الضرب في اسكندرية!
الحقيقة .. لا أعلم من أين أبدأ ؟ .. أو لأين يمكن أن أنتهي ؟
ما حدث بمنتهي البساطة ...
امبارح.. سمعنا كلنا عما حدث في الاسكندرية... هجوم علي ثلاث كنائس، ينتج قتيل وإصابات، والقبض علي منفذ هذا الهجوم، واكتشاف إنه مختل عقليا ؟؟ ... وكلام من هذا القبيل ..
الغريب إن كل حوادث البلد دي بيعملها متخلفين... علي رأي واحد... "ما هم كل اللي بيخططوا ويقكروا ويدبروا في البلد دي ... متخلفين عقليا"
ده كان بيان وزارة الداخلية والتليفزيون المصري .. وكل اللي سار علي طريقهم ... وانتهج نهجهم ....
طبعا لم يصدق أحد هذا الكلام.. ولا يمكن !! يمكن يصدقها اللي قالها ... الداخلية يعني.. وحكومة السيد الرئيس .... لكن إحنا لأ ... مش مصدقينكم ) ..... وانتظرنا كلنا باقي التفاصيل ...
فكانت ..... لا جديد ... وإن كله تمام ومفيش حاجة حصلت أبدا.. يا ريس .
لكن الواقع النهاردة في اسكندرية قال كلام غير ده تماما.. حكاية إنهم يقولوا إن تلات أفراد... كل واحد أخد سيفه.. عادي يعني ..ما إحنا في اسكندرية كل وحد شايل سيفه تحت مخدته.. المهم ) كل واحد بعدما صحي الصبح قال يعمل حاجة تخدم المسلمين... وقام واخد السيف من تحت المخدة ونزل علي أقرب كنيسة له... وهاتك ياضرب)
طبعا كان فيه اصابات و قتيل واحد .. لكن بيان الحكومة النظيفة المباركة... كان سبب الأزمة...
قال إيه ؟؟ واحد مختل ... ضرب في كنيسة وبعدين طلع علي اللي بعدها واللي بعدها .... وكل ده في وقت متقارب للغاية، مع العلم إن الوقت بينهم أكتر من نص ساعة بين كل اتنين.. ده للعاقل اللي معاه عربية... مش مختل ماشي بسيف في قلب الشارع.. ودي كانت بداية الغضب ...
ده اللي عرفناه من الأخبار المحترمة في نهاية اليوم .. لكن الخطير بجد هو اللي بيحصل دلوقتي ...
شوارع اسكندرية أظلمت و كلها مقفولة... انا حأحكي عن اللي بيحصل تحت بيتنا واللي نزلت شوفته بعينيا ...
بعد الظهر كانت جنازة القتيل اللي قتل... وكان مقرر سيرها من أحد الكنائس لأخري... في شارع كبير في العصافرة اسمه شارع 45... لكن ما حدث انها تحولت لمظاهرة قبطية... وبدأوا في ترديد شعارات دينية وأشياء من هذا القبيل... وده استفز شباب مسلمين عاديين فقاموا بالرد عليهم بالهتاف.. فما كان منهم إلا إنهم قاموا بضربهم.. مما أدي لاشتعال الموقف ...
أنا بأكلمكم عن منطقة العصافرة وسيدي بشر ..لأنهم مثال لكل اللي بيحصل في اسكندرية كلها . دلوقتي ..
مين السبب ؟
أنا مش عايز أحكي قصص أو تفاصيل أوحكايات وده يقول حصل ومحصلش، لكن مين السبب ؟؟
مين السبب.... إني أنزل الشارع فيكون ماشي بقانون البلطجة ؟؟
الشارع الآن تحت أمر مجموعة البلطجية اللي جمعوا نفسهم ( أو حد جمعهم ) وماشيين تكسير في كل المحلات وأي شئ يقابلوه في الشارع ... ومحدش قادر يوقفهم ... ؟؟ المهم إن كله باسم الإسلام...
