ليلة ساحرة في المدينة الحمراء..!
"ساحة جامع الفنا"...
ليس أجمل مكان رأيته في حياتي.. لكنه وبلا منازع أكثر مكان يثير في هذا الكم من المشاعر عندما أذكره.. حب، فرحة، شجن، حنين، جنون.. ورغبة غير عادية أن أكون هناك حتى لو أخذوا نصف عمري...
ساحة جامع الفنا، هي الساحة الرئيسية بوسط المدينة القديمة بـ "مراكش"، ويقول لي أصدقائي المغاربة أنهم أطلقوا عليها هذا الاسم؛ لأنها كانت مكان تنفيذ حكم الإعدام العلني على المجرمين في الماضي البعيد.. وبغض النظر عن صحة هذا التفسير من عدمه، فإن كل ما في "جامع الفنا" ينطق بالحياة.. يعني ببساطة ليس له من اسمه أي نصيب...
فما هي علاقة الفناء بلون البرتقال الزاهي الذي يملأ عينيك على عربات العصير التي تعد العنصر الأساسي في المشهد، وكل بائع يحاول أن يجذبك بطريقته لكي تشرب برتقاله، هذا بابتسامته، وهذا بندائه، وهذا بنصف الكوب المجاني الذي يهديك إياه دون أن تطلب.
ما علاقة الفناء بهذا الكم الهائل من الحواة والمهرجين، الذين يقدمون عروضهم وسط حلقات من السياح لا تنفض أبداً، وعلى أنغام الموسيقى الشعبية الصادرة عن أكشاك بيع شرائط الكاسيت، والويل لمن يحاول أن يستمتع بالفرجة دون أن يدفع ولو درهم واحد على الأقل.
ما علاقة الفناء برائحة الشواء وطعم الحريرة الساخنة التي يتناولها المارة على الموائد الخشبية في وسط الشارع، وبيوت المدينة الحمراء اللون التي لا يشذ عنها بيت واحد طبقا للقانون المغربي، وحوانيت العطارة والملابس الشعبية والأحذية المغربية المميزة.
وأخيرا..."جامع الفنا"
آخر مرة ذهبت فيها للمغرب، قفزت في قطار ممتلئ حتى آخره، وقضيت الرحلة كلها جالسة على حقيبتي على الأرض، وكنت على أتم استعداد حتى لأن أسافر واقفة، ما دمت في النهاية سأصل إلى مراكش.. وإلى طبق "الحريرة" في جامع الفنا.. حتى لو لم تكن ظروفي، ولا "فلوسي" تسمح بقضاء أكثر من ليلة ويوم في هذا المكان الساحر.
تعالوا معنا إلى هناك، وشاهدوا هذا الجاليري المصور..وبعدها حدثونا أنتم أيضا عن أحب الأماكن إليكم...
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
بجد نفسي ازور البلد دي اولا لاني قريت عليها كتير وحسه انها مهمله من بقيه الدول العربيه يمكن عشان اللهجه
حسه ان فيها اصاله كدا قريبه من الاندلس
حاجه كدا يعني
المهم كمان عايزه ازور اصاحب ليه هناك
هما عازمني من دلوقتي عشان اكل الاكل الشعبي بتعهم واللي كلت شويه منه زي " الكسكي المغربي " فظيع
احب الاماكن لقلبي
اقول ولا بلاش
اقول
حارتنا المعفنه
علي الرغم من اني لفيت ورحت بلاد نضيفه ولسه فيها بس حارتنا احلي مكان في قلبي .
