انتقل إلى المحتوى
عشريناتأرشيف موقع الشباب العربي ٢٠٠٤–٢٠٠٩

مصطفى محمود.. صانع الفرحة!

قراءة في ٥ دبقلم أحمد زين

طفل في أواخر العشرين من عمره، معبأ بهجة وفرحا وإقبالا على الحياة، جسد ممتلئ ووجه صاخب دوما، وصوت زاعق يملأ مداره فرحا..لا مانع من أن يقاطعك وسط الحديث ليلقي عليك نكتة تذكرها أو أن تضطر للانتظار حتى يمسح دموعه التي تحدرت حين يحدثك عن حبه لوالديه..

زف إلى الآن 1000 عريس و1000 عروس، وأدخل البهجة عليهم وعلى من حولهم، وأنا أجري معه حديثي يتصل به البعض ليحجزه لإحياء فرحه بعد أربعة شهور.. واللهم لا حسد!!

كان ظهوره في برنامج "صناع الحياة" نقطة تحول في حياته المهنية، إذ أصبحت أغانيه من أكثر الملفات تنزيلاً في قسم الصوتيات بموقع عمرو خالد، وأصبحت صورته وهو يحمل "علي" ابن عمرو خالد من الأعلى الصور مشاهدة..

يعترف أنه بليد وكسول جدًّا في العلاقات والاتصالات، وهذا - في رأيه - سبب عدم إذاعة أغنياته في الفضائيات، على الرغم من أن له جمهورا يعرفه جيدا ويحب أداءه، ويرى أن أفضل لحظة تمر عليه.. حين يتصل به أحد ويقول له إنه تأثر جدا بأغنية ما، ومن أجمل لحظاته حين علم أن بعض الناس يشترون شريطا ما ويهدونه لأصدقائهم لاحتوائه على معانٍ جميلة، كما أن أحد المستمعين اتصل به ليقول له إنه بكى من أغنية "أن تدخلني ربي الجنة".

يعتقد "مصطفى" أن الغناء الإسلامي ضعيف، ويرى أن "المشكلة أن هناك ناس لديهم فرق موسيقية ويصدرون شرائط، وينشرون أناشيد وهم أصلا لم يتربوا على الجمال، ولا تذوق الفن، وهذا ما جعل الإنشاد ضعيفًا.

البداية.. أغنية في مظاهرة!

قال مصطفى محمود عن نفسه: "أحب الفن وأتذوقه منذ الصغر، في فريق المدرسة كنت أعزف على الأكورديون والأكسيلفون، وألعب على الأورج، وكلما كبرت تزداد عدد الآلات في حجرتي، كنت الذراع اليمنى لمدرس الموسيقى، وفي الفترة الثانوية أحببت الحفلات والديسكو والموسيقى الغربية والـHeavy".

ويضحك قبل أن يقول: "في بداية الجامعة سنة 1992 كانت أمنيتي أن أكون DJ... أو فنان، وكنت أجلس مع أصحابي نغني لمحمد منير وحميد الشاعري.. وهم كانوا مقتنعين بي لكنني كنت أتصور الأمر مجرد روشنة".

مصطفى تغيرت حياته وبدأ الالتزام الديني من خلال تعرفه على التيار الإسلامي في الجامعة.. الطريف أن مصطفى تعرف عليه من خلال حفلة غنائية عن البوسنة والهرسك، وأعجبه جو الفن، ومرة وجد مسيرة انتخابية وفيها أغنية إسلامية فوجد نفسه يدخل فيها ويرقص على أنغامها من فرط إعجابه بها..

يتابع مسيرته فيغني في الحفلات الجامعية التي يقيمها التيار الإسلامي من مجرد عضو في الكورال.. إلى الغناء في المدرج والأفراح.. كان أول ظهور قوي له فرح لأحد زملائه في أغنية شعبية إسلامية اسمها (إسلامنا ده مالو مثيل)، يقول مصطفى: "غنيتها بشعوذة.. وبأسلوب روش وستايل جديد، وبدأت تنهال علي العروض بعد ذلك من ثلاث فرق".

يستطرد مصطفى: "الخطوة التالية أنني كونت فرقة الوعد عام 1996 وهي في الأساس لإحياء الأفراح، وأحيانا نقوم بعمل حفلات، بدأت في الفرقة أهتم بأجهزة الصوت ومظهر المؤدين".. يقول مصطفى في ثقة: "أعتقد أن الفرقة في السنوات الأربع الأخيرة أصبحت -من وجهة نظري- الأولى في مصر".