مين السبب .... إن مفيش ولا عسكري موجود في الشارع دلوقتي والأمن سايب الأمور تسير كما تشاء، ولا كأن عندنا موجود أمن ووزارة ووزير وحاجات من دي في البلد دي ؟؟
وبعدبن أمر عجيب !! لسة امبارح كان الإخوان عاملين حفلة بمناسبة مولد النبي في الشارع في نفس المكان، وكان بالإضافة للسادة الحضور، اللي هم الناس العاديين يعني، مشرف معاهم عشرات من إخوانا رجال الداخلية جايين يحضروا الاحتفال معاهم.. لا و رتب كمان مش أي حاجة يعني وعربية مطافي وكده.. أما اليوم فلا يوجد أثر لرتبة أو عسكري واحد ؟؟
مين السبب .... أن البلد الآن تسير بغير قانون, بغير دستور, بغير نطام ..وإن حال الكل يوصل للدرجة دي من الاحتقان والغليان.. إنتو لو تشوفوا الشارع تحت تقولوا خلاص التتار هجموا علي البلد ... ؟؟
مين السبب .... إن في لحظة واحد أشوف كل الأسلحة دي في الشارع... وعادي جدا، كأن المفروض إن كل واحد يكون معاه سلاح ويدافع بيه عن نفسه.. سيوف وسنج وشوم وطوب بيتحدف من البلكونات، وومش كده وبس.. ضرب نار كمان ؟؟
الكلام ده كله والله حصل ... وأنا شفته بعنيا .... سيوف وأسلحة .... وبلطجية كلهم شاربين وسكرانين ...
تعرفوا البلطجية اللي بتشوفوهم في الشارع ... هم دول اللي في الشارع دلوقتي وماشيين تكسير ... وقال إيه ؟؟؟ كده بيدافعوا عن الإسلام والمسلمين ؟؟
مين السبب .... ومين اللي جمع كل البلطجية دول .. اللي غالبيتهم عمرهم ما صلوا في حياتهم ركعة واحدة ....
والكل بيقول إن في شئ غير طبيعي .... وإن تجمعهم ده مش لوجه الله .... وإن في لعبة مقصود بيها توليع البلد بحجة الفتنة بين المسيحين والمسلمين ... أو البقاء علي قانون الطوارئ ...؟؟
مين السبب .... ومين المستفيد ؟؟ إنه يقول : شفتوا؟؟ من غير الطوارئ البلد حتولع .. ومن غير الاستنفرار الناس حتاكل بعضها، ومن غير الحزب الوطني ورئيسه مبارك محدش يقدر يحكم البلد دي ..؟؟
مين السبب .... ومين المستفيد ؟؟ إنه يقول : إن البلد ميتفعش فيها الإسلام ولا حكم الإسلاميين، وإنكم شفتم ...آدي نتيجة بسيطة لو الإسلامين حققوا اي مكاسب في البلد، أو إنه يلبس الموضوع كله ليهم .. وانهم هم الإرهابين المتخلفين الرجعيين اصحاب الافكار الهدامة ؟
لمصلحة من ؟؟؟
لمصلحة من ؟؟؟ في ظل نظام مبارك وحكومة نظيف وداخلية العادلي، وشيوخ السلطان،
وأقباط المهجر اللي عايزين يعملوا فتنة طائفية تسمح بتكرار قصة العراق والاتيان بعملاء زي اللي حاكمبنها الآن ؟؟
لمصلحة من ؟؟؟ إني أمشي النهاردة في الشارع وأنا خايف... علي نفسي .. علي أختي .. علي بنت عمي.. علي كل بنت وسيدة ماشية في الشارع... علي كل شخص أضطرته الظروف إنه ينزل من بيته ؟؟
هو ده الأمان اللي بنشوفه في ظل قانوان الطوارئ ...
هو ده الأمن اللي بنشوفه في ظل الحزن (الحزب) الوطني ...
