بتحبها ليه؟؟
مررت لي العزيزة غادة سؤالاً صعباً للإجابة عليه
علي أن أذكر 10 أسباب/أشياء على الأقل تدفعني لحب الحياة
ليس هذا التوقيت الأمثل بالنسبة لي للإجابة، فليس قلبي مفعماً الآن بالإقبال والحب للحياة (خالص)
لكن، الأمر ميخلاش من شوية حاجات..
حاجات كبيرة كتيرة، وحاجات صغيرة أكتر، بحبها ف وسط الزحمة ، هقول اللي جه على بالي منها
أحب الحياة ...
• لأنها حياة، لأني ممتنة أولاً وأخيراً لكوني منحت سبباً للوجود كبشر، لأن أفكر الآن لم أحب الحياة، لأن أرى وأن أسمع وأتكلم وأبكي وأضحك وألعن وأشكر، لأني منحت سبباً للمشاركة في هذه المهزلة.
• لعلمي بأنك هناك، ترقبنا بعين صبورة رحيمة، ماداً ذراعيك وقتما هرعت إليك مستنجدة شاكرة رغم كل خلافاتي معكم، ورغم أنكم قد تظنوا أني ناكرة للجميل، أو أني غير سعيدة بكم، إلا أنني ممتنة ممتنة ممتنة لأنك أنت أبي وأنت أمي، وربنا يخلليكو ليا.
• وجودك يا أختي يا حبيبتي، ووجودك يا للي عارفة نفسك، أنا ممتنة لجنونك، ولكرهك ولحبك، ولكرهي وحبي ليكي .
• الموسيقى، شكراً للموسيقى، وللبهجة التي تأتي بها..... دونها، ما أمكن أن أكون "غادة" التي أعرفها اليوم، وما أمكن لي أن أقابل بشر رائعين كثيرين .
• الناس، الناس، الناس
سبب سعادتي وتعذيبي، لكن الحياة متحلاش ولا تبقاااش حياة من غيرهم، ولحظات التواصل هي اللي بتخلليها تسوى.
• الشعور بالأمان، حين أغمض عيني في برد الشتاء تحت أغطية دافئة، تحت سقف، وباب مقفول، وهناك من ينام بجواري أو بالغرفة المجاورة، وأتخيل أن هناك من هم في برد الشوارع الآن يتدثرون بجلودهم .
• حين أشعر بأن شيئاً فعلته، قلته، كتبته أو غنيته أو حتى رسمته، قد أثر في شخص ما بطريقة إيجابية.
• كوني امرأة، لست رجلاً.
• الليل، الليل، الليل.
• اختراع النت، واكتشافي للمدونات، والناس الهايلين اللي قابلتهم من خلالها
لحظة أشعر فيها، بالحرية، والانفصال عن كل مفردات الواقع الأرضي (ساعات بتحصل).
• الجبنة الجيدة، بتسعدني.
• حمام ساخن.
• لما أكتب حاجه أو أرسم حاجه وتطلع عاجباني.
• الغنا .
• الصباح الباكر.
• المسرح.
• القطارات على أنواعها.
• السفر، وزيارة أماكن جديدة.
• المشي وحدي بلا هدف.
• السما ........ من أسباب انتشائي في أحيان كتيرة.
• وأنا بتعلم حاجه جديدة بحبها.
• لما حد يدلعني (يناديني بإسم الدلع مثلاً).
• لما أحس إني اتغلبت على نفسي في حاجه، أو نفذت قرار خدته.
• الرغبة.. بتخلليني أحس إني عايشة.
• المحادثات الطويلة، الرغي في التليفون.
• الأطفااال، ابتسامتهم تخللي السواد ينور، صح؟
• ممتنة للحزن، الألم، المرض، الموت، الجوع، العطش، الحنين، لأنها أشياء تعطي معنى لكل ما هو ضدها .
• حلم لم يتحقق بعد، أغنية لم أسمعها، كتاب لم أقرأه، شخص لم أقابله، الشعور بالترقب ذاته، هو من متع الحياة، شكراً للحياة لأنها لم تعطيني كل شيء، لأنها تتركني دائماً أحلم وأتخيل، وأستمتع في خيالي، بلحظات لم تجئ بعد، وربما لن تجيء أبداً....وتجعلني أرتعد رعباً أيضاً من لحظات لم تجئ بعد.