"ولا باس لا باس "
برضه سبقتيني يا هبه في التعليق
مع اني كنت ناوي اعلق الاول
لان الموضوع بصرحه جامد جدا جدا جدا
بس هل يا تري ممكن نكتب عن مكان في لادنا كده
اعتقد لأاا
بس بصراحه موضوعك يا شيري في الجووون
والصور اجمد حاجه فيه
لانها فعلا صور مجنونه
ولو انتي بجد اللي مصوراها
مفروص يا بنتي ياخدوكي في الجزيرة
وترحمي نفسك من عشرينات
مع اني عارف انها طفلك اللي بتحبيه وبتموتي فيييييييه
بس برضه لازم تخرجي بره الأوضتين دول ولا باين هما تلاته
مش فاكر
وربنا يزيدك كمان وكمان وتروحي المغرب وتفضلي هناك لو بتحبيها اوي كده
المهم من الاخر
الموضوع جامد جدا جدا جدا
وفعلا مكان يجنن
وان شاء الله اخليه في النوته الخاصه بزياراتي في الاجازه ونروحه
سلام
مجنون رسمي
رغم انى زرت مدن كتير غيرها .... اجمل وانضف واكثر تحضرا ونظاما , الا انى لسه شايف ان مدينتى اسكندرية هى احلى مكان احب ازوره (كمان وكمان)على راي يوسف شاهين , بتوحشنى بناسها وشوارعها فى الشتا... طول مانا بعيد , مش عارف ليه ؟ يمكن عشان سندوتشات الكبده من عند الفلاح بعد سهرة جميلة فى سينما امير (اللى اتقلبت رينيسانس) و يمكن عشان الناس اللى متشعلقة فى الترام والكمسارى اللى عمال يقول العربية فاضية جوه, ورق يا افنديه ....او يمكن عشان محطة مصر لسه ماشى فيها ناس كتييييييير جدا وشوشهم كلها شبه بعض كلها شبه مصر ,اوحتى القعدة فى البورصة التجارية على البحر فى محطة الرمل اللى شكلها متغيرش من ايام الملك بترابيزاتها الرخام والقهوجى اللى بيقول ايوا جااااااي ,,, يا اخواننا احنا بنحب البلد دى بس مش عارفين او مش فاكرين , بس بنفتكر لما بنبعد ونقعد لوحدنا على جنب نفتكر ايامها , وشوفوا المحترم قال ايه عنها ....
مصر .. التلات أحرف الساكنة اللي شاحنة ضجيج
زوم الهوا وطقش موج البحر لما يهيج
وعجيج حوافر خيول بتجر زغروطة
حزمة نغم صعب داخلة مسامعي مقروطة
في مسامي مضغوطه مع دمي لها تعاريج
ترع وقنوات سقت من جسمي كل نسيج
وجميع خيوط النسيج على نبرة مربوطة
اسمعها مهموسة والا اسمعها مشخوطه
شبكة رادار قلبي جوه ضلوعي مضبوطة
على اسم مصر
وترن من تاني نفس النبرة في وداني
ومؤشر الفرحة يتحرك في وجداني
وأغاني واحشاني باتذكرها ما لهاش عد
فيه شيء حصل أو بيحصل أوح يحصل جد
أو ربما الأمر حالة وجد واخداني
انا اللي ياما الهوى جابني ووداني
وكلام على لساني جاني لابد اقوله لحد
القمح ليه إسمه قمح اليوم وأمس وغد
ومصر يحرم عليها .. والجدال يشتد
على اسم مصر
رحـيـلاً رحـيـلاً بغيـر هـوادة
رحـيلاً فإن الـرحـيل سعـادة
عبادة
إرادة
سيادة
ولادة
رحـيـلا .. إلى أين لـيس يـهـم
ولـيس يـهـم بأي وسيـلة ..
أجيـراً بلقمـتـه في البـواخـر ..
عـلى واحـد من جيـاد القبيلة ..
على مقعـد في ذرى الجـو فـاخـر
وتمـلأ الكـأس بنت جمـيلة ..
على قدمي .. أو بفكري .. أهاجر
أبادر
أغادر
أخاطر
أسافر
ولـكـن إلى أيـن .. لـيس يـهـم
إلى حيث لا تعبـر الأفـق شمس
إلى القـطب .. أو حلقة الاستواء ..
