أغنية.. نشيد.. إيه الفرق؟!
"الإسلامية لصناعة الأحذية"، "مطعم أبو الفوارس الإسلامي"، الشركة الإسلامية للتسويق العقاري"، و"الإسلامية للميكانيكا وكهربة السيارات".. والقائمة طويلة..
ما بين علامات التنصيص في السطر السابق كلها أسماء لشركات ومطاعم ومحلات، وكلها ترفع شعار "الإسلامية"، دعوني أخبركم أولا أني لا أعاني من أي مشكلة مع أي اسم أيا كان.. لكني فقط ألاحظ وأدون.. واللبيب بالإشارة..(!!).
خلال الأسبوع الماضي قفزت في أذني كلمة "الإسلامية" عدة مرات، فرح إسلامي، طب إسلامي، شركة إسلامية، موقع إسلامي، مقاومة إسلامية، وأخيرا.. فن إسلامي..
أنا لا أفهم في الشركات ولا المقاومة ولا المواقع، إذن فأنا غير مهتم بالفارق بين الإسلامي منها وغير الإسلامي، وأنا أيضا لا أفهم في الفن، لكني أحبه، وبالتالي فأنا مهتم بصراحة لمعرفة الفارق...
على الماسينجر، حدثتني زميلة عن "ألبوم" مصطفى محمود الجديد..
أنت تعرف مصطفى بالتأكيد لو كنت قرأت عنه في عشرينات من قبل، شاب مثلك ومثلي يصنع الموسيقى الإسلامية بشكل عصري، متحرر من القيد السابق الذي جعل للموسيقى الإسلامية شكل واحد لا يتغير في شكله ولحنه وموضوعه وكلماته..
ليس هذا هو المهم، دعنا نعود على زميلتي التي كانت تحدثني "أون لاين" عن ألبوم مصطفى الجديد..
"مصطفى"الذي بدأ حياته الفنية من خلال الفرح الإسلامي، قدم هذه المرة شريطا خالصا من موسيقى الأفراح، تحت عنوان "فرحونا"، ومن وجهة نظري الشخصية فإنه ألبوم يستحق السمع رغم ملاحظاتي عليه وهي ملاحظات فنية في الغالب وبسيطة جدا وتؤكد أن صانع الألبوم تطور خلال الفترة الماضية (آخر 3 ألبومات) بشكل جيد وواعي..
أكثر ما لفت نظري فيه، هو أغنية "سامعه" وهي مبينة بشكل درامي يصف زوج يغني لزوجته ليلة زفافهما، ويحكي لها مشاعره ويدعوها لمشاركته حياته..
الأغنية رائعة، ويكفي أن زملاء العمل لم يصدقوا في البداية أنها لمصطفى محمود، وبطبيعة الحال فهم لم يتوقعوا أن تندرج الأغنية السابقة تحت اسم "الموسيقى الإسلامية"..
زميلتي على الماسينجر سألتني باللفظ الواحد.."سمعت (نشيد) مصطفى الجديد اللي اسمه..سامعه؟؟".. كنت قد سمعته بالفعل، لكني لم أكن أفهم ساعتها أنه نشيد، وحتى هذه اللحظة مازلت غير مدرك للفارق بين الأغنية والنشيد..
هي (زميلتي) تقول أن كل ما هو إسلامي فهو "نشيد" وكل ما هو غير إسلامي فهو "أغنية"، وهو تصنيف قد يكون سليما، لكن المشكلة أنه يقوم على أساس أخلاقي، بمعنى أنه يفرق بين الفن والفن بشكل أخلاقي وهي رؤية قد لا ترضي أصحاب "الأغاني"..
وأنا لست ضد الفصل بين الأغنية والنشيد بشكل عام، ولكن على أساس فني بحت، بمعنى أن نقول أن النشيد هو ما يخلو من الموسيقى وما يكون موضوعه يتعلق بالحب الإلهي أو مدح الرسول أو الحماس ضد العدو..
وأن تكون الأغنية هي ما دون ذلك، أو أن تكون الأغنية هي ما لها علاقة بالحب والغرام، وأن تكون مليئة بالموسيقى، وأن يكون النشيد ما هو دون ذلك..
الأزمة أن النشيد لم يصبح خالياً من الموسيقى إطلاقا، وأن الأغنية لم تعد مليئة بالموسيقى على الدوام..
بصراحة أنا محتار، فالأغنية التي سمعتها لمصطفى محمود هي في النهاية أغنية، فيها ما يوجد في أغاني عمرو دياب ونانسي عجرم، موسيقى ولحن وكلمات وتوزيع، وغلاف الشريط يحتوي على أسماء صانعيها، وهم جميعا (عدا مصطفى محمود) من صناع الأغنية العادية الموجودة في السوق العادي..
إذن لماذا نصر على أن يبقى النشيد نشيدا؟؟
أشعر أن في مصلحة الأنشودة أن تتحرر من القيد الذي فرضته على نفسها، وأن تنطلق خارج المساحة التي وضعها لها آخرون.. يستحق ألبوم مصطفى محمود مثلا أن يباع في نفس المحل الذي يباع فيه ألبوم هاني شاكر، لا أن تجده في مكتبة إسلامية صغيرة في مكان ضيق وتشعر كأنك تشتري بضاعة سرية لا يعلم أحد عنها شيء..
و"الأغنية" هي الأخرى تحتاج إلى التحرر من قيودها في المقابل، تحتاج أن تخاطب هذه الجماهير التي اتخذت الالتزام شعارا لها وبدأت تقيم الفن بشكل أخلاقي (وهو لا عيب ولا حرام)، وتقدم لها الفن الذي يناسبها..
السؤال الذي أقصده بكلامي كله هو، هل تستحق أغنية "كان نفسي" لفريق (واما) أن تصنف أنها أنشودة؟؟، وهل تستحق "سامعه" أن تكون أغنية.. والأغاني الأخرى كثيرة منها أنا مهما كبرت صغير وأمي الحبيبي والحلم العربي وتبات ونبات..
والأناشيد أيضا كثيرة منها كل أعمال مصطفى محمود ورفاقه وآخرون..
والسؤال الثاني، هل يشكل الفارق في المسميات مشكلة، بمعنى هل ستفرق كثيرا أن أسمع (واما) وأنا أحدد نوع الموسيقى التي اسمعها أغنية أم نشيد؟!