فيه ناس عايزاهم يجاوبوا على نفس السؤال، وكتير منهم لما بيتكلم عن نفسه بيقول "أنا كئيب/ه"، بس أنا متأكدة إنهم أكتر ناس أعرفهم بيحبوا الحياة، ومن كتر حبهم فيها اكتأبوا (متسألوش أزاي)...!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
والله اول شي السلام عليكم ورحمة الله وبركاته تاني شي الواحد لازم يحب الحياه لانها نعمه من ربنا وكلنا عارفين هاد الكلام بس الي حابه احكيه انو انا مرات بكون زعلانه او متدايقه وبتمنى الله ياخد امانته وارتاح لانو الحياه احيانا صعبه وخصوصا للي عنده مشاكل الها اول ما الها اخر بس ما علينا لازم نقول جميعا الحمدلله رب العامين
لما اصحى الصبح في الشتا وتكون الشمس طالعة
لما اروح من شغلي اخر اليوم واترمي على سريري الساقع في عز الحر
لما اتعلم حاجة جديدة
لما انزل في شوارع مصر الفجر و تكون رايقه وفاضية
لما اناااااااام من غير محد يصحيني
لما تجيلي مسج من حد بحبه و بقالي كتير مكلمتوش
احبها لية؟؟؟؟؟
ممكن ساعات
هى بينى و بينكو حلوة
بس للاسف
اتحولت جحيم
يعنى بعد ما الواحد دخل معترك الحياة (حلوة معترك دى) حس ان مش دة اللى كان فى نفسة مش نفس الصورة المرسومة فى الخيال
حاليا بعد ما الواحد جمع كل احلامة المكسورة واحباطاتة و انتصاراتة اذا كان فى انتصارات ووقف فوق الحطام يعنى الحطام دى عملت ييجى 20 دور الواحد شايف احسن دلوقت.
شايف كل الناس اللى تحت و بيستغرب هو لية لسة عايش.
بس تيجى لحظات حلوة تخلينى افكر و اقول ياخى الحياة حلوة.
قضاة مصر-ايمن نور-ابراهيم عيسى - صحفيين مصر الشرفاء مش بتوع القومية- شعر احمد مطر -ابويا - امى - اخواتى- الكورة- Vanna-Josh Groban-
ياة دى فيها حجات كتير اوى تتحب.
لا تسقنى ماء الحياة بذلة بل فاسقنى بالعز كاس الحنضل
ماء الحياة بذلة كجهنم و جهنم بالعز اطيب معزل
كل دي اسباب كويسه تخلينا نحب الحياه لكن اهمها علي الاطلاق ان كل واحد لازم يكون ليه هدف يحققه ولما يحققه يدور علي هدف تاني علشان يسعي لتحقيقه وده متعه الحياه الحقيقيه
وبنحبك يا دنيا بجد ومهما تعملي فينا ..
بحب بابا,مامتشي ,اخواتي ,تاتا ,عمووو
بحب اغتت علي البشر ..
بحب الكمبيوتر واكره المحلول ..
بحب كتاب الموقع ..
بحب رمضان وعمايل التمر..
بحب ريحه المطر واحمد مطر..
بحب بكار واللون الاسمره ..
وقلولي بتحب مصر قلت "مش عارف "
بحب "حبايبنا"..
بحب عمرو دياب ,سيلين ديون , مشاري راشد, ميس شلش, فيروووز..
وبحب احلم احلام بضفاير قلب وبس بحلم بجنه وبرج حمام وارض حضنها بتسعني بحلم ولو منعوا الاحلام من حقي احلم واتمني واعيش براح الكون جنه ..
بحلم ان العدل يسود عدل عمرو وجنوده اسود والاقصي ينادي يا اسير احكم من تاني
بحلم اخلص الكليه علي خير بدون اصابات
وبحلم اني اطير وارفرف في الفضا واهرب من الدنيا الفضا .....
