"سلام" عليك يا مصر..!!
شعبان عبد الرحيم قال أنه يحب عمرو موسي .. لم يهتم به أحد .. كلنا يعرف شعبان واسلوبه .. أن يقولها بعض الشباب فربما يكون هذا شهادة تقدير لعمرو موسي نفسه .. أما أن يطالب الشباب عمرو موسي بترشيح نفسه لرئاسة الجمهورية فهذا يعني أن هناك خطر عليهم وعلي عمرو موسي وعلي شعبان عبد الرحيم الذي قال أنه يحبه للمرة الأولي !!
عرفت موقع الجبهة الشعبية السلمية لانقاذ مصر-سلام للمرة الأولي منذ حوالي ستة أشهر..زرته أكثر من مرة وتصفحته مستمعا لأغانيهم وقارئا لكلماتهم عن الحب والعدل والحرية والمساواة ..وأخيرا قارئا للبيان الذي يطالبون فيه عمرو موسي بترشيح نفسه ليكون رئيس مصر القادم.
الجبهة الشعبية..ظهرت عبر هذا الموقع منذ شهر فبراير 2004، ورغم أنهم لا يقومون بأي إعلانات أو دعاية إلا أنهم أشتهروا في الوسط السياسي .. أعترف أن أسلوبهم جذبني بشدة جعلتني أدقق في البحث حتي وجدت عنوان بريدهم الإليكتروني والذي ما أن أضفته علي الماسينجر حتي وجدت من يرحب بي موضحا أنه المندوب الدائم للجبهة علي الإنترنت وأنه وزملائه يتبادلون الجلوس علي مدار اليوم للإجابة علي استفسارات وأسئلة الزوار !!
عرفتهم بنفسي وبعشرينات ..
أخبرتهم أن كلمات الماسينجر لا ترضي غروري..إذن ما الحل..؟!
نتقابل..عرض مفاجيء مني..المفاجأة الأكبر أنهم وافقوا..
بعدها ساعتين من الأسئلة..وسيل من الأرقام..رقم موبايلك..رقم الشغل..الرقم الداخلي..وقبل خطوة من رقم البطاقة..إتصل أحدهم..قائلا : الأستاذ محمد الدسوقي موجود..؟؟
كنت اعرفهم بنفسي علي أني الدسوقي..بقدر ما جذبوني لهم بقدر ما تخوفت من الإقتراب.. ثم إن محمد الدسوقي أشجع حبتين...
سألوا محمد عن مكانه وعن الغرض من المقابلة..
بالطبع أجاب محمد بصراحة ..أغلق معه الخط علي وعد بالإتصال مرة أخري ليقرر إن كان سيقابلنا أم لا..!!
يوم مر بلا رنين للتليفون..وفي اليوم التالي إتصل مرة أخري ليسأل عن الدسوقي مرة أخري..
أقوله مين يا أستاذ..قوله "سلام"من فضلك..حاضر..!!
النمرة تتغير في كل مرة..مرة موبايل..ومرة كابينة ميناتل..ومرة كان واضح أنه يتصل من كشك عم عبده بمحطة مصر..!!
كل هذه المكالمات زادت من شعوري بالرهبة من المغامرة التي سنقدم عليها..حاولت أن أتراجع إلا أن محمد الدسوقي كان أكثر جرأة..هو حر..يروح لوحده !!
وبعد مداولات تليفونية مع محمد..حددوا الميعاد وأتصلوا قبلها بنصف ساعة ليحددوا المكان..
لم أكن أرغب في الذهاب..لا أجيد الحوار ولا أتقن الأسئلة..زائد إني بخاف من خيالي..موش من جبهة لا لمبارك..
جذبني الدسوقي خلفه ووضعني في تاكسي و..علي هارديز جامعة الدول يا أسطي..
أتصل بنا في الطريق وقال :تأخرتم..!!
قلت له دقائق ونكون عندك
قال ..إتفاقي أن أقابل شخص واحد ..هل أنتم أكثر من فرد..!!
