شيخ مختل عقليا يحلل الزنا !!
بعد انتشار الفتاوى الغريبة التي تصدر كل يوم من أحد الشيوخ خرج علينا "شيخ" أقل ما يوصف به أنه مختل عقلياً حيث حلل عدم الصلاة ووصف الرئيس الأمريكي جورج بوش ورئيسي الوزراء الإسرائيلي آرييلشارون بالأنبياء، وفيفي عبده بأنها مرسلة من الله لأداء مهمة! ولكنه لم يذكر أي مهمة تلك .
واستنكر أعضاء مجلس الشعب المصري ما أدلى به شيخ أزهري يدعى عبد الصبور كاشف خلال حوار معه لجريدة "النبأ" المصرية الأسبوعية المصرية أنه يحلل الزنا وزنا المحارم، وأن منزله مفتوح لأي شاب وفتاة، مؤكدا أن هذا الأمر متعة شخصية.
ومن جانبه أكد النائب "السيد عسكر" أن هذا الشيخ مختل عقليا وهو موظف عادي غير مسندة إليه أي أعمال، وقال: "إن الأمر يقتضي اللجوء إلى الجهات القضائية لمحاكمة الجريدة التي نشرت هذا الكلام الخطير، خاصة أن صاحب هذا الكلام لن يكون مسئولا عن كلامه أمام القضاء لأنه مريض عقليا".
وبحسب صحيفة "الرأي العام" الكويتية، فقد أكد رئيس مجلس الشعب أحمد فتحي سرور أن ما تناوله هذا الشيخ أمر خطير، "وأننا نربأ أن يصدر هذا الكلام من شيخ ينتمي إلى الأزهر"، وقال إنه تصريح مناف لجميع القيم الدينية.
وأشار الدكتور سرور إلى أنه أرسل خطابا إلى شيخ الأزهر الدكتور محمد سيد طنطاوي للتحقق من صدور هذا الكلام من شيخ يتبع الأزهر الشريف، وقال: "إننا لا نريد إيقاظ الفتنة، فالفتنة نائمة لعن الله من أيقظها".
ولنا سؤال إذا كان ذك الشخص مختل عقليا فعلا لماذا بقي في موقعه الوظيفي حتى الآن ؟ وما قصد تلك الجريدة من نشر ذك الحوار الذي بالتأكيد يحمل خزعبلات مبالغ فيها بدرجة مستفزة؟وهل غدا ستنسب فتوى لأحد الاشخاص بأعتباره أزهري لأن الميكروباص اللي هو راكبة مر من أمام المدينة الجامعية لطالبات الازهر!!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
جميل يا محمود الموضوع وفكرته غريبة بس انت مش شايف معايا نسبيا ان نشر الموضوع ده بيدعو الى انك تزيد الاقاويل؟؟ يعني لما نلاقي واحد اهبل بيقول كلام اهبل بالكتير اوى نعمل نفسنا مش سامعين حاجة واذا كانت جريدة غلطت وعملت معاه حوار يبقى انا مقولش ان فيه حوار اتعمل مع اهبل .. مهو اصل الهبل كتير .. بس عامة لو كان الغرض الحقيقي من النشر هو اخذ الاحتياطات لفتاوي ابو فتوى السكرة ده .. فالله اعلم بالنيات
واضح جدا انه فيه اختلال عقلي اصيب بيه حضرة الشيخ ... بناء على جرثوووومه متناهية الصغر انتقلت له من ( بقره هبله)..
انا بس ليا تعقيب على الشيخ ..ال شيخ ااال (اياك تشخشخ ركبك يا اخي ).
بفى فوفا (فردة البلغه القديمه ).. (اي الحذاء)..مرسله من قبل الله عز وجل .. معقوله دي يا اسطى (مش واسعه دي عليك انت وهيا )..
هيا صحيح اول من ايتدع نظرية ان العمل عباده..اذن الرقص عباده .. وخرجت علينا بتصريح في منتهى العقل والحكمه لما قالت ان العمل عباده اذن الرقص عباده وانا (هي يعني)لما برقص ببقى في حالة ذكر لله.. واهي من ساعتها نازله عباده .. عباده ..عباده لحد ما وسطها اتخلع..
اهي دي فعلا اللي بينطبق عليها مقولة ...(رقاصه وبترقص)..
اعوذ بالله من دي بني ادمه (دي حيوانه لا عنها دين ولا اخلاق )..
