أولى جامعة.. آخر شياكة!

إيه ده أنا خالص داخلة الجامعة.. لازم أستعد كويس جدا.. لازم أكون آخر شياكة.. ومتظبطة ع الآخر.. مش بس كده أنا كمان المفروض أبدأ استخدم الماكياج.. طبعا يا جماعة دي الجامعة، مش أي حاجة!

للأسف في بنات كتير بتحصر كل تفكيرها في هذا الكلام، وهي تستعد لسنة أولى جامعة، لدرجة إننا نجد الجامعة مع بداية كل عام دراسي تتحول إلى كرنفال كبير من الملابس والألوان والحركات.. وزي ما هو معروف: "التقاليع بتتخرج (قصدي بتخرج) من الجامعة"..!

عروسة المولد!

وبسبب الاهتمام الزائد بالمظهر في الجامعة، تتحول البنت لـ "عروسة حلاوة" بتكون عايزة تلبس كل حاجة، وتعمل كل حاجة؛ عشان تكون جميلة و شيك، لدرجة أننا نستطيع أن نميز بسهولة جدا بنات الدفعات الجديدة.

لكن الشياكة ليست بالبهرجة، بالعكس قمة الشياكة إنك تكوني بسيطة وعلى طبيعتك.. وده اللي بتعرفه البنت متأخر للأسف.. يا دوب على آخر سنة تالتة!

عشان كده نقدم لك مجموعة من النصائح يمكن تفيدك قبل ما تيجي على البكالوريوس تتطلعي ألبوم الجامعة وتعدمي صور أول 3 سنين فيه..!!

1- احرصي أن تكون ملابسك عملية ومريحة؛ حتى تناسب جو المحاضرات والحركة الكثيرة.

2- اختاري أقمشة الإيشاربات المريحة والعملية والسهلة في ارتدائها، حتى لا تجعلك قلقة طوال يومك من شكل حجابك، وأيضا اختاري ألوان الإيشاربات مناسبة لألوان ملابسك.. ولا تجعليها مبهرجة.

3- في الملابس الصيفية، أكثري من القطنيات والألوان الفاتحة.

4- لا تكثري في البداية من شراء الملابس الصيفية؛ لأنه سرعان ما يأتي فصل الشتاء بعد بداية الدراسة.

5- لا تتسرعي في اختيار ألوان ملابسك حسب الألوان المنتشرة في الأسواق؛ لأنها سرعان ما تنتشر بين كل الطالبات.. وتتقلب الجامعة مدرسة.

6- لا تتبعي موضة معينة في ملابسك، وهي غير مناسبة لجسمك أو شكلك.

7- احرصي على التعدد في اختيار ألوانك؛ حتى لا تكون ملابسك متشابهة.

8- لا تختاري ملابس لا تناسب سنك.

9- بالنسبة للأحذية تفضل الأحذية الـ flat؛ لأن الكعب العالي متعب ومرهق لعضلات الجسم وغير عملي، ومن الممكن أن تستعيني بالأحذية الرياضية.

10- أما الحقائب، فاحتفظي ببعضها من الحجم الكبير نسبيا، فهي تعطي مظهر عملي وطبيعي، بالإضافة إلى أنها تساعدك في حمل كل كتبك وأدواتك بها.

11- أعدي مسبقا ما سوف تريديه في صباح اليوم التالي، فذلك أفضل من اختيار ملابسك بشكل عشوائي، لكن لا تبالغي وتجعلي ملابسك مصدر قلق وتوتر.

أنا وكاثرين وكوستا .. والدكاترة بتوع الإحنا!!

من فضلك .. لا تفهمني خطأ!