هو ده السلام اللي بشرونا بيه خلال عشرين سنة من الحكم المبارك .... ؟؟؟
ما رأيته في الشارع من أقل من ساعة ..... هو أننا في دولة اللا قانون ... في دولة اللا نظام .... في دولة قانونها هو قانون الغابة .... ودستورها هو البقاء للبلطجية ... للأقوي .
أنا لا أريد الحديث عن تفاصيل الحدث ..أو من المخطئ أو من بدأ أولا ؟.... وبرجاء ألا تكون التعليقات أو الردود بهذا الصدد، ولكن أتحدث عن مقولات بأن إخواننا المسيحين لا يحصلون علي حقوقهم.. بالله عليكم .. من يحصل علي حقه اليوم في هذا البلد ؟؟؟؟
أتحدث عن دور العبادة.. الجميع مظلوم فيها، فشروط بناء مسجد أصعب بمراحل من شروط بناء كنيسة.. هم لا يريدون أي تجمع يخالف أو ينافس أو من المكن أن يشكل خطرا علي سلطانهم...
ياتري قانون الطواؤئ أفادنا بإيه ؟؟؟
ياتري المعتقلات المليانة دي أفادتنا بإيه ؟؟؟
ياتري تأميم المساجد وتكميم اتحادات العمال والنقابات أفادنا بإيه؟
ياتري تعيين أساتذة الجامعة والعمداء واتحادات الطلبة أفادنا بإيه ؟؟؟
يا تري ..... الحزب الوطني ورئيسه وحكومته أفادونا بإيه ؟
ما يحدث نتيجة لاستبداد الحاكم والمجموعة المحيطة به ...
ما يحدث الآن هو نتيجة سنين من الظلم وغياب العدالة ...سنين من الحصار الاقتصادي والاجتماعي والسياسي ...
ما يحدث هو نتيجة لكبت مستمر وطويل... لا أحد يجد متنفسا أو مكان ليعلن فيه رأيه... لا الجامعات , لا النوادي , لا المدارس , لا العمل , لا الجوامع , لا الأحزاب لا النقابات ولا حتي البيوت ....
ما يحدث نتيجة استبداد نظام واحد وحزب واحد و هيكل واحد و... وشخص واحد ....
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
ده اسمه استهبال امني
هااااااااي محمد ( باشا) السيد ، طبعًأ إنتا شاهد ( عيان ) بفتح الياء ( من غير شدة ) ... شدة وتزول
مبرووووووووووووك يا c.d تحيااااااتي
لا داعى للقلق مدام الحكومة مطمنه يبقى هتقلق ليه كله تحت السيطرة والامن مستتب
نام واطمن وانسى كل اللى شوفته كانه كابوس الحكومة ععارفة مصلحتنا اكتر مننا اقعد قدام التليفزيون (القناة الاولى طبعا) واتفرج على اخبار الساعة 9 وصدقها وانسى الحاجات الوحشة اللى بتشوفها فى الشارع
الحزن الوطنى دا حزب كل الشعب المصرى اعضاء فيه باستثناء الحكومه لانها طبعا مش من الشعب( دى الحكومة)
مبروك على مبارك
مبارك لمصر
محكتش ليه على عساكر الامن المركزى قلى خافت تخش شارع 30 ولا على الظباط قلى اختفوا وقت الضرب
yehia2784@hotmail.com
دلوقتي .. الجو هادئ نوعا ما ...
أنا نزلت الصبح ... قلت أشوف الحال وصل لإيه ... الحقيقة الأمن واخد باله من المكان كويس جدا ... وعامل ترتيبات ضخمة للغاية ...
بس أنا مش عارف ؟؟هم إمبارح كانوا فين ؟؟ محدش شافهم في الشوارع الجانبيةااللي كان فيها الضرب يعني ....
عموما دول اخواتنا برضه ومنرضاش ليهم الأذية ....
