الهروب الكبير .. فيلم الفساد المعتاد !
انتشر بسرعة البرق خبر غير أكيد عن سفر صاحب العبارة المنكوبة ممدوح إسماعيل إلى باريس، وعلى الفور استعادت جميع الأطراف أحداث مسلسل الهروب الكبير الذي اعتاده المصريين عقب فضح احدهم من المسئولين الكبار ورجال الأعمال المنوطين بنهضة مصر وسحق أهلها.
في شوارع باريس
ففي وقت يلهث فيه الجميع ما بين أخبار انتشال أشلاء الغرقى أو ضياعها وبين أرقام تعويضات متضاربة تسمح الحكومة بسفر ممدوح إسماعيل إلى باريس ضاربة بعرض الحائط بكل ما استنزفته الجرائد من أوراق تعدد بها مسئولية الرجل عن الحادث البشع وعن غيرها من الممارسات غير المشروعة في مجال النقل البحري.
وتتعدد الشواهد التي تقول أننا وبنسبة 90% أمام حالة هروب وليس مجرد سفر، أولها بالطبع أن يأتي قرار السفر قبيل يوم من انعقاد لجنة تقصى الحقائق البرلمانية المنبثقة عن مجلس الشورى برئاسة الدكتور حمدي الطحان، والتي من المفترض لها مناقشة ما حدث ورفع مذكرة عاجلة للقضاء حول الأطراف التي تتحمل مسئولية الحادث.
كما أن هذا التواجد المكثف لمحامى الشركة فريد الديب وخاصة في ملف التعويضات وقيام مكتبه بدفع مبالغ زهيدة لا تخضع لأحكام لأهالي المنكوبين، يؤكد أن الرجل قرر الابتعاد عن الصورة وألا يظهر حتى ولو كان في دور الدفاع، وهذا ما حدث في جلسة أولية لمجلس الشورى (وهو للأسف عضو معين به) عقدت خصيصاً للاستماع لشهادة الرجل حول الحادث.
ولمعرفتهم الأصيلة عن غيرهم بمجريات الأمور، قام العاملين بشركة السلام للنقل البحري بعد سفر ممدوح إسماعيل صاحب الشركة بالتظاهر أمام مقر الشركة مطالبين بحقوقهم المالية ومرتباتهم الشهرية خوفاً من تعسر السداد، وتردد بين العاملين بالشركة أن ممدوح غادر مصر في سريه تامة عبر مطار القاهرة وبعلم الجهات المختصة التي قامت برفع اسمه من قائمه الممنوعين من السفر، وأن إسماعيل سيقوم بالهرب من فرنسا إلي أي بلد أجنبي لحين انتهاء الأزمة وربما سيقوم بتحويل كل أمواله وممتلكاته للخارج.
خارج المطار
من ناحية أخرى عقد الدكتور أحمد فتحي سرور رئيس مجلس الشعب اجتماعا أمس مع أعضاء لجنة تقصي الحقائق المذكورة برئاسة حمدي الطحان لاستعراض نتائج عمل اللجنة حتى الآن والخطوات التي اتخذتها والرد على بعض الاستفسارات القانونية.
وأكد الدكتور سرور، ردا على استفسارات أعضاء اللجنة بشأن إحاطة وإبلاغ النائب العام بعدد من الحقائق والمعلومات التي تجمعت لدي اللجنة حتى الآن، أن من حق اللجنة تقديم هذه المعلومات وإبلاغها للنائب العام إذا كانت تفيد التحقيق النهائي.
وحين انحرف الحديث لطلب بعض الأعضاء رفع الحصانة البرلمانية عن مالك العبارة في ضوء ما كشف عنه تقرير الرقابة الإدارية من مخالفات ارتكبها صاحب العبارة ، ثار الدكتور سرور وقال أن هذا الطلب من حق النيابة العامة فقط وليس من سلطة لجنة تقصي الحقائق.
