منير وكريم وبريسلى لبسوا "الكاكى"!
بعيدا عن الكلام الكبير وحب الوطن والتضحية وكل هذه المواويل "اللى هى مهمة جدا" بالنسبة لك ولى وكل من ينتمى لبلد أى بلد مش شرط مصر، تعالى نظهر بعض من الاستغراب والعجب من إصرار بعض أعضاء منظمة الوسط الفنى على مباعدة المسافات بينهم وبين الجمهور وكأنهم يدفعون الناس دفعا لأن تلقيهم بحجارة من سجيل الكره وعدم الإحترام .. ذلك الإصرار الغريب على أن يقولوا ما لا يفعلون ويغنوا بما لايؤمنون.. وما الفن عندهم إلا سبوبة كبيرة أوى.
يقابل ذلك دفاع مستميت من هذا الجمهور وكأن من حق النجم الفنان أن يخطئ ويكذب ويتجمل ويزور ولا يحاسب على ما يفعل، في نوع من التساهل المصرى الرخيص فى حق النفس وفى حق الأرض، هذا التساهل الذى ظهر واضحا فى موقف الكثير من الشباب الذين أبدوا أسفهم لما حدث لتامر حسنى وهيثم شاكر بل سارعوا لحمايتهم أمام المحكمة من عدسات المصورين والصحفيين وكأن مافعله الإثنان شئ عادى جدا، وكأن تهربهم من التجنيد وخدمة البلد حق مكتسب، وكأن قيامهم بالتزوير مش عيب ولا حرام وكأن نفاقهم بالغناء فى حب مصر والمتاجرة بمشاعر الناس لايستحق العقاب.
شيزوفرنيا.. شيزوفرنيا
تامر حسنى وهيثم شاكر من هؤلاء الذين يتغنون بما لا يعلمون، يغنون لمصر بالليل ويبكون في حبها بعد الظهر وأمام شاشات التلفزيون ويلعنوا سلسفيل جدودها فى قعدات المقاهى ووقت الجد، قد تعتبرها حالة شيزوفرنيا، ولكن الحقيقة تقول أنها حالة مثبتة من النصب والكذب والتزوير.
ويكفى أن تشاهد الدمعه وهى هتفر من عين المناضل هيثم شاكر وهو يغنى قائلا "ارمى حمولك على وأنا أشيل عنك شوية، وتقارنها بكلامه للشخص اللى زورله الشهادة "متفكرنيش.. أنا هدخل الجيش بعد شهرين".
وفي الكليب بتاعه ينظر المناضل هيثم شاكر في عين الفتاة التى تمثل مصر ويقول "يا مصر يا أغلى عندى من كل الدنيا دى يا بلدى يا حتة منى يا مصر الله عليكى أنا عاشقك للنهاية مهما قلت فيكى .. ياحبيبتى مش كفاية "وبره الكليب سيادة المواطن هيثم شاكر بيقول لصاحبه الذى عرض عليه ألا يقضى يوم واحد فى الخدمة "أعطى لمن يفعل ذلك كل مايريد"... شفت حب مصر اللى بيجرى فى دم هيثم شاكر.
و حينما تنظر لوجه الأخ المناضل تامر حسنى وترى التأثر الشديد والوطنية وهو يغنى مع المجموعة " مصر اللى بتضمنا نبض الحياة فى قلبنا نوهب علشانها حياتنا لو كنا بنحبها " هذا فى الكليب بينما فى الحقيقة هو يرفض أن يهب من عمره كام يوم من أجلها بل ويشكى للناس من مستقبله الذى سيضيع بسبب الجيش.
حالة من الدهشة تصيبك وأن تقارن وتتذكر تأثر الإثنين ودموعهما الكاذبة فى حب مصر وبين حالة القرف والرغبة فى التهرب من أداء الخدمة العسكرية بحجة أنها هتضيع مستقبلهم الفنى على اعتبار أن أغنية " أبقى نفسى أأأه" هى التى ستصنع مستقبل الفن المصري.. لا نقول أن الجيش جنة وأن داخله فائز ولكنه واجب الهروب منه بهذا الشكل يستحق العقاب.