آمل أن أكون قد أوصلت فكرتي، وأنتظر أن أجد في نقاشكم ما يثري الحوار.. لكن قبل أن ينتهي الحوار ربما تكون في حاجة لأن تسمع توليفة من الموسيقى من الضفتين .. الإسلامية والـ....!
*اسمع وقارن:
أغنية سامعه.. مصطفى محمود
أغنية أنا مهما كبرت صغير.. عمرو دياب
أغنية بحر الحياة.. محمد منير
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
بص يا باشا النشيد دا فن سامي جدا جدا
ممكن يتقلب لاغنيه زي انشوده اصلي لربي
او ها قد رحلتي
او الايقاع يبقي سريع
بس الاناشيد ساعات تتسخدم في حاجات تانيه
زي ايه دعوه مثلا
" زنبيكا" يوسف اسلام او سامي يوسف
ولون انا مبحبش سامي اوي بيحسسني انه اول واحد ينشد وبستهبل كل وحد يفتكر طالما سمع لسامي يبقي خلاص مع ان الراجل كويس برده
او للغرب زي فرقه" native deen'
بصو يا بشر انا في الاناشيد دي ممن ايام
"الورده الحمراء "والبيضا"لغايه دلوقتي
بت يا هند
نعم
شغلي 50 سنت.
بسم الله ما شاء الله ، تساؤل في محله جدا و منطقي و بيشغلني بضراوة..
أنا عن نفسي ما عنديش مشكلة تسموه نشيد أو تسموه أغنية ..
أنا كل مشكلتي لما المسميات دي انهارت.. على أي أساس نقدر نحدد اللي نسمعه و اللي ما نسمعوش؟!!
انا عن نفسي بأسمع الأغاني اللي انتوا حاطينها دي و بأحبها جدا و مش شايف فيها أي مشكلة لا شعرية و لا غيره..
أنا أقصد الأغاني التانية ، اللي مش بتتكلم في معاني سامية ما عليهاش شبهة زي (حب الله ، أو الرسول أو حب الوطن أو حب الحياة الخ ...) ، الأغاني اللي بتتكلم في (سبتيني و هجرتيني ، و حبك من أول نظرة و الذي منه)
في نظري ده تساؤل مهم و محيرني شويتين!
مفيهاش حاجه بس اصل الناس واخده انا الاناشيد لناس معينه
يعني ابو راتب ابو مازن
فمتجيش انت فجاءه تقول واما تنفع ولا لاه
براحه حبه حبه
تيجي واما وعمرو كمان
ودى موجوده فى مواقع اسلاميه كتير او مواقع اناشيد زى
ww.anashed.net
ملحوظه لكاتب الموضوع:مش عارفه ايه حكاية زميلتك دى وليه تتكلموا على الماسنجر يعنى الاحسن الولاد يكلموا ولاد والبنات يكلموا بنات وخصوصا فى الماسنجر"
دى نصيحه لوجه الله
اللهم ردنا الى دينك مردا جميلا
اول حته من تعليقك حلوه
التانيه دي راجعي" ماسنجر من جنس واحد"
وكل واحد حر يضيق اللي يضيفه وميضفش اللي مش يضيفه
ويارب انتي بقي اللي تخلفي 7يلا بقي .
بص يا سيدي كلمة اناشيدبيتم اسقاطها على اللي بيقوله المنشد يعني مصطفى محمود منشد لان بيراعي ان كلمات اغنيته مينكش فيها قبح يبقى اللي بيقوله مصطفى محمود اناشيد لكن استحاله نقول على عمرو دياب منشد طيب ليه منقلش على عمرو منشد؟ لان عمرو كلمات اغنياته فيها من قبيح الكلام الكثير زي ايه؟
اقلك زي ايه(تعالى جوه حضني وارتاح دي ليله تسوى كل الحياة) ده مثل على اخر اغنيه واغلب الاغاني كده.
ولا محمد منير نقدر نقول عليه منشد ليه ؟بردو لان كلماته فيها من قبيح الكلام الكثير زي ايه؟ اقلك
(خليني اصرخ جوه حضنك من الحنان وكل ما اصرخ زودي الاحضان كمان)
ولا (واما) ينفع نقول عليهم منشدين ليه؟ اقلك ليه؟
(وتكون معايا وفي حضني لكن بعيد عني يا غالي)
على فكرة انا اديت مثال واحد لكن اغلب اغاني المطربين دول على نفس الوتيره وبصراحه الواحد لما بيسمع الاغاني دي بيبقى عايز يخترع بنت عشان يجرب الكلام ده(مش موضوعنا)
بايجاز كلمه نشيد بتتقال على اللي نقدر نعتبره منشد وبما اننا نقدر نقول على مصطفى محمود منشد ومنقدرش نقول على التانيين منشدين يبقى اللي بيقوله مصطفى اناشيد والحاجات التانيه اغاني.
ملاحظه بسيطه في اغاني كلماتها فيها كوارث ادي مثال واحد بردو ( ياللي ليك بسلم نفسي ياللي معاك بنسى نفسي) اغني سميرة سعيد
الموضوع ببساطة ان البزنس بيلعب دوره
يعني ببساطة كيف تنجح في جذب نقود المتدينين (وهي كثيرة ) ؟؟؟ وانا نشرت ده بشويةتفصيل في موضوع (جينز اسلامي) وممكن اترجم ان شاء الله بعض المقالات الاجنبية التي تتحدث عن هذا الموضوع بس مش عارف هيرضوا ينشروها في عشرينات ولا لأ ؟؟
اخيرا بالنسبة لكلام الاخ عبد الله مفتاح :
1- لا تسمع هذه الاغاني ان كانت تضايقك
2- لم ار كل هذه الاثارة التي تتحدث عنها في كلامك واغلب الظن انك تتحدث عن نفسك وربنا معاك لان شكل حالتك صعبة
3- التفسير الجنسي لكلمات الاغاني سهل جدا وهذا ما تفعله انت الان!
وعلي سبيل المثال عمرو دياب يقول (يا حبيبي وانت جنبي تفتكر انا هاعمل ايه ....هيه هيهيه هيهيه) وهو بالطبع لا يقصد اي شيئ غير مهذب ولكنها ببساطة ركاكة تعبير ليس الا!!!!!