إلى حـيث يـسمـع لـلجـن همس
إلى بـاطـن الأرض أو في الـفضـاء
إلى مـرفـأ الغـد .. أو أرض أمس
أرى كل شيء ومن أين جاء
وافعل ما قاله القدماء
من الفقراء
أو الحكماء
أو الأمراء
أو الأشقياء أو البلهاء فليس يهم
لقد قيل وهو الكلام المهم
اللي يعيش ياما يشوف
واللي يمشي يشوف اكتر
شفت الجبرتي بحرافيش الحسين وبولاق
بان البلد ماشي زي النمس في الأسواق
بالفلاحين ع المداخل من بعيد وقريب
بالأرنؤوط بالشراكسة بكل صنف عجيب
مترصصين سور رهيب مزراق في ريح مزراق
كأنهم لا بشـر ولا خلقـة الخـلاق
ومصر فلاحة تزرق بين رقيب ورقيب
من غير أبو الهول ما ينهض ناهضة شايله حليب
والصبح بدري الجبرتي ينام وقلمه يسيب
على اسم مصر
مصر اللي عمر الجبرتي لم عرف لها عمر
وطلع لقاها مكان مليان عوام وزعر
جعيدية غوغاء يجيبوا تملي وجع الراس
وخليط أفارقه هنادوة روم ملل أجناس
والترك في القلعة والمماليك خدودهم حمر
كان عمرها ستلاف سنة .. كلها سنين خضر
بس الزمان يختلف زي اختلاف الناس
ناس تبني مجد وحضارة وناس بلا احساس
وناس تنام لما يزحف موكب الأحداث
على اسم مصر
والمس حجارة الطوابي وادق بكعابي
يرجع لي صوت الصدى يفكرني بعذابي
يا ميت ندامة على أمة بلا جماهير
ثورتها يعملها جيشها ومالها غيره نصير
والشعب يرقص كأنه عجوز متصابي
إنهض من القبر احكي القصة يا عرابي
يطل لي رافع الطهطاوي م التصاوير
شاحب ومجروح في قلبه وجرح قلبه خطير
وعيونه مغرورقين بيصبوا دمع غزير
على اسم مصر
مالك سلامتك بتبكي ليه يا طهطاوي
قال لك عرابي .. انكسر بسلاح أوروباوي
وسلاح أوروبا ماهواش المدافع بس
ده فكر ناقد مميز للثمين والغث
قلناها ميت ألف مرة ألف مرة بصوت جهير داوي
بس الحماقة لاليها طبيب ولا مداوي
ولا حد م الخلق بالخطر اللي داخل حس
الغفلانين اللي خلوا العقل صابه مس
قالوا الخطر هو فكر أوروبا لو يندس
على اسم مصر
مراكش بللد جميل جدا و خاصة جامع لفنا
الموضوع حلو أوي ،
و حلوة أوي الفلاشة اللي في النص دي ..
برافو و حمدالله على السلامة يا شيرين
و الفلاش الجميلة دي ..أكيد ده شغل مخصوص للمعلم الكبير بتاع عشرينات...
الموضوع فعلا رائع وياريت كل اللي سافروا يكتبوا لنا عن أحسن اللي شافوه عشان اللي مامعهوش فلوس يسافر يستمتع برضه واحلى ماخرجت به من الموضوع هو أنه وراني ساحة مسجد الحسين والأزهر بس على مستوى أرقي ترتيبا وتنظيما ومش عاوز اقول نظافة عشان قلبي مش مطاوعني لكن عموما بقى عندي أمل أن حفيدي الحادي عشر اللي لسه في عالم الغيبيات ( ده لو اتجننت اكتر واتجوزت )هايشوف ساحة حي الحسين حتى بس بالجمال ده وخلينازي بعضه نسيب الازهر محتفظ برونقه الأصيل كما هو.
معلهش نسيت بس أسأل يا شيري بصفتي أكيل قديم هو طبق الحريري ده عبارة عن إيه يعني .
الشعر المنظم فوق بتاع موضوع اسكندرية ماريا شعر جميل ورائع جدا أهنيك عليه بجد يا واحد تاني وخصوصا البيت اللي في الأخر اللي بيقول عقل أصابه مس حاسس كده انه لمس حاجة جوايه
بلد نضيفه اوي....
عروستي.
