"التجريس".. عقوبة المعاكسة!
إذا كنت من مدمني معاكسة الفتيات والوقوف بنواصي الشوارع، فأنصحك ألا تسافر إلى مدينة أبو ظبي هذه الأيام، حتى لا تصير عبرة لمن يعتبر كما كان يحدث في قديم الزمان!
ففي زمن بعيد، عندما كان الأهالي يمسكون باللص، أو بأي شخص يرتكب أفعالاً مُخلة في الطريق العام، كانوا يجعلونه يركب فوق ظهر الحمار بالمقلوب، ويسير به في الطريق العام حيث يمشي بجواره أحد الأشخاص الذي يدق جرس وينادي بأعلى صوته: "يا أهل الحي.. فلان ابن فلان فعل كذا وكذا..." وتصبح فضيحته مدوية!
هذا هو "التجريس" في زمن فات، أما "التجريس" الجديد الذي توعدت به شرطة أبو ظبي كل من يتم ضبطه للمرة الثانية وهو يعاكس الفتيات، فهو مختلف تماماً، هو "تجريس" عصري تستخدم فيه وسائل الإتصال والفضائيات والتكنولوجيا الحديثة.
حيث يتم نشر صورة المعاكس وبياناته الشخصية في جميع وسائل الإعلام المختلفة، كالفضائيات والصحف والإنترنت، وذلك لتحذير الفتيات من ذلك الشاب (الألعُبان) إذا قابلوه في أحد الشوارع أو المراكز التجارية أو الحدائق العامة.
استر يا رب
وقد نشرت الشرطة مؤخراً بياناً يحذر كل من تسول له نفسه بالإقدام على معاكسة الفتيات أو التحرش بهن، بتوقيع تلك العقوبة عليه ليكون عبرة وعظة لكل المعاكسين أمثاله.
البيان صدر مؤخراً ولا يمكن رصد نتائجه الآن، خاصة في ظل انشغال الكثير من الشباب بالامتحانات.
لكن بعد بدأ الإجازة الصيفية، لا نعلم من أول شخص مُعاكس سنرى اسمه وصورته الجميلة تضىء وسائل الإعلام، فما رأيكم في الفكرة؟، وهل يمكن تطبيقها في بقية الدول العربية؟!
ورجاء أخير من كل فاعل خير إذا شاهد صورتي في إحدى الفضائيات أو الصحف، أو وهو يقلب بين مواقع الإنترنت، فلا يخبر زوجتي... واسترها معانا يا رب.
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
that's a big brother attitude, uae sucks
لازم البنات بردو يتعملهم حاجه تخليهم يحترموا نفسهم لان مش معقوله البنت يكون من حقها تلبس اللي هي عايزاه وتمشي بالطريقة اللي هي عايزاها وتضحك بالطريقة اللي هي عايزاهاوالولد بقا مطلوب منه يكون محترم ويغض بصره وميعاكسش ولو اتعاكس كمان يبقى مطلوب منه يلم نفسه
زي منتو عايزين تحاسبوا الولاد حاسبوا البنات الاول
والله يا ريت الموضوع ده يتعمم في كل الدول العربيه اكيد الوضع في الشارع هيختلف كتير
وأنا اللى ياخد بالة من صورتى أو اسمى ميقولش لحد..طب والشاب اللى يتعاكس يعمل اية بقى..ويعملوا اية مع البنت
أسمه التعذير مش التجريس
و هي عقوبة شرعيةيتم فيها تعذير المتهم أي فضحه و معاقبتة بأي صورة يراها القاضي مناسبة
و أنا مع الأخ مفتاح الذي يرى وجوب معاقبة الفتيات أيضا التي تعمل ما بدا لها و تغري الفتيان في الشوارع و لكن ليس بنشر صاحبتها و إلا فتاني يوم هتوكن طالعة بتمثل في فيلم و لا حاجة و تشتهر علي حسابنا
التعزير: هي العقوبة التي يراها القاضي مناسبة للجرم سواء الجلد او السجن لمدة معينة او غرامة
جميل اوى ده لو اتطبق عندنا متخيله كام مليون هيحصل فيهم كده يااااااااااااااه
دى البلد كده كلها هتتعذر "هتتجرس"
بس انا معاكم جدا ان البنات لازم تلم نفسها وبالذات اليومين دول امتحانات والبنات مجننين المراقبين يعنى" سيبنى اغش وانا هاسيبك تبص"حاجه تقرف
ربنا يسترنا جميعا ويستر بنات المسلمين
اللهم استر عوراتنا وامن روعاتنا
اللهمارنا الحق حقا وارزقنا اتباعه وارنا الباطل باطلا وارزقنا اجتنابه
يارب يتنفذ
فى كل الدول العربيه على الاقل على الاقل نبطل نشوف المسخره الى موجوده فى المدن
دلوقتى بصراحه باقت حاجه مقرفه فعلا
مع انى شاب وممكن الشطان يلعب فى دماغى نوبه الا لو فى قانون عقوبه بالشكل داه والله اضرب الشيطان بالجزمه على طول بلا نقاش يلا ربنا يسترها معانا ومع ولايانا
أنا مع تطبيق هذا القانون في كل الدول العربية والإسلاميةلأن بعض الناس لا يرتدعون إلا بالعقوبة ومن الواجب أيضا ليكون القانون أكثر فاعلية سن قانون آخر مكمل له لردع البنات والنساء اللواتي يتبرجن ويخضعن بالقول والفعل والشكل في الأماكن العامة
نحن بعض اللاحيان نكدب على بعضنا البعض
لا يعقل ان تكون هاته هي الحيلة لابعاد الشباب عن المعاكسة
الحل هو تشجيع الشباب على الصلاة لانها هي التي ستبعدهم عن المعاكسة
اللهم اهدينا
البنات يلحقونك مع السواق واذاماوقفت تنصدم وتصيرمشكلة ثانية بس اناوقفت وشفتهم بنات زى العسل بس الحاجة اللى مااعجبتنى حاطين حنا فى ايديهم ورجليهم
ان مع العقوبة دى بالتاكيد بس انا بردوا مع اللى بيقول ان البنات لازم تلم نفسها الاول لان اذا ملمتش نفسها يبقى الطين هيزداد بلة وتبقى البلوى بلوتين لان الراجل مهيبص هذا لاقى البنت مستورة ومحترمة نفسها ويارب استر عورات المسلمين
ياريت الأمر ده يطبقوه في مصر عشان الماعكسة ما بقاش يقوم بيها شباب صغير وبس بل أنك تجد راجل شايب وعايب وبيعاكس لاهواحترم سنه ولا عياله ولازوجته
لو القانون ده اتطبق في مصر، الجرايد هتبقى عبارة عن فضايح ومعاها ملحق فيه الأخبار العادية
الشباب مش لاقي يتجوز، والبنات مش قادرين يلموا نفسهم والاتنين ما عندهمش لا أخلاق ولا حبة دم
الرجل دائما يكون من حظه البهداة الكبيرة ماالبنت تخرج الى الشارع بكل مفاتنها من اجل زبون يتابعها واذا نطالب بتجريش معتبر لكل مايلة مميلة
و النبى مش مكسوفين و انتو بتقولوا يحاسبوا البنات و يلموهم.مش قادر تمسك نفسك يا افندى لما تشوف واحده حلوه و لا جسمها حلو,يا اخى سيبها و امشى مش لازم تبصبص و تبحلق و بعدين تقول احنا شباب و مظلومين,دى حريه شخصيه و الجزاء فى الاخره عند ربنا مش عندكو يا فطاحل امسكوا انتو بس نفسكو