ها تجــــــند.. هايجندوني!
"شعرت بالعجز لأني غير قادر علي اتخاذ قرار..ففي الوقت الذي تحدث فيه أهم خطوة في حياتي بعد نحاج أول ألبوماتي..يتم استدعائي للجيش..وأذهب للكشف الطبي..وحوارات غريبة عمري ما فكرت فيها.!
هناك التقيت بصديق عمري أحمد مخلوف - خانني وأخذ تأجيل -..(!!)
مخلوف ملحن.. وفي أول إجازة فضفضت معاه.. فطلب مني أن أعمل أغنية عن الجيش..وفي نفس الأجازة كانت الأغنية جاهزة."
أتكلم ولا لأ
ولأن الحديث عن الجيش سواء في أغنية أو فيلم أو تحقيق أمر حساس يخضع لقيود رقابية..فشعر (كريم) بالقلق من نزول أغنية عن الجيش في الألبوم الأخير "لون شعرك" لسببين كما يقول:الأول رفض الأغنية رقابياً والثاني أنه في "وش المدفع" ويقضي فترة تجنيده التي لم تنتهي بعد..والموضوع محرج.!!
لكن كريم تغلب علي قلقه وقال: الغنوة لا تمس الجيش..بالعكس فهي كلمات "روشة" ترصد الإجراءات التي تحدث لأي شاب يلتحق بالجيش..ومن الآخر وعشان أنهي القلق من الأغنية أضفت كوبيله يقول...
من بعد ما قلت دي مره قضيها يا واد وتفوت
الجيش ظبطلي حياتي وحقيقي بقيت مظبوط
إنته كريم ألبو..؟!
وبعيدا عن الغنوة فكريم يقول ان الموقف داخل الكتيبة كوميدي جدا..من أول يوم لاحظت ان البعض يعرفني والباقيين "يشبهون"..هو ولا لأ.؟!!والذي يعرفني من الدفعة يطلق علي "كريم ألبو".
- لا!
وبلاحظ أن بعض الضباط بيكونوا عارفيني ويتظاهرون بالعكس ومش فاهم ليه..؟!!
ولكنني سعيد بالتجربة..وحاسس أن الفترة ساعدتني في الاستقرار علي قرارات كانت تحيرني من قبل..لكن هذا لا يمنع ان أقول بأنني من لحظة دخولي الجيش وأنا مهدود وبمجرد خروجي من المعسكر أطير علي البيت آكل وأقعد مع أخواتي وأنام.
اللوك الجديد
الصدمة الكبيرة كانت في "اللوك الإجباري" الذي يفرضه الجيش..فحلاقة الشعر علي الزيرو بعد الشعر الطويل الحرير..والمنظر الذي يصدمه يومياً كلما نظر في المرآة يجعله يتحسر علي أيام الفضائيات و أغلفة المجلات وحوار هنا وتسجيل هناك.
فيقول كريم: أنسي كل هذا بمجرد دخولي الكتيبة وكأن هناك شخص آخر أتركه في القاهرة..فلا أحلم بشئ وأنا في الكتيبة سوي رؤية "الأسفلت" زي ما بيقولوا الدفعة هنا ..يعني العودة للحياة المدنية.!!
أما عندما سألته عن أفضل سلوك تعلمه في الجيش؟!! قال كريم: جعلني أشعر بالرضا.!!
استمع إلى
أغنية: حتجند..
ثم قل لنا رأيك..
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
حمد الله علي سلامتي يا جماعة ...الله يسلمك يا بيرو
أنا رجعت يا رجالة ...والفوضي اللي كانت موجودة في التعليقات خلال اليومين اللي فاتوا انتهت خلاص فياريت كل واحد كان فرحان بنفسه وعلقله تعليقين يخف "كيبورده" علي الموقع كدة وبلاش عك ..
المهم الموضوع جميل جدا فعلا ...والاجمل ان حاتم اخو احمد نصر الكاتب المختفي علي عشرينات هو اللي كاتبه
برافو عشرينات ...ويا ريت تنزلوا الموضوع بتاعي بسرعة :)
ما باسمعشي عربي من ايام عمرو دياب لما كان بيقول من كام سنة وانا ميال ميال
هو مين الاخ اللي بتتكلموا عنه ده ؟؟؟
شخصية مهمة يعني في البلد ؟؟؟
قدوة للشياب ليسيروا على نهجه المبارك ؟؟؟
مين ده اساسا !!!
لا حول ولا قوة الا بالله ...
فيه ياعم وائل ايه اللي يزعل في ده
كسبنا صلاة النبي
يعني ها يحل مشكلة الاسكان ؟؟؟
ولا الشباب ها يلاقي وظايف ؟؟؟
ولا البنات المعنسة خلاص ها تتجوز وما بقاش فاضل غير المطرب اللي يحيي الفرح ؟؟؟؟؟؟؟؟؟؟؟؟؟؟؟
لا حول ولا قوة الا بالله ... تاني ...
وعلى فكرة المقولة ليس معناها ما يفهم من ظاهرها
كما فهمها هو من الظاهر
فالمقولة قديمة وتراثية
وهي تعني الرضى بالمصائب والنوازل
وانه مهما يحدث للانسان من بلوى يمكنه ان يكسب الصلاة على النبي
فهمتي يا اختي
ثانيا حاجة مهمة جدا
الدين عمره ما كان من شرائط الكاسيت
وانصحك بشراء مجموعة الشيخ الشعراوي لتفسير القرأن
وبعد سماعها كاملة ضستشعرين بمدى قزامة من يملأاون تلك الشرائط
و اولهم عمرو خالد !!!
