أنت..خاص رويترز !!
أخبارك الشخصية التي تبدأ منذ أن تفتح عينيك وحتى تغلقها؛ بنطلونك الحروق نتيجة سرحانك أثناء كيك له، والجيب التي وجدتيها بالغسالة وكنت تنوين ارتدائها، مرورا بأخبار عيد ميلاد أصحابك وفرح بنت ابن عمك ووفاة جدك، ورسوبك في مادة المحاسبة، واعتقال الولد بتاع التيار الإسلامي لأنه كان بقوم بتوزيع منشورات في المدرج..!
تخيل معي ماذا لو قامت رويترز بالتعاقد معك لنشر هذه الأخبار الثرية وأصبحت أحد مراسلي الوكاله الجدد..وكل المطلوب منك هو إمدادهم بأخبار حضرتك الشخصية..!!!.
فهل ستنقل أخبارك بالتفصيل الممل وستتحرى الدقة والأمانة، أم ستقوم بفبركة بعض الإخبار لعمل ضجة، أو ربما تصنع بعضها..فتتزوج مخصوص من أجل نشر خبر زواج سموك على الوكالات..!
و ماذا لو استضفت نفسك في حوار صحفي..؟؟ ماذا ستكون أسئلتك..وكيف ستكون إجابتك...فهل ستتعدى الخطوط الحمراء...وتحرج نفسك..وتزنقها بالأسئلة..ثم تصرح أن الحوار ملفق وأن الصحفي – اللي هوا أنت- لم يتحرى الأمانة!!
ربما ستقوم بإرسال خبر الخناقة التي وقعت بين والدتك وجارتكم في الشقة أسفلكم بسبب قطرات الماء الذي ينزل عليهم من حمامكم ، بجانب تقرير حفلة عيد ميلاد صاحبك الانتيم وصورتك وأنت تعطيه الهدية، أم سترسل تقرير عن تطورات أوضاع العلاقة بينك وبين والدك متضمنا قاموس الشتائم لكي تذاكر.
هذا بجانب أخبارك منذ ذهابك للجامعة والمظاهرات والورق اللي بيتوزع فيها، والبيان الذي خرجوا به، وصورتك بعد في حفلة نهاية النشاط الجامعي وتكريمك كرئيس للاتحاد الذي حصلت عليه بالتزكية.
هل فكرت في عواقب عملك بالوكالة..- غير انك هتقبض – فربما تخسر الكثير من الناس لأنك باختصار شديد فضحتهم بحكم المهنة..!!
أو ربما لو كنت منهم ..سيرسل لك أمن الدولة جواب شكر على حسن تعاونك معهم..!!
باختصار..ماذا لو كنت أنت خاص رويترز..!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
*انتهت سارة من امتحانات السنة الثانية بكلية الهندسة..نطلب من الشعب انه يدعيلها.
المزيد في الاخبار قريبا...!
اولا انا هكون خاص بس للبي بي سي, مش عارف السبب صراحة , بس حاسس اني هكون "مستريح" معاها , وخصوصا اني بحبها اوى, وناوى اتجوزها لما اخلص دراسة......ز آسف الامر اختلط عليا بينها وبين شخص عزيز عليا....!! المهم
حاجة جميلة انك تكون مشهور, والأجمل ان يكون سبب الشهرة جميل ويستاهل , يعني مش عايز اكون مشهور عشان قضية اختلاس ولا حاجة تانية, بس في مشكلة تانية, في لابلد دي اللي هيبقى مشهور عشان بيحب بلده, تاني يوم هيكون في برنامج خلف الأسوار بأي تهمة, حتى ولو كانت خطف "العيال"
وكمان انا محبش ان حياتي تكون كتاب مفتوح الكل يقراه, كلما زادت مساحة خصوصياتي, كلما ازدادات متعتي في الحياة
وأنا حقيقة لن أقبل بأمثالكم ان يشاهدوا "بعضي" يعرض أمامهم
احنا كنا بنقول ايه ؟!
