عمل المرأة واجب صحي
أوضح العلماء أن جمع المرأة بين عملها وكونها زوجة أو لها شريك حياة وأطفال قد يساعد على تمتعها بصحة جيدة، رغم اختلاف الكثير من الرجال علي خروج المرأة للعمل وخاصة في حالة وجود أولاد.
فبعد تحليل بيانات من دراسة تتبعت صحة مواطنات بريطانيات ولدن عام 1946 اكتشف العلماء أن النساء اللاتي لعبن أدوارا متعددة في الحياة انخفض لديهم خطر المعاناة من مشاكل صحية أو مشاكل بدانة حتي سن الرابعة والخمسين بالمقارنة بربات المنازل أو الأمهات اللائي يعيشن دون شريك حياة أو دون أطفال، كما أوضحت - university collage بلندن وكأن النساء تصبح صحتهن أفضل نسبيا كنتيجة للجمع بين العمل وحياة الأسرة.
مقياس كتلة الجسم
وقالت ماكون في الدراسة التي نشرت في دورية علم الأوبئة وصحة المجتمع أنها وفريقها قاموا بتحليل بيانات صحية قدمتها أكثر من ألفي امرأة يتراوح عمرهن من السادسة والعشرين إلى الرابعة والخمسين وكذلك مؤشر قياس كتلة الجسم وهو مقياس للبدانة، وشمل التحليل أيضا بيانات بشأن حالتهن الزوجية وتاريخهن في العمل وإنجاب الأطفال.
واكتشف الباحثون أن النساء اللائي كن ربات منزل في معظم أوقات حياتهن كن أكثر عرضة للمعاناة من مشاكل صحية، وجاء في المرتبة الثانية الأمهات اللائي يعشن بلا شريك حياة والنساء اللائي لم ينجبن، حيث كانت ربات المنازل أكثر عرضة لزيادة الوزن بنسبة 38 % بينما كان المعدل في أدنى درجاته لدى النساء العاملات والزوجات والأمهات.
وتعتبر هذه الدراسة أول واحدة توضح الاتجاه الذي يجب أن نسير فيه، لوجود فوائد صحية على المدى البعيد وتفعيل المشاركة في جميع المجالات في المجتمع."
وأوضحت ماكمون أن المعروف منذ فترة أن جمع المرأة بين العمل والأمومة ورفيق الحياة يؤدي إلى تمتعها بصحة أفضل ولكن لم يكن معروفا ما إذا كان الجمع بين العمل وإنجاب الأطفال سببه تمتع النساء بصحة جيدة أم أن الجمع بين العمل والأطفال هو سبب التمتع بصحة جيدة.
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
يبقى صحى ايه كفايه كل الشباب والبنات دول اللى ولا لقيين ظبط ولا ربط مبقاش فيه الام اللى تكلم بنتها وتنصح ابنها
يبقى صحى فين
وياريتها بتبقى شاطره فى بيتها ولا بتخدم جوزها يا بشر انا باتكلم على الاغلبيه اللى موجوده
ولو على اروزن الزياده المصريين هما كده مليانين حتى الموظفات
ومعتقدش انهم بقى يهمهم التخن ده تلاقيه عاجبهم
الكلام ده عند الخواجات لكن عندنا مينفعش
يا عم خلو الستات فى بيوتها يمكن الجيل اللى يلاقى امه فى البيت يطلع احسن من اللى احنا فيه دلوقتى
اللهم اهدنا الى ما تحبه وترضاه
الاكتر من كده ان الدراسات والتحاليل الطبيه والتربوية اثبتت حاجات تانيه
1- ان الملابس الضيقه للمراة اكثر ملاءمة لطبيعتها الفسيولو جيه والسيكلوجيه وكل ما اخر (جيه).
2-ان البنت لازم يكون ليها صديق والا اصبحت معقده ومكلكعة وفقريه.
3-الولد اللي ميعاكسش اكيد نفسيته هتتععب لازم يعاكس عشان يحس بنفسه ويكبر على انه قادر على تحقيق ذاته
شفتو الدراسات والتحاليل الطبيه والنفسيه والمؤتمرات بتثبت ايه
لا وايه كمان اي حاجه عايزين نثبتها ممكن نعمل قعدة عرب ونجيب كريب ناكل ونثبت وتبقى الدراسات اثبتت كده
ها حد عايز ييجي نثبتلنا حاجه احنا كمان واهي تبقى دراسه ومؤتمر وتحاليل طبيه
لا للتمديد...لا للتوريث...نعم لتعديل الدستور
احب اشكر موقع عشلاينات وتحديدا نشرة 9
لانها بصراحه وصلتلي رسالهل BoBa
وصلتك الرساله با بوبا ، تقولي المرأه مكانها في البيت ، اقولك لأا يا خويا ، مكانها في البيت و الشغل والمظاهرات و الجامعهو الجمعيات الخيريه و الحرب لو محتاجاها....
تقولي لأا يا سيدي بس انا بخاف عليها وبحبها وكلام بتاع الحبيبه ده ، اقولك ما هوا اي واحد بيحب شريكته في حياته ، بس موش معني انه بيحبها انه يحتكرها لنفسه و مجتمعها يروح في ستين ........