وبتامناسبه كنت بعمل ورق الجيش
الحمد لله اخت عفاء
يعنى براءه
الموضوع لذيذ وفكرته هايله بس فى حاجه المطرب اللبنانى وائل كفورى له اغنيه عت الجيش
استذ احمد انت نستنا خالص يارب يموت الماتع خير
إستاذ وائل ...كويس جدا انك سمعت مجموعة الشيخ الشعراوي ...لكن باي حق رأيت الباقي اقزام
أولا حضرتك قد يكون عندك علم ودماغك جبارة ومحصلتش ...لكن الناس دي كمان واضح ان عندهم علم وشغالين ...
والأهم من ده انهم قدروا يأثروا في اللي حواليهم ويخلوا حياتهم أحسن ...
ولا انت رايك ايه
ثانيا عمر الثقافة والعلم ما كان فايدتهم اننا نقعد ننقد كل الناس ونسفهم
وعمر ما كان العوم الدائم ضد التيار ده شيء كويس يشرف صاحبه ..
وأخيرنا بعد ما كسبت صلاة النبي يا عم وائل ...حضرتك فكرت تسمع الاغنية الاول وبعدين تنقدها ولا الموضوع هواية وخلاص ....
بيرو
مرمر مصرة ان انا غلطان ومش باعترف بغلطي
مع اني وضحتلها ان اللي هي بتسمعه ده هيافة وسطحية وقشرية دينية
لان الدين لم ولن يكون ابدا باللفظ ولكن الاعمال بالنيات ولكل امريء ما نوى
لكن يظهر انها من المتدينين الجداد بتوع عمرو خالد
رأيي في عمرو خالد كاملا منشور في مقال على الانترنت للي يحب يقراه
كذلك رأيي في عمر عبد الكافي مثير الفتنة الطائفية
ورايي في المشايخ المرتشين من ال سعود والوهابية السعودية لنشرها في مصر خاصة مع وجود من يسطحون الجو لاي مفاهيم
واحنا شعب طيب اي واحد ضارب دقن بنصدقه على طول من غير ما نشغل مخنا
استاذ بيرو اكيد انت لا تعارض ان الشيخ الشعراوي لا يعلى عليه وان المسافة بينه وبين اقرب واحد اليه مسافة شاسعة
فهم بالنسبة له اقزام
استاذة مرمر
فيه كتاب بيتباع في الاوتوبيسات عن اخطاء الصلاة
الكتاب تافه جدا وسطحي وقشري وغير مفيد
والكتاب متاثر جدا بالوهابية السعودية بهيافتها
لدرجة انه مثلا بيحرم ان الناس تسلم على بعض بعد الصلاة لانها في راي الوهابية ... بس ... بدعة
شفتي الهيافة
كذلك انا متاكد ان الشريط اللي سمعتيه لا يختلف عن ذلك فواضح انه يركز على منطوق القول ويغلب النقل على العقل
والحمد لله اللذي اوجدني في بيت متدين قبل هوجة التدين الحديثة والاسلام المستورد من الخليج
الحمد لله ان عندي اربعة تفاسير مختلفة للقران والكتب التسعة للاحاديث كاملة
الحمد لله انني لم احتج يوما لاخذ ديني عن شريط كاسيت او محطة فضائية
ولما الشريط تشوفيه انتي حلو مش بالضرورة اني اوافقك على كلامك !ّ!! مش كده ولا ايه ؟؟؟
استاذ بيرو
الناس اللي انت بتدافع عنهم دول وانت فاهم وانا فاهم
بيطلعوا علب فاضية مكتوب عليها من بره مسلم
والعلب دي سهل تتملي اي حاجة بعد كده
تطرف او ارهاب او بدع او شركيات او تصوف ... الخ
وده لان الناس دي مش بتركز على تاسيس وتاصيل المستمع في الدين
بيركزوا فقط على القشور
لان الاسلام عمره ما يختزل في الحجاب ومرواح الجامع
وانت عارف ان فيه دول بحالها بيصلوا بالخرزانة
ومع ذلك ابعد ما يكونوا عن الاسلام في تصرفاتهم
ورحم الله الامام محمد عبده
عندما قال وجدت الاسلام في الغرب ولم اجد مسلمين
وعندنا وجدت مسلمين ولم اجد اسلام
دينهم يقول السلام وعندهم الف اسطول
وديننا يقول الجهاد وعندنا الف مسطول !!!
وده رايي الشخصي باعرضه ومش بافرضه على اي حد
فبلاش حد يحاول يفرض رايه الشخصي المحض الناتج عن خبراته هو وتجاربه المحدودة الخاصة في الحياة عليا
ويا استاذ بيرو
مش اي حد يعوم ضد التيار
المهم يكون عنده هدف وعارف هو بيعمل ايه وليه
مش كده ولا ايه ؟؟؟
ولما التيار يكون مسف وهايف وسطحي واخرته سودة يبقى العوم ضده شرف ...
