فالنتين بيئة موت !

فالنتين بدون أغاني حب.. هذا هو حالنا هذا العام والأعوام السابقة.. فأقصى ما يمكن أن تتوقع أن تسمعه هذا اليوم هو أغنية "حب إيه" بصوت اللمبي !!

في القرن الماضي عندما أراد مثلاً الحليم حافظ ان يعلن حبه لمحبوبته، قال وهو في حيرة "أقول.. ما أقولشى.. أنا خايف أقول تغضب وتمشى وعذابى يطول بلاش أقولك حالى يدلك"، أما فى هذا القرن يقرر المطرب حسام الدين إعلان حبه بطريقة مختلفة جدا قائلاً "هعلقك يعنى هعلقك.. وبكرة هتكوني معايا.. هعلقك يعنى هعلقك.. أصل انتى جاية على هوايا"...

نفس المطرب عندما أراد ان يقول لحبيبته التى سبق وعلقها أنها مغرورة وطالعة فيها، قال: "ياللى انتى فاكرة نفسك ما فيش غيرك فى الكون.. لأ حاسبى وفوقى لنفسك وكفاية غرور وجنون.. ياللى انتى غرك جمالك وسايقة بحسنك دلالك.. كلمة منى بقولهالك.. وعد وعليكي انكتب.. هعلمك الأدب"...

عندما أراد العندليب من أكثر من 45 عاما أن يوصل نفس الرسالة لحبيبته قال: "مغرور حبيبى كتير عايز أكلمه.. عايز أقوله كلام يهديه ويفهمه مرضيش يسمعنى.. مغرور...مرضيش يفهمنى مغرور.. حسيبه للأيام وهى تعلمه"..

وزمان أيضاً عندما أرادت شادية أن تجعل جارها يحدد موقفه منها قالت "مين قال لك تسكن في حارتنا تشغلنا وتقل راحتنا، يا تشوفلك حل فى حكايتنا يا تعزل وتسيب حتتنا"، أما حالياً فقالت بوسى سمير "حط النقط على الحروف قبل ما نطلع سوى على الروف.. خد وقتك وبراحتك تعجبنى أنزحتك"

جميل جمال

"جميل جمال مالوش مثال ولا فى الخيال صدق اللى قال.. زى الغزال" ده لو حبيت تعمل زى فريد الأطرش وتوصف اللى بتحبه، أما لو عايز تقول زى بوسى سمير فى وصف الحبيب فقل "مكنتش اعرف ان انت كدة مغنواتى ومثبتاتى.. وشقي شقاوة بالشكل ده . لا عمرى شوفت ولا يوم قابلت فى حياتى زيك انت".

لو زعلان من حبيبك وعايز تواسى نفسك ممكن تقول زى عبد الحليم حافظ: "موعود معايا بالعذاب موعود يا قلبى موعود ودايماً بالجراح موعود يا قلبى ولا بتهدأ ولا بترتاح فى يوم يا قلبى" بس حاليا لا يجبرك أحد على حفظ تلك الأغنية الطويلة التي غناها حليم سنة 1970، يمكن بسهولة أن تحفظ أغنية أخرى لريكو غناها في 2004 وقال فيها "طهقان زهقان مضايق مجروح مدبوح مش فايق انا ايه اللي رمانى الرمية دى.. خنقتني وسدت نفسي ده أنا كنت مدلع نفسى".

ولو عايز تصالح المحبوب على طريقة فريد الأطرش فقول "أشتقتلك أشتقتلك سلام بالروح بعتلك " او تقول زى عبد الحليم "صافينى مرة وجافينى مرة ولا تنسانيش كدة بالمرة" دة لو أنت واقع في الغرام أوي.. لكن بلغة الألفية التالتة تقدر تطلب الصلح بكرامتك زى بهاء سلطان لما قال "عشان أصالحك وارضى عليك حاجات كتير لازم تعملها ، عشان أسامحك وأرضي عينيك حاجات كتير ودي أولها.. قوم أقف وأنت بتكلمنى"...

المهم يا سيدي.. ما نريد أن نسألك عنه هو ماذا ستسمع هذا العام في عيد الحب ؟! وقبل أن تجيب.. اسمع معنا هذه الباقة "إذا جازت التسمية" من أغاني زمان.. والآن.. وربنا يكون في عونك...

حب إيه بصوت اللمبي

طهقان زهقان

قوم أقف وانت بتكلمني

مغرور

مين قال لك تسكن في حارتنا

جميل جمال