ولم يرد بالطبع على أسئلة ممنوعة تقول اى قانون سمح لهذا الرجل بالسفر ولماذا لم يخضع لقوائم مباحث امن الدولة الغير مشروعة للممنوعين من السفر والتي تضم ما لا يقل عن 12 ألف مواطن مصري، ولماذا لم توفر علينا الجهات الرقابية هذا العناء وتقوم بتحرياتها عن الرجل قبل أن تمنحه الحصانة المطاطة وتجعله عضو معين بمجلس شورى هذا البلد.
لم يرد السيد الرئيس على اى من تلك الأسئلة الممنوعة، واكتفى بطلب تصويت ضد الاتهامات التي وجهها كمال احمد زعيم المستقلين إلى وزير النقل محمد منصور من مضبطة الجلسة والتي اتهمه فيها بالفساد، واستيراد أغذية فاسدة قبل توليه الوزارة وتورط الهارب في قضايا أخرى سابقة لم يتم الكشف عنها حينها، انتهى التصويت بالطبع لصالح حذف الفقرة من المضبطة و قال الدكتور أن تلك الاتهامات تقع خارج نطاق اهتمام وعمل اللجنة ولا يجوز الآن مناقشتها.
حقائق غير أخيرة
وبرغم خطورة فكرة الفرار وثقل سماعها خاصة على اهالى الغرقى، فالمشهد يحمل ما هو أبشع بشكل جعل الكثيرين يؤمنوا أن هذه الحكومة ليس مجرد ديكتاتورية فاسدة ولكنها أيضا لا تحسن تمرير جرائمها وتزيد الموقف اشتعالا في سذاجة.
فقد شهد اجتماع لجنة التقصي مناقشات حول ما نشر بشأن قرار تشغيل عبارات شركة السلام مرة أخري على خط سفاجا – ضبا وموقف لجنة تقصي الحقائق تجاه هذه الإجراءات وأيضا موقف هيئة التفتيش الملاحي على العبارة.
وطالب عدد من النواب استجواب وزير النقل محمد منصور وسؤاله عن المبرر المنطقي الذي دفعه وفى هذا التوقيت الصعب للموافقة على عودة عبارات الشركة للعمل، وانطلاق أخرى اسمها ميجادور على نفس الخط الملاحي وتحمل نفس رائحة الموت بالطبع.
كما يبقى ملف التعويضات فرصة كبرى لمزيد من التضليل وإضاعة الحقوق، فإلي الآن ورغم التصريحات المتتالية البراقة من كافة الجوانب لم تأخذ الحكومة موقف رادع أمام قيمة التعويضات التي من المفترض أن تدفعها الشركة الناقلة للمنكوبين، ولم تتخذ خطوة من شأنها الحرمان المؤقت للشركة المدانة شعبياً من اى فوائد تعود عليها من وثيقة التأمين (التي كانت تدفع اشتراكها السنوي من إضافة رسوم زائدة على تذاكر المسافرين).
لأنه وكما تشير التحليلات يواجه الأهالي عملية نصب وفقاً لها يحصل الاهالى على مبالغ زهيدة من مكتب المحاماة ويوقعوا على أوراق تجعل من حق الشركة والمكتب تقاسم أموال طائلة تلتزم شركة التأمين بدفعها عن كل غريق ومصاب وعن جسم العبارة.
ومن ناحية أخرى شن عدد من أعضاء لجنة التقصي حملة على الإدارة المركزية للضمان الاجتماعي التي تتذبذب تصريحاتها بشكل تثير القلق خاصة فيما يتعلق بشأن التبرعات التي حصلت عليها الحكومة من موظفي الوزارات ورجال الأعمال تأكيد رجال اللجنة انه لا يجوز صرف التعويضات من أموال التبرعات وضرورة الفصل بينهم ووجود جهة رقابية تحدد مصير تلك الأموال المجمعة وشبيهاتها السابقة في أحداث القطر وحريق بني سويف.
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
اللي بتتكلموا عليه دا( ميني حرامي ) لسه في اولى حضانه(kg1).
فيها ايه يعني لما( بسلامته ولافخامته )يشتري عربيه( بربع ارنب )بحاله(( يا ناس يا شر كفايه قر)).
ييجي ايه دا جنب (فرقه الجوع الكافر) اللي كلت اقتصاد البلد البلد وملوا بيه كروشهم.