وائل عباس
عضو وحدة الصحافة الالكترونية
نقابة الصحفيين المصرية
يمكنكم قراءة مقالاتي في : عرب تايمز - ديوان العرب - شباب مصر - صوت الشعب - الاتجاه االاخر - مركز باحث للدراسات الفلسطينية - بحزاني - ملتقى الحوار العربي - السفيرة - نقطة حوار البي بي سي - جماهيرية ... الخ
بيرو ..موش عضو في وحدة الصحافة الاليكترونية ولا بيكتب في اي حاجة الا عشرينات..وشكرا
مش ها اقدر اشرحلك الموضوع كده تيك اواي
او اعبيه في شريط كاسيت تسمعه وانت سايق العربية
زي ما الاخت مرمر كده بتعمل
ممكن حضرتك تتفضل وتقرا مقالاتي لو انت حقا عاوز تعرف وائل عباس ده بيبيع ايه في انهو حارة
ببساطة افتح Google
واكتب:
"وائل عباس"
ودوس Enter
وعيش حياتك يا زعامة
ولا اخفيك خبرا ها تلاقي ناس لاعنة سنسفيل جدود اللي جابوني برضه
اقراهم برضه علشان تكون وجهة نظر محايدة
وتستخرج نتيجة ليك انت شخصيا
واي خدعة يا باشا
من غير جوجل ولا انتر ولا اي حاجة في الانترنت اصلا
انا موش هدخل عل جوجل لسبب واحد بس ...اني موش مهتم بمعرفة اي شيء عنك زائد ان لهجة الامر والنرجسية اللي متوفرة بشدة في كلامك متخليش اي حد يكون مهتم انه يعرفك
المهم ..سؤال بسيط ...بما انك شايف عمرو خالد مجرد واحد بيعبي شرايط ...امال بتدخل علي عشرينات ليه ومتحمس قوي للموقع ومعظم موضوعاته تنتمي لما يسمي بــ "تيار عمرو خالد "
سؤال كمان ...بتسمع اجنبي وليك في المازيكا وجاي عند كريم ومتنرفز قوي ليه ...
انت موش شايف ان فيها تناقض
سؤال كمان ...معلش استحملني ...كتبت قبل كدة انك بتتكلم انجليزي وفرنساوي والماني وقريبا عبري ..(ادهم صبري وصل يا رجالة)
بما انك مهم وعضو لجنة الصحافة اللي موش ورقية بالنقابة وبتكتب في نص مواقع الانترنت حتي لو كانت اباحية بالالفاظ زي عرب تايمز
بما انك جبار كدة فأنا موش مهتم اني اتكلم مع واحد زيك ..علشان أنا عندي عقدة نقص وبتجيلي حساسية لما احس ان في حد احسن مني ...
استاذ وائل ....مرسي كتير لتعاونك معانا ...يا ريت نخلص بقي
بيرو
كنت عيان ورجعت ....حمد الله علي سلامتي :)
اه كريم ابو زيد ابن السيناريست العظيم محمود ابو زيد شقيق الفنانه نبيلة عبيد .. وأخوا الملحن والمؤلف كمان ..
يبقى هو كده ابن حسب ونسب ومعنديش مانع انما اقول انه عمل اغنية وكلمات روشة وحاجات ..
أولاً كريم بتاعكم ده ولا صوت ولا قبول وتحس انه عليه غضب من ربنا كده .. ويا اخواننا مكنتش اتصور ان انا ممكن اخد ثقافتى من واحد زى ده على اى حال واصح ان الموضوع تافه وميستحقش انى ارد تانى
بس لى رأى على اللى بيقول عمرو خالد سواء اللى بيهاجمه او بيدافع عنه .. احنا بنتكلم فى كريم ايش دخلنا للدين ؟؟
طيب سلام بقى يا ناس انما انا شايف يا زميل وائل ان كريم وأمثاله هما اللى هيزودوا التفاهه والتغييب اكتر واكتر .. وبعدين جيش ايه اللى هو بيتكلم عليه هو هيشتغلنا ولا ايه؟ أتحداه ان كان أصلاً دخل الجيش ولو دخل يبقى فى فندق ولا مركز قياده .. ولا دار من دور القوات المسلحة ولا مركز البولينج ده كريم البو ابن محمود ابو زيد يدخل الجيش .. ينعم عليكم باللى مش موجود
دانا باقول عليك راجل مهم هنا وبتاع ومديك برستيجك
وما عكيتشي فيك ولا قلت نرجسية ولا فتحية ولا شوقبة
والامر لله وحده يا سيدنا وانا ما اعتقدشي ان كلامي كان فيه اي اوامر !!! DUH
لكن كلامك كان استهتار بيا واستفهام غرضه الانكار والاستهزاء وانت عارف ان انا راجل شغلتي الكلام وامور اخرى فصعب يعدي عليا كده ومع ذلك عديتها وما مسكتش فيها وقلت زيك نرجسية وفزدقية ومهلبية يا زعيمنا وافترضت فيك حسن النية اللي انت ما افترضتهوش فيا عامدا متعمدا برغم عدم وجود سابق معرفة بشخصك الكريم !!! DUH
ثانيا انا لو شايف ان الموقع ده بتاع عمرو خالد وتيار عمرو خالد زي ما انت بتقول ... الصراحة اول مرة اعرف ان المحاسب عمرو خالد ليه تيار ... ما كنتش جيت اساسا
وحتى لو جيت يا اخي ده برضه واجب الضيف يا اخي بتعمله معايا وانت كمان اصلا ضيف زيك زيي ما تزيدشي عني ولا حته ؟؟؟
لكن انا شايف ان الموقع بيقول كل حاجة وبيسمح للناس تقول رايها بعكس معاليكم يا بيرو باشا ياللي عاوز تطرد الناس علشان هما وحشين ومش بيسمعوا كلامك !!!
اه يا عم انا باسمع اجنبي واضح انك متابع تعليقاتي بعكس ما تدعي الان في ردك الاخير اللذي ينقصه بعض الكياسة ... وكنت باعزف جيتار كمان وباغني في باند هيفي ميتال وهارد روك والترنيتيف بس ياريت ترجع لتعليقاتي اللي اتكلمت فيها عن المزيكا وتشوف انا باسمع ايه وليه بالضبط ... ها تجدني اتكلمت عن البروتيست روك والمواضيع السياسية في الموسيقى ... ولا بدوب في هواه ولا بادوب في قفاه ...
