آسف.. عندي محاضرة جنس!
في الوقت الذي أصبحت فيه أسطح العمارات والمنازل المصرية عامرة بأطباق "الدش" وأصبحت منازلنا ممتلئة بأجهزة الكمبيوتر وصفحات الإنترنت وأصبح الوصول لأي شيء وكل شيء أمر غاية في السهولة، مازلنا داخل المجتمع المصري نتعامل بصمت وخوف مع بعض المشاكل التي تحتاج لمواجهات سريعة.
فنحن نعلم أن المجتمع العربي يعاني من مشكلة كبيرة مع الحياة الجنسية ويكفي ما تؤكده أبحاث المركز القومي للبحوث الجنائية بأن 68% من المصريين يعانون من الجهل الجنسي مما ينعكس بالسلب على العلاقات الزوجية والأسرية حيث أن 59% من حالات الانفصال والطلاق تعود إلى غياب التفاهم الجنسي بين الزوجين.
كل الوسائل تؤدى إلى.....مصيبة!!!
ففي الوقت الذي يتهرب فيه الآباء من الإجابة على التساؤلات الجنسية لأبنائهم بحجة "عيب أنتم لسة صغيرين" يهرب الأبناء نحو الشوارع الخلفية للجنس التي تفتح ذراعيها للشباب "بالأحضان يا حبايب بالأحضان".
بداية من المجلات الإباحية التي تباع في الشوارع علانية "عين عينك" بين الكتب القديمة وحطام الجرائد المختلفة والتي يلهث الشباب للحصول عليها أو على حتى صورة واحد من داخلها وأصبح لها تجارة نشطة داخل المدارس خاصة الإعدادية ووصلت أسعارها لأرقام عالية جدا.
مرورا بالفيديو والدش و نهاية بالطريق السهل السريع الذي لا يتطلب سوى "ضغطه كليك" وحتى دون هذا "الكليك" فسوف يصب على شاشة الكمبيوتر ملايين المواقع الإباحية تعرض نفسها أمامك بكل سلاسلة.
والعجيب في الأمر أن بائعي الجنس بأشكاله المختلفة لا يختلفون في أي مكان فهم دائما نسخ وصور متشابهة يحملون نفس الصفات والملامح ويطلق عليهم الشباب نفس الألقاب فهذا يسمي "رعاية الشباب" وهذا "حبيب الشباب" والأخ "أبو الشباب". والبعض يسمي "الحنين".
دكتوراة في الجنس!
وداخل كل هذه الأحداث ظهرت بعض الأصوات التي كانت تطالب بتدريس الجنس في المدارس وأصبحت هذه القضية محل خلاف بين الناس ولكن في الوقت نفسه ظهرت طبيبة مصرية حاصلة على دكتوراه في الطب الجنسي من الولايات المتحدة وهي الدكتورة (هبة قطب) التي ناقشت في رسالتها "النموذج الإسلامي للممارسة الجنسية" وقامت بفتح مدرسة للجنس تقوم من خلالها بإعطاء دروس "كورسات" للمراهقين أو "المتزوجين".
وتؤكد الدكتور هبة قطب أن الجنس جزء من الحياة "لا هو عيب ولا حرام". و القرآن والسنة النبوية تحدثوا في هذا الأمر كثيرا ووضعوا له أصول للممارسة. والسؤال لماذا نخجل من الخوض في الحديث عن جزء مهم من حياتنا. فهل لو مرض الإنسان في عينيه لن يذهب للطبيب؟!
وتشير الدكتورة هبة أن هروب الأباء من الإجابة على استفسارات أبنائهم حول القضايا الجنسية وخجلهم من ذلك يتسبب في مشاكل كثيرة بالنسبة لهم حيث يصاب العديد من الشباب بحالات من الاكتئاب والعزلة خصوصا البنات في مرحلة البلوغ. أو يلجأ معظمهم لمصادر رخيصة تمدهم بمعلومات خاطئة تؤثر بشدة على حياتهم الصحية والنفسية.
ولذلك فهي ومدرستها تكون البديل الأمثل لخوف الآباء وهروبهم حيث أنها تقوم بإعطاء محاضرات للمراهقين عن تطور الجينات الجنسية وكيف يصل الولد أو البنت لمرحلة البلوغ. وما يصاحب ذلك من تغيرات جنسية وفسيولوجية وبعد ذلك تنتقل لمحاضرة أخرى تدور حول الحياة الجنسية والممارسة الجنسية الصحيحة حسب الأصول والقواعد التي وضعها الله.
ثم تقوم بالإجابة على كافة الاستفسارات التي تدور بأذهانهم.
