أتجوز آه .. أطبخ لا!
أن يكون هناك بنات أكلها مش ولابد.. ونفسها في الأكل مش قد كده.. مفهوم، لكن بنات يكرهن الطهي ودخول المطبخ من الأساس شيء غريب.. والأغرب منه تفاخر البعض منهن بجهلهن بفنون الطهي، وأعتبار ذلك شياكة وستايل ووجاهة اجتماعية، وإن البنت اللي بتعرف تتطبخ أكيد فاضية ومش لاقيه حاجة تعملها!
يا حبيبة ماما
تقول ليلى 25 سنة: أنا لا أحب دخول المطبخ والسبب يعود لوالدتي التي دللتني وجعلتني لا أمد يدي في أي شيْ وعندما ارتبطت بعصام صارحته بذلك، ولكنه لم يكن متفاهما إلى حد كبير، خاصة وانه يتقن إعداد بعض الوجبات وهذا يشعرني بالإحراج الشديد، ومع ضغوط العمل لا يوجد لدى وقت كاف لتعلم الطبخ ومعظم الأيام نتناول الطعام عند ماما أو عند حماتي.
وتتفق معها هدى 28 سنة، فتقول: أنا أحب الطبخ ودخول المطبخ ولكني لا أجيده، والسبب أمي التي كانت ترفض دخولي المطبخ، وبالتالي انعكس ذلك بالسلب في حياتي الزوجية ، ويضطر زوجي إلى تناول الطعام خارج البيت، وهذا يزعجني كثيرا، واعتبر فقداني لهذه المهارة عيبا خطيرا يجب أن اهتم بمعالجته.
بتعرف تتطبخ.. تخيلوا!!
بينما تختلف معهم علا 30 سنة فتقول: "أتقن الطهي، وأحب التفنن فيه والفضل في ذلك لأمي التي كانت امرأة عاملة، وكنت أكبر بناتها، فكان لي النصيب الأكبر من تعلم فنون الطبخ، لأخفف الحمل عنها، وازداد إحساسي بقيمي هذه النعمة، وأنا على مشارف الزواج، إذ أرى أن إجادة الطبخ من أسباب سعادة الزوجة"..
وترى علا أن في الطبيخ ثوابا كبيرا، إذا لجأت بنيتها لله سبحانه وتعالى، فهي تتحمل وقفة المطبخ المتعبة في بعض الأحيان".
الله يكون في عونه
منى تعتبر الطهي بالنسبة لأسرتها شيئا أساسيا وهاما، ولكنها لا تحبه ولا تجيده وأمها تعانى الآمرين لتعليمها الطبخ وتعترف أنها لا تجيد سوى عمل الاومليت وتقول لها أمها الله يكون في عون اللي هيتجوزها.
مفيش وقت!
ومشكلة الوقت هي القاسم الأساسي في معظم الحالات.. لا وقت لتعلم الطبخ.. وطبعا لا وقت للطبخ ذاته.. فمثلاً رانيا 27 سنة تقول: "لدي رغبة حقيقية في أن يتطور أدائي في المطبخ، لكن ضيق الوقت لا يسمح".. وتكمل رانيا: "أنني أعمل حتى الساعة السادسة مساء، ربنا يبارك في الوقت، حيث أنني على مشارف الزواج".
أما مروة ناجي فتحب الطهي جدا، ولكن ليس التقليدي، فتحب الاختراعات لدرجة إنها تسمي المطبخ "المعمل"، ولكنها لا تدخل المطبخ كثيرا لانشغالها فتضطر هي وزوجها لعمل delivery.
أطبخ لمن أحب
ولـ (يُمن) رأي أخر.. فهي ترى أن الأكل في حد ذاته أصبح لا يعني شيء للرجل.. حيث من السهل أن يرفع سماعة التليفون ليطلب ما يريد ويشبع في دقائق.. ولكن المعنى الحقيقي لأن تطبخ الزوجة هو لم شمل أسرتها المستقبلية على مائدة واحدة.. فهي ترى إنها لن تطبخ فقط.. بل ستطبخ لمن تحب.. فهي تحس بفرحة شديدة حينما تقوم بعمل صنف واحد من 10 قامت بهم والدتها في عزومة لزوجها.. فيبتسم بحب عندما يعلم ذلك.. ولا يترك المائدة إلا بعد الانتهاء منه!