سيادتك قلت: سؤال كمان ...معلش استحملني ...كتبت قبل كدة انك بتتكلم انجليزي وفرنساوي والماني وقريبا عبري ..(ادهم صبري وصل يا رجالة)
وشرف ليا اني اكتب في عرب تايمز اللتي قد تصدم الناس بجرأتها ونشرها للحقيقة العارية والمرة اللتي نعيشها ولكن تبقى الحقيقة هي الحقيقة ...
واكون من كتابها وليا قسم ثابت هناك باسمي كمان ها تلاقيه كده على ايدك الشمال ... ولما تلاقيني انا شخصيا قبحت يبقى ليك الكلام ... ولا تزر وازرة وزر اخرى يا اخ بيرو ولا رفيق بيرو ...
وبعدين كيف تنهى عن خلق وتاتي بمثله ... انت زعلان اني باسمع روك وبتقول اني متناقض ... طب ما انت بتسمع اسمو ايه ده وفي نفس الوفت بتدافع عن عمرو خالد !!! اهو ده بجد اللي تناقض ... مش عمرو بتاعك ده بيهاجم العري والفيديو كليب .. الخ
وزي انا ما قلت من قبل انا دقة قديمة فمش باخلص ولا بالخص وباحب اخنق فممكن انت تنفض وتحلق براحتك ومع نفسك وما تفرضشي اوامرك ...
شفت انك انت اللي بتصدر اوامر ازاي ... علشان انا باتخنق بعد اذنك لو تكرمت يعني ...
ثم ما حدش لا اتهمك ان عندك عقد نقص ولا دياولو ولا انا كمان عندي بس يعني قبل ما تخش في الناس شمال حاول تتعرف عليهم باللين الاول مش يمكن تكسبهم ؟؟؟ علشان الناس ما تتضطرش لتعريف نفسها بنفسها بطريقة ممكن ما تعجبشي سيادتك والصارحة انا مش عارف انا الناس ممكن تعرف نفسها ازاي هنا ... انا كنت زمان be0wulf زي ما انت بيرو دلوفتي ... لكن انا دلوقتي مش باخاف من حاجة وباكتب وائل عباس بكل صراحة قد تعتبرها انت وقاحة ... معلشي ياخويا اصلك خليتني متلخبط ومش عارف انت بتفكر ازاي ...
وسلامتك من العيا
انشالله شارون يا سيدي
والف سلامة
اتغريتم خلاص زي صاحب احدي الجنتين في سورة الكهف الي اتغر في نفسه و زي قارون
وائل مع احترامي لك
انا من احفاد محمد عبد الوهاب مؤسس الحركة الوهابية و ده راجل جه في وقت كان بيعملوا ولائم للجن وقت الناس بعدت فيه عن الدين و كان لازم يفوقوا
و مصدومة فيك يا بيرو يا الي كنت بقول عقلك اكبر من سنك عشان الردح الي ردحتوه انتم الجوز لبعض
يا وائل لو انت شايف انك احسن من محمد ابن عبد الوهاب يا ريت تألف لنا كتاب زي زاد المعاد و كتاب مختصر سيرة الرسول بما انك اغزر منه علما
وبيرو انا فعلا مصدومة فيك لان القوة مش بالصرعة بأنك تمسك نفسك عند الغضب
enta 7or tab3an fe rayak w ana lama oltelak 3ala kasbna salt el naby kan asdy eny sam3t 7aga mehs sa7 fa 7abet asl7hlak laken dah maknsh fard ray wala ay 7aga w fe el nahya allah a3lam, w malsn enta btole en kol el shyo7' wa7shen w enta keda 3la fakra 3'bt fehom w dah 7aram w el mafrod en wa7ed motden keda awi zay maenta btole ma yatklmsh fe 7a2 nas wa7esh fe 3'bthom 7ata lo kano 3amlolo 7aga fa ma balak ba2 wenta bt3'eb fehom w homa ma3mlolksh 7aga
wmaslan mn el 7aga ely mo7'lfa le el shre3a ely el sh7' ely mesh 3agbak alha el masl ely feh nas betolo ely hwa yady el 7ala le ely bla wadan el nas btolo kedaw hyamesh fahmah laken lo fakrt shwia hwamen elybydy el raz2a rabna fa ely byole keda bythem rabna ast3'fr allah el 3azem beso2 el takder
bye
ومع العلم برضه اني اصلي من اشراف قنا اللي بيقال انهم من نسل الرسول ... وهذا طبعا لا يعني تميزي عن احد الا بالتقوى والعمل الصالح ...
فاصلاح الاخطاء لا يكون بالاخطاء وتنشيف المخ وقفل باب الاجتهاد والتحجر والجمود والتطرف وادعاء الاقتداء بالسلف بينما في الحقيقة السلف عندهم هو ابن تيمية وابن القيم الجوزية واجتهاداتهم !!!
وساظل برغم ذلك اكبر عدو للوهابية في مصر واقاومها بكل ما اوتيت من قوة وعلم ... فمصر بلد الازهر وديننا دين صحيح على مذهب الامام ابي حنيفة النعمان ولا نحتاج خزعبلات وضلال الوهابية ... لان الموضوع ببساطة سياسة ورغبة من السعودية في نزع الريادة من مصر حتى انهم انشأوا ما يسمى الجامعة الاسلامية في المدينة المنورة لتنافس الازهر بل واستوردوا بعض ضعفاء النفوس من شيوخ الازهر بنقودهم لزرع الوهابية في مصر !!!