إمكاناتي الصوتية مش أد كده!

يتهمه الكثيرون بأن صوته ليس جيدا وهو يعترف بذلك: "إمكاناتي الصوتية ليست عالية، ولكن بشهادة الفنانين والملحنين أنني أفهم في الفن أفضل من كثيرين ممن لديهم أصوات طيبة.. أعرف أن لدي قصورًا في أمر، لكِنْ لدي كثير من التميز".

ورغم أن فن الذي يقدمه مصطفى هو أقرب إلي الإنشاد، إلا أنه يفاجئناً بقوله: "لم أكن أسمع أناشيد إسلامية؛ لأنها من الناحية الفنية لا تعجبني، كنت أسمع الأغاني بكل أنواعها.. ومنذ الالتزام بالقيم الإسلامية أسمع ما يعجبني فقط بعض أعمال حميد الشاعري وعلي الحجار وإيمان البحر درويش وعايدة الأيوبي"..

ويكمل: "هؤلاء أحبهم؛ لأنني أعتقد أن لهم رؤية فنية خاصة إيمان البحر.. لديه فكر فني.. وأنا أيضا أشعر أن لدي رؤية فنية.. وهو مثلي الأعلى - ليس في الطرب أو الغناء - بل في الفكر الغنائي فهو لا يركز على الأغاني العاطفية، وله شخصية مميزة في أعماله.. لا تسمع صوتًا بل تسمع فكرًا.. إنسانًا".

"يا طرييييييييييق"

أول شريط أنتجته كان (يا طريق) سنة 1999 يقول: "كان كل شيء جاهزا تقريبا: كلمات وفكرا ورؤية، فقد كنت أعمل فيه منذ عام 1995 حتى أنني رسمت شكل الغلاف.. واخترت اسم الشريط والأغنية الرئيسة.. بدأت الاتصال بعدد من شركات الإنتاج وبعض المهتمين بالفن ولكن بلا جدوى..

ويكمل: "قررت أن أنتجه على حسابي كلفته في حدود 10: 15 ألف جنيه (ألفا دولار تقريبا).. تكلمت في موضوعات إنسانية.. لأنني كنت أشعر أنني أريد أن أسمع مثل هذا اللون.. أنا أعتقد أنه نجح مع الناس.. أتصور أنه وزع 50 ألف شريط".

لا يرضى مصطفى عن كل ألبوماته لكنه راض بنسبة كبيرة عن ألبوميه: (قلب كبير – يا طريق) يقول عنهما: "هذا ما أريد أن أقدمه فعلاً، لم يكن في بالي الجمهور أو المبيعات إطلاقا، كان همي الأول الإحساس بالموضوعات.. ولم أحاول إرضاء أي من الأذواق".

بقولك إيه!

يتهمه جمهوره أنه يتدخل كثيرا في التأليف والتلحين ويدافع هو عن ذلك بأن هذه هي رؤيته الفنية واختياره وأن المستمع في النهاية سيقول شريط مصطفى محمود وأغنية مصطفى محمود، ويمضي قائلا: "أحيانا يعرض علي المؤلف إنتاجه وأختار منه ما يصلح لي مبدئيا ثم يقوم المؤلف بالتعديل بناء على نقاشنا، وفي أحيان أخرى أقول له عندي فكرة أريدك أن تكتب لي حولها ومن هذه الأغاني: (ساكتين ليه).. (اصرخ يا ضمير العالم).. (بقولك إيه)".

تعلم مصطفى أن يأخذ آراء المقربين منه في عمله، على عكس تجربته الأولى التي قال عنها: " في الشريط الأول لم أكن أسمع كلام أي أحد في لأنني كنت أريد أن أخرج بشريط جديد تمامًا، بخبرة صفر وتجربة صفر، ولكنْ إحساس واقتناع عاليان.. لكن بعد ذلك بدأت آخذ آراء الناس لأني وجدت انتقادات لاذعة جدًا.. وحادة ومتباينة جدًا.. وممن آخذ آراءهم: "مؤلف.. صديق.. وواحد صاحبي جدًّا غالبا أحترم آراءهم لا لأنني أثق في فنهم بل في منطقية رأيهم، وفي حبهم لي".

أقرا في عشرينات :

يوسف إسلام ... الدعوة بالموسيقى..!

الـ .. DJ أكل العيش من عرق الفرحة !