دقيقتين من الكلام علي الموبايل فقط لأفهمه أني زميله..تقبل الأمر علي مضض..!!
وقفنا أمام المحل المذكور..وفي منتصف شارع جامعة الدول وقفنا ننتظر..كان محمد قد أخبره بأوصافه..جاكت بني وبول أوفر أزرق..جاء هو..شاب مبتسم..هادئ..رحب بنا وقال..تعالوا نقعد هناك.
جلسنا علي الرصيف..وبدأ الحوار..قال حازم..
علي فكرة..أنتم تحققون الآن سبقا صحفيا..فأنتم أول ناس أوافق علي الحديث معهم..أحب عشرينات ويعجبني أسلوبه..بس أنتوا بتكتبوا في موضوعات كتير قوي..!!
حازم هو أسمي الحقيقي..درست الهندسة وتخرجت منها دون عمل..تعرفت علي الجبهة بعد نشأتها بشهر واحد وأقتنعت بالفكرة..
كلنا شباب ناشطين في مجتمعنا..ساخطين علي النظام وعلي الوضع الحالي..وفاقدين الثقة في رموز الحركات السياسية الموجودة سواء التيار الديني أو اليساري أو الأحزاب الأخري..
لماذا يا حازم..؟؟
لأنهم يقدمون كلاما نظريا لا يحمل معه أي واقع..ولأنهم يتملقون النظام وتمولهم الحكومة..!!
طيب وأنتم..؟؟
تمولينا ذاتي..لا يصرف علينا أحد ولا نريد ذلك الآن..حاولنا أن نندمج مع الحركات الأخري الموجودة إلا أنهم مازالوا يعتبرونا..عيال..!!
كيف بدأت الفكرة؟
الفكرة بدأت منذ عامين..نظام فاسد وأحزاب وجماعات غير صادقة..وكانت النتيجة أن نزلنا إلي الشارع وبدأنا في عمل إستبيانات رأي حول القادم بعد مبارك..
وعرضنا اسماء كثيرة جدا وكان عادة ما يحصل عمرو موسي علي 55% أو 85%..
ومن هنا بدأنا نرشحه للرئاسة وبعثنا له بخطاب وبريد إليكتروني نطلب منه ان يتقدم رسميا للترشيح ..
قلت لحازم ..بمناسبة الترشيح..تعلم أن ثلاثة مثقفين قاموا بترشيح أنفسهم للرئاسة وأعلنوا عن رغبتهم في ذلك..ما رأيكم..
الأشخاص نفسها لا نوافق عليها..لكننا استبشرنا خيرا بالخطوة نفسها لأنها تعتبر خطوة ايجابية في طريقنا ..
ألا تري أن الأمل ضعيف جدا في تحقيق أحلامكم ..خاصة وأن 90% من مجلس الشعب من الحزب الوطني ..
سينجح مبارك..أنا أعلم ذلك..لكننا نريد أن نفعل شيئا حتي ولو لم يؤدي إلي نتيجة ..نريد إصلاح مصر..فقط لاغير..!!
سأله محمد..إسلوب عرضكم علي عمرو موسي كان يحمل الذل والإنكسار..بل والإستعطاف..وذكرني بعرض عمر مكرم الولاية علي محمد علي وأنت تعلم ما حدث بعدها..؟؟
لم نستعطف أحد ..وعلي كل حال فإن محمد علي كان أفضل من خورشيد باشا ..!!
سألته عن أعمارهم فقال ..معظمنا شباب حديث التخرج ..وبعضنا تخطي الثلاثين لكننا جميعا نحمل نفس الفكرة ونؤمن بها ..
حازم يقول أنهم لم يتعرضوا لأي مضايقات أمنية ..لكنه يتوقع أن يحدث ذلك قريبا لأن عصر المعجزات أنتهي في هذه البلد..!!
ويقول أيضا أن لديه أصدقاء من جميع الأحزاب ..ويقول أنه لا يكره أحد ..!!