منير على الحدود !
إدعاء تامر وهيثم شاكر بأن خوفهم من ضياع المستقبل هو سبب هروبهم من أداء الخدمة وتزويرهم لشهادة الجيش إدعاء غير مقبول لأن هناك العديد من التجارب التى عاش فيها الفنانين داخل الجيش وخرجوا منه ليصبحوا نجوم فى الغناء على رأسهم الملك الأسمر محمد منير الذى تحدث بحب عن الفترة التى قضاها فى أداء الخدمة العسكرية معتبرها تجربة اكتسب منها الكثير لأنها على حد قوله لعشرينات وسام شرعي يفتخر به كل رجل فى مصر.
وقال أنه دخل الجيش مع على الحجار وهانى شاكر وعمر فتحى وكانوا بيغنوا أمام جمهور كبير من سن 18 الى 30 سنة "جربوا فيهم يعنى "وخرجوا من الجيش وهذه الجنود التى كانت تسمع لهم تحولت الى معجبين وعشاق لفنهم، يعنى منير يعتبر أن بداية شهرته كانت من الجيش الذى خرج منه بقاعدة جماهيرية عريضة.
منير يقول أن الجيش لم يعطله عن شئ بل بالعكس كانت تجربة جميلة ومفيدة عرف فيها المعنى الحقيقى للرجولة والفخر، ويضيف أن هناك الكثير من النجوم العالميين أدوا فترة التجنيد واستفادوا منها ولعل أشهرهم النجم الأمريكى ألفيس بريسلى.. ويختم منير كلامه وكأنه موجه لتامر وهيثم " انت كواحد مشهور هتحب الجيش ومش هتتعب بل ستمر بظروف وتجارب مفيدة وفى النهاية هم 12 شهر ويبقى اسمك أديت الخدمة الوطنية ".
هتجند .. هتجند !
المطرب الشاب كريم أبو زيد صاحب الحالة الخاصة فى سوق الغناء هو الأخر أدى الخدمة العسكرية وانتهى منها منذ فترة قريبة، كريم لم يكتف بأداء فترة التجنيد بل ألف وغنى أغنية عن الجيش إسمها "هتجند" حازت وقتها على اعجاب الكثير من الشباب.
كريم حكى لنا قصة هذه الأغنية وقال أنه كتبها بدون تخطيط فى لحظة انفعال بعد أول يوم ذهب فيه لمنطقة التجنيد...
كريم يرى أن تجربة الجيش كانت تجربة بمزاج ولم تعطله عن أى شئ بل تجربة علمته الحياة صح وعدلت حياته التى كانت مقلوبة، كما يعتبرها تجربة سعيدة وليست صعبة كما يصورها الناس فعلى حد قوله تعلم فيها الاعتماد على النفس والثقة فيما يفعله والتأكد الدائم من سلامة كل خطوة يخطوها فهناك مفيش حاجة اسمها بابا وماما، فيه حاجة اسمها نفسك واجتهادك.
حتى على المستوى الفنى يقول كريم أنه كسب كثيرا من تجربة الجيش لأنه عاش حالات مختلفة ومتنوعة من الفرح والسعادة والحزن والإكتئاب وتعرف على أنماط كثيرة ومختلفة من البشر وهذا التنوع مفيد جدا للفنان وخياله.
إذاً منير قضى فترة تجنيده ولم تعطله وهو الأن الملك يجلس فوق القمة منفردا وحينما يغنى لمصر وعن مصر نصدقه وتنبض قلوبنا مع كلماته لأننا نعلم أنه يغنى بما يعلم وبما يؤمن.. أما حالة النصب والمتاجرة باسم مصر فهى مكشوفة جدا ولن نصدق أبدا كلماتهم الماسخة والمنافقة فى حب مصر فلا تامر بتاع "نفسى أأأه" ولا هيثم شاكر يستحقان التعاطف لأن كل منهم كذ ب ونافق وزور وتجمل وغنى بما لايؤمن به...