ولكن بتفسيرك انت ماذا سيكون يفعل ؟
بالطبع لابد انه يفعل هيه وهيهيه وهيه
وسلام
Dabdoob
ملف الصوت لايعمل
أغنية وححشششة أوي ........سامعه دي ..لأمش سامعه حاجه..وبعدين فرقنا إيه بأه عن الناس الوحشين التانيين ماهو كلهم ممكن يكونوا بيكلموا زوجاتهم.. على فكرة ده استعباط..... أعرف واحدة صاحبتي ما تسمعش أغاني علشان بتأثر فيها وتخليها تفكر تفكير مش صح لكن بتسمع مصطفى محمود مع انه بيأثر فيها نفس التأثير بس أهو اسمه إسلامي و خلاص.... ده مش فن إسلامي ده استعباط إسلامي واللي عايز يكلم زوجته يكلمها بينه و بينها مش أدام الناس!!!!!!!!!!!!!!!!!!!!
ده إيه نظام التلكيك ده أمال سيبنا ايه للأغاني بأه لما موسيقى واستعملناها وقلنا المهم المعنى و ادي المعنى كمان ياسيدي الحاجه الوحيده اللي ناقصه إن مصطفى محمود يعمل فيديوكليب هو ومراته ويرقصوا فيه........ رقص إسلامي برضه ماقلناش حاجه!!!!!!!!!!!!!!!
للاخت اللى فوقى والله معاكى حق فى كلامك
الاغنيه كلها موسيقى( والموسيقى حرام شرعا) حتى كلاماتها انا بجد لما سمعتها اتنرفزت ربنا يهدينا ويهدى جميع المسلمين ويهدى الاخ اللى بيقول انه بيسمع الاغانى دى وبيحبها ومش شايف فيها حاجه يا حضرت مفايه المسيقى اللى فيها
يا ناس حرام عليكوا مصطفى محمود بيحاول يعبر عن مشاعرناويلبى احتياجاتنا من غير ما يعمل حاجة حرام وممكن ينجح وممكن لأ فساعدوه شجعوه لن الهدف محتاج نتعب عشانه كفايانا ازدواجية وتفريق بين الدنيا والدين
اتفق مع كل الاخوة والاخوات انها مبالغ فيها بعض الشئ فهذة المشاعر اعتقد انها لايجب ان تروى على الملا..مش عارفة دا راي وكمان السمت العام احنا مش متعودين على الشكل ده من الاغاني احنا مش عايزين النشيد يكون متجددبانه يقلد الاغاني ولكن عايزين التجديد يبقى فية ابداع قائم بذاتة وليس تقليييد وارجوكوا تسمعوا نشيد حب الزوجة للمنشد الاصيل عقيل الجناحي في شريط هكذا الحب
زكمان انشودة زوجتي للمنشد الرائع احمد بوخاطر في شريكط دعني وانتو حتعرفوا الفرق والشريطان موجودان على موقع انشاد
الأخ أو الأخت basmatokom الى كاتب يأسم استعباط إسلامي يأخى أو يأخى والله هتحاسب على الكلام ده الكلام ده ميصحش واحد مسلم يقوله مش من أخلاق النبى اصلا ً انك تقول كده راجع نفسك لو سمحت .. وأتق الله فيما تكتب ..
أخوانى جميعا بالله عليكم لاتحكموا على نوايا أحد لأننا لسنتطيع أن نكم على أحد سيحاسبنا الله
شكرا ً
أنا مبسوط من التعليق بتاع بسمتكم
و عندي اقتراح و هو انشاء بار اسلامي يتم فيه تشغيل اغاني مصطفى محمود الاسلامية و من الممكن أن ترقص فيه راقصة بالخمار او نسمح بالرقص المشترك بين الشباب و الفتيات بشرط التزام الملابس المحتشمة و عدم التفكير في حاجة و حشة اثناء الرقص و اللي عايز اي حاجة تانية نمشيهاله شرعي برضه و ماله زواج المتعة.انا مش عارف سبنا ايه لاصحاب السبن
طبعا انت يا دبدوب سايب الدنيا كلها باللي فيها وماسك في تعليقي مش عارف ليه ؟هقلك يا حبيبي يا دبدوب
اولا:لما اقلك ان فكرك يساري بتزعل واهو بتفرض سوء النيه في المتدينين ودي الف باء يسار .ليه مثلا متقلش ان يوجد في الدين راي حلل الموسيقى بشرط ان الكلام يكون حسن. وهما بيحاولوا يعملوا خير .
ثانيا:هترجم مقالات اجنبيه تفسرلنا ظواهرنا؟ صلي على النبي يا دبدوب مش كل اللي يقوله الاجانب صح .
ثالثا:انا قلت ان الاغاني دي مش عجباني ولا انا قلت رايي خالص؟ ايه اللزقه دي.
رابعا:حاجه تانيه من كلامك بتعبر عن فكر اليسار بتقول ان الموضوع ده بالنسبالي يعني انا اللي وحش وبفكر في الاغاني بمعنى وحش. وانت بقا الملاك اللي بتفرض حسن النيه طيب انا راضي ذمتك(تعالى جوه حضني وارتاح دي ليله تسوى كل الحياة)،(خليني اصرخ جوه حضنك من الحنان وكل مصرخ زودي الاحضان كمان) فسرلي الحضن تفسير ابن حلال منتا ملاك تقدر تخلي نيتك كويسه لكن انا عفريت نيتي على طول شيطانه زيي ولا اقلك؟ تيجي نضحك على نفسنا ونقول بيغنيها لمراته حتى لو لمراته مصطفى محمود مش بيقول حاجات زي دي في اغانيه
خامسا:انا حالتي مش صعبه ولا حاجه يا صحبي دبدوب كل ما فيها ان عندي احساس ودي ميزة مش عيب لكن اللي مش بيحس هو اللي تبقى حالته صعبه .
سادسا:اغنية سميره سعيدبتقول(ياللي ممكن اسيبلك نفسي ) تفتكر بتسيب نفسها للولد ده ليه؟ عشان يقعدوا يتدارسون القران؟ خلي نيتك كويسه(لان زي منتا عارف انا دايما نيتي وحشه بحمل الامور مالا تحتملها) وقولي بتسيب نفسها ليه؟
ياريت طالما التعليقات بقت فيها استهزاء علي الناس وتريقة من غير داعي زي الاخ الي اسمه عبدالله اشرف انا نفسي اعرف ايه الي بيقوله ده ياريت يبقي في كنترول من الموقع
ركاكة في التعبير!!!!!!!!!!!!!
يااااااه يا أخ Dabdoob لو كل الناس بالبراءة دي ....كانت مشاكلنا اتحلت من زمااان.........
