فاعل خير.. في الجامعة الأمريكية!
طالب في الجامعة الأمريكية قرر أن يساعد أبناء مجتمعه "الغلابة".. تخيل شكله وهو يمشي في حواري (عين الصيرة) ليوزع سندوتشات فاهيتا ومعها مكة كولا عشان المقاطعة!!
علشانك يا بلدي
"علشانك يا بلدي" هي مجموعة تكونت من شباب مصري متطوع - تحت مظلة اتحاد الطلاب بالجامعة الأمريكية - يسعى إلى تنمية منطقتي عين الصيرة وعمرو بن العاص. وتطور المشروع ليصبح حملة وطنية، ويصبح له عدة مجموعات في الجامعات المصرية المختلفة، بل وأصبح يمثل مصر في أوروبا..!
وتحكي لنا رغدة الإبراشي رئيسة المجموعة عن قصة "علشانك يا بلدي": "عندما فكرنا في تنفيذ مشروعنا للنهوض بالمناطق الفقيرة، اخترنا التركيز على منطقتي عين الصيرة وعمرو بن العاص؛ حتى يكون التأثير واضحا وملموسا. وبالفعل كنا أول من تطوع لإنشاء عيادة في عين الصيرة وكذلك مركزا لتعليم الكمبيوتر بالمجان".
وتكمل رغدة: "رابطتنا تقوم بعدة أنشطة منها: محو الأمية وزيادة المعرفة عن طريق قراءة الجرائد والنقاشات المفتوحة للارتقاء بالمستوى المعرفي والثقافي للمتعلم إلى جانب الحملات البيئية للحفاظ على نظافة المنطقة ونشر سلال المهملات في الشوارع بالتعاون مع المنظمات غير الحكومية.
كما تطوعت مجموعة "علشانك يا بلدي" لتحديث وتجميل مدارس المنطقة من حيث الفصول والملاعب والحدائق والآلات الموسيقية والأجهزة الرياضية. وانتهت المجموعة بالفعل من العمل في مدرستي أحمد عبد العزيز وأبو السعود.
وتؤكد رغدة أن: "تمويل الرابطة يعتمد أساسا على تبرعات المصريين الذين يؤمنون بما يقوم به هؤلاء الشباب من أجل مصر. هذه التبرعات لا تساعدهم فقط على تمويل أنشطتهم التطوعية، بل يستخدمونها في توفير قروضا صغيرة –بدون فوائد - لأهالي المنطقتين تتراوح بين 250 إلي 3500 جنيه لإقامة مشروعاتهم الخاصة".
شقة لكل يتيم
ومثلت مجموعة "علشانك يا بلدي" شكل جديد من أشكال التطوع في الجامعة الأمريكية، ومنها من قبل رابطة المتطوعين في العمل (Volunteers In Action) الذين استطاعوا منذ سبع سنوات الوصول إلى طريقة "واقعية" لخدمة مجتمعهم.
الأيتام!! مدخل خيري تقليدي أليس كذلك؟! يعني لعبة وساندوتشين وكام قميص وبنطلون يتم توزيعهم كل شهر وكان الله بالسر عليم!!
انظر ما فعله هذا الشباب المصري لمساعدة الأيتام.. بجد...
إنهم لا يكتفون بتنظيف دور الأيتام، بل وطلائها بأيديهم، وتزويدها بأجهزة الكمبيوتر، لكنهم أيضاً يفكرون بشكل عملي لمساعدة هؤلاء الأيتام ماديا وتعليميا ونفسيا. ففي عام 1992 أطلق بنك التعمير والإسكان مشروع "شقة لكل يتيم"، وقامت الرابطة منذ نشأتها عام 1997 بالمساهمة في تمويل هذا المشروع من خلال بعض الحفلات الغنائية.