وتقول أنها تستخدم النموذج الإسلامي وتدعم أقوالها حتى تستطيع أن تنقل المعلومات بشكل صحيح وحتى لا يخجل الشباب من تلك الدروس وهي ترى أن تدريس الجنس في المدارس سوف يحتاج لجهود كبيرة وضرورة إعداد مدرسين قادرين على تقديم المعلومة في إطار ديني وأخلاقي حتى لا يكونوا سبب في فساد الشباب وسف تحتاج إلى نوع من المعاملة الخاصة نظرا للطبيعة الحساسة لدي الشعب المصري والعربي في التعامل مع تلك الموضوعات.
ومع هذه الأحداث المتلاحقة داخل المجتمع العربي والحديث عن تطوير المناهج لا تنزعج إذا نظرت في جدول محاضراتك ووجدت أن المحاضرة الثانية عندك "جنس".
- إسلامنا والثقافة الجنسية
- أول مرة عرفت الجنس
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
أنا والدتي و لحد دلوقتي و رغم بلوغي سن النضج الفكري و رغم ثقافتي الواسعة، و رغم إني ساعات بتطرق لهذه الموضوعات في بعض مناقشاتنا و علمها باني على قدر من الثقافة، إلا أنها مازالت بتشخط فيه معتبره الكلام ده عيب و "مش وقته" (رغم إني على وش جواز)... و بتقولي "أنا عمري ما حد كلمني و قالي أي حاجه" و بتتفاخر بأنها تزوجت في سن مبكر بطريقة تقليديه جدا و بدون أي نوع من أنواع الثقافة الجنسية، و معتبره كلامي في هذه الموضوعات معاها أو أسئلتي لها نوع من أنواع "البجاحة" الطبيعية في أبناء جيلي !!
لكن لابد من الإعتراف، بأنه رغم فهمي لأن الموضوع ده مش عيب أو حرام و أن الدين اتكلم فيه و حط له قواعد و أصول، و أنه لا حياء في العلم أو الدين، إلا إني بأجد صعوبه في الرد على بعض تساؤلات أبناء إخوتي في هذا الموضوع.. إظاهر إن إحساسنا بأن الموضوع ده و الكلام فيه شيئ فوق العادي، هو نوع من العدوى أن هو صفه موروثه في الشعوب العربيه :)
كل الحكاية ان فيه وقت يبقي الكلام فيه صحي وفيه وقت تاني يبقي ابتزال وقله ادب ......!!
بس خلاص
بيرو
كلام ابويا معيا عن الموضوع ده بكثرة من وانا صغير خلاني ابقي حابب اعرف اكتر واكتر وانا دلوقتي بعتبر نفسي اخلاقي فاسدة رغم اني علي وش جواز زي جديد الموقع !!!!!!!!!!!!!!!!!!!!!!!!!!!!!!
الشباب دول يفرسوا والله ..
سن حضرتك قد ايه علشان تتكلم عن الشباب ..؟؟؟
يا ريت عشرينات يحطوا اللينك بتاعه هنااااااااااا..!!
يعني محدش ذكر كلمة جنس اصلا ...
كله بيقول الموضوع ده
الحالة عامة يا سنية !
هي الناس ناقصة قلة أدب
حرام عليكوااااااااااااااااااااا!!
تراكم ناس فاضيه مو عارفين تتكلمو في لأي موضوع وما لقيتو إلا الجنس (الله يخسكم) الحين تقولو جنس بعدين تحكوبالتفصيل وبعدين أسامي وبعدين صور ويصبح البساط أحمدي لكل واحد شوي شوي الي تقول أبغى رجال علني والي يقول يبغى بنت يسوي فيها اللي يبغاه مع أن الصنف هاذا موجود وبالذات هنا في السعوديه العيار زايد.عموماَ لكل واحد حرية التصرف بنفسه وعرضه.مع أن المواضيع اللي زي كذا بتزيد الأثاره لكلا الجنسين وهذا أيلي تبغوه طبعاَ!!!.
بالمناسبه هوالقرر هيكون ايه
نفسى اعرف والنبى علشان احضر نفس كويس
جنس ايه وكلام فارغ ايه يابنى هى الناس لقيا تاكل
على شبابنا الضايع
انت محتاج لسه تفهم حاجات كتير
الاخ الثانى المتحمس للموضوع متشكرين اوى نرضهالك فى الافراح ان شاء الله وخليك صبور على الناس شويه ياخى
يظهر ان الكوسه اتنقلت االانترنت كمان
الناس دول علقوا امتي يا رجالة ..؟؟
ما أنا قاعد علي عشرينات ال24 ساعة
علي العموم ملحوقة ..!!
