأفاضل اتقدم اليكم بحل نهائى لأزمة التدريس وهو الحل الأمثل الذى سيوفر على الدولة مئات الألاف بل الملايين من المبالغ الطائله فى بناء المدارس ومرتبات المدرسين وخلافه، كما انه سيرحمنا نحن اولياء الأمور من مصايب وبلاوى انتقال الأولاد خلال السنه الدراسيه من انتقالات ومتابعات ودروس خصوصيه وخلافه كما سيخفف الضغط على حركة المرور ..ذلك الحل هو....................
(( الغــــــــاء المدارس))
خلوا بالكم بقول الغاء المدارس وليس الغاءالتعليم....وقبل ما حد يفكر يتهمنى بالجنان ..عايز اقول لحضراتكم ان فيه حاجه دلوقت اسمها نت...وفضائيات...ليه مايكونش التعليم عن طريقهم؟؟؟حتقولى اللى عنده خمس اولاد يعمل ايه..عادى جدا اللى بيتابع على الفضائييات يتابع ..واللى على النت يتابع..ومش حيكون كله طبعا فى وقت واحد...وحتى لو كان فى كل بيت اتنين كمبيوتر واتنين تليفزيون ارحم مليون مره من اللى احنا بنشوفه....على الأقل يكون دا لمرحلةاعدادى وثانوى اللى همه اخطر مراحل...وساعتها الطالب حيقدر يسجل الدرس وهوه بيسمع ويقدر يرجعله فى وقت لاحق...وبدل الكتب يبقى فيهcd لكل مرحله ساعتها مدرس واحد لكل ماده حيسجل للمرحله بحالها..بدل ازمة المدرسين اللى غايب علشان شغال على تاكس واللى عندها ساعه رضاعه واللى بتولد ..واللى موقف الألفه ع الفصل ومعرفش راح فين والعيال مطلوقه فى حوش المدرسه والا نطواالسور ان كان فيه سور وف السيبر اللى جنب المدرسه دا يعنى ابسط الأمور!!!!!!!اما حصص العملى ممكن يكون لها يوم فى الأسبوع ..دالو فرضنا ان فيه معدات وفيه عملى فعلا؟؟....صحيح المسئوليه كلها حتكون على اولياء الأمور فى متابعة اولادنا بس والله العظيم ارحم الف مره من اللى بنشوفه.......وخدو الحكمه من افواه المجانين....بس ارحمونا
كيرلس
استكمالا لموضوع الغاء المدارس الموضوع دا حيرجعنا للمدرس بتاع زمان اللى مهتم بامكاناته وبمظهره وبدلته وكرفتته وحتخلى المدرس يحط منديل فى جيب الجاكت علشان حيظهر فى التلفزيون قدام الناس او حيكون فى بداية مقدمة ال cd مش جاى المدرسه على عجله ومشمر رجل بنطلون والتانيه غرقانه شحم وزيت او التاكس بتاعه عطل منه فى السكه وجاى يطلع غلبه فى الشوية الغلابه اللى قدامه..دا غير ما حيحضر الدرس كويس وحيبتسم ويلاطف اللى قاعدين قدامه لأنه حيكون على الهوا...مش حي يقول الكلمه قد كده!!!...طبعا معروف...كمان الحكايه دى حترحم المدرسين من تصحيح الكراسات وحتوقف الأحراج اللى كانوا بيتعرضوله والولد جاي بالكراسه كلها صح بالأحمر..ولأن اللى صحح الكراسه الأولاد الشطار الى فى الفصل او حد من الجيران.. تقرى وتشوف العجب العجاب ان كان فى العربى والا الحساب ..اما الأنجليزى دا بقى استغفر الله العظيم ما حدش يجيب سيرته خالص..والا نجيب هوه فيه حد عارف حاجه..
ياريت تعملوا بالحكايه دى ونشوف فى يوم من الأيام ولادنا قاعدين على مكتب نضيف نقدملهم سندوتش وكباية شاى والولد او البنت حاطط السماعات فى ودانه وماسك الماوس فى ايده..وبيخطط تحت الحاجات المهمه بالأحمر...وبيسجل لنفسه بالكاميرا على الشاشه ..علشان يبقى هوه المدرس والتلميذ فى وقت واحد...يالا...ماهو الجعان بيحلم بسوق العيش...وانا والله ميت من الجوع ...جوع الرغبه والأمانى انى اشوف بلدى وولاد بلدى والأجيال اللى طالعه دى بالصوره اللى يستحقوها...احنا احسن شعب ..واطيب شعب...واذكى شعب وانشاء الله يتحقق حلمنا..من عندنا طه حسين ..والعقاد..وقاسم امين وعلى امين..ونجيب محفوظ.....وزويل ...ونوابغ عظام...اتخرجو من على الطبليه واللمبه الجاز...ما بالك لما نوصل للمستوى دا...وحنوصل انشاء الله
كيرلس