كلها جمل حازم ..التي شعرنا فيها بالصدق والأمل ..الذي أصبح عملة نادرة في هذه الأيام ..
قبل أن يرحل شددنا علي يديه ..وقلنا له أن قلوبنا-فقط- معه ..وعلي أمل لقائه ..إستدار لينصرف ..أستوقفته أسأله..حازم أنت ساكن في القاهرة ..؟؟
التفت وقال ..لأ ..في مصر الجديدة ..ومضي في طريقه ..
ربنا معاه
اقرأ أيضا
ماذا يحدث في مصر؟
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
ملحوظة البطاقة حق لك، فاحرص على إصدارها من قسم الشرطة الذي أصدرت منه البطاقة، ولو قام أحد الموظفين بتأخيرك (أشخط فيه) وأخبره أنك ستبلغ مأمور القسم عن تأخيرك..
ولا تنسى أن هذه أمانة أمام الله ورسوله والمؤمنين.. فما الفائدة أن نظل نسب ونشتم في الحكومة والحزب الوطني ولا نشارك في إسقاطها بحقنا الانتخابي
كنت اتمني اكون ولد
انا خير من يمثلكم
والله ادلعلوكوا البلد
و اول حاجة هعملها
العلم باللون البينك عشان بحبه
تاني حاجة مواعيد العمل تروح الشغل لما تصحي و تمشي لما تجوع علي رأي واحد عارف نفسه
يمكن في البدايه احب اني احيي فريق عمل عشرينات
علي جهدهم الواضح والمتميز
طبعا دلوقتي وفي الاوقات الاخيرة كتر الحديث اووي
عن موضوع الانتخابات وعن ان عمنا الحاج حسني مبارك
هيكسبها هيكسبها ...وكترت الاراء اللي مش عارف
هي فعلا حقيقه ولا مش حقيقه وان المعظم بيقول
لا لمباررررك نعم لاي شخصيه أخري ...؟!!
هتلاقي ناس بتقولك ياعم خلي مبارك اهو احسن من اللي
منعرفهوش مش يمكن حد يجي علينا ويطلع عييننا أكتر
مهي طالعة ... خلوه خلوة وكمان اديني ياعم شغال
وعاوز اربي عيالي وامشي جمب الحيط ...
وفيه اللي في النحيه التانيه واللي بيقولك لا مش عاوز
مبارك دا راجل خرب بيتنا وودي البلد في داهيه
وازاي بيحارب المتديينن والاخوان في كل مكان
وبيطرد العلماء وفاتحها علي البحري للشاذلي وصفوت
الشريف وهلم جره ....
والصراحه بقي انا توهت بين الرأيين
ومش عارف اختار مين ولا مخترش مين
ومش عارف مين اصلا هيرشح نفسه ادام الحاج مبارك
ولو حد رشح نفسه فين البرنامج الانتخابي بتاعه؟!
وفين ياعم المناظرات اللي بنشوفها في امريكا بين
المرشحين نفسهم للانتخابات ...؟!
نفسي بس حد يقولنا ايه النظام؟
ولو عندهم مشاكل ممكن احنا نحلها
يعني لو مفيش ستديو فاضي يعملوا فيه مناظرة
نقولهم ويجوا يصوروا عندنا في اي دار مناسبات
وننقلها علي التلفزيون برضو وخلي الشعب يعيش علي رأي
ريكو...
طب انا ممكن ارشح عمنا الحاج حسني بس يقولنا هو
ناوي علي ايه للشباب الغلبان اللي زيي واللي زيكم
(( متهيألي كل الشباب بقوا غلابه دلوقتي ))
يقولنا اي حاجة ...يضحك علينا حتي بشويه كلام..
اي حاجة ياجدعان بدل الفقر اللي احنا فيه دا
كفايا كده كلام انا باين عليا اتجننت
وفي النهايه
اناهشام
23 سنة
شاب مصري
هتساعدني ؟
تعاطفك لوحده مش كفايا...!!