اسرايل الولايه الواحد وخمسين.
عروستي
فيها صب واي.
عروستي
فيها هوليود يعني "ميل جيبسون"و"جوليا روبتس"
فيها لحم ابيض علي راي الشمحطجي.
عروستي.
فيها من ابراهيم ملايين واللي ميعرفش امين ابراهيم
هو"احمد السقا في فيلم مافيا"
عروستي
بدرس فيها واتعلم باعتبار العلم نوررر
عروستي
بحبها وبكرهها في نفس الوقت فيها حمزه يوسف
عروستي
فيها" ناسا" اظن عرفت بلاد ما وراء المحيطات
عشان تتاكد اكتر ابعتلي علي arosty@usa.com
فيها بروكلين وكوينز اللى كنت هتقتل فيها عشان فى جيبى 100 ملطوش اخضر
فيها ارض فاضية (للبيع) مكان برجين وقعوا محدش عارف ليه
فيها مصريين فى نيوجيرسى اكتر من اللى فى محطة مصر
منهم اللى زى ابراهيم ومنهم اللى زيي
بس فى النهاية فيها ممكن تروحى معاهم واشنطن دى سي تشتمى اجعص واحد وتقوليلو الكداب بيروح النار...وفين ؟ قدام بيته اللى لونه ابيض وترجعي بيتك سليمة
انت اكيد في استوريا
انا لاه
زهقت منها
علي العموم انا رحت برج التجاره علي سبيل
قال ايه الفسحه
لا وبحجاب كمان لما كنت بقول يا حيطه داريني
دا لو كان فيه
اذا كنت من اللى بيحبوا يختصروا ويجيبوا من الاخر يبقى اول حاجة هتحب تبتدى بيها رحلتك لباريس هى الشانزليزيه وهتكون بدايتك من ميدان الكونكورد واللى اول ما توصل هناك هتعمل زى الاستاذ اللمبى لما قال ايه اللى جاب القلعة على البحر, بس انت هتقول ايه اللى جاب الاقصر فى باريس ودا بمجرد ماتلاقى المسلة الجميلة اللى بتزين قلب ميدان الكونكورد واللى طبعا واحد من اللى حكمونا اهداها لهم ولا لما تكون بتاعة ابوه.
وميدان الكونكورد له قصة تاريخية لو عرفوها حكامنا ممكن ياخدوا منها عبرة وهى ان الباشمهندس اللى اخترع المقصلة (بتاعة قطع الرقبة) هو والدكتور لوي سيز (الملك اللى خلاه يخترعها) هما الاتنين تم قطع رقابيهم فى الميدان دا وبنفس المقصلة لما قامت الثورة بفرنسا.
اما الشانزلزيه بقى.... فاذا كنت محتاج تقعد ربع ساعة فى ميدان (التايم سكوير) بنيويورك عشان تشوف كل اعراق واجناس الدنيا فا انت هنا محتاج بس تتمشى خمس دقايق عشان يحصل نفس الشيئ ... ناهيك عن المطاعم والقهاوى اللى اكيد هتلاقى منها اللى على ذوقك والمحلات بقى حدث ولا حرج.
اما اذا كنت غاوي فن فيمكن تحب تبتدي من اللوفر واللى هيبهرك اول ما توصل للساحة الرئيسية له (ساحة نابليون) لما تشوف الهرم الزجاجى الكبير اللى معمول بنفس نسب الهرم بتاعك ودى طبعا كانت لفته ذكيه من الاستاذ اليابانى اللى صمم توسعة المتحف (او القصر بمعنى ادق) لما اضاف الهرم الفرعونى كجزء رئيسي للمبنى.
استنى بقى لما تدخل وتشوف بعينك الجناح المصري وكمية الاثار الفرعونية واليونانية الموجودة فيه وانت تعرف اد ايه انت شخص محل اهتمام منذ سنين , مش بس من اللى بيسرقوك من الداخل لا دا كمان من اللى بيسروق فى بلاد بره كمان ... تحف واثار ملهاش عدد واللى كتير منها خرج بره مصر من ابواب خلفية وتروح تدفع تذكرة عشان تتفرج عليه .... مش مهم خليك فريش انت فى رحلة.
