القاهرة.. في القرن الـ19..!
الزحمة الشديدة والمترو والموبايل أبو كاميرا.. هذا ما قد أصف به حال القاهرة عام 2004... أما النكسة والأوبرا القديمة وثومة، فهي ما قد يحكيه لنا آباؤنا وأمهاتنا عن فترة الستينات... أما البرقع و"سعد سعد يحيا سعد" وقاسم أمين، فهي ما قد يرويه جدي أو جدك عن أوائل القرن العشرين.. لكن من سيحكي لنا عن مصر في القرن الـ19؟!
"عشرينات" أحضرت لكم صوراً من القرن قبل الماضي.. تعالوا لنرى كيف كانت تبدو القاهرة في ذلك الوقت.. ولاستعراض الصور بحجمها الطبيعي، يمكنك أن تضغط على الصورة لتكبيرها..
شارع بولاق.. أو 26 يوليو حالياً
العباسية
ميدان العتبة الخضراء
حدائق الأزبكية
بركة الفيل في منطقة السيدة زينب
منظر آخر لـ "بركة الفيل" في منطقة السيدة زينب
شارع الخليج المصري.. شارع بورسعيد حالياً
منظر آخر لشارع الخليج المصري
شارع كامل.. شارع الجمهورية بوسط البلد حالياً
جزيرة الروضة والمقياس
مرسى روض الفرج
نظرة عامة على القاهرة، والقلعة تبدو في أقصى يمين الصورة
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
الصور جميلة جدا انا نزلتها كلها علي الكمبيوتر بتاعي من جمالها وحبي للصور القديمة دة بعد اذن عشرينات طبعا
سهران الوحدي بغنلها....لو رحت فين دايما قلبي بيحن ويلف يجلها.....
هي البلد دي الي انا فيها حبيبه مغرم انا بيها...
طول عمري وانا بحلم ليها وتملي في القلب شايلها...
بحبها وبحس برضه بحبها..بحبها وبحب الي يحبها...
واشتاق من غير معاد ولاقيها في المعاد فتحالي قلبها..
انا صايع ولسانى طويل ...و كل واحد حر فى عواطف
و مش صورتين باقلهم قرن هما الى هيغيرو رأيى فى البلد دى
و من الآخر انتو شوية شباب فاضى ماوراهوش غير النت
و الصياعة الالكترونى
انا اتبهدلت كتير فى البلد ال***** دى
__________
انا حزفت الشتيمة تيسيراً على الاخ الفاضى مشرف الموقع
وبرضه بحبك يا مصر، وبموت في أهلك الطيبين.
http://boswtol.com/mastaba/hakawena_04_03e.html
وياريت تقولوا رأيكم
عاوزة أقول إن مصر بلد جميلة أوي بس فيها مشاكل...يا ريت نفكر إزاي نستثمر حبنالخطوات عملية ده عشان نخللي مصر أجمل وأحسن بلد في الدنيا بجد.إيه رأيكم؟
لازم نفرق بين البلد, و ظروفها و مشاكلها.
بنحب البلد وأدينا مستحملين ظروفها لحد ماربنا يعدلها إن شاء الله
ياريت بقى تتحفونا كدا بشوية صور اسكندراني زي دول
على ذوقكم اللي بنثق فيه
1-الشوارع زحمه على الأخر.
2-سبل الموصلات فيها عامله زي علب التونه.
3-مافيش شقق فاضيه الواحد يتجوز فيها ولو في غاليه جدا لو موجوده في الصحراء جنب الديب والثعالب.
4-مافيش أي فرص عمل للشهادات المتوسطه ولا حتى الشهادات العاليه الا لو انت جايب امتياز طول فتره دراستك احتمال تلاقي شغل.
5-لو انت مصري وماعندكش وسطه يبقى زيك زي شجره الجيميز الي تحت بيتكم.
6-نظام تعليم فاشل من أول الحضانه الى الجامعه.
7-كل واحد في مصر تيجي تكلمه لازم تحس ان خلقه ضيق أوي أوي ومش طايقك.