واخيرا عم الشيخ ... راااااااابنا يشفي .
انا لله ونا اليه راجعون
حسبنا الله ونعم الوكيل فى هذه الصحيفه القذرة والمعروف عنها سمعتها الزبالة أصلا و انا شخصيا لا أعتقد بل متأكد انه لا يوجد شيخ من شيوخ الأزهر يقول ذلك وهو فغلا كل واحد معدى بالميكروباص امام جامعة الأزهر بقى شيخ ربنا يولع فى هذه الجريدة الزبالة بكل اللى فيها اللى بيقبلوا يأكلوا ولادهم من حرام
كلام فيرس صحيح وانا معاه ميه فى المية لأن ترويجنا للأخبار الهابطة دى هو اللى بيديلها صوت ويخلى الناس تسمع عنها
ثم ان جريدة النبأ دى معروفه ان هى هابطة وكل أخبارها هبله واللى بيشتريها هو اللى بيشجعهم انهم يستمروا فى هذا الطريق الخاطئ ودورنا ان احنا ندى ضهرنا للأحبار اللى من النوعية دى ونترك الججهات المختصة تتعامل معهم ثم الدور الأهم اننا ندعو لمقاطعة هذه الجريدة الفاحشة
على فكرة جريدة النبأ دى النقابة قفلتها قبل كدة أكتر من مرة وبتفح تانى إزاى وبتجيب ترخيص منين معرفش وآخر مرة غيروا الأسم قال يعنى جريدة تانية وسموها الأنباء تقريبا
والله الواحد مش عارف يقول ايه مت كتر الحاجات الى بتحصل دى والاخ فيروس يشكر على تعليقة وهوه حلو جدا والى يتعمل ف الشيخ ده يبقى اعدام مش اقل من كده اللى يحرف بالطريقة دى وللاسف فى مشكلة بتواجهنا فعلا اولا ان لازم نعلا اى حد ميعرفش الدين قال ايه بالكلام ده وف نفس الوقت مش عايزين ننشر الكلام ده هيه معادلة صعبة ويا ريت يا سويت بلاش تغلط ف الكلام وموضوعنا مكانش فيفى عبدو يا ريت تعلق ع الموضوع بتاعنا
هذه شخص مدعوم من الدول اليهودية ويرد تخريب الشريعة الأسلامية
ولسة ياما حنسمع ونشوف من بني البشر .. ربنا يرحمنا ويرفه عنا غضبه ، والرأي نعم الرأي للعضو Virus فعلا كان المفروض نتجاهل مثل هذ الخزعبلات والبدع لأنه بصورة وبأخرى تؤثر في نفوس الضعفاء من ناحية افيمان ويجد إبلس مدخلا لنفوسهم المريضة أو المعرضة للمرض من شبابنا والمراهقين .. مهم جدا نفلتر أذاننا ومسامعنا ونغربل الكلام والكتابات اللي طالعة من أفواهنا .. ربنا يستر وبهدب الجميع
فعلا الحمد لله ان في شباب زي اللي علقوا علي الموضوع ده في الموقع الجميل ده لان ده بيأكد ان الشباب لسه والحمد لله فيهم خير كتير من الجنسين فالحمد لله والحمد لله ان الراجل ده ( ال يعني الشيخ المهووس ) خلا الشباب فعلا يعلن رفضة وفطنته للألعيب دي ولولا الخطأ ما عرفنا الصواب وأنا طبعا مع اللي بيقول لازم مش ندي الموضوع اكبر من حجمة فالحمد لله ده واحد أهبل في جريدة اهبل منه لقراء اكثر هبلا وهبلا فلازم نعلي عن الصغائر دي ونتناقش في حاجة اكبر وافيد ولازم لو كانت دي يعني علي سبيل الموعظة يبقي نمر عليها سريعا لان مش هنفضل علي طول قدامها
وانا مع اللي طرح سؤال إزاي ده موجود في وظيفته -طالما انه مجنون - ده طبعاحاجة محزنة
إسلام
الشيخ ده عايز معالجه نفسيه الله يهديه ويهدي الجميع
ماهذا
انا قرأت فى جريدة الأهرام فى مصر ان هذا الشخص ليس شيخا فى الأزهر ولكنه موظف فقط واردت ان اعلمكم بهذا حتى لا نقع فى الخطا فى الشيوخ وشكرااااااااااا