لو تذكرين تنبه محمد علي باشا لخطر الوهابية وارساله لابنه ابراهيم باشا ليقاومهم وضم الحجاز وقتها الى مصر ...
انا لو قعدت اتكلم عن الوهابية هنا ها يبقى دمي تقيل اوي وهنا ليس المكان لمثل تلك المناظرات فخلينا هنا خفيف خفيف كده والموقع لذيذ واللي عاوز يناقشني سياسة بحته او دين بحت فالمكان مش هنا ... والموضوع كله كان عن كريم اسمو ايه ده ومدى اهميته لدرجة ان احنا نهتم بانه دخل الجيش ولا دخل مفرمة تفرمه باذن الله !!!
واللي فتح الموضوع هو الاخت مرمر اللي ما اتكسفتشي وهي بتقول انها سمعت في شريط !!! بل وبتفرض عليا اسلام الكاسيت بتاعها افتراضا انه الصواب !!! ومصيبة هذا الجيل انه بطل يقرا كتب واكتفى بالشرائط والفضائيات !!!
الاخت نونا
الشيخ محمد متولي الشعراوي سافر وعمل في السعودية وفي معقل الوهابية وهو الجامعة الاسلامية ومع ذلك لم يعد الى مصر ليبشر بها ككثير من الشيوخ ضعاف العلم !!!
انصحك بالشيخ الشعراوي ويمكنك ايضا القراءة لابي حنيفة النعمان والامام المجدد محمد عبده وكذلك الشيخ جمال الدين الافغاني
وان تبتعدي عن كل من يحاول الغاء العقل اللذي كرمنا الله به وتغليب النقل على العقل وابعاد النصوص عن اسباب النزول فهي مدرسة لن تؤدي بنا الا الى التحول الى نظام مماثل للمملكة العربية السعودية وشره كبير لو كنتم تعلمون ...
وانا لست اغزر منه علما ولكن اعلم انه على خطأ وقال عنه جدي وكثير من شيوخ الازهر رحمهم الله انه ضال مضل يجب التحذير منه وكذلك قالوا على شيخه المبتدع ابن تيمية !!!
اما عن مسألة تاليف الكتب فممكن قدام شوية مش دلوقتي وبعدين ما انتي عارفة نظام الطباعة بقى والتكلفة ... خليها مقالات كفاية حاليا ...
وبعدي يعني مش طريقة لقفل المناقشة ان الواحد يقول وانت عملت ايه زي بيرو او يقول اعمل انت كذا زيك يا نونا لان انا كمان ممكن ببساطة ارد ردود محرجة زي انك انتي شخصيا بعيدة كل البعد عن منهج جدك محمد بن عبد الوهاب ... فما تطلبيش مني ابقى زيه ... ومعلشي كتبه ما اشتريهاش بتلاته تعريفة ... لان ماحدش بصراحة بيشتري الجهل والضلال لنفسه ... وانا دلوقتي باتكلم عن علمه وتاثيره مش علشان هو جدك فما تاخديش الموضوع بحساسية ...
محدش داس له على طرف وهو اللي اصلا دخل فيا شمال وش برغم اني باتكلم عن واحد ما يقربلهوش وهو هذا المغني وهو شخصية عامة يجوز نقدها ولكن بيرو اختار انه يهاجم شخصي والجرائد اللي باكتب فيها بطريقة فجة وغير مقبولة وتتنافى مع الذوق وغير مبررة وغير معروفة الاسباب !!!
ربما يعود ذلك الى مناقشة سابقة لم يستطع بيرو فيها اثبات حق او باطل معي واضطررته للانسحاب فيمكن جاي يصفي حساب قديم ولا حاجة ...
وبرضه مش ها يسلك ...
ومعلشي يعني ما تقولينيش كلام انا ما قلتهوش لان انا ما قلتش ان كل الشيوخ وحشين دي لكن انا فلت انك بتسمعي للناس الغلط !!!
ثم يا ماما لما تتفقهي في الدين ممكن وقتها فقط تحددي ما هي الغيبة واحب اقول لك ان الفقهاء حددوا انواع من الغيبة وقالوا انها حلال زلال !!!
لانك لما تتكلمي عن ضلال بعض الشيوخ وتصحيح مفاهيم الناس مش زي ما الواحد يبقى قاعد على القهوة مثلا وبيجيب في سيرة الناس !!!
والاحوال اللتي تجوز فيها الغيبة كما حددها الفقهاء هي كالتالي:
1- التظلم: كالتظلم للسلطان والقاضي. فقد جاءتْ هند بنت عتبة امرأة أبي سفيان للنبي صلى الله عليه وسلم، وقالت له: إن أبا سفيان رجل شحيح (أي بخيل حريص)، وليس يعطيني ما يكفيني وولدي؛ إلا ما أخذت منه وهو لا يعلم. فقال صلى الله عليه وسلم: "خذي ما يكفيك وولدك بالمعروف" [رواه البخاري ومسلم].
وجاء رجل إلى النبي صلى الله عليه وسلم، وقال له: يا رسول الله، إن لي جاراً يؤذيني. فقال: "انطلق فأخْرِجْ متاعك إلى الطريق". فانطَلَق، فأخرج متاعه، فاجتمع الناس عليه، فقالوا: ما شأنك؟ قال: لي جار يؤذيني، فذكرتُ للنبي صلى الله عليه وسلم، فقال: "انطلِقْ فأخرج متاعك إلى الطريق". فجعلوا يقولون: اللهم العنهُ، اللهم أخْزِه، فبَلَغَهُ (أي بَلَغَ ذلك الجارَ المؤذي)، فأتاه، فقال: ارجع إلى منزلك؛ فوالله لا أوذيك" [أخرجه البخاري في الأدب المفرد].