لكن دلوئتي أطمنكم .. في جيش كامل تحت لحمايتنا من البلطجية وشرورهم ....
لا للتمديد ... لا للتوريث ... نعم لتعديل الدستور المصري
إيه ؟؟ شكلي مش حأغير التوقيع ده ولا إيه؟
mohamedmat@hotmail.com
أنا بأتريق .... أحسن حد يفكر إني بأشكر الأمن بجد ...
ده مفيش حد خارب بيتنا غيره ....
لا للتمديد ... لا للتوريث ... نعم لتعديل الدستور المصري
إيه ؟؟ شكلي مش حأغير التوقيع ده ولا إيه؟
mohamedmat@hotmail.com
تعاني مصر من تفاوت طبقي كبير وة\
...لاشك فى ان الحديث عن الاسلام ليس كاالحديث عن اي موضوع اخر ولكني احاول محاولة متواضعة0 لايوجد ابدا في التاريخ الاسلامي بل العالمي ما يدل علي ان الاسلام هو دين الدماءوالعنف بل هو العكس والدلائل كثيرة ولاتحتاج للاضاح
قال محمد صلي اللة علية وسلم الرحماء يرحمهم الرحمن000 فما باللك بامتة
حرام الاولى بقولها للناس اللى عملت العمل المهبب دا
ياناس انتو عايزين تودونا فين اكتر من كدا
و الناس الهبله اللى فرحانين باللى بيحصل دول متخلفين و باصين تحت اقدامهم و مش فاهمين اللعبه
و حرااااااااااااااااااااااام التانيه بقولها للامن
ربنا يخليكو مش عايزين حد يطلع لنا بيان مكتوب فيه الفاعل مختل عقليا
بقت بايخه اوى
و الخلل يا ساده مش ف العقول
الخلل فى النظام الامنى و انتو عارفين فين تانى
عبد الله عذرا علشان مكملناش الكلام لظروف طارئه و لكن للحديث بقيه ان شاء الله
صحيح احنا عارفين انه اكيد ورا الحكايه دى تخطيط خارجى يعنى امريكانى
لكن مش لازم ابدا انهم ينولو غرضهم
احنا مش لازم نقسم البلد على انها مسلمين ومسيحيين خلونا مصريين
وبعدين اى حاجه واى قانون ممكن نناقشه مع بعض بالحسنه بس مش دلوقتى
لازم نتعقل فى احكايه دى جدااااااا
اللهم اجعل مصر ارض سلام واهدنا ياربنا الى خير اسلام
اولا لو ده تحت شعار الاسلام فوالله ان الاسلام برئ مما حدث اولا لانه حرم الهجوم علي دور العباده ولنسترجع كلمات سيدنا محمد صلي الله عليه وسلم حينما فتح مكه قال ايه افتكروا كويس وكمان انا واحده خايفه انزل من بيتي دلوقت وعندي مواعيد مهمه ده في شرع مين والله بجد حرام ولو قالوا تنظيم فمين اللي نظم ده
يا اسكندريه
بحرك عجايب
ياريت ينوبني م الحب نايب
تحدفني موجه
على صدر موجه
والبحرهوجه
والصيد مطايب
أغسل هدومي
وأنشر همومي
على شمسه طالعه
وأنا فيها دايب
كأني فلاح في جيش عرابي
مات ع الطوابي
وراح في بحرك
كأني نسمه فوق الروابي
م البحر جايه
تغرق في سحرك
كأني كلمه من عقل بيرم
كأني غنوه من قلب سيد
كأني جوا المظاهره طالب
هتف باسمك
ومات معيد
كأني صوت النديم
في ليلك
بيصحي ناسك
يشدوا حيلك
كأني طوبه من بيت في حاره
كأني دمعه
في عيون سهارى
كأني نجمه فوق الفناره
تهدي الحيارى