الي الاخوة الاعذاء المحلوبين....
قررت انا بسلامتي هووووبه الاروبه التكرم والعمل لدي نفسي حشغل مسلسل ساره 25 ساعه محدش يسالني اذاي , وخاصه الاغني
ه,وكل حلقات الكارتون وخاصه ليون كينج
ممكن اتبرع للقناه مش فاكره اسمها..
واطلب تشغيل برنامج خلف الاسوارررر واول حلقه تتسجل مع المدونون
" امنيه حياتي بجد"...
اعمل حوار مع مدحت شللي وكل شويه اقطعه واقوله "يانهار ابيض..يانهار ابيض "
واعمل حوار مع مبيد فوري وازنقه في الحمام واغتت عليه واساله
انت ليه نسيت .... .
اعمل حوار مع نوال بنت امها و اهديها ضبغه شعر.
بس عايزه ابقي ضيفه في برامج اممممم ممكن " افتح قلبك بس لعشرينات "
انا من هزا المنبر بقول يتك الششلل يانوفا وبعتلك جواب ابقي
افتحيه ياختي .
اممم التحف بتوع الموقع بطلو حرب الكلام بقي انتو مش قدي ....
دوفي النهايه بقول لكل شاب وكل فتاه متاخزونيش لو خبطت في الحللل
او جرحت حد يعني من الاخر لامؤاخزه علي راي الشمحطجي.
بقي انا الصراحة معجبة بطولة لسانك اوي انت ونوفا ودة متفكريش تريقة و لا غلاسة لا اصل انا كمان لساني طويل بس مش مشكلةالمهم لو تحبي تبعتيلي دة الايميل بتاعي maynour03@yahoo
عارفه يا حاجه ميوزه انا والبت نوفا ما تكلمناش ولامره اون لاين مع اننا عشره موقع تقريبا 6 اشهر
ولسه مفتحتش الماسنجر " توقيت جرنتش يمكن " متعرفيش " مش عايزه تنزل الياهو ماسنجر .... بس الحاجه الحلوه اللي عملتيها انك عملتي علي الياهوووووو
علي العموم اميلي اهو عشان محدش يجي يقولي هو فين هو فين هو فين
sabarh_egy@yahoo.com
وانا مش صبارة
حكاية الاخبار الشخصيه وماما والجيران وكمان صحباتى اه ممكن اقول ده كله بس هابقى فى حماية مين ؟؟
مهما اكيد هيضربوا واقل حد فيهم هيسمعنى من المنقى ..
لأ يا عم خلينا كده بلا فضايح
وخصوصا لما تبقى الاخبار شخصيه
تفتكرو لو بنت ممكن تقول النهارده رحت الجامعه وشفت طالب اول مره اقابله كنت متاخره بس طلع جنتى خالص وقعدنى جنبه اتعرفت عليه يا ختى عليه زى العسل ...وحاجات تانيه كده
اللى هتقول كده مش هتبقى رويتر دى عاطف لا عواطف
ولا تخيلو لو واحد مثلا قال انه جاب تى شيرت كات بس روش طحن حب يلبسه بس حس ان شكله هيبقى مش اللى هو علشان الشعر اللى تحت ايده يعنى وراح قال بقى هو هيعمل ايه.. ياى
لا اخبار شخصيه ممنوع
بلاش دى هتبقى فضايح وبجاحه وعيب عيب عيب يعنى
ولا في المحاضره افضل ابص علي البنات عشان لما اروح اتخيل عليهم
امتي اتجوز بقي انا خلاص جبت اخري
ليه ديما عندنا فضول قاتل بمعرفة كل مل يخص الاخرين
انا رأي انه كل واحد يهتم بنفسه اولي
كل واحد ليه حياه واحدة خاصة به هيعشها ليه يشغل نفسه بغيرها ويضيع وقته بمعرفة تفاصيل لن تفيده في شيء