متهيالى يا خماعه ان باجماع عيال المسلمين على راى الشيخ خالد الجندى(ربنا يستر علشان ناس كتير بتختلف معاه)لما قال تعليق عن الفتوى اللى قالها واحد مجنون بجواز كشف الشعر اثناء الصلاه
يا عشرينات الرحمه
و الله اكيد عارفين ان دا ميتصدقش
و لذا
الموضوع دا فشنك
بمعنى ان دا شخص مختل فمنعيدش كلامه ونعملها منتدى للرد عليه
أنا مع اللى بيقول ان مشممكن يكون ده واحد من رجال الازهر المفروض علين زى محنا بندافع عن سب النبى يبقى لابد أن نطالب بقفل هذه الجرية الزبالة ومنكررش الكلام ده كتير علشان ميخدش اكبر من حجمه
وا حصرتاه اى كان منصبه فهون مجنون مجنون يا00000
احنا فى زمن الناس العبيطه هى اللى بتفتى وتتحكم ملعون ابوكى يا000000
ازاى مش قادرين نوقف المهازل دى ولا مصالح ناس كبيره برضو فوقى يامصر
اصحاب العقول فرااااااااااحه
لانولو احنا اعطينا بالنا للكلام ده مش حانهتم بالقضايا المهمه زي سكوتنا على الحجاب في فرنسا ولا نسيتو شيخ الازهر قال ايه(حقهم حقهم حقهم)والله المستعان
انا لا ألوم الشخص المذكور بقدر ما ألوم الجريدة التي عقدت اللقاء معه ونشر تلك الترهات التي لا يقبلها العقل البشري السليم أيا كان توجهه ومعتقادته . كفانا من هذه الصحافة الرخيصة صحافة الرصيف ... لماذا لا يتطرقون الى المواضيع الهادفة لبناء امة صالحة مصلحة تتبوء مكانتها بين الامم الاخرى.
بالذمه ده موضوع يستاهل انكم تعلقوا عليه وتعملوا للراجل الاهبل ده اهميه
هي من قلة المواضيع يعني
اولا
دلوقتى بس عرفتوا ان الجريدة دى هابطة و قذرة وصفراء وتعتبر من صحافة بئر السلم
لكن لما ظهر موضوع الراهب ( قبل كدا) الملفق قلتم لا الجريدة دى رائدة الجريدة دى جريئة الجريدة دى حرة
ليه دايما يا اخونا نكيل بمكيالين احنا ( مسيحيين ومسلمين )
اخوات فى الوطن ولو انجرح اى طرف فى عقيدته اكيد هينجرح الطرف التانى كمان
الجريدة دى من قبل موضوع الشيخ المختل عقليا ده وموضوع الراهب الملفق ده معروفة بانها جريدة صفراء قذرة جنسية
لما تيجى تتكلم الجريدة دى عن السياسة بتتكلم عن فضائح السياسين الجنسية
ولما تيجى تتكلم عن الفن بتتكلم عن فضائح الممثلين الجنسية
ولما تيجى تتكلم عن الرياضة تتكلم عن فضائح اللاعيبه الجنسية
فطبيعى جدا لما تيجى تتكلم عن الدين تتكلم عن فضائح رجال الدين مع اضافة بعض اللمسات لاضفاء بعض الاثارة فى الموضوع
يا اخوتى المسلمين ياريت اللى لا نرضاها لانفسنا لا نرضاها لغيرنا ايضا هذا هو العدل والانصاف
وزى ما انا شفت فى بعض التعليقات الجميلة على الصفحة دى اللى بتقول ما معناها ( بديهيا جدا جدا ان الموضوع كذب اما الراجل ده مختل عقليا ) لان مستحيل دين عظيم ذو قيم وفضائل زى الاسلام يحلل الزنا
يبقى ياريت وده حقيقى نتبع نفس المعيار فى موضوع الراهب الملفق
ونتاكد انه تلفيق لان مستحيل الزنا تحصل فى بيت من بيوت الله زى ( دير درنكة ) ومن راهب وباسم دين عظيم وراقى زى الدين المسيحى
يا جماعة على الاقل ربنا مش هيسمح ان ده يحصل باسمه
اما بالنسبة لرائى المتواضع فى الشيخ فاكيد اما الموضوع كله كذب و تلفيق وفبركة من الجريدة
اما الموضوع فعلا حقيقى لكن الشيخ اكيد اكيد مختل عقليا