والبدر غايب
يا اسكندريه
يامصراويه
على سن باسم
على ضحكه هاله
البحر
شباك ومشربيه
وانتي الاميره
ع الدنيا طاله
يا اسكندريه عاشق
وبدي
ارتاح في حضنك
والود ودي
يكون كلامي
عربون غرامي
وبالمحبه
ناخد وندي
يا اسكندريه فيكي الغلابه
ع الرزق يسعوا ولايناموش
صبح صباحهم
رجع مساهم
وزاد شقاهم
ومارتاحوش
يا عيني ع اللي الزمان تعبهم
وضاع تعبهم
ومالتقوش
نزل شبكهم
في بحر طامي
طلع شبكهم
على فاشوش
وفيكي بين البشر
ديابه
وفيكي فوق البشر
وحوش
وفيكي ناس مغرمين صبابه
لو خان زمانهم
مابيخونوش
وفيكي خمري
سلمت امري
ما اقدرش اشوفه
وما اغنيلوش
وبردو مختل عقليا ياناس يابشر يروح من كنيسة لكنيسة
وياخد الترام ويقطع تزكرة ويطلع من كنيسة للتانية
دا كلام عاقل ؟؟؟؟
تانى حاجة تغيظ اكتر الامن ؟؟؟؟؟؟؟؟
الامن فين
بعد اول كنيسة كان المفروض الامن يبلغ الكل لكن لاااااااااا دول سابوة يروح من كنيسة للتانية للتالتة اللى يعينى لقيها زحمة اوى فراح للرابعة واخيرااااا
قالو خلاص كفاية كدا نمسكو بقى
يااااااااااارب الرحمة من عندك
مش عارفة يا جماعة انا شامة في الموضوع ده ريحة مش عاجباني
اصل بعد الموضوع بتاع (بني مزار) و الكلام اللي الناس ماصدقتوش عن ان اللي منفذها مختل عقليا ..لا يمكن حد من اي حكومة بتفهم هيطلع يكرر الكلمة دي تاني...تكرارها سببه الوحيد ان الحكومة عايزة الناس تشعلل اكتر و يهيجوا اكتر و اكتر....هتسالوني السبب ايه??
اقولكوا:
1- تمديد العمل بقانون الطوارئ لمدة 25 قرن قادمين بدون اي اعتراض من اي شخص
2- تقويم الناس و بالذات الاقباط ضد جماعة الاخوان اللي موجودين في اسكندرية بنسبة مش بطالة لانهم هما اللي عليهم الدور بعد ايمن نور و نعمان جمعه يعني شدة ودن او يمكن قمعها محدش عارف لان اللي يشوف القساوسة و الاقباط و هما بيتكلموا عن الحادثة دي كله بيقول وراها تنظيم وراها تنظيم و تحس ان كلمة الاخوان واقفة على طرف لسانهم مستنيه زقه عشان تتقال
اخوان ولا مش اخوان اللى حصل دا حرام
دا ميرضيش ربنا ابدا
ازاى بس ازاى ناس جوة دور العبادة بتاعتهم يحصل لهم كدا لية ؟
اية ذنبهم ؟ اية ذنب الناس اللى كانت جوة الكنيسة واترعبت
انا لو مكانهم مانساش الموقف دا طول عمرى
ماتزعلش مارك انت وكل المسيحيين بس اللى حصل دا واللهى مش هو الاسلام
مصر طول عمرها بلد المصريين لا قلنا مسلم ولا قلنا مسيحى احنا مصريين وهو دة المهم الجديد الى بيحصل الوقتى دة ورا عصابة كبيرة عايزين يحطو من صورة الاسلام الى ربنا هيخلي رايته دايما مرفوعة وكمان عايزين يعملو فتنة طاْءفية ويقولو مسلم ومسيحى احنا مصريين يا جماعة العمليات دى كلها وراها ناس مينفعش تكون مسلمة ولا مسيحية ولا مصرية