وبمساعدة اتحاد الطلاب استطاعت الرابطة زيارة الأسر التي تعول أيتام في ميت عقبة لمعرفة احتياجاتهم، واستطاعت توفير ألف شنطة تموين تحتوي على المواد الغذائية الأساسية في شهر رمضان عام 2001. ولم يتوقفوا عند ذلك بل عملوا على محو أمية الأيتام وأمهاتهم حتى يكون لهم ولو دخل بسيط يعيشون منه، وبدءوا بالفعل في إعطاء حصص أسبوعية في مركز شباب ميت عقبة.
ما رأيك؟ أما زلت مصراً أن هؤلاء الشباب أمريكان في المظهر والجوهر، والأمريكان لا يأتي من ورائهم خير.. أم أنهم استطاعوا تغيير وجهة نظرك لتقتنع أن التعليم الأمريكي مع الشباب المصري لا يمكن أن يكون كله شراً ؟!!..
فاتحة خير ... الشباب عاملين بنك للفقراء
كل سنة وانتي أمريكا يا أمريكا
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
إن فعلا الجامعة الأمريكية اللي هي المفروض تكون ضد القومية والثوابت والكلام الكبير ده كله
ولكن المفارقة بقى
أن الجامعة تكون فيها أكبر جماعات مناهضة للهيمنة الامريكية وكمان يكون فيها إلى جانب العري والأخلاق الفشنك عيال ملتزمة ومتدينة وكدة
يللا
خير إن شاء الله
ياه ...يعني طلعوا بشر زينا وبيحسوا وبيعرفوا يعملوا حاجات كويسة ..
لا يا شباب ...هو ده اللي امريكا عايزاه ... عايزة الناس تحس دايما ان فيه فرق بين اي شيء أمريكاني وبين اي حاجة تانية ...
عايز الشبح والعفريت اللي ساكن جوا دماع كل واحد مننا يكبر ويكبر ويكبر
العفريت ده اسمه امريكا ..الدولة العظمي ...التكنولوجيا والفلوس والدولار وتمثال الحرية ...
الكلام الحلو والافلام الأكشن ومايكل جاكسون وجوليا روبرتس
الحقيقة ان شباب الجامعة الامريكية بيدرسوا بشكل مختلف ومحدش ينكر انه متميز اكتر بكتير من اساليب التعليم العربية
لكنه موش خرافي ...يعني عادي ...بيحصل
فطبيعي ان الشاب اللي بيتعلم بشكل متطور يحاول تطوير بلده اللي اتولد فيها واللي بينتمي ليها
بلاش يا جماعة العفريت يكبر ويكبر لحد ما حايجي اليوم اللي هنبطل ناكل فيه التفاح الامريكاني ونقعد نتفرج عليه بس لانه جاي من الجنة بتاعة ماما ...امريكا ..!!
أنا مانكرش ان الشبح ده أ عقدة الخواجه معششه جوانا، لدرجة إني نفسي فعلا أدخل الجامعة الأمريكية و أتفرج عليها و على الناس إلي جوه و حياتهم برهبه كبيره إلى حد ما، رغم إني أعرف منهم ناس مصريين أكتر من أي معنى أعرفه لكلمة مصري! و رغم إني أعرف (من واحد منهم) إن المجتمع جوه الجامعه زيه زي أي مجتمع تاني فيه كل الطبقات و الفئاف و التوجهات بكل تناقضاتها!
لكن بصراحه لما باشوف و بسمع عن الشباب دول و عن إلي بيعملوه و مشاريعهم إلي من النوع ده، باحس إنهم أكبر قلم خدته أمريكا على (...) ولا مؤاخذه!
بالضبط زي موسى إلي اتربى في قصر فرعون عشان يكبر و يحاربه و يحارب دولته!
كفايه بقى سيطرة لفكرة "نظرية المؤامرة" على تفكيرنا في كل كبيرة و صغيرة! ده إلي بيكبر الشبح.. كأن الأمريكان دول فعلا ناس خارقين و بيعرفوا كل حاجه و بيخططوا لكل صغيرة و كبيرة في حياة كل خلق الله!!