انا حاسس انى طولت عليكم وانا لسه محكيتش غير عن مكانين اتنين بس, لو مهتمين تعرفوا اكتر قولوا ما تتكسفوش او ممكن نروح بلد تانية.
ولوني مبحبش اتكلم كتير عن البلد دي
بس عشان حلفانكو حقول ......
خلينا نروح نيوريوك الاول .
بالاخص" منهاتن ".
رحت فين يا بت يا هبه انا كنت عامله نفسي مثقفه ورحت متاحف
باختلاف انواعها " للبشر والحيوانات "
يعني متاحف لسكان البلاد الاصلين اللي هما الهنودومتاحف للحيوانات زي الديناصورات
شفت الديانصور يا بت يا نفين
وبعدين ايه ...
علي ايدك الشمال فيه وول ستريت .
لحظه ادبهلال سعتها اللي بشوفه في التلفيزيون شايفه قدامي " كبايه ميه "
المهم اول ما دخلت الشارع لقيت " التور "
المشهور وفتحلي بقه " هو ورايا ورايا "
بعديها كدا بكام شارع رحت اقدم كنيسه فيكي يا نيويوك .
حدها علي طول " يعني في قفاها "
مركز التجاره العالمي " لاالالالاه"
ناس كتير بقه بتاخد صور ومنظر بشع خير اللهم ما اجعله خير ارض وااااااااسعه لسه بيبنه فيه . وانا اتصورت جنب المبني
"مصيبه لتقع في ايد البوليس "
"فرنسا "
رحتها ساعتين علي سبيل الترانزيت بس و ما ادراك لفيت المطار
لما قلت بس بصوا الموضوع دا كبير ولو فتحت مش هخلص , بس كل اللي كنت بقوله
je suis malaid مش عارفه استهجتها صح ولا
لاه . كفايه كدا النهارده .
عن المدينة التي لا تنام
وغرام لا يضاهيه غرام
متى بدأ العشق بيننا لا أعرف
متى تعودت نفسي أن تصحبني لذلك النيل الذي يحمل أسرار البشر والحضارات التي مرت على ضفتيه
ينتابني إحساس باني أقف أمام بوابة للتاريخ 00 بكل ما يحويه من غموض وعبق
مدينتي التي لا تنام
أعرف ان أغازلها في أي لقطة من لقطات اليوم
يوم استقبلت الفجر هناك في مركب شراعي على صفحته الصافيه
وهمس لي بسره وحكيت له سري
صارت القاهرة ونيلها هما تميمة العشق والخلود
ميدان رمسيس وشمس مارس وانا اقف هناك ذائبة بين جموع البشر فلا اعرف إلا ان اتجمد لأراقب البياعين والنساء والأطفال والرجال 00 خلطة من الدم واللحم والعرق والصبر " كيف تلمح كل ذلك في عالم اخر ومدينة اخرى
القاهرة ومترو مصر الجديدة " ألة الزمن العبقرية" اغمض عيناي لارى كل سنوات العمر التي مضت هنا وكل من صادقت وصاحبت في هذه الاله
ألفا من الحكايات تنهال على ذاكرتي وانا استمتع بصوته المحبب ومشيته الهادئة ونزهته الطفولية 0
وسط البلد 00 وسحرها ومبانيها
جروبي ومكتبة مدبولي ودار الشروق
ميدان طلعت حرب 00 شارع عماد الدين
أخرج من ذاتي لاراني نصف اخر مشطور من زمن أخر اراني اركض سعيدة هانئة البال احمل ألفا من الامنيات في مقلتي
هي دي القاهرة
مزيج الحب والسحر والغموض
طبعا كلنا عارفين الفخفخينة .... وهيا انك تروح ضارب كل العصاير سوا فى كاس واحد وتحس فكل شفطة بعصير مختلف عن اللى قبله , لو عايز بقى تحس بطعم فخفخينة الدول .... اطلع على دبي وتحديدا دبي يعني مش ابوظبي ومش الشارقة.