الاسلام يا جماعه مبيقولش كده مش معنا ان واحد عمل كده نبقا نعمم ونقول المسلمين ونحولها بقا لفتنه بين المسلمين والمسحين يعني المفروض المسحين يفهمو كده وميعمموش الموضوع ويقولو الاسلام
وربنا يهدي الجيع
الهم امين
صعب قوي لما تمشي في الشارع وانت مش عارف هل حتوصل وللا لا
صعب اوي لما تمشي وانت خايف هل في احتمال ان حد ياذيك وللا لا
صعب قوي لما تمشي في الشارع وانت مبيشغلش تفكيرك غير شئ واحد.............. ليه بس كده
ليه يا بلدي كده؟؟؟؟؟؟؟؟؟؟؟؟؟؟؟؟؟؟؟
ليه امشي فيكي وانا خايف علي نفسي
ليه امشي فيكي وانا بسال هل بيتنا فاضله كتير لانه الشئ الوحيد اللي هيحميني طالما الامن حواليا ومش بيتدخل بيتفرج بس
رغم اني بشوف الامن بيتدخل في مظاهرات الاخوان وبيضرب كمان يعني بيعرف
اشمعني النهارده ساكت؟؟؟؟؟
مش عارفه يا بلدي هل اللي بيحصل فيكي ده طبيعي ؟؟
اسفه يا بلدي....غصب عني .......بس للحظه لقيتني خايفه منك
كنت قبلك كده خايفه عليكي النهارده لاول مرة لقيتني خايفه منك
كرهت نفسي لخوفها منك
زة ما كرهت الصرخه المكتومه جوا صدور المقهورين فيكي
زي ما كرهت الاهة اللي ساكنه حوا خوفنا من سنين
زي ما كرهت اللقمه المرة جوا حلق المظلومين
كرهت كله ده وكرهت ايديه اكتر لما لقيتها متسلسلين
انتوا ناسين ان احنا فى مصر .. ام الدنيا
يعنى احمد زغلول ..وسعد عرابى..وسلملى على صلاح الدين ايبك..
وبغدين انتو هتعرفوا اكتر من الحكومة؟
دى الحكومة (يعنى ملائكةمش بشر )...
وبعدين دى زوبعة وهتعدى مفيش داعى نشغل بالنا بيها...وسلملى على الوحدة الوطنية
اولا اهنيك على هذا المقال الجامد جدا
انا كل اللى اقدر اقوله للك لو بتتكلم على اصلاح
او ان الحكومة ممكن تتعدل
يا ابنى دة الاخوان متمرمطين عشان مؤتمر يدعوا فية للسلام
عموما الجملة هية جملة من فنانة محبهاش
وهية
سلملى على البدنجان
انا عايز اعرف البيت بيتك بيتكلم على الاخوان المسلمين دلوقتي ليه على الرغم انهم ملهمش دعوه بالموضوع و بيشتموا فيهم من الصبح مش عارف ليه
ملحوظه: دي تاني مره يتكلموا على الاخوان بعد موضوع المرشد
انا اعتقد ان موضوع الكنايس ده برده للقضاء على شعبيه الاخوان بعد موضوع المرشد خاصه انهم ليهم ثقل في الاسكندريه
المهم ربنا يستر
www.ikhwanonline.com
عشان تعرفوا رأي الاخوان و انهم بجد مصرييين بجد و مسلمين بجد
ده دفاع عن الاخوان عشان محدش يصدق الحكومه و التلفزيون المصري
القاهرة - ا ف ب ، رويترز
استقبل النائب العام المصري اليوم الاحد 16-4-2006 في القاهرة وفدا يضم نحو 40 مسيحيا ومسلما من حقوقيين واعضاء تنظيمات نقابية وغير حكومية سلمه دعوى ضد الرئيس المصري حسني مبارك ووزير داخليته حبيب العادلي تحملهما مسؤولية الاعتداءات الاخيرة على ثلاث كنائس في مدينة الاسكندرية.