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
و قد يدافع بعض الشباب قائلا ان البلد ليست في حالة حرب ولكن تأكدوا انة حتي اذا حدثت ظروف اضطرارية فمن تخلي عن بلدة في السلم لن يفكر فيها في الحرب
و اللة يرحم ابي و اباء كثيرون غيري ممن ممن اضاعوا الكثير من عمرهم في الدفاع عن هذة البلد و تحريرها حتي تصل لامثال هؤلاء الشباب
اولا :كقدوة مينفعوش قدوة خاااااااااااااااااالص
ثانيا:نشمت فيهم لا لانهم في محنه والشماته ليست من شيم الكرام
وبس
وانا بقول لية مش بحب الاغاني الجديدة الوطنية بتعتهم دية ....اتاري......اااه....سبحان الله
يا جماعه أرجوكم أنا بكتبلكم الايميل ده من طره و فعلا بكيت لما قريت كلامكم عنى ... يا جماعه و إشمعنى أنا ... يعنى شفتم مره إبن وزير و لا إبن مسئول كبير دخل الجيش ... الجيش ده للحثالة و عامة الشعب بس ... أنا شخصيا أعرف إبن مسئول كبير أحييت له حفلة خطوبته و إتصاحبت عليه و بعدها قالى أنه كان شغال فى شركة بترول طول فترة التجنيد بمرتب 2500 دولار و المخله بتاعة هدوم الجيش كانت تحت السرير عنده فى البيت و حتى ما عرفش إمتى رجعوهاله الجيش يعنى دخل من الجيش و خرج منه على سهوه و هوه مش حاسس ... يبقى ليه بتلومونى ... أسف بتلومونى دى بتاعة الزميل عمرو دياب اللى بأشك أنه ورا الخابور اللى انا فيه ده عموما حبيت أبين وجهة نظرى و ربنا يفك عننا جميعا
بمناسبة القبض على تامر و هيثم و بمناسبة اقتراب اجلي ( شهر 7 الجاي متوقع اني هترحل على دهشور ) احب ااقولكم لا راد لقضاء الله الا هو
و ربنا يعدي جيشك على خير
و الجيش للجدعان
و كل جيش و انتوا طيبين
البئر العفنة لا يخرج منها الاما يزكم الانوف
اللى غلط يتحمل نتيجة غلطه و أمام القضاء مفيش فرق بين غفير و وزير مش عشان هم فنانين و مشاهير تبقى فوضى و هم بااللى عملوه بقوا عبرة لأمثالهم رغم أن ليا بعض التحفظات على تامر لأنه هاجم الفنان الكبير عمرو دياب
بسم الله الرحمن الرحيم والسلام عليكم وأسعدالله أوقاتكم في طاعته أمل بعد أردت الافصاح عن رأيى (الجيش هو اليى هايحميكم يوم الحرب هو النصرة والكرامة والدليل بص لسيدك النبى صلي عليه الله قوى الجيش النتيجة الناس بتهابه وكمان تحترمه أما دلواقتىبص الشباب بيسخروا من بعض بقا حاجة عيب أينعم المعاملة سيئة بس برده مين اليى هايحمى البلد مش برده كده )حبااااايبى أحب أأأقول حاجة هاتعجبكوا (الجيش ده جيشنا والبلد ديه بلدنا.وحرب راحت وحرب جات وحرب جات وحرب راحت. شكل الدنيا ديه حروب واليى غيظنىان الشعوب فكرة ان ما ليها فى الحروب . بس ده برده مش غريب لما نلاقى الدنياجروب مال العربى مش معروووب وكمان دايما محجوب قوم يا عربى قوم ده انت سلاحك القدوم وأأأوعى تحس انك محروم في أي ساعة من القدوم .قومى قومى يا بلاد أصل العربى ما لي هاد الا رب العباد ) أما الشباب الفافي يروح يخلى نفسه راجل ويبقى يتكلم فاهمييييييييييييييييييييين