وبالنسبة لبعض التعليقات الغريبة على الصفحة دى اللى بتقول ان ( الشيخ ده مدسوس فى مصر من قبل اليهود والامريكان عشان يخرب مصر )
فانا بقوله هو مفيش حاجة ورا اليهود والامريكان غير اخراب العرب
واليهود والامريكان نايميين صاحيين صاحيين نايميين يدبروا مكائد ومصائب للعرب عشان خايفيين منهم
يا اخ او يا اخت ( انا مش فاكر كاتب التعليق) احنا كعرب فقدنا اهميتنا واعتباراتنا و كرامتنا عند الغرب من زمان اوى اوى اوى
والغرب بدا يوفر فلوسه اللى كان بيصرفها عشان يخرب مصر والعرب
لان العرب و مصر بغبائها وتعصبها و جهلها والفتنة عمالة تخرب فى نفسها بصورة اقوى واسرع مما كان عايزه الامريكان واليهود
ونبطل تشميع اخطائنا وفشلنا على الامريكان واليهود صدقونى يا جماعة والله العظيم احنا مش فى حسابات الامريكان و اليهود بالمرة
دلوقتى الامريكان و اليهود عندهم اخطار اقوى و اهم مننا دول تانية متعلمة و متسامحة و متماسكة عننا
زى ايران والهند والصين وكوريا الشمالية واليابان هى دى الدول اللى يتعملها حساب و يتخاف منها
اما احنا كفاية علينا غبائنا و جهلنا وتعصبنا عشان نمزق بعضنا البعض بدون ادنى مجهود من الامريكان و اليهود
واخيرا
1 موضوع الراهب المسيحى ملفق والشريط القذر اتصور فى شقة فى شبرا والراهب مرفوض من الدير من 1992 باعتراف الجريدة نفسها
2 موضوع الشيخ اما ملفق ومن خيال الجريدة الواسع القذر اما الراجل ده مختل عقليا اما اى حاجة غير انه يكون حقيقة
3 اى موضوع وكل موضوع بيتنشر فى الجريدة الهبلة دى صاحبة القراء الهبل زيها كذب واثارة وارتداد حضارى سريع وتدنى بالمستوى الصحفى فى مصر بل تشنيع و تشهير وتقبيح لمصر كلها
4 يكفى انى اقولكم ان فى 18 شخصية عامة مشهورة ما بين فنانين ولاعبيين ودبلوماسيين رافعين قضايا على الجريدة المتخلفة القذرة دى بيتهموها بالسب و التشهير و الكذب
تخيلوا 18 شخصية عامة ب 18 موضوع كاذب
يبقى فعلا فعلا فعلا احنا هبل لو صدقنا كلمة من الجريدة دى تانى
زكفاية ان رئيس تحرير الجريدة القذرة دى ( ممدوح مهران ) اتسجن اكتر من مرا يعنى رئيس تحريرها رد سجون
وشكرا و ياريت يا جماعة احنا كمسلمين ومسيحيين ناخى ونحب بعض تانى زى زمان
وشكرا و بااااااااى
دي ثوابت دينية يا جماعه مش لعبه و اللي بيقرا النبأ دي يبقا واحد بيركب ميكروباص او اتوبيس او قطر بدل ما يشتري لب و اجرنال ده معروف انه جرنال قذر ( مش اصفر ) و انا مع مينا ان نظية المؤامرة في خيالنا بس
و للعلم ممدوح مهران مات من زمان و شبع موت
انا مش هعلق بس حابب اخد الام اس ان بتاع مينا و اكرم اذا كان معندهومش مانع
sherif_elgalant@hotmail.com
حسبنا الله ونعم الوكيل
في اي شرع حلل الزنا
هل انت تريد الشهرة انى اشك كونك ازهري اساسا
من فضلكم يا جماعة و بجد و من غير هذار و للاهمية القصوى ومن غير مبالغة
روحوا شوفوا اللى بيحصل على صفحة (الاخوان x وحيد حامد = تار بايت ) هاتوا الصفحة دى من الارشيف بسرعة من فضلكم واقراؤا الموضوع والتعليقات و بالاخص اخر تعليقين