وجمع الوفد اعضاء في منظمات للدفاع عن حقوق الانسان وفي نقابة المحامين وحركة كفاية المعارضة التي اكد منسقها العام جورج اسحاق لوكالة فرانس برس ان "ما جرى في مدينة الاسكندرية هو غياب للدولة لانها واجهزتها وجهت كل اهتمامها للحفاظ فقط على نظام الحكم الذي يتحمل رئيسه ووزير داخليته مسؤولية ما جرى من اعتداءات على الكنائس".
واتهم اسحق "كل من يحرض على هذا النوع من الفتنة بانه يقوم بدور مطلوب صهيونيا وامريكيا". وبرر اسحق هذه الاحداث بان "المواطنين من كلا الطائفتين يعانون من ظلم هذا النظام الاستبدادي الذي اوصلهم الى حالة من الاحتقان يبحث فيها المواطن عن متنفس فاتجه الى اضعف الحلقات في هذه العلاقة وهي العلاقة بين الطائفتين".
ورافق الوفد عدد من النشطاء الذي رفعوا لافتات كتب عليها "دم الاقباط في رقبة مبارك والعادلي" و"من يحاسب مثيري الفتنة" و"اعلان وظيفة مطلوب مختل عقليا للتعاون مع وزارة الداخلية".
بسم اللة الرحمن الرحيم انا بقول لكل من تسول لة نفسة انة يقول ان دة هو الاسلام ابسط شىء اقولة احنا تاريخنا يشهد لنا والى حصل دة لو عمر ابن الخطاب عايش ماكنش اتكلم بفمة فقط واقول للى بيتهم الاسلام ان الليهود والمسيحيين ماعشوش عصر الامن والامان الا مع المسلمين والى عايز يعرف الحقيقة يروح يقرا تاريخ الاسلام والمسلمين ويشهد بكدة اعدائنا وللة الحمد
ياجمعة احب الفت نظركم لحاجة ....
مصر طول عمرها احمد على جورج ونستبعد كوهين..
والى بيحصل اليومين دول اكبر خطر على الوحدة الوطنية ويثير الفتن ومن الممكن ان يكون النهاية ....
كان فى حكاية حصلت امبارح ودى الى لفتت نظرى..
امبارح فى العصافرة ليا واحد قاريبى ساكن هناك كان بيتكلم فى الموبايل ومرة واحدة جت طوبة فى الموبايل يدوب خدشته واتضح ان الفاعل واحد من البلطجية الى عملوا الموضوع بتاع امبارح....المهم..(-على فكرة قريبى ده يعمل من كرم جابر 2-3-4 -) قريبى ده مسك البلطجى الى كان فى ايده سكينة ورزعه فى الحيطة وبوم يمين وبوم شمال الواد فرفر ورغم ان الموبايل اتخدش بس الا ان قاريبى ده صمم انه ياخد ثمنه من البلطجى تتخيلو يطلع من جيبه كام؟؟؟؟
(والله اكثر من 500 جنيه) ده ما يلفتش نظركم لحاجة؟... يا جماعة ياريت قبل ما نحكم عضلتنا نحكم عقلنا الاول.
أنامش عارف اقول ايه ؟
انتوا قولتوا كل حاجه تقريبا!!!
بس أنا عاوز أسال سؤال!!!