كلام رجالة
هذه كانت أراء البنات وحججهم.. يا ترى ماذا يقول الرجال.. عندنا مثلا على أحمد 32 سنة يقول : عندما تزوجت وجدت أن زوجتي لا تجيد فن الطهي وبالتالي اتجهت إلى الأكل الخارجي وهو ما جعلني اشعر بالضيق من زوجتي وجعلني أجلس معظم وقتي خارج المنزل، وأحب أن أقول لكل بنت أنه بغض النظر عن حب زوجك للطعام وعدمه؛ فأن إجادتك لفن الطهي يجعلك محببة إلى زوجك.
ولا الحوجة!!
محمد 24 سنة يقول: أحسست بمهارة الطبخ أثناء السفر والحمد لله أنني أجيده ولا الحوجة.. ولما هاتجوز هاطبخ لنفسي وبس.. علشان تتعلم الهانم..!!
أما محمود 29 سنة، فيؤكد قائلاً: "الواحد لازم يكون عنده شوية أصل، أنا مثلاً أجيد الطهي، بينما زوجتي لخمة.. ورغم انشغالها في عملها فإنها تحاول.. وأنا أساعدها في إعداد الطعام، ومش عيب أن يشارك الزوج زوجته في الطهي وحياتنا الحمد لله سعيدة ومستقرة.
أنت رأيك إيه.. هل إتقان الطهي فعلا واجب على كل زوجة؟!.. أم يكفي أن تقوم بتجميع قوائم أكل جميع محلات الفاست فوود على التلاجة الايس ماكيير..!!
- من غرائب وعجائب الزواج والطلاق!
- اضرب زوجتك ولا تضرب كلبك!!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
يعني مثلا انا بعرف اعمل مكرونة وزي ما انتم عارفين ان الموضوع سهل جدا لكن هل تعتبر المكرونة في حد ذاتها طبيخا
كذلك لدي بعض المعلومات التي تتعلق بالبيض المقلي والاومليت وقد حصلت علي هذه المعلومات اثناء حصولي علي دورة تدريبية في قنا لمدة عام "ربنا ما يرجعها ايام "
هذا بالاضافة الي اني مقدم علي خطوة خطيرة في حياتي تتعلق بتعلم صناعة الفيشار و"طهي" البوم فريت
السؤال هو هل يتم أعتبار الأشياء السالفة الذكر تمت بصلة الي فنون الطبيخ وتفتكروا المواصفات دي ممكن تخليني اعرف اتجوز ...؟؟
افتونا يرحمكم الله
بيرو
يعني انا احبها تكون بتتطبخ..مش لازم كل يوم...بس بتعرف تتصرف
بجد انتي عايشه في الدنيا ليه ؟؟؟
ايه لازمتك اصلا !!!
لا مالوش حق عصام انه مش متفاهم
اخص عليه اخص اخص اخص
ازاي يتجرأ ويعوز مراته تطبخله !!!
والله خسارة انك اتجوزتي وعندك 25 سنة بس
وغيرك لهلوبة في شغل البيت لكن حظها قليل يا عيني
اللي زيك كان المفروض تعنس لحد ما تعرف ان الله حق !!!
اللهم لا اعتراض
حكمتك يا رب
ظلموك والله يا قاسم يا امين
انا الوحيد اللي عارف انك راجل كويس ومش السبب في اي حاجة من دي !!!
ان جيت للحق بقى و عايز إلي يرضي ربنا؟
المهمة الرئيسية للزوجه إلي الشرع كلفها بيها و ربنا حايحاسبها عليها، هيه رعايتها لجوزها و تربية ولادها، لكن "كل" شغل البيت هو ملزم انه يجيبلها إلي يعمله، و لكن إن كان مش قادر، ف "تعاونا" منها معاه هيه إلي بتقوم بيه... واخد بالك؟ يعني أداء الستات لشغل البيت ده "تطوع" منها، و المفروض منك انك تساعدها، مش تتريق عليها.... إرجع للأحاديث الشريفه حتلاقي حديث بيقول ما معناه ".. الزوجة للفراش.."، يعني مهمتها الأساسية هيه حضرتك و ولادك و بس... مش الطبخ و الغسيل و التنضيف !!