زى ماتشوف واحدة(عفوا)لابسة وحش أوي وواقفة في الشارع متأخر أوي وبتقول اوعوا تفتكروا حاجه وحشة يا وحشين ياللي تفكيركوا وحش!!!!!!!!!!
روي عن النبي صلى الله تعالى عليه وسلم أنه قال: "الحكمة ضالة المؤمن فحيث وجدها فهو أحق بها" رواه الترمذي عن أبي هريرة،صدق الصادق المصدوق صلى الله عليه و سلم
ياريت لو عنددكوا أنا مهما كبرت بصوت حميد بس ;-)
سلام
أخوكم قذائف
السلام عليكم جميعاً ....
أحب أعلق في 4 نقاط .
أولاً : أناشفت في آخر المقال ان الراجل الطيب كاتب المقال قال إن طرح الموضوع للنقاش لإثراء الموضوع ( نستفيد أكتر يعني )مش نشتم بعض.
ثانياً: اللي زعلانين من كلام مصطفى محمود ومن الناس اللي بتسمع الأغاني اللي كلامها محترم علشان ده كلام ميرضسش ربنا ، كلامكم والاستهزاء بالناس والتريقة ده ترضي ربنا ؟؟؟؟؟؟؟؟؟؟
ثالثاً: الناس اللي بتنتقد يشدة الأناشيد اللي بموسيقى وبتشتم في الناس أفكرهم إن من مبادئ الإسلام عدم الاستهزاء بالغير .
قال تعالى : " يا أيها الذين آمنوا لا يسخر قوم من قوم عسى أن يكونوا خيراً منهم....(الآية) " .
رابعا: واحد زي مصطفى محمود اجتهد واللي بيجتهد ممكن يخطئ و ممكن يصيب فلو تأكدلينا إنه أخطأ نراجعه بأدب النصيحة اللي علمهولنا إسلامنا الحنيف مش بالشتيمة والتريقة .
أنا آسف للإطالة يا جماعة بس الكلمتين دول كان لازم أقولهم بعد لما شفت كل التعليقات الظريفة اللي فيها تهكم شديد لا يليق اننا نشوفه في سياق مناقشة تثري موضوع تم طرحه .
وجزاكم الله خيراً
الا معلش يا جماعة سؤال برئ
هو عشان احنا اتهرينا اغاني سافلة عن الحب و الرومانسية .. يبقى اي حد يقرب من موضوع الحب او الرومانسية .. يبقى زنديق و نشغله في بار !!
هوا عشان احنا اتهرينا غزل اباحي .. يبقى كل الغزل حرام ؟؟
هوا عشان واحد فكر يجدد في الانشاد او الغناء المشروع ( وهما مترادفان في معجم لسان العرب ) .. يبقى حاد عن الطريق
الراجل بيقول بكل براءة
"اول ما هندخل بيتنا راح نسجد نشكر لله و هنبتدي اول سكتنا على عهده اللي اتعاهدناه .. " مصطفى محمود
لما اغنية زي دي تشتغل في فرح (وهو شريط افراح لو حد اخد باله ) مش احسن من اما تشتغل اغنية "ضميني" ولا "خبيني" ولا حتى "كعبو كعبو حبيبي وانا الاعبو" ...
ولا عايزين الناس تنتقل بقدرة قادر من اغاني البورنو الى ابو مازن في صفعة واحدة على القفا
الصراحة انا شايف ان مصطفى محمود يرتقي بناالسلم درجة درجة بنجاح حتى الان و ان كان ينقصه الانتشار .. و ممكن كمان 20 سنه ولا حاجة نشوف نهاية السلم دة و تكون عودة للفن الحلال
ساعتها بأه هنفتكر انه في واحد في يوم من الايام بدأ السلم .. و ارجوا انه يكون مصطفى محمود لا سامي يوسف لأعتبارات تتعلق باللغة
حاجة اخيرة .. كنت اتمنى اقرأ من كاتب المقال البراء نقد لمصطفى محمود فنيا بعيدا عن هذة الجدالات و الاشتغالات ( براء باشا .. انا المروحة الكبيرة فاكرني
اما البشمهندز اللي عايز يشغل شريط "صناع الحياة" ولا "يا طريق" في بار اسلامي .. فممكن لو فيها بواخة يبقوا يقدموا معاه منقوع حبة البركة بكحول 8% .. واهو قليل منه يصلح المعدة
و بيني و بينك .. سامي يوسف مانجحش الا اما وصل للبار التليفزيوني اللي اسمه ميلودي .. فأعتقد ده يبقى قمة النجاح
قد لا نبالي بالرصاص ا>ا تهاوى حولنا
فانا و انت نفيق انت ثقب الرصاص رؤسنا
انا ارى ( يعني شايف ) ان الفرق الوحيد بين النشيد و الاغنية هو في الموسيقى
شيل الموسيقى من اي اغنية تبقى نشيد
اما مصطفى محمود و امثاله من منشدي اليومين دول بيترفعوا عن لقب مغني او مطرب عشان ميبقوش زي الناس الوحشين ( عمرو و منير و امثالهم )
اما بقا في المشكلة التانية و هي الصراع القائم بين الاسلاميين و الاسلاميين و لا احب ان اسمي اي طرف بالمتشدد او المعتدل لان الله وحده يعلم من الحق
هناك طائفة يتزعمها الدكتور محمد عمارة و يستندون على فتوى ابن حزم على تحليل الغناء شرعا و لا يجدون غضاضة في الموسيقى الغير مثيرة للغرائز ( ازاي معرفش بصراحه ) و لديهم ادلة عكسية بمعنى انهم قاموا بالتشكيك و تضعيف و تجريح كافة الاحاديث التي تتكلم عن حرمة الغناء و الموسيقى
و هو رأي فقي اجتهادي يجوز مناقشته و لا يجوز الحجر عليه و تتفيهه او تشويهه
اما الطرف الاخر فيرون ان الغناء حلاله حلال و حرامه حرام مثل علماء الجمعيه الشرعيه و الاخوان المسلمون و لا يجدون غضاضة في استخدام الات الايقاع فقط ( الدف و الطبله ) او الات التخبيط او استخدام المؤثرات الصوتيه الطبيعية مثل اصوات العصافير و صهيل الخيول و غيرها و هؤلاء ايضا لهم تجرب فريدة في قناة الفجر لعلوم القرآن الكريم و رأيهم ايضا يحترم