2- الاستفتاء: كأن يقول للمفتي: ظلمني أخي، أو فلان؛ فما طريقي في الخلاص؛ كما في الحديث السابق.
3- الاستعانة على تغيير منكر أو رفع بلاء عن مسلم. كما في قصّة هند مع زوجها أبي سفيان.
4- تحذير المسلمين ونصحهم من أصحاب الشرّ، وممن يضرّ بالمسلمين.
فعن زيد بن أرقم رضي الله عنه؛ قال: "خرجنا مع رسول الله صلى الله عليه وسلم في سفر، أصاب الناس فيه شدة، فقال عبد الله بن أُبيّ لأصحابه: لا تنفقوا على من عند رسول الله حتى ينفضّوا من حوله. وقال: لئن رجعنا إلى المدينة؛ ليُخرجِنَّ الأعزُّ منها الأذلَ. فأتيتُ النبي صلى الله عليه وسلم، فأخبرته بذلك، فأرسل إلى عبد الله بن أبيّ، فسأله، فاجتهد يمينه ما فعل (أي أقسم الأيمان أنّه لم يقل ذلك)، وقال: كذب زيدٌ يا رسول الله. فأنزل الله تصديقي } يَحْلِفُونَ بِاللَّهِ مَا قَالُوا. وَلَقَدْ قَالُوا كَلِمَةَ الْكُفْرِ وَكَفَرُوا بَعْدَ إِسْلامِهِمْ، وَهَمُّوا بِمَا لَمْ يَنَالُوا، وَمَا نَقَمُوا إِلا أَنْ أَغْنَاهُمُ اللَّهُ وَرَسُولُهُ مِنْ فَضْلِهِ فَإِنْ يَتُوبُوا يَكُ خَيْراً لَهُمْ، وَإِنْ يَتَوَلَّوْا يُعَذِّبْهُمُ اللَّهُ عَذَاباً أَلِيماً فِي الدُّنْيَا وَالآخِرَةِ { (التوبة:74). [رواه البخاري ومسلم].
و من ذلك ما يذكره علماء الحديث عن الرواة، من ذكر صفاتهم، حسنة أو سيئة، فيما يُعرَف بعلم الجرح والتعديل، وذلك لحفظ حديث الرسول صلى الله عليه وسلم من الدّس والتّلاعب.
ومنه ما يذكره مَن يُستشار في شأن زواج أو مشاركة... من عيوب المخطوب أو الشريك...
فقد جاء في الحديث: "حق المسلم على المسلم ست". قيل: ما هنّ يا رسول الله؟ قال: "إذا لقيته؛ فسلّم عليه، و إذا دعاك؛ فأَجِبْه، و إذا استنصحك؛ فانصح له…" [رواه مسلم].
5- ذكر المجاهر بما فيه، أو صاحب البدعة ببدعته، ولا يُذْكَر بغير ذلك من العيوب.
فعن عائشة رضي الله عنها أنها قالت: قال رسول الله صلى الله عليه وسلم: "ما أظنّ فلاناً وفلاناً يعرفان من ديننا شيئاً" [رواه البخاري]. وكان يتكلّم عن رجلين من المنافقين.
6- التعريف: إن كان الإنسان معروفاً بلقب معين؛ كالأعرج، والأصم، والأعمى، ونحو ذلك. ولا يجوز مخاطبة أيّ شخص بمثل هذه الألقاب على وجه التحقير والتنقيص، وإن أمكن تعريفه بغير ذلك؛ فهو أفضل وأولى.
وقد لخّص بعض الفضلاء هذه الأحوال الست التي تجوز فيها الغيبة، أو لا يُعدُّ القدح والذمُّ فيها غيبة، في هذين البيتين:
القدحُ ليس بغيبة في ستّة
متظلّم ومعرِّفٍ ومحذّرِ
ولمُظهرٍ فسقاً ومستفتٍ ومَن
طلب المعونة في إزالة منكرِ
وبعدي يا اخت مرمر يدي الحلق للي بلا ودان ده مثل شعبي ومثله يا مستعجل عطلك الله وغيرها من الامثال الشعبية
وانظار المدرسة الظاهرية دائما يميلون لتفسير الاقوال بظاهرها كما يفعلون في القرانو السنة ولا ينظرون للحكمة من وراء الاقوال والحقيقة ان تلك الامثال اصولها دينية بحتة ولكن نحن لسنا بصدد شرح الامثال الشعبية
كمان يا اخت مرمر طالما انتي ملتزمة كده فمافيش داعي تقولي باي
لانك ها تلاقي ناس من اللي بتسمعيهم بيقولوا ان كلمة باي حرام وبيدع
Read the rest of this comment...
أستاذ وائل أنا بعتذر بشدة عن وصول النقاش بيني وبين حضرتك للمستوي
وعلي العموم انا موش جاي أصفي حسابات وده لأني أصلا موش ضليع في الحساب
علي العموم أنا متشكر جدا لأرائك وبكرر إنسحابي من المناقشة لحرصي علي وقتي أولا وعلي بقاء الود بيني وبين المعلقين ثانيا ...
نونا ...متزعليش ..خناقة وبتحصل في أحسن العائلات :(
خرجتونا عن موضوع كريم خالص
أنا قرأت الموضوع متأخر واتصدمت زيك يا نونا
الأخ وائل /إحنا مش بنفرض عليك رأينا وبنحترم رأيك وكمان احترمت فيك اجتهادك للعلم الشرعي (بالنسبة لموضوع الغيبة ) ولعلي افتح جوجل وابحث عن مقالاتك وأقرئها
بس كمان أحب أقول
الأصل احترام العلم والعلماء الذين اجتهدوا وتعلموا العلم أي ان كان في الأزهر الشريف او في الجامعة الاسلاميه وعدم التجريح في علمهم لأنه علم،او في ذاتهم لانهم اجتهدوا..............