سيدنا عمر لما جاله إلي بيشتكي من إن مراته بتعلي صوتها عليه، و لقى إن موات سيدنا عمر صوتها عالي، سيدنا عمر قاله ما معناه " تحملتني و تربي أولادي و تهتم بطعامي و تغسل ثوبي دون أن يأمرها أحد بذلك، أفلا أتحملها ان رفعت صوتها؟"...
أتقو الله في الستات و اعرفوا حقوق زوجاتكوا الأول و بعدين اتريقوا...
وبعدين فترة الخطوبة تتيح لكل طرف التعرف على عيوب ومزايا الطرف الآخر..واللي شايف في الطرف الآخر عيب ما يقدرش يتحمله، يبقى من الأحسن ما يرتبطش بيه من الأول..لكن ما فيش داعي إن احنا ننتقد وخلاص..لأن كل علاقة وليها ظروفها.
واللي ينفع مع أحمد وليلي يمكن ما ينفعش ما مجدي وناديه، وفي أزواج مبسوطين مع زوجاتهم بالرغم من أنهن لا يتقن الطبخ.
أما عن مشكلة الطبخ نفسها، فأنا أدعو كل رجل وامرأة لمحاولة تعلم الطبيخ ولو الحاجات البسيطة منه، يعني شوية رز على خضار على مكرونة، الحاجات البسيطة دي لأن ده مفيد جدًا "للجنسين" خصوصًا إن الطبيخ مش اختراع للذرة (واللي بيطبخوا عارفين كده كويس).
ولازم الراجل يتعلم يطبخ برده لأن أكيد في يوم من الأيام مراتك هتكون تعبانه ولازم أنت تساعدها. وأنا شخصيًا باعتبر الراجل اللي ما يعرفش يطبخ ولو صنف أو اتنين بسيطين عنده مشكلة لازم يصلحها.
ولازم يكون عندنا شوية تعاطف وتفهم مع بعض لأن مجتمعاتنا اتغيرت والأهل ما بقوش يعلموا الأولاد الطبيخ وشغل البيت وتحمل المسؤلية وده شئ في غاية الخطورة، لأنه بيأثر على الحياة فيما بعد سواء للراجل أو الست. والمهم إن الشخص يكون دايما عنه استعداد أنه يتعلم ويغير من نفسه.
وأذكركم في النهاية إن رسول الله عليه الصلاة والسلام كان "في خدمة أهله" بشهادة زوجاته نفسهم، يعني كان بيطبخ وينظف ويخيط ثوبة ونعله، وهو الغني عن هذا خصوصًا إن زوجاته لم يكن يعملن خارج المنزل زي الكثير من زوجاتنا اليوم.
أرجو إن ده يغير من مفهومنا عن حال سي السيد في البيت اللي ما بيعرفش يعمل لنفسه حتى كباية الشاي ولا يقدر يجيب كباية ميه..ليه؟؟؟!! علشان هو سي السيد راجل البيت.
ودمتم سالمين!
لانها اكيد مش اخ
هاهاها
لو تلاحظي انا اتكلمت عن اول مثال فقط
ولم اتكلم عن باقي الامثلة
لانها هي المستفزة تماما ومش بتعرف اي حاجة ومعتدة بنفسها وعاوزة جوزها يتقبلها على كده كمان !!!
اتمنى ما تكونيش زيها ...
وشكرا
هوه إلي يقول كلمة حق لازم يبقى متحيز في الزمن ده؟
بصرف النظر عن التعليق بتاعك الأولاني .. البنت مش معتده بنفسها ولا حاجه، و بتقول انها بتحس بالإحراج ان جوزها بيعرف يطبخ و هيه لأ.. و بعدين الغلطه أساسا مش غلطتها، لأن التعود على شيئ في الصغر بيصعب تغييره خصوصا لو ظروف الحياة المعاصره كمان مش مدياها فرصه... يعني لو والدة حضرتك عودتك انها هيه إلي ترتب ليك أوضتك و تغسلك و تكويلك هدومك، و بعد عمر طويل اتجوزت و مابقتش بتساعد مراتك في أي حاجه و ده من حقها عليك شرعا طالما انت حالك على قدك و مش قادر تجيبلها إلي يقوم بشغل البيت، مش حتطلب منها و يمكن كمان تعتبره حق ليك عليها انها تستحملك؟؟
و بعدين فين الموده و الرحمة بين الزوجين؟ اذا كان عنك نقص تستحملك و تعينك و تكملك و العكس، مش هوه ده الجواز بشرع ربنا؟
لو بس الرجاله تبص لنفسها قبل ما تتكلم و تهاجم و تتريق، كان ال الدنيا اتعدل، بس اظاهر ان تخلي الستات عن بعض حقوقها بعلة المشاركه و الحب، بقت الرجاله بتعتبره حق مكتسب ليها...