أنا متفق تماما مع الكلام اللي بيقوله " بيرو "
مش عشان الحلف , ولكن علشان قناعة داخلية جوايا
و الأخ " جديد الموقع " :
" اللي عارف نظرية المؤامرة و مؤمن بيها
لا يمكن أبدا تبقى عنده عقدةالخواجة
بس الكلام ده لو فاهمها صح "
و هم بالفعل بيفكروا في كل حاجة
بس هم مسيطرين لأن اللي بيواجههم عندنا معدومي العقل
أو بمعنى آخر :
" هم متفوقين علشان مفيش
حد غيرهم حاول ينهض , أما لو في حد
- يا رب اوعد أمتنا - مش هيبقوا ..."
المهم انا شايف ان حضرتكط متفقة جدا مع الكلام اللي انا قلته في البداية ..يعني مفيش اختلاف جوهري
ويا استاذ مصعب الخير ...حاول تبقي اهدأ مع الزباين الجداد ...
متقطعش عيشنا امال ...الناس داخلة وبتقول يا هادي هنقول تعليق ...يبقي يوم ما يقولوا تعملهم حلوانا في سلوانا وتقعد تقطمهم ...
مصعب ...مخصوم منك تعليقين ...ولو اتكررت هعمل بلوك لتعليقاتك ...
معلقين آخر زمن ..!!
بس ولو فيها رزالة ...يعني ايه حلوانا في سلوانا ؟؟
اظاهر انت مش واخد بالك يا أخ بيرو انت و مصعب انتوا بتكلموا مين، إحنا اقدم منكوا في الموقع ده.. كانوا لسه بيقولوا يا هادي يارب لما ابتدينا "شغل" معاهم..:)
أنا مش "ضيفه" فعلا، أنا صاحبة شغل :P
خلي بالكوا بقى لحسن المره الجايه حتقعوا في مدير الموقع شخصيا :D
بالنسبة لموضوع الجديد والقديم
عيب قوي
مش عشان ساكتين لكم انا وغاندي البلد الأخ المحترم
تقولوا انكم قدام وكدة
احنامن زمان قوي هنا
لكن بطلنا نكتب عشان ندي فرصة للشباب اللي زيكم
فعيب بقى تستولوا على أقدميتنا
من فضلكم
نحترم السلم الوظيفي شوية
إخص
إخص
إخص
بالنسبة لجديد الويب سايت والحجاج فرافيرو ومحور الشر دول.. شايف إن كلهم في خندق واحد يا خويا يا محافظ كلهم آخر موديل... لكن احنا (الدهن ف العتاقي) .. وخد مني أنا..
وعلى رأي المثل:
إخص إخص إخص
يا سيادة المحافظ و تابعه (و بلاش نفسر أكتر عشان ما نفضحكوش) إعملوا الشويتين دول على حد غيري، انتوا مفئوسين و عندنا ملف كامل عنكوا و عن نشاطكوا، بالأماره أنتوا منتمين (من تحت لتحت) للحلف الإلكتروني الفظيع بقيادة الإرهابي "بيرو" و قائد عام الحلف "مصعب الخير".. و إلي على راسه بطحه، ميلعبش مع ناس قديمه زينا :P
غاندي البلد
بيرو
سيادة المحافظ
مصعب الخير
جديد الموقع
اسماء غريبة.. فين الأيام الحلوة بتاعة: دفرواي تامر الشبراويشي، وأخوه كرع الهوارة، جغبوب الحوق، فغرللي حبككش، وكده
الله يرحم إنترنت الرجل بتاعة زمان
بالأيام الحلوة بتاعت الناس الكبارة اللي تفهم في العيب والأصول والعادات والتقاليد عم هلال بتاع التموين وشاي شمتو وترابيزات البينج بونج في الشوارع ولعبة جين جين دراويش والسبعاوية وصيادين السمك ... يا سلام ...
فاكر فاكر؟
بقولكوا ايه
كل واحد يبص فى ورقته!
فاهمين بص فى ورقتك انت وهوه
عايزيين ننام ...النهاردة الجمعة ...أجازة
وشباب الجامعة الأمريكية منهم من هم على خير..
وبلاش تعصب..
انتهى.
(( قيلوا فإن الشياطين لا تقيل ))
سلامي.