8-عندنا نظام روتيني معقد جدا جدا وعلى ايه ما تفهمش.
9-نهر النيل بقى عامل زي ترعة خط 18.
10-المنتج المصري أسعاره مولعه نار وعلى ايه ما تعرفش.
من الأخر كده مصر بلد الكوسه والوسطه
بس مع ذلك انا بحب البلد دي بحلوها ومرها لو ان مافيش حاجه حلوه فيها
كل عين تعشق حليوة
وإنتي حلوه ف كل عين
يا حبيبتي
قلبي عاشق
واسمحي لي
بكلمتين
كلمتين يا مصر يمكن
هما آخر كلمتين
حد ضامن
يمشي آمن
أو مآمن يمشي فين ؟
شابه يا أم الشعر ليلي
والجبين شق النهار
والعيون
بحرين أماني
والخدود
عسل ونار
واللوايي فى إبتسامتك
يحكوا أسرار المحار
يا للي ساكنه القصر عالي
إمتى يهنا لي المزار
كلمتين يا صبيه
طال على الانتظار
كلمتين يا مصر يمكن
هما آخر كلمتين
حد ضامن
يمشي آمن
أو مآمن يمشي فين
قصرك المسحور غيلانه
أغبي من دود الغيطان
بعد مص الغصن لاخضر
ينحتوا عضم العيدان
وإللى خلا الارض خضرا
وإللى خلا الدار أمان
عاش بجوعه ملو جوفه
مات بخوفه م الغيلان
روح الغلبان ما قالشي
عن شقا العمر إللى كان
كلمتين لمصر يبقوا
هما آخر كلمتين
حد ضامن يمشي آمن
أو مآمن يمشي فين
آدي كلمه من عذابي قلتها لك
باقي كلمه
من حنيني صنتها لك
فى الضلوع من دنيا ظالمه
كنت خايف يلمحوها
يقتلوها ف سكه ضلمه
شقشقت والنور بشاير
زهرة الصبار يا سلمى
يا نسيم الشوق يا طاير
خد لمصر الصبح كلمه
طول ما يبقي الركب ساير
بالبصاير والعنين
يبقي ضامن
يمشي آمن
يبقي شايف
يمشي فين
سجن شبين القناطر / 1973
البلى بم بم
والبلى باه
قال لك ايه
قال لك اه
شربه عجيبه
من تركيبه
بلدي
يا بلد البلي بلي باه
قال لك ايه
قال لك اه
ياجنة خضراء سورها نبي
يا قضة حمقاء يكتبها غبي
يا طاهرة
يا داعرة
يا قاهرة
ولان الاوضاع الفظيعة، فساد، كساد، بطالة، فقر، تخلف، اصولية، تعصب، احباط، اكتئاب، ما حدش فينا راضي عنها و حاسين انهامش احنا اللي متسببين فيها، عايزين حل و مش لاقيين.
دلوقتي ما بقيتشي الاقي دفاع ينفع اقوله للي عايز يهاجر عشان اقنعه يصرف نظر.
لكن لازم اقول ان مصر الارض غير مصر الدولةوالناس، مش كده؟
أنا كمان بموووووووووت في مصر والمصريين ...
والله العظيم بأحب مصر وأهلها موووووووت ..
انابديت بحب مصر من الثانوية لما تعرفت على شلة بنات مصريين زي العسل وبقوا من اعز اصحابي لدرجة والله العظيم انه فيه بنات كتير عندنا في المدرسة بيقولوا انتي بتكدبي علينا انتي مش سعودية انتي مصرية !!!
منيتي أجي ازور مصر إن شاء الله يحصل قريب ...
أنا نفسي أجي القاهرة وأشوف الزحمة والمواصلات اللي بتقولوا عليها ونفسي اتمشى على النيل واشوف الناس والزحمة واروح الحسين والسيدة زينب واكل الفول والطعمية والكشري وأقعد على القهاوي :)
الله !!!!!!!!