سلام عليكم ورحمة الله وبركاته
انا كتبت اسمى الموكوس عشان الوكسه اللى احنافيهااناعن نفسى هسميها وكسه والواحد مش عارف وكسه ولا كوسه الله واعلم المهم ان كله بقى بيروح مع الغسيل ( غسيل اموال ) ولا غسيل الجنيه ( قصدى تعويم الجنيه ) المهم انتم شباب زى الورد وربنا معاكم ومعانا ويوفق عشرينات تتطلع اراء العشرينات
www.qquran.com
اخيرا لقيت حد ما شى معايا بعيد عن الحيط!!!!!!
انا كرهت كل الحيطان اللى الناس ماشيه جنبها وخصوصا اللى لها ودان
انا زهقت يا ناس
اللهم اى اشكو اليك ضعف قوتى وقلة حيلتى وهوانى على الناس...انت رب المستضعفين وانت ربى
يا رب المستضعفين..نجنا من الظالمين وخلصنا من الفاسدين...واعنا ان نتحرك بهمة الابطال والمصلحين
ايوة رحت عملتها مع ان ناس كتير قالتلى خليك فى حالك و أمشى ورا الحيطة مش جمبها
الموضوع زى شكة الدبوس
صور البطاقة وش و ضهر و روح القسم
بس البس شيك عشان تتعامل كويس
الموضوع هياخد 3 دقايق و 22 ثانية
و أهم حاجة
روح بنية انك عايز تفيد المسلمين و توصل الولاية للى يستحقها
مش ممكن بنا يحلسبك على اللى كان ممكن تعملة ومعملتوش يا سلبىىىى
لكن أعظم النار من مستصغر الشرر ..........
تعجني فكرة البس اخضر كل يوم جمعة التي علي موقع " سلام " ويمكن لمن شاء ان يتعرف علي المزيد
الجبهة قدمت اول ضحاياها يوم 16 من يناير حيث تم اعتقال طلبة وطالبات في هندسة منوف بتهمة الانتماء الي " سلام " ..تجدون نص البيان علي موقعهم ايضا
هناك اعلان عن تظاهرة سلمية في الاسكندرية في شهر فبراير ...يا تري حنشارك ام نظل نتفرج ؟
للمزيد ......يمكنك زيارة موقعهم
www.salamegypt.org
لقاء جيد .....فيكوا الخير يا شباب مصر
أنا عرفت جبهة سلام من شهر.....وببلغ كل الناس اللي أعرفها ....أنا عمري ما كنت بفكر في السياسة ولا إنتخابات والكلام دا....كانت سلبية مني...بس الحمد لله طلعت بطاقة إنتخابية و ببلغ كل الناس اللي أعرفها بجبهة سلام....حتى أنا لسة عارفة إنهاردة إنهم هينظموا مسيرة سلمية في إسكندرية الشهر اللي جاي
http://salamegypt.org/salam/tazahorat.htm
أنا حاسة إني عايزة أكسر الحيطة اللي كنت ماشية جنبها.....كفاية ظلم بقة...وكفاية سلبية
العملية كلها أخدت منى 15 ساعة عشان تصوير الورق بعيد عن القسم.. علشان كده يا ريت تاخدوا معاكم صورة البطاقة وش وضهر
وسبحان الله لما رحت القسم البنات اللي كانوا جايين أكتر من الولاد وكمان كان في راجل عجوز بيطلع البطاقة.. يعني الشعب مصحصح وعارف حقوقه فين..