وكما تقول أن الله أكرمنا بالعقل فإننا نستطيع تمييز ما نسمع وما نقرا واختيار الأفضل بالنسبة لنا لا الأنسب بالنسبة للفكر والاتجاه.................
(الافضل الذي يضيف لنا ولعملنا خير في الدارين )
واعتقد انك أفرحت أعداء الإسلام بهذا النقاش الحاد بين اخوة في الدين
مع احترامي الشديد لك ولما كتبت
الاخ بيرو احترم فيك موقفك وتعليقك الاول رائع
شكلوا تعليقي بقى دمو تقيل كلوا احترام في احترام
اقترح على حاتم نصر الدين أنه يعمل موضوع المرة الجاية عن وائل عباس ... علشان الموضوع يبقى له قيمة والتعليقات تبقى في محلها
بس عموما انا لم اقلل من احترام العلم والعلماء
لو كانوا علماء فعلا ويمتلكون العلم
ولو كان علمهم خاطيء مضل فواجب كل مسلم التحذير منهم
وبعدين لا يوجد من هو معصوم وفوق النفد منهم
واليك بعض من فتاوى ومعتقدات الوهابية:
الاحتفال بالمولد النبوي وحلاوة المولد حرام وبدعة
الاحتفال بشم النسيم حرام ولو مجاملة لاخواننا الاقباط
ياميش رمضان حرام وبدعة
زواج مسلم من قبطية او يهودية حرام
والاصح ان تصير له جارية يتسرى بها !!!
لا مودة بيننا وبين الاقباط ولا صداقة ولا تزاور
لاننا بيفصل بيننا وبينهم على حد زعم الوهابية الولاء والبراء !!!
حرام تقول للمسيحي السلام عليكم
وعمر عبد الكافي قال في احد شرائطه اللي الاخت مرمر بتسمعها: لما يقابلك جارك المسيحي على السلم ما تقولهوش سلامو عليكم ... قول له صباح الخير يابو وش عكر !!!
فهل هذه عقيدتنا ؟؟؟
خل هذا الفكر التافه هو ما نريده ان يحكمنا ؟؟؟
كفاية اللي هما فيه في بلدهم
فبرغم كل ما يفعلونه والصلاة اللي بالخرزانة
نسبة الايدز في بلدهم ثلاثة اضعافها في مصر
مع ان عدد سكان مصر اكثر من ثلاثة اضعاف عدد سكانهم !!!
دي كباية شاي واتدلقت بس
خدت الشر وراحت
يا سيدي الي يحاسبني الي خلقني مش انت
و انا شايفة ان مش بعمل حاجة غلط الحمد لله
لو انت شايف غير كده علي الاقل طالما انت متدين تستر اخاك مش تفضحه ............
و مظنش انت نفسك ضامن حسابك عند ربنا هيكون ازاي ........
انا لم اقصد الاساءة
وانتي لو ماشية على نهج جدك مثلا المفروض تبقي منقبة
مش محجبة بس !!!
ولبس البنطلون حرام عند الوهابية !!!
والمفروض ما تشتغليش اساسا !!!
ومحرم عليكي التعليم المختلط والعمل المختلط !!!
ومحرم عليكي تسوقي سيارة !!!
لو انتي بتعملي ما سبق تبقي ماشية على نهج جدك
وهذا ما قصدته !!!
فارجوكي ما تاخديهاش على انها اساءة
هو يعني انا احيانا باستخدم اسلوب ادبي ومجازي وكنايات وتوريات في كلامي
بس للاسف احيانا بتتفهم غلط ...
ولكن سبحان الله فجأة لقيت نفسي زهقانة قلت أدخل اتفرج .. وفرحت أوي بالمقال وفتحت طرب أسمع الأغنية لأني بحب أوي كريم بحسه عسول وزي ماقالت سونيا تقريبا في التعليقات ولا مين انه بيتكلم عن الشباب زي ام تي إم كدة وعجبني جدا في العمة نور خفت دمه وقربه من القلب ..
طيب يا تجنيد ..
كلمة ( كسبنا الصلاة على النبي) اللي زعلت مرمر الصراحة أنا كنت أول مرة أسمعها .. وعلى كل حال يامرمر مشكورة انك بتوصلي المعلومات اللي عرفتيها وكل واحد بعد كدة ياأختي ربنا بيديه حسب نيته وحسب فهمه
ونونا وبيرو طبعا بحييكم وحمد الله على سلامتك بيرو وموضوعك يجنن نونا
أما بقى الأستاذ وائل .. (( أدينا قعدنا))
أول حاجة أهلا (بحضرتك) لأنك متقولش انك في (العشرينات) باين عليك ماشاء الله كبير من كلامك
وتعليقاتك وسعة صدرك وشهرتك ..