بحب اللهجة المصرية اوي اوي ..وليا اصحاب كتير في مصر زي العسل :) ... وربنا يخلي المسلسلات والروايات المصرية والدكاترة المصريين اللي بيدرسوني اللي علموني اللهجة لحد مبقيت زيكم ؛)
اقولو يارب انزل مصر قريب عشان اجي ازوركم!!!
وحتى مع وجود العيوب في مصر مصر هتفضل عظيمة والمصريين هيفضلوا ناس زي الفل !!
ومتنسوش حديث الرسول صلى الله عليه وسلم :( استوصوا بأهل مصر خيرا فإن لنا فيها نسبا وذمة ) رواه مسلم ..
ربنا يحفظ مصر واهلها
ممكن حد يتوسط لي عند الريس عشان احصل على الجنسية :)
جيجي - السعودية
دلوقتي في فساد وظلم وناس بتبيع البلد علشان ناس تركب البلد ... وفيها عصابات و شلل و شباب مش لايقة تاكل و شباب جاهل و شباب البانجو والموبايل و الفيديو كليب ..
سيبكو من كل ده .... و تعالوا نقول "كفاية ....حرام"
طبعا فاهمين ...
القيصر ضحكتنى بكلمه "بسيطه" لو كل ده و بسيط يبقى فاضل ايه عشان تعيش
تحيا أمريكا و فلسطين و اسرائيل و الصين و مصر
بحبهم اوووووى
بحبكم يا عشرينات
أحنا كدة يا مصريين ...
نفضل نسخط و مش عاجبنا الحال
والواحد يبقي بيتمني اليوم إللي يطلع فية برة مصر
وأول ما يطلع برة ويسافر ..
يبقي عامل زي العييل إللي عايز يرجع لأمة
بس الغريبة اننا اول ما بنرجع بنقول ..
احنا أية إللي جابنا تاني
ونرجع نسخط من تاني
ونسافر ونرجع علي دا الحال ..
لغاية أمتي مش عارف
غريبة يا مصر
ليه تدفعى وحدك الثمن اتكلمى
دى المشربيه عيونك بتحكى ع اللى خانوك واللى كتير ظلموك
انا ابن كل اللى صانك رمسيس وأحمس ومين كل اللى زرعوا فى وادينا حكمه تضلل علينا
وليه تسكتى زمن اتكلمى
أمسك وغدك
تنكسرى ولا ينصلب عودك أنا جندى فى جنودك
يعنى ايه مصر ؟
يعنى انت وانا وكل المصريين دلوقت و زمان.
يعنى تخلف وجهل وسرقةونصب ومحسوبيه ورشاوى وكوسة وبتنجان اسود علينا.
يعنى شعب طول عمره مركوب من احتلال خارجى لاحتلال داخلى ياقلبى لا تحزن.
يعنى الفهلوه والشطارة والغباء المستحكم ومافيش حد بيحترم حد ومشى حالك واى حاجه فى اى حته وماحدش فاهم حاجه.
انتوا يعنى من صورتين ابيض و اسود هاتتغازلوا فى مصر.
ماهو طول مااحنا قاعدين على القهاوى والمصاطب نمصمص فى شفافينا ونقول مصر ام الدنيا وفرحانين بالكام صنم اللى عندنا-اللى نصهم مسروقين برا-عمرنا ما احنا مهببين حاجه فى ايامنا دى.
قال ايه:
مصر الحضاره , مصر العراقه , مصر هبه النيل
هههههههه والاخر مصر للمصريين
انهى مصريين
اذا كانت هى اتباعت اصلا ولسه نازلين بيع فيها.
الله يرحمك يايحيى حقى (شعب سمج ثرثار قفاه طول لعابه يسيل ......).
والاخت اللى بتقول انها سعودية فرحانه على ايه , على الخيبه, مسلسلات ايه اللى كلها عرى ومفاهيم غلط فى غلط , واللهجه اللى بهدلت اللغه العربيه .