لأا المرأه ايام الرسول (ص) شاركت معه في الغزوات
والمرأه شاركت في ثورة 1919 ، موش واحده تقولي لما قلتلها تنزل مظاهرة الخميس اللي فات ، تقولي انا هخليني في الشغل ، لأا فوووووقوا يا نبات حوا...
لازم ترجعوا من جديد ن بس الاهم انكم ترجعوا صح ..........
وموش هوصيكي يا (.....) علي BoBa
اللي عايز يناقش بخصوص ان المراة الاصل انها تكون في البيت يجيلي
مش بقول انها تتحبس ومتخرجش ابدا لا تخرج وتروح وتيجي وتشتغل لو شغلها مفيد ومش بيبهدلها ومش على حساب بيتها
محدش يقول المظاهرات مظاهرات ايه اللي البنات يروحوها ولما تتشد ولا يحلصها حاجه كده ولا كده
ايه الكلام الغريب ده
هما النساء كانوا بيحاربوا ولا بيضمدوا الجرحي
كانوا بينزلوا ساحه المعركه
لا طبعا مكنش بيحصل وانا ضد ان البنت تروح مظاهرة عشان متتبهدلش ولو اتاخدت بتتبهدل اوي اوي اوي
واللي مش عاجبه يطرح حججه بس من القران والسنه
المرأة فى الحروب كانت أحيانا بتحارب بجوار الرسول عليه الصلاة و السلام و أرجعوا للسنة مثل السيدة أم عمارة نسيبة بنت كعب ، بجانب انا أمى بتشتغل ولا حد فينا طلع فاشل أو ذو أخلاق سيئة و أحسن من ناس كتير أمهاتهم بتشتغل العيب مش فى الشغل العيب فى الشخصيات نفسها و قدرتها على التربية سواء بتشتغل أم متفرغة و ربنا يتقبل عملنا
استاذ عبدالله مفتاح
المرأه كانت تحارب بجانب الرسول ص في غزور أحد ولا اتذكر اسم المرأه التي كانت تدافع عن الرسول الي هنهاية الغزوة
يمكن حد من المعلقين يفتكرها
شكرررررررا
فاكر غزوة الخندق المنافقين مرضيوش يخرجوا للقتال بحجة ان بيوتهم عورة
لو النساء كانوا خرجو للقتال مكنوش قالو كده
والنساء مكنتش بتنزل ساحة المعركه دي كانت مرات بتضطر انها تقاتل بس الاصل ان الجيش مكنش رجال ونساء ويلا بينا نحارب
لا للتمديد...لا للتوريث... نعم لتعديل الدستور
لا الست مكانها الافضل البيت
يعنى بعد ما تتعلم وتتخرج من الجامعه وتعمل كمان دراسات عليا تتجوز وتربى اولادها
انا بقول كده من خلال تعرفى على بنات كتير امهاتهم بيشتغلو وحالتهم لا تسر لا عدو ولا حبيب
هو اه فى بنات كده وامهاتهم فى البيت لكن الفرق ان البنات دول امهاتهم متعلمات ومثقفات لكن التانيين امهاتهم اغلبيتهم دبلومات او حتى غير متعلمين
يعنى المفروض الام المتعلمه تبقى ادرى باللى بيحصل حوالين اولادها وعشان كده تقدر تحتويهم احسن وترعاهم وتفهمهم
وبخصوص الحرب انا فاكره انى قرات عن صحابيه جليله "ام عماره"ولكنها كانت فى الحرب تجب عن رسول الله واصيبت فى الغزوه ولكنها فعلت ذلك عنما مرت وهى تسقى الماء او كانت تداوى الجرحى ولم تجد احدا فى حمايه رسول الله لكن هذا لم يكن دورها الاساسى فى الحرب
اللهم اهدى نساء المسلمين
ايه يا با انت وهي مش الباشا اللي فوق دا هو باين اللي قالي "اللي عايزه الشغل بتشتغل بكررها للمره الالف اللي عايزه الشغل تشتغل ..." كدا ولاه ايه ..
وبعدين هي مش بتطلع ترقص علي المسرح وتعملي فيها كوثر لاه طالعه لهدف حط ميه خط يا باشا
والموضوع دا يمكن الرجوع فيه لاراء الشيخ القرضاوي حيعجبك اوي , وبعدين فيها ايه لو مسلمه وبتجيب علم وبتنفع الي حوليها ها فيها ايه فيها ايه .. ومش عايزه حد يجي يقولي " وقرن في بيوتكن " عشان دا قصر ديل زيها زي " لاتقربوا الصلاه وانتم سكاري ..."
انا موظفة وبلسان حالي اعلمكم ان عمل البيت نعمة ونعمة عظيمة جدا ومن فرضت عليهاهذه الحال تحمد الله وترضى ولا تتذمر ولا تشعر بالنقص او الملل بالرغم من اني احب عملي وناجحة به كثيرا الا اني اتمنى ان اكون ناجحة في بيتي وهو ا
ا
الأهم اختي الحبيبة بيتك ثم بيتك ثم بيتك