و بالمناسبه، أنا بعرف أطبخ كويس، و ان كنت حاتنازل عن حقي في وجود بنت أو ست تقوم بشغل البيت عني، فده حيكون لو كان جوزي فاهم ان ده تنازل مني عن أحد حقوقي عليه بسبب حبي ليه و مشاركهو مساعده مني له، و يساعدني فيه كمان...
تجوزني ؟
بتعرفي تطبخي ؟؟؟
ولا ها تعملي زي الاخت جديدة الموقع وتدافعي عن واحدة فرفورة وزعلانة ان جوزها مش متفهم ده ؟؟؟
في وصفات حفظاها ووصفات ممكن أغشها بس بيقولو ان (نفسي حلو) في الأكل
وكمان سعات بألف وصفات .. بافكر واستنتج يعني لما اتزنق ومفيش كتاب قدامي :))
وبتطلع حلوة سبحان الله
كفاية روحك الحلوة إنك مستعد تساعد مراتك في الطبخ ترفع المعنويات
ها . .
مقلتليش
قصدي
مردتش على سؤالي الأولاني
(مكسوفة )
مش معقول نضيع علينا الطريق ده
ولو مابنعرف هنتعلم عشانو
والله انا ما شفتش اسئلة
لو شفت اسئلة اجاوب على طول
وعموما اذا كانت خلاصة استفسارك هو عن اني ممكن اساعد مراتي في البيت فالاجابة بنعم اذا كانت فعلا محتاجة مساعدة ومش بتدلع او انا اعرف حاجة هي ما تعرفهاش ...
وبالمناسبة انا باعرف اعمل قطايف ولقمة القاضي وبلح الشام ... بس من اجندة ماما بتاعة الوصفات ...
بس ماما مش بتسمحلي ...
بتقوللي انت بتوسخ مواعين كتير علشان تعمل حاجة واحدة
طب اعملها ايه يعني ...
مش العجين بيتسخن في حلة
وبعدين يتعجن في طبق
وطبعا مش ها اعجنه بايدي ...
وبعدين يتفلي في القلاية
وبعدين بيتعمل الشربات في حلة اخرى
وبعدين اطلعه من الزيت بالبتاعة دي
واحطه في طبق التفديم
قولولي بقى فين المواعين الكتير دي بذمتكم ؟؟؟
وانا مش باحب اغسل مواعين ... بس يمكن ربنا يهديني واكون باحب مراتي اوي وفي الحالة دي يعني ممكن اغسل مواعين واسيق الشقة كمان ... هاهاها
ودي كانت اجابتي على الاخت مكسوفة برضه
يعني عصفورين بحجر
ايه رايك في شروطي
لو موافقة قوليلي علشان بس نلحق قبل رمضان
والا ها تفوتك الفطايف ...
هاهاها
على كدة نبقى متفقين في كل حاجة والحمد لله
وأنا بتكلم بجد والله مش هزار
اكتب لي ايميلك بقى عشان نتفق امتى تيجي لبابا
عشان أخاف لو أنا كتبت ايميلي هنا يبعتولي ميت واحد كلهم يقولو انهم وائل عباس
مكسوفة
ولا هو الولد يعني مش زي البنت ؟؟؟
بطلوا بقى التفرقة العنصرية دي
هاهاها
عموما ادي الايميل اهه
waelabbas@hotmail.com
وانتي الجانية على نفسك
وحطي في اعتبارك اني ممكن ما اعمرشي كتير
لاني خلاص بقيت بلاك ليست عند الاخوان والسلفية
والاعمار بيد الله ...
بس اوعي تكوني منهم وعاوزين تستدرجوني وتسقوني حاجة اصفرة ...