اللي انا عايز اقوله اننا لو اتفقنا كلنا علي راي واحد يبقي التعليقات دي كلها ملهاش لازمة
مهم قوي اننا نختلف علشان نفهم وندرك
كلنا شباب في بعض وموش عيب ان واحد يبقي صح والتاني يبقي غلط
وده برضه موش معناه ان فيه واحد صح علي طول الخط والتاني غلط علي طول ..!!
نقطة تانية مهمة ...
موضوع الكلام في الجنس بيحصل سواء كنا بنتكلم في السر او العلن
والناس كلها عارفة ان فترة من 15/20 هي اهم فترة في حياة الانسان وهي برضه الفترة اللي مبيشبعش فيها الواحد سواء كان ولد او بنت من البحث عن اي معلومة جديدة وخصوصا لو كانت متعلقة باكتشافه لنفسه
ومن هنا كان الكلام عن الجنس والزواج والحب والسجاير والمخدرات وعلاقة الولد بالبنت والمشاكل مع الاب والام والعيلة والاخ الكبير
الحاجات دي اساسيات في حياة اي شاب
واللي موش بيحصل معاه كدة الناس بتبصله علي انه مريض !!
اللي انا عايز اوصله في الآخر اننا كدة كدة بنتكلم وكدة كدة بنعرف وبنسأل
طيب ليه متبقاش معرفتنا وكلامنا ده موزون
يعني لو الواحد اتعود من وهو صغير ان فيه درس في العلوم كل اسبوع بيكلمه عن نفسه وجسمه وجنسه
بشكل حضاري ومن غير خدش للحياء
اعتقد ساعتها موش هيبقي فيه ضرورة للفضائيات العارية ولا المواقع الاباحية ولا معاكسة واغتصاب البنات في الشوراع !!
كنت حاقول نفس الكلام لولا اني أنا كمان مش عارفه التعليقات دي كلها جت امتى !!!
لو احنا ناس فاضيه و كلامنا فاضي، هل معنى كده إنك شخص "أفضى" علشان قاعد تقرا لناس "فاضيه" زينا؟
على العموم، أنا رديت على تعليقك الخاص بموضوع "روبي" للأشتاذ أحمد زين، ياريت تاخد دقايق من وقتك الثمين و تقراه ..
هي روبي واخواتها بيأثروا علي مين..؟؟؟
ج: علي شبابنا طبعا
سؤال كمان ...المتوقع والمأمول ان الفلسطين والعراق يتحرروا علي ايد مين ..؟
ج : اعتقد شبابنا برضه ..
يبقي الكلام ليه لازمة ولا لأ
ج: ليه فعلا لازمة
س : ممكن ولو فيها اسائة ادب تسكت خالص بقي ؟؟؟
ج: ..................................
ملحوظة : النقط دي موش معناها اني مستني ردك والعياذ بالله ...والله يا شيخ كأنه وصل وزيادة .!!
الساعه.......... امام........ اوع تتاخر يابيرو
انا جاي في الميعاد!!
ايه الكبت اللي عندكم ده ..
انامتجوز وعندي عيال .. وباتكلم معاهم لو سألوني .. بس بجد كده كتير اوي
على العموم .. ليكم حق .. غريزة وطلب واحتياج .. واحساسات بالذنب .. وعناوين مفرقعة .. وبنات نيو لك وشباب بعضلات ..
ما تيجوا نسميها العلاقة الزوجية ( بس) مش الجنس وبكده وببساطة جدا .. نحصر الجنس داخل العلاقة الزوجية النظيفة .. لأحسن ده اتبهدل معانا جدا زي ما بهدلوا الحب
أحمد محمد علي
في الحقيقة يا جماعة أنا شايف فعلا إن موضوع الثقافة الجنسية دة لازم يتاخد في حصة الدين لأنها الحصة الوحيدة المحترمة من قبل الطلبة وإن كان بدأ معدل الإحترام ده يقل عشان يحصل بقية المواد الأخري زي العربي والدراسات فما بالكم يا جماعة بحصة جنس تفتكروا الطلبة شاكلهم هايكون إية
(طب بالذمة دي هاياخدوا فيها دروس خصوصية إزاي)
أنا يا جماعة بأيد اننا نجعل المسألة مقننة وتحت المراقبة ويكون فيها مصارحة بأسلوب علمي وأظن أنه بدل ماندي الأولاد كورسات جنس ندي الأباء كورسات في توصيل المعلومات لأنة ماحدش هايفهم عقلية إبنك ويسيطر عليها غيرك
وسلام
مبروك يادسوقى الموضوع حلو اتعودت عليك جرئ وراسك نشفه اللى فى دماغك بتعمله بس فى حاجه يمكن فعلا يكون الجنس عنصر مهم فى حياتنا بس اعتقد انه من الصعب ان يتم تدريسه فى المدارس لانها هتبقى عمليه صعبه خاصة في ظل حالة الانحلال التى نعيش فيها