المهم.. محدش ينسى إننا عاملين البطاقة عشان نقول لا لمبارك:)).. النية دي إن شاء الله تدخلنا الجنة لو متنا قبل ما ننتخب :)))
بيان رقم 2
القاهرة , الرابع عشر من مارس لعام 2004
رسالة موجهة الي السيد الأستاذ عمرو موسي من الشعب المصري :
من بين كل عشر مصريين استفتيناهم حول من يرغب في أن يكون رئيسا لمصر خلفا للرئيس محمد حسني مبارك , سبعة اختاروك من بين 10 مرشحين مختلفين . ان الذين رشحوك لهذه المسئولية الجليلة يطالبونك بالاتي اذا تم انتخابك , ويعلنون أنهم يرشحونك بناءا علي الأسس التالية :
1. الغاء قانون الطوارئ و اعطاء الحريات و السماح للمصريين بمختلف اتجاهاتهم بممارسة كل الحقوق الديموقراطية التي نص عليها الدستور دون مضايقة أو ارهاب حكومي أو تضييق أمني, والسماح باجراء الانتخابات النزيهة و السماح للأحزاب بالاعلان عن مبادئها عبر وسائل الاعلام المختلفة.
2. فتح الباب لعودة كل الأمناء و الشرفاء و الأكفاء من أبناء و بنات وطننا الغالي الذين يئسوا من الوضع الحالي ليشاركوا في بناء مصر اعتمادا علي كفاءاتهم و مواهبهم لا المحسوبية و القرابة و الواسطة.
3. اذا قدر الله فوزك بمنصب رئيس الجمهورية بواسطة الانتخاب الحر فان الشعب يطالبك باختيار الوزراء الشرفاء و الوطنيين و الأكفاء المصلحين القادرين علي رفع مصر من مستنقعها السياسى و الاقتصادي و الاجتماعي , ومحاسبة اللصوص و المنتفعين من الوزراء و المسئولين و سيساندك الشعب كله في ذلك باذن الله .
4. اجلال الأديان و احترام حقوق الانسان و اعلاء القيم و الأخلاق و التعاون مع الامم الشقيقة و الصديقة بما فيه مصلحة مصر و العالم العربي بلا تنازلات و لا تهاونات .
5. احترام الدستور بكل بنوده , وعدم البقاء في الحكم لأكثر من المدة التي يحددها الدستور .
6. دعوة كل الأحزاب و الجمعيات الناشطة في المجتمع المصري للمشاركة في صناعة مستقبل مصر و التعاون معها في ارساء أساس المرحلة الجديدة للأمة المصرية بمختلف قطاعاتها .
7. وقف السيطرة الأمريكية علي شئون مصر و تدخلها في سياساتها بجد و حزم لا بالشعارات و الكلام , والشعب عن بكرة أبيه سيبني معك مصر الحرة من الديكتاتورية و الامبريالية الأمريكية و غيرها
8. الشعب المصري يقول لك أهلا بك رئيسا منتخبا و ليس ديكتاتورا مسلطا . فلا هتافات باسمك , ولا أغاني نفاق تمدحك , و لا مسؤولون يتسترون علي أخطائك, الشعب يحاسبك و يقومك كما اختارك و رشحك .
9. اصلاح التعليم و تيسير العلاج و تشجيع الصناعة و تصحيح مسار المؤسسة الزراعية , و تقويم الاعلام و الاهتمام بالاسرة
10. تقوية المؤسسة العسكرية للدفاع عن مصر بدون أن تتدخل في السياسة المصرية الداخلية أو الخارجية
11. قل الحق و انصر المظلوم و اصبر علي الأذي و ثق فيمن اختارك و احترم أدميته.
شعارنا هو انقاذ مصر , وان الصير علي الأمل خير من الصبر علي الذل .