الكتّاب

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. طفل حُفظ في
    فعلاً.. أجمل وصف لمصطفى محمود.. فهو طفل ضخم شوية.. يضيف بهجة على الأفراح وعلى الأماكن التي يتواجد بها..
    شكراً عشرينات
  2. ياه حُفظ في
    الغناء سلاح جيد وفعال بشرط استخدامه بشكل سليم وغير مبتذل
    كلمه جيده+ لحن محترم=قوة جباره
    مثلا اغانى محمد منير القديمه نفسيه ووطنيه بعيده عن الحب والاهات والكلم الفارغ ده يارت
  3. بيرو حُفظ في
    بحب لمصطفي قوي ..قلب كبير ...وأقولك ايه ...وأنا طير ...وبحلم بمدنة ...
    أجمل ما في الاغاني دي انها رومانسية قوي ...لكن موش بعيد عن الواقع كتير ....!!
  4. قلب كبير حُفظ في
    خليك طيب تبقي قريب
    وأزرع قلبك رحمة وخير
    قدم خيرك ...سامح غيرك
    خليك دايما قلب كبير
    طير بجناح الحب حمامة
    خلي الكلمة الحلوة علامة
    وافرد ايدك بر سلامة
    تلقي حياتك اجمل كتير
  5. بحلم بمدنة حُفظ في
    بحلم بمدنة وبرج حمام
    وأرض حضنها بيساعني
    بحلم ولو منعوا الاحلام
    هقول محدش يمنعني
    من حقي احلم واتمني
    واشوف براح الكون جنة
    واغني احلام تتغني
    في كون بيرفض يسمعني
    بحلم واحلامي شايلها
    لناس هتيجي تكملها
    ولافيش ادين هتبدلها
    ولا ريح قوية ترجعني
  6. أقولك ايه حُفظ في
    أقولك ايه وانت كل ما ليا
    اقولك ايه هداني ربي بهدية
    يا فرحة قريبة مني
    يا اقرب روح بتفهمني
    بكمل دنيتي وديني
    وحبك نبض وف دمي
  7. فكرة حُفظ في
    فعلا مصطفي كان بيخترع مزيكا جديدة وهو بيغني ساكتين ليه ..حد سمعها ..؟؟
  8. بيرو حُفظ في
    أنا سمعتها وكانت فعلا اغنية جميلة خالص ..
    بس كان فيه ناس كتير بيلوموا عليه انه كان بيقلد فريق ام تي ام ...
    بس ده ميمنعش انه فعلا كان بيخترع مزيكا ...
    وده نفس اللي هو عمله في توزيع اغاني شريط جوزناه وخلصنا منه ...علي فكرة مصطفي هو اللي موزع الشريط كله ...وهو عامل فيه شغل حلو جدا فعلا ...واللي موش مصدق يسمع ..!!
  9. مطراوي حُفظ في
    أظرف حاجة سمعتها كانت عن الراجل اللي متجوز اربعة وبيغني لمراته واقولك ايه وانت (ربع) ما ليا !!!
  10. وصل لكل التاس حُفظ في
    ماشاء الله مصطفى قدر يوصل لكل الناس بفنه الرقيق اللى بيخاطب فعلا وجدان الناس وبالذات الشباب بس هة لو خس شوية يبقى نجم جامد جدا
  11. فخر لينا كلنا حُفظ في
    انا شفت فرق اسلاميه فى افراح كتير لكن والله يا جماعة كل مرة باشوف فيها مصطفى محمود وفرقته الوعد باحس انى فخور انه اصبح فى مجتمعنا حد بيتعامل مع الفرح الاسلامى بشياكة ورقى ونقدر نمتع كل الناس بيهم من غير ما نبقى خايفين لا مايعجبش الناس
  12. شفتو على عمرو خالد حُفظ في
    شفنوا على عمرو خالد عامل زى العصفورة على كررررش الاستاذ مصطفى
  13. حرام عليك حُفظ في
    حرام عليك يا عم مش خلقة ربنا ده؟ ولعلمك مصطفى ده بيتنطط فى الأفراح ولا لعيبة الكورة
  14. نفس الرؤيا حُفظ في
    انا أرى ان الرؤيا التى يقدمها مصطفى محمود هى تقريبانفس الرؤيا التى قدمها عمرو خالد ولكن فى اطار فنى وهذا هو السر فى ان عمرو خالد كثيرا ما يستعين بمصطفى فى برامجه