ييجي ايه دا جنب الناس اللي عماله تبيع في شركات القطاع العام لما خلاص قربنا نبقى (يامولايا كما خلقتني) وشردوا ملايين العمال واسرؤهم.
واهم لسه عارضين عمر افندي للبيع اهه ومن وراها بن زايون (لمن لايعلم بن زايون معناها الاصلي ...ابن صهيون ) اللي اسسها هما اليهود هي وصيدناوي وشيكوريل وهانو كلها اصحابها الاصليين يهود لكن اتاخدت منهم واتاممت ...وما حدش عارف مصير العمال اللي فيهم ايه دلوقتي بعد مايتباعم .
يا جماعه لازم ناخد بالنا ان اللي في مصر دا شغل كبير قوي ماشي من تحت الترابيزه.
اهو دا الموضوع اللي يستاهل العياط بجد ...اقله الواحد يعيط بنفس .
الااااااااهي ربنا ينتقم منك يا مبارك انت وحاشيتك الحراميه وخصوصا وزير الاقتصاد اللي قرعته معقداه...و كل ما يتسال عن الموارد الاقتصاديه..يقول(غزاره في الانتاج وسوء في التوزيع).
وحرق اعصابنا بالكلام عن السلم الوظيفي واولويات التعيين وانه في اكتفاء ومش محتاجين تعيينات جديده.
يعني ولحد زي خطيبي دا وملايين غيره لما يخلصوا يورحوا فين ....... يسرحوا ببطاطا .. ولا يطفشوا ويسيبوا البلد؟....
ال سلم وظيفي اااااااااال (ربنا ينقم منه زي ما كسر السلم ... لملم .. لملم).
معلش من غيظي نسيت ودخلت ع المسرحيه.
اعمل ايه... بدال ما اخش الخانكه بدري..
اولا ايه اللي جاب تعليقي اللي فوق دا هنا ......!!!
انا كنت كاتباه في موضزع( فخامته بيشتري عربيه بربع مليون ).
لكن ياللا ماعلينا .... زيادة الخير خيرين.
اما بالنسبه لتعليقي ع الموضزع دا...(الهروب الكبير... فيلم الفساد المعتاد)انا قلت الحق اكتبه قبل ما يغير اقامته ويروح حته تانيه.
بالنسبه لهروب الحرامي صاحب العباره فدا شيئ متوقع وانا مش مستغربه انه يحصل (بل كنت بستعجب هو اتاخر ليه )... ااااه ما هو تلاقيهم كانو بيظبطوله اوراقه عشان يعرف(يفلسع).
ودا شيئ مش مستبعد ابدا عن حكومتنا المصونه ((اللي اقسمت براس جدهاالكبير (((سلطح بابا ))) انها بعون الله وتوفيقه هتخربها وتقعد على تلها .
اه يا حراميه يانور ...(انتوا كلكوا حلينا ولا اييييييه).
يا جماعة انتو مزعلين نفسكو ليه
مفيش فايدة
ده حصل امبارح والنهاردة وهيحصل بكرة
كاننا بنعيد نفس شريط الفيلم
صدقوني مفيش فايدة
سيبوا نفسكوا للتيار عشان ترتاحوا
وسلام
Dabdoob
راحة ايه يا عم دي تبقا راحه ابدية
الثورة هي الحل ( شارع الثورة طبعا )
ياناس يا عالم كفايه احباط بقى .
ما هو دا اللي جايبنا ورا ....
لو كل الشباب زيك كده يا دبدوب نبقى خلاص في الباي باي وعلى راي بتوع الخليج(الله بالخير )وبالعجليزي (gone with the wind).
الله يخليك اديها سنة تفاؤل عشان تعرف تعيش .
واخيرا لشلتنا اللي لسه مش لاقيين لها اسم:
حد يكلم الكابتن دا ويعقله شويه .
اكرم :
افقعه قصيدة يمكن تفوقه من الاحباط دا.
هبهوب :
بركاتك يا حاجه (سمعينا صوتك يا ختي ).
خللوا الكابتن دا يبطل احباط قبل ما اعيط .((كفايه خطيبي )).