حنفضل كدا لحدأمتي, أمتي نفوق بقي ؟؟؟
اوعا الطاغوت ؟
وخلافة من تعليقات مشبوهة كتير جدا جوا الموقع دة ومواقع مشابهة
عاوز اقول للشباب مش بس مصر مستهدفة من اليهود والامريكان بنشر الخلاعة ياجماعة انتبهوا انتبهوا
نشر التشدد جوا البلد مقصود
هوا كدة اللة كارة مصر يخللى البلد نصها فسق ونصهاتشدد وبكدة كلة يضرب فى بعضة
عاوز اقول لكل كلب مش عاجبة اللى بيحصل فى البلد لو راجل اعلن عن نفسك وبدل تحريض انتا عاوز المصريين يقعوا فى بعض ودة فى احلامك وبس
اول حاجة بقدم التعازي لكل مسيحي في الاسكندرية اللي كتيير منهم صحابي وجيراني
تاني حاجة عايزة اقول ان الشخص اللي ارتكب الجريمة دي (محمود صلاح) هو فعلا مريض نفسي ومش معنى انه مريض نفسي انه مايعرفش يخطط لجريمة لان الناس اللي من النوع ده بيبقوا عباقرة بس المشكلة ان نتيجة القهر والمواقف الصعبة اللي بيقابلوها في حياتهم بيتحولوا لمرضى يسيطر عليهم فكرة معينة والأغرب من كده ان مرضهم ده بيظهر في وقت محدد كل فترة زمنية
اقصد اقول ان الجريمة دي جريمة شخصية مش جماعية وربنا يصبر اهل المتوفى والضحايا
تالت حاجة ماكنش فيه مظاهرات عند كنيسة 'مارجرجس' لأنهم كانوا عارفينه وعارفين انه مريض لأنه ساكن هناك
المظاهرات كانت عند كنيسة 'القديسين' اللي في ميامي وفي شارع 45 كمان
واخر حاجة عايزة اقولها ومهما قلت مش حقدر اوصفلكم الحالة اللي كنا عايشينها مش ممكن دي تكون مصر
لما تحس انك مش قادر تروح بيتك لما تشوف اتنين كانوا امبارح صحاب والنهارده بيضربوا في بعض لما تفتح بابك ولاول مرة تلاقي جارك مش عارف يبتسم في وشك
ساعتها عرفت انهم نجحوا ..
هما مين ..
معروفين طبعا..
نجحوا في ايه؟؟
نجحوا في انهم يفرقوا ما بينا طبعا بينفذوا مبدأ 'فرق تسد' المشكلة مش في الحادثة اللي حصلت
المشكلة الأخطر هي ان فيه يد خفية غرضها كله انها تستغل اي حاجة علشان تولع الموضوع على فكرة عايزة اقول شوية حاجات من واحدة عاشت قلب الاحداث
المظاهرة اللي طلعت يوم جنازة المتوفي لم تكن لها علاقة بالجنازة بدليل ان اهله لم يسيروا فيها
ان من طلع على هذه المظاهرة ليسوا إلا مجموعة من البلطجية (اللي بيكونوا مسلمين وقت اللزوم ومسيحيين وقت اللزوم وممكن يكونوا ملحدين وقت اللزوم) اما غرضهم وهدفهم فهو
اما مصالح شخصية مثل السرقة والنهب وسط المظاهرة
او يكونوا مأجورين لغرض غير شخصي وهو تنفيذ خطة( الايدي الخفية )في اشعال وتوليع الفتنة بين الناس
وكانت النتيجة 30 مصابا 2 متوفى وتدمير وتخريب محلات كثيرة وسيارات اكثر
ملحوظة اخطر ما في الموضوع انهم نجحوا في ان يشعلوها ...
والله اعلم متى وكيف سوف تطفأ وأخيرا ادعو الله الا أرى ما حدث مرة اخرى لانه احساس بشع
ادعو كل مصري أن يكون بعيد النظر وان يفكر معي ويبحث عن صاحب 'الايدي الخفية' التي تسقينا سم العداوة والفتنة دون ان ندري
فتاة اسكندرانية رأت الخراب بعينيها
ارى ان السبب الحقيقي لمثل هذه الفتن هي غياب الحريه فى كل المجالات و البركه طبعا فى ولاد 00000
بصوا بقا ... اللى مايعرفش يقول عدس
متخفش يل حبييب قلبى موش هيحصلك حاجة
المسحين والد متناكه
المسحين عيزين يتناكو وهم بيتعركو مع اى حد وهمه والدوسخة