بتوقع انو الشيخ ماخد وجهة نضره عن شهوه وانو شيء جميل وطبيعي انو الولد يكون ماشي مع بنت ومفكرها تحضر لكنه ما بعرف انو شيء قبيح تطلع البنت من بيتها عذراء وترجع زانيه وتطلع شريفه وترجع غير شريفه مبن بقبل هاده الحكي لاخته او لامه اول لقريبته ما بعرف انو التحضر الحقيقي(مش التحضر الغربي)انو المجتمع يكون خالي من الامراض التي تنتج عن الزنى زي الايدز ما بعرف انو التحضر الحقيقي بالاخلاق الحسنه وخلو المجتمع من الفساد.وفي بلد اجنبي 50% من شعبه اولاد زنا
يا جماعة انا بس عندى تعليق مهم جدا
المفروض مانقولشى شيخ دا لاهو شيخ ولا اى حاجة دا اذا كان الموضوع دا اساسا صح لان المفروض دى جريدة صفراء و بس مش كده و وسخة كمان يعنى كل اللى بيقراها بيدور على حاجتين على حسب ما سمعت
1- الفضايح
2- الاخبار الهابطة
يعنى لما نحب نقرأ للأسف بنختار حاجات و سخة ياريت نقاطع الجريدة دى سواء مسلمين أو مسيحيين علشان الجريدة دى جابت اخبار عن قسيس قبل كده و ده برضو مايصحش و ادى النهاردة عن شيخ و الله اعلم بكرة على مين
يا ريت فعلا نبقى حريصين فى اخبارنا و فى كلامنا و فى اختيارنا علشان ده هو الصح
و حسبى الله و نعم الوكيل
اتمنا من وزارت الاوقاف في مصر وجميع العالم العربي ان يكون لكل دولة عدد من المتخصصين في امور الدين ويجعلو مصدر واحدللرد على اي سال في امور الدين لانا الصقة معدومة من وقت ما افتا احد شيوخ الازهرهدا الله بقلع الحجاب وهو قرض على المسلمين
اذا كان فى زماننا مثل هذا الشيخ فليرحمنا الله مما نحن فيه
يااااجماعة ارحمونا من الموضيع المقرفة وبصوا على الاعداء الى متر بصين لنا كل دول ناس خونة لاشعال الفتنة فى مصر وربنا يحفظها قولوا امييين
alert('XSS')
الله يكون في عون البشر اللى صدق الكلام ده لان فى ناس مابتصدق حاجه زى دى ياربارحمنا
حسبنا الله ونعم الوكيلفي كل شئ في مصر
انا لو فتحت في الكلام لا يسعني ان اكتب العديد والعديد من الكتب ولكن اكتفي بان اقول
الي متي سيظل شعبنا ساكت
بل افضل ان اقول ( نائم - اخرص )
انعدمنا دينينااصبحنا اكتر من بيروت في فضائحنا
العرب يجعلون من مصر منتجع من نوع خوص
اسمية منتجعا حنسيا يفرغون رغباتهم لجنسية في بناتنا باموالهم وبعلم واضح لجكومتنا كتر الله خيرهم بيقومو باللي عليهم وبيوفراهم جو ممتع
اكتفي بكدة
لاني زى ما قلت الكلام كتيييييييير
وربنا يطولنا في اعمار وزرائنا وحكوتمنا
قولو امين
يبقى الكلاااااااااام على مين
بسم الله الرحمن لرحيم
والصلاة والسلام على أشرف الخلق والمرسلين سيدنا محمد النبي الامى وعلى اله وصحبه أجمعين بالطبع هذا شئ مؤسف للغاية ان نجعل أصابعنا في اذاننا ولا نسمح لنا ان نسمع الذي يقولة المجانين والشيوخ الفاسقين والادهى من ذلك اننا عندما نسمع نصمت ولا نتكلم ولا حتى نعارض فهذا الشيخ ليس معتوه ولا مختل عقليا انما هو شيخ حائن يريد ان يشعل نار الفتنة والشهوات واباحة المحرمات وانا اعتقد اننا لن نستطيع فعل شئ وان الله وحده هو الذي سوف ينتقم منه لانها حدود الله عز وجل
والسلام عليكم ورحمة الله وركاته
معلشى بقى العيب مش على الاسمه شيخ العيب على البلد إلى مسكنهاشوية مشايخ منصر بيشجعوا الفساد لو بلدنا بلد مسلمة مش هيجرأ أى سفيه يتكلم فى كلام الله الذى نهى عن المحارم والكبائر
ولا حول ولا قوة الا بالله
وربنا لا تؤاخذنا بما فعل السفاء منا