كرسي بعجل!!
شايل فوقيه راجل قعيد
شايل شهيد
متوضي عارف سكته وسط الضلام
والناس نيام
وعشان يكمل سكته
ناوي الصيام
كت كلمة منه بتنفجر عناقيد رصاص
طالبة الخلاص
عناقيد غضب
من كل مجرم معتدي طالبة القصاص
لكن خلاص
ساب كرسي كان من فوقه أكتر من ملك
له كلمة نافذة عن ملوك الزنبلك
لكن هلك
هل صدفة أن تكون "يس" قلب الكتاب؟
ويكون ياسين ف الأمة أقوى من الشباب؟
حد انتبه؟
قلبين شداد.. يا للشبه !
الاتنين بنقتلهم يوماتي مفيش ف يوم حد انتبه
"عِدية" بيها بنستبارك ف البيوت
أو وقت موت !!
نقلبها ع اللي بيعتدي ونقول.. آمين
منطق مهين
متكتفين بالعجز ساكنين السكوت
وكسيح عجوز
من قلبه طالبين المدد
طالبين نجوز
طالبين يعدينا الطريق علشان مخيف
شبه الكفيف
طالبين عزيمته وقوته حتى اما مات
نتسمى باسمه
ونرسمه جنب الآهات
ونحط صورته ع الجراح
يحيا الكفاح !!
ونصيح ونهتف .. نتوجع
ييجي السكات
يا فجر ياللي الشيخ ياسين جه ودعك
قوللي بصحيح
الفجر الاكبر جاي والا بيبتعد
خليك صريح
الفجر قرّب والا لسه سواد كتير
ح نقوم صحيح والا احنا مش قد المسير
قوللي بصحيح
ح نموت بعزة والا ح نخاف الأجل
أم كل واحد يشتري
**صحفي مصري
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
ومعاه الأمل
ومعاه أسود
طالبه تسود
جايه و في اديها الكفن
لجل الشهيد الحي
توصل كلمته
والكل يعرف
هي ايه قضيته
ليه يقتلوه
ليه يغتالوه
ليه من بعيد الغدر يبعت طلقته
يبعت صاروخ
ليه جاي قاصد سكته
ليه يغتالوه
ليه يقتلوه
ليه في ألوف
بالغدر عايزه تسكته
عايزه الأدان في القدس تسكن صرخته
عايزه ياسين من غير لسان
من غير كلام
عايزه القعيد الحر تسكت كلمته
والكرسي ينسي صحبته
الفجر نَور
لا بـيـبـتـعـد
ولا حتي بـيخاف الأجل
الفجر جاي ، أيوه بصحيح
وبيتولد فينا الأمل
يفتح طريق
لازم نسير
ولا احنا ها نخاف الأجل!!
يا فجر ياللي الشيخ ياسين جه ودعك
جاي بصحيح ؟
جايب سلاح؟
جايب أمل؟
جايب معاك بسمة شهيد؟
هات من جراح العمر
واحكم قبضتك
يا فجر يلا همتك
خلي الي داس علي الجرح
يعرف قسوته
خلي إلي سارق أرضنا
خلي إلي بايع حلمنا
بسلاحنا يعرف خسته
الفجر الأكبر جاي
ومعاه الأمل
جاي من بعيد
ومعاه دليل
ومعاه أمارة من الشهيد
جايب معاه ...... كرسي بعجل