  15. مين ده يا رجاله حُفظ في
    فين يا جماعة اغانى الراجل ده فى موقع عليه دلووووونا
  16. قلب كبير حُفظ في
    لقد تأثرنا جدا بأغانيك اللتي لم نسمع مثلها من قبل لأنك يا مصطفى بتغني في الدين و في حاجات تانيه بتعبر عن اللي في قلوبنا اللي مسمعنهوش من غيرك و فرحنا به و خلى قلبنا (قلب كبــــــــير) و احنا شفناك على قناه ART في اوستراليا و فرحنا بيك قوي لا تلتفت للنقد الأذع بل للنقد البناء و الى الأمام يا مصطفى على شان تعبر عن اللي في قلوبنا كمان و كمان ...........
  17. عمو مصطفى ... حُفظ في
    انااسمي نورالهدى يا عمو ..
    انا يا عمو شفتك فى التلفزيون و انت بتغني قلب كبير و حبيتها قوي يا عمو .. يا ريت تغنيلنا احنا الأطفال اغاني دينيه نقدر و نعرف نغنيها ونرددها دايما .. الف شكر يا عمو و احنا مستنيين شريطك الجديد اللي حيعبر عن اللي في قلوبنا احنا كمان عشان نغنيها لبابا و ماما ....
  18. بيرو حُفظ في
    مصطفي محمود غني للأطفال شريط اسمه الله اكبر بسم الله وغني في شريط قلب كبير اغنية جميلة جدا اسمها خلق الرحمن ملائكة ...
    وقريبا هيغني لابنه ...يا جماعة احنا بنتكلم عن طفل تفتكروا هيغني لمين ..!!
  19. حمادة الروش حُفظ في
    والله يا جماعة الراجل ده معجزة وصوتوا مفيش احلى من كدة صوت انا بحبه جدا جدا جدا واحلى ما فيه الكرررررش اوعى يا عمو تخس حضرتك كدة اوكي ولا يهمك كلام الناس عشان الكلام ده لا بيقدم ولا يأخر احلى اغانيك ان تدخلني ربي الجنة وابقى سلملي على بلو و زوزي سلاااااااااااام
  20. حمادة الروش حُفظ في
    الى الامام يا عمو مصطفى وانا كان عندي رأي عايز اقولو احسن شريط عملتوا قلب كبيير وحلو اوي اللون الجديد بتاع ساكتين ليه وكنت كمان والله احسن من mtm
    يا ريت نشوف اللون ده كتير وعقبال الشريط المليون حمادة كمال
  21. غزلان حُفظ في
    ينقصك الفديو كليب واكتشاف ورعاية مواهب اخرى لاستكمال مسيرة الغناء الهادف والاسلامى
  22. مش موافق حُفظ في
    انا شايف ان الموضوع ده تلميع لفنان زى اللى بنشوفه فى وسائل الاعلام
  23. العاشق حُفظ في
    وانا أقرأ قصة هذا الفنان شعرت وانا أقرأ قصة فنان بدأ المشوار من الصفر وأشعر ان له بإذن الله مستقبل ناجح ,,,الى الأمام ايها الشاب الفنان لتقدم للناس فن هادف ونظيف فالاعلام اصبح المؤثر الأساسى فى العالم
  24. كل ألبومات مصطفى حُفظ في
    ده رابط لكل ألبومات مصطفى محمود وعينة صوتية لمعظم الأغانى .. موجود فى
    سـوق النـور
  25. العاشق حُفظ في
    مصطفى أثر فى شباب كتير فى الجامعة ..كل ما يدخل جيل للجامعة يتعرف على أغانى مصطفى محمود ويحبها ..مصطفى غنى للجامعة والأخوة فى الله والأصدقاء والفراق
  26. تحية للفن المحترم حُفظ في
    انا لى رأى عكس الأخ الذى يرى ان هذا المقال كتب لتلميع شخص فالفن المحترم لابد ان يقدر صاحبه ويأخذ حقه من الاعجاب
  27. انا حُفظ في
    بالتوفيق يا درش
  28. مش عاجبني أوي يعني حُفظ في
    ياجدعان الأصل في الموضوع هو النشيد مش الأغنية
    والأخ مصطفى أقرب للاغنية منه للنشيد
    يعني ياعم مصطفى عيب أوى تطلع واحدة تغني معاك
    ده لو ماكنش أساسا حرام
    زائد ان أغنية( ياحمار) لامؤاخذة يارجالة بصراحة حاجة تكسف