اما بقا السلفيين و انا منهم و الحمد لله ( رغم تقصيري في حق هدا المنهج العظيم ) فيرون ان الموسيقى محرمه بالكليه و ان الدف للنساء الصغيرات اي الاطفال و لهم ادلة كثيرة من الكتاب و السنة بعضها ضعفها و جرح فيها كما دكرنا انفا اصحاب المنهج و الراي الاول و لهم رأي محترم في العلماء ال>ين اختلفوا معهم
فالامام الالباني رحمه الله يقول عن الامام ابن حزم بانه امام مجتهد و كبير و لكن لكل عالم زله و ليس من الجزم الاخ> برأي ابن حزم في مسألة الغناء
و لكل دليله و الله يعلم الحق و هو يهدي السبيل
اما عن الاشتراطات الفنية و المهنيه و الدينية لاغاني 99 % من المطربين و المطربات الاحياء منهم و الاموات فهي لا تنطبق على اي من اصحاب الاراء الثلاثة
يبقا بم ان ادن
الفرق موجود
بس مين اللي هيدفع الفرق ؟؟؟
سلام عليكم ورحمة الله وبركاته
طرح مثل هذا الموضوع من الامور المهم جزاكم الله خيرا
بكل اسف ومع احترامى للعلماء الاجلاء الافاضل ولكننا الان نعانى من كثرة الفتوى حتى لدرجة انى عندما اشاهد حلقه فى برنامج يطرح تساؤلات دينيه فقهيه مع عالم او دارس للفقه فاننا نرى منه فتوه لو قلبت التلفاز ووجدت عالم اخر فى برنامج اخر اجد فتوة اخرى فى نفس الموضوع اخر فاللهم ثبتنا على راى واحد
انا اعلم انه حتى فى القديم كان هناك اختلاف فى الاراء ولكن ليس بهذه الصوره الموجوده اليوم, وانا اراى ان نستفتى قلبنا فهل ترون ان باستطاعة انسان ان يحفظ القران وهو مستمع لهذه الاغانى والكليبات والله بتجربتى انا والكثير مستحيل لذلك فان هذه الاغانى الفاسده تبعدنا كل البعد عن قراننا ومرشدنا فى هذه الحياه ولن نستطيع ان نكون من حملة القران فوالله نكون بعيدين كل البعد عن قراننا مدامت هذه الاغانى فى اذننا فلا سعاده فى هذه الحياه بعيده عن رضا الله عزوجل وارى ايضا, هل اذا كان رسولنا وحبيبنا محمد صلى الله عليه وسلم يعيش معنا فى هذه الايام هل كان سيعجب بهؤلاء وهل كان سيسمع لهم فاذا كونا نحب ان نكون على خطاه فيجب علينا البعد عن هذه الاغانى وارى اننا سوف نحاسب عن هؤلاء لاننا نشجعهم على ما يقومون به فلولا تشجيعنا باللتفرج عليهم والانصات اليهم وشراء شرائطهم وحضور حفلاتهم ما كانوا حققوا هذا النجاح الذى جعلهم يزدادون فى اعدادهم لنشر الفساد بين المسلمين حتى لو لم نكن غير مقتنعين بما يعملوه ولا نتمنى ان نكون مثلهم, مع العلم انى مع راى ان الموسيقى اذا استخدمت بالطريقة المفيده الهادفه فلا مانع منها لاننا الان فى زمن كثرة فيه الفاحشه والوسطيه هى افضل وسيله
وشكرا
اقصد محمود
مش فارقه
بس الحلو هنا
انه اعلان حلو
مالكم ياعرب داقين في بعضكم الكلمة الاولى والاخيرة في هذا الموضوع للشرع واجمهور العلماء قديما وحديثا على حرمة الموسيقى ولم يجزها الا نفر قليل مثل ابن حزم قديما والغزالي ومحمد عمارة والقرضاوي حديثا ..والادلة الاقوى كما يقول العلماء هي مع التحريم ......وبعدين مين مصطفى محمود انا لما سمعته فكرته مصطفى قمر ...فعلا هذا هو الاسلام الامريكاني
مصطفى محمود ده بيستهبل وعايز يعمل بلبلة وخلاص وأغانيه ولن أقول أناشيد وحشة وصوته مقرف
ماله النشيد ماله "في جيبه"
لديد وجميل وسكره ومصفي محمود راجل قلبوظه وعسل بردو
اهو قليله احسن من شعبولا
وعادي في اناشششششيد كتيره جدا فيها موسيقي المهم يابشر
قد تكون حماسيه ...الخ اللي دكروه لكاتب
والعالم متتطلعش تتكلم وهي مش فاهمه
وفي حته في نشيد اتكلمت عن الحب بمعني رائع
" بيسالوني عن معني كلمه حب انا قلت احساس بيسكن كل قلب
وبين قلوب الناس يتبدل الاحساس في ناس بتعشق فسها وناس تحب
الناس والحب اللي في رحاب المولي يضمنا ياريت نعرف نعيشه ونخاف
علي بعضنا الحب لو في الله محلاه يا ناس محلاه مهوش لمال اوجاه
وميقللش بمال وبين قلوب الناس يتبدل الاحساس في
ناس بتعشق نفسها وناس تحب الناس
ومحبه الازواج الرحمه والسكن حب ود وسعاده وربيع طول
الزمن انسانه تحس جرحك عيشه حزنك وفرحك تحبها وتحبك وحبكم اخلاص
حب الام لضانها قبل معاد اللقي " لمدام رغداء "
شهور تحلم بصورته وتحكي عن غلوته ومهما بشقها قولتوه
دا الحب دا احساس ...
واسمعو اناشيد في خماره محترمه شويه مش قزازه فودكا " ايه الهبل دا"
إيييييييييييييييييييه؟
أنا مهما كبرت اللي انتوا حاطينها مش بتاعت عمرو دياب يا جدع منك ليه!
دي تحريف إسلامي للأغنية الأصلية!
إيييييييييييييييييييه؟
هاتستعبطونا؟ لأ احنا مخربشين وناكلها والعة!
متشتغلوناش!
واضح ان فية لخبطة ورائى ان
1- كلمة اسلامية فى التجارة هوا مصطلح تسويقى لاغير ( اتصل على 0900 واربح رحلة للعمرة الهاتف الاسلامى ) كلام تسويقى لفكرة بيع عادية ومنها الاخ مصطفى محمود دة .