سلام عليكم الاول
اولا جميل اوى الموضوع يااااااااااااااااه قد ايه تحفة
هو أنا ليه بحب الحياة
سؤال محتاج قبله سؤال هو انااصلا بحبها
اعتقد ان مفيش حد بيحب الحياة مهما كانت مؤلمة
صحيح اوقات بتبقى عاملة زى الحلقة اللى بتخنقنى بس برجع وقول ماهى لازم تكون كده علشان احبها ماهى لو الحياة كلها كويسه وجميلة ووردى ولذيذة ومفيش فيها مشاكل هتبقى مملة انا معاكم ان المشاكل بقت كتر وفوق الاحتمال بس كل ما بتزيد صعوبة المشكلة كل ما بتكون قيمة الحياة وده بنحسه وقت لما المشكلة تتحل
بحب ضحكة طفل تنسينى كل هموم الدنيا
بحب الشعر بطير معاه بخيالى
بحب اوى لما اتعب كتير فى حاجة واشوف نتيجتها
بحب اوى اشوف الناس مبسوطة وبتضحك بحس بالامل
بحب كلام الاطفال ومشيتهم
بحب لما ادخل معمل الكلية واعمل تجربة وتطلع صح يااااااااااااه بيبقى احلى يوم فى حياتى
بحب اقعد مع اصحابى ونقعد نضحك حتى لو كان ضحكنا ده هو طريقة للتعبير عن حزننا وهمنا
بحب اقعد اتكلم مع اخويا
بحب اتفرج على ديكورات بكل انواعها
بحب الكارتون اسعد لحظات حياتى اوقات الكارتون
بحب اقعد فوق سطح بيتنا وقت المغربية واشوف الشمس وقت الغروب ومن بعدها السما والنجوم
بموت فى القمر واتكلم معاه
بحب الحمام والعصافير بعدال فجر بشوية شكلهم روعة
بحب الشمس الصبح وهى جاية تخبط على الباب
بحب الشجر اى ان كان شكله
بحب شجرة لما تكون وحيدة لوحدها ومفيش حواليها اى شجر تانى
بحب الكتب العلمية
بحب البالية جداااااااا
يااااااااااااااااه على فكرة لو عدينا اللى مش بنحبه هيكون اسهل
الحمد لله يارب على نعمة الحياة
اللهم لك الحمد كما ينبغى لجلال وجهك وعظيم سلطانك
سلام عليكم
احب القمر و احب اطلع على السطح اشوفه زى امبارح كدا و اسمع اى حاجه لحميد الشاعرى
احب نجمه قدام بلكونتى بكلمها و بتسمعنى
احب الساعه 9 اسيب كل اللى ورايا و اتفرج على توم اند جيرى على سبيستون
احب روايه ذهب مع الريح و احب و انا بقراها افتكر دى المره الكام بعد ال 100 اللى بقراها فيهاو افتكر البت هبهوب فى جمله ان هذا لكثيييير
احب فنجان قهوه بعد الساعه 2 بليل و انا بسمع برنامج دندنه على الشباب و الرياضه
احب تمسكى بالمل ان ف يوم من الايام هصحى على صوت نهى و هى بتقوللى انا رجعت و مش مسلفره تانى
احب اتخيل رجوع كل اصحابى اللى سافروا و قعدتنا ف الكافيه بتاعناحوالين القهوه المانو و احنا بنحكى عن الايام السودا اللى بعدنا فيها عن بعض و اقولهم يا تحف لما يقولولى يا نيفى و اللهع رومانسيتك دى هتوديكى ورا الشمس
احب اقرا هاملت و اشوفها على المسرح كل يوم اكتر ما شفتهاو اقابل نفسى فيها لانى متردده جدا
احب امشى انا و لبنى و ندندن زى زمان تانى تانى تانى راجعين انا و انت تانى
احب ابص ف عيون الاطفال الواسعه اللى بتلمع و بتقوللى الدنيا لسه بخير
و لسه فيه براءه
احب اسمع سعاد حسنى و اطلع صورتها من محفظتى و الاقى عينيها التحفه تقوللى الجمال كل جمال ليه نهايه برده
لكل شىء اذا ماتم نقصان و لا ايه يا عبد الله
احب اقرا احببتها لكامل الشناوى احببتها مش حبيبها
احب ماتشات كاس العالم و ازعل اوى لما اسمع 100 نشيد وطنى و ملاقيش فيهم بلادى بلادى
احب اسمع حليم بيقول على حسب وداد جلبى يا بوىوادوب مع موال الصبر اهو داب من يوم الحب ......