هى بلد ظريفة هتستمتع فيها بوجودك , ورغم فكرة القرية العالمية اللى فيها(Global Village) اللى كل حى هناك بيمثل مكان من دولة الا انك مش محتاج تزورالقرية دى, كفاية انك تمشى فى البلد وانت تشوف كل العادات وكل الطباع وكمان تاكل اكلات كل الدول التانية , لو ركبت مركب فى الخور الموضوع شوية هيفكرك بالنيل الا اذا مكنتش عاوز تفتكر, انت حر...(والخور دا ممر مائي ينفصل من الخليج ليمر بوسط دبى قبل ان يعود للخليج مرة اخرى) ترعة يعنى.
سيبك من الفنادق لانها كتيرة وحلوة اوى ممكن تلاقى منها كتير فى بلاد بره , على اعتبار ان احنا لسه فى بلاد جوه, انما الجديد بقى... لازم تجرب السفاري فى الصحرا هناك وياعينى لو سقت بنفسك هتعمل طيران شراعى بالعربية فى الكثبان الرملية, والسهرة تحلى على النيران المشتعلة مع الشوي والموسيقى الشرقي.
المهم ان البلد دى بقى بيسيطر عليها احساس واحد هو انها تعمل كل اللى انت مش متوقعة فى الوقت اللى انت مش متوقعه.... يعنى بلد درجة الحرارة فيها 50 درجة وتلاقى فيها اكبر مكان للتزحلق على الجليد فى العالم تبقى دى بقى جديدة, ولما قالوا يا عمران قالك فين اعلى مبنى فى العالم ياعم.... طيب ياللا بينا نعمل برج دبى ارقى واغلى كيلومتر مربع على وجه الارض.
اما عن المراكز التجارية (Malls) فمن احلى المراكز اللى عجبتنى هناك (ابن بطوطة) والمبنى بيحكى رحلات ابن بطوطة السبعة وكل جناح فيه بينقلك لعالم تانى, عجبنى اوي جناح تونس وجناح الهند .
الجديد بقى انك فى المستقبل القريب مش هتحتاج تروح فرنسا تشوف برج ايفل ولا ايطاليا تشوف برج بيزا ولا حتى الناس يجولك مصر يتفرجوا على الاهرامات لان كل عجايب الدنيا بيبنوها حاليا فى دبى لاند ....
هو انا مش حكتب زي اخونا "الواحد التاني
"بالحق هو الاول فين ?
المهم رحتي فين تاني يا بت يا هوبه "حقول نيورك بس"
نقول الحي الصيني "نقول الصيني "
اولا ساعه لما تخش الحي دا ابسط حاجه ابسط حاجه تتقال "الارض بتتكلم صيني "
بتتكلم صيني كلوه صيني في صيني انك تشوف انجليزي ابدا البنوك صيني في صيني تحس انك سائح حتي
لو امريكاني . اشتريت ايه من هناك حته ضفدعه "علي سبيلالتدكار"
نروح هارلم ولابلاش نروح هارلم معاك كام مطوه علي الرغم
من ان الحي كان الاغنياء فقط معرفش ايه اللي حصل
بس هارلم الزنوج ولاحاجه بالنسبه "لهارلم الاسبان"
الاخير دا العن "ما انا كنت قاعده في بتنا لازم اخرج يعني".
نروح فين تاني يلا بينا علي حي الروس زيه زي الصيني بالظبط.
الكلمه المشهوره واللي كنت دايما بقولها "خرشو" او"دا"
يعني "حسنا" اشتريت مش حقول فودكا طبعا حته شنطه مسكينه.عليها رسمه بريئه " شنب فلادمير بوتن".