مصر يعنى احنا مش مجرد اللى المكان اللى احنا فيه , واحنا كلنا غلط ف غلط والحمد لله على كل شىء
باسم الله أقول:
موطني حيثما المآذن تسري بنداء التوحيد والإيمـــــــــان
كلكم إخوة، فلا جنس يعلـــو فوق جنس بالزيف والبهتـان
راية الله وحدتكم جميعـــــــا إن تكونوا موزعي الأوطـان
عربي وأعجمي ســـــــــواء أبيض اللون أسود سيـــــــان
لا لفرعون أنتمي حين أعزى لا لفينيق أو آشور ومانـــــي
نسبي حين أنتمي إســـــــــلام وحد الكون من قديم الزمـان
حيث تغدو"اللـــــه أكبــر" بدءا لنداء التحرير للإنســــــــان
حيث تغدو "الله أكبر" بعثـــــــا لضحايا الظلام والطغيــــان
حيث يغدو الصديق صنو بلال حيث تمحى فوارق الألـوان
حيث تسمو مبادىء، حيث تعلو راية الله، هذه أوطـــــــــاني
ابن الإسلام الذى ولد فى مصر
بحب مصر مكان - تاريخ ذكر فى القرآن و التوراة و الإنجيل العديد من المرات
لكن فعلاً المصريين او الروتين المصرى علشان ابقى دقيق يخلوا الواحد يكفر
ادينى اهه لسة طفشان من البلد لهجرة من اسبوع
كنت بالدموع و انا ماشى
بس بجد انا هنا حاسس انى بنى آدم
و انا فى مصر كنت بتعامل اقل شوية من اللى احنا بنعامله للامؤاخذة الحيوانات هنا - و ليه اقل شوية !! ده اقل كتير
تصدق و تآمن بالله منك ليه
كسرت اشارة هنا
و طبعاً اكيد انتوا عارفين فى انجلترا هنا كسر الإشارة يمكن يكون ابشع من القتل شوية
البوليس جرى ورايا و جابنى
الراجل فضل يتأسفلى ربع ساعة ان هو مشكلته ان شغلانته انه يدينى نقطة سودة على رخصتى !!!!!!!
و ان هو ان كان عليه نفسه يسيبنى بس المشكلة ان القمر الصناعى هو اللى جابنى
بيتأسف و انا الغلطان !!!!!
سبحان الله
كنت راكن على جنب علشان ارد على التليفون فى الطريق الصحراوى
جالى واحد عامل زى حلة المحشى قعد ساعة يقل فى ادبة و يتسافل علشان يسحب الرخصة و فى الآخر خدنى مخالفة تليفون محمول
بس بجد نفسى ارجع
مصر دى فعلاً ام الدنيا
بس من غير المصريين
واحد طفشان من البلد
وعلشان ترجع مصر عايزين حكام ما يخافوش من حد مهما كان ده مثل ايام عبد الناصر لما اتحدي ثلاث دول وهي/بريطانيا واسرائيل وفرنسا
ANA MASRY WE BAMOOT FEE TORAB MISR
YA REET KOL ELMASREEN YOSHKORO RABENA
MISR AMAAN
كلمة مصرى فى العالم تعنى الان : انسان خيالى عايش فى حلم خرافى عن بطولات واوهام واحلام يقظة ..؟؟
كل دول العالم تطورت الا مصر تخلفت ؟
عندما اذهب الى مصر لا اجد الا غابة وشعب محطم يلهث على العيش بكفاف ... ويمجد رؤساءه واللى مشحتينهم ؟؟
تخلف وروتين ورشاوى ولا يوجد اى احترام للضعيف ؟.. لم ارها فى دولة فى اى دولة فى العالم ؟؟؟ والغريب انكم تعتزون بذلك ؟؟ قل ايه قال ام الدنيا ؟؟ واحنا اللى لبسنا البحر مايوه؟! هههه .. خليكم فى احلامكم ... للاسف ضاعت مصر العزة ؟..فى احضان اسرائيل واللى ما يسوى وضاعت انسانية بشر بعد ان تم تمسيخها ؟؟ وعاش الفرعون - مبارك - وشعبها المحطم ؟؟