احب ادندن عمرو و انا على اللسان فى راس البر و هو لبقول حكايتنا يا روح قلبى حكايه و ارمى الدني و را ضهرى و انا باصه للبحر
احب اسمع اغنيه الحدود لقربق الاصقاء و اعيط كانى اول مره بسمعها
احب الليل الليل الليل...الصديق اللى عمره ما خلف ميعاده معايا و لا يوم اتاخر ثانيه
احب اسقى الزرهع و انا بغنيله حاجه لمحمد فوزى؟؟معرفش ليه فوزى بالذات
احب اقعد اكتب يومياتى حتى لو كئيبه و اسال نفسى ليه يا بنتى كدا ما انتى هتتعكننى لما تقرايها تانى
احب اشوف مدرسه المشاغبين و اموت من الضحك لما يقول الاباصيرى افرض منفعتش ف الدراسه اصيع انا يعنى
احب اقرا سوره مريم و اتخيل شكل السيده مريم
راسمهليها مليون شكل ف خيالى كلهم احلى من بعض
احب اسافر اسةان و انا ف مكانى لما اسمع منير بيقول الليله يا سمرا
احب ادخل و لاد البلد و يتولد جوايا شعورين عكيس بعض كلكو عارفينهم
احب اقعد على الفيشاوى انا و اصحابى نحلم بمصر اللى بتتولد من جديد ف ساعه ضلمه ما يعلم بيها الا ربنا
بحب احمد فؤاد نجم حتى لما بيلبخ
احب و انا وسط المكفوفين ف جمعيه النور و الامل اغنيلهم النور مكانه ف القلوب
بحب ال3 خبطات بتوع المسرح
احب لما ارسم لوحه جديده او اكتب حاجه جديده الم كل اصحابى و نتناقش حتى لو كنا الفجر
احب اتفتت على صوت فيروز و هى بتقول انا لحبيبىو احس انى واقفه ف وسط حديقه فيها مليون ورده و مفيش ورده شكل التانيه
دى تخريفاتى انا
لكن كلمه للكل
ف فيلم السلم و التعبان قالها طارق التلمسانى لهانى سلامه
قالله الحياه مفيهاش اى ضمانات و يوم ما تكرهها هتلاقى 100 حاجه تخليك تحبها
الحياه حلوه
بحب الحياة عشان اثبت ان السعادة في رضا الله
بحبها عشان ادور على البراءة
بحبها على الطفولة
بحبها عشان محدش يقدر عليها
بحبها عشان ياما ناس ندموا على انهم اتخدعوا فيها
بحبها عشان عشان متاخدنيش
بحبها عشان تفوقني لو خدتني
بحبها عشان الامانه والاخلاص والصدق موجودين فيها
بحبها عشان الايثار موجود فيها
وفي الاخر لازم اقول
يا دنيا اليك عني غري غيري
أما إذا كان الجو المحيط بي يضم أشياء أحبها، كأن أكون مع أصدقائي المقربين، أو أن أمارس نشاطا أو هواية أعشقها، فهذا يجعلني أشعر بحب وشوق وعشق للحياة...
كما أن التفوق في عمل شيء ما يجعلني سعيد ومحبا للحياة؛ لهذا فإن الأوقات الوحيدة التي أعشقها في دراستي هي أوقات الامتحانات التي أبذل فيها كل ما بوسعي كي أتفوق، وهو ما يشعرني بالسعادة.
من ياحبها ليس لها ماضي , فقد ولدت يوم احببتها...فإذا كان الحب ضعفاً فهو ضعف القلوب العظيمة...فهي حبيبى وقرة عينى ...فعندماعندما تنام كل العيون ، تظل عيون الحب وحدها ساهرة فحبهاالحب عندي ماء وهواء ودواء وغذاء للروح ...فهو ليس حباً عادياً كما في الأشعار والكتب والقصص ... فهوليس له عنوان ...محمد_تطوان/المغرب.