نروح الحي العربي اوباه
حتلاقي طبعا مساجد وبيشتموه في امريكا عيني عينك "زي فيلم عادل امام" اكتر المحلات لبيع اللحمه الحلال وازيء
ا
فيه مركز اسلامي كويس في قدام المسجد بلظبط قهوه للمزاجامال وحبه شيشه " وري وريابرده"
نفس" شهيق زفير ...زفير شهيق "
بقي حاجه ان نيويورك بلد اللهجات كل واحد بيتكم بلهجه
مختلفه يعني الزنجي غير الابيض "موضوع اللهجات اصله تعبني"
تبقي بقي حارتنا "المعفنه " واللي بحبها موت وعم "السيد"
وادانه اللي يصحي الميت "دلوقت مبسمعش ادان خالص مالص"
ولما افتكر حاجه حكملكم "هبهوب في بلاد العجائب" او "ماوراء واحد بحر وااحد محيط"
و و"جاي "علي راي سنبل .
شغل عالي يا مصاعيبو.. مفاجأة في الجون
انا مش قادرة اقولك قد ايه الموضوع الأصلي ده فتح مجال جميل عن تبادل خبرات الأسفار اللي هيه فيها لحد دلوقت 7 فوايد
انا بس عايزه اقول اني مستمتعه جدا باللعبة ممكن تكمل يا واحد تاني ويا هبهوب
اذا كنت تبحث عن مكان يحتويك بكرم الضيافة فلا بد من زيارة لبنان ولا بد لك ان ترى لبنان الجديدة التى قامت على يد الرئيس الحريري ذلك العظيم الذى احب بلده واعطاه فحفظه شعبه حتى بعد رحيله, لعل من اعظم المشاهد التى تراهاكان يوم الوفاء يوم 14 فبراير الماضى عندما احتشد الناس بجوار مسجد رفيق الحريرى فى قلب بيروت لاحياء ذكرى مقتله,المهم لازم تروح تشوف السوليدير وتاكل مشاوي لبناني وفتوش وتبولة فى مطاعم الداون تاون ولا تنسى التمشية فى شارع الحمرا وزيارة صخرة الروشة(بفتح الراء) اماعن اكثر الاماكن التى احبها هناك فهى خارج بيروت , اذا ذهبت شمالا الى مدينة جونيه ربما لانها تذكرني بالاسكندرية زمان بشوارعها المرصوفةبحجر البازلت الاسود ومبانيها ذت طابع البحر متوسطى والشواطئ الرائعة, واذا كنت من محبى الاثارة فعليك بالجبال اما للتزحلق اذا كنت فى الربيع او لركوب التلفريك والتمتع بالمناظر من اعلى...نصيحة, لا تنسى زيارة مغارة جعيدة قبل ما تفل (بكسر الفاء)
ملحوظة اذا كنت تحمل الجنسية المصرية فى جواز سفرك ودونما باقى الجنسيات العربية الاخرى فانت الوحيد (نظرا لانك فريد من نوعك) هيكون مطلوب منك فى كل مرة تدخل فيها لبنان انك توريهم فى المطار 3 اثباتات :
1- تاكيد حجز الفندق (وهيتصلوا بالفندق عشان يحلف لهم انك نزيل عنده)
2- تذكرة العودة مؤكدة الحجز (واحتمال يتصلوا بشركة الطيران عشان تحلف لهم هى كمان)
3- على الاقل مبلغ 2000 دولار حتى لو كانت هتقعد فى البلد يومين بس.اوعى تروح معاك اقل من 2000 دولار.
غير كده بقى اهل البلد نفسهم ناس ذوق ذوق صراحة.
للاظطجلالفغبيءغو لالاءؤفق
المغرب بلد رائع باهله . باكلاته الذيذه اتمني ان تسنح الفرصه للجميع ويزورو هذا البلد.
rouh hassal raya wiskina bitaaitko alachan inta kolak aala baadak mouch hilou kalamak koulou bidahak
akid omrak masafert bara lkafr btaako aalachan titkalim aala marakech bichakl da taala aalach tidoua ilakl ili omrak makalto
انها خقا من اجمل الاشياء الحمراء التى لم ارى مثلها من قبل مع اننى زرت مدن كثيرة الا انها لها طابع خاص
بكرة هتبقى لليلةساحرة حمراء فى قاع جهنم باذن الله
اية اللى بيحصل داخلها وهل دة صح ام خطا