    بصراحة الكلمتين دول زنقني من زمان وكان نفسي أقولهم لمصطقى
    أي حد يعرفه ياريت يقولهوملوه
  29. للأخ اللي مش عاجبه مصطفى حُفظ في
    لو سمعت الأغنيه و تمعنت في كلماتها سوف تعرف ان كلمة الحمار ليست بمعناها الحيواني و لكن بالمعنى اللذي نحن فيه ... في مثل بيقول ( الشعب المصري بصفاره تلمهم و بكرباج تجريهم) و معنى هذا ان الأخ مصطفى يقصد ان نصحو بما يدور حولنا ولا ننساق ورا الكرباج ... يا اخي تمعن في الكلمات قبل ان تنتقد لأن انا سمعت الأغنيه و حسيت ان صلاح جاهين هو اللي كاتب الأغنيه و ليس طفل كبير و من مستمع لأغاني مصطفى محمود أقول له الى الأمام انت على الدرب الصحيح و في يوم من الأيام حنسمع تاني صلاح جاهين 2000 .
    والسلام مسك الختام
  30. للأخ اللى مش عاجبه حُفظ في
    لو سمحت قوللى ايه الفرق بين الأغنية والنشيد؟وهل النشيد حرام؟ طب هل الأغنية حرام ياعم المفتى؟
  31. مامت ميزو حُفظ في
    مصطفى محمودانسان صاحب فكر جميل وهادف وهو كمان مجتهد ويسعى لان يكون فنان مشهور حتى يستطيع توصيل اافكاره الجميلة ويتمتع بخفة الدم وخفة الروح لكن عاوزة اقول له لازم كمان تتمتع بخفة الوزن لان الشكل عامل جذب مهم جداً للفنان وكمان الفنان بشهرته ونجاحه لازم يكون قدوة علشان كده لازم تخس كتير ويكون عندك ارادة قوية واعتبر ده وسيلة لتحقيق هدفك.
  32. متزوج حديثا حُفظ في
    انا متزوج حديثا ومصطفى محمود اللى عمللى فرحى مع فرقته وفعلا هما حاجة تشرف الفن والاعلام الملتزم
    تحية لمصطفى وفرقته ولكل من يبرزهم ويشجعهم لاننا محتاجين لده........متزوج حديثا ومبسوط اوى من الجواز
  33. ضيف خفيف حُفظ في
    على رغم بعض التحفظات اللى ليا على استخدام بعض الآلات الموسيقية إلا أن درش قدم نموذج جميل للفن الإسلامي والفرحة الإسلامية
    وعلى فكرة أنا بحاول أكون فرقة تمثيل واستعراضات إسلامية علشان نوصل لكل الناس بمختلف ثقافاتهم ومختلف بيئاتهم وربنا معاك يامصطفى
    وياريت عما قريب تعمل بعض الأغانى للأطفال بس تكلفها شويه وتنزلها فى صورة طفولية ......
    الله معاك ومع كل اللى عايز يخدم دينه
    طارق
  34. أى خدمة حُفظ في
    ايميل مصطفى محمود
    ELWAAD2002@HOTMAIL.COM
  35. فينك؟؟؟؟؟؟ حُفظ في
    منتظرينك على القنوات الفضائية واللأرضية واهه سامى يوسف فتحلنا الطريق
  36. special_nh@hotmail.com حُفظ في
    انا بقول راي مفروغ منه لآن المنشد سامى يوسف اضاء نور الخير فى العالم كله واتمنى ان تصل رسالته للعالم ,وما كنت اتخيل عندمارايته انه اجنبى كانت سماحة الاسلام والبراءة على وجهه وانا بحبه وبحترمه جداجداجدا واتمنى له التوفيق 0 واتمنى ان اسمع كل جديد له ولكل من أعلى صوت الاسلام فى العالم0
  37. hadesh shaf حُفظ في
    shofto sami yusuf awel youm ramadan 3ala el kana elola ....kan fe leka2 ma3a 3ala el hawa elsa3a 8 bellel ....allaho akbar:)
  38. غاوى فن حُفظ في
    يا سلام على أغنية دويتو بين مصطفى محمود وسامى يوسف عريى وانجليزى ده تبقى قنبلة
    اقتراح للأخ مصطفى محمود.
  39. اخوك في الكررررررررش حُفظ في