مش بحبها بس في حاجات هي الي بتخليني فيها علشان مينفعش نقول انا مش عايزة اعيش مع ان الواحد بيقولها كتييييير بس ما باليد حيلة يمكن في ناس كتير لسه عايشة علشان عندها ايمان بربنا
اما بحب فيها ايه بحب لما حد يفهم عليا يحسني يحسني اوي يبص بس في وشي يقولي مالك انا هنا جنبك
بحب ابص في البحر اوي اوي
بحب اقف في البلكونة الفجر اشم الهوا
بحب اغنية عصفور طل من الشباك وبحب اي حد يحبها
بحب فيروز.........اعطني الناي انا عصفورة السحاب.كيفك انت .وانا صار لازم ودعكم
بحب منير
بحب عائلتي اوي واولاد خالاتي
واصحابي نعمة
وبحب لما بكون مديقة اعيط يا اما هنفجر
بحب جبران خليل خبران
بحب الجنون وبكره القيود والجمود
بحب اتوه من نفسي ومن الي حوليه
بحب اسرح منغير معرف لفين
بحب الي بيحبني وبكره اودع الناس
واكتر حد بحبه في الدنيا دي كلهامامتي مع ان دايما مش بعرف اتكلم معاها من غير ماتنرفز ونتخانق في الاخر
بحب ان انا جويا طفلة شقية وبحب العب ومش بحب اكبر
بحب اروح دريم بارك واصرخ واطلع الي جوايا
بحب الخروج في اي حتة حتي لو هتمشي شوية
بحب الشعر بيخدني بعيد
بحب القراءة واتفرج علي الافلام
بحب اتكلم في السياسة
بحب الشهداء والمناضلين
بحب ربنا والرسول وبدعي ان ربنا يكون راضي عني انا وكل الناس الي اعرفهم
في الاخر بحب موقعكم اوي وبكره اوي لان من كتر المواضيع ما بتبقي جميل بعيط وبيبقي شكلي صعب
بتحبها ليه؟؟؟؟؟؟؟؟؟
اذا كان الواحد بيحبها اصلا
باحبها لما احس ان فيه حد بيحبني و يخاف عليه ممكن نرتبط ببعض في يوم
و اكرهها لما افكر ان كل ده ممكن يطلع غلط او اتخدع فيه
و ارجع احبها تاني لما اسمع منير و فضل
و اكرهها لما احس اني مش بارضى ربنا
و احبها لما اسمع انشوده الهي لمشاري
واحيها و اكرهها هيه ديه الحياه......
كمان باحبها لما الدنيا تمطر و امشي تحت المطر مع اصحابي
احبها لما اطلع رحله مع اصحابي و يكون معانا اولاد يعاملوني زي الاخوات و نبقي خايفين علي بعض
احبها زي ما حد تاني قال لما اروح دريم بارك و اصوت من اول ما اركب اللعبه لحد ما انزل علشان اطلع اللي جوايا
احبها لما اصلي الفجر و اقف في البلكونه اشوف الشوارع و هي فاضيه احس بالامان
احبها لما ارجع تعبانه من كليتي و انام من غير ما حد يصحيني
احبها ايام الدراسه و انا كل يوم في الكليه مع اصحابي
و اكرهها لما الدراسه تخلص و تبدا الاجازه الممله
احبها لما حد من اصحابي يكلمني بس علشان يسال عليا
بنحب حبايبنا
الموقع ده شديد بجد والناس الى فيه أشد
وخصوصا الى بتقول بحب عمرو دياب ,سيلين ديون , مشاري راشد, ميس شلش, فيروووز مع انى مش فاهم تيجى ازاى دى !!!!!!
حكمتك يارب
انا مبكرهش الحياه ،يمكن اكون بحبهاأاو بحب فيها حاجات
ناس قلوبها صافيه ...غالبآ مابلقيهمش
صادقات دائمه............غالبآ مابدومش
لحظات الفرح...........غالبآمابتتكررش
حبيناها ولا ماحبنهاااش
فى حياتنا حاجات ما بنلقيهااااش..
ولو لقيناها مابدومش
ومابتتكررش...............
بحبها الحياه علشان كتيير اووي بس لو فكرت هلاقي حاجات كتير برضه تخليني اكرها والحب اسهل
باختصار بحبها علشان ماكرهاش
الكلام عجبني جدا وانا نفسي عمرى ما سألتها انا بحب الحياة ولا لأ لا لأنها واقع اصلا ولازم اتكيف علية والهدف هو امتداد للحياة السليمة
مفيش اسباب تتحدد لحبنا لحياتناالموضوع رائع لما طرح سؤال زى ده السؤال الى بيلخص كل انفعالااتنا اليوميه وحياتنا ...