واخيرا سلامي( لعمو بقى مش خالو) اللي قاعد في دبي من 3 سنين وحالف( براس جدي )ماهو راجع (نظام احباط برده )الا لما اللي قاعدين على تلها ينكشحم.
وحشتني يا عمو ارجع بقى .... اهئ..هئ هئ.
ياجماعه دا شىء احنا اتعودنا علية الشعب المصرى مالوش تمن عند الناس دى العبارة القطر البنوك اى حاجة خلاص احنا اتسرقنا من زمان . ضحايا العبارة كلهم عمال رايحين يشتغلو عند ناس احنا احسن منهم مليون مرة بس عشان بلدهم مش موفرة ليهم شغل راحو يشتغلو عشان كل واحد جواه امل بسيط انو يبنى بيت ويتجوز ابسط الحقوق لاى شخص دا قهر وظلم . وعلى فكرة انا سمعت انهم قالو ان سبب الغرق ان العبارة مصابة بفصام فى الشخصية مجنونة يعنى زى جريمة بنى مزار ههههههههههههههههههههه بجد حكومتنا ممتازة بتعرف تخلص نفسها بسرعه بس على مين . وعموما قالها سعد زغلول مفييييييييييييييييييييييييش فايده . سعد سعد يحيا سعد. طولت عليكم معلش انا هروح انام بقة زى اخواتى المصريين اصل احنا معندناش غير الكلام . لو حصل حاجة تانية ياريت حد يبقى يصحينى اتكلم وارجع انام تانى .
بس بقى يا اكرم
قلتلنا قبل كده على الثوره و قلنا اخنا معاك و طلع الكلام على فشوش
بس و لا يهمط عيش نمله تاكل سكر
المهم
لاكرم و لكل العشريناتيه
و اللى مشافش القاهره اليوم امبارح
شركه سياحه محترمه مطلعه ورق بتوزعه على الناس عن عمره المولد النبوى على عبارات السلام
هما فاكريننا ايه
مين المجنون اللى ممكن يطلع فى عبارات السلام يعنى مهم لايبقى مجنون لا مجنون
و الله على راى عمرو اديب دا بيفكرنا بنكته الغبى اللى سال عن الريان قالوله دا ف السجن فراح حط الفلوس معاه ف السجن
صحيح اللى اختشو ماتو
و لا على راى استاذنا احمد رجب صاحب الفهامه لازم كلنا كمصريين نلبس طراطير
بس اكتر من كدا يا ربى
الرحمه يا ناس
عزيزى المواطن ..إسترخى وخد راحتك على الآخر واستعد للخازوق القادم من شلة الفساد التى تحكم مصر .. فى هذا الوقت كل مواطن مؤهل لأنه يكون واحد من ضحايا الفساد العائم على وجه الوطن .. فساد أبطاله هم المواطنين المسفوح دمهم على هذه الغابة المسماة (مصر) أما مخرج هذا الفيلم الكبير فهو واحد أحنا عارفينه كويس .. مشم هم أسامى مساعدى المخرج لأنهم من فيلم لآخر بيتغيروا حسب الحاجة ليهم ، يعنى اللى يفكر انه يعدل على السيد المخرج ، يا حسرة أمه عليه هيركب الصاروخ . المهم عشان ماأطولش عليكم الفيلم ده بقاله 25 سنة شغال وممكن يفضل 25 سنة كمان، طبعاً الوجوه هتتغير بس اللى مش هيتغير طبعاً هو المخرج الكبير اللى الدنيا كلها ماشية حسب توجيهات سيادته.. أسيبك بقى عزيزى المواطن تتفرج على الفيلم الكبير واللى هيكسر الدنياالفيلم اللى المخرج بتاعه حاصل على جوائز الدنيا كلها فى تعذيب أبطاله وتكسير عظامهم ... اسيبك بقى تعيش مع فسلم (( الخازووووووووووووق ))
تحذير : هذا الفيلم واقعى جداً لذا عزيزى المشاهد ما تستغربش لما تحس فى نهاية كل مشهد أن فى حد بيظرفك على قفاك و بوخزة فى مؤخرة حضرتك .... آآآآآآآآآآآآآآآآآه