    ايه يا جماعه كل شويه واحد يقول الكرررررررررررش احنا خلاص اتعودنا علي مصطفي بالكرش ولو خس مش هنعرف نسمعه و بالنسبه للاخ المعترض علي (الحمار) فانا احب اقوله ان الاغنيه دي عبقرررريه وعلي فكره مفيش فرق بين النشيد و الاغنيه . شكرا
  40. nmamr_eg@link.net حُفظ في
    أخيرا ظهر من نلتف حوله فاليحميه الله و ليباركه و يحفظه من كل سوء .. فقد وهبه الله صوت و وجه يخاطب العقل و القلب .. يارب أكثر من أمثال هذا الرجل .. فأنا أعمل فى مجال الفنون و لكنى أبتعد عنه الأن نظرا لأن ما نحن فيه أبعد ما يكون عن الفن أو عن عقيدتنا .. و رجاء كفاية عمرو خالد ، فأنه داعى مدعى فاليترك الشئ الجميل على جماله و كفاية الشرائط و الندوات .. عمرو عبدالله - مسلم - مصرى
  41. mahran47@hotmail.com حُفظ في
    احمد-مصر
    اتمني ان يفيق مطربينا العرب ويحتزوا بمثل هذا الشاب المؤمن وان يغنوا لنا اغاني تدخلنا الجنه لا تحدفنا في قاع النار فالشباب سيتغني بالذكر والصلاه علي المصطفي بدلا من ان يتغني بالحب والهوي
  42. أي شي حُفظ في
    شو نعمل مو فاهمه شي عن شو عم تحكوا كلن ؟؟؟
  43. مش فااااااااااااااهم حُفظ في
    ماله الموضوع ده بعمرو خالد يا سيدى انتو ضاربين بانجو
    100 / 100 يا بو درش وربنا يوفقك يابو قلب كبييييير
    بس يا ماتفضلش كلب كبير وكرش كبيييييييييييييير
    بحبك والله
  44. غلطة مطبعية حُفظ في
    اسف اسف غلطة مطبعية
    قصدى يا ماتفضلش قلب كبييير وكرش كبييييييثيير
  45. مسلمة غيورة حُفظ في
    ماشاء الله هذا الموقع أصبح متخصص فى تلميع من ينتسبون زورا للمتدينين والدعاة
    سامى يوسف ووحمزة يوسف وعمرو خالد وهذا المغنى
    الذى رأيته بنفسى فى فرح يقال عنه إسلامى ولم
    اتمكن من أن أحدد هذا منشد إسلامى أم حكيم أم عمرو دياب
    بالله علبكم اتقوا الله فانتم تشوهون الصحوة الإسلامية
  46. أم خالد حُفظ في
    السلام عليكم ورحمةالله وبركاته
    أنا مش فاهمة ليه الأخ ولا الأخت اللي هاجمت عمرو خالد رغم إن هذا مش موضوعناوهو غني عن الدفاع عنه وبالنسبة للأخت اللي مش عاجبها أسلوب مصطفى محمود في الأفراح الأسلاميه أحب أقلها أن أسلوب مصطفى جعل الأسر الكبيرة التي كانت تلجأ إلى المطربين والمطربات الكبار لإحياء أفراحهم وكانت هذه الأفراح بها معصية لله يلجأون الآن إلى مصطفى لإحياء أفراحهم حتى تكون أفراحهم حلال ولأن مصطفى بخفة دمه وبأسلوبه الجميل في الغناء جعل من الفرح الأسلامي مرغوب فيه من الغني والفقير وعلى فكرة مصطفى زي ما بيعمل فرح في الهيلتون والشيراتون بيعمل أفراح للأسر الفقيرة وأحب أعرفك أن كل الناس بتحب أفراح مصطفى اللي مش عجباكي وبكرة تتجوزي لو ماكنتيش متجوزة وتقولي للعريس عايزة مصطفى يحيلي فرحي
  47. أم خالد حُفظ في
    معلش أصلي نسيت أقولك أنك غيورة بس مش على دينك لكن غيورة من هؤولاء الدعاه اللي مش عاجبينك طيب هما بيعملوا حاجه تخدم دينهم أنت عملتي إيه لدينك علشان تتكلمي عليهم كده ...
  48. شكرا عشرينات حُفظ في
    انا ماكنتش اعرف مين مصطفى محمود ده الا لما قريت الموضوع دة وفعلا جبت شرايطه واتبسطت جدا لانى لقيته بيقدم حاجة باقالى كتير جدا باضور عليها ومش لاقياها
    شكرا عشرينات وشكرا مصطفى محمود
العودة إلى الأعلى