بأختصار مفتكرش الى احبو والى محبوش يهم حد لكنى كل الى متأكده منو ان مفيش حد سعيد بحايتو عالطول ولا قرفان منها عالطول ومش عارفه مين كده يا جماعه فيلسوف باين قال ان الحياه دى تجربه تستحق اننا نعيشها الحمد لله اننا بنى ادمين بنحس وبنفكر وبنتأمل عالشان نقدر نعيش التجربه دى ويارب نخرج كلنا منها على خير
بحب الحياة ...
لما بكون وحدي
بلا خوف من المستقبل
بلا خوف من المرض
بلا خوف من الفقر
بحب الحياة ...
لما الناس تنساني
لما الهموم تنساني
لما النكد ينساني
بحب الحياة...
لو مابش بها إسرائيل
لو مابش بها لوبي
لو مابش بها روبي
بحب الحياة ...
عند شروق الشمس
عند سكون الليل
عند ابتسامة أمي
^_^
إلهي جعلت الحياة نعيماً ....فمالي ارى نارها واقدة
وصريت قاعدة العيش حباً ... فشذ الجميع عن القاعدة
السلام عليكم ورحمة الله وبركاتة
قبل ما اعلق علي الموضوع و اقول بحبها لية .. احب اوضح للشخص إللي كاتب فوق
انتي انسانة دنيوية
اولا .. عدم قراءة الموضوع للنهائة مش حاجة كويسة تفتخر او تفتخري بيها
دا ان فيدل علي عدم القدرة علي سماع الآخرين
ثانيا .. مش معني حبنا للحياه لاسباب دنيوية يبقي نسينا ان في ربنا
الحياه هي روح و كيان كل انسان ( ونعمة من الرحمن)
ثالثا .. كرهنا للموت هو أكبر دليل علي حبنا للحياه
وأظن مفيش حد يختلف معايا علي رهبة الموت
اما بالنسبة للناس إللي اتكلمت ..
مع اختلافي و اعجابي بحجات كتير قالوها
وجمال الاسلوب ... والتعبير الصادق
احب اقول انا كمان
بحب الحياه لما احسن ان في حد بيهتم بيا
بحب الحياه لما ابقي عارف ان إللي جاي أكيد احسن
بحب الحياه لما احقق نجاح كنت مستنية
بحب الحياه في رمضان زمان أيام الطفولة
بحب الحياه لما اسافر وكل يوم ابقي في مكان
بحب الحياه لما اسمع ان فلان ألتزم
بحب الحياه لما احس برضا ربنا عليا
بحب الحياه و انا واقف في تراويح رمضان
بحب الحياه و انا داخل المسجد ساعة الأدان
بحب الحياه لما اعرف اني لما اموت ححياها تاني
بحب الحياه لما اكون في الشارع لوحدي
بحب الحياه لما الحبايب ينادوا أسمي
هي حياه ... ورغم مأسيها و عزابها
حيفضل جوا منا شئ يخلينا تملي .. نحبها
بحبها ....... مش عارف بحبها ولا لا
او مبقتش احبها
كل حاجه فيها بقت ضدى.... كله واقف فى سبيل سعادتى
طبعا الحمد له على كل شيئ بس دا مش اعترف والحمد لله على كل شيئ
بس احنا بتكلم وطرحنا الموضوع يبقى نفضفض شويه
انا مش بحبها ... او بحب فيها حاجات معينه بس
احب فيها عباده ربنا بس
مش بحب الحياه دى الا علشان عباده ربنا واى حاجه تانى مش عايزها ومش بحبها
علشان كده كم اتمنى لقاء ربى ولو حتى دلوقتى حالا فى اللحظه اللى بكلمكم فيها
مش عارف مستعد ولا لا .... بس عايز اقابله
الحياه دلوقتى عندى مش ليها اى هدف
وهدفى الوحيد ليها انى اجهز لاخرتى
مش عارف رايئ دا هيعجب حد ولا لا
بس دا رائ
سلامى ليكوا
@ باستووو @
لازم تومن"لا يصيبنا الا ماكتبه الله لنا"عشان هي دي الحياة لو كل واحد منا اختار حياتو كنا حنكون كمان عيشين بس باختلاف شوي