الشاب اليوم ولابتاع جيش ولا غيره أخره(المصاصة مع حبظلم بظاظة والشيكولاته مع حمو وطفاصه السينكرامونه فى اللمونة والفسفس فى الحمبلاظة وقطقط ضرب كتكت وفرفور ضرب زعرور وزعرور اشتكىشحرور ان زعرور ضربه وفرفور اتعاور على السحور وتوتو بيحب ماما والمزوت فى البنزين ومينا قلص وكلمنى على الماسير والساعة وام الجنازير وقلة أدب فى الجرنال وحماده وأمه مرات الصرصار وأبوى قالى لا قلت له حاضر وكمانقالىخلاص قلت لا قالى ليه قلت له لآه ه ه قالى ليه قلت له ستين لآلآلآلآ وطلعت حوارات ان حماده بتاع مخدرات وبص بقه هقولااااااااككككككككك ان الواد ده بيحبككك و شحرور طلع مغرور ووووووووووووووووووووووووووووووووووووووووووووووووووووووووووأم الجنازير بتسلم على الجماهير وقبل ما أنسى هاى ولا باى أى حاجةوخلاصبقه ه ه ههههههههههههههههههههههههههههههههه
بجد مقال رائع جدا واستشهادات وحوارات رائعه جدا وسبحان الله انا عمري ماحطات ودني للأغاني اللي قلوها في حب الوطن بجد سبحان الله ..ما هو الكلام اللي بيبقى الواحد مؤمن بيه اكيد يخلي الناس تنبه له
العنوان فيه كريم ومنير وبريسلى
لكن محمد الدسوقى موش جايب سيرة بريسلى خالص
منكرش اني ف الاول زعلت مش عشان انا بموت فيهم لا خالص انا اصلا مش مقتنعة بيهم زعلت عشان دي صورة سيئة لشباب مصر و بعدين اشمعنى عمرو دياب يعني اللي تتهموه بيغير منكم مثلا هو ليه جمهوره اللي بيحبه و هو تقريبا 99.5% من الشعب المصري و حتى لو هو بلغ عنكم ده صح و تقصد ايه بان الجيش معمول لعامه الشعب و الحثالة خلي الطابق مستور يا بتاع اههههههه جتك الاوههه
هاااااااااى تامر انا بحبك اوى اوى اوى ومقدرش والله اوصفلك حبى ازاى العموم يارب يارب تطلع بالف سلامة دى شدة وهزول والله احنا فكرينك ومش هننساك ابدا بحبك
يا حبيب قلبى يا تامر يارب ترجع لنا بالف سلامه وترجع للناس اللى بتحبك وعاوزه اقولك ان انا بحبك اوى ومهما يقولوا عنك انا مابصدقش ومهما تعمل انا بردوا بحبك وبموت فيك.
لو يوم شوفتوا كلموه عن ناس هنا بيحبوه. انا عاوزه اقولك يا تامر انك هاتفضل ستار مهما يتقال عنك كفايه انى بحبك وناس كتير بتحبك مايهمكش من اى حد. وخليك قوى. وان شاء الله شده وتزول. وعاوزه اقولك< لما يجيبوا سيرتك يحلو الكلام>
هااااااااااااى يا تامر بحبك اوى وعلى فكرة انت مافش زيك خلاص فى مصر وحشتنى مووووووووووووت
إيه يا شباب ما تخفو على تامر و هيثم ,انتو بتتكلمو عنهم كأنكم البوليس الحربي مش كأنكم شباب و فاهمين الدنيا ماشية إزاي, كلنا فدا مصر و اي بلد عربي وقت الشدة, لكن الخدمة العسكرية الشكلية دي و اللي انتو عارفين كويس انها بتتقضى هبل في هبل , فكل اللي بيحصل شوية تمارين عسكرية نص كم مجتش حتى زي تمارين الكشافة و الباقي نوم و انتظار للضابط عشان لما يمر و شوية ناس رذلة تعد تخنؤك عال فاضية و المليانة يعني ممكن موضوع الجيش ده يتلم في 8 أسابيع مش طالبة سنة و 2 , و كمان احنا ناسيين ان كل ولاد الكبار بيقضو الجيش في العجمي أو في مارينا فبركة يعني و بعدين أنتو الكاتب مش عاجبو ان هيثم غنى لمصر و مدخلش الجيش ,طب عل أقل هيثم غنى لمصر و من قلبه و موضوع الخدمة العسكرية كلنا بنتخنق منه ,هل معنى ده ان احنا مبنحبش بلدنا و تبؤو كذابين لو قولتو ان في حد فيكو بيروح يستلم ورديته العسكرية بإبتسامه, و موضوع الحرب غير الخدمة العسكرية , روحو ازعلو مالناس البيروقراطية اللي كرهونا في التعليم والجيش و الشرطةوالشغل و دمرو احلامنا روحو دورو عالناس اللي بتهف المال العام عيني عينك بدل ما انتو بتتشفو في ولدين محبوسين بيشوفو أيام جوه الحبس مبيعرفش طعمها إلا اللي اتحبس قبل كده, ربنا يسامحكو و لا يحبسلكو غالي و افتكرو اد ايه اغانيهم مسيرها تنسيكم هموم اليوم او تفكركم بذكرى حبيب غايب ....خلونا إيد واحدة لو ممكن
انا شايف ان كلامك قمة الهجوم مافيش حد دخل الجيش فاد البلد بحاجة ولا استفاد من الجيش بأى حاجة وحرام مينفعش ان شب ى ظروف بلد زى بلدنا ولا شغل ولا أدنى فرصة حتى أن الشب ده يشتغل لما تجيله الفرصة ويبقى ستار تقول يدخل الجيش ده يبقى غبى
انا شايف ان كلامك قمة الهجوم مافيش حد دخل الجيش فاد البلد بحاجة ولا استفاد من الجيش بأى حاجة وحرام مينفعش ان شب فى ظروف بلد زى بلدنا ولا شغل ولا أدنى فرصة حتى أن الشب ده يشتغل لما تجيله الفرصة ويبقى ستار تقول يدخل الجيش ده يبقى غبى
بجد حرام أنه يحرم نفسه من كل ده علشان خاطر الجيشأو حتى البلد وان شاء الله تامر براءه وبخير 0
على فكرة بحبك أوى ياســـــــــــارة
حراااااااااااااااااام الى بيحصل لفنان زى تامر دة حصل فيه نتيجة عملية نصب
تامر لم يزور بل كان سوف يتقدم باوراقه للجيش وهو مظلوم والله العظيم مظلوم
يخرب بيتك ياتامر وديت هيثم شاكر فى داهيه معاك ربنا ينتقم منك يارب عمرو دياب احسن منك ميت مرة وعمرك ما هتكون زيه ابدا
يعنى هة تامر الوحيد اللى عمل كدة طب ما فى ميت مليون واحد هرب من الجيش ولا انتم عيزين تكرهوا الناس فية وخلاص
استدعوني من وسط شغلي وضربت نار و قعدت شهر ماشوفش أسفلت .. وعلى قلبي زي العسل
لكن عز الصدمة اني وانا راجع الاقي على كوبري اكتوبر يافطة كبيرة (ثمنها يكفل جواز دستتين شباب مستريح) مكتوب عليها وحشتنا يا تامر
لكل جندي مقاتل واقف خدمة سلاح في وسط الليل في الوقت اللي امثال تامر نايمين على سراير .. اسمحولي وان كانت مش يافطة على كوبري اكتوبر اقولوكو وحشتونا و قلوبنا معاكومن واحد كان منكو
حرام الشتيمه فى هيثم وتامر الله واعلم الكلام ده صح ولالا ولوصح مفيش انسان معصوم من الخطأومحدش يعرف الظروف اللى تخلى انسان يعمل كده وبعدين انا معجبه بهيثم مهما حصل لانه فنان موهوب وصوته حلو وربنا يخرجه بالسلامه للى بيحبوه ولاهله
واللهى حرام الكلام على تامرحسنى وكفاية كده
والله بنحبك مهما يكون وملكش دعوة بعمرو دياب علشان ده نصاب
سمعنى سلام لو مكنتش انت تدلعنى مين هيدلعنى
تامر مظلوم 0انا عوزه اصالح حبيبى اعمل ايه ردوا عليه ضرورى وبسرعه