لا لتوريث الحكم , و لا للعمالة للقوي الأجنبية .....ولا تراجع بعد اليوم
والله الموفق
والسلام عليكم ورحمة الله وبركاته
توقيع :
الحملة الشعبية السلمية لإنقاذ مصر - سلام -
الناطق الرسمي و الوحيد باسم حملة جمع التوقيعات الشعبية والتي تطلب من الأستاذ عمرو موسي بترشيح نفسه للإنتخابات الرئاسية المصرية لعام 2005
بس ليه كنتوا خايفين من مقابلة أعضاء سلام؟؟
دا أنا ومعايا شباب وبنات هنا من إسكندرية مستنيين مسيرة سلام دي من زمان عشان نفسنا نشارك في عمل إيجابي بدل ما احنا قاعدين ناقمين على حال البلد وااللي وصلناله ومبنعملش أي حاجة عشان نغير الوضع السيء دا.....ربنا يوفقهم ويوفقنا كلنا عشان نشوف بلدنا وأهل بلدنا عايشين بكرامتهم وباحترامهم مش عايشين خايفين ومذلولين ومش قادرين يتكلموا
ياسر فاروق / إسكندرية
انا آسف يانونا بس انتي فيروس فعلا المفروض نقاومة
يحيي
طيب معلقتش علي الموضوع نفسه ليه يا ابو يحي يا فالح؟؟؟؟؟؟؟
قول لنا رأيك لعلنا نتستفيد منه
اكنك مش عارف ان بيلموا الموظفين و يحلفوهم علي مصحف ينتخبوا مين
قول رأيك انا عايزة اسمعه بس رأيك مش في تعليقي لا في الموضوع نفسه
وارجو ان تتفهمي غضبي عليكي
احنا في بلدحرة
انا عن نفسي شايفة ان اجري علي اكل عيشي و اشوف شغلي اهم من اضيع يوم في حاجة بالنسبة لي مش شايفة ليها قيمة
روح انت يا سيدي و هنشوف نتيجة الانتخابات في الاخر
لو فعلا حصل تغيير
اوعدك ان شاء الله ابقي اتحرك
بس معلش انا واحدة موظفة بجري ورا لقمة عيشي فهي دي اهم حاجة عندي و كل يوم فيها لواهمية عندي حتي لو هنام فيه ببقي برتاح عشان اقدر انتج تاني يوم
""روح انت يا سيدي و هنشوف نتيجة الانتخابات في الاخر
لو فعلا حصل تغيير
اوعدك ان شاء الله ابقي اتحرك
بس معلش انا واحدة موظفة بجري ورا لقمة عيشي فهي دي اهم حاجة عندي و كل يوم فيها لواهمية عندي حتي لو هنام فيه ببقي برتاح عشان اقدر انتج تاني يوم ""
ماهو ده اللي بقولي يا آنسة نونا..انتي فعلاً كلامك أو رأيك اللي انتي حرة فيه فيروس يأس
وده اللي انا ضده وبعبر عن رأيي برضوه
شكرا
يحيي
عايزين حد ينفع بجد ومن اول وجديد كده
بالذمة دي بلد دي
الموضوع واقعي ..وعندم تجربة اوكرانيا
شخص له وزن ...عنده خبرة ....يصلح ان يكون رئيس
يجتمع الناس حوله ..يهزو ا عرش الظالم ....وياتوا بشخص جديد...مش عن طريق انقلاب عسكري
لا بالانتخاب او حتي بالعصيان المدني
ولما ده يحصل نخش في مرحلة تانية ..الا وهي محاسبة الرجل الجديد وتعديل الدستور
اللي يتعلم يتغلب علي خوفه مرة واحدة بس ..يبقي خلاص كل كل شئ وراء ذلك اسهل
هي دي الفكرة ببساطة
تم اعتقال مجموعة من طلبة وطالبات هندسة منوف من علي باب الكلية بتهمة توزيع ورق لجبهة " سلام " وانه يدعو الي التوعية الانتخابية والدستورية وانه يطالب عمرو موسي بان يكون مرشحا رئاسية لانتخابات عام 2005
ولا يعلم احد اين مكان هؤلاء الطلاب الان
تم الاتصال بجمعية امنستي انترناشنال ...وهيومن رايت واتش
المقاومة السلمية مستمرة بحمد الله
وستعود مصر حرة
that's great
but if i missunderstand plz let me know
hope to right it in arabic, wanna say alot , but can't express it in english and i don't have an arabic keyboard,, but plz guys reply .