بس في حاجة بسيطة أوي جدا كنت أحب أقولها وياريت متقلبش عليا لأني ناوية أكتب موضوع قريب في عشرينات وعيزاك ترد عليا رد من ردودك الحلوة :)
في الأول أحب أقولك إني اتولدت في السعودية واتعلمت في مدارسها الحكومية لغاية ثانوي لكن عمري ماسمعت عن حاجة اسمها حركة وهابية إلا لما جيت الجامعة في مصر للأسف .. صدقني الناس هنا فاهمة غلط خالص .. مين قال إن كل حاجة حرام وغلط ؟؟؟؟؟؟ أنا بجد مستغربة .. دنا بعيط على أيام السعودية دي ونفسي أرجع أعيش هناك تاني كنا عايشين حياتنا بالعكس بحس في مصر خنقة وتعقيد في الدين .. هناك نتحرك براحتنا في أسواق نسائية مخصوصة حتى ملاهي وجنينة حيوانات وكل الترفيه للستات بس أو للعائلات وزيارات وعلاقات وجناين بجد كنا عايشين في نعيم .. هنا بقى في مصر ناس كتير أوي فاهمين الدين غلط .. فاهمين ان متدينين يعني ميدحكوش .. ميروحوش يلعبوا في الملاهي .. ميرحوش يصيفوا .. يتكلموا لغة عربية في البيت .. والله أنا شفت نماذج صدمتني بجد في مصر .. والسبب ليه .. كل واحد بيسمع كلمة بيصدقها .. مفيش مرجعية .. والمرجعية الأساس إنها تكون من القرآن والأحاديث الصحيحة .. عشان كدة ماخدش أي معلومة في الدين إلا إذا كان ليها دليل صريح وواضح .. غير كدا لا ..
وأحب أقولك أستاذ وائل إنك آخد فكرة غلط جدا حتى في بعض المعلومات .. اللي هوضحهالك دلوقت على ضوء دراستنا هناك .. وهو فعلا الشيخ محمد بن عبد الوهاب زي ما قالت نونا الله يمسيها بالخير جا في وقت كانت الناس سابت فيه عبادة ربنا خالص ورجعت للقبور وبقوا بيدبحوا لأصحابها الميتين وبيتوسلوا بيهم ونسيوا ربنا خالص فهو كل اللي عمله انه كان بيحذرهم من الشرك ويدعوهم للتوحيد .. حتى كتابه ((كتاب التوحيد الذي هو حق الله على العبيد )) والله العظيم مافيهوش ولا كلمة من عنده كله آيات وأحاديث .. ويمكن الناس اللي درست في السعودية تفتكر اننا درسناه في متوسط ..
هنيجي بقى لكلام سعادتك ..
((الاحتفال بالمولد النبوي وحلاوة المولد حرام وبدعة
الاحتفال بشم النسيم حرام ولو مجاملة لاخواننا الاقباط
ياميش رمضان حرام وبدعة))
الحرام مش الحجات دي ومحدش قال كدة .. الحرام (( اعتقاد أنها من الدين ومن شعائر الدين زي المولد)) لأن الصحابة والتابعين معملوهاش وهم كانوا أشد قربًا مننا للرسول وأشد اتباعا .. والنبي صلى الله عليه وسلم معملش عيد ميلاد لنفسه .. دا معناه ايه ؟؟؟ احنا نعرف أحسن منه ولا بنزود في الدين على مزاجنا .. دا غير الحجات اللي تكسف اللي بتحصل في الموالد دي .. تفتكر الرسول صلى الله عليه وسلم لو كان عايش بأبي هو وأمي كان هيتبسط من الموالد دي ؟؟؟؟ :((((
وشم السيم اللي هو عيد النيروز عند النصارى مش مفروض اننا نقلدهم على الأقل عشان كرامتنا .. هم أصلا مش ممكن يتنازلوا ويحتفلوا بأعيادنا لكن احنا للأسف زي ماقال علينا الرسول صلى الله عليه وسلم (( حتى لو دخلوا جحر ضب لدخلتموه)) ربنا يحفظنا
أما ياميش رمضان بقى دي واسعة شوية لأني عشت في السعودية 17 سنة مسمعتش عن الياميش دا غير منك دلوقت .. وعلى كل حال قيس على حلاوة المولد أو البليلة في عاشورا مثلا .. لو كان في اعتقاد إن الأكلة دي لما تتاكل في الوقت دا تبقى ((( عبادة ))) شوف أنا بقول عبادة دا اللي حرام .. زي الناس اللي يقولوا خلاص ميفعش تشتري حلاوة المولد إلا ليلة المولد وتلاقي محلات الحلويات بتضرب في بعضها وبياكلوها (للبركة) أو لأنها حاجة من الدين فهو دا اللي حرام لأن احنا مش من حقنا نقول إن في حاجة هناخد عليها ثواب أو من الدين ومفيش عليها دليل لأننا مش هانعدل على ربنا وهو اللي قال سبحانه وتعالى : ( اليوم أكملت لكم دينكم وأتممت عليكم عمتي ورضيت لكم الإسلام دينًا ) ..
أستاذ وائل أرجوك تفهم إني مش ماشية على مذهب ولا بتعصب لحاجة لكن لما حد بيديني حاجة في ا
Read the rest of this comment...
أرجوكم دوسوا على الرابط واقروه كله
دنا كتبالكم كلمة حلوة في الآخر
بجد
أنا بمووووووووت في كريم
والأغنية تجنن
بس كلمة (هاتجند)
كنت بسمعها (هاتجنن)
ههههههههههههههههههههههههه
أحلى حاجة إن الصحة تمام :))
بس على فكرة كان ممكن تكون الأغنية حماسية أكتر من كدة
يعني حاسا انها هدية أوي على موضوع زي الجيش
شكله حرام كان تعبان وهو بيغني من الجيش
بس بيني وبينكم
حبيت الجيش
عيزه اتجند مليش دعواااااااااااا
سلام يلي في بالي
مني ابو الحسن دي حبيبتي في الله
يا رب ما يفرق بيني و بينها ابدا
بس بجد عاجبني تفكيركم قوي