2- مشكلتنا فى مصر اننا مش عارفين صحيح اسلامنا وعلشان كدة بنختلف كتير جدا
3- بعد ظهور عمرو خالد ورفاقة كل واحد اصبح داعية مع العلم ان اعظم جهاد هوا جهاد النفس
طب ما لما يبقى كل واحد داعية يا أخ المحامي يبقى الوضع ده سليم!
مش فاهم إيه اعتراضك!
وده لا يتنافى مع جهاد النفس..
مقولة اننا في مصر مش عارفين صحيح إسلامنا دي مقولة مرفوضة جملة وتفصيلا..
العلم هو هبة من الله تعالى لا نعلم من أنعم الله عليه بها!
وحتى لفظ إسلامي يوضع على المحك ويعرف من يستخدمه للتسويق ومن يستخدمه للتمييز!
يا جماعة بلاش اصدار احكام عالناس...اللي قال ان اغاني مصطفى محمود استعباط يبقى الصراحة بيستعبط....لانه مش استعباط بس ....دا هبل وتخلف.
يكفي ان كاتب الموضوع واللي كتب عنه واللي مقرين تققت فيهم نبوءة النبي (يكون اقوام من امتي يستحلون الحر والحرير والخمر والمعازف)
عادي ...مش تزعلوا ....الخمورجية برضوا وقعوا وقالوا دي مشروبات روحية.
والله سواء استحللتموها بغباء واستهبال من عندكم.....او بفتوى عالم مسمومة من علماء اليومين دول....أو باي شيء.....فقد استحللتموها.....وطبقتوا زي ما الكتاب بيقول .....قصدي زي مالنبي بيقول.
الاخ البراء....نصيحة على جنب:
لو ربنا سترك وانت بتكلم واحدة عالماسينجر ...بلاش تفضح نفسك عالملأ عشان دي مجاهرة بالذنب يا حبيبي .....وان قاوحت فانا بسألك بالله ...تعمل ايه لو النبي دخل عليك وانت بتكلم زميلتك ...أكيد هتقفل الشات فورا وتعمل عبيط.
ملحوظة: لو الذنب عندكم تحول لاستحلال ....فلا تشغل نفسك بمحاولة فهم كلامي .....لانك في هذه الحالة تحولت من عاصي لمستحل....وحاجة زي كدا مش عاوزة كلام من عبد زيي ......ميفرجهاش غير ربنا.
والسلام عليكم
اما وجهة نظرى ان الشخص يتحول داعى دينى فى حالة اذا ماكان متفقة فى الدين يعنى حافظ القران او على الاقل نصفة وقارى كويس فى كل العلوم الدينية ولة وجهة نظر دينية يعترف بها الفقهاء او شيوخ الازهر اما بقى كل واحد سمع كلمتين ييجى يعمل نفسة داعية دة كلام مش مظبوط
وحكاية اننا فى مصر مش عارفين صحيح اسلامنا دة كلام حقيقى ومتبصش لنفسك انا بتكلم على مجتمع نصفة امى والناس بتوع الارياف لغاية النهاردة بتحكمهم العادات والتقاليد اللى جزء منها من الدين والباقى ضد الدين فية ناس لغاية النهاردة لو واحد اتكلم قدامهم فى الدين مبيعرفشى اذا كان كلامة صح فى الدين فعلا ولا الراجل دة مدعى واغلب الظن اننا فى مصر بنستقبل الدعاة بالعاطفة مش بالعقل
لانعه مافيش فرق
استاذ محمد خليل ملف الصوت عاد للعمل
وكمان فيه مواقع كتير زى الموقع الاسلامى المعروف" "ISLAMWAY.COM
ولو عايزينى اختارلكم ممكن تسمعو قصيه "ليس الغريب" للشيخ مشارى راشد
هذه القصيده كتبها الامام زين العابدين بن على
اللهم ارنا الحق حقا وارزقنا اتباعه وارنا الباطل باطلا وارزقنا اجتنابه
عايز اشكر البراء ياجماعة علي أنة فتح الموضوع المثير دة وديما احنا متعودين منة علي التخبيط في الحيــلل كدة وبيحط ايدة علي (نقطة الموضوع)زي مقال اللمبي وعلي فكرة انا بستخدم النت من زمان مفيش مرة فكرت اكتب مشاركة ودي اول مرة اشارك برأي في موضوع علي النت لاني شيفة مهم جداً .
بتتكلم علي الوضع الحالي بتاع الفن الاسلامي يا البراء بس انا عايز ارجع ورا شويه بالزمن أيام الحرب الباردة في السبعينات والثمانينات وأوائل التسعينات وكان ساعتها العالم مقسوم نصين وفي صراع ايدولوجيات وأفكار(حلوة ايدولوجيات دي؟...لسة عارفها امبارح)المهم وكانت الفكرة الإسلامية لسه في المهد ولسه لم تنضج يعني في المراحل الأولي وكان علشان الإسلاميين يميزوا نفسهم وسط الدووشة دي كان بيقوللك علي كل حاجة إسلامي تمر هندي إسلامي ودرة وفشار إسلامي كان لازم كده في المرحلة دي برضو مننساش ان مؤيدي الفكرة كان عددهم قليل جداً وكان الناس(عامة الشعب يعني) مش فاهمين الاسلامين عايزين اية بالظبط وكان الاسلاميين علي الطرف الاخر حاسيين بالعزلة عن المجتمع وكانو ببغنوا " غربــــــاء " ويسموا اولدهم" البـــراء"( واخــد لـي بالك معايا ) علشان أسماء إسلامية بمعني أخر مفيش نوع من الانسجام مع المجتمع ومع الإنسانية كلها وكان بيعيشك واحد تاني مش انت وكان بيحطك في صراع مريض مع نفسك بين فلان الانسان(الي عايز ياكل ويشرب ويقضيها )وبين فلان نفسة الاخ بتاع الاخوان والدليل علي كلامي دة عايزك لو وقعت علي عددين او ثلاثه من مجلة الدعوة او المنار) الي اتمنعو الي كان بيصدرها الإخوان المسلمين باعتبارهم اوسع الجماعات الاسلامية انتشارا واعتدالا ً(هما الي بقولو واللة) هتحس لما تقراء ان المجلة دي كان الي بيصدرها طالبان مش الاخوان وعايزك بقي تبص علي المجلات الي طلبة الاخوان بينشروها في الجامعة ويبعوها في الكليات وهما بيغنوا "قلب كبير" ولم تعد الفكرة الاسلامية مسغربة او غريبة عن الناس بعد عمرو ..........خالد طبعا مش دياب وسامي يوسف والذي منة.
علشان كدة مينفعش نفصل حركة الفن الاسلامي عن التاريخ الثقافي والأجتماعي والسياسي العام الي كانت بتمر بية المنطقة كلها الي عايز اقولو ان الدنيا بتتغير والأسلامينن بتغيروا وبقوا واقعيين اكثر من الاول.(افتكر كدة حملة الانتخبات الي فاتت واسلوب الدعاية الحديثة وكمان واخد بالك معايا من الحركة الي عملها الدكتور عبد المنعم ابو الفتوح عضو مكتب الارشاد في جماعة الاخوان لما زار الاديب العالمي نجيب محفوظ في بيته ) مش بقولوكو بيتغيروا.
انا لا أعطي مبررات للموضوع دة (قصدي اطلاق وصف اسلامي علي كل حاجة عمال علي بطال) لأني برفضوا تماما برفض تقسيم الاشياء عموما الي اسلامي وغير اسلامي مش الفن بس او الاغاني لأ كل حاجة تربية واقتصاد وسياسة ولكن بحب اقول هادف مش هادف مفيد مش مفيد نافع غير نافع حتي لو كان الهدف هو التسلة والامتاع يعني بالمفهوم دة انا اقدر اقول علي مسلسلات محمد صبحي ومسرحياتة اسلاميةوعروض دار الاوبرا اسلامية وموقع عشرينات اسلامي (هوديكو لاظوغلي) وفيلم القلب الشجاع بتاع ميل جيبسون برضو اسلامي!!! (بالعند) بس الرأي دة مكنش ينفع يتقال قبل كدة لان الظروف مش هتسمح بدة وحركة زي الي عملها الدكتور ابو الفتوح لو كان عملها من عشر سنين كان الاسلاميين هـيغـزووو ويعــلّموا علية (اذا كان دلوقتي اتبرّوو من عملتو دي وبيقولو علية انة ديما في حجات كدة بيطلع فيها وبعملها من دماغو وميخدش راي الجماعة.. والبركة.. وسمع وطاعة.. ووحدة صف ..وتجرد.. وبيعة.. واخلاص نية..وربع لنشون وبجنية مخلل وحجات كدة تانية كتير بيقولو عليها مش فاهم منها حاجة)
وحاجة عايز أوضحها لازم أكون حريص علي تقييم المنتج الفني من منظور الفن كفن وهل هو علي المستوي ولا لأ ومش معنا إني بقدم حاجة هادفة إني مهتمش بالعناصر الفنية الاخري من جودة صوت والأخراج نقاء صورة .....الخ وعجابني جدا سامي يوسف لما طلع مع احمد منصور في بلا حدود علي قناةالجزيرة 8/3 الي فات وقال بالحرف "أعتقد أن هناك فراغا بين الفن الملتزم والراقي لأنني مسلم وأعتبر نفسي من العالم العربي والإسلامي، فنحن في الحقيقة نفتقر إلي أعمال فنية منتَجة وفقا لمعايير عالية وسامية" ودا معناة انه فاهم كويس هو بيعمل اية ولما سألة احمد منصور عن " الجمهور الذي تستهدفه؟" سامي قال بالحرف " الجمهور الذي أستهدفه هو الإنسانية جمعاء، الإنسانية برمتها ليس فقط المسلمين "
واقرا كمان معاية أي هو هدف سامي يوسف الي قالو في الحلقة دي " من وجهة نظر فنية إحدى طموحاتي أن أقدم مقطوعات سيمفونية وأن تكون معزوفة بأوركسترا لكن من حيث مهمتي ورسالتي أنا أريد لموسيقاي أن تُسمع من قِبل الإنسانية جمعاء، ثانيا أريد أن أكسر الهُوَّة، أريد أن أكون جزءا من بناء صناعة موسيقية إسلامية لها علاقة بالتسلية والترويح ولكن أيضا مع التثقيف والتربية كما سماها البعض مزيجا بين التعليم والترويح والتسلية"
يعني الراجل بيخاطب البشرية كلها مش المسلمين بس او الاسلاميين بس او المصريين بس وعلشان كدة مبيعات البومة كسرت المليون في انحاء العالم في حين لو فرقة"اللمبةالقلاووظ"الاسلامية لو عبت شرط (بدون دف) وباعتو في معرض الكتاب ووزع خمس ست الاف نسخة (هيبوسوو ايدهم شعر ودقن)وانا برضو يا بشر في الاناشيد دي ممن ايام "الورده الحمراء "والبيضا"لغايه دلوقتي زي ( هبهوب) الي مشارك اول واحد
اخر حاجة عايز اقولها للناس الي كاتبين فوقية ماعدا (مصري ) لوسمحتو لو سمحتوا لو سمحتوا محدش يعيش في الدووووووور علشان كلنا بصلاعـنبـي كدة بنحب اللمي وهنيدي وبنشوف مزيكا وميلودي ورتانا سينما من الاخر
كله اسلامي ، مادام لا يحدد امراة بعينها ولا يتضمن كلاما فاحشا بل من الغزل العفيف ،لأن الموسيقى اجازها علماء لهم ادلتهم ، اما الكلام فكثير من العلماء على جواز الغزل العفيف، وشوفوا بردة كعب بن زهير ، التفرقة هي تكريس للاحادية في الدين فهما وممارسة ، ودا خطير ياجماعة معناه ارهاااااااب ..
كلها موسيقى في الاخر، تسموه نشيد تسموه اغنية او طقطوقة، في الاخر كله فن، والفن الكويس بيفضل والفن الهابط بيروح مع الوقت
مش كيميا يعني!!
اما موضوع "إسلامي" فده بصراحة اكتر حاجة بتستفزني... مع اني مسلم ولله الحمد، بس الموضوع بقى في تسطيح بطريقة مستفزة ومتاجرة بالدين
وبعدين انا نفسي افهم يعني ايه موسيقى اسلامية؟!!
ومين اللي له الحق انه يقول ده اسلامي وده مش اسلامي؟!!
الى الأستاذ المهذب أو الأستاذة المهذبة basmatokom
جزاكم الله خيرا على هذا الأدب الجم
مصطفى محمود
السلام عليكم ورحمة الله وبركاته
انا مبدئيا مش هاتناقش فى الموضوع لأن براء أظن عارف رأيي فيه كويس
بس أنا ليه تعليق وطلب واحد
يا جماعة اتقوا الله وانتوا بتتكلموا عن ناس بعينها
لأن واضح إن مسألة التجريح فى المسلمين
بمنتهى سوء الأدب أصبح سهل على كتير من الناس وبيستحلوها
أنا بانصحكم بإن ده حرام أما أنافمش هاسامح أبدا حد أهاننى أنا شخصيا
فأنا بأرحب بأى إختلاف معايا فى وجهة النظر فنيا أو دينيا أو بأى شكل
إنما سوء الأدب فأكرر إنى لن أسمح بيه ولن أسامح فيه أبدا
مصطفى محمود
بجد يامصطفى ربنا يكرمك على طريقتك فى الكلام وأدعي لكل حد قال عليك كلمة وحشة ان ربنا يغفرله ويسامحه لأنهم بيحطوا حجج ويقولك طول منا نيتى خير أدوووووس بس انا أقول حسبى الله ونعم الوكيل وانا شاهد معك عليهم يوم القيامة بإذن الله ..
رززقك الله الإخلاص يأخى وثبتك ورزقك الطريق السليم
اللهم إن الإخلاص قد شق علينا فمكننا منه
اولا ياجماعة انا بحب اشكر اخونا مصطفى محمود على الاغنى الجميلة اللى هو بيعملها لانه خلى الواحد فعلا بعد ماكان بيقول ان مفيش اناشيد او اغنى دينية كويسة انه يرجع ويقول لأ انه فعلا فيه حاجات كويسة ممكن نسمعها وتغير وجهة نظر الواحد فيها.
ثانيا ياجماعة ياريت نحط ادينا على نقطةالموضوع احنا مش هنخش في تفاصيل كتير بس انا عاوز اسال كل واحد بالله عليك بينك وبين نفسك الفرق عارف في ايه ولة لأ
واذا مكنتش عارف اقلك ان الفرق موجود في الكلمات طبعا كلمات مصطفى محمودمعانيها اسمى بكتر من الكلام الفارغ اللي انتو بتسمعهوه
ثالثا الناس اللى بتكلم في الفاضى ياريت تتكلم على حد ينفع يتكلموا عليه او يجرحوا فيه وميتكلموش ع الناس المحترمة واحسنلهم يروحوا يتكلموا ويواجهوا نانسي وهيفاء
رابعا كلمة الى اخى مصطفى محمود:
بقلك يامصطفى بالمصري كده نفض لكلام الناس اللي بيتقال وانت صح وشد حيلك وربنا يوفقك ويخليك ترفع من شان الاغنية الاسلامية
والسلام عليكم ورحة الله وبركاته
م الاخر
الراجل غسلكو
وشطفكووو
اتلمو بقة
انا شفت مصطفى يا جماعة من اسبوعين فى فر ح واحدة زميلتى والجدع بقى وااااحد تااانى
خس موووت
انا ماعرفتوش بقى نجم بجد يعنى
اولا السلام عليكم ورحمة الله وبركاتة بدي احكيلكم يا اخوة اللي ما بفهم في شغلة ما يفتي وهو مو عارف شو بحكي اللهم ان اعوذ بك من علم لا ينفع طبعا بالنسبة للانشيد ايا كانت فهي ليست كالاغاني الاغاني كلام مش مفهوماما الاناشيد في تقربك الي الله ونصيحتي يا اخوة ان تتفكرو في اخرتكم وقبركم وتذكر ان الله يراك
اريد اناشيد هيا الى النجاح
عرف الشيخ مشاري العرادة النشيد بأنه نغمة الصوت أما الأغنية فهي نغمة الموسيقى.
اخواتى واخوانى فى الله
مش معنى ان النشيداوالاغنيه ذى ماتسموهاانتمالى نزلها مصطفى اوغيره من المنشدين الاسلاميين يكون فيها موسيقى انها اغنيه اولا النشيد بمعناه مش بمسيقته اوغيره المهم المعنى رايح فين بيعمل ايه فى الشباب ثانيا بصوا حوليكوا وشوفوا الشباب بتشوف ايه فى القنوات وغيره ده ضيع منينا شباب كتير وده الى بيحاول يعمله مصطفى وغيره وهوة انهم يسمعوا الشباب حاجه على نفس المستوى الى اتعودوا يسمعوه بس بعنى هادف ما يسرش جواهم الشهوات فى الطريق الخاطى ودى حاجه مهمه واحنا محتجينها دلوقتى اوىىىىىىىىىىى ارجوا ان احنا نشجعهم مش نعارضهم يارب تكونوا اقتنعتوا بكلامى
بسم الله الرحمن الرحيم :
الحقيقة اني لما سمعت بداية الاغنية محسيتش ابدا اني في فرق بين الاسماء للي نتو حطينها.
هو في الحقيقة الموضوع جميل ونوقش بشكل محترم لكن مضنيش ابدا ان الشكل دا من الاغاني يمكن نصنفو ضمن الانشودة الاسلامية.
دي اغنية عادية زيها زي غيرهالانو في خطاب للمشاعر بشكل مباشر.
عموما نتمنى ان الفن الاسلامي يصل فيوم من الايام الى شكل يرضى متابعيه رغم ان في محاولات جميلة لكن الطريق مازالت طويلة.
اخيرا اخواني اخواتي اتمنى ان الانتقاد اكون بشكل محترم دون المساس بالاخريين بشكل يجرح.
ان اسرائيل وقعت في حفرتين الولى في غزة والثانية لبنان ان النصر قادم اللهم انصرهم واجعل اسرئيل تمحى
انا الايراني اخبر عن اغنيه السامي و رغبت اليه و فرحت من الانشاد المعنوي والاهي و لذلك اعتقد انّ الاغنيه امكن ان يستخدم بالدين و الاسلام و المسلمون احسن ان الحامي لهذه الاغنيه
في امان الله
انا احب اسمع ىاغنية الامريكاني للفنانة سميرة سعيد لانها اغنية حلوة
أنا اسمي نهيلة من المغرب عمري 13 سنة و أريد سماع جميع لأناشيد لقناة النجاح و أريد أن أقول انني أحب جميع البرامج و لأناشيد كل شىء يتعلق بقناة النجاح
و السلام عليكم
أنا بحب اليسا و نانسي وهيفاء وهبي و نجوى كرم وبس
